| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. ততিযসমণব্রাহ্মণসুত্তং
10. Tatiyasamaṇabrāhmaṇasuttaṃ
১২৩. সাৰত্থিযং ৰিহরতি…পে॰… ‘‘যে হি কেচি, ভিক্খৰে, সমণা ৰা ব্রাহ্মণা ৰা পথৰীধাতুং নপ্পজানন্তি, পথৰীধাতুসমুদযং নপ্পজানন্তি, পথৰীধাতুনিরোধং নপ্পজানন্তি, পথৰীধাতুনিরোধগামিনিং পটিপদং নপ্পজানন্তি…পে॰… আপোধাতুং নপ্পজানন্তি… তেজোধাতুং নপ্পজানন্তি… ৰাযোধাতুং নপ্পজানন্তি, ৰাযোধাতুসমুদযং নপ্পজানন্তি, ৰাযোধাতুনিরোধং নপ্পজানন্তি, ৰাযোধাতুনিরোধগামিনিং পটিপদং নপ্পজানন্তি, ন মে তে, ভিক্খৰে, সমণা ৰা ব্রাহ্মণা ৰা সমণেসু ৰা সমণসম্মতা ব্রাহ্মণেসু ৰা ব্রাহ্মণসম্মতা; ন চ পন তে আযস্মন্তো সামঞ্ঞত্থং ৰা ব্রহ্মঞ্ঞত্থং ৰা দিট্ঠেৰ ধম্মে সযং অভিঞ্ঞা সচ্ছিকত্ৰা উপসম্পজ্জ ৰিহরন্তি’’।
123. Sāvatthiyaṃ viharati…pe… ‘‘ye hi keci, bhikkhave, samaṇā vā brāhmaṇā vā pathavīdhātuṃ nappajānanti, pathavīdhātusamudayaṃ nappajānanti, pathavīdhātunirodhaṃ nappajānanti, pathavīdhātunirodhagāminiṃ paṭipadaṃ nappajānanti…pe… āpodhātuṃ nappajānanti… tejodhātuṃ nappajānanti… vāyodhātuṃ nappajānanti, vāyodhātusamudayaṃ nappajānanti, vāyodhātunirodhaṃ nappajānanti, vāyodhātunirodhagāminiṃ paṭipadaṃ nappajānanti, na me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā; na ca pana te āyasmanto sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti’’.
‘‘যে চ খো কেচি, ভিক্খৰে, সমণা ৰা ব্রাহ্মণা ৰা পথৰীধাতুং পজানন্তি, পথৰীধাতুসমুদযং পজানন্তি, পথৰীধাতুনিরোধং পজানন্তি, পথৰীধাতুনিরোধগামিনিং পটিপদং পজানন্তি… যে চ খো কেচি, ভিক্খৰে, সমণা ৰা ব্রাহ্মণা ৰা…পে॰… আপোধাতুং পজানন্তি… তেজোধাতুং পজানন্তি… ৰাযোধাতুং পজানন্তি, ৰাযোধাতুসমুদযং পজানন্তি, ৰাযোধাতুনিরোধং পজানন্তি, ৰাযোধাতুনিরোধগামিনিং পটিপদং পজানন্তি, তে চ খো মে, ভিক্খৰে, সমণা ৰা ব্রাহ্মণা ৰা সমণেসু চেৰ সমণসম্মতা ব্রাহ্মণেসু চ ব্রাহ্মণসম্মতা; তে চ পনাযস্মন্তো সামঞ্ঞত্থঞ্চ ব্রহ্মঞ্ঞত্থঞ্চ দিট্ঠেৰ ধম্মে সযং অভিঞ্ঞা সচ্ছিকত্ৰা উপসম্পজ্জ ৰিহরন্তী’’তি। দসমং।
‘‘Ye ca kho keci, bhikkhave, samaṇā vā brāhmaṇā vā pathavīdhātuṃ pajānanti, pathavīdhātusamudayaṃ pajānanti, pathavīdhātunirodhaṃ pajānanti, pathavīdhātunirodhagāminiṃ paṭipadaṃ pajānanti… ye ca kho keci, bhikkhave, samaṇā vā brāhmaṇā vā…pe… āpodhātuṃ pajānanti… tejodhātuṃ pajānanti… vāyodhātuṃ pajānanti, vāyodhātusamudayaṃ pajānanti, vāyodhātunirodhaṃ pajānanti, vāyodhātunirodhagāminiṃ paṭipadaṃ pajānanti, te ca kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā; te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Dasamaṃ.
চতুত্থো ৰগ্গো।
Catuttho vaggo.
তস্সুদ্দানং –
Tassuddānaṃ –
চতস্সো পুব্বে অচরিং, নোচেদঞ্চ দুক্খেন চ।
Catasso pubbe acariṃ, nocedañca dukkhena ca;
অভিনন্দঞ্চ উপ্পাদো, তযো সমণব্রাহ্মণাতি॥
Abhinandañca uppādo, tayo samaṇabrāhmaṇāti.
ধাতুসংযুত্তং সমত্তং।
Dhātusaṃyuttaṃ samattaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬-১০. অভিনন্দসুত্তাদিৰণ্ণনা • 6-10. Abhinandasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬-১০. অভিনন্দসুত্তাদিৰণ্ণনা • 6-10. Abhinandasuttādivaṇṇanā
