| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๓. ตติยปาฎิเทสนียสิกฺขาปทํ
3. Tatiyapāṭidesanīyasikkhāpadaṃ
๕๖๒. ตติเย ‘‘อุภโต’’ติ เอตฺถ กรณเตฺถ โตติ อาห ‘‘ทฺวีหี’’ติฯ ‘‘อุภโตปสนฺน’’นฺติ พฺยาโสปิ สมาโสปิ ยุโตฺตเยว, สมาเส โตปจฺจยสฺส อโลโป โหติฯ ‘‘อุภโต’’ติปทสฺส สรูปํ ทเสฺสตุํ วุตฺตํ ‘‘อุปาสเกนปิ อุปาสิกายปี’’ติฯ กสฺมา อุภโต ปสนฺนํ โหตีติ อาห ‘‘ตสฺมิํ กิรา’’ติอาทิฯ ยสฺมา ตสฺมิํ กุเล…เป.… โสตาปนฺนาเยว โหนฺติ กิร, ตสฺมา ‘‘อุภโตปสนฺน’’นฺติ วุตฺตํ โหติฯ ‘‘สเจปี’’ติ เอตฺถ ปิสเทฺทน อสีติโกฎิธนโต อธิกมฺปิ สมฺปิเณฺฑติฯ หายนสฺส การณํ ทเสฺสติ ‘‘ยสฺมา’’ติอาทินาฯ
562. Tatiye ‘‘ubhato’’ti ettha karaṇatthe toti āha ‘‘dvīhī’’ti. ‘‘Ubhatopasanna’’nti byāsopi samāsopi yuttoyeva, samāse topaccayassa alopo hoti. ‘‘Ubhato’’tipadassa sarūpaṃ dassetuṃ vuttaṃ ‘‘upāsakenapi upāsikāyapī’’ti. Kasmā ubhato pasannaṃ hotīti āha ‘‘tasmiṃ kirā’’tiādi. Yasmā tasmiṃ kule…pe… sotāpannāyeva honti kira, tasmā ‘‘ubhatopasanna’’nti vuttaṃ hoti. ‘‘Sacepī’’ti ettha pisaddena asītikoṭidhanato adhikampi sampiṇḍeti. Hāyanassa kāraṇaṃ dasseti ‘‘yasmā’’tiādinā.
๕๖๙. ‘‘ฆรโต นีหริตฺวา’’ติ เอตฺถ ‘‘นีหริตฺวา’’ติ ปทสฺส กมฺมํ ทเสฺสตุํ วุตฺตํ ‘‘อาสนสาลํ วา วิหารํ วา’’ติฯ ‘‘อาเนตฺวา’’ติอิมินา นีปุพฺพหรธาตุยา อตฺถํ ทเสฺสติฯ ทฺวาเรติ อตฺตโน เคหทฺวาเรติฯ ตติยํฯ
569. ‘‘Gharato nīharitvā’’ti ettha ‘‘nīharitvā’’ti padassa kammaṃ dassetuṃ vuttaṃ ‘‘āsanasālaṃ vā vihāraṃ vā’’ti. ‘‘Ānetvā’’tiiminā nīpubbaharadhātuyā atthaṃ dasseti. Dvāreti attano gehadvāreti. Tatiyaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๓. ตติยปาฎิเทสนียสิกฺขาปทํ • 3. Tatiyapāṭidesanīyasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๓. ตติยปาฎิเทสนียสิกฺขาปทวณฺณนา • 3. Tatiyapāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปาฎิเทสนียสิกฺขาปทวณฺณนา • Pāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๒. ทุติยปาฎิเทสนียสิกฺขาปทวณฺณนา • 2. Dutiyapāṭidesanīyasikkhāpadavaṇṇanā
