| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౪. తతియసంఖిత్తసుత్తవణ్ణనా
4. Tatiyasaṃkhittasuttavaṇṇanā
౪౮౪. సీలక్ఖన్ధాదీహి సద్ధిన్ద్రియాదీహి చ పరితో పూరణేన పరిపూరం అరహత్తమగ్గం కరోన్తో నిప్ఫత్తితో అరహత్తఫలం ఆరాధేతి నిప్ఫాదేతి. తయో పదేసమగ్గేతి సీలక్ఖన్ధాదీనం అపారిపూరియా ఏకదేసభూతే తయో హేట్ఠిమమగ్గే. పదేసం హేట్ఠిమఫలత్తయం. చతూసూతి ఇమస్మిం వగ్గే పఠమాదీసు చతూసు సుత్తేసు. కామఞ్చేత్థ తతియే ‘‘తతోతి ఫలవసేన నిస్సక్క’’న్తి వుత్తం, చతుత్థే ‘‘పరిపూరం పరిపూరకారీ ఆరాధేతి, పదేసం పదేసకారీ’’తి, ‘‘చతూసుపి సుత్తేసు మిస్సకానేవ ఇన్ద్రియాని కథితానీ’’తి పన వచనతో విపస్సనావసేనపి యోజనా లబ్భతేవాతి దట్ఠబ్బం.
484. Sīlakkhandhādīhi saddhindriyādīhi ca parito pūraṇena paripūraṃ arahattamaggaṃ karonto nipphattito arahattaphalaṃ ārādheti nipphādeti. Tayo padesamaggeti sīlakkhandhādīnaṃ apāripūriyā ekadesabhūte tayo heṭṭhimamagge. Padesaṃ heṭṭhimaphalattayaṃ. Catūsūti imasmiṃ vagge paṭhamādīsu catūsu suttesu. Kāmañcettha tatiye ‘‘tatoti phalavasena nissakka’’nti vuttaṃ, catutthe ‘‘paripūraṃ paripūrakārī ārādheti, padesaṃ padesakārī’’ti, ‘‘catūsupi suttesu missakāneva indriyāni kathitānī’’ti pana vacanato vipassanāvasenapi yojanā labbhatevāti daṭṭhabbaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౪. తతియసంఖిత్తసుత్తం • 4. Tatiyasaṃkhittasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౪. తతియసంఖిత్తసుత్తవణ్ణనా • 4. Tatiyasaṃkhittasuttavaṇṇanā
