| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. д̇ад̇ияасад̣̇д̇хаммасаммосасуд̇д̇ам̣
6. Tatiyasaddhammasammosasuttaṃ
156. 1 ‘‘бан̃жимз, бхигкавз, д̇хаммаа сад̣̇д̇хаммасса саммосааяа анд̇арад̇хаанааяа сам̣вад̇д̇анд̇и. гад̇амз бан̃жа? ид̇ха, бхигкавз, бхигкуу д̣̇уг̇г̇ахид̇ам̣ суд̇д̇анд̇ам̣ барияаабун̣анд̇и д̣̇уннигкид̇д̇зхи бад̣̇аб̣яан̃ж̇анзхи . д̣̇уннигкид̇д̇асса, бхигкавз, бад̣̇аб̣яан̃ж̇анасса ад̇т̇оби д̣̇уннаяо ход̇и. аяам̣, бхигкавз, батамо д̇хаммо сад̣̇д̇хаммасса саммосааяа анд̇арад̇хаанааяа сам̣вад̇д̇ад̇и.
156.2 ‘‘Pañcime, bhikkhave, dhammā saddhammassa sammosāya antaradhānāya saṃvattanti. Katame pañca? Idha, bhikkhave, bhikkhū duggahitaṃ suttantaṃ pariyāpuṇanti dunnikkhittehi padabyañjanehi . Dunnikkhittassa, bhikkhave, padabyañjanassa atthopi dunnayo hoti. Ayaṃ, bhikkhave, paṭhamo dhammo saddhammassa sammosāya antaradhānāya saṃvattati.
‘‘буна жабарам̣, бхигкавз, бхигкуу д̣̇уб̣б̣ажаа хонд̇и, д̣̇оважассагаран̣зхи д̇хаммзхи саманнааг̇ад̇аа, агкамаа аббад̣̇агкин̣аг̇г̇аахино анусаасаним̣. аяам̣, бхигкавз, д̣̇уд̇ияо д̇хаммо сад̣̇д̇хаммасса саммосааяа анд̇арад̇хаанааяа сам̣вад̇д̇ад̇и.
‘‘Puna caparaṃ, bhikkhave, bhikkhū dubbacā honti, dovacassakaraṇehi dhammehi samannāgatā, akkhamā appadakkhiṇaggāhino anusāsaniṃ. Ayaṃ, bhikkhave, dutiyo dhammo saddhammassa sammosāya antaradhānāya saṃvattati.
‘‘буна жабарам̣, бхигкавз, яз д̇з бхигкуу б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа, д̇з на саггажжам̣ суд̇д̇анд̇ам̣ барам̣ ваажзнд̇и; д̇зсам̣ ажжаязна чиннамуулаго суд̇д̇анд̇о ход̇и аббадисаран̣о. аяам̣, бхигкавз, д̇ад̇ияо д̇хаммо сад̣̇д̇хаммасса саммосааяа анд̇арад̇хаанааяа сам̣вад̇д̇ад̇и.
‘‘Puna caparaṃ, bhikkhave, ye te bhikkhū bahussutā āgatāgamā dhammadharā vinayadharā mātikādharā, te na sakkaccaṃ suttantaṃ paraṃ vācenti; tesaṃ accayena chinnamūlako suttanto hoti appaṭisaraṇo. Ayaṃ, bhikkhave, tatiyo dhammo saddhammassa sammosāya antaradhānāya saṃvattati.
‘‘буна жабарам̣, бхигкавз, т̇зраа бхигкуу б̣аахулигаа хонд̇и саат̇алигаа оггаманз буб̣б̣ан̇г̇амаа бавивзгз нигкид̇д̇ад̇хураа , на вийрияам̣ аарабханд̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. д̇зсам̣ бажчимаа ж̇анад̇аа д̣̇идтаануг̇ад̇им̣ аабаж̇ж̇ад̇и. сааби ход̇и б̣аахулигаа саат̇алигаа оггаманз буб̣б̣ан̇г̇амаа бавивзгз нигкид̇д̇ад̇хураа, на вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. аяам̣, бхигкавз, жад̇уд̇т̇о д̇хаммо сад̣̇д̇хаммасса саммосааяа анд̇арад̇хаанааяа сам̣вад̇д̇ад̇и.
‘‘Puna caparaṃ, bhikkhave, therā bhikkhū bāhulikā honti sāthalikā okkamane pubbaṅgamā paviveke nikkhittadhurā , na vīriyaṃ ārabhanti appattassa pattiyā anadhigatassa adhigamāya asacchikatassa sacchikiriyāya. Tesaṃ pacchimā janatā diṭṭhānugatiṃ āpajjati. Sāpi hoti bāhulikā sāthalikā okkamane pubbaṅgamā paviveke nikkhittadhurā, na vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Ayaṃ, bhikkhave, catuttho dhammo saddhammassa sammosāya antaradhānāya saṃvattati.
‘‘буна жабарам̣, бхигкавз, сан̇гхо бхинно ход̇и. сан̇гхз ко бана, бхигкавз, бхиннз ан̃н̃аман̃н̃ам̣ аггосаа жа хонд̇и, ан̃н̃аман̃н̃ам̣ барибхаасаа жа хонд̇и, ан̃н̃аман̃н̃ам̣ баригкзбаа жа хонд̇и, ан̃н̃аман̃н̃ам̣ барижжаж̇анаа 3 жа хонд̇и. д̇ад̇т̇а аббасаннаа жзва наббасийд̣̇анд̇и, басаннаанан̃жа згажжаанам̣ ан̃н̃ат̇ад̇д̇ам̣ ход̇и. аяам̣, бхигкавз, бан̃жамо д̇хаммо сад̣̇д̇хаммасса саммосааяа анд̇арад̇хаанааяа сам̣вад̇д̇ад̇и. имз ко, бхигкавз, бан̃жа д̇хаммаа сад̣̇д̇хаммасса саммосааяа анд̇арад̇хаанааяа сам̣вад̇д̇анд̇и.
‘‘Puna caparaṃ, bhikkhave, saṅgho bhinno hoti. Saṅghe kho pana, bhikkhave, bhinne aññamaññaṃ akkosā ca honti, aññamaññaṃ paribhāsā ca honti, aññamaññaṃ parikkhepā ca honti, aññamaññaṃ pariccajanā 4 ca honti. Tattha appasannā ceva nappasīdanti, pasannānañca ekaccānaṃ aññathattaṃ hoti. Ayaṃ, bhikkhave, pañcamo dhammo saddhammassa sammosāya antaradhānāya saṃvattati. Ime kho, bhikkhave, pañca dhammā saddhammassa sammosāya antaradhānāya saṃvattanti.
‘‘бан̃жимз, бхигкавз, д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇и. гад̇амз бан̃жа? ид̇ха, бхигкавз, бхигкуу суг̇г̇ахид̇ам̣ суд̇д̇анд̇ам̣ барияаабун̣анд̇и сунигкид̇д̇зхи бад̣̇аб̣яан̃ж̇анзхи. сунигкид̇д̇асса, бхигкавз, бад̣̇аб̣яан̃ж̇анасса ад̇т̇оби сунаяо ход̇и. аяам̣, бхигкавз, батамо д̇хаммо сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇ад̇и.
‘‘Pañcime, bhikkhave, dhammā saddhammassa ṭhitiyā asammosāya anantaradhānāya saṃvattanti. Katame pañca? Idha, bhikkhave, bhikkhū suggahitaṃ suttantaṃ pariyāpuṇanti sunikkhittehi padabyañjanehi. Sunikkhittassa, bhikkhave, padabyañjanassa atthopi sunayo hoti. Ayaṃ, bhikkhave, paṭhamo dhammo saddhammassa ṭhitiyā asammosāya anantaradhānāya saṃvattati.
‘‘буна жабарам̣, бхигкавз, бхигкуу суважаа хонд̇и соважассагаран̣зхи д̇хаммзхи саманнааг̇ад̇аа, камаа бад̣̇агкин̣аг̇г̇аахино анусаасаним̣. аяам̣, бхигкавз, д̣̇уд̇ияо д̇хаммо сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇ад̇и.
‘‘Puna caparaṃ, bhikkhave, bhikkhū suvacā honti sovacassakaraṇehi dhammehi samannāgatā, khamā padakkhiṇaggāhino anusāsaniṃ. Ayaṃ, bhikkhave, dutiyo dhammo saddhammassa ṭhitiyā asammosāya anantaradhānāya saṃvattati.
‘‘буна жабарам̣, бхигкавз, яз д̇з бхигкуу б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа, д̇з саггажжам̣ суд̇д̇анд̇ам̣ барам̣ ваажзнд̇и; д̇зсам̣ ажжаязна на чиннамуулаго 5 суд̇д̇анд̇о ход̇и саббадисаран̣о. аяам̣, бхигкавз, д̇ад̇ияо д̇хаммо сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇ад̇и.
‘‘Puna caparaṃ, bhikkhave, ye te bhikkhū bahussutā āgatāgamā dhammadharā vinayadharā mātikādharā, te sakkaccaṃ suttantaṃ paraṃ vācenti; tesaṃ accayena na chinnamūlako 6 suttanto hoti sappaṭisaraṇo. Ayaṃ, bhikkhave, tatiyo dhammo saddhammassa ṭhitiyā asammosāya anantaradhānāya saṃvattati.
‘‘буна жабарам̣, бхигкавз, т̇зраа бхигкуу на б̣аахулигаа хонд̇и на саат̇алигаа, оггаманз нигкид̇д̇ад̇хураа бавивзгз буб̣б̣ан̇г̇амаа; вийрияам̣ аарабханд̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. д̇зсам̣ бажчимаа ж̇анад̇аа д̣̇идтаануг̇ад̇им̣ аабаж̇ж̇ад̇и. сааби ход̇и на б̣аахулигаа на саат̇алигаа, оггаманз нигкид̇д̇ад̇хураа бавивзгз буб̣б̣ан̇г̇амаа, вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. аяам̣, бхигкавз, жад̇уд̇т̇о д̇хаммо сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇ад̇и.
‘‘Puna caparaṃ, bhikkhave, therā bhikkhū na bāhulikā honti na sāthalikā, okkamane nikkhittadhurā paviveke pubbaṅgamā; vīriyaṃ ārabhanti appattassa pattiyā anadhigatassa adhigamāya asacchikatassa sacchikiriyāya. Tesaṃ pacchimā janatā diṭṭhānugatiṃ āpajjati. Sāpi hoti na bāhulikā na sāthalikā, okkamane nikkhittadhurā paviveke pubbaṅgamā, vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Ayaṃ, bhikkhave, catuttho dhammo saddhammassa ṭhitiyā asammosāya anantaradhānāya saṃvattati.
‘‘буна жабарам̣, бхигкавз, сан̇гхо самаг̇г̇о саммод̣̇амаано авивад̣̇амаано згуд̣̇д̣̇зсо паасум̣ вихарад̇и. сан̇гхз ко бана, бхигкавз, самаг̇г̇з на жзва ан̃н̃аман̃н̃ам̣ аггосаа хонд̇и, на жа ан̃н̃аман̃н̃ам̣ барибхаасаа хонд̇и, на жа ан̃н̃аман̃н̃ам̣ баригкзбаа хонд̇и, на жа ан̃н̃аман̃н̃ам̣ барижжаж̇анаа хонд̇и. д̇ад̇т̇а аббасаннаа жзва басийд̣̇анд̇и, басаннаанан̃жа бхияяобхааво ход̇и. аяам̣, бхигкавз, бан̃жамо д̇хаммо сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇ад̇и. имз ко, бхигкавз, бан̃жа д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇ий’’д̇и. чадтам̣.
‘‘Puna caparaṃ, bhikkhave, saṅgho samaggo sammodamāno avivadamāno ekuddeso phāsuṃ viharati. Saṅghe kho pana, bhikkhave, samagge na ceva aññamaññaṃ akkosā honti, na ca aññamaññaṃ paribhāsā honti, na ca aññamaññaṃ parikkhepā honti, na ca aññamaññaṃ pariccajanā honti. Tattha appasannā ceva pasīdanti, pasannānañca bhiyyobhāvo hoti. Ayaṃ, bhikkhave, pañcamo dhammo saddhammassa ṭhitiyā asammosāya anantaradhānāya saṃvattati. Ime kho, bhikkhave, pañca dhammā saddhammassa ṭhitiyā asammosāya anantaradhānāya saṃvattantī’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. д̇ад̇ияасад̣̇д̇хаммасаммосасуд̇д̇аван̣н̣анаа • 6. Tatiyasaddhammasammosasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / (16) 1. сад̣̇д̇хаммаваг̇г̇о • (16) 1. Saddhammavaggo
