| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
४. ततियसंखित्तसुत्तवण्णना
4. Tatiyasaṃkhittasuttavaṇṇanā
४८४. सीलक्खन्धादीहि सद्धिन्द्रियादीहि च परितो पूरणेन परिपूरं अरहत्तमग्गं करोन्तो निप्फत्तितो अरहत्तफलं आराधेति निप्फादेति। तयो पदेसमग्गेति सीलक्खन्धादीनं अपारिपूरिया एकदेसभूते तयो हेट्ठिममग्गे। पदेसं हेट्ठिमफलत्तयं। चतूसूति इमस्मिं वग्गे पठमादीसु चतूसु सुत्तेसु। कामञ्चेत्थ ततिये ‘‘ततोति फलवसेन निस्सक्क’’न्ति वुत्तं, चतुत्थे ‘‘परिपूरं परिपूरकारी आराधेति, पदेसं पदेसकारी’’ति, ‘‘चतूसुपि सुत्तेसु मिस्सकानेव इन्द्रियानि कथितानी’’ति पन वचनतो विपस्सनावसेनपि योजना लब्भतेवाति दट्ठब्बं।
484. Sīlakkhandhādīhi saddhindriyādīhi ca parito pūraṇena paripūraṃ arahattamaggaṃ karonto nipphattito arahattaphalaṃ ārādheti nipphādeti. Tayo padesamaggeti sīlakkhandhādīnaṃ apāripūriyā ekadesabhūte tayo heṭṭhimamagge. Padesaṃ heṭṭhimaphalattayaṃ. Catūsūti imasmiṃ vagge paṭhamādīsu catūsu suttesu. Kāmañcettha tatiye ‘‘tatoti phalavasena nissakka’’nti vuttaṃ, catutthe ‘‘paripūraṃ paripūrakārī ārādheti, padesaṃ padesakārī’’ti, ‘‘catūsupi suttesu missakāneva indriyāni kathitānī’’ti pana vacanato vipassanāvasenapi yojanā labbhatevāti daṭṭhabbaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ४. ततियसंखित्तसुत्तं • 4. Tatiyasaṃkhittasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. ततियसंखित्तसुत्तवण्णना • 4. Tatiyasaṃkhittasuttavaṇṇanā
