| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੩. ਤਤਿਯਪਾਟਿਦੇਸਨੀਯਸਿਕ੍ਖਾਪਦਂ
3. Tatiyapāṭidesanīyasikkhāpadaṃ
੫੬੨. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਸਾવਤ੍ਥਿਯਂ ਅਞ੍ਞਤਰਂ ਕੁਲਂ ਉਭਤੋਪਸਨ੍ਨਂ ਹੋਤਿ। ਸਦ੍ਧਾਯ વਡ੍ਢਤਿ, ਭੋਗੇਨ ਹਾਯਤਿ, ਯਂ ਤਸ੍ਮਿਂ ਕੁਲੇ ਉਪ੍ਪਜ੍ਜਤਿ ਪੁਰੇਭਤ੍ਤਂ ਖਾਦਨੀਯਂ વਾ ਭੋਜਨੀਯਂ વਾ ਤਂ ਸਬ੍ਬਂ ਭਿਕ੍ਖੂਨਂ વਿਸ੍ਸਜ੍ਜੇਤ੍વਾ ਅਪ੍ਪੇਕਦਾ ਅਨਸਿਤਾ ਅਚ੍ਛਨ੍ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਨ ਮਤ੍ਤਂ ਜਾਨਿਤ੍વਾ ਪਟਿਗ੍ਗਹੇਸ੍ਸਨ੍ਤਿ! ਇਮੇ ਇਮੇਸਂ ਦਤ੍વਾ ਅਪ੍ਪੇਕਦਾ ਅਨਸਿਤਾ ਅਚ੍ਛਨ੍ਤੀ’’ਤਿ!! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਯਂ ਕੁਲਂ ਸਦ੍ਧਾਯ વਡ੍ਢਤਿ, ਭੋਗੇਨ ਹਾਯਤਿ ਏવਰੂਪਸ੍ਸ ਕੁਲਸ੍ਸ ਞਤ੍ਤਿਦੁਤਿਯੇਨ ਕਮ੍ਮੇਨ ਸੇਕ੍ਖਸਮ੍ਮੁਤਿਂ ਦਾਤੁਂ। ਏવਞ੍ਚ ਪਨ, ਭਿਕ੍ਖવੇ, ਦਾਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
562. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sāvatthiyaṃ aññataraṃ kulaṃ ubhatopasannaṃ hoti. Saddhāya vaḍḍhati, bhogena hāyati, yaṃ tasmiṃ kule uppajjati purebhattaṃ khādanīyaṃ vā bhojanīyaṃ vā taṃ sabbaṃ bhikkhūnaṃ vissajjetvā appekadā anasitā acchanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā na mattaṃ jānitvā paṭiggahessanti! Ime imesaṃ datvā appekadā anasitā acchantī’’ti!! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, yaṃ kulaṃ saddhāya vaḍḍhati, bhogena hāyati evarūpassa kulassa ñattidutiyena kammena sekkhasammutiṃ dātuṃ. Evañca pana, bhikkhave, dātabbā. Byattena bhikkhunā paṭibalena saṅgho ñāpetabbo –
੫੬੩. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਤ੍ਥਨ੍ਨਾਮਂ ਕੁਲਂ ਸਦ੍ਧਾਯ વਡ੍ਢਤਿ, ਭੋਗੇਨ ਹਾਯਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਕੁਲਸ੍ਸ ਸੇਕ੍ਖਸਮ੍ਮੁਤਿਂ ਦਦੇਯ੍ਯ। ਏਸਾ ਞਤ੍ਤਿ।
563. ‘‘Suṇātu me, bhante, saṅgho. Itthannāmaṃ kulaṃ saddhāya vaḍḍhati, bhogena hāyati. Yadi saṅghassa pattakallaṃ, saṅgho itthannāmassa kulassa sekkhasammutiṃ dadeyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਇਤ੍ਥਨ੍ਨਾਮਂ ਕੁਲਂ ਸਦ੍ਧਾਯ વਡ੍ਢਤਿ, ਭੋਗੇਨ ਹਾਯਤਿ। ਸਙ੍ਘੋ ਇਤ੍ਥਨ੍ਨਾਮਸ੍ਸ ਕੁਲਸ੍ਸ ਸੇਕ੍ਖਸਮ੍ਮੁਤਿਂ ਦੇਤਿ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਕੁਲਸ੍ਸ ਸੇਕ੍ਖਸਮ੍ਮੁਤਿਯਾ ਦਾਨਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Itthannāmaṃ kulaṃ saddhāya vaḍḍhati, bhogena hāyati. Saṅgho itthannāmassa kulassa sekkhasammutiṃ deti. Yassāyasmato khamati itthannāmassa kulassa sekkhasammutiyā dānaṃ, so tuṇhassa; yassa nakkhamati, so bhāseyya.
‘‘ਦਿਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਕੁਲਸ੍ਸ ਸੇਕ੍ਖਸਮ੍ਮੁਤਿ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Dinnā saṅghena itthannāmassa kulassa sekkhasammuti. Khamati saṅghassa, tasmā tuṇhī, evametaṃ dhārayāmī’’ti.
ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Evañca pana, bhikkhave, imaṃ sikkhāpadaṃ uddiseyyātha –
‘‘ਯਾਨਿ ਖੋ ਪਨ ਤਾਨਿ ਸੇਕ੍ਖਸਮ੍ਮਤਾਨਿ ਕੁਲਾਨਿ, ਯੋ ਪਨ ਭਿਕ੍ਖੁ ਤਥਾਰੂਪੇਸੁ ਸੇਕ੍ਖਸਮ੍ਮਤੇਸੁ ਕੁਲੇਸੁ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦੇਯ੍ਯ વਾ ਭੁਞ੍ਜੇਯ੍ਯ વਾ, ਪਟਿਦੇਸੇਤਬ੍ਬਂ ਤੇਨ ਭਿਕ੍ਖੁਨਾ – ‘ਗਾਰਯ੍ਹਂ, ਆવੁਸੋ, ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ ਤਂ ਪਟਿਦੇਸੇਮੀ’’’ਤਿ।
‘‘Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādeyya vā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ taṃ paṭidesemī’’’ti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੫੬੪. ਤੇਨ ਖੋ ਪਨ ਸਮਯੇਨ ਸਾવਤ੍ਥਿਯਂ ਉਸ੍ਸવੋ ਹੋਤਿ। ਮਨੁਸ੍ਸਾ ਭਿਕ੍ਖੂ ਨਿਮਨ੍ਤੇਤ੍વਾ ਭੋਜੇਨ੍ਤਿ। ਤਮ੍ਪਿ ਖੋ ਕੁਲਂ ਭਿਕ੍ਖੂ ਨਿਮਨ੍ਤੇਸਿ। ਭਿਕ੍ਖੂ ਕੁਕ੍ਕੁਚ੍ਚਾਯਨ੍ਤਾ ਨਾਧਿવਾਸੇਨ੍ਤਿ – ‘‘ਪਟਿਕ੍ਖਿਤ੍ਤਂ ਭਗવਤਾ ਸੇਕ੍ਖਸਮ੍ਮਤੇਸੁ ਕੁਲੇਸੁ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦਿਤੁਂ ਭੁਞ੍ਜਿਤੁ’’ਨ੍ਤਿ। ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਿਂ ਨੁ ਖੋ ਨਾਮ ਅਮ੍ਹਾਕਂ ਜੀવਿਤੇਨ ਯਂ ਅਯ੍ਯਾ ਅਮ੍ਹਾਕਂ ਨ ਪਟਿਗ੍ਗਣ੍ਹਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਨਿਮਨ੍ਤਿਤੇਨ ਸੇਕ੍ਖਸਮ੍ਮਤੇਸੁ ਕੁਲੇਸੁ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦਿਤੁਂ ਭੁਞ੍ਜਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
564. Tena kho pana samayena sāvatthiyaṃ ussavo hoti. Manussā bhikkhū nimantetvā bhojenti. Tampi kho kulaṃ bhikkhū nimantesi. Bhikkhū kukkuccāyantā nādhivāsenti – ‘‘paṭikkhittaṃ bhagavatā sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjitu’’nti. Te ujjhāyanti khiyyanti vipācenti – ‘‘kiṃ nu kho nāma amhākaṃ jīvitena yaṃ ayyā amhākaṃ na paṭiggaṇhantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, nimantitena sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –
‘‘ਯਾਨਿ ਖੋ ਪਨ ਤਾਨਿ ਸੇਕ੍ਖਸਮ੍ਮਤਾਨਿ ਕੁਲਾਨਿ, ਯੋ ਪਨ ਭਿਕ੍ਖੁ ਤਥਾਰੂਪੇਸੁ ਸੇਕ੍ਖਸਮ੍ਮਤੇਸੁ ਕੁਲੇਸੁ ਪੁਬ੍ਬੇ ਅਨਿਮਨ੍ਤਿਤੋ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦੇਯ੍ਯ વਾ ਭੁਞ੍ਜੇਯ੍ਯ વਾ , ਪਟਿਦੇਸੇਤਬ੍ਬਂ ਤੇਨ ਭਿਕ੍ਖੁਨਾ – ‘ਗਾਰਯ੍ਹਂ, ਆવੁਸੋ, ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮੀ’’’ਤਿ।
‘‘Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu pubbe animantitokhādanīyaṃ vā bhojanīyaṃ vā sahatthā paṭiggahetvā khādeyyavā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’’ti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੫੬੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਸ੍ਸ ਕੁਲਸ੍ਸ ਕੁਲੂਪਕੋ ਹੋਤਿ। ਅਥ ਖੋ ਸੋ ਭਿਕ੍ਖੁ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਤਂ ਕੁਲਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ। ਤੇਨ ਖੋ ਪਨ ਸਮਯੇਨ ਸੋ ਭਿਕ੍ਖੁ ਗਿਲਾਨੋ ਹੋਤਿ। ਅਥ ਖੋ ਤੇ ਮਨੁਸ੍ਸਾ ਤਂ ਭਿਕ੍ਖੁਂ ਏਤਦવੋਚੁਂ – ‘‘ਭੁਞ੍ਜਥ, ਭਨ੍ਤੇ’’ਤਿ। ਅਥ ਖੋ ਸੋ ਭਿਕ੍ਖੁ – ‘‘ਭਗવਤਾ ਪਟਿਕ੍ਖਿਤ੍ਤਂ ਅਨਿਮਨ੍ਤਿਤੇਨ ਸੇਕ੍ਖਸਮ੍ਮਤੇਸੁ ਕੁਲੇਸੁ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦਿਤੁਂ ਭੁਞ੍ਜਿਤੁ’’ਨ੍ਤਿ ਕੁਕ੍ਕੁਚ੍ਚਾਯਨ੍ਤੋ ਨ ਪਟਿਗ੍ਗਹੇਸਿ; ਨਾਸਕ੍ਖਿ ਪਿਣ੍ਡਾਯ ਚਰਿਤੁਂ; ਛਿਨ੍ਨਭਤ੍ਤੋ ਅਹੋਸਿ। ਅਥ ਖੋ ਸੋ ਭਿਕ੍ਖੁ ਆਰਾਮਂ ਗਨ੍ਤ੍વਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ। ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਗਿਲਾਨੇਨ ਭਿਕ੍ਖੁਨਾ ਸੇਕ੍ਖਸਮ੍ਮਤੇਸੁ ਕੁਲੇਸੁ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦਿਤੁਂ ਭੁਞ੍ਜਿਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
565. Tena kho pana samayena aññataro bhikkhu tassa kulassa kulūpako hoti. Atha kho so bhikkhu pubbaṇhasamayaṃ nivāsetvā pattacīvaramādāya yena taṃ kulaṃ tenupasaṅkami; upasaṅkamitvā paññatte āsane nisīdi. Tena kho pana samayena so bhikkhu gilāno hoti. Atha kho te manussā taṃ bhikkhuṃ etadavocuṃ – ‘‘bhuñjatha, bhante’’ti. Atha kho so bhikkhu – ‘‘bhagavatā paṭikkhittaṃ animantitena sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjitu’’nti kukkuccāyanto na paṭiggahesi; nāsakkhi piṇḍāya carituṃ; chinnabhatto ahosi. Atha kho so bhikkhu ārāmaṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānena bhikkhunā sekkhasammatesu kulesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –
੫੬੬. ‘‘ਯਾਨਿ ਖੋ ਪਨ ਤਾਨਿ ਸੇਕ੍ਖਸਮ੍ਮਤਾਨਿ ਕੁਲਾਨਿ, ਯੋ ਪਨ ਭਿਕ੍ਖੁ ਤਥਾਰੂਪੇਸੁ ਸੇਕ੍ਖਸਮ੍ਮਤੇਸੁ ਕੁਲੇਸੁ ਪੁਬ੍ਬੇ ਅਨਿਮਨ੍ਤਿਤੋ ਅਗਿਲਾਨੋ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦੇਯ੍ਯ વਾ ਭੁਞ੍ਜੇਯ੍ਯ વਾ, ਪਟਿਦੇਸੇਤਬ੍ਬਂ ਤੇਨ ਭਿਕ੍ਖੁਨਾ – ‘ਗਾਰਯ੍ਹਂ, ਆવੁਸੋ, ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮੀ’’ਤਿ।
566.‘‘Yāni kho pana tāni sekkhasammatāni kulāni, yo pana bhikkhu tathārūpesu sekkhasammatesu kulesu pubbe animantito agilāno khādanīyaṃ vā bhojanīyaṃ vā sahatthā paṭiggahetvā khādeyya vā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’ti.
੫੬੭. ਯਾਨਿ ਖੋ ਪਨ ਤਾਨਿ ਸੇਕ੍ਖਸਮ੍ਮਤਾਨਿ ਕੁਲਾਨੀਤਿ ਸੇਕ੍ਖਸਮ੍ਮਤਂ ਨਾਮ ਕੁਲਂ ਯਂ ਕੁਲਂ ਸਦ੍ਧਾਯ વਡ੍ਢਤਿ, ਭੋਗੇਨ ਹਾਯਤਿ। ਏવਰੂਪਸ੍ਸ ਕੁਲਸ੍ਸ ਞਤ੍ਤਿਦੁਤਿਯੇਨ ਕਮ੍ਮੇਨ ਸੇਕ੍ਖਸਮ੍ਮੁਤਿ ਦਿਨ੍ਨਾ ਹੋਤਿ।
567.Yāni kho pana tāni sekkhasammatāni kulānīti sekkhasammataṃ nāma kulaṃ yaṃ kulaṃ saddhāya vaḍḍhati, bhogena hāyati. Evarūpassa kulassa ñattidutiyena kammena sekkhasammuti dinnā hoti.
ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਤਥਾਰੂਪੇਸੁ ਸੇਕ੍ਖਸਮ੍ਮਤੇਸੁ ਕੁਲੇਸੂਤਿ ਏવਰੂਪੇਸੁ ਸੇਕ੍ਖਸਮ੍ਮਤੇਸੁ ਕੁਲੇਸੁ।
Tathārūpesu sekkhasammatesu kulesūti evarūpesu sekkhasammatesu kulesu.
ਅਨਿਮਨ੍ਤਿਤੋ ਨਾਮ ਅਜ੍ਜਤਨਾਯ વਾ ਸ੍વਾਤਨਾਯ વਾ ਅਨਿਮਨ੍ਤਿਤੋ, ਘਰੂਪਚਾਰਂ ਓਕ੍ਕਮਨ੍ਤੇ ਨਿਮਨ੍ਤੇਤਿ, ਏਸੋ ਅਨਿਮਨ੍ਤਿਤੋ ਨਾਮ।
Animantito nāma ajjatanāya vā svātanāya vā animantito, gharūpacāraṃ okkamante nimanteti, eso animantito nāma.
ਨਿਮਨ੍ਤਿਤੋ ਨਾਮ ਅਜ੍ਜਤਨਾਯ વਾ ਸ੍વਾਤਨਾਯ વਾ ਨਿਮਨ੍ਤਿਤੋ, ਘਰੂਪਚਾਰਂ ਅਨੋਕ੍ਕਮਨ੍ਤੇ ਨਿਮਨ੍ਤੇਤਿ, ਏਸੋ ਨਿਮਨ੍ਤਿਤੋ ਨਾਮ।
Nimantito nāma ajjatanāya vā svātanāya vā nimantito, gharūpacāraṃ anokkamante nimanteti, eso nimantito nāma.
ਅਗਿਲਾਨੋ ਨਾਮ ਸਕ੍ਕੋਤਿ ਪਿਣ੍ਡਾਯ ਚਰਿਤੁਂ।
Agilāno nāma sakkoti piṇḍāya carituṃ.
ਗਿਲਾਨੋ ਨਾਮ ਨ ਸਕ੍ਕੋਤਿ ਪਿਣ੍ਡਾਯ ਚਰਿਤੁਂ।
Gilāno nāma na sakkoti piṇḍāya carituṃ.
ਖਾਦਨੀਯਂ ਨਾਮ ਪਞ੍ਚ ਭੋਜਨਾਨਿ – ਯਾਮਕਾਲਿਕਂ ਸਤ੍ਤਾਹਕਾਲਿਕਂ ਯਾવਜੀવਿਕਂ ਠਪੇਤ੍વਾ ਅવਸੇਸਂ ਖਾਦਨੀਯਂ ਨਾਮ।
Khādanīyaṃ nāma pañca bhojanāni – yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.
ਭੋਜਨੀਯਂ ਨਾਮ ਪਞ੍ਚ ਭੋਜਨਾਨਿ – ਓਦਨੋ, ਕੁਮ੍ਮਾਸੋ, ਸਤ੍ਤੁ, ਮਚ੍ਛੋ, ਮਂਸਂ।
Bhojanīyaṃ nāma pañca bhojanāni – odano, kummāso, sattu, maccho, maṃsaṃ.
ਅਨਿਮਨ੍ਤਿਤੋ ਅਗਿਲਾਨੋ ‘‘ਖਾਦਿਸ੍ਸਾਮਿ ਭੁਞ੍ਜਿਸ੍ਸਾਮੀ’’ਤਿ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸ । ਅਜ੍ਝੋਹਾਰੇ ਅਜ੍ਝੋਹਾਰੇ ਆਪਤ੍ਤਿ ਪਾਟਿਦੇਸਨੀਯਸ੍ਸ।
Animantito agilāno ‘‘khādissāmi bhuñjissāmī’’ti paṭiggaṇhāti, āpatti dukkaṭassa . Ajjhohāre ajjhohāre āpatti pāṭidesanīyassa.
੫੬੮. ਸੇਕ੍ਖਸਮ੍ਮਤੇ ਸੇਕ੍ਖਸਮ੍ਮਤਸਞ੍ਞੀ ਅਨਿਮਨ੍ਤਿਤੋ ਅਗਿਲਾਨੋ ਖਾਦਨੀਯਂ વਾ ਭੋਜਨੀਯਂવ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦਤਿ વਾ ਭੁਞ੍ਜਤਿ વਾ, ਆਪਤ੍ਤਿ ਪਾਟਿਦੇਸਨੀਯਸ੍ਸ। ਸੇਕ੍ਖਸਮ੍ਮਤੇ વੇਮਤਿਕੋ…ਪੇ॰… ਸੇਕ੍ਖਸਮ੍ਮਤੇ ਅਸੇਕ੍ਖਸਮ੍ਮਤਸਞ੍ਞੀ ਅਨਿਮਨ੍ਤਿਤੋ ਅਗਿਲਾਨੋ ਖਾਦਨੀਯਂ વਾ ਭੋਜਨੀਯਂ વਾ ਸਹਤ੍ਥਾ ਪਟਿਗ੍ਗਹੇਤ੍વਾ ਖਾਦਤਿ વਾ ਭੁਞ੍ਜਤਿ વਾ, ਆਪਤ੍ਤਿ ਪਾਟਿਦੇਸਨੀਯਸ੍ਸ।
568. Sekkhasammate sekkhasammatasaññī animantito agilāno khādanīyaṃ vā bhojanīyaṃva sahatthā paṭiggahetvā khādati vā bhuñjati vā, āpatti pāṭidesanīyassa. Sekkhasammate vematiko…pe… sekkhasammate asekkhasammatasaññī animantito agilāno khādanīyaṃ vā bhojanīyaṃ vā sahatthā paṭiggahetvā khādati vā bhuñjati vā, āpatti pāṭidesanīyassa.
ਯਾਮਕਾਲਿਕਂ ਸਤ੍ਤਾਹਕਾਲਿਕਂ ਯਾવਜੀવਿਕਂ ਆਹਾਰਤ੍ਥਾਯ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅਜ੍ਝੋਹਾਰੇ ਅਜ੍ਝੋਹਾਰੇ ਆਪਤ੍ਤਿ ਦੁਕ੍ਕਟਸ੍ਸ। ਅਸੇਕ੍ਖਸਮ੍ਮਤੇ ਸੇਕ੍ਖਸਮ੍ਮਤਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਸੇਕ੍ਖਸਮ੍ਮਤੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਸੇਕ੍ਖਸਮ੍ਮਤੇ ਅਸੇਕ੍ਖਸਮ੍ਮਤਸਞ੍ਞੀ, ਅਨਾਪਤ੍ਤਿ।
Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Asekkhasammate sekkhasammatasaññī, āpatti dukkaṭassa. Asekkhasammate vematiko, āpatti dukkaṭassa. Asekkhasammate asekkhasammatasaññī, anāpatti.
੫੬੯. ਅਨਾਪਤ੍ਤਿ ਨਿਮਨ੍ਤਿਤਸ੍ਸ, ਗਿਲਾਨਸ੍ਸ, ਨਿਮਨ੍ਤਿਤਸ੍ਸ વਾ ਗਿਲਾਨਸ੍ਸ વਾ ਸੇਸਕਂ ਭੁਞ੍ਜਤਿ , ਅਞ੍ਞੇਸਂ ਭਿਕ੍ਖਾ ਤਤ੍ਥ ਪਞ੍ਞਤ੍ਤਾ ਹੋਤਿ, ਘਰਤੋ ਨੀਹਰਿਤ੍વਾ ਦੇਨ੍ਤਿ, ਨਿਚ੍ਚਭਤ੍ਤੇ, ਸਲਾਕਭਤ੍ਤੇ, ਪਕ੍ਖਿਕੇ, ਉਪੋਸਥਿਕੇ, ਪਾਟਿਪਦਿਕੇ, ਯਾਮਕਾਲਿਕਂ ਸਤ੍ਤਾਹਕਾਲਿਕਂ ਯਾવਜੀવਿਕਂ – ‘‘ਸਤਿ ਪਚ੍ਚਯੇ ਪਰਿਭੁਞ੍ਜਾ’’ਤਿ ਦੇਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
569. Anāpatti nimantitassa, gilānassa, nimantitassa vā gilānassa vā sesakaṃ bhuñjati , aññesaṃ bhikkhā tattha paññattā hoti, gharato nīharitvā denti, niccabhatte, salākabhatte, pakkhike, uposathike, pāṭipadike, yāmakālikaṃ sattāhakālikaṃ yāvajīvikaṃ – ‘‘sati paccaye paribhuñjā’’ti deti, ummattakassa, ādikammikassāti.
ਤਤਿਯਪਾਟਿਦੇਸਨੀਯਸਿਕ੍ਖਾਪਦਂ ਨਿਟ੍ਠਿਤਂ।
Tatiyapāṭidesanīyasikkhāpadaṃ niṭṭhitaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਤਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 3. Tatiyapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • Pāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 2. Dutiyapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਤਤਿਯਪਾਟਿਦੇਸਨੀਯਸਿਕ੍ਖਾਪਦਂ • 3. Tatiyapāṭidesanīyasikkhāpadaṃ
