| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. ததியஸமுத³யத⁴ம்மஸுத்தங்
3. Tatiyasamudayadhammasuttaṃ
128. ஏகங் ஸமயங் ஆயஸ்மா ச ஸாரிபுத்தோ ஆயஸ்மா ச மஹாகொட்டி²கோ பா³ராணஸியங் விஹரந்தி இஸிபதனே மிக³தா³யே…பே॰… ஏகமந்தங் நிஸின்னோ கோ² ஆயஸ்மா மஹாகொட்டி²கோ ஆயஸ்மந்தங் ஸாரிபுத்தங் ஏதத³வோச – ‘‘‘விஜ்ஜா, விஜ்ஜா’தி, ஆவுஸோ ஸாரிபுத்த, வுச்சதி. கதமா நு கோ², ஆவுஸோ, விஜ்ஜா, கித்தாவதா ச விஜ்ஜாக³தோ ஹோதீ’’தி?
128. Ekaṃ samayaṃ āyasmā ca sāriputto āyasmā ca mahākoṭṭhiko bārāṇasiyaṃ viharanti isipatane migadāye…pe… ekamantaṃ nisinno kho āyasmā mahākoṭṭhiko āyasmantaṃ sāriputtaṃ etadavoca – ‘‘‘vijjā, vijjā’ti, āvuso sāriputta, vuccati. Katamā nu kho, āvuso, vijjā, kittāvatā ca vijjāgato hotī’’ti?
‘‘இதா⁴வுஸோ, ஸுதவா அரியஸாவகோ ஸமுத³யத⁴ம்மங் ரூபங் ‘ஸமுத³யத⁴ம்மங் ரூப’ந்தி யதா²பூ⁴தங் பஜானாதி; வயத⁴ம்மங் ரூபங்…பே॰… ஸமுத³யவயத⁴ம்மங் ரூபங் ‘ஸமுத³யவயத⁴ம்மங் ரூப’ந்தி யதா²பூ⁴தங் பஜானாதி; ஸமுத³யத⁴ம்மங் வேத³னங்…பே॰… ஸமுத³யவயத⁴ம்மா வேத³னா … ஸமுத³யத⁴ம்மங் ஸஞ்ஞங்…பே॰… ஸமுத³யத⁴ம்மே ஸங்கா²ரே… வயத⁴ம்மே ஸங்கா²ரே… ஸமுத³யவயத⁴ம்மே ஸங்கா²ரே ‘ஸமுத³யவயத⁴ம்மா ஸங்கா²ரா’தி யதா²பூ⁴தங் பஜானாதி. ஸமுத³யத⁴ம்மங் விஞ்ஞாணங்… வயத⁴ம்மங் விஞ்ஞாணங்… ஸமுத³யவயத⁴ம்மங் விஞ்ஞாணங் ‘ஸமுத³யவயத⁴ம்மங் விஞ்ஞாண’ந்தி யதா²பூ⁴தங் பஜானாதி. அயங் வுச்சதாவுஸோ, விஜ்ஜா; எத்தாவதா ச விஜ்ஜாக³தோ ஹோதீ’’தி. ததியங்.
‘‘Idhāvuso, sutavā ariyasāvako samudayadhammaṃ rūpaṃ ‘samudayadhammaṃ rūpa’nti yathābhūtaṃ pajānāti; vayadhammaṃ rūpaṃ…pe… samudayavayadhammaṃ rūpaṃ ‘samudayavayadhammaṃ rūpa’nti yathābhūtaṃ pajānāti; samudayadhammaṃ vedanaṃ…pe… samudayavayadhammā vedanā … samudayadhammaṃ saññaṃ…pe… samudayadhamme saṅkhāre… vayadhamme saṅkhāre… samudayavayadhamme saṅkhāre ‘samudayavayadhammā saṅkhārā’ti yathābhūtaṃ pajānāti. Samudayadhammaṃ viññāṇaṃ… vayadhammaṃ viññāṇaṃ… samudayavayadhammaṃ viññāṇaṃ ‘samudayavayadhammaṃ viññāṇa’nti yathābhūtaṃ pajānāti. Ayaṃ vuccatāvuso, vijjā; ettāvatā ca vijjāgato hotī’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-10. ஸமுத³யத⁴ம்மஸுத்தாதி³வண்ணனா • 1-10. Samudayadhammasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-10. ஸமுத³யத⁴ம்மஸுத்தாதி³வண்ணனா • 1-10. Samudayadhammasuttādivaṇṇanā
