| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೯. ತತಿಯರುಕ್ಖಸುತ್ತಂ
9. Tatiyarukkhasuttaṃ
೫೩೯. ‘‘ಸೇಯ್ಯಥಾಪಿ, ಭಿಕ್ಖವೇ, ಯೇ ಕೇಚಿ ಅಸುರಾನಂ ರುಕ್ಖಾ, ಚಿತ್ತಪಾಟಲಿ ತೇಸಂ ಅಗ್ಗಮಕ್ಖಾಯತಿ; ಏವಮೇವ ಖೋ, ಭಿಕ್ಖವೇ, ಯೇ ಕೇಚಿ ಬೋಧಿಪಕ್ಖಿಯಾ ಧಮ್ಮಾ, ಪಞ್ಞಿನ್ದ್ರಿಯಂ ತೇಸಂ ಅಗ್ಗಮಕ್ಖಾಯತಿ, ಯದಿದಂ – ಬೋಧಾಯ। ಕತಮೇ ಚ, ಭಿಕ್ಖವೇ, ಬೋಧಿಪಕ್ಖಿಯಾ ಧಮ್ಮಾ? ಸದ್ಧಿನ್ದ್ರಿಯಂ, ಭಿಕ್ಖವೇ, ಬೋಧಿಪಕ್ಖಿಯೋ ಧಮ್ಮೋ, ತಂ ಬೋಧಾಯ ಸಂವತ್ತತಿ…ಪೇ॰… ಪಞ್ಞಿನ್ದ್ರಿಯಂ ಬೋಧಿಪಕ್ಖಿಯೋ ಧಮ್ಮೋ, ತಂ ಬೋಧಾಯ ಸಂವತ್ತತಿ। ಸೇಯ್ಯಥಾಪಿ ಭಿಕ್ಖವೇ, ಯೇ ಕೇಚಿ ಅಸುರಾನಂ ರುಕ್ಖಾ, ಚಿತ್ತಪಾಟಲಿ ತೇಸಂ ಅಗ್ಗಮಕ್ಖಾಯತಿ; ಏವಮೇವ ಖೋ, ಭಿಕ್ಖವೇ, ಯೇ ಕೇಚಿ ಬೋಧಿಪಕ್ಖಿಯಾ ಧಮ್ಮಾ, ಪಞ್ಞಿನ್ದ್ರಿಯಂ ತೇಸಂ ಅಗ್ಗಮಕ್ಖಾಯತಿ, ಯದಿದಂ – ಬೋಧಾಯಾ’’ತಿ। ನವಮಂ।
539. ‘‘Seyyathāpi, bhikkhave, ye keci asurānaṃ rukkhā, cittapāṭali tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāya. Katame ca, bhikkhave, bodhipakkhiyā dhammā? Saddhindriyaṃ, bhikkhave, bodhipakkhiyo dhammo, taṃ bodhāya saṃvattati…pe… paññindriyaṃ bodhipakkhiyo dhammo, taṃ bodhāya saṃvattati. Seyyathāpi bhikkhave, ye keci asurānaṃ rukkhā, cittapāṭali tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāyā’’ti. Navamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೭. ಬೋಧಿಪಕ್ಖಿಯವಗ್ಗೋ • 7. Bodhipakkhiyavaggo
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೭. ಬೋಧಿಪಕ್ಖಿಯವಗ್ಗವಣ್ಣನಾ • 7. Bodhipakkhiyavaggavaṇṇanā
