| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
4. තතියසමාධිසුත්‌තවණ්‌ණනා
4. Tatiyasamādhisuttavaṇṇanā
94. චතුත්‌ථෙ එවං ඛො, ආවුසො, සඞ්‌ඛාරා දට්‌ඨබ්‌බාතිආදීසු, ආවුසො, සඞ්‌ඛාරා නාම අනිච්‌චතො දට්‌ඨබ්‌බා, අනිච්‌චතො සම්‌මසිතබ්‌බා, අනිච්‌චතො පස්‌සිතබ්‌බා. තථා දුක්‌ඛතො, අනත්‌තතොති එවං අත්‌ථො දට්‌ඨබ්‌බො. එවං ඛො, ආවුසො, චිත්‌තං සණ්‌ඨපෙතබ්‌බන්‌තිආදීසුපි පඨමජ්‌ඣානවසෙන, ආවුසො, චිත්‌තං සණ්‌ඨපෙතබ්‌බං පඨමජ්‌ඣානවසෙන සන්‌නිසාදෙතබ්‌බං, පඨමජ්‌ඣානවසෙන එකොදි කාතබ්‌බං, පඨමජ්‌ඣානවසෙන සමාදහිතබ්‌බං. තථා දුතියජ්‌ඣානාදිවසෙනාති එවං අත්‌ථො දට්‌ඨබ්‌බො. ඉමෙසු තීසුපි සුත්‌තෙසු සමථවිපස්‌සනා ලොකියලොකුත්‌තරාව කථිතා.
94. Catutthe evaṃ kho, āvuso, saṅkhārā daṭṭhabbātiādīsu, āvuso, saṅkhārā nāma aniccato daṭṭhabbā, aniccato sammasitabbā, aniccato passitabbā. Tathā dukkhato, anattatoti evaṃ attho daṭṭhabbo. Evaṃ kho, āvuso, cittaṃ saṇṭhapetabbantiādīsupi paṭhamajjhānavasena, āvuso, cittaṃ saṇṭhapetabbaṃ paṭhamajjhānavasena sannisādetabbaṃ, paṭhamajjhānavasena ekodi kātabbaṃ, paṭhamajjhānavasena samādahitabbaṃ. Tathā dutiyajjhānādivasenāti evaṃ attho daṭṭhabbo. Imesu tīsupi suttesu samathavipassanā lokiyalokuttarāva kathitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 4. තතියසමාධිසුත්‌තං • 4. Tatiyasamādhisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 4. තතියසමාධිසුත්‌තවණ්‌ණනා • 4. Tatiyasamādhisuttavaṇṇanā
