| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
3. д̇ад̇ияасан̇гхаад̣̇исзсасигкаабад̣̇аван̣н̣анаа
3. Tatiyasaṅghādisesasikkhāpadavaṇṇanā
692. д̇ад̇ияз – баригкзбам̣ ад̇иггаамзнд̇ияаад̇и зд̇т̇а згам̣ баад̣̇ам̣ ад̇иггаамзнд̇ияаа т̇уллажжаяам̣, д̣̇уд̇иязна ад̇игганд̇амад̇д̇з сан̇гхаад̣̇исзсо. абаригкид̇д̇асса г̇аамасса убажааранд̇и зд̇т̇а баригкзбаарахадтаанам̣ згзна баад̣̇зна ад̇иггамад̇и т̇уллажжаяам̣, д̣̇уд̇иязна ад̇игганд̇амад̇д̇з сан̇гхаад̣̇исзсо. абижзд̇т̇а сагаг̇аамад̇о нигкаманд̇ияаа г̇ааманд̇арабажжаяаа анаабад̇д̇и, нигкамид̇ваа бана г̇ааманд̇арам̣ г̇ажчанд̇ияаа бад̣̇аваарз бад̣̇аваарз д̣̇уггадам̣, згзна баад̣̇зна ид̇арасса г̇аамасса баригкзбз ваа убажаарз ваа ад̇игганд̇амад̇д̇з т̇уллажжаяам̣, д̣̇уд̇иязна ад̇игганд̇амад̇д̇з сан̇гхаад̣̇исзсо. д̇ад̇о нигкамид̇ваа буна сагаг̇аамам̣ бависанд̇ияааби зсзва наяо. сажз бана кан̣д̣абаагаарзна ваа вад̇ичид̣̇д̣̇зна ваа бхигкунивихаарабхуумиязва саггаа ход̇и бависид̇ум̣, звам̣ бависамаанааяа габбияабхуумим̣ наама бавидтаа ход̇и, д̇асмаа ваддад̇и. сажзби хад̇т̇ибидтиаад̣̇ийхи ваа ид̣̇д̇хияаа ваа бависад̇и, ваддад̇иязва. бад̣̇асаа г̇аманамзва хи ид̇хаад̇хиббзд̇ам̣. д̇знзва ‘‘батамам̣ баад̣̇ам̣ ад̇иггаамзнд̇ияаа’’д̇иаад̣̇имааха.
692. Tatiye – parikkhepaṃ atikkāmentiyāti ettha ekaṃ pādaṃ atikkāmentiyā thullaccayaṃ, dutiyena atikkantamatte saṅghādiseso. Aparikkhittassa gāmassa upacāranti ettha parikkhepārahaṭṭhānaṃ ekena pādena atikkamati thullaccayaṃ, dutiyena atikkantamatte saṅghādiseso. Apicettha sakagāmato nikkhamantiyā gāmantarapaccayā anāpatti, nikkhamitvā pana gāmantaraṃ gacchantiyā padavāre padavāre dukkaṭaṃ, ekena pādena itarassa gāmassa parikkhepe vā upacāre vā atikkantamatte thullaccayaṃ, dutiyena atikkantamatte saṅghādiseso. Tato nikkhamitvā puna sakagāmaṃ pavisantiyāpi eseva nayo. Sace pana khaṇḍapākārena vā vatichiddena vā bhikkhunivihārabhūmiyeva sakkā hoti pavisituṃ, evaṃ pavisamānāya kappiyabhūmiṃ nāma paviṭṭhā hoti, tasmā vaṭṭati. Sacepi hatthipiṭṭhiādīhi vā iddhiyā vā pavisati, vaṭṭatiyeva. Padasā gamanameva hi idhādhippetaṃ. Teneva ‘‘paṭhamaṃ pādaṃ atikkāmentiyā’’tiādimāha.
д̣̇вз г̇аамаа бхигкунивихаарзна самб̣ад̣̇д̇хавад̇игаа хонд̇и, яасмим̣ г̇аамз бхигкунивихааро, д̇ад̇т̇а бин̣д̣ааяа жарид̇ваа буна вихаарам̣ бависид̇ваа сажз вихаарамаж̇жхзна ид̇арасса г̇аамасса маг̇г̇о ад̇т̇и, г̇анд̇ум̣ ваддад̇и. д̇ад̇о бана г̇аамад̇о д̇знзва маг̇г̇зна бажжааг̇анд̇аб̣б̣ам̣. сажз г̇аамад̣̇ваарзна нигкамид̇ваа ааг̇ажчад̇и, буриманаязнзва аабад̇д̇ибхзд̣̇о взд̣̇ид̇аб̣б̣о. сагаг̇аамад̇о гзнажи гаран̣ийязна бхигкунийхи сад̣̇д̇хим̣ нигканд̇ааяа буна бависанагаалз хад̇т̇и ваа мужжад̇и, уссааран̣аа ваа ход̇и, ид̇араа бхигкунияо сахасаа г̇аамам̣ бависанд̇и, яаава ан̃н̃аа бхигкуний ааг̇ажчад̇и, д̇аава б̣ахиг̇аамад̣̇ваарз таад̇аб̣б̣ам̣. сажз на ааг̇ажчад̇и, д̣̇уд̇ияигаа бхигкуний багганд̇аа наама ход̇и, бависид̇ум̣ ваддад̇и.
Dve gāmā bhikkhunivihārena sambaddhavatikā honti, yasmiṃ gāme bhikkhunivihāro, tattha piṇḍāya caritvā puna vihāraṃ pavisitvā sace vihāramajjhena itarassa gāmassa maggo atthi, gantuṃ vaṭṭati. Tato pana gāmato teneva maggena paccāgantabbaṃ. Sace gāmadvārena nikkhamitvā āgacchati, purimanayeneva āpattibhedo veditabbo. Sakagāmato kenaci karaṇīyena bhikkhunīhi saddhiṃ nikkhantāya puna pavisanakāle hatthi vā muccati, ussāraṇā vā hoti, itarā bhikkhuniyo sahasā gāmaṃ pavisanti, yāva aññā bhikkhunī āgacchati, tāva bahigāmadvāre ṭhātabbaṃ. Sace na āgacchati, dutiyikā bhikkhunī pakkantā nāma hoti, pavisituṃ vaṭṭati.
буб̣б̣з махааг̇аамо ход̇и, маж̇жхз бхигкунивихааро. бажчаа д̇ам̣ г̇аамам̣ жад̇д̇ааро ж̇анаа лабхид̇ваа висум̣ висум̣ вад̇ибаригкзбам̣ гад̇ваа вибхаж̇ид̇ваа бхун̃ж̇анд̇и, вихаарад̇о згам̣ г̇аамам̣ г̇анд̇ум̣ ваддад̇и. д̇ад̇о абарам̣ г̇аамам̣ д̣̇ваарзна ваа вад̇ичид̣̇д̣̇зна ваа бависид̇ум̣ на ваддад̇и. буна вихаарамзва бажжааг̇анд̇ум̣ ваддад̇и. гасмаа? вихаарасса жад̇уг̇аамасаад̇хааран̣ад̇д̇аа.
Pubbe mahāgāmo hoti, majjhe bhikkhunivihāro. Pacchā taṃ gāmaṃ cattāro janā labhitvā visuṃ visuṃ vatiparikkhepaṃ katvā vibhajitvā bhuñjanti, vihārato ekaṃ gāmaṃ gantuṃ vaṭṭati. Tato aparaṃ gāmaṃ dvārena vā vatichiddena vā pavisituṃ na vaṭṭati. Puna vihārameva paccāgantuṃ vaṭṭati. Kasmā? Vihārassa catugāmasādhāraṇattā.
анд̇араваасаго д̇змияад̇ийд̇и яад̇т̇а яат̇аа д̇иман̣д̣алабадижчаад̣̇анам̣ ход̇и; звам̣ нивад̇т̇ааяа бхигкунияаа вассагаалз д̇ид̇т̇зна ваа ад̇ид̇т̇зна ваа од̇арид̇ваа яад̇т̇а гад̇т̇ажи уд̇д̇аранд̇ияаа згад̣̇ван̇г̇уламад̇д̇амби анд̇араваасаго д̇змияад̇и. сзсам̣ над̣̇ийлагкан̣ам̣ над̣̇ийнимид̇д̇агат̇ааяа аави бхависсад̇и. зваруубам̣ над̣̇им̣ д̇ид̇т̇зна ваа ад̇ид̇т̇зна ваа од̇арид̇ваа уд̇д̇аран̣агаалз батамам̣ баад̣̇ам̣ уд̣̇д̇харид̇ваа д̇ийрз табзнд̇ияаа т̇уллажжаяам̣, д̣̇уд̇ияабаад̣̇уд̣̇д̇хаарз сан̇гхаад̣̇исзсо. сзд̇унаа г̇ажчад̇и, анаабад̇д̇и. бад̣̇асаа од̇арид̇ваа уд̇д̇аран̣агаалз сзд̇ум̣ аарохид̇ваа уд̇д̇аранд̇ияааби анаабад̇д̇и. сзд̇унаа бана г̇анд̇ваа уд̇д̇аран̣агаалз бад̣̇асаа г̇ажчанд̇ияаа аабад̇д̇иязва. яаананааваааагаасаг̇аманаад̣̇ийсуби зсзва наяо. оримад̇ийрад̇о бана барад̇ийрамзва аггаманд̇ияаа анаабад̇д̇и. раж̇анагаммад̇т̇ам̣ г̇анд̇ваа д̣̇аарусан̇гад̣дханаад̣̇игижжзна д̣̇вз д̇иссо убхаяад̇ийрзсу вижаранд̇и, ваддад̇и. сажз банзд̇т̇а гаажи галахам̣ гад̇ваа ид̇арам̣ д̇ийрам̣ г̇ажчад̇и, аабад̇д̇и. д̣̇вз згад̇о уд̇д̇аранд̇и, згаа маж̇жхз над̣̇ияаа галахам̣ гад̇ваа нивад̇д̇ид̇ваа оримад̇ийрамзва ааг̇ажчад̇и, аабад̇д̇и. ид̇ариссаа бана аяам̣ багганд̇адтаанз тид̇аа ход̇и, д̇асмаа барад̇ийрам̣ г̇ажчанд̇ияааби анаабад̇д̇и. нхааяид̇ум̣ ваа баад̇ум̣ ваа од̇ин̣н̣аа д̇амзва д̇ийрам̣ бажжуд̇д̇арад̇и, анаабад̇д̇и.
Antaravāsako temiyatīti yattha yathā timaṇḍalapaṭicchādanaṃ hoti; evaṃ nivatthāya bhikkhuniyā vassakāle titthena vā atitthena vā otaritvā yattha katthaci uttarantiyā ekadvaṅgulamattampi antaravāsako temiyati. Sesaṃ nadīlakkhaṇaṃ nadīnimittakathāya āvi bhavissati. Evarūpaṃ nadiṃ titthena vā atitthena vā otaritvā uttaraṇakāle paṭhamaṃ pādaṃ uddharitvā tīre ṭhapentiyā thullaccayaṃ, dutiyapāduddhāre saṅghādiseso. Setunā gacchati, anāpatti. Padasā otaritvā uttaraṇakāle setuṃ ārohitvā uttarantiyāpi anāpatti. Setunā pana gantvā uttaraṇakāle padasā gacchantiyā āpattiyeva. Yānanāvāākāsagamanādīsupi eseva nayo. Orimatīrato pana paratīrameva akkamantiyā anāpatti. Rajanakammatthaṃ gantvā dārusaṅkaḍḍhanādikiccena dve tisso ubhayatīresu vicaranti, vaṭṭati. Sace panettha kāci kalahaṃ katvā itaraṃ tīraṃ gacchati, āpatti. Dve ekato uttaranti, ekā majjhe nadiyā kalahaṃ katvā nivattitvā orimatīrameva āgacchati, āpatti. Itarissā pana ayaṃ pakkantaṭṭhāne ṭhitā hoti, tasmā paratīraṃ gacchantiyāpi anāpatti. Nhāyituṃ vā pātuṃ vā otiṇṇā tameva tīraṃ paccuttarati, anāpatti.
саха арун̣уг̇г̇аманаад̇и зд̇т̇а сажз саж̇жхааяам̣ ваа бад̇хаанам̣ ваа ан̃н̃ам̣ ваа гин̃жи гаммам̣ гурумаанаа бурзарун̣зязва д̣̇уд̇ияигааяа санд̇игам̣ г̇амиссаамийд̇и аабхог̇ам̣ гарод̇и, аж̇аананд̇ияаа зва жассаа арун̣о уг̇г̇ажчад̇и, анаабад̇д̇и. ат̇а бана ‘‘яаава арун̣уг̇г̇аманаа ид̇хзва бхависсаамий’’д̇и ваа анаабхог̇зна ваа вихаарасса згад̣̇зсз ажчад̇и, д̣̇уд̇ияигааяа хад̇т̇абаасам̣ на од̇арад̇и, арун̣уг̇г̇аманз сан̇гхаад̣̇исзсо. хад̇т̇абаасоязва хи ид̇ха бамаан̣ам̣, хад̇т̇абаасаад̇иггамз згаг̇аб̣бхоби на рагкад̇и.
Saha aruṇuggamanāti ettha sace sajjhāyaṃ vā padhānaṃ vā aññaṃ vā kiñci kammaṃ kurumānā purearuṇeyeva dutiyikāya santikaṃ gamissāmīti ābhogaṃ karoti, ajānantiyā eva cassā aruṇo uggacchati, anāpatti. Atha pana ‘‘yāva aruṇuggamanā idheva bhavissāmī’’ti vā anābhogena vā vihārassa ekadese acchati, dutiyikāya hatthapāsaṃ na otarati, aruṇuggamane saṅghādiseso. Hatthapāsoyeva hi idha pamāṇaṃ, hatthapāsātikkame ekagabbhopi na rakkhati.
аг̇аамагз аран̃н̃зд̇и зд̇т̇а ‘‘нигкамид̇ваа б̣ахи инд̣̇акийлаа саб̣б̣амзд̇ам̣ аран̃н̃а’’нд̇и звам̣ вуд̇д̇алагкан̣амзва аран̃н̃ам̣. д̇ам̣ банзд̇ам̣ гзвалам̣ г̇аамаабхаавзна ‘‘аг̇аамага’’нд̇и вуд̇д̇ам̣, на вин̃жхаадависад̣̇исад̇ааяа. д̇аад̣̇исз аран̃н̃з огганд̇з д̣̇ассануубажаарз виж̇ахид̇з сажзби савануубажааро ад̇т̇и, аабад̇д̇и. д̇знзва вуд̇д̇ам̣ адтагат̇ааяам̣ ‘‘сажз бхигкунийсу махааб̣од̇хиан̇г̇ан̣ам̣ бависанд̇ийсу згаа б̣ахи д̇идтад̇и, д̇ассааби аабад̇д̇и. лохабаасаад̣̇ам̣ бависанд̇ийсуби баривзн̣ам̣ бависанд̇ийсуби зсзва наяо. махаажзд̇ияам̣ ванд̣̇амаанаасу згаа уд̇д̇арад̣̇ваарзна нигкамид̇ваа г̇ажчад̇и, д̇ассааби аабад̇д̇и. т̇уубаараамам̣ бависанд̇ийсу згаа б̣ахи д̇идтад̇и, д̇ассааби аабад̇д̇ий’’д̇и. зд̇т̇а жа д̣̇ассануубажааро наама яад̇т̇а тид̇ам̣ д̣̇уд̇ияигаа бассад̇и. сажз бана саан̣ибаагааранд̇аригааби ход̇и, д̣̇ассануубажаарам̣ виж̇ахад̇и наама. савануубажааро наама яад̇т̇а тид̇аа маг̇г̇амуул̣хасад̣̇д̣̇зна вияа д̇хаммасаванаарожанасад̣̇д̣̇зна вияа жа ‘‘аяяз’’д̇и сад̣̇д̣̇ааяанд̇ияаа сад̣̇д̣̇ам̣ сун̣аад̇и. аж̇жхогаасз д̣̇уурзби д̣̇ассануубажааро наама ход̇и. со зваруубз савануубажаарз виж̇ахид̇з на рагкад̇и, виж̇ахид̇амад̇д̇зва аабад̇д̇и сан̇гхаад̣̇исзсасса.
Agāmakearaññeti ettha ‘‘nikkhamitvā bahi indakhīlā sabbametaṃ arañña’’nti evaṃ vuttalakkhaṇameva araññaṃ. Taṃ panetaṃ kevalaṃ gāmābhāvena ‘‘agāmaka’’nti vuttaṃ, na viñjhāṭavisadisatāya. Tādise araññe okkante dassanūpacāre vijahite sacepi savanūpacāro atthi, āpatti. Teneva vuttaṃ aṭṭhakathāyaṃ ‘‘sace bhikkhunīsu mahābodhiaṅgaṇaṃ pavisantīsu ekā bahi tiṭṭhati, tassāpi āpatti. Lohapāsādaṃ pavisantīsupi pariveṇaṃ pavisantīsupi eseva nayo. Mahācetiyaṃ vandamānāsu ekā uttaradvārena nikkhamitvā gacchati, tassāpi āpatti. Thūpārāmaṃ pavisantīsu ekā bahi tiṭṭhati, tassāpi āpattī’’ti. Ettha ca dassanūpacāro nāma yattha ṭhitaṃ dutiyikā passati. Sace pana sāṇipākārantarikāpi hoti, dassanūpacāraṃ vijahati nāma. Savanūpacāro nāma yattha ṭhitā maggamūḷhasaddena viya dhammasavanārocanasaddena viya ca ‘‘ayye’’ti saddāyantiyā saddaṃ suṇāti. Ajjhokāse dūrepi dassanūpacāro nāma hoti. So evarūpe savanūpacāre vijahite na rakkhati, vijahitamatteva āpatti saṅghādisesassa.
згаа маг̇г̇ам̣ г̇ажчанд̇ий охийяад̇и. сауссаахаа жз худ̇ваа ид̣̇аани баабун̣иссаамийд̇и ануб̣анд̇хад̇и, анаабад̇д̇и. сажз буримааяо ан̃н̃зна маг̇г̇зна г̇ажчанд̇и, багганд̇аа наама хонд̇и, анаабад̇д̇иязва. д̣̇виннам̣ г̇ажчанд̇ийнам̣ згаа ануб̣анд̇хид̇ум̣ асаггонд̇ий ‘‘г̇ажчад̇у аяа’’нд̇и охийяад̇и, ид̇арааби ‘‘охийяад̇у аяа’’нд̇и, г̇ажчад̇и, д̣̇виннамби аабад̇д̇и. сажз бана г̇ажчанд̇ийсу буримааби ан̃н̃ам̣ маг̇г̇ам̣ г̇ан̣хаад̇и, бажчимааби ан̃н̃ам̣, згаа згиссаа багганд̇адтаанз д̇идтад̇и, д̣̇виннамби анаабад̇д̇и.
Ekā maggaṃ gacchantī ohīyati. Saussāhā ce hutvā idāni pāpuṇissāmīti anubandhati, anāpatti. Sace purimāyo aññena maggena gacchanti, pakkantā nāma honti, anāpattiyeva. Dvinnaṃ gacchantīnaṃ ekā anubandhituṃ asakkontī ‘‘gacchatu aya’’nti ohīyati, itarāpi ‘‘ohīyatu aya’’nti, gacchati, dvinnampi āpatti. Sace pana gacchantīsu purimāpi aññaṃ maggaṃ gaṇhāti, pacchimāpi aññaṃ, ekā ekissā pakkantaṭṭhāne tiṭṭhati, dvinnampi anāpatti.
693. багкасан̇ганд̇аа ваад̇и д̇ид̇т̇ааяад̇анам̣ сан̇ганд̇аа, сзсам̣ уд̇д̇аанамзва. батамабаарааж̇игасамудтаанам̣ – гирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
693.Pakkhasaṅkantā vāti titthāyatanaṃ saṅkantā, sesaṃ uttānameva. Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, ticittaṃ, tivedananti.
д̇ад̇ияасигкаабад̣̇ам̣.
Tatiyasikkhāpadaṃ.
Next: 4. жад̇уд̇т̇асан̇гхаад̣̇исзсасигкаабад̣̇аван̣н̣анаа • 4. Catutthasaṅghādisesasikkhāpadavaṇṇanā
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 3. д̇ад̇ияасан̇гхаад̣̇исзсасигкаабад̣̇ам̣ • 3. Tatiyasaṅghādisesasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияасан̇гхаад̣̇исзсасигкаабад̣̇ам̣ • 3. Tatiyasaṅghādisesasikkhāpadaṃ
