| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
3. ததியபாடிதே³ஸனீயஸிக்கா²பத³வண்ணனா
3. Tatiyapāṭidesanīyasikkhāpadavaṇṇanā
562. ததியே – உப⁴தோபஸன்னந்தி த்³வீஹி பஸன்னங் உபாஸகேனபி உபாஸிகாயபி. தஸ்மிங் கிர குலே உபோ⁴பி தே ஸோதாபன்னாயேவ. போ⁴கே³ன ஹாயதீதி ஏதி³ஸஞ்ஹி குலங் ஸசேபி அஸீதிகோடித⁴னங் ஹோதி, போ⁴கே³ஹி ஹாயதியேவ. கஸ்மா? யஸ்மா தத்த² நேவ உபாஸிகா ந உபாஸகோ போ⁴கே³ ரக்க²தி.
562. Tatiye – ubhatopasannanti dvīhi pasannaṃ upāsakenapi upāsikāyapi. Tasmiṃ kira kule ubhopi te sotāpannāyeva. Bhogena hāyatīti edisañhi kulaṃ sacepi asītikoṭidhanaṃ hoti, bhogehi hāyatiyeva. Kasmā? Yasmā tattha neva upāsikā na upāsako bhoge rakkhati.
569. க⁴ரதோ நீஹரித்வா தெ³ந்தீதி ஆஸனஸாலங் வா விஹாரங் வா ஆனெத்வா தெ³ந்தி. ஸசேபி அனாக³தே பி⁴க்கு²ம்ஹி பட²மங்யேவ நீஹரித்வா த்³வாரே ட²பெத்வா பச்சா² ஸம்பத்தஸ்ஸ தெ³ந்தி, வட்டதி. பி⁴க்கு²ங் பன தி³ஸ்வா அந்தோகே³ஹதோ நீஹரித்வா தி³ய்யமானங் ந வட்டதீதி மஹாபச்சரியங் வுத்தங். ஸேஸமெத்த² உத்தானமேவ . ஏளகலோமஸமுட்டா²னங் – கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங் திசித்தங், திவேத³னந்தி.
569.Gharato nīharitvā dentīti āsanasālaṃ vā vihāraṃ vā ānetvā denti. Sacepi anāgate bhikkhumhi paṭhamaṃyeva nīharitvā dvāre ṭhapetvā pacchā sampattassa denti, vaṭṭati. Bhikkhuṃ pana disvā antogehato nīharitvā diyyamānaṃ na vaṭṭatīti mahāpaccariyaṃ vuttaṃ. Sesamettha uttānameva . Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ ticittaṃ, tivedananti.
ததியபாடிதே³ஸனீயங்.
Tatiyapāṭidesanīyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ததியபாடிதே³ஸனீயஸிக்கா²பத³ங் • 3. Tatiyapāṭidesanīyasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாடிதே³ஸனீயஸிக்கா²பத³வண்ணனா • Pāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 2. து³தியபாடிதே³ஸனீயஸிக்கா²பத³வண்ணனா • 2. Dutiyapāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. ததியபாடிதே³ஸனீயஸிக்கா²பத³ங் • 3. Tatiyapāṭidesanīyasikkhāpadaṃ
