| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. д̇ад̇ияасамаад̇хисуд̇д̇ам̣
4. Tatiyasamādhisuttaṃ
94. ‘‘жад̇д̇ааромз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бхигкавз, згажжо буг̇г̇ало лаабхий ход̇и аж̇жхад̇д̇ам̣ жзд̇осамат̇асса, на лаабхий ад̇хибан̃н̃аад̇хаммавибассанааяа. ид̇ха бана, бхигкавз, згажжо буг̇г̇ало лаабхий ход̇и ад̇хибан̃н̃аад̇хаммавибассанааяа, на лаабхий аж̇жхад̇д̇ам̣ жзд̇осамат̇асса. ид̇ха бана, бхигкавз, згажжо буг̇г̇ало на жзва лаабхий ход̇и аж̇жхад̇д̇ам̣ жзд̇осамат̇асса на жа лаабхий ад̇хибан̃н̃аад̇хаммавибассанааяа. ид̇ха бана, бхигкавз, згажжо буг̇г̇ало лаабхий жзва ход̇и аж̇жхад̇д̇ам̣ жзд̇осамат̇асса лаабхий жа ад̇хибан̃н̃аад̇хаммавибассанааяа.
94. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Idha, bhikkhave, ekacco puggalo lābhī hoti ajjhattaṃ cetosamathassa, na lābhī adhipaññādhammavipassanāya. Idha pana, bhikkhave, ekacco puggalo lābhī hoti adhipaññādhammavipassanāya, na lābhī ajjhattaṃ cetosamathassa. Idha pana, bhikkhave, ekacco puggalo na ceva lābhī hoti ajjhattaṃ cetosamathassa na ca lābhī adhipaññādhammavipassanāya. Idha pana, bhikkhave, ekacco puggalo lābhī ceva hoti ajjhattaṃ cetosamathassa lābhī ca adhipaññādhammavipassanāya.
‘‘д̇ад̇ра , бхигкавз, явааяам̣ буг̇г̇ало лаабхий аж̇жхад̇д̇ам̣ жзд̇осамат̇асса на лаабхий ад̇хибан̃н̃аад̇хаммавибассанааяа, д̇зна, бхигкавз, буг̇г̇алзна явааяам̣ буг̇г̇ало лаабхий ад̇хибан̃н̃аад̇хаммавибассанааяа со убасан̇гамид̇ваа звамасса важанийяо – ‘гат̇ам̣ ну ко, аавусо, сан̇каараа д̣̇адтаб̣б̣аа? гат̇ам̣ сан̇каараа саммасид̇аб̣б̣аа? гат̇ам̣ сан̇каараа вибассид̇аб̣б̣аа’ 1 д̇и? д̇асса со яат̇аад̣̇идтам̣ яат̇аавид̣̇ид̇ам̣ б̣яаагарод̇и – ‘звам̣ ко, аавусо, сан̇каараа д̣̇адтаб̣б̣аа, звам̣ сан̇каараа саммасид̇аб̣б̣аа, звам̣ сан̇каараа вибассид̇аб̣б̣аа’д̇и. со абарзна самаязна лаабхий жзва ход̇и аж̇жхад̇д̇ам̣ жзд̇осамат̇асса лаабхий жа ад̇хибан̃н̃аад̇хаммавибассанааяа.
‘‘Tatra , bhikkhave, yvāyaṃ puggalo lābhī ajjhattaṃ cetosamathassa na lābhī adhipaññādhammavipassanāya, tena, bhikkhave, puggalena yvāyaṃ puggalo lābhī adhipaññādhammavipassanāya so upasaṅkamitvā evamassa vacanīyo – ‘kathaṃ nu kho, āvuso, saṅkhārā daṭṭhabbā? Kathaṃ saṅkhārā sammasitabbā? Kathaṃ saṅkhārā vipassitabbā’ 2 ti? Tassa so yathādiṭṭhaṃ yathāviditaṃ byākaroti – ‘evaṃ kho, āvuso, saṅkhārā daṭṭhabbā, evaṃ saṅkhārā sammasitabbā, evaṃ saṅkhārā vipassitabbā’ti. So aparena samayena lābhī ceva hoti ajjhattaṃ cetosamathassa lābhī ca adhipaññādhammavipassanāya.
‘‘д̇ад̇ра, бхигкавз, явааяам̣ буг̇г̇ало лаабхий ад̇хибан̃н̃аад̇хаммавибассанааяа на лаабхий аж̇жхад̇д̇ам̣ жзд̇осамат̇асса, д̇зна, бхигкавз, буг̇г̇алзна явааяам̣ буг̇г̇ало лаабхий аж̇жхад̇д̇ам̣ жзд̇осамат̇асса со убасан̇гамид̇ваа звамасса важанийяо – ‘гат̇ам̣ ну ко, аавусо, жид̇д̇ам̣ сан̣табзд̇аб̣б̣ам̣? гат̇ам̣ жид̇д̇ам̣ саннисаад̣̇зд̇аб̣б̣ам̣ ? гат̇ам̣ жид̇д̇ам̣ згод̣̇и гаад̇аб̣б̣ам̣? гат̇ам̣ жид̇д̇ам̣ самаад̣̇ахаад̇аб̣б̣а’нд̇и? д̇асса со яат̇аад̣̇идтам̣ яат̇аавид̣̇ид̇ам̣ б̣яаагарод̇и – ‘звам̣ ко, аавусо, жид̇д̇ам̣ сан̣табзд̇аб̣б̣ам̣, звам̣ жид̇д̇ам̣ саннисаад̣̇зд̇аб̣б̣ам̣, звам̣ жид̇д̇ам̣ згод̣̇и гаад̇аб̣б̣ам̣ 3, звам̣ жид̇д̇ам̣ самаад̣̇ахаад̇аб̣б̣а’нд̇и. со абарзна самаяз лаабхий жзва ход̇и ад̇хибан̃н̃аад̇хаммавибассанааяа лаабхий жа аж̇жхад̇д̇ам̣ жзд̇осамат̇асса.
‘‘Tatra, bhikkhave, yvāyaṃ puggalo lābhī adhipaññādhammavipassanāya na lābhī ajjhattaṃ cetosamathassa, tena, bhikkhave, puggalena yvāyaṃ puggalo lābhī ajjhattaṃ cetosamathassa so upasaṅkamitvā evamassa vacanīyo – ‘kathaṃ nu kho, āvuso, cittaṃ saṇṭhapetabbaṃ? Kathaṃ cittaṃ sannisādetabbaṃ ? Kathaṃ cittaṃ ekodi kātabbaṃ? Kathaṃ cittaṃ samādahātabba’nti? Tassa so yathādiṭṭhaṃ yathāviditaṃ byākaroti – ‘evaṃ kho, āvuso, cittaṃ saṇṭhapetabbaṃ, evaṃ cittaṃ sannisādetabbaṃ, evaṃ cittaṃ ekodi kātabbaṃ 4, evaṃ cittaṃ samādahātabba’nti. So aparena samaye lābhī ceva hoti adhipaññādhammavipassanāya lābhī ca ajjhattaṃ cetosamathassa.
‘‘д̇ад̇ра, бхигкавз, явааяам̣ буг̇г̇ало на жзва лаабхий аж̇жхад̇д̇ам̣ жзд̇осамат̇асса на жа лаабхий ад̇хибан̃н̃аад̇хаммавибассанааяа, д̇зна, бхигкавз, буг̇г̇алзна явааяам̣ буг̇г̇ало лаабхий жзва аж̇жхад̇д̇ам̣ жзд̇осамат̇асса лаабхий жа ад̇хибан̃н̃аад̇хаммавибассанааяа со убасан̇гамид̇ваа звамасса важанийяо – ‘гат̇ам̣ ну ко, аавусо, жид̇д̇ам̣ сан̣табзд̇аб̣б̣ам̣? гат̇ам̣ жид̇д̇ам̣ саннисаад̣̇зд̇аб̣б̣ам̣? гат̇ам̣ жид̇д̇ам̣ згод̣̇и гаад̇аб̣б̣ам̣? гат̇ам̣ жид̇д̇ам̣ самаад̣̇ахаад̇аб̣б̣ам̣? гат̇ам̣ сан̇каараа д̣̇адтаб̣б̣аа? гат̇ам̣ сан̇каараа саммасид̇аб̣б̣аа? гат̇ам̣ сан̇каараа вибассид̇аб̣б̣аа’д̇и? д̇асса со яат̇аад̣̇идтам̣ яат̇аавид̣̇ид̇ам̣ б̣яаагарод̇и – ‘звам̣ ко, аавусо, жид̇д̇ам̣ сан̣табзд̇аб̣б̣ам̣, звам̣ жид̇д̇ам̣ саннисаад̣̇зд̇аб̣б̣ам̣, звам̣ жид̇д̇ам̣ згод̣̇и гаад̇аб̣б̣ам̣, звам̣ жид̇д̇ам̣ самаад̣̇ахаад̇аб̣б̣ам̣, звам̣ сан̇каараа д̣̇адтаб̣б̣аа, звам̣ сан̇каараа саммасид̇аб̣б̣аа, звам̣ сан̇каараа вибассид̇аб̣б̣аа’д̇и. со абарзна самаязна лаабхий жзва ход̇и аж̇жхад̇д̇ам̣ жзд̇осамат̇асса лаабхий жа ад̇хибан̃н̃аад̇хаммавибассанааяа.
‘‘Tatra, bhikkhave, yvāyaṃ puggalo na ceva lābhī ajjhattaṃ cetosamathassa na ca lābhī adhipaññādhammavipassanāya, tena, bhikkhave, puggalena yvāyaṃ puggalo lābhī ceva ajjhattaṃ cetosamathassa lābhī ca adhipaññādhammavipassanāya so upasaṅkamitvā evamassa vacanīyo – ‘kathaṃ nu kho, āvuso, cittaṃ saṇṭhapetabbaṃ? Kathaṃ cittaṃ sannisādetabbaṃ? Kathaṃ cittaṃ ekodi kātabbaṃ? Kathaṃ cittaṃ samādahātabbaṃ? Kathaṃ saṅkhārā daṭṭhabbā? Kathaṃ saṅkhārā sammasitabbā? Kathaṃ saṅkhārā vipassitabbā’ti? Tassa so yathādiṭṭhaṃ yathāviditaṃ byākaroti – ‘evaṃ kho, āvuso, cittaṃ saṇṭhapetabbaṃ, evaṃ cittaṃ sannisādetabbaṃ, evaṃ cittaṃ ekodi kātabbaṃ, evaṃ cittaṃ samādahātabbaṃ, evaṃ saṅkhārā daṭṭhabbā, evaṃ saṅkhārā sammasitabbā, evaṃ saṅkhārā vipassitabbā’ti. So aparena samayena lābhī ceva hoti ajjhattaṃ cetosamathassa lābhī ca adhipaññādhammavipassanāya.
‘‘д̇ад̇ра, бхигкавз, явааяам̣ буг̇г̇ало лаабхий жзва ход̇и аж̇жхад̇д̇ам̣ жзд̇осамат̇асса лаабхий ад̇хибан̃н̃аад̇хаммавибассанааяа , д̇зна, бхигкавз, буг̇г̇алзна д̇зсу жзва гусалзсу д̇хаммзсу бад̇идтааяа уд̇д̇ари аасаваанам̣ каяааяа яог̇о гаран̣ийяо. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и. жад̇уд̇т̇ам̣.
‘‘Tatra, bhikkhave, yvāyaṃ puggalo lābhī ceva hoti ajjhattaṃ cetosamathassa lābhī adhipaññādhammavipassanāya , tena, bhikkhave, puggalena tesu ceva kusalesu dhammesu patiṭṭhāya uttari āsavānaṃ khayāya yogo karaṇīyo. Ime kho, bhikkhave, cattāro puggalā santo saṃvijjamānā lokasmi’’nti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. д̇ад̇ияасамаад̇хисуд̇д̇аван̣н̣анаа • 4. Tatiyasamādhisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. д̇ад̇ияасамаад̇хисуд̇д̇аван̣н̣анаа • 4. Tatiyasamādhisuttavaṇṇanā
