| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. д̇ад̇ияасан̇гхаад̣̇исзсасигкаабад̣̇ам̣
3. Tatiyasaṅghādisesasikkhāpadaṃ
687. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхад̣̇д̣̇ааяа гаабилаанияаа анд̇зваасиний бхигкуний бхигкунийхи сад̣̇д̇хим̣ бхан̣д̣ид̇ваа г̇аамагам̣ 1 н̃аад̇игулам̣ аг̇амааси. бхад̣̇д̣̇аа гаабилааний д̇ам̣ бхигкуним̣ абассанд̇ий бхигкунияо бужчи – ‘‘гахам̣ ид̇т̇аннаамаа, на д̣̇иссад̇ий’’д̇и! ‘‘бхигкунийхи сад̣̇д̇хим̣, аяяз, бхан̣д̣ид̇ваа на д̣̇иссад̇ий’’д̇и. ‘‘аммаа, амугасмим̣ г̇аамагз зд̇иссаа н̃аад̇игулам̣. д̇ад̇т̇а г̇анд̇ваа вижинат̇аа’’д̇и. бхигкунияо д̇ад̇т̇а г̇анд̇ваа д̇ам̣ бхигкуним̣ бассид̇ваа зд̇ад̣̇авожум̣ – ‘‘гисса д̇вам̣, аяяз , згигаа ааг̇ад̇аа, гажжиси аббад̇хам̣сид̇аа’’д̇и? ‘‘аббад̇хам̣сид̇аамхи, аяяз’’д̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний згаа г̇ааманд̇арам̣ г̇ажчиссад̇ий’’д̇и…бз… сажжам̣ гира, бхигкавз, бхигкуний згаа г̇ааманд̇арам̣ г̇ажчад̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз , бхигкуний згаа г̇ааманд̇арам̣ г̇ажчиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
687. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhaddāya kāpilāniyā antevāsinī bhikkhunī bhikkhunīhi saddhiṃ bhaṇḍitvā gāmakaṃ 2 ñātikulaṃ agamāsi. Bhaddā kāpilānī taṃ bhikkhuniṃ apassantī bhikkhuniyo pucchi – ‘‘kahaṃ itthannāmā, na dissatī’’ti! ‘‘Bhikkhunīhi saddhiṃ, ayye, bhaṇḍitvā na dissatī’’ti. ‘‘Ammā, amukasmiṃ gāmake etissā ñātikulaṃ. Tattha gantvā vicinathā’’ti. Bhikkhuniyo tattha gantvā taṃ bhikkhuniṃ passitvā etadavocuṃ – ‘‘kissa tvaṃ, ayye , ekikā āgatā, kaccisi appadhaṃsitā’’ti? ‘‘Appadhaṃsitāmhi, ayye’’ti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhunī ekā gāmantaraṃ gacchissatī’’ti…pe… saccaṃ kira, bhikkhave, bhikkhunī ekā gāmantaraṃ gacchatīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave , bhikkhunī ekā gāmantaraṃ gacchissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
‘‘яаа бана бхигкуний згаа г̇ааманд̇арам̣ г̇ажчзяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
‘‘Yā pana bhikkhunī ekā gāmantaraṃ gaccheyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
688. д̇зна ко бана самаязна д̣̇вз бхигкунияо саагзд̇аа саавад̇т̇им̣ ад̣̇д̇хаанамаг̇г̇аббадибаннаа хонд̇и. анд̇араамаг̇г̇з над̣̇ий д̇арид̇аб̣б̣аа ход̇и. ат̇а ко д̇аа бхигкунияо наавигз убасан̇гамид̇ваа зд̇ад̣̇авожум̣ – ‘‘саад̇ху но, аавусо, д̇аарзт̇аа’’д̇и. ‘‘нааяяз, саггаа убхо сагим̣ д̇аарзд̇у’’нд̇и. зго згам̣ уд̇д̇аарзси. уд̇д̇ин̣н̣о уд̇д̇ин̣н̣ам̣ д̣̇уусзси. ануд̇д̇ин̣н̣о ануд̇д̇ин̣н̣ам̣ д̣̇уусзси. д̇аа бажчаа самааг̇анд̇ваа бужчим̣су – ‘‘гажжиси, аяяз, аббад̇хам̣сид̇аа’’д̇и? ‘‘бад̇хам̣сид̇аамхи, аяяз! д̇вам̣ бана, аяяз, аббад̇хам̣сид̇аа’’д̇и? ‘‘бад̇хам̣сид̇аамхи, аяяз’’д̇и. ат̇а ко д̇аа бхигкунияо саавад̇т̇им̣ г̇анд̇ваа бхигкунийнам̣ зд̇амад̇т̇ам̣ аарожзсум̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний згаа над̣̇ийбаарам̣ г̇ажчиссад̇ий’’д̇и! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз, бхигкуний згаа над̣̇ийбаарам̣ г̇ажчад̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний згаа над̣̇ийбаарам̣ г̇ажчиссад̇и! нзд̇ам̣ , бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
688. Tena kho pana samayena dve bhikkhuniyo sāketā sāvatthiṃ addhānamaggappaṭipannā honti. Antarāmagge nadī taritabbā hoti. Atha kho tā bhikkhuniyo nāvike upasaṅkamitvā etadavocuṃ – ‘‘sādhu no, āvuso, tārethā’’ti. ‘‘Nāyye, sakkā ubho sakiṃ tāretu’’nti. Eko ekaṃ uttāresi. Uttiṇṇo uttiṇṇaṃ dūsesi. Anuttiṇṇo anuttiṇṇaṃ dūsesi. Tā pacchā samāgantvā pucchiṃsu – ‘‘kaccisi, ayye, appadhaṃsitā’’ti? ‘‘Padhaṃsitāmhi, ayye! Tvaṃ pana, ayye, appadhaṃsitā’’ti? ‘‘Padhaṃsitāmhi, ayye’’ti. Atha kho tā bhikkhuniyo sāvatthiṃ gantvā bhikkhunīnaṃ etamatthaṃ ārocesuṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhunī ekā nadīpāraṃ gacchissatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ…pe… saccaṃ kira, bhikkhave, bhikkhunī ekā nadīpāraṃ gacchatī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī ekā nadīpāraṃ gacchissati! Netaṃ , bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
‘‘яаа бана бхигкуний згаа ваа г̇ааманд̇арам̣ г̇ажчзяяа, згаа ваа над̣̇ийбаарам̣ г̇ажчзяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
‘‘Yā pana bhikkhunī ekā vā gāmantaraṃ gaccheyya, ekā vā nadīpāraṃ gaccheyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
689. д̇зна ко бана самаязна самб̣ахулаа бхигкунияо госалзсу ж̇анабад̣̇з саавад̇т̇им̣ г̇ажчанд̇аа 3 сааяам̣ ан̃н̃ад̇арам̣ г̇аамам̣ убаг̇ажчим̣су. д̇ад̇т̇а ан̃н̃ад̇араа бхигкуний абхируубаа ход̇и д̣̇ассанийяаа баасаад̣̇игаа. ан̃н̃ад̇аро бурисо д̇ассаа бхигкунияаа саха д̣̇ассанзна бадиб̣ад̣̇д̇хажид̇д̇о ход̇и. ат̇а ко со бурисо д̇аасам̣ бхигкунийнам̣ сзяяам̣ бан̃н̃абзнд̇о д̇ассаа бхигкунияаа сзяяам̣ згаманд̇ам̣ бан̃н̃аабзси. ат̇а ко саа бхигкуний саллагкзд̇ваа – ‘‘барияудтид̇о аяам̣ бурисо; сажз рад̇д̇им̣ ааг̇ажчиссад̇и, виссаро мз бхависсад̇ий’’д̇и, бхигкунияо анаабужчаа ан̃н̃ад̇арам̣ гулам̣ г̇анд̇ваа сзяяам̣ габбзси. ат̇а ко со бурисо рад̇д̇им̣ ааг̇анд̇ваа д̇ам̣ бхигкуним̣ г̇авзсанд̇о бхигкунияо гхаддзси. бхигкунияо д̇ам̣ бхигкуним̣ абассанд̇ияо звамаахам̣су – ‘‘ниссам̣саяам̣ ко саа бхигкуний бурисзна сад̣̇д̇хим̣ нигканд̇аа’’д̇и.
689. Tena kho pana samayena sambahulā bhikkhuniyo kosalesu janapade sāvatthiṃ gacchantā 4 sāyaṃ aññataraṃ gāmaṃ upagacchiṃsu. Tattha aññatarā bhikkhunī abhirūpā hoti dassanīyā pāsādikā. Aññataro puriso tassā bhikkhuniyā saha dassanena paṭibaddhacitto hoti. Atha kho so puriso tāsaṃ bhikkhunīnaṃ seyyaṃ paññapento tassā bhikkhuniyā seyyaṃ ekamantaṃ paññāpesi. Atha kho sā bhikkhunī sallakkhetvā – ‘‘pariyuṭṭhito ayaṃ puriso; sace rattiṃ āgacchissati, vissaro me bhavissatī’’ti, bhikkhuniyo anāpucchā aññataraṃ kulaṃ gantvā seyyaṃ kappesi. Atha kho so puriso rattiṃ āgantvā taṃ bhikkhuniṃ gavesanto bhikkhuniyo ghaṭṭesi. Bhikkhuniyo taṃ bhikkhuniṃ apassantiyo evamāhaṃsu – ‘‘nissaṃsayaṃ kho sā bhikkhunī purisena saddhiṃ nikkhantā’’ti.
ат̇а ко саа бхигкуний д̇ассаа рад̇д̇ияаа ажжаязна язна д̇аа бхигкунияо д̇знубасан̇гами. бхигкунияо д̇ам̣ бхигкуним̣ зд̇ад̣̇авожум̣ – ‘‘гисса д̇вам̣, аяяз, бурисзна сад̣̇д̇хим̣ нигканд̇аа’’д̇и? ‘‘наахам̣, аяяз, бурисзна сад̣̇д̇хим̣ нигканд̇аа’’д̇и. бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний згаа рад̇д̇им̣ виббавасиссад̇ий’’д̇и…бз… сажжам̣ гира, бхигкавз, бхигкуний згаа рад̇д̇им̣ виббавасийд̇и 5? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний згаа рад̇д̇им̣ виббавасиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
Atha kho sā bhikkhunī tassā rattiyā accayena yena tā bhikkhuniyo tenupasaṅkami. Bhikkhuniyo taṃ bhikkhuniṃ etadavocuṃ – ‘‘kissa tvaṃ, ayye, purisena saddhiṃ nikkhantā’’ti? ‘‘Nāhaṃ, ayye, purisena saddhiṃ nikkhantā’’ti. Bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhunī ekā rattiṃ vippavasissatī’’ti…pe… saccaṃ kira, bhikkhave, bhikkhunī ekā rattiṃ vippavasīti 6? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī ekā rattiṃ vippavasissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
‘‘яаа бана бхигкуний згаа ваа г̇ааманд̇арам̣ г̇ажчзяяа, згаа ваа над̣̇ийбаарам̣ г̇ажчзяяа, згаа ваа рад̇д̇им̣ виббавасзяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
‘‘Yā pana bhikkhunī ekā vā gāmantaraṃ gaccheyya, ekā vā nadīpāraṃ gaccheyya, ekā vā rattiṃ vippavaseyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
690. д̇зна ко бана самаязна самб̣ахулаа бхигкунияо госалзсу ж̇анабад̣̇з саавад̇т̇им̣ ад̣̇д̇хаанамаг̇г̇аббадибаннаа хонд̇и. д̇ад̇т̇а ан̃н̃ад̇араа бхигкуний важжзна бийл̣ид̇аа згигаа охийяид̇ваа 7 бажчаа аг̇амааси. мануссаа д̇ам̣ бхигкуним̣ бассид̇ваа д̣̇уусзсум̣. ат̇а ко саа бхигкуний язна д̇аа бхигкунияо д̇знубасан̇гами. бхигкунияо д̇ам̣ бхигкуним̣ зд̇ад̣̇авожум̣ – ‘‘гисса д̇вам̣, аяяз, згигаа охийнаа, гажжиси аббад̇хам̣сид̇аа’’д̇и? ‘‘бад̇хам̣сид̇аамхи, аяяз’’д̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – гат̇ан̃хи наама бхигкуний згаа г̇ан̣амхаа охийяиссад̇ийд̇и…бз… сажжам̣ гира, бхигкавз, бхигкуний згаа г̇ан̣амхаа охийяад̇ийд̇и? ‘‘сажжам̣, бхаг̇аваа’’д̇и . виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний згаа г̇ан̣амхаа охийяиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
690. Tena kho pana samayena sambahulā bhikkhuniyo kosalesu janapade sāvatthiṃ addhānamaggappaṭipannā honti. Tattha aññatarā bhikkhunī vaccena pīḷitā ekikā ohīyitvā 8 pacchā agamāsi. Manussā taṃ bhikkhuniṃ passitvā dūsesuṃ. Atha kho sā bhikkhunī yena tā bhikkhuniyo tenupasaṅkami. Bhikkhuniyo taṃ bhikkhuniṃ etadavocuṃ – ‘‘kissa tvaṃ, ayye, ekikā ohīnā, kaccisi appadhaṃsitā’’ti? ‘‘Padhaṃsitāmhi, ayye’’ti. Yā tā bhikkhuniyo appicchā…pe… tā ujjhāyanti khiyyanti vipācenti – kathañhi nāma bhikkhunī ekā gaṇamhā ohīyissatīti…pe… saccaṃ kira, bhikkhave, bhikkhunī ekā gaṇamhā ohīyatīti? ‘‘Saccaṃ, bhagavā’’ti . Vigarahi buddho bhagavā…pe… kathañhi nāma, bhikkhave, bhikkhunī ekā gaṇamhā ohīyissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
691. ‘‘яаа бана бхигкуний згаа ваа г̇ааманд̇арам̣ г̇ажчзяяа, згаа ваа над̣̇ийбаарам̣ г̇ажчзяяа, згаа ваа рад̇д̇им̣ виббавасзяяа, згаа ваа г̇ан̣амхаа охийязяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
691.‘‘Yāpana bhikkhunī ekā vā gāmantaraṃ gaccheyya, ekā vā nadīpāraṃ gaccheyya, ekā vā rattiṃ vippavaseyya, ekā vā gaṇamhā ohīyeyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
692. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
692.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
згаа ваа г̇ааманд̇арам̣ г̇ажчзяяаад̇и баригкид̇д̇асса г̇аамасса баригкзбам̣ батамам̣ баад̣̇ам̣ ад̇иггаамзнд̇ияаа аабад̇д̇и т̇уллажжаяасса, д̣̇уд̇ияам̣ баад̣̇ам̣ ад̇иггаамзнд̇ияаа аабад̇д̇и сан̇гхаад̣̇исзсасса.
Ekā vā gāmantaraṃ gaccheyyāti parikkhittassa gāmassa parikkhepaṃ paṭhamaṃ pādaṃ atikkāmentiyā āpatti thullaccayassa, dutiyaṃ pādaṃ atikkāmentiyā āpatti saṅghādisesassa.
абаригкид̇д̇асса г̇аамасса убажаарам̣ батамам̣ баад̣̇ам̣ ад̇иггаамзнд̇ияаа аабад̇д̇и т̇уллажжаяасса. д̣̇уд̇ияам̣ баад̣̇ам̣ ад̇иггаамзнд̇ияаа аабад̇д̇и сан̇гхаад̣̇исзсасса.
Aparikkhittassa gāmassa upacāraṃ paṭhamaṃ pādaṃ atikkāmentiyā āpatti thullaccayassa. Dutiyaṃ pādaṃ atikkāmentiyā āpatti saṅghādisesassa.
згаа ваа над̣̇ийбаарам̣ г̇ажчзяяаад̇и над̣̇ий наама д̇иман̣д̣алам̣ бадижчаад̣̇зд̇ваа яад̇т̇а гад̇т̇ажи уд̇д̇аранд̇ияаа бхигкунияаа анд̇араваасаго д̇змияад̇и. батамам̣ баад̣̇ам̣ уд̇д̇аранд̇ияаа аабад̇д̇и т̇уллажжаяасса. д̣̇уд̇ияам̣ баад̣̇ам̣ уд̇д̇аранд̇ияаа аабад̇д̇и сан̇гхаад̣̇исзсасса.
Ekā vā nadīpāraṃ gaccheyyāti nadī nāma timaṇḍalaṃ paṭicchādetvā yattha katthaci uttarantiyā bhikkhuniyā antaravāsako temiyati. Paṭhamaṃ pādaṃ uttarantiyā āpatti thullaccayassa. Dutiyaṃ pādaṃ uttarantiyā āpatti saṅghādisesassa.
згаа ваа рад̇д̇им̣ виббавасзяяаад̇и саха арун̣уг̇г̇аманаа д̣̇уд̇ияигааяа бхигкунияаа хад̇т̇абаасам̣ виж̇аханд̇ияаа аабад̇д̇и т̇уллажжаяасса. виж̇ахид̇з аабад̇д̇и сан̇гхаад̣̇исзсасса.
Ekā vā rattiṃ vippavaseyyāti saha aruṇuggamanā dutiyikāya bhikkhuniyā hatthapāsaṃ vijahantiyā āpatti thullaccayassa. Vijahite āpatti saṅghādisesassa.
згаа ваа г̇ан̣амхаа охийязяяаад̇и аг̇аамагз аран̃н̃з д̣̇уд̇ияигааяа бхигкунияаа д̣̇ассануубажаарам̣ ваа савануубажаарам̣ ваа виж̇аханд̇ияаа аабад̇д̇и т̇уллажжаяасса. виж̇ахид̇з аабад̇д̇и сан̇гхаад̣̇исзсасса.
Ekā vā gaṇamhā ohīyeyyāti agāmake araññe dutiyikāya bhikkhuniyā dassanūpacāraṃ vā savanūpacāraṃ vā vijahantiyā āpatti thullaccayassa. Vijahite āpatti saṅghādisesassa.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
батамаабад̇д̇иганд̇и саха вад̇т̇уж̇жхаажаараа аабаж̇ж̇ад̇и асаманубхаасанааяа.
Paṭhamāpattikanti saha vatthujjhācārā āpajjati asamanubhāsanāya.
ниссааран̣ийяанд̇и сан̇гхамхаа ниссаарийяад̇и.
Nissāraṇīyanti saṅghamhā nissārīyati.
сан̇гхаад̣̇исзсод̇и…бз… д̇знаби вужжад̇и сан̇гхаад̣̇исзсод̇и.
Saṅghādisesoti…pe… tenapi vuccati saṅghādisesoti.
693. анаабад̇д̇и д̣̇уд̇ияигаа бхигкуний багганд̇аа ваа ход̇и виб̣бханд̇аа ваа гаалан̇гад̇аа ваа багкасан̇ганд̇аа ваа, аабад̣̇аасу, уммад̇д̇игааяа, аад̣̇игаммигааяаад̇и.
693. Anāpatti dutiyikā bhikkhunī pakkantā vā hoti vibbhantā vā kālaṅkatā vā pakkhasaṅkantā vā, āpadāsu, ummattikāya, ādikammikāyāti.
д̇ад̇ияасан̇гхаад̣̇исзсасигкаабад̣̇ам̣ нидтид̇ам̣.
Tatiyasaṅghādisesasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияасан̇гхаад̣̇исзсасигкаабад̣̇ам̣ • 3. Tatiyasaṅghādisesasikkhāpadaṃ
