| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
3. д̇ад̇ияабаадид̣̇зсанийяасигкаабад̣̇ам̣
3. Tatiyapāṭidesanīyasikkhāpadaṃ
562. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна саавад̇т̇ияам̣ ан̃н̃ад̇арам̣ гулам̣ убхад̇обасаннам̣ ход̇и. сад̣̇д̇хааяа вад̣дхад̇и, бхог̇зна хааяад̇и, яам̣ д̇асмим̣ гулз уббаж̇ж̇ад̇и бурзбхад̇д̇ам̣ каад̣̇анийяам̣ ваа бхож̇анийяам̣ ваа д̇ам̣ саб̣б̣ам̣ бхигкуунам̣ виссаж̇ж̇зд̇ваа аббзгад̣̇аа анасид̇аа ажчанд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа на мад̇д̇ам̣ ж̇аанид̇ваа бадиг̇г̇ахзссанд̇и! имз имзсам̣ д̣̇ад̇ваа аббзгад̣̇аа анасид̇аа ажчанд̇ий’’д̇и!! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, яам̣ гулам̣ сад̣̇д̇хааяа вад̣дхад̇и, бхог̇зна хааяад̇и зваруубасса гуласса н̃ад̇д̇ид̣̇уд̇иязна гаммзна сзгкасаммуд̇им̣ д̣̇аад̇ум̣. зван̃жа бана, бхигкавз, д̣̇аад̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
562. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sāvatthiyaṃ aññataraṃ kulaṃ ubhatopasannaṃ hoti. Saddhāya vaḍḍhati, bhogena hāyati, yaṃ tasmiṃ kule uppajjati purebhattaṃ khādanīyaṃ vā bhojanīyaṃ vā taṃ sabbaṃ bhikkhūnaṃ vissajjetvā appekadā anasitā acchanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā na mattaṃ jānitvā paṭiggahessanti! Ime imesaṃ datvā appekadā anasitā acchantī’’ti!! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, yaṃ kulaṃ saddhāya vaḍḍhati, bhogena hāyati evarūpassa kulassa ñattidutiyena kammena sekkhasammutiṃ dātuṃ. Evañca pana, bhikkhave, dātabbā. Byattena bhikkhunā paṭibalena saṅgho ñāpetabbo –
563. ‘‘сун̣аад̇у мз, бханд̇з, сан̇гхо. ид̇т̇аннаамам̣ гулам̣ сад̣̇д̇хааяа вад̣дхад̇и, бхог̇зна хааяад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса гуласса сзгкасаммуд̇им̣ д̣̇ад̣̇зяяа. зсаа н̃ад̇д̇и.
563. ‘‘Suṇātu me, bhante, saṅgho. Itthannāmaṃ kulaṃ saddhāya vaḍḍhati, bhogena hāyati. Yadi saṅghassa pattakallaṃ, saṅgho itthannāmassa kulassa sekkhasammutiṃ dadeyya. Esā ñatti.
‘‘сун̣аад̇у мз, бханд̇з, сан̇гхо. ид̇т̇аннаамам̣ гулам̣ сад̣̇д̇хааяа вад̣дхад̇и, бхог̇зна хааяад̇и. сан̇гхо ид̇т̇аннаамасса гуласса сзгкасаммуд̇им̣ д̣̇зд̇и. яассааяасмад̇о камад̇и ид̇т̇аннаамасса гуласса сзгкасаммуд̇ияаа д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Itthannāmaṃ kulaṃ saddhāya vaḍḍhati, bhogena hāyati. Saṅgho itthannāmassa kulassa sekkhasammutiṃ deti. Yassāyasmato khamati itthannāmassa kulassa sekkhasammutiyā dānaṃ, so tuṇhassa; yassa nakkhamati, so bhāseyya.
‘‘д̣̇иннаа сан̇гхзна ид̇т̇аннаамасса гуласса сзгкасаммуд̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinnā saṅghena itthannāmassa kulassa sekkhasammuti. Khamati saṅghassa, tasmā tuṇhī, evametaṃ dhārayāmī’’ti.
зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Evañca pana, bhikkhave, imaṃ sikkhāpadaṃ uddiseyyātha –
‘‘яаани ко бана д̇аани сзгкасаммад̇аани гулаани, яо бана бхигку д̇ат̇ааруубзсу сзгкасаммад̇зсу гулзсу каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇зяяа ваа бхун̃ж̇зяяа ваа, бадид̣̇зсзд̇аб̣б̣ам̣ д̇зна бхигкунаа – ‘г̇аараяхам̣, аавусо, д̇хаммам̣ аабаж̇ж̇им̣ асаббааяам̣ баадид̣̇зсанийяам̣ д̇ам̣ бадид̣̇зсзмий’’’д̇и.
‘‘Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādeyya vā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ taṃ paṭidesemī’’’ti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
564. д̇зна ко бана самаязна саавад̇т̇ияам̣ уссаво ход̇и. мануссаа бхигкуу ниманд̇зд̇ваа бхож̇знд̇и. д̇амби ко гулам̣ бхигкуу ниманд̇зси. бхигкуу гуггужжааяанд̇аа наад̇хиваасзнд̇и – ‘‘бадигкид̇д̇ам̣ бхаг̇авад̇аа сзгкасаммад̇зсу гулзсу каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ид̇ум̣ бхун̃ж̇ид̇у’’нд̇и. д̇з уж̇жхааяанд̇и кияяанд̇и вибаажзнд̇и – ‘‘гим̣ ну ко наама амхаагам̣ ж̇ийвид̇зна яам̣ аяяаа амхаагам̣ на бадиг̇г̇ан̣ханд̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, ниманд̇ид̇зна сзгкасаммад̇зсу гулзсу каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ид̇ум̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
564. Tena kho pana samayena sāvatthiyaṃ ussavo hoti. Manussā bhikkhū nimantetvā bhojenti. Tampi kho kulaṃ bhikkhū nimantesi. Bhikkhū kukkuccāyantā nādhivāsenti – ‘‘paṭikkhittaṃ bhagavatā sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjitu’’nti. Te ujjhāyanti khiyyanti vipācenti – ‘‘kiṃ nu kho nāma amhākaṃ jīvitena yaṃ ayyā amhākaṃ na paṭiggaṇhantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, nimantitena sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –
‘‘яаани ко бана д̇аани сзгкасаммад̇аани гулаани, яо бана бхигку д̇ат̇ааруубзсу сзгкасаммад̇зсу гулзсу буб̣б̣з аниманд̇ид̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇зяяа ваа бхун̃ж̇зяяа ваа , бадид̣̇зсзд̇аб̣б̣ам̣ д̇зна бхигкунаа – ‘г̇аараяхам̣, аавусо, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’’д̇и.
‘‘Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu pubbe animantitokhādanīyaṃ vā bhojanīyaṃ vā sahatthā paṭiggahetvā khādeyyavā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’’ti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
565. д̇зна ко бана самаязна ан̃н̃ад̇аро бхигку д̇асса гуласса гулуубаго ход̇и. ат̇а ко со бхигку буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна д̇ам̣ гулам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. д̇зна ко бана самаязна со бхигку г̇илаано ход̇и. ат̇а ко д̇з мануссаа д̇ам̣ бхигкум̣ зд̇ад̣̇авожум̣ – ‘‘бхун̃ж̇ат̇а, бханд̇з’’д̇и. ат̇а ко со бхигку – ‘‘бхаг̇авад̇аа бадигкид̇д̇ам̣ аниманд̇ид̇зна сзгкасаммад̇зсу гулзсу каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ид̇ум̣ бхун̃ж̇ид̇у’’нд̇и гуггужжааяанд̇о на бадиг̇г̇ахзси; наасагки бин̣д̣ааяа жарид̇ум̣; чиннабхад̇д̇о ахоси. ат̇а ко со бхигку аараамам̣ г̇анд̇ваа бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇илаанзна бхигкунаа сзгкасаммад̇зсу гулзсу каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ид̇ум̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
565. Tena kho pana samayena aññataro bhikkhu tassa kulassa kulūpako hoti. Atha kho so bhikkhu pubbaṇhasamayaṃ nivāsetvā pattacīvaramādāya yena taṃ kulaṃ tenupasaṅkami; upasaṅkamitvā paññatte āsane nisīdi. Tena kho pana samayena so bhikkhu gilāno hoti. Atha kho te manussā taṃ bhikkhuṃ etadavocuṃ – ‘‘bhuñjatha, bhante’’ti. Atha kho so bhikkhu – ‘‘bhagavatā paṭikkhittaṃ animantitena sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjitu’’nti kukkuccāyanto na paṭiggahesi; nāsakkhi piṇḍāya carituṃ; chinnabhatto ahosi. Atha kho so bhikkhu ārāmaṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānena bhikkhunā sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –
566. ‘‘яаани ко бана д̇аани сзгкасаммад̇аани гулаани, яо бана бхигку д̇ат̇ааруубзсу сзгкасаммад̇зсу гулзсу буб̣б̣з аниманд̇ид̇о аг̇илаано каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇зяяа ваа бхун̃ж̇зяяа ваа, бадид̣̇зсзд̇аб̣б̣ам̣ д̇зна бхигкунаа – ‘г̇аараяхам̣, аавусо, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’д̇и.
566.‘‘Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu pubbe animantito agilāno khādanīyaṃ vā bhojanīyaṃ vā sahatthā paṭiggahetvā khādeyya vā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’ti.
567. яаани ко бана д̇аани сзгкасаммад̇аани гулаанийд̇и сзгкасаммад̇ам̣ наама гулам̣ яам̣ гулам̣ сад̣̇д̇хааяа вад̣дхад̇и, бхог̇зна хааяад̇и. зваруубасса гуласса н̃ад̇д̇ид̣̇уд̇иязна гаммзна сзгкасаммуд̇и д̣̇иннаа ход̇и.
567.Yāni kho pana tāni sekkhasammatāni kulānīti sekkhasammataṃ nāma kulaṃ yaṃ kulaṃ saddhāya vaḍḍhati, bhogena hāyati. Evarūpassa kulassa ñattidutiyena kammena sekkhasammuti dinnā hoti.
яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
д̇ат̇ааруубзсу сзгкасаммад̇зсу гулзсууд̇и зваруубзсу сзгкасаммад̇зсу гулзсу.
Tathārūpesu sekkhasammatesu kulesūti evarūpesu sekkhasammatesu kulesu.
аниманд̇ид̇о наама аж̇ж̇ад̇анааяа ваа сваад̇анааяа ваа аниманд̇ид̇о, гхаруубажаарам̣ оггаманд̇з ниманд̇зд̇и, зсо аниманд̇ид̇о наама.
Animantito nāma ajjatanāya vā svātanāya vā animantito, gharūpacāraṃ okkamante nimanteti, eso animantito nāma.
ниманд̇ид̇о наама аж̇ж̇ад̇анааяа ваа сваад̇анааяа ваа ниманд̇ид̇о, гхаруубажаарам̣ аноггаманд̇з ниманд̇зд̇и, зсо ниманд̇ид̇о наама.
Nimantito nāma ajjatanāya vā svātanāya vā nimantito, gharūpacāraṃ anokkamante nimanteti, eso nimantito nāma.
аг̇илаано наама саггод̇и бин̣д̣ааяа жарид̇ум̣.
Agilāno nāma sakkoti piṇḍāya carituṃ.
г̇илаано наама на саггод̇и бин̣д̣ааяа жарид̇ум̣.
Gilāno nāma na sakkoti piṇḍāya carituṃ.
каад̣̇анийяам̣ наама бан̃жа бхож̇анаани – яаамагаалигам̣ сад̇д̇аахагаалигам̣ яааваж̇ийвигам̣ табзд̇ваа авасзсам̣ каад̣̇анийяам̣ наама.
Khādanīyaṃ nāma pañca bhojanāni – yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.
бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.
Bhojanīyaṃ nāma pañca bhojanāni – odano, kummāso, sattu, maccho, maṃsaṃ.
аниманд̇ид̇о аг̇илаано ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса . аж̇жхохаарз аж̇жхохаарз аабад̇д̇и баадид̣̇зсанийяасса.
Animantito agilāno ‘‘khādissāmi bhuñjissāmī’’ti paṭiggaṇhāti, āpatti dukkaṭassa . Ajjhohāre ajjhohāre āpatti pāṭidesanīyassa.
568. сзгкасаммад̇з сзгкасаммад̇асан̃н̃ий аниманд̇ид̇о аг̇илаано каад̣̇анийяам̣ ваа бхож̇анийяам̣ва сахад̇т̇аа бадиг̇г̇ахзд̇ваа каад̣̇ад̇и ваа бхун̃ж̇ад̇и ваа, аабад̇д̇и баадид̣̇зсанийяасса. сзгкасаммад̇з взмад̇иго…бз… сзгкасаммад̇з асзгкасаммад̇асан̃н̃ий аниманд̇ид̇о аг̇илаано каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ад̇и ваа бхун̃ж̇ад̇и ваа, аабад̇д̇и баадид̣̇зсанийяасса.
568. Sekkhasammate sekkhasammatasaññī animantito agilāno khādanīyaṃ vā bhojanīyaṃva sahatthā paṭiggahetvā khādati vā bhuñjati vā, āpatti pāṭidesanīyassa. Sekkhasammate vematiko…pe… sekkhasammate asekkhasammatasaññī animantito agilāno khādanīyaṃ vā bhojanīyaṃ vā sahatthā paṭiggahetvā khādati vā bhuñjati vā, āpatti pāṭidesanīyassa.
яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. асзгкасаммад̇з сзгкасаммад̇асан̃н̃ий, аабад̇д̇и д̣̇уггадасса. асзгкасаммад̇з взмад̇иго, аабад̇д̇и д̣̇уггадасса. асзгкасаммад̇з асзгкасаммад̇асан̃н̃ий, анаабад̇д̇и.
Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Asekkhasammate sekkhasammatasaññī, āpatti dukkaṭassa. Asekkhasammate vematiko, āpatti dukkaṭassa. Asekkhasammate asekkhasammatasaññī, anāpatti.
569. анаабад̇д̇и ниманд̇ид̇асса, г̇илаанасса, ниманд̇ид̇асса ваа г̇илаанасса ваа сзсагам̣ бхун̃ж̇ад̇и , ан̃н̃зсам̣ бхигкаа д̇ад̇т̇а бан̃н̃ад̇д̇аа ход̇и, гхарад̇о нийхарид̇ваа д̣̇знд̇и, нижжабхад̇д̇з, салаагабхад̇д̇з, багкигз, убосат̇игз, баадибад̣̇игз, яаамагаалигам̣ сад̇д̇аахагаалигам̣ яааваж̇ийвигам̣ – ‘‘сад̇и бажжаяз барибхун̃ж̇аа’’д̇и д̣̇зд̇и, уммад̇д̇агасса, аад̣̇игаммигассаад̇и.
569. Anāpatti nimantitassa, gilānassa, nimantitassa vā gilānassa vā sesakaṃ bhuñjati , aññesaṃ bhikkhā tattha paññattā hoti, gharato nīharitvā denti, niccabhatte, salākabhatte, pakkhike, uposathike, pāṭipadike, yāmakālikaṃ sattāhakālikaṃ yāvajīvikaṃ – ‘‘sati paccaye paribhuñjā’’ti deti, ummattakassa, ādikammikassāti.
д̇ад̇ияабаадид̣̇зсанийяасигкаабад̣̇ам̣ нидтид̇ам̣.
Tatiyapāṭidesanīyasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаадид̣̇зсанийяасигкаабад̣̇аван̣н̣анаа • 3. Tatiyapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баадид̣̇зсанийяасигкаабад̣̇аван̣н̣анаа • Pāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияабаадид̣̇зсанийяасигкаабад̣̇аван̣н̣анаа • 2. Dutiyapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияабаадид̣̇зсанийяасигкаабад̣̇ам̣ • 3. Tatiyapāṭidesanīyasikkhāpadaṃ
