| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৪. ততিযসমাধিসুত্তৰণ্ণনা
4. Tatiyasamādhisuttavaṇṇanā
৯৪. চতুত্থে এৰং খো, আৰুসো, সঙ্খারা দট্ঠব্বাতিআদীসু, আৰুসো, সঙ্খারা নাম অনিচ্চতো দট্ঠব্বা, অনিচ্চতো সম্মসিতব্বা, অনিচ্চতো পস্সিতব্বা। তথা দুক্খতো, অনত্ততোতি এৰং অত্থো দট্ঠব্বো। এৰং খো, আৰুসো, চিত্তং সণ্ঠপেতব্বন্তিআদীসুপি পঠমজ্ঝানৰসেন, আৰুসো, চিত্তং সণ্ঠপেতব্বং পঠমজ্ঝানৰসেন সন্নিসাদেতব্বং, পঠমজ্ঝানৰসেন একোদি কাতব্বং, পঠমজ্ঝানৰসেন সমাদহিতব্বং। তথা দুতিযজ্ঝানাদিৰসেনাতি এৰং অত্থো দট্ঠব্বো। ইমেসু তীসুপি সুত্তেসু সমথৰিপস্সনা লোকিযলোকুত্তরাৰ কথিতা।
94. Catutthe evaṃ kho, āvuso, saṅkhārā daṭṭhabbātiādīsu, āvuso, saṅkhārā nāma aniccato daṭṭhabbā, aniccato sammasitabbā, aniccato passitabbā. Tathā dukkhato, anattatoti evaṃ attho daṭṭhabbo. Evaṃ kho, āvuso, cittaṃ saṇṭhapetabbantiādīsupi paṭhamajjhānavasena, āvuso, cittaṃ saṇṭhapetabbaṃ paṭhamajjhānavasena sannisādetabbaṃ, paṭhamajjhānavasena ekodi kātabbaṃ, paṭhamajjhānavasena samādahitabbaṃ. Tathā dutiyajjhānādivasenāti evaṃ attho daṭṭhabbo. Imesu tīsupi suttesu samathavipassanā lokiyalokuttarāva kathitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. ততিযসমাধিসুত্তং • 4. Tatiyasamādhisuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪. ততিযসমাধিসুত্তৰণ্ণনা • 4. Tatiyasamādhisuttavaṇṇanā
