| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
3. තතියපාටිදෙසනීයසික්‌ඛාපදං
3. Tatiyapāṭidesanīyasikkhāpadaṃ
562. තතියෙ ‘‘උභතො’’ති එත්‌ථ කරණත්‌ථෙ තොති ආහ ‘‘ද්‌වීහී’’ති. ‘‘උභතොපසන්‌න’’න්‌ති බ්‍යාසොපි සමාසොපි යුත්‌තොයෙව, සමාසෙ තොපච්‌චයස්‌ස අලොපො හොති. ‘‘උභතො’’තිපදස්‌ස සරූපං දස්‌සෙතුං වුත්‌තං ‘‘උපාසකෙනපි උපාසිකායපී’’ති. කස්‌මා උභතො පසන්‌නං හොතීති ආහ ‘‘තස්‌මිං කිරා’’තිආදි. යස්‌මා තස්‌මිං කුලෙ…පෙ.… සොතාපන්‌නායෙව හොන්‌ති කිර, තස්‌මා ‘‘උභතොපසන්‌න’’න්‌ති වුත්‌තං හොති. ‘‘සචෙපී’’ති එත්‌ථ පිසද්‌දෙන අසීතිකොටිධනතො අධිකම්‌පි සම්‌පිණ්‌ඩෙති. හායනස්‌ස කාරණං දස්‌සෙති ‘‘යස්‌මා’’තිආදිනා.
562. Tatiye ‘‘ubhato’’ti ettha karaṇatthe toti āha ‘‘dvīhī’’ti. ‘‘Ubhatopasanna’’nti byāsopi samāsopi yuttoyeva, samāse topaccayassa alopo hoti. ‘‘Ubhato’’tipadassa sarūpaṃ dassetuṃ vuttaṃ ‘‘upāsakenapi upāsikāyapī’’ti. Kasmā ubhato pasannaṃ hotīti āha ‘‘tasmiṃ kirā’’tiādi. Yasmā tasmiṃ kule…pe… sotāpannāyeva honti kira, tasmā ‘‘ubhatopasanna’’nti vuttaṃ hoti. ‘‘Sacepī’’ti ettha pisaddena asītikoṭidhanato adhikampi sampiṇḍeti. Hāyanassa kāraṇaṃ dasseti ‘‘yasmā’’tiādinā.
569. ‘‘ඝරතො නීහරිත්‌වා’’ති එත්‌ථ ‘‘නීහරිත්‌වා’’ති පදස්‌ස කම්‌මං දස්‌සෙතුං වුත්‌තං ‘‘ආසනසාලං වා විහාරං වා’’ති. ‘‘ආනෙත්‌වා’’තිඉමිනා නීපුබ්‌බහරධාතුයා අත්‌ථං දස්‌සෙති. ද්‌වාරෙති අත්‌තනො ගෙහද්‌වාරෙති. තතියං.
569. ‘‘Gharato nīharitvā’’ti ettha ‘‘nīharitvā’’ti padassa kammaṃ dassetuṃ vuttaṃ ‘‘āsanasālaṃ vā vihāraṃ vā’’ti. ‘‘Ānetvā’’tiiminā nīpubbaharadhātuyā atthaṃ dasseti. Dvāreti attano gehadvāreti. Tatiyaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 3. තතියපාටිදෙසනීයසික්‌ඛාපදං • 3. Tatiyapāṭidesanīyasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 3. තතියපාටිදෙසනීයසික්‌ඛාපදවණ්‌ණනා • 3. Tatiyapāṭidesanīyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පාටිදෙසනීයසික්‌ඛාපදවණ්‌ණනා • Pāṭidesanīyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 2. දුතියපාටිදෙසනීයසික්‌ඛාපදවණ්‌ණනා • 2. Dutiyapāṭidesanīyasikkhāpadavaṇṇanā
