| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
3. д̇ад̇ияабийтавимаанаван̣н̣анаа
3. Tatiyapīṭhavimānavaṇṇanā
бийтам̣ д̇з сован̣н̣амаяанд̇и д̇ад̇ияабийтавимаанам̣. д̇асса вад̇т̇у рааж̇аг̇ахз самудтид̇ам̣. ан̃н̃ад̇аро гира кийн̣аасавад̇т̇зро рааж̇аг̇ахз бин̣д̣ааяа жарид̇ваа бхад̇д̇ам̣ г̇ахзд̇ваа убагадтз гаалз бхад̇д̇агижжам̣ гаад̇угаамо згам̣ вивадад̣̇ваараг̇зхам̣ убасан̇гами. д̇асмим̣ бана г̇зхз г̇зхасааминий ид̇т̇ий сад̣̇д̇хаа басаннаа т̇зрасса аагаарам̣ саллагкзд̇ваа ‘‘зт̇а, бханд̇з, ид̇ха нисийд̣̇ид̇ваа бхад̇д̇агижжам̣ гарот̇аа’’д̇и ад̇д̇ано бхад̣̇д̣̇абийтам̣ бан̃н̃аабзд̇ваа убари бийд̇авад̇т̇ам̣ ад̇т̇арид̇ваа нирабзгкабарижжааг̇авасзна ад̣̇ааси, ‘‘ид̣̇ам̣ мз бун̃н̃ам̣ ааяад̇им̣ сован̣н̣абийтабадилаабхааяа ход̇уу’’д̇и бад̇т̇анан̃жа бадтабзси. ат̇а т̇зрз д̇ад̇т̇а нисийд̣̇ид̇ваа бхад̇д̇агижжам̣ гад̇ваа бад̇д̇ам̣ д̇ховид̇ваа удтааяа г̇ажчанд̇з ‘‘бханд̇з, ид̣̇амаасанам̣ д̇умхаагам̣язва барижжад̇д̇ам̣, маяхам̣ ануг̇г̇ахад̇т̇ам̣ барибхун̃ж̇ат̇аа’’д̇и ааха. т̇зро д̇ассаа анугамбааяа д̇ам̣ бийтам̣ самбадижчид̇ваа сан̇гхасса д̣̇аабзси. саа абарзна самаязна ан̃н̃ад̇арзна рог̇зна пудтаа гаалам̣ гад̇ваа д̇аавад̇им̣сабхаванз ниб̣б̣ад̇д̇ийд̇иаад̣̇и саб̣б̣ам̣ батамавимаанаван̣н̣анааяам̣ вуд̇д̇анаязнзва взд̣̇ид̇аб̣б̣ам̣. д̇зна вуд̇д̇ам̣ –
Pīṭhaṃ te sovaṇṇamayanti tatiyapīṭhavimānaṃ. Tassa vatthu rājagahe samuṭṭhitaṃ. Aññataro kira khīṇāsavatthero rājagahe piṇḍāya caritvā bhattaṃ gahetvā upakaṭṭhe kāle bhattakiccaṃ kātukāmo ekaṃ vivaṭadvāragehaṃ upasaṅkami. Tasmiṃ pana gehe gehasāminī itthī saddhā pasannā therassa ākāraṃ sallakkhetvā ‘‘etha, bhante, idha nisīditvā bhattakiccaṃ karothā’’ti attano bhaddapīṭhaṃ paññāpetvā upari pītavatthaṃ attharitvā nirapekkhapariccāgavasena adāsi, ‘‘idaṃ me puññaṃ āyatiṃ sovaṇṇapīṭhapaṭilābhāya hotū’’ti patthanañca paṭṭhapesi. Atha there tattha nisīditvā bhattakiccaṃ katvā pattaṃ dhovitvā uṭṭhāya gacchante ‘‘bhante, idamāsanaṃ tumhākaṃyeva pariccattaṃ, mayhaṃ anuggahatthaṃ paribhuñjathā’’ti āha. Thero tassā anukampāya taṃ pīṭhaṃ sampaṭicchitvā saṅghassa dāpesi. Sā aparena samayena aññatarena rogena phuṭṭhā kālaṃ katvā tāvatiṃsabhavane nibbattītiādi sabbaṃ paṭhamavimānavaṇṇanāyaṃ vuttanayeneva veditabbaṃ. Tena vuttaṃ –
15.
15.
‘‘бийтам̣ д̇з сован̣н̣амаяам̣ ул̣аарам̣, манож̇авам̣ г̇ажчад̇и язнагаамам̣;
‘‘Pīṭhaṃ te sovaṇṇamayaṃ uḷāraṃ, manojavaṃ gacchati yenakāmaṃ;
алан̇гад̇з маляад̇харз сувад̇т̇з,обхаасаси виж̇ж̇уриваб̣бхагуудам̣.
Alaṅkate malyadhare suvatthe,obhāsasi vijjurivabbhakūṭaṃ.
16.
16.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
17.
17.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
18.
18.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
19.
19.
‘‘аббасса гаммасса палам̣ мамзд̣̇ам̣, язнамхи звам̣ ж̇алид̇аанубхааваа;
‘‘Appassa kammassa phalaṃ mamedaṃ, yenamhi evaṃ jalitānubhāvā;
ахам̣ мануссзсу мануссабхууд̇аа, буримааяа ж̇аад̇ияаа мануссалогз.
Ahaṃ manussesu manussabhūtā, purimāya jātiyā manussaloke.
20.
20.
‘‘ад̣̇д̣̇асам̣ вираж̇ам̣ бхигкум̣, виббасаннаманаавилам̣;
‘‘Addasaṃ virajaṃ bhikkhuṃ, vippasannamanāvilaṃ;
д̇асса ад̣̇аасахам̣ бийтам̣, басаннаа сзхи баан̣ибхи.
Tassa adāsahaṃ pīṭhaṃ, pasannā sehi pāṇibhi.
21.
21.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇ий жа мз бхог̇аа, яз гзжи манасо бияаа.
Uppajjantī ca me bhogā, ye keci manaso piyā.
22.
22.
‘‘агкаами д̇з бхигку махаанубхаава, мануссабхууд̇аа яамагааси бун̃н̃ам̣;
‘‘Akkhāmi te bhikkhu mahānubhāva, manussabhūtā yamakāsi puññaṃ;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и.
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
19. яан̃жа бана бан̃жамаг̇аат̇ааяам̣ буримааяа ж̇аад̇ияаа мануссалогзд̇иаад̣̇и, зд̇т̇а ж̇аад̇и-сад̣̇д̣̇о ад̇т̇зва сан̇кад̇алагкан̣з ‘‘ж̇аад̇и д̣̇вийхи канд̇хзхи сан̇г̇ахид̇аа’’д̇иаад̣̇ийсу (д̇хаад̇у. 71). ад̇т̇и нигааяз ‘‘ниг̇ан̣таа наама саман̣аж̇аад̇ий’’д̇иаад̣̇ийсу (а. ни. 3.71). ад̇т̇и бадисанд̇хияам̣ ‘‘яам̣ маад̇угужчисмим̣ батамам̣ жид̇д̇ам̣ уббаннам̣, батамам̣ вин̃н̃аан̣ам̣ баад̇убхууд̇ам̣, д̇ад̣̇убаад̣̇ааяа саавасса ж̇аад̇ий’’д̇иаад̣̇ийсу (махаава. 124). ад̇т̇и гулз ‘‘агкид̇д̇о анубагудто ж̇аад̇иваад̣̇знаа’’д̇иаад̣̇ийсу (д̣̇ий. ни. 1.303). ад̇т̇и басуд̇ияам̣ ‘‘самбад̇иж̇аад̇о, аананд̣̇а, б̣од̇хисад̇д̇о’’д̇иаад̣̇ийсу (д̣̇ий. ни. 2.31; ма. ни. 3.207). ад̇т̇и бхавз ‘‘згамби ж̇аад̇им̣ д̣̇взби ж̇аад̇ияо’’д̇иаад̣̇ийсу (д̣̇ий. ни. 1.244; ма. ни. 1.53). ид̇хааби бхавз зва д̣̇адтаб̣б̣о. д̇асмаа буримааяа ж̇аад̇ияаа буримасмим̣ бхавз ананд̇араад̇ийд̇з буримз ад̇д̇абхаавзд̇и ад̇т̇о. бхуммад̇т̇з хид̣̇ам̣ гаран̣аважанам̣. мануссалогзд̇и мануссалогабхавз, рааж̇аг̇ахам̣ санд̇хааяа вад̣̇ад̇и. огаасалого хи ид̇ха ад̇хиббзд̇о, сад̇д̇алого бана ‘‘мануссзсуу’’д̇и иминаа вуд̇д̇оязва.
19. Yañca pana pañcamagāthāyaṃ purimāya jātiyā manussaloketiādi, ettha jāti-saddo attheva saṅkhatalakkhaṇe ‘‘jāti dvīhi khandhehi saṅgahitā’’tiādīsu (dhātu. 71). Atthi nikāye ‘‘nigaṇṭhā nāma samaṇajātī’’tiādīsu (a. ni. 3.71). Atthi paṭisandhiyaṃ ‘‘yaṃ mātukucchismiṃ paṭhamaṃ cittaṃ uppannaṃ, paṭhamaṃ viññāṇaṃ pātubhūtaṃ, tadupādāya sāvassa jātī’’tiādīsu (mahāva. 124). Atthi kule ‘‘akkhitto anupakuṭṭho jātivādenā’’tiādīsu (dī. ni. 1.303). Atthi pasutiyaṃ ‘‘sampatijāto, ānanda, bodhisatto’’tiādīsu (dī. ni. 2.31; ma. ni. 3.207). Atthi bhave ‘‘ekampi jātiṃ dvepi jātiyo’’tiādīsu (dī. ni. 1.244; ma. ni. 1.53). Idhāpi bhave eva daṭṭhabbo. Tasmā purimāya jātiyā purimasmiṃ bhave anantarātīte purime attabhāveti attho. Bhummatthe hidaṃ karaṇavacanaṃ. Manussaloketi manussalokabhave, rājagahaṃ sandhāya vadati. Okāsaloko hi idha adhippeto, sattaloko pana ‘‘manussesū’’ti iminā vuttoyeva.
20. ад̣̇д̣̇асанд̇и ад̣̇д̣̇агким̣. вираж̇анд̇и виг̇ад̇арааг̇аад̣̇ираж̇ад̇д̇аа вираж̇ам̣. бхигкунд̇и бхиннагилзсад̇д̇аа бхигкум̣, саб̣б̣асо гилзсагаалуссияаабхаавзна виббасаннажид̇д̇ад̇ааяа виббасаннам̣, анаавиласан̇габбад̇ааяа анаавилам̣. буримам̣ буриман̃жзд̇т̇а бад̣̇ам̣ бажчимасса бажчимасса гааран̣аважанам̣, виг̇ад̇арааг̇аад̣̇ираж̇ад̇д̇аа бхиннагилзсад̇ааяа бхигкум̣, бхиннагилзсад̇д̇аа гилзсагаалуссияаабхаавзна виббасаннам̣, виббасаннаманад̇д̇аа анаавиланд̇и. бажчимам̣ бажчимам̣ ваа бад̣̇ам̣ буримасса буримасса гааран̣аважанам̣, вираж̇ам̣ бхигкуг̇ун̣аяог̇ад̇о. бхиннагилзсо хи бхигку. бхигкум̣ виббасаннабхаавад̇о. гилзсагаалуссияаабхаавзна виббасаннамаанасо хи бхигку. виббасаннам̣ анаавиласан̇габбабхаавад̇од̇и . рааг̇араж̇аабхаавзна ваа ‘‘вираж̇а’’нд̇и вуд̇д̇ам̣, д̣̇осагаалуссияаабхаавзна ‘‘виббасанна’’нд̇и, мохаб̣яаагулаабхаавзна ‘‘анаавила’’нд̇и. звам̣бхууд̇о барамад̇т̇ад̇о бхигку наама ход̇ийд̇и ‘‘бхигку’’нд̇и вуд̇д̇ам̣. ад̣̇аасаханд̇и ад̣̇аасим̣ ахам̣. бийтанд̇и д̇ад̣̇аа мама санд̇игз виж̇ж̇амаанам̣ бхад̣̇д̣̇абийтам̣. басаннаад̇и гаммапаласад̣̇д̇хааяа рад̇анад̇д̇аяасад̣̇д̇хааяа жа басаннажид̇д̇аа. сзхи баан̣ибхийд̇и ан̃н̃ам̣ анаан̣аабзд̇ваа ад̇д̇ано хад̇т̇зхи убанийяа бийтам̣ бан̃н̃аабзд̇ваа ад̣̇аасинд̇и ад̇т̇о.
20.Addasanti addakkhiṃ. Virajanti vigatarāgādirajattā virajaṃ. Bhikkhunti bhinnakilesattā bhikkhuṃ, sabbaso kilesakālussiyābhāvena vippasannacittatāya vippasannaṃ, anāvilasaṅkappatāya anāvilaṃ. Purimaṃ purimañcettha padaṃ pacchimassa pacchimassa kāraṇavacanaṃ, vigatarāgādirajattā bhinnakilesatāya bhikkhuṃ, bhinnakilesattā kilesakālussiyābhāvena vippasannaṃ, vippasannamanattā anāvilanti. Pacchimaṃ pacchimaṃ vā padaṃ purimassa purimassa kāraṇavacanaṃ, virajaṃ bhikkhuguṇayogato. Bhinnakileso hi bhikkhu. Bhikkhuṃ vippasannabhāvato. Kilesakālussiyābhāvena vippasannamānaso hi bhikkhu. Vippasannaṃ anāvilasaṅkappabhāvatoti . Rāgarajābhāvena vā ‘‘viraja’’nti vuttaṃ, dosakālussiyābhāvena ‘‘vippasanna’’nti, mohabyākulābhāvena ‘‘anāvila’’nti. Evaṃbhūto paramatthato bhikkhu nāma hotīti ‘‘bhikkhu’’nti vuttaṃ. Adāsahanti adāsiṃ ahaṃ. Pīṭhanti tadā mama santike vijjamānaṃ bhaddapīṭhaṃ. Pasannāti kammaphalasaddhāya ratanattayasaddhāya ca pasannacittā. Sehi pāṇibhīti aññaṃ anāṇāpetvā attano hatthehi upanīya pīṭhaṃ paññāpetvā adāsinti attho.
зд̇т̇а жа ‘‘вираж̇ам̣ бхигкум̣ виббасаннаманаавила’’нд̇и иминаа кзд̇д̇асамбад̇д̇им̣ д̣̇ассзд̇и, ‘‘басаннаа’’д̇и иминаа жид̇д̇асамбад̇д̇им̣, ‘‘сзхи баан̣ибхий’’д̇и иминаа баяог̇асамбад̇д̇им̣. д̇ат̇аа ‘‘басаннаа’’д̇и иминаа саггажжад̣̇аанам̣ анубахажжад̣̇аананд̇и жа имз д̣̇вз д̣̇аанаг̇ун̣аа д̣̇ассид̇аа, ‘‘сзхи баан̣ибхий’’д̇и иминаа сахад̇т̇зна д̣̇аанам̣ анубавид̣̇д̇хад̣̇аананд̇и имз д̣̇вз д̣̇аанаг̇ун̣аа д̣̇ассид̇аа, бийд̇авад̇т̇асса ад̇т̇аран̣зна нисийд̣̇анагаалан̃н̃уд̇ааяа жид̇д̇им̣ гад̇ваа д̣̇аанам̣ гаалзна д̣̇аананд̇и имз д̣̇вз д̣̇аанаг̇ун̣аа д̣̇ассид̇аад̇и взд̣̇ид̇аб̣б̣аа. сзсам̣ хздтаа вуд̇д̇анаяамзва.
Ettha ca ‘‘virajaṃ bhikkhuṃ vippasannamanāvila’’nti iminā khettasampattiṃ dasseti, ‘‘pasannā’’ti iminā cittasampattiṃ, ‘‘sehi pāṇibhī’’ti iminā payogasampattiṃ. Tathā ‘‘pasannā’’ti iminā sakkaccadānaṃ anupahaccadānanti ca ime dve dānaguṇā dassitā, ‘‘sehi pāṇibhī’’ti iminā sahatthena dānaṃ anupaviddhadānanti ime dve dānaguṇā dassitā, pītavatthassa attharaṇena nisīdanakālaññutāya cittiṃ katvā dānaṃ kālena dānanti ime dve dānaguṇā dassitāti veditabbā. Sesaṃ heṭṭhā vuttanayameva.
д̇ад̇ияабийтавимаанаван̣н̣анаа нидтид̇аа.
Tatiyapīṭhavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 3. д̇ад̇ияабийтавимаанавад̇т̇у • 3. Tatiyapīṭhavimānavatthu
