| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. д̇ад̇ияасан̇гхаад̣̇исзсасигкаабад̣̇аван̣н̣анаа
3. Tatiyasaṅghādisesasikkhāpadavaṇṇanā
692. д̇ад̇ияз баригкзбам̣ ад̇иггаамзнд̇ияаад̇и сагаг̇аамад̇о ан̃н̃асса г̇аамасса баригкзбам̣ ад̇иггаамзнд̇ияаа. ‘‘г̇ааманд̇арам̣ г̇ажчзяяаа’’д̇и хи важанад̇о ан̃н̃асса г̇аамасса баригкзбам̣ ад̇иггаамзнд̇ияаа зва аабад̇д̇и, на сагаг̇аамасса. ан̃н̃о хи г̇аамо г̇ааманд̇арам̣. абаригкид̇д̇асса г̇аамасса убажааранд̇и зд̇т̇а убажаара-сад̣̇д̣̇зна гхаруубажаарад̇о батамалзд̣д̣убаад̇асан̇каад̇ам̣ баригкзбаарахадтаанам̣ г̇ахид̇ам̣, на д̇ад̇о д̣̇уд̇ияалзд̣д̣убаад̇асан̇каад̇о убажаарод̇и ааха ‘‘баригкзбаарахадтаана’’нд̇и. д̇знзва баал̣ияам̣ ‘‘убажаарам̣ ад̇иггаамзнд̇ияаа’’д̇и вуд̇д̇ам̣. ан̃н̃ат̇аа яат̇аа вигаалаг̇аамаббависанасигкаабад̣̇з ‘‘баригкид̇д̇асса г̇аамасса баригкзбам̣ ад̇иггаманд̇асса, абаригкид̇д̇асса г̇аамасса убажаарам̣ оггаманд̇ассаа’’д̇и (баажи. 513) вуд̇д̇ам̣, звамид̇хааби ‘‘баригкид̇д̇асса г̇аамасса баригкзбам̣ ад̇иггаамзнд̇ияаа абаригкид̇д̇асса г̇аамасса убажаарам̣ оггаманд̇ияаа’’д̇и вад̣̇зяяа. сан̇кзбад̇о вуд̇д̇амад̇т̇ам̣ вибхаж̇ид̇ваа д̣̇ассзнд̇о ‘‘абижзд̇т̇аа’’д̇иаад̣̇имааха. вихаарасса жад̇уг̇аамасаад̇хааран̣ад̇д̇аад̇и иминаа ‘‘вихаарад̇о згам̣ г̇аамам̣ г̇анд̇ум̣ ваддад̇ий’’д̇и зд̇т̇а гааран̣амааха. вихаарасса жад̇уг̇аамасаад̇хааран̣ад̇д̇ааязва хи жад̇уусу г̇аамзсу яам̣гин̃жи згам̣ г̇аамам̣ г̇анд̇ум̣ ваддад̇и.
692. Tatiye parikkhepaṃ atikkāmentiyāti sakagāmato aññassa gāmassa parikkhepaṃ atikkāmentiyā. ‘‘Gāmantaraṃ gaccheyyā’’ti hi vacanato aññassa gāmassa parikkhepaṃ atikkāmentiyā eva āpatti, na sakagāmassa. Añño hi gāmo gāmantaraṃ. Aparikkhittassa gāmassa upacāranti ettha upacāra-saddena gharūpacārato paṭhamaleḍḍupātasaṅkhātaṃ parikkhepārahaṭṭhānaṃ gahitaṃ, na tato dutiyaleḍḍupātasaṅkhāto upacāroti āha ‘‘parikkhepārahaṭṭhāna’’nti. Teneva pāḷiyaṃ ‘‘upacāraṃ atikkāmentiyā’’ti vuttaṃ. Aññathā yathā vikālagāmappavisanasikkhāpade ‘‘parikkhittassa gāmassa parikkhepaṃ atikkamantassa, aparikkhittassa gāmassa upacāraṃ okkamantassā’’ti (pāci. 513) vuttaṃ, evamidhāpi ‘‘parikkhittassa gāmassa parikkhepaṃ atikkāmentiyā aparikkhittassa gāmassa upacāraṃ okkamantiyā’’ti vadeyya. Saṅkhepato vuttamatthaṃ vibhajitvā dassento ‘‘apicetthā’’tiādimāha. Vihārassacatugāmasādhāraṇattāti iminā ‘‘vihārato ekaṃ gāmaṃ gantuṃ vaṭṭatī’’ti ettha kāraṇamāha. Vihārassa catugāmasādhāraṇattāyeva hi catūsu gāmesu yaṃkiñci ekaṃ gāmaṃ gantuṃ vaṭṭati.
яад̇т̇аад̇и яассам̣ над̣̇ияам̣. ‘‘батамам̣ баад̣̇ам̣ уд̇д̇аарзнд̇ияаа аабад̇д̇и т̇уллажжаяасса, д̣̇уд̇ияам̣ баад̣̇ам̣ уд̇д̇аарзнд̇ияаа аабад̇д̇и сан̇гхаад̣̇исзсассаа’’д̇и важанад̇о над̣̇им̣ од̇арид̇ваа бад̣̇асаа уд̇д̇аранд̇ияаа зва аабад̇д̇ийд̇и ааха ‘‘сзд̇унаа г̇ажчад̇и, анаабад̇д̇ий’’д̇иаад̣̇и. барад̇ийрамзва аггаманд̇ияаа анаабад̇д̇ийд̇и над̣̇им̣ анод̇арид̇ваа яаананааваад̣̇ийсу ан̃н̃ад̇арзна г̇анд̇ваа барад̇ийрамзва аггаманд̇ияаа анаабад̇д̇и. убхаяад̇ийрзсу вижаранд̇и, ваддад̇ийд̇и ид̣̇ам̣ асад̇иби над̣̇ийбаараг̇аманз убари вагкамаанасса винижчаяасса паламад̇д̇ад̣̇ассанад̇т̇ам̣ вуд̇д̇анд̇и взд̣̇ид̇аб̣б̣ам̣. оримад̇ийрамзва ааг̇ажчад̇и, аабад̇д̇ийд̇и барад̇ийрам̣ г̇анд̇угаамад̇ааяа од̇ин̣н̣ад̇д̇аа вуд̇д̇ам̣. д̇амзва д̇ийранд̇и д̇амзва оримад̇ийрам̣. анаабад̇д̇ийд̇и барад̇ийрам̣ г̇анд̇угаамад̇ааяа абхаавад̇о анаабад̇д̇и.
Yatthāti yassaṃ nadiyaṃ. ‘‘Paṭhamaṃ pādaṃ uttārentiyā āpatti thullaccayassa, dutiyaṃ pādaṃ uttārentiyā āpatti saṅghādisesassā’’ti vacanato nadiṃ otaritvā padasā uttarantiyā eva āpattīti āha ‘‘setunā gacchati, anāpattī’’tiādi. Paratīrameva akkamantiyā anāpattīti nadiṃ anotaritvā yānanāvādīsu aññatarena gantvā paratīrameva akkamantiyā anāpatti. Ubhayatīresu vicaranti, vaṭṭatīti idaṃ asatipi nadīpāragamane upari vakkhamānassa vinicchayassa phalamattadassanatthaṃ vuttanti veditabbaṃ. Orimatīrameva āgacchati, āpattīti paratīraṃ gantukāmatāya otiṇṇattā vuttaṃ. Tameva tīranti tameva orimatīraṃ. Anāpattīti paratīraṃ gantukāmatāya abhāvato anāpatti.
д̇аад̣̇исз аран̃н̃зд̇и ‘‘б̣ахиинд̣̇акийлаа саб̣б̣амзд̇ам̣ аран̃н̃а’’нд̇и (вибха. 529) звам̣ вуд̇д̇алагкан̣з аран̃н̃з. ат̇а д̇аад̣̇исассзва аран̃н̃асса г̇ахид̇абхааво гат̇ам̣ вин̃н̃ааяад̇ийд̇и ааха ‘‘д̇знзваа’’д̇иаад̣̇и. иминаа хи адтагат̇ааважанзна ийд̣̇исзби г̇аамасамийбз д̣̇ассануубажаарз виж̇ахид̇з сад̇иби савануубажаарз аабад̇д̇и ход̇ийд̇и вин̃н̃ааяад̇и. маг̇г̇амуул̣хаа ужжаасад̣̇д̣̇ам̣ гаронд̇ийд̇и ааха ‘‘маг̇г̇амуул̣хасад̣̇д̣̇зна вияаа’’д̇и. сад̣̇д̣̇ааяанд̇ияаад̇и сад̣̇д̣̇ам̣ гаронд̇ияаа. буримааяод̇и бурзд̇арам̣ г̇ажчанд̇ияо. ан̃н̃ам̣ маг̇г̇ам̣ г̇ан̣хаад̇ийд̇и маг̇г̇амуул̣хад̇д̇аа, на охаад̇ум̣, д̇асмаа д̣̇виннамби анаабад̇д̇и. сзсамзд̇т̇а уд̇д̇аанамзва. ананд̇арааязна згабхааво, г̇ааманд̇араг̇аманаад̣̇ийсу ан̃н̃ад̇арад̇аабаж̇ж̇анам̣, аабад̣̇ааяа абхаавод̇и имаани банзд̇т̇а д̇ийн̣и ан̇г̇аани.
Tādise araññeti ‘‘bahiindakhīlā sabbametaṃ arañña’’nti (vibha. 529) evaṃ vuttalakkhaṇe araññe. Atha tādisasseva araññassa gahitabhāvo kathaṃ viññāyatīti āha ‘‘tenevā’’tiādi. Iminā hi aṭṭhakathāvacanena īdisepi gāmasamīpe dassanūpacāre vijahite satipi savanūpacāre āpatti hotīti viññāyati. Maggamūḷhā uccāsaddaṃ karontīti āha ‘‘maggamūḷhasaddena viyā’’ti. Saddāyantiyāti saddaṃ karontiyā. Purimāyoti puretaraṃ gacchantiyo. Aññaṃ maggaṃ gaṇhātīti maggamūḷhattā, na ohātuṃ, tasmā dvinnampi anāpatti. Sesamettha uttānameva. Anantarāyena ekabhāvo, gāmantaragamanādīsu aññataratāpajjanaṃ, āpadāya abhāvoti imāni panettha tīṇi aṅgāni.
д̇ад̇ияасан̇гхаад̣̇исзсасигкаабад̣̇аван̣н̣анаа нидтид̇аа.
Tatiyasaṅghādisesasikkhāpadavaṇṇanā niṭṭhitā.
Next: 4. жад̇уд̇т̇асан̇гхаад̣̇исзсасигкаабад̣̇аван̣н̣анаа • 4. Catutthasaṅghādisesasikkhāpadavaṇṇanā
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 3. д̇ад̇ияасан̇гхаад̣̇исзсасигкаабад̣̇ам̣ • 3. Tatiyasaṅghādisesasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̇ад̇ияасан̇гхаад̣̇исзсасигкаабад̣̇аван̣н̣анаа • 3. Tatiyasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияасан̇гхаад̣̇исзсасигкаабад̣̇ам̣ • 3. Tatiyasaṅghādisesasikkhāpadaṃ
