| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৩. ততিযপাটিদেসনীযসিক্খাপদৰণ্ণনা
3. Tatiyapāṭidesanīyasikkhāpadavaṇṇanā
৫৬২. ততিযে – উভতোপসন্নন্তি দ্ৰীহি পসন্নং উপাসকেনপি উপাসিকাযপি। তস্মিং কির কুলে উভোপি তে সোতাপন্নাযেৰ। ভোগেন হাযতীতি এদিসঞ্হি কুলং সচেপি অসীতিকোটিধনং হোতি, ভোগেহি হাযতিযেৰ। কস্মা? যস্মা তত্থ নেৰ উপাসিকা ন উপাসকো ভোগে রক্খতি।
562. Tatiye – ubhatopasannanti dvīhi pasannaṃ upāsakenapi upāsikāyapi. Tasmiṃ kira kule ubhopi te sotāpannāyeva. Bhogena hāyatīti edisañhi kulaṃ sacepi asītikoṭidhanaṃ hoti, bhogehi hāyatiyeva. Kasmā? Yasmā tattha neva upāsikā na upāsako bhoge rakkhati.
৫৬৯. ঘরতো নীহরিত্ৰা দেন্তীতি আসনসালং ৰা ৰিহারং ৰা আনেত্ৰা দেন্তি। সচেপি অনাগতে ভিক্খুম্হি পঠমংযেৰ নীহরিত্ৰা দ্ৰারে ঠপেত্ৰা পচ্ছা সম্পত্তস্স দেন্তি, ৰট্টতি। ভিক্খুং পন দিস্ৰা অন্তোগেহতো নীহরিত্ৰা দিয্যমানং ন ৰট্টতীতি মহাপচ্চরিযং ৰুত্তং। সেসমেত্থ উত্তানমেৰ । এল়কলোমসমুট্ঠানং – কিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং তিচিত্তং, তিৰেদনন্তি।
569.Gharato nīharitvā dentīti āsanasālaṃ vā vihāraṃ vā ānetvā denti. Sacepi anāgate bhikkhumhi paṭhamaṃyeva nīharitvā dvāre ṭhapetvā pacchā sampattassa denti, vaṭṭati. Bhikkhuṃ pana disvā antogehato nīharitvā diyyamānaṃ na vaṭṭatīti mahāpaccariyaṃ vuttaṃ. Sesamettha uttānameva . Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ ticittaṃ, tivedananti.
ততিযপাটিদেসনীযং।
Tatiyapāṭidesanīyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৩. ততিযপাটিদেসনীযসিক্খাপদং • 3. Tatiyapāṭidesanīyasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পাটিদেসনীযসিক্খাপদৰণ্ণনা • Pāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. দুতিযপাটিদেসনীযসিক্খাপদৰণ্ণনা • 2. Dutiyapāṭidesanīyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৩. ততিযপাটিদেসনীযসিক্খাপদং • 3. Tatiyapāṭidesanīyasikkhāpadaṃ
