| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੩. ਤਤਿਯਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ
3. Tatiyasaṅghādisesasikkhāpadavaṇṇanā
੬੯੨. ਤਤਿਯੇ – ਪਰਿਕ੍ਖੇਪਂ ਅਤਿਕ੍ਕਾਮੇਨ੍ਤਿਯਾਤਿ ਏਤ੍ਥ ਏਕਂ ਪਾਦਂ ਅਤਿਕ੍ਕਾਮੇਨ੍ਤਿਯਾ ਥੁਲ੍ਲਚ੍ਚਯਂ, ਦੁਤਿਯੇਨ ਅਤਿਕ੍ਕਨ੍ਤਮਤ੍ਤੇ ਸਙ੍ਘਾਦਿਸੇਸੋ। ਅਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਉਪਚਾਰਨ੍ਤਿ ਏਤ੍ਥ ਪਰਿਕ੍ਖੇਪਾਰਹਟ੍ਠਾਨਂ ਏਕੇਨ ਪਾਦੇਨ ਅਤਿਕ੍ਕਮਤਿ ਥੁਲ੍ਲਚ੍ਚਯਂ, ਦੁਤਿਯੇਨ ਅਤਿਕ੍ਕਨ੍ਤਮਤ੍ਤੇ ਸਙ੍ਘਾਦਿਸੇਸੋ। ਅਪਿਚੇਤ੍ਥ ਸਕਗਾਮਤੋ ਨਿਕ੍ਖਮਨ੍ਤਿਯਾ ਗਾਮਨ੍ਤਰਪਚ੍ਚਯਾ ਅਨਾਪਤ੍ਤਿ, ਨਿਕ੍ਖਮਿਤ੍વਾ ਪਨ ਗਾਮਨ੍ਤਰਂ ਗਚ੍ਛਨ੍ਤਿਯਾ ਪਦવਾਰੇ ਪਦવਾਰੇ ਦੁਕ੍ਕਟਂ, ਏਕੇਨ ਪਾਦੇਨ ਇਤਰਸ੍ਸ ਗਾਮਸ੍ਸ ਪਰਿਕ੍ਖੇਪੇ વਾ ਉਪਚਾਰੇ વਾ ਅਤਿਕ੍ਕਨ੍ਤਮਤ੍ਤੇ ਥੁਲ੍ਲਚ੍ਚਯਂ, ਦੁਤਿਯੇਨ ਅਤਿਕ੍ਕਨ੍ਤਮਤ੍ਤੇ ਸਙ੍ਘਾਦਿਸੇਸੋ। ਤਤੋ ਨਿਕ੍ਖਮਿਤ੍વਾ ਪੁਨ ਸਕਗਾਮਂ ਪવਿਸਨ੍ਤਿਯਾਪਿ ਏਸੇવ ਨਯੋ। ਸਚੇ ਪਨ ਖਣ੍ਡਪਾਕਾਰੇਨ વਾ વਤਿਛਿਦ੍ਦੇਨ વਾ ਭਿਕ੍ਖੁਨਿવਿਹਾਰਭੂਮਿਯੇવ ਸਕ੍ਕਾ ਹੋਤਿ ਪવਿਸਿਤੁਂ, ਏવਂ ਪવਿਸਮਾਨਾਯ ਕਪ੍ਪਿਯਭੂਮਿਂ ਨਾਮ ਪવਿਟ੍ਠਾ ਹੋਤਿ, ਤਸ੍ਮਾ વਟ੍ਟਤਿ। ਸਚੇਪਿ ਹਤ੍ਥਿਪਿਟ੍ਠਿਆਦੀਹਿ વਾ ਇਦ੍ਧਿਯਾ વਾ ਪવਿਸਤਿ, વਟ੍ਟਤਿਯੇવ। ਪਦਸਾ ਗਮਨਮੇવ ਹਿ ਇਧਾਧਿਪ੍ਪੇਤਂ। ਤੇਨੇવ ‘‘ਪਠਮਂ ਪਾਦਂ ਅਤਿਕ੍ਕਾਮੇਨ੍ਤਿਯਾ’’ਤਿਆਦਿਮਾਹ।
692. Tatiye – parikkhepaṃ atikkāmentiyāti ettha ekaṃ pādaṃ atikkāmentiyā thullaccayaṃ, dutiyena atikkantamatte saṅghādiseso. Aparikkhittassa gāmassa upacāranti ettha parikkhepārahaṭṭhānaṃ ekena pādena atikkamati thullaccayaṃ, dutiyena atikkantamatte saṅghādiseso. Apicettha sakagāmato nikkhamantiyā gāmantarapaccayā anāpatti, nikkhamitvā pana gāmantaraṃ gacchantiyā padavāre padavāre dukkaṭaṃ, ekena pādena itarassa gāmassa parikkhepe vā upacāre vā atikkantamatte thullaccayaṃ, dutiyena atikkantamatte saṅghādiseso. Tato nikkhamitvā puna sakagāmaṃ pavisantiyāpi eseva nayo. Sace pana khaṇḍapākārena vā vatichiddena vā bhikkhunivihārabhūmiyeva sakkā hoti pavisituṃ, evaṃ pavisamānāya kappiyabhūmiṃ nāma paviṭṭhā hoti, tasmā vaṭṭati. Sacepi hatthipiṭṭhiādīhi vā iddhiyā vā pavisati, vaṭṭatiyeva. Padasā gamanameva hi idhādhippetaṃ. Teneva ‘‘paṭhamaṃ pādaṃ atikkāmentiyā’’tiādimāha.
ਦ੍વੇ ਗਾਮਾ ਭਿਕ੍ਖੁਨਿવਿਹਾਰੇਨ ਸਮ੍ਬਦ੍ਧવਤਿਕਾ ਹੋਨ੍ਤਿ, ਯਸ੍ਮਿਂ ਗਾਮੇ ਭਿਕ੍ਖੁਨਿવਿਹਾਰੋ, ਤਤ੍ਥ ਪਿਣ੍ਡਾਯ ਚਰਿਤ੍વਾ ਪੁਨ વਿਹਾਰਂ ਪવਿਸਿਤ੍વਾ ਸਚੇ વਿਹਾਰਮਜ੍ਝੇਨ ਇਤਰਸ੍ਸ ਗਾਮਸ੍ਸ ਮਗ੍ਗੋ ਅਤ੍ਥਿ, ਗਨ੍ਤੁਂ વਟ੍ਟਤਿ। ਤਤੋ ਪਨ ਗਾਮਤੋ ਤੇਨੇવ ਮਗ੍ਗੇਨ ਪਚ੍ਚਾਗਨ੍ਤਬ੍ਬਂ। ਸਚੇ ਗਾਮਦ੍વਾਰੇਨ ਨਿਕ੍ਖਮਿਤ੍વਾ ਆਗਚ੍ਛਤਿ, ਪੁਰਿਮਨਯੇਨੇવ ਆਪਤ੍ਤਿਭੇਦੋ વੇਦਿਤਬ੍ਬੋ। ਸਕਗਾਮਤੋ ਕੇਨਚਿ ਕਰਣੀਯੇਨ ਭਿਕ੍ਖੁਨੀਹਿ ਸਦ੍ਧਿਂ ਨਿਕ੍ਖਨ੍ਤਾਯ ਪੁਨ ਪવਿਸਨਕਾਲੇ ਹਤ੍ਥਿ વਾ ਮੁਚ੍ਚਤਿ, ਉਸ੍ਸਾਰਣਾ વਾ ਹੋਤਿ, ਇਤਰਾ ਭਿਕ੍ਖੁਨਿਯੋ ਸਹਸਾ ਗਾਮਂ ਪવਿਸਨ੍ਤਿ, ਯਾવ ਅਞ੍ਞਾ ਭਿਕ੍ਖੁਨੀ ਆਗਚ੍ਛਤਿ, ਤਾવ ਬਹਿਗਾਮਦ੍વਾਰੇ ਠਾਤਬ੍ਬਂ। ਸਚੇ ਨ ਆਗਚ੍ਛਤਿ, ਦੁਤਿਯਿਕਾ ਭਿਕ੍ਖੁਨੀ ਪਕ੍ਕਨ੍ਤਾ ਨਾਮ ਹੋਤਿ, ਪવਿਸਿਤੁਂ વਟ੍ਟਤਿ।
Dve gāmā bhikkhunivihārena sambaddhavatikā honti, yasmiṃ gāme bhikkhunivihāro, tattha piṇḍāya caritvā puna vihāraṃ pavisitvā sace vihāramajjhena itarassa gāmassa maggo atthi, gantuṃ vaṭṭati. Tato pana gāmato teneva maggena paccāgantabbaṃ. Sace gāmadvārena nikkhamitvā āgacchati, purimanayeneva āpattibhedo veditabbo. Sakagāmato kenaci karaṇīyena bhikkhunīhi saddhiṃ nikkhantāya puna pavisanakāle hatthi vā muccati, ussāraṇā vā hoti, itarā bhikkhuniyo sahasā gāmaṃ pavisanti, yāva aññā bhikkhunī āgacchati, tāva bahigāmadvāre ṭhātabbaṃ. Sace na āgacchati, dutiyikā bhikkhunī pakkantā nāma hoti, pavisituṃ vaṭṭati.
ਪੁਬ੍ਬੇ ਮਹਾਗਾਮੋ ਹੋਤਿ, ਮਜ੍ਝੇ ਭਿਕ੍ਖੁਨਿવਿਹਾਰੋ। ਪਚ੍ਛਾ ਤਂ ਗਾਮਂ ਚਤ੍ਤਾਰੋ ਜਨਾ ਲਭਿਤ੍વਾ વਿਸੁਂ વਿਸੁਂ વਤਿਪਰਿਕ੍ਖੇਪਂ ਕਤ੍વਾ વਿਭਜਿਤ੍વਾ ਭੁਞ੍ਜਨ੍ਤਿ, વਿਹਾਰਤੋ ਏਕਂ ਗਾਮਂ ਗਨ੍ਤੁਂ વਟ੍ਟਤਿ। ਤਤੋ ਅਪਰਂ ਗਾਮਂ ਦ੍વਾਰੇਨ વਾ વਤਿਛਿਦ੍ਦੇਨ વਾ ਪવਿਸਿਤੁਂ ਨ વਟ੍ਟਤਿ। ਪੁਨ વਿਹਾਰਮੇવ ਪਚ੍ਚਾਗਨ੍ਤੁਂ વਟ੍ਟਤਿ। ਕਸ੍ਮਾ? વਿਹਾਰਸ੍ਸ ਚਤੁਗਾਮਸਾਧਾਰਣਤ੍ਤਾ।
Pubbe mahāgāmo hoti, majjhe bhikkhunivihāro. Pacchā taṃ gāmaṃ cattāro janā labhitvā visuṃ visuṃ vatiparikkhepaṃ katvā vibhajitvā bhuñjanti, vihārato ekaṃ gāmaṃ gantuṃ vaṭṭati. Tato aparaṃ gāmaṃ dvārena vā vatichiddena vā pavisituṃ na vaṭṭati. Puna vihārameva paccāgantuṃ vaṭṭati. Kasmā? Vihārassa catugāmasādhāraṇattā.
ਅਨ੍ਤਰવਾਸਕੋ ਤੇਮਿਯਤੀਤਿ ਯਤ੍ਥ ਯਥਾ ਤਿਮਣ੍ਡਲਪਟਿਚ੍ਛਾਦਨਂ ਹੋਤਿ; ਏવਂ ਨਿવਤ੍ਥਾਯ ਭਿਕ੍ਖੁਨਿਯਾ વਸ੍ਸਕਾਲੇ ਤਿਤ੍ਥੇਨ વਾ ਅਤਿਤ੍ਥੇਨ વਾ ਓਤਰਿਤ੍વਾ ਯਤ੍ਥ ਕਤ੍ਥਚਿ ਉਤ੍ਤਰਨ੍ਤਿਯਾ ਏਕਦ੍વਙ੍ਗੁਲਮਤ੍ਤਮ੍ਪਿ ਅਨ੍ਤਰવਾਸਕੋ ਤੇਮਿਯਤਿ। ਸੇਸਂ ਨਦੀਲਕ੍ਖਣਂ ਨਦੀਨਿਮਿਤ੍ਤਕਥਾਯ ਆવਿ ਭવਿਸ੍ਸਤਿ। ਏવਰੂਪਂ ਨਦਿਂ ਤਿਤ੍ਥੇਨ વਾ ਅਤਿਤ੍ਥੇਨ વਾ ਓਤਰਿਤ੍વਾ ਉਤ੍ਤਰਣਕਾਲੇ ਪਠਮਂ ਪਾਦਂ ਉਦ੍ਧਰਿਤ੍વਾ ਤੀਰੇ ਠਪੇਨ੍ਤਿਯਾ ਥੁਲ੍ਲਚ੍ਚਯਂ, ਦੁਤਿਯਪਾਦੁਦ੍ਧਾਰੇ ਸਙ੍ਘਾਦਿਸੇਸੋ। ਸੇਤੁਨਾ ਗਚ੍ਛਤਿ, ਅਨਾਪਤ੍ਤਿ। ਪਦਸਾ ਓਤਰਿਤ੍વਾ ਉਤ੍ਤਰਣਕਾਲੇ ਸੇਤੁਂ ਆਰੋਹਿਤ੍વਾ ਉਤ੍ਤਰਨ੍ਤਿਯਾਪਿ ਅਨਾਪਤ੍ਤਿ। ਸੇਤੁਨਾ ਪਨ ਗਨ੍ਤ੍વਾ ਉਤ੍ਤਰਣਕਾਲੇ ਪਦਸਾ ਗਚ੍ਛਨ੍ਤਿਯਾ ਆਪਤ੍ਤਿਯੇવ। ਯਾਨਨਾવਾਆਕਾਸਗਮਨਾਦੀਸੁਪਿ ਏਸੇવ ਨਯੋ। ਓਰਿਮਤੀਰਤੋ ਪਨ ਪਰਤੀਰਮੇવ ਅਕ੍ਕਮਨ੍ਤਿਯਾ ਅਨਾਪਤ੍ਤਿ। ਰਜਨਕਮ੍ਮਤ੍ਥਂ ਗਨ੍ਤ੍વਾ ਦਾਰੁਸਙ੍ਕਡ੍ਢਨਾਦਿਕਿਚ੍ਚੇਨ ਦ੍વੇ ਤਿਸ੍ਸੋ ਉਭਯਤੀਰੇਸੁ વਿਚਰਨ੍ਤਿ, વਟ੍ਟਤਿ। ਸਚੇ ਪਨੇਤ੍ਥ ਕਾਚਿ ਕਲਹਂ ਕਤ੍વਾ ਇਤਰਂ ਤੀਰਂ ਗਚ੍ਛਤਿ, ਆਪਤ੍ਤਿ। ਦ੍વੇ ਏਕਤੋ ਉਤ੍ਤਰਨ੍ਤਿ, ਏਕਾ ਮਜ੍ਝੇ ਨਦਿਯਾ ਕਲਹਂ ਕਤ੍વਾ ਨਿવਤ੍ਤਿਤ੍વਾ ਓਰਿਮਤੀਰਮੇવ ਆਗਚ੍ਛਤਿ, ਆਪਤ੍ਤਿ। ਇਤਰਿਸ੍ਸਾ ਪਨ ਅਯਂ ਪਕ੍ਕਨ੍ਤਟ੍ਠਾਨੇ ਠਿਤਾ ਹੋਤਿ, ਤਸ੍ਮਾ ਪਰਤੀਰਂ ਗਚ੍ਛਨ੍ਤਿਯਾਪਿ ਅਨਾਪਤ੍ਤਿ। ਨ੍ਹਾਯਿਤੁਂ વਾ ਪਾਤੁਂ વਾ ਓਤਿਣ੍ਣਾ ਤਮੇવ ਤੀਰਂ ਪਚ੍ਚੁਤ੍ਤਰਤਿ, ਅਨਾਪਤ੍ਤਿ।
Antaravāsako temiyatīti yattha yathā timaṇḍalapaṭicchādanaṃ hoti; evaṃ nivatthāya bhikkhuniyā vassakāle titthena vā atitthena vā otaritvā yattha katthaci uttarantiyā ekadvaṅgulamattampi antaravāsako temiyati. Sesaṃ nadīlakkhaṇaṃ nadīnimittakathāya āvi bhavissati. Evarūpaṃ nadiṃ titthena vā atitthena vā otaritvā uttaraṇakāle paṭhamaṃ pādaṃ uddharitvā tīre ṭhapentiyā thullaccayaṃ, dutiyapāduddhāre saṅghādiseso. Setunā gacchati, anāpatti. Padasā otaritvā uttaraṇakāle setuṃ ārohitvā uttarantiyāpi anāpatti. Setunā pana gantvā uttaraṇakāle padasā gacchantiyā āpattiyeva. Yānanāvāākāsagamanādīsupi eseva nayo. Orimatīrato pana paratīrameva akkamantiyā anāpatti. Rajanakammatthaṃ gantvā dārusaṅkaḍḍhanādikiccena dve tisso ubhayatīresu vicaranti, vaṭṭati. Sace panettha kāci kalahaṃ katvā itaraṃ tīraṃ gacchati, āpatti. Dve ekato uttaranti, ekā majjhe nadiyā kalahaṃ katvā nivattitvā orimatīrameva āgacchati, āpatti. Itarissā pana ayaṃ pakkantaṭṭhāne ṭhitā hoti, tasmā paratīraṃ gacchantiyāpi anāpatti. Nhāyituṃ vā pātuṃ vā otiṇṇā tameva tīraṃ paccuttarati, anāpatti.
ਸਹ ਅਰੁਣੁਗ੍ਗਮਨਾਤਿ ਏਤ੍ਥ ਸਚੇ ਸਜ੍ਝਾਯਂ વਾ ਪਧਾਨਂ વਾ ਅਞ੍ਞਂ વਾ ਕਿਞ੍ਚਿ ਕਮ੍ਮਂ ਕੁਰੁਮਾਨਾ ਪੁਰੇਅਰੁਣੇਯੇવ ਦੁਤਿਯਿਕਾਯ ਸਨ੍ਤਿਕਂ ਗਮਿਸ੍ਸਾਮੀਤਿ ਆਭੋਗਂ ਕਰੋਤਿ, ਅਜਾਨਨ੍ਤਿਯਾ ਏવ ਚਸ੍ਸਾ ਅਰੁਣੋ ਉਗ੍ਗਚ੍ਛਤਿ, ਅਨਾਪਤ੍ਤਿ। ਅਥ ਪਨ ‘‘ਯਾવ ਅਰੁਣੁਗ੍ਗਮਨਾ ਇਧੇવ ਭવਿਸ੍ਸਾਮੀ’’ਤਿ વਾ ਅਨਾਭੋਗੇਨ વਾ વਿਹਾਰਸ੍ਸ ਏਕਦੇਸੇ ਅਚ੍ਛਤਿ, ਦੁਤਿਯਿਕਾਯ ਹਤ੍ਥਪਾਸਂ ਨ ਓਤਰਤਿ, ਅਰੁਣੁਗ੍ਗਮਨੇ ਸਙ੍ਘਾਦਿਸੇਸੋ। ਹਤ੍ਥਪਾਸੋਯੇવ ਹਿ ਇਧ ਪਮਾਣਂ, ਹਤ੍ਥਪਾਸਾਤਿਕ੍ਕਮੇ ਏਕਗਬ੍ਭੋਪਿ ਨ ਰਕ੍ਖਤਿ।
Saha aruṇuggamanāti ettha sace sajjhāyaṃ vā padhānaṃ vā aññaṃ vā kiñci kammaṃ kurumānā purearuṇeyeva dutiyikāya santikaṃ gamissāmīti ābhogaṃ karoti, ajānantiyā eva cassā aruṇo uggacchati, anāpatti. Atha pana ‘‘yāva aruṇuggamanā idheva bhavissāmī’’ti vā anābhogena vā vihārassa ekadese acchati, dutiyikāya hatthapāsaṃ na otarati, aruṇuggamane saṅghādiseso. Hatthapāsoyeva hi idha pamāṇaṃ, hatthapāsātikkame ekagabbhopi na rakkhati.
ਅਗਾਮਕੇ ਅਰਞ੍ਞੇਤਿ ਏਤ੍ਥ ‘‘ਨਿਕ੍ਖਮਿਤ੍વਾ ਬਹਿ ਇਨ੍ਦਖੀਲਾ ਸਬ੍ਬਮੇਤਂ ਅਰਞ੍ਞ’’ਨ੍ਤਿ ਏવਂ વੁਤ੍ਤਲਕ੍ਖਣਮੇવ ਅਰਞ੍ਞਂ। ਤਂ ਪਨੇਤਂ ਕੇવਲਂ ਗਾਮਾਭਾવੇਨ ‘‘ਅਗਾਮਕ’’ਨ੍ਤਿ વੁਤ੍ਤਂ, ਨ વਿਞ੍ਝਾਟવਿਸਦਿਸਤਾਯ। ਤਾਦਿਸੇ ਅਰਞ੍ਞੇ ਓਕ੍ਕਨ੍ਤੇ ਦਸ੍ਸਨੂਪਚਾਰੇ વਿਜਹਿਤੇ ਸਚੇਪਿ ਸવਨੂਪਚਾਰੋ ਅਤ੍ਥਿ, ਆਪਤ੍ਤਿ। ਤੇਨੇવ વੁਤ੍ਤਂ ਅਟ੍ਠਕਥਾਯਂ ‘‘ਸਚੇ ਭਿਕ੍ਖੁਨੀਸੁ ਮਹਾਬੋਧਿਅਙ੍ਗਣਂ ਪવਿਸਨ੍ਤੀਸੁ ਏਕਾ ਬਹਿ ਤਿਟ੍ਠਤਿ, ਤਸ੍ਸਾਪਿ ਆਪਤ੍ਤਿ। ਲੋਹਪਾਸਾਦਂ ਪવਿਸਨ੍ਤੀਸੁਪਿ ਪਰਿવੇਣਂ ਪવਿਸਨ੍ਤੀਸੁਪਿ ਏਸੇવ ਨਯੋ। ਮਹਾਚੇਤਿਯਂ વਨ੍ਦਮਾਨਾਸੁ ਏਕਾ ਉਤ੍ਤਰਦ੍વਾਰੇਨ ਨਿਕ੍ਖਮਿਤ੍વਾ ਗਚ੍ਛਤਿ, ਤਸ੍ਸਾਪਿ ਆਪਤ੍ਤਿ। ਥੂਪਾਰਾਮਂ ਪવਿਸਨ੍ਤੀਸੁ ਏਕਾ ਬਹਿ ਤਿਟ੍ਠਤਿ, ਤਸ੍ਸਾਪਿ ਆਪਤ੍ਤੀ’’ਤਿ। ਏਤ੍ਥ ਚ ਦਸ੍ਸਨੂਪਚਾਰੋ ਨਾਮ ਯਤ੍ਥ ਠਿਤਂ ਦੁਤਿਯਿਕਾ ਪਸ੍ਸਤਿ। ਸਚੇ ਪਨ ਸਾਣਿਪਾਕਾਰਨ੍ਤਰਿਕਾਪਿ ਹੋਤਿ, ਦਸ੍ਸਨੂਪਚਾਰਂ વਿਜਹਤਿ ਨਾਮ। ਸવਨੂਪਚਾਰੋ ਨਾਮ ਯਤ੍ਥ ਠਿਤਾ ਮਗ੍ਗਮੂਲ਼੍ਹਸਦ੍ਦੇਨ વਿਯ ਧਮ੍ਮਸવਨਾਰੋਚਨਸਦ੍ਦੇਨ વਿਯ ਚ ‘‘ਅਯ੍ਯੇ’’ਤਿ ਸਦ੍ਦਾਯਨ੍ਤਿਯਾ ਸਦ੍ਦਂ ਸੁਣਾਤਿ। ਅਜ੍ਝੋਕਾਸੇ ਦੂਰੇਪਿ ਦਸ੍ਸਨੂਪਚਾਰੋ ਨਾਮ ਹੋਤਿ। ਸੋ ਏવਰੂਪੇ ਸવਨੂਪਚਾਰੇ વਿਜਹਿਤੇ ਨ ਰਕ੍ਖਤਿ, વਿਜਹਿਤਮਤ੍ਤੇવ ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Agāmakearaññeti ettha ‘‘nikkhamitvā bahi indakhīlā sabbametaṃ arañña’’nti evaṃ vuttalakkhaṇameva araññaṃ. Taṃ panetaṃ kevalaṃ gāmābhāvena ‘‘agāmaka’’nti vuttaṃ, na viñjhāṭavisadisatāya. Tādise araññe okkante dassanūpacāre vijahite sacepi savanūpacāro atthi, āpatti. Teneva vuttaṃ aṭṭhakathāyaṃ ‘‘sace bhikkhunīsu mahābodhiaṅgaṇaṃ pavisantīsu ekā bahi tiṭṭhati, tassāpi āpatti. Lohapāsādaṃ pavisantīsupi pariveṇaṃ pavisantīsupi eseva nayo. Mahācetiyaṃ vandamānāsu ekā uttaradvārena nikkhamitvā gacchati, tassāpi āpatti. Thūpārāmaṃ pavisantīsu ekā bahi tiṭṭhati, tassāpi āpattī’’ti. Ettha ca dassanūpacāro nāma yattha ṭhitaṃ dutiyikā passati. Sace pana sāṇipākārantarikāpi hoti, dassanūpacāraṃ vijahati nāma. Savanūpacāro nāma yattha ṭhitā maggamūḷhasaddena viya dhammasavanārocanasaddena viya ca ‘‘ayye’’ti saddāyantiyā saddaṃ suṇāti. Ajjhokāse dūrepi dassanūpacāro nāma hoti. So evarūpe savanūpacāre vijahite na rakkhati, vijahitamatteva āpatti saṅghādisesassa.
ਏਕਾ ਮਗ੍ਗਂ ਗਚ੍ਛਨ੍ਤੀ ਓਹੀਯਤਿ। ਸਉਸ੍ਸਾਹਾ ਚੇ ਹੁਤ੍વਾ ਇਦਾਨਿ ਪਾਪੁਣਿਸ੍ਸਾਮੀਤਿ ਅਨੁਬਨ੍ਧਤਿ, ਅਨਾਪਤ੍ਤਿ। ਸਚੇ ਪੁਰਿਮਾਯੋ ਅਞ੍ਞੇਨ ਮਗ੍ਗੇਨ ਗਚ੍ਛਨ੍ਤਿ, ਪਕ੍ਕਨ੍ਤਾ ਨਾਮ ਹੋਨ੍ਤਿ, ਅਨਾਪਤ੍ਤਿਯੇવ। ਦ੍વਿਨ੍ਨਂ ਗਚ੍ਛਨ੍ਤੀਨਂ ਏਕਾ ਅਨੁਬਨ੍ਧਿਤੁਂ ਅਸਕ੍ਕੋਨ੍ਤੀ ‘‘ਗਚ੍ਛਤੁ ਅਯ’’ਨ੍ਤਿ ਓਹੀਯਤਿ, ਇਤਰਾਪਿ ‘‘ਓਹੀਯਤੁ ਅਯ’’ਨ੍ਤਿ, ਗਚ੍ਛਤਿ, ਦ੍વਿਨ੍ਨਮ੍ਪਿ ਆਪਤ੍ਤਿ। ਸਚੇ ਪਨ ਗਚ੍ਛਨ੍ਤੀਸੁ ਪੁਰਿਮਾਪਿ ਅਞ੍ਞਂ ਮਗ੍ਗਂ ਗਣ੍ਹਾਤਿ, ਪਚ੍ਛਿਮਾਪਿ ਅਞ੍ਞਂ, ਏਕਾ ਏਕਿਸ੍ਸਾ ਪਕ੍ਕਨ੍ਤਟ੍ਠਾਨੇ ਤਿਟ੍ਠਤਿ, ਦ੍વਿਨ੍ਨਮ੍ਪਿ ਅਨਾਪਤ੍ਤਿ।
Ekā maggaṃ gacchantī ohīyati. Saussāhā ce hutvā idāni pāpuṇissāmīti anubandhati, anāpatti. Sace purimāyo aññena maggena gacchanti, pakkantā nāma honti, anāpattiyeva. Dvinnaṃ gacchantīnaṃ ekā anubandhituṃ asakkontī ‘‘gacchatu aya’’nti ohīyati, itarāpi ‘‘ohīyatu aya’’nti, gacchati, dvinnampi āpatti. Sace pana gacchantīsu purimāpi aññaṃ maggaṃ gaṇhāti, pacchimāpi aññaṃ, ekā ekissā pakkantaṭṭhāne tiṭṭhati, dvinnampi anāpatti.
੬੯੩. ਪਕ੍ਖਸਙ੍ਕਨ੍ਤਾ વਾਤਿ ਤਿਤ੍ਥਾਯਤਨਂ ਸਙ੍ਕਨ੍ਤਾ, ਸੇਸਂ ਉਤ੍ਤਾਨਮੇવ। ਪਠਮਪਾਰਾਜਿਕਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
693.Pakkhasaṅkantā vāti titthāyatanaṃ saṅkantā, sesaṃ uttānameva. Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, ticittaṃ, tivedananti.
ਤਤਿਯਸਿਕ੍ਖਾਪਦਂ।
Tatiyasikkhāpadaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੩. ਤਤਿਯਸਙ੍ਘਾਦਿਸੇਸਸਿਕ੍ਖਾਪਦਂ • 3. Tatiyasaṅghādisesasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਤਤਿਯਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 3. Tatiyasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਤਤਿਯਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 3. Tatiyasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਤਤਿਯਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 3. Tatiyasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਤਤਿਯਸਙ੍ਘਾਦਿਸੇਸਸਿਕ੍ਖਾਪਦਂ • 3. Tatiyasaṅghādisesasikkhāpadaṃ
