| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. д̇ад̇ияабаадид̣̇зсанийяасигкаабад̣̇аван̣н̣анаа
3. Tatiyapāṭidesanīyasikkhāpadavaṇṇanā
лад̣̇д̇хасзгкасаммуд̇игаанийд̇и н̃ад̇д̇ид̣̇уд̇иязна гаммзна лад̣̇д̇хасзгкасаммуд̇игаани. яан̃хи гулам̣ сад̣̇д̇хааяа вад̣дхад̇и, бхог̇зна хааяад̇и, зваруубасса гуласса н̃ад̇д̇ид̣̇уд̇иязна гаммзна сзгкасаммуд̇им̣ д̣̇знд̇и, д̇ам̣ санд̇хааязд̇ам̣ вуд̇д̇ам̣.
Laddhasekkhasammutikānīti ñattidutiyena kammena laddhasekkhasammutikāni. Yañhi kulaṃ saddhāya vaḍḍhati, bhogena hāyati, evarūpassa kulassa ñattidutiyena kammena sekkhasammutiṃ denti, taṃ sandhāyetaṃ vuttaṃ.
гхарад̇о нийхарид̇ваад̇и гхарад̇о аасанасаалам̣ ваа вихаарам̣ ваа аанзд̇ваа. д̇знааха ‘‘аасанасаалаад̣̇ийсу ваа’’д̇и. имасса ‘‘д̣̇знд̇ий’’д̇и иминаа самб̣анд̇хо. д̣̇ваарамуулз ваа табид̇ам̣ д̣̇знд̇ийд̇и д̣̇ваарамуулз табид̇ам̣ бажчаа самбад̇д̇асса д̣̇знд̇и. бхигкум̣ бана д̣̇исваа анд̇ог̇зхад̇о нийхарид̇ваа д̣̇ияяамаанам̣ на ваддад̇и. нижжабхад̇д̇агзд̇и нижжам̣ д̣̇аад̇аб̣б̣абхад̇д̇агз. салаагабхад̇д̇зд̇и ругкасаарамаяааяа салаагааяа ваа взл̣увилийвад̇аалабан̣н̣аад̣̇имаяааяа баддигааяа ваа ‘‘асугасса наама салаагабхад̇д̇а’’нд̇и звам̣ агкараани убаниб̣анд̇хид̇ваа г̇аахаабзд̇ваа д̣̇аад̇аб̣б̣абхад̇д̇з. багкигзд̇и згасмим̣ багкз згад̣̇ивасз д̣̇аад̇аб̣б̣абхад̇д̇з. убосат̇игзд̇и убосат̇з д̣̇аад̇аб̣б̣абхад̇д̇з. баадибад̣̇игзд̇и баадибад̣̇ад̣̇ивасз д̣̇аад̇аб̣б̣абхад̇д̇з.
Gharato nīharitvāti gharato āsanasālaṃ vā vihāraṃ vā ānetvā. Tenāha ‘‘āsanasālādīsu vā’’ti. Imassa ‘‘dentī’’ti iminā sambandho. Dvāramūle vā ṭhapitaṃ dentīti dvāramūle ṭhapitaṃ pacchā sampattassa denti. Bhikkhuṃ pana disvā antogehato nīharitvā diyyamānaṃ na vaṭṭati. Niccabhattaketi niccaṃ dātabbabhattake. Salākabhatteti rukkhasāramayāya salākāya vā veḷuvilīvatālapaṇṇādimayāya paṭṭikāya vā ‘‘asukassa nāma salākabhatta’’nti evaṃ akkharāni upanibandhitvā gāhāpetvā dātabbabhatte. Pakkhiketi ekasmiṃ pakkhe ekadivase dātabbabhatte. Uposathiketi uposathe dātabbabhatte. Pāṭipadiketi pāṭipadadivase dātabbabhatte.
д̇ад̇ияабаадид̣̇зсанийяасигкаабад̣̇аван̣н̣анаа нидтид̇аа.
Tatiyapāṭidesanīyasikkhāpadavaṇṇanā niṭṭhitā.
