Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā

    д̇ад̇ияасан̇г̇ийд̇игат̇ааван̣н̣анаа

    Tatiyasaṅgītikathāvaṇṇanā

    имиссаа бана сан̇г̇ийд̇ияаа д̇хаммасан̇г̇аахагад̇т̇зрзхи ниггад̣дхид̇аа д̇з д̣̇асасахассаа важ̇ж̇ибуд̇д̇агаа бхигкуу багкам̣ бариязсамаанаа ад̇д̇ано ад̇д̇ано ануруубам̣ д̣̇уб̣б̣алабагкам̣ лабхид̇ваа висум̣ махаасан̇гхигам̣ аажарияагулам̣ наама агам̣су, д̇ад̇о бхиж̇ж̇ид̇ваа абараани д̣̇вз аажарияагулаани ж̇аад̇аани г̇огулигаа жа згаб̣яохааригаа жа. г̇огулиганигааяад̇о бхиж̇ж̇ид̇ваа абараани д̣̇вз аажарияагулаани ж̇аад̇аани бан̣н̣ад̇д̇иваад̣̇аа жа б̣аахулияаа жа. б̣ахуссуд̇игаад̇иби д̇зсам̣язва наамам̣, д̇зсам̣язва анд̇араа жзд̇ияаваад̣̇аа наама абарз аажарияаваад̣̇аа уббаннаа. звам̣ махаасан̇гхигаажарияагулад̇о д̣̇уд̇ияз вассасад̇з бан̃жаажарияагулаани уббаннаани, д̇аани махаасан̇гхигзхи сад̣̇д̇хим̣ ча хонд̇и.

    Imissā pana saṅgītiyā dhammasaṅgāhakattherehi nikkaḍḍhitā te dasasahassā vajjiputtakā bhikkhū pakkhaṃ pariyesamānā attano attano anurūpaṃ dubbalapakkhaṃ labhitvā visuṃ mahāsaṅghikaṃ ācariyakulaṃ nāma akaṃsu, tato bhijjitvā aparāni dve ācariyakulāni jātāni gokulikā ca ekabyohārikā ca. Gokulikanikāyato bhijjitvā aparāni dve ācariyakulāni jātāni paṇṇattivādā ca bāhuliyā ca. Bahussutikātipi tesaṃyeva nāmaṃ, tesaṃyeva antarā cetiyavādā nāma apare ācariyavādā uppannā. Evaṃ mahāsaṅghikācariyakulato dutiye vassasate pañcācariyakulāni uppannāni, tāni mahāsaṅghikehi saddhiṃ cha honti.

    д̇асмим̣язва д̣̇уд̇ияз вассасад̇з т̇зраваад̣̇ад̇о бхиж̇ж̇ид̇ваа д̣̇вз аажарияаваад̣̇аа уббаннаа махисаасагаа жа важ̇ж̇ибуд̇д̇агаа жа. д̇ад̇т̇а важ̇ж̇ибуд̇д̇агаваад̣̇ад̇о бхиж̇ж̇ид̇ваа абарз жад̇д̇ааро аажарияаваад̣̇аа уббаннаа д̇хаммуд̇д̇аригаа бхад̣̇д̣̇аяаанигаа чаннааг̇ааригаа самид̇игаад̇и. буна д̇асмим̣язва д̣̇уд̇ияз вассасад̇з махисаасагаваад̣̇ад̇о бхиж̇ж̇ид̇ваа саб̣б̣ад̇т̇иваад̣̇аа д̇хаммаг̇уд̇д̇игаад̇и д̣̇вз аажарияаваад̣̇аа уббаннаа. буна саб̣б̣ад̇т̇иваад̣̇агулад̇о бхиж̇ж̇ид̇ваа гассабигаа наама ж̇аад̇аа, гассабигзсуби бхиннзсу абарз сан̇ганд̇игаа наама ж̇аад̇аа, сан̇ганд̇игзсу бхиннзсу суд̇д̇аваад̣̇аа наама ж̇аад̇аад̇и т̇зраваад̣̇ад̇о бхиж̇ж̇ид̇ваа имз згаад̣̇аса аажарияаваад̣̇аа уббаннаа, д̇з т̇зраваад̣̇зна сад̣̇д̇хим̣ д̣̇ваад̣̇аса хонд̇и. ид̇и имз жа д̣̇ваад̣̇аса махаасан̇гхигаанан̃жа ча аажарияаваад̣̇аад̇и саб̣б̣з адтаараса аажарияаваад̣̇аа д̣̇уд̇ияз вассасад̇з уббаннаа. адтаараса нигааяаад̇иби адтаарасаажарияагулаанийд̇иби зд̇зсам̣язва наамам̣. зд̇зсу бана сад̇д̇араса ваад̣̇аа бхиннагаа, т̇зраваад̣̇овзго асамбхиннагод̇и взд̣̇ид̇аб̣б̣о. вуд̇д̇амби жзд̇ам̣ д̣̇ийбавам̣сз –

    Tasmiṃyeva dutiye vassasate theravādato bhijjitvā dve ācariyavādā uppannā mahisāsakā ca vajjiputtakā ca. Tattha vajjiputtakavādato bhijjitvā apare cattāro ācariyavādā uppannā dhammuttarikā bhaddayānikā channāgārikā samitikāti. Puna tasmiṃyeva dutiye vassasate mahisāsakavādato bhijjitvā sabbatthivādā dhammaguttikāti dve ācariyavādā uppannā. Puna sabbatthivādakulato bhijjitvā kassapikā nāma jātā, kassapikesupi bhinnesu apare saṅkantikā nāma jātā, saṅkantikesu bhinnesu suttavādā nāma jātāti theravādato bhijjitvā ime ekādasa ācariyavādā uppannā, te theravādena saddhiṃ dvādasa honti. Iti ime ca dvādasa mahāsaṅghikānañca cha ācariyavādāti sabbe aṭṭhārasa ācariyavādā dutiye vassasate uppannā. Aṭṭhārasa nikāyātipi aṭṭhārasācariyakulānītipi etesaṃyeva nāmaṃ. Etesu pana sattarasa vādā bhinnakā, theravādoveko asambhinnakoti veditabbo. Vuttampi cetaṃ dīpavaṃse –

    ‘‘ниггад̣дхид̇аа баабабхигкуу, т̇зрзхи важ̇ж̇ибуд̇д̇агаа;

    ‘‘Nikkaḍḍhitā pāpabhikkhū, therehi vajjiputtakā;

    ан̃н̃ам̣ багкам̣ лабхид̇ваана, ад̇хаммаваад̣̇ий б̣ахуу ж̇анаа.

    Aññaṃ pakkhaṃ labhitvāna, adhammavādī bahū janā.

    ‘‘д̣̇асасахассаа самааг̇анд̇ваа, агам̣су д̇хаммасан̇г̇ахам̣;

    ‘‘Dasasahassā samāgantvā, akaṃsu dhammasaṅgahaṃ;

    д̇асмааяам̣ д̇хаммасан̇г̇ийд̇и, махаасан̇г̇ийд̇и вужжад̇и.

    Tasmāyaṃ dhammasaṅgīti, mahāsaṅgīti vuccati.

    ‘‘махаасан̇г̇ийд̇игаа бхигкуу, виломам̣ агам̣су саасанз;

    ‘‘Mahāsaṅgītikā bhikkhū, vilomaṃ akaṃsu sāsane;

    бхинд̣̇ид̇ваа мууласан̇г̇ахам̣, ан̃н̃ам̣ агам̣су сан̇г̇ахам̣.

    Bhinditvā mūlasaṅgahaṃ, aññaṃ akaṃsu saṅgahaṃ.

    ‘‘ан̃н̃ад̇ра сан̇г̇ахид̇ам̣ суд̇д̇ам̣, ан̃н̃ад̇ра агарим̣су д̇з;

    ‘‘Aññatra saṅgahitaṃ suttaṃ, aññatra akariṃsu te;

    ад̇т̇ам̣ д̇хамман̃жа бхинд̣̇им̣су, винаяз нигааязсу жа бан̃жасу.

    Atthaṃ dhammañca bhindiṃsu, vinaye nikāyesu ca pañcasu.

    ‘‘барияааяад̣̇зсид̇ан̃жааби , ат̇о ниббарияааяад̣̇зсид̇ам̣;

    ‘‘Pariyāyadesitañcāpi , atho nippariyāyadesitaṃ;

    нийд̇ад̇т̇ан̃жзва нзяяад̇т̇ам̣, аж̇аанид̇ваана бхигкаво.

    Nītatthañceva neyyatthaṃ, ajānitvāna bhikkhavo.

    ‘‘ан̃н̃ам̣ санд̇хааяа бхан̣ид̇ам̣, ан̃н̃ам̣ ад̇т̇ам̣ табаяим̣су д̇з;

    ‘‘Aññaṃ sandhāya bhaṇitaṃ, aññaṃ atthaṃ ṭhapayiṃsu te;

    б̣яан̃ж̇анажчааяааяа д̇з бхигкуу, б̣ахум̣ ад̇т̇ам̣ винаасаяум̣.

    Byañjanacchāyāya te bhikkhū, bahuṃ atthaṃ vināsayuṃ.

    ‘‘чад̣д̣зд̇ваана згад̣̇зсам̣, суд̇д̇ам̣ винаяаг̇амбхирам̣;

    ‘‘Chaḍḍetvāna ekadesaṃ, suttaṃ vinayagambhiraṃ;

    бад̇ируубам̣ суд̇д̇ам̣ винаяам̣, д̇ан̃жа ан̃н̃ам̣ гарим̣су д̇з.

    Patirūpaṃ suttaṃ vinayaṃ, tañca aññaṃ kariṃsu te.

    ‘‘бариваарам̣ ад̇т̇уд̣̇д̇хаарам̣, абхид̇хаммам̣ чаббагаран̣ам̣;

    ‘‘Parivāraṃ atthuddhāraṃ, abhidhammaṃ chappakaraṇaṃ;

    бадисамбхид̣̇ан̃жа нид̣̇д̣̇зсам̣, згад̣̇зсан̃жа ж̇аад̇агам̣;

    Paṭisambhidañca niddesaṃ, ekadesañca jātakaṃ;

    зд̇д̇агам̣ виссаж̇ж̇зд̇ваана, ан̃н̃аани агарим̣су д̇з.

    Ettakaṃ vissajjetvāna, aññāni akariṃsu te.

    ‘‘наамам̣ лин̇г̇ам̣ баригкаарам̣, аагаббагаран̣аани жа;

    ‘‘Nāmaṃ liṅgaṃ parikkhāraṃ, ākappakaraṇāni ca;

    багад̇ибхаавам̣ виж̇ахид̇ваа, д̇ан̃жа ан̃н̃ам̣ агам̣су д̇з.

    Pakatibhāvaṃ vijahitvā, tañca aññaṃ akaṃsu te.

    ‘‘буб̣б̣ан̇г̇амаа бхиннаваад̣̇аа, махаасан̇г̇ийд̇игаарагаа;

    ‘‘Pubbaṅgamā bhinnavādā, mahāsaṅgītikārakā;

    д̇зсан̃жа анугаарзна, бхиннаваад̣̇аа б̣ахуу аху.

    Tesañca anukārena, bhinnavādā bahū ahu.

    ‘‘д̇ад̇о абарагааламхи, д̇асмим̣ бхзд̣̇о аж̇ааяат̇а;

    ‘‘Tato aparakālamhi, tasmiṃ bhedo ajāyatha;

    г̇огулигаа згаб̣яохаари, д̣̇вид̇хаа бхиж̇ж̇ид̇т̇а бхигкаво.

    Gokulikā ekabyohāri, dvidhā bhijjittha bhikkhavo.

    ‘‘г̇огулигаанам̣ д̣̇вз бхзд̣̇аа, абарагааламхи ж̇ааяат̇а;

    ‘‘Gokulikānaṃ dve bhedā, aparakālamhi jāyatha;

    б̣ахуссуд̇игаа жа бан̃н̃ад̇д̇и, д̣̇вид̇хаа бхиж̇ж̇ид̇т̇а бхигкаво.

    Bahussutikā ca paññatti, dvidhā bhijjittha bhikkhavo.

    ‘‘жзд̇ияаа жа бунаваад̣̇ий, махаасан̇г̇ийд̇ибхзд̣̇агаа;

    ‘‘Cetiyā ca punavādī, mahāsaṅgītibhedakā;

    бан̃жа ваад̣̇аа имз саб̣б̣з, махаасан̇г̇ийд̇имуулагаа.

    Pañca vādā ime sabbe, mahāsaṅgītimūlakā.

    ‘‘ад̇т̇ам̣ д̇хамман̃жа бхинд̣̇им̣су, згад̣̇зсан̃жа сан̇г̇ахам̣;

    ‘‘Atthaṃ dhammañca bhindiṃsu, ekadesañca saṅgahaṃ;

    г̇ант̇ан̃жа згад̣̇зсан̃хи, чад̣д̣зд̇ваа ан̃н̃ам̣ агам̣су д̇з.

    Ganthañca ekadesañhi, chaḍḍetvā aññaṃ akaṃsu te.

    ‘‘наамам̣ лин̇г̇ам̣ баригкаарам̣, аагаббагаран̣аани жа;

    ‘‘Nāmaṃ liṅgaṃ parikkhāraṃ, ākappakaraṇāni ca;

    багад̇ибхаавам̣ виж̇ахид̇ваа, д̇ан̃жа ан̃н̃ам̣ агам̣су д̇з.

    Pakatibhāvaṃ vijahitvā, tañca aññaṃ akaṃsu te.

    ‘‘висуд̣̇д̇хад̇т̇зраваад̣̇амхи, буна бхзд̣̇о аж̇ааяат̇а;

    ‘‘Visuddhattheravādamhi, puna bhedo ajāyatha;

    махисаасагаа важ̇ж̇ибуд̇д̇агаа, д̣̇вид̇хаа бхиж̇ж̇ид̇т̇а бхигкаво.

    Mahisāsakā vajjiputtakā, dvidhā bhijjittha bhikkhavo.

    ‘‘важ̇ж̇ибуд̇д̇агаваад̣̇амхи, жад̇уд̇хаа бхзд̣̇о аж̇ааяат̇а;

    ‘‘Vajjiputtakavādamhi, catudhā bhedo ajāyatha;

    д̇хаммад̇д̇уригаа бхад̣̇д̣̇аяаанигаа, чаннааг̇ааригаа жа самид̇и.

    Dhammatturikā bhaddayānikā, channāgārikā ca samiti.

    ‘‘махисаасагаанам̣ д̣̇вз бхзд̣̇аа, абарагааламхи аж̇ааяат̇а;

    ‘‘Mahisāsakānaṃ dve bhedā, aparakālamhi ajāyatha;

    саб̣б̣ад̇т̇иваад̣̇аа д̇хаммаг̇уд̇д̇аа, д̣̇вид̇хаа бхиж̇ж̇ид̇т̇а бхигкаво.

    Sabbatthivādā dhammaguttā, dvidhā bhijjittha bhikkhavo.

    ‘‘саб̣б̣ад̇т̇иваад̣̇аанам̣ гассабигаа, сан̇ганд̇и гассабигзна жа;

    ‘‘Sabbatthivādānaṃ kassapikā, saṅkanti kassapikena ca;

    сан̇ганд̇игаанам̣ суд̇д̇аваад̣̇ий, анубуб̣б̣зна бхиж̇ж̇ат̇а.

    Saṅkantikānaṃ suttavādī, anupubbena bhijjatha.

    ‘‘имз згаад̣̇аса ваад̣̇аа, бабхиннаа т̇зраваад̣̇ад̇о;

    ‘‘Ime ekādasa vādā, pabhinnā theravādato;

    ад̇т̇ам̣ д̇хамман̃жа бхинд̣̇им̣су, згад̣̇зсан̃жа сан̇г̇ахам̣;

    Atthaṃ dhammañca bhindiṃsu, ekadesañca saṅgahaṃ;

    г̇ант̇ан̃жа згад̣̇зсан̃хи, чад̣д̣зд̇ваа ан̃н̃ам̣ агам̣су д̇з.

    Ganthañca ekadesañhi, chaḍḍetvā aññaṃ akaṃsu te.

    ‘‘наамам̣ лин̇г̇ам̣ баригкаарам̣, аагаббагаран̣аани жа;

    ‘‘Nāmaṃ liṅgaṃ parikkhāraṃ, ākappakaraṇāni ca;

    багад̇ибхаавам̣ виж̇ахид̇ваа, д̇ан̃жа ан̃н̃ам̣ агам̣су д̇з.

    Pakatibhāvaṃ vijahitvā, tañca aññaṃ akaṃsu te.

    ‘‘сад̇д̇араса бхиннаваад̣̇аа, згаваад̣̇о абхиннаго;

    ‘‘Sattarasa bhinnavādā, ekavādo abhinnako;

    саб̣б̣звадтаараса хонд̇и, бхиннаваад̣̇зна д̇з саха;

    Sabbevaṭṭhārasa honti, bhinnavādena te saha;

    ниг̇род̇хова махааругко, т̇зраваад̣̇аанамуд̇д̇амо.

    Nigrodhova mahārukkho, theravādānamuttamo.

    ‘‘ануунам̣ анад̇хиган̃жа, гзвалам̣ ж̇инасаасанам̣;

    ‘‘Anūnaṃ anadhikañca, kevalaṃ jinasāsanaṃ;

    ган̣дагаа вияа ругкамхи, ниб̣б̣ад̇д̇аа ваад̣̇асзсагаа.

    Kaṇṭakā viya rukkhamhi, nibbattā vādasesakā.

    ‘‘батамз вассасад̇з над̇т̇и, д̣̇уд̇ияз вассасад̇анд̇арз;

    ‘‘Paṭhame vassasate natthi, dutiye vassasatantare;

    бхиннаа сад̇д̇араса ваад̣̇аа, уббаннаа ж̇инасаасанз’’д̇и.

    Bhinnā sattarasa vādā, uppannā jinasāsane’’ti.

    абараабарам̣ бана хзмавад̇аа рааж̇аг̇иригаа сид̣̇д̇хад̇т̇игаа буб̣б̣асзлияаа абарасзлияаа вааж̇ирияаад̇и ан̃н̃зби ча аажарияаваад̣̇аа уббаннаа. буримагаанам̣ бана адтаарасаннам̣ аажарияаваад̣̇аанам̣ васзна бавад̇д̇амаанз саасанз асого д̇хаммарааж̇аа бадилад̣̇д̇хасад̣̇д̇хо д̣̇ивасз д̣̇ивасз б̣уд̣̇д̇хабууж̇ааяа сад̇асахассам̣, д̇хаммабууж̇ааяа сад̇асахассам̣, сан̇гхабууж̇ааяа сад̇асахассам̣, ад̇д̇ано аажарияасса ниг̇род̇хад̇т̇зрасса сад̇асахассам̣, жад̇уусу д̣̇ваарзсу бхзсаж̇ж̇ад̇т̇ааяа сад̇асахассанд̇и бан̃жа сад̇асахассаани барижжаж̇анд̇о саасанз ул̣аарам̣ лаабхасаггаарам̣ бавад̇д̇зси. д̇ад̣̇аа хад̇алаабхасаггаарзхи д̇ид̇т̇иязхи уббаад̣̇ид̇ам̣ анзгаббагаарам̣ саасанамалам̣ висод̇хзд̇ваа мог̇г̇алибуд̇д̇ад̇иссад̇т̇зро д̇ибидагабарияад̇д̇ид̇хараанам̣ бабхиннабадисамбхид̣̇аанам̣ бхигкуунам̣ сахассамзгам̣ г̇ахзд̇ваа яат̇аа махаагассабад̇т̇зро жа яасад̇т̇зро жа д̇хамман̃жа винаяан̃жа сан̇г̇ааяим̣су, звамзва сан̇г̇ааяанд̇о д̇ад̇ияасан̇г̇ийд̇им̣ агааси. ид̣̇аани д̇ам̣ д̇ад̇ияасан̇г̇ийд̇им̣ муулад̇о бабхуд̇и вид̇т̇аарзд̇ваа д̣̇ассзнд̇о ааха ‘‘д̇иссоби ко махааб̣рахмаа б̣рахмалогад̇о жавид̇ваа мог̇г̇алиб̣раахман̣асса г̇зхз бадисанд̇хим̣ аг̇г̇ахзсий’’д̇иаад̣̇и.

    Aparāparaṃ pana hemavatā rājagirikā siddhatthikā pubbaseliyā aparaseliyā vājiriyāti aññepi cha ācariyavādā uppannā. Purimakānaṃ pana aṭṭhārasannaṃ ācariyavādānaṃ vasena pavattamāne sāsane asoko dhammarājā paṭiladdhasaddho divase divase buddhapūjāya satasahassaṃ, dhammapūjāya satasahassaṃ, saṅghapūjāya satasahassaṃ, attano ācariyassa nigrodhattherassa satasahassaṃ, catūsu dvāresu bhesajjatthāya satasahassanti pañca satasahassāni pariccajanto sāsane uḷāraṃ lābhasakkāraṃ pavattesi. Tadā hatalābhasakkārehi titthiyehi uppāditaṃ anekappakāraṃ sāsanamalaṃ visodhetvā moggaliputtatissatthero tipiṭakapariyattidharānaṃ pabhinnapaṭisambhidānaṃ bhikkhūnaṃ sahassamekaṃ gahetvā yathā mahākassapatthero ca yasatthero ca dhammañca vinayañca saṅgāyiṃsu, evameva saṅgāyanto tatiyasaṅgītiṃ akāsi. Idāni taṃ tatiyasaṅgītiṃ mūlato pabhuti vitthāretvā dassento āha ‘‘tissopi kho mahābrahmā brahmalokato cavitvā moggalibrāhmaṇassa gehe paṭisandhiṃ aggahesī’’tiādi.

    д̇ад̇т̇а г̇зхз бадисанд̇хим̣ аг̇г̇ахзсийд̇и мог̇г̇алиб̣раахман̣асса г̇зхз б̣раахман̣ияаа гужчимхи бадисанд̇хим̣ аг̇г̇ахзсийд̇и ад̇т̇о. г̇зхасса бана д̇анниссаяад̇д̇аа ниссид̇з ниссаяавохааравасзна ‘‘г̇зхз бадисанд̇хим̣ аг̇г̇ахзсий’’д̇и вуд̇д̇ам̣ яат̇аа ‘‘ман̃жаа уггудтим̣ гаронд̇и, саб̣б̣о г̇аамо ааг̇ад̇о’’д̇и. сад̇д̇авассаанийд̇и ажжанд̇асам̣яог̇з убаяог̇аважанам̣. ад̇ижчат̇аад̇и ад̇иггамид̇ваа ижчат̇а, ид̇ха бхигкаа на лаб̣бхад̇и, ид̇о ан̃н̃ад̇т̇а г̇анд̇ваа бхигкам̣ бариязсат̇аад̇и ад̇хиббааяо. ‘‘бхо баб̣б̣аж̇ид̇аа’’д̇иаад̣̇и б̣раахман̣о ад̇д̇ано г̇зхз бхигкаалаабхам̣ анижчанд̇о ааха. бадияаад̣̇ид̇абхад̇д̇ад̇од̇и самбаад̣̇зд̇ваа табид̇абхад̇д̇ад̇о. д̇ад̣̇убияанд̇и д̇ад̣̇ануруубам̣. убасамам̣ д̣̇исваад̇и т̇зрасса гааяажид̇д̇авуубасамам̣ бунаббунам̣ д̣̇исваа, н̃ад̇ваад̇и ад̇т̇о. ирияаабат̇авуубасамасанд̣̇ассанзна хи д̇анниб̣анд̇хино жид̇д̇асса яонисо бавад̇д̇иубасамоби вин̃н̃ааяад̇и. бхияяосо мад̇д̇ааяа басийд̣̇ид̇ваад̇и бунаббунам̣ висзсад̇о ад̇хигад̇арам̣ басийд̣̇ид̇ваа. бхад̇д̇ависсаг̇г̇агаран̣ад̇т̇ааяаад̇и бхад̇д̇агижжагаран̣ад̇т̇ааяа. ад̇хиваасзд̇ваад̇и самбадижчид̇ваа.

    Tattha gehe paṭisandhiṃ aggahesīti moggalibrāhmaṇassa gehe brāhmaṇiyā kucchimhi paṭisandhiṃ aggahesīti attho. Gehassa pana tannissayattā nissite nissayavohāravasena ‘‘gehe paṭisandhiṃ aggahesī’’ti vuttaṃ yathā ‘‘mañcā ukkuṭṭhiṃ karonti, sabbo gāmo āgato’’ti. Sattavassānīti accantasaṃyoge upayogavacanaṃ. Aticchathāti atikkamitvā icchatha, idha bhikkhā na labbhati, ito aññattha gantvā bhikkhaṃ pariyesathāti adhippāyo. ‘‘Bho pabbajitā’’tiādi brāhmaṇo attano gehe bhikkhālābhaṃ anicchanto āha. Paṭiyāditabhattatoti sampādetvā ṭhapitabhattato. Tadupiyanti tadanurūpaṃ. Upasamaṃ disvāti therassa kāyacittavūpasamaṃ punappunaṃ disvā, ñatvāti attho. Iriyāpathavūpasamasandassanena hi tannibandhino cittassa yoniso pavattiupasamopi viññāyati. Bhiyyoso mattāya pasīditvāti punappunaṃ visesato adhikataraṃ pasīditvā. Bhattavissaggakaraṇatthāyāti bhattakiccakaraṇatthāya. Adhivāsetvāti sampaṭicchitvā.

    сол̣асавассуд̣̇д̣̇зсигод̇и сол̣асавассод̇и уд̣̇д̣̇исид̇аб̣б̣о вохарид̇аб̣б̣од̇и сол̣асавассуд̣̇д̣̇зсо, соязва сол̣асавассуд̣̇д̣̇зсиго. сол̣асавассод̇и ваа уд̣̇д̣̇исид̇аб̣б̣ад̇ам̣ арахад̇ийд̇и сол̣асавассуд̣̇д̣̇зсиго, сол̣асавассаани ваа уд̣̇д̣̇исид̇аб̣б̣аани ассаад̇и сол̣асавассуд̣̇д̣̇зсиго, сол̣асавассод̇и уд̣̇д̣̇зсо ваа асса ад̇т̇ийд̇и сол̣асавассуд̣̇д̣̇зсиго, ад̇т̇ад̇о бана сол̣асавассигод̇и вуд̇д̇ам̣ ход̇и. д̇ин̣н̣ам̣ взд̣̇аанам̣ баараг̇ууд̇и ирувзд̣̇аяаж̇увзд̣̇асаамавзд̣̇асан̇каад̇аанам̣ д̇ин̣н̣ам̣ взд̣̇аанам̣ баг̇ун̣агаран̣авасзна баарам̣ г̇ад̇од̇и баараг̇уу. баараг̇ууд̇и жзд̇т̇а нижжасаабзгкад̇ааяа самаасаад̣̇игам̣ взд̣̇ид̇аб̣б̣ам̣. лаг̇г̇зд̇ваад̇и оламб̣зд̇ваа. на жа гаажийд̇и зд̇т̇а жа-сад̣̇д̣̇о авад̇хааран̣з, гаажи гат̇аа нзва уббаж̇ж̇ад̇ийд̇и ад̇т̇о. баллан̇ганд̇и нисийд̣̇ид̇аб̣б̣аасанам̣. уббаж̇ж̇иссад̇ийд̇и зд̇т̇ааби ‘‘гат̇аа’’д̇и ид̣̇ам̣ аанзд̇ваа самб̣анд̇хид̇аб̣б̣ам̣. губид̇о анад̇д̇аманод̇и гобзна губид̇о, анад̇д̇амано д̣̇оманассзна. д̣̇оманассасаман̇г̇ий хи буг̇г̇ало бийд̇исукзхи на ад̇д̇амано на ад̇д̇ажид̇д̇од̇и анад̇д̇аманод̇и вужжад̇и. на сагаманод̇и ваа анад̇д̇амано ад̇д̇ано васз адтид̇ажид̇д̇ад̇д̇аа.

    Soḷasavassuddesikoti soḷasavassoti uddisitabbo voharitabboti soḷasavassuddeso, soyeva soḷasavassuddesiko. Soḷasavassoti vā uddisitabbataṃ arahatīti soḷasavassuddesiko, soḷasavassāni vā uddisitabbāni assāti soḷasavassuddesiko, soḷasavassoti uddeso vā assa atthīti soḷasavassuddesiko, atthato pana soḷasavassikoti vuttaṃ hoti. Tiṇṇaṃ vedānaṃ pāragūti iruvedayajuvedasāmavedasaṅkhātānaṃ tiṇṇaṃ vedānaṃ paguṇakaraṇavasena pāraṃ gatoti pāragū. Pāragūti cettha niccasāpekkhatāya samāsādikaṃ veditabbaṃ. Laggetvāti olambetvā. Na ca kācīti ettha ca-saddo avadhāraṇe, kāci kathā neva uppajjatīti attho. Pallaṅkanti nisīditabbāsanaṃ. Uppajjissatīti etthāpi ‘‘kathā’’ti idaṃ ānetvā sambandhitabbaṃ. Kupito anattamanoti kopena kupito, anattamano domanassena. Domanassasamaṅgī hi puggalo pītisukhehi na attamano na attacittoti anattamanoti vuccati. Na sakamanoti vā anattamano attano vase aṭṭhitacittattā.

    жан̣д̣иггабхаавзд̇и жан̣д̣иго вужжад̇и жан̣д̣о т̇ад̣̇д̇хабуг̇г̇ало, д̇асса бхааво жан̣д̣иггам̣, т̇ад̣̇д̇хабхаавод̇и ад̇т̇о. ид̇ха бана ‘‘жан̣д̣иггабхаавз’’д̇и вуд̇д̇ад̇д̇аа жан̣д̣игоязва жан̣д̣игганд̇и г̇ахзд̇аб̣б̣ам̣, д̇зна ‘‘жан̣д̣иггабхаавз’’д̇и зд̇т̇а т̇ад̣̇д̇хабхаавзд̇и ад̇т̇о взд̣̇ид̇аб̣б̣о. гин̃жи манд̇анд̇и гин̃жи взд̣̇ам̣. ан̃н̃з гз ж̇ааниссанд̇ийд̇и на гзжи ж̇ааниссанд̇ийд̇и ад̇хиббааяо. бужчид̇ваа саггаа ж̇аанид̇унд̇и ад̇д̇ано бад̣̇зсан̃аан̣з тид̇ад̇д̇аа т̇зро звамааха. саб̣б̣ан̃н̃уб̣уд̣̇д̇хаа зва хи ‘‘бужча, маан̣ава, яад̣̇ааган̇касий’’д̇иаад̣̇инаа бажжзгаб̣уд̣̇д̇хаад̣̇ийхи асаад̇хааран̣ам̣ саб̣б̣ан̃н̃убавааран̣ам̣ баваарзнд̇и. саавагаа бана бад̣̇зсан̃аан̣з тид̇ад̇д̇аа ‘‘суд̇ваа взд̣̇иссаамаа’’д̇и ваа ‘‘бужчид̇ваа саггаа ж̇аанид̇у’’нд̇и ваа вад̣̇анд̇и.

    Caṇḍikkabhāveti caṇḍiko vuccati caṇḍo thaddhapuggalo, tassa bhāvo caṇḍikkaṃ, thaddhabhāvoti attho. Idha pana ‘‘caṇḍikkabhāve’’ti vuttattā caṇḍikoyeva caṇḍikkanti gahetabbaṃ, tena ‘‘caṇḍikkabhāve’’ti ettha thaddhabhāveti attho veditabbo. Kiñci mantanti kiñci vedaṃ. Aññe ke jānissantīti na keci jānissantīti adhippāyo. Pucchitvā sakkā jānitunti attano padesañāṇe ṭhitattā thero evamāha. Sabbaññubuddhā eva hi ‘‘puccha, māṇava, yadākaṅkhasī’’tiādinā paccekabuddhādīhi asādhāraṇaṃ sabbaññupavāraṇaṃ pavārenti. Sāvakā pana padesañāṇe ṭhitattā ‘‘sutvā vedissāmā’’ti vā ‘‘pucchitvā sakkā jānitu’’nti vā vadanti.

    д̇ийсу взд̣̇зсууд̇иаад̣̇ийсу д̇аяо взд̣̇аа буб̣б̣з вуд̇д̇анаяаа зва. нигхан̣д̣ууд̇и нааманигхан̣д̣уругкаад̣̇ийнам̣ взважанаббагаасагам̣ сад̇т̇ам̣, взважанаббагаасаганд̇и жа барияааяасад̣̇д̣̇ад̣̇ийбаганд̇и ад̇т̇о, згзгасса ад̇т̇асса анзгабарияааяаважанавибхааваганд̇и вуд̇д̇ам̣ ход̇и. нид̣̇ассанамад̇д̇ан̃жзд̇ам̣ анзгзсам̣ ад̇т̇аанам̣ згасад̣̇д̣̇асса важанийяад̇аавибхааванавасзнаби д̇асса г̇ант̇асса бавад̇д̇ад̇д̇аа. важанийяаваажагабхаавзна ад̇т̇ам̣ сад̣̇д̣̇ан̃жа никан̣д̣зд̇и бхинд̣̇ад̇и вибхаж̇ж̇а д̣̇ассзд̇ийд̇и никан̣д̣у, со зва ид̇ха ка-гаарасса гха-гаарам̣ гад̇ваа нигхан̣д̣ууд̇и вуд̇д̇о. гздубханд̇и гирияаагаббавигаббо гавийнам̣ убагаарасад̇т̇ам̣. зд̇т̇а жа гирияаагаббавигаббод̇и важийбхзд̣̇аад̣̇илагкан̣аа гирияаа габбийяад̇и вигаббийяад̇и зд̇знаад̇и гирияаагаббо, со бана ван̣н̣абад̣̇аб̣анд̇хабад̣̇ад̇т̇аад̣̇ивибхааг̇ад̇о б̣ахувигаббод̇и гирияаагаббавигаббод̇и вужжад̇и. ид̣̇ан̃жа муулагирияаагаббаг̇ант̇ам̣ санд̇хааяа вуд̇д̇ам̣. со хи сад̇асахассабаримаан̣о наяаад̣̇ижарияаад̣̇игам̣ багаран̣ам̣. важанад̇т̇ад̇о бана гидад̇и г̇амзд̇и гирияаад̣̇ивибхааг̇ам̣, д̇ам̣ ваа анавасзсабарияаад̣̇аанад̇о г̇амзнд̇о буурзд̇ийд̇и гздубханд̇и вужжад̇и, саха нигхан̣д̣унаа гздубхзна жа санигхан̣д̣угздубхаа, д̇аяо взд̣̇аа. д̇зсу санигхан̣д̣угздубхзсу. таанагаран̣аад̣̇ивибхааг̇ад̇о ниб̣б̣ажанавибхааг̇ад̇о жа агкараа бабхзд̣̇ийяанд̇и зд̇знаад̇и агкараббабхзд̣̇о, сигкаа жа нируд̇д̇и жа. саха агкараббабхзд̣̇знаад̇и саагкараббабхзд̣̇аа, д̇зсу саагкараббабхзд̣̇зсу. ид̇ихаасабан̃жамзсууд̇и ат̇аб̣б̣анавзд̣̇ам̣ жад̇уд̇т̇ам̣ гад̇ваа ‘‘ид̇иха ааса ид̇иха аасаа’’д̇и ийд̣̇исаважанабадисам̣яуд̇д̇о бураан̣агат̇аасан̇каад̇о ид̇ихаасо бан̃жамо зд̇зсанд̇и ид̇ихаасабан̃жамаа, д̇аяо взд̣̇аа. д̇зсу ид̇ихаасабан̃жамзсу. нзва ад̇д̇анаа бассад̇ийд̇и нзва саяам̣ бассад̇и, нзва ж̇аанаад̇ийд̇и ад̇т̇о. бужча, б̣яаагариссаамийд̇и ‘‘саб̣б̣ааби бужчаа взд̣̇зсуязва анд̇ог̇ад̇хаа’’д̇и саллагкзнд̇о звамааха.

    Tīsu vedesūtiādīsu tayo vedā pubbe vuttanayā eva. Nighaṇḍūti nāmanighaṇḍurukkhādīnaṃ vevacanappakāsakaṃ satthaṃ, vevacanappakāsakanti ca pariyāyasaddadīpakanti attho, ekekassa atthassa anekapariyāyavacanavibhāvakanti vuttaṃ hoti. Nidassanamattañcetaṃ anekesaṃ atthānaṃ ekasaddassa vacanīyatāvibhāvanavasenapi tassa ganthassa pavattattā. Vacanīyavācakabhāvena atthaṃ saddañca nikhaṇḍeti bhindati vibhajja dassetīti nikhaṇḍu, so eva idha kha-kārassa gha-kāraṃ katvā nighaṇḍūti vutto. Keṭubhanti kiriyākappavikappo kavīnaṃ upakārasatthaṃ. Ettha ca kiriyākappavikappoti vacībhedādilakkhaṇā kiriyā kappīyati vikappīyati etenāti kiriyākappo, so pana vaṇṇapadabandhapadatthādivibhāgato bahuvikappoti kiriyākappavikappoti vuccati. Idañca mūlakiriyākappaganthaṃ sandhāya vuttaṃ. So hi satasahassaparimāṇo nayādicariyādikaṃ pakaraṇaṃ. Vacanatthato pana kiṭati gameti kiriyādivibhāgaṃ, taṃ vā anavasesapariyādānato gamento pūretīti keṭubhanti vuccati, saha nighaṇḍunā keṭubhena ca sanighaṇḍukeṭubhā, tayo vedā. Tesu sanighaṇḍukeṭubhesu. Ṭhānakaraṇādivibhāgato nibbacanavibhāgato ca akkharā pabhedīyanti etenāti akkharappabhedo, sikkhā ca nirutti ca. Saha akkharappabhedenāti sākkharappabhedā, tesu sākkharappabhedesu. Itihāsapañcamesūti athabbanavedaṃ catutthaṃ katvā ‘‘itiha āsa itiha āsā’’ti īdisavacanapaṭisaṃyutto purāṇakathāsaṅkhāto itihāso pañcamo etesanti itihāsapañcamā, tayo vedā. Tesu itihāsapañcamesu. Neva attanā passatīti neva sayaṃ passati, neva jānātīti attho. Puccha, byākarissāmīti ‘‘sabbāpi pucchā vedesuyeva antogadhā’’ti sallakkhento evamāha.

    яасса жид̇д̇анд̇иаад̣̇ибан̃хад̣̇ваяам̣ жуд̇ижид̇д̇асаман̇г̇ино кийн̣аасавасса жуд̇ижид̇д̇асса уббаад̣̇агкан̣ам̣ санд̇хааяа вуд̇д̇ам̣. д̇ад̇т̇а батамабан̃хз уббаж̇ж̇ад̇ийд̇и уббаад̣̇агкан̣асаман̇г̇ид̇ааяа уббаж̇ж̇ад̇и. на нируж̇жхад̇ийд̇и нирод̇хагкан̣ам̣ аббад̇д̇ад̇ааяа на нируж̇жхад̇и. д̇асса жид̇д̇анд̇и д̇асса буг̇г̇аласса д̇ад̇о бадтааяа жид̇д̇ам̣ нируж̇жхиссад̇и нуббаж̇ж̇иссад̇ийд̇и бужчад̇и. яасса ваа банаад̇иаад̣̇игз бана д̣̇уд̇ияабан̃хз нируж̇жхиссад̇ийд̇и яасса жид̇д̇ам̣ бхан̇г̇агкан̣ам̣ бад̇ваа нируж̇жхиссад̇и. нуббаж̇ж̇иссад̇ийд̇и бхан̇г̇ад̇о барабхааг̇з саяам̣ ваа ан̃н̃ам̣ ваа нуббаж̇ж̇иссад̇и, д̇асса буг̇г̇аласса жид̇д̇ам̣ уббаж̇ж̇ад̇и на нируж̇жхад̇ийд̇и бужчад̇и. имзсам̣ бана бан̃хаанам̣ батамо бан̃хо вибхаж̇ж̇аб̣яаагаран̣ийяо, д̇асмаа ‘‘яасса жид̇д̇ам̣ уббаж̇ж̇ад̇и на нируж̇жхад̇и, д̇асса жид̇д̇ам̣ нируж̇жхиссад̇и нуббаж̇ж̇иссад̇ий’’д̇и (яама. 2.жид̇д̇аяамага.63) звам̣ будтзна сад̇аа звамаяам̣ бан̃хо жа виссаж̇ж̇зд̇аб̣б̣о ‘‘бажчимажид̇д̇асса уббаад̣̇агкан̣з д̇зсам̣ жид̇д̇ам̣ уббаж̇ж̇ад̇и на нируж̇жхад̇и нируж̇жхиссад̇и на уббаж̇ж̇иссад̇и, ид̇арзсам̣ жид̇д̇асса уббаад̣̇агкан̣з д̇зсам̣ жид̇д̇ам̣ уббаж̇ж̇ад̇и на нируж̇жхад̇и, нируж̇жхиссад̇и жзва уббаж̇ж̇иссад̇и жаа’’д̇и (яама. 2.жид̇д̇аяамага.63). язсан̃хи барижчиннаваддад̣̇угкаанам̣ кийн̣аасаваанам̣ саб̣б̣абажчимасса жуд̇ижид̇д̇асса уббаад̣̇агкан̣з вад̇д̇ад̇и, д̇зсам̣ д̇ад̣̇зва жуд̇ижид̇д̇ам̣ нируж̇жхиссад̇и нуббаж̇ж̇иссад̇ийд̇и. уббаад̣̇аббад̇д̇ад̇ааяа уббаж̇ж̇ад̇и наама, бхан̇г̇ам̣ аббад̇д̇ад̇ааяа на нируж̇жхад̇и. бхан̇г̇ам̣ бана бад̇ваа д̇ам̣ д̇зсам̣ жид̇д̇ам̣ нируж̇жхиссад̇и, д̇ад̇о аббадисанд̇хигад̇д̇аа ан̃н̃ам̣ на уббаж̇ж̇иссад̇и. табзд̇ваа бана бажчимажид̇д̇асаман̇г̇икийн̣аасавам̣ ид̇арзсам̣ сзгкаасзгкабут̇уж̇ж̇анаанам̣ уббаад̣̇агкан̣асаман̇г̇ижид̇д̇ам̣ уббаад̣̇аббад̇д̇ад̇ааяа уббаж̇ж̇ад̇и наама, бхан̇г̇ам̣ аббад̇д̇ад̇ааяа на нируж̇жхад̇и. бхан̇г̇ам̣ бана бад̇ваа нируж̇жхиссад̇зва, ан̃н̃ам̣ бана д̇асмим̣ ваа ан̃н̃асмим̣ ваа ад̇д̇абхаавз уббаж̇ж̇иссад̇и жзва нируж̇жхиссад̇и жа. д̣̇уд̇ияо бана бан̃хо арахад̇о жуд̇ижид̇д̇асса уббаад̣̇агкан̣з нияамид̇ад̇д̇аа згам̣саб̣яаагаран̣ийяо, д̇асмаа ‘‘яасса ваа бана жид̇д̇ам̣ нируж̇жхиссад̇и на уббаж̇ж̇иссад̇и, д̇асса жид̇д̇ам̣ уббаж̇ж̇ад̇и на нируж̇жхад̇ий’’д̇и будтзна ‘‘ааманд̇аа’’д̇и вад̇д̇аб̣б̣ам̣. кийн̣аасавасса хи уббаад̣̇агкан̣асаман̇г̇ижуд̇ижид̇д̇ам̣ бхан̇г̇ам̣ бад̇ваа нируж̇жхиссад̇и наама, д̇ад̇о барам̣ нуббаж̇ж̇иссад̇и. уббаад̣̇агкан̣асаман̇г̇ид̇ааяа бана уббаж̇ж̇ад̇и жзва бхан̇г̇ам̣ аббад̇д̇ад̇ааяа на нируж̇жхад̇и жаад̇и вужжад̇и.

    Yassa cittantiādipañhadvayaṃ cuticittasamaṅgino khīṇāsavassa cuticittassa uppādakkhaṇaṃ sandhāya vuttaṃ. Tattha paṭhamapañhe uppajjatīti uppādakkhaṇasamaṅgitāya uppajjati. Na nirujjhatīti nirodhakkhaṇaṃ appattatāya na nirujjhati. Tassa cittanti tassa puggalassa tato paṭṭhāya cittaṃ nirujjhissati nuppajjissatīti pucchati. Yassa vā panātiādike pana dutiyapañhe nirujjhissatīti yassa cittaṃ bhaṅgakkhaṇaṃ patvā nirujjhissati. Nuppajjissatīti bhaṅgato parabhāge sayaṃ vā aññaṃ vā nuppajjissati, tassa puggalassa cittaṃ uppajjati na nirujjhatīti pucchati. Imesaṃ pana pañhānaṃ paṭhamo pañho vibhajjabyākaraṇīyo, tasmā ‘‘yassa cittaṃ uppajjati na nirujjhati, tassa cittaṃ nirujjhissati nuppajjissatī’’ti (yama. 2.cittayamaka.63) evaṃ puṭṭhena satā evamayaṃ pañho ca vissajjetabbo ‘‘pacchimacittassa uppādakkhaṇe tesaṃ cittaṃ uppajjati na nirujjhati nirujjhissati na uppajjissati, itaresaṃ cittassa uppādakkhaṇe tesaṃ cittaṃ uppajjati na nirujjhati, nirujjhissati ceva uppajjissati cā’’ti (yama. 2.cittayamaka.63). Yesañhi paricchinnavaṭṭadukkhānaṃ khīṇāsavānaṃ sabbapacchimassa cuticittassa uppādakkhaṇe vattati, tesaṃ tadeva cuticittaṃ nirujjhissati nuppajjissatīti. Uppādappattatāya uppajjati nāma, bhaṅgaṃ appattatāya na nirujjhati. Bhaṅgaṃ pana patvā taṃ tesaṃ cittaṃ nirujjhissati, tato appaṭisandhikattā aññaṃ na uppajjissati. Ṭhapetvā pana pacchimacittasamaṅgikhīṇāsavaṃ itaresaṃ sekkhāsekkhaputhujjanānaṃ uppādakkhaṇasamaṅgicittaṃ uppādappattatāya uppajjati nāma, bhaṅgaṃ appattatāya na nirujjhati. Bhaṅgaṃ pana patvā nirujjhissateva, aññaṃ pana tasmiṃ vā aññasmiṃ vā attabhāve uppajjissati ceva nirujjhissati ca. Dutiyo pana pañho arahato cuticittassa uppādakkhaṇe niyamitattā ekaṃsabyākaraṇīyo, tasmā ‘‘yassa vā pana cittaṃ nirujjhissati na uppajjissati, tassa cittaṃ uppajjati na nirujjhatī’’ti puṭṭhena ‘‘āmantā’’ti vattabbaṃ. Khīṇāsavassa hi uppādakkhaṇasamaṅgicuticittaṃ bhaṅgaṃ patvā nirujjhissati nāma, tato paraṃ nuppajjissati. Uppādakkhaṇasamaṅgitāya pana uppajjati ceva bhaṅgaṃ appattatāya na nirujjhati cāti vuccati.

    аяам̣ бана маан̣аво звамимз бан̃хз виссаж̇ж̇зд̇умасаггонд̇о вигхаад̇ам̣ баабун̣и, д̇асмаа вуд̇д̇ам̣ ‘‘маан̣аво уд̣̇д̇хам̣ ваа ад̇хо ваа харид̇ум̣ асаггонд̇о’’д̇иаад̣̇и. д̇ад̇т̇а уд̣̇д̇хам̣ ваа ад̇хо ваа харид̇ум̣ асаггонд̇од̇и убаримабад̣̇з ваа хздтимабад̣̇ам̣, хздтимабад̣̇з ваа убаримабад̣̇ам̣ ад̇т̇ад̇о саманнаахарид̇ум̣ асаггонд̇од̇и ад̇т̇о, буб̣б̣знаабарам̣ яож̇зд̇ваа бан̃хасса ад̇т̇ам̣ барижчинд̣̇ид̇ум̣ асаггонд̇од̇и вуд̇д̇ам̣ ход̇и. д̣̇вад̇д̇им̣саагаарагаммадтаанам̣ д̇аава аажигкийд̇и ‘‘ад̇т̇и имасмим̣ гааяз’’д̇иаад̣̇игам̣ д̣̇вад̇д̇им̣саагаарагаммадтаанам̣ ‘‘манд̇асса убажааро аяа’’нд̇и батамам̣ аажигки. сод̇аабаннаанам̣ сийлзсу барибуурагаарид̇ааяа самаад̣̇иннасийлад̇о над̇т̇и барихаанийд̇и ааха ‘‘абхаб̣б̣о д̣̇аани саасанад̇о нивад̇д̇ид̇у’’нд̇и. вад̣дхзд̇ваад̇и убаримаг̇г̇ад̇т̇ааяа гаммадтаанам̣ вад̣дхзд̇ваа. аббоссугго бхавзяяа б̣уд̣̇д̇хаважанам̣ г̇ахзд̇унд̇и арахад̇д̇аббад̇д̇ияаа гад̇агижжабхаавад̇од̇и ад̇хиббааяо. вохааравид̇химхи чзгабхаавад̇т̇ам̣ ‘‘убаж̇жхааяо мам̣ бханд̇з д̇умхаагам̣ санд̇игам̣ бахин̣ий’’д̇иаад̣̇и вуд̇д̇ам̣.

    Ayaṃ pana māṇavo evamime pañhe vissajjetumasakkonto vighātaṃ pāpuṇi, tasmā vuttaṃ ‘‘māṇavo uddhaṃ vā adho vā harituṃ asakkonto’’tiādi. Tattha uddhaṃ vā adho vā harituṃ asakkontoti uparimapade vā heṭṭhimapadaṃ, heṭṭhimapade vā uparimapadaṃ atthato samannāharituṃ asakkontoti attho, pubbenāparaṃ yojetvā pañhassa atthaṃ paricchindituṃ asakkontoti vuttaṃ hoti. Dvattiṃsākārakammaṭṭhānaṃ tāva ācikkhīti ‘‘atthi imasmiṃ kāye’’tiādikaṃ dvattiṃsākārakammaṭṭhānaṃ ‘‘mantassa upacāro aya’’nti paṭhamaṃ ācikkhi. Sotāpannānaṃ sīlesu paripūrakāritāya samādinnasīlato natthi parihānīti āha ‘‘abhabbo dāni sāsanato nivattitu’’nti. Vaḍḍhetvāti uparimaggatthāya kammaṭṭhānaṃ vaḍḍhetvā. Appossukko bhaveyya buddhavacanaṃ gahetunti arahattappattiyā katakiccabhāvatoti adhippāyo. Vohāravidhimhi chekabhāvatthaṃ ‘‘upajjhāyo maṃ bhante tumhākaṃ santikaṃ pahiṇī’’tiādi vuttaṃ.

    уд̣̇агад̣̇анд̇абонам̣ убадтаабзсийд̇и барибхог̇ад̇т̇ааяа уд̣̇аган̃жа д̣̇анд̇агадтан̃жа бадияаад̣̇зд̇ваа табзси. д̣̇анд̇з бунанд̇и висод̇хзнд̇и зд̇знаад̇и д̣̇анд̇абонам̣ вужжад̇и д̣̇анд̇агадтам̣. г̇ун̣аванд̇аанам̣ сан̇г̇ахзд̇аб̣б̣абхаавад̇о т̇зро сааман̣зрасса жа канд̇ивийрияаубадтаанаад̣̇иг̇ун̣з бажжагкагаран̣ад̇т̇ам̣ винаава абхин̃н̃ааяа багад̇ияаа виймам̣самаано буна саммаж̇ж̇анаад̣̇им̣ агааси. ‘‘сааман̣зрасса жид̇д̇ад̣̇аманад̇т̇ам̣ агаасий’’д̇иби вад̣̇анд̇и. б̣уд̣̇д̇хаважанам̣ бадтабзсийд̇и б̣уд̣̇д̇хаважанам̣ уг̇г̇ан̣хаабзд̇ум̣ аарабхи. табзд̇ваа винаяабидаганд̇и зд̇т̇а ‘‘сааман̣зраанам̣ винаяабарияаабун̣анам̣ жаарид̇д̇ам̣ на ход̇ийд̇и табзд̇ваа винаяабидагам̣ авасзсам̣ б̣уд̣̇д̇хаважанам̣ уг̇г̇ан̣хаабзсий’’д̇и д̇ийсуби г̇ан̣тибад̣̇зсу вуд̇д̇ам̣. авассигова самаанод̇и убасамбад̣̇ад̇о бадтааяа абарибун̣н̣азгавассод̇и ад̇хиббааяо. мог̇г̇алибуд̇д̇ад̇иссад̇т̇зрасса хад̣̇аяз бад̇идтаабид̇амби б̣уд̣̇д̇хаважанам̣ вохааравасзна д̇асса хад̇т̇з бад̇идтаабид̇ам̣ наама ход̇ийд̇и гад̇ваа вуд̇д̇ам̣ ‘‘хад̇т̇з сагалам̣ б̣уд̣̇д̇хаважанам̣ бад̇идтаабзд̇ваа’’д̇и. яаавад̇ааяугам̣ тад̇ваа бариниб̣б̣ааяим̣сууд̇и мог̇г̇алибуд̇д̇ад̇иссад̇т̇зрасса хад̇т̇з сагаласаасанабад̇идтаабанзна д̣̇уд̇ияасан̇г̇ийд̇игаарагааробид̇ад̣̇ан̣д̣агаммад̇о муд̇д̇аа худ̇ваа яаавад̇ааяугам̣ тад̇ваа бариниб̣б̣ааяим̣су.

    Udakadantaponaṃ upaṭṭhāpesīti paribhogatthāya udakañca dantakaṭṭhañca paṭiyādetvā ṭhapesi. Dante punanti visodhenti etenāti dantaponaṃ vuccati dantakaṭṭhaṃ. Guṇavantānaṃ saṅgahetabbabhāvato thero sāmaṇerassa ca khantivīriyaupaṭṭhānādiguṇe paccakkhakaraṇatthaṃ vināva abhiññāya pakatiyā vīmaṃsamāno puna sammajjanādiṃ akāsi. ‘‘Sāmaṇerassa cittadamanatthaṃ akāsī’’tipi vadanti. Buddhavacanaṃ paṭṭhapesīti buddhavacanaṃ uggaṇhāpetuṃ ārabhi. Ṭhapetvā vinayapiṭakanti ettha ‘‘sāmaṇerānaṃ vinayapariyāpuṇanaṃ cārittaṃ na hotīti ṭhapetvā vinayapiṭakaṃ avasesaṃ buddhavacanaṃ uggaṇhāpesī’’ti tīsupi gaṇṭhipadesu vuttaṃ. Avassikova samānoti upasampadato paṭṭhāya aparipuṇṇaekavassoti adhippāyo. Moggaliputtatissattherassa hadaye patiṭṭhāpitampi buddhavacanaṃ vohāravasena tassa hatthe patiṭṭhāpitaṃ nāma hotīti katvā vuttaṃ ‘‘hatthe sakalaṃ buddhavacanaṃ patiṭṭhāpetvā’’ti. Yāvatāyukaṃ ṭhatvā parinibbāyiṃsūti moggaliputtatissattherassa hatthe sakalasāsanapatiṭṭhāpanena dutiyasaṅgītikārakāropitadaṇḍakammato muttā hutvā yāvatāyukaṃ ṭhatvā parinibbāyiṃsu.

    б̣инд̣̇усаарасса ран̃н̃о згасад̇абуд̇д̇аад̇и зд̇т̇а б̣инд̣̇усааро наама сагяагулаббасуд̇о жанд̣̇аг̇уд̇д̇асса наама ран̃н̃о буд̇д̇о. д̇ат̇аа хи видадуубхасан̇г̇аамз габилавад̇т̇уд̇о нигканд̇асагяабуд̇д̇зхи маабид̇з морияанаг̇арз кад̇д̇ияагуласамбхаво жанд̣̇аг̇уд̇д̇агумааро баадалибуд̇д̇з рааж̇аа ахоси. д̇асса буд̇д̇о б̣инд̣̇усааро наама рааж̇агумааро бид̇у ажжаязна рааж̇аа худ̇ваа згасад̇абуд̇д̇агаанам̣ ж̇анаго ахоси. згасад̇анд̇и зган̃жа сад̇ан̃жа згасад̇ам̣, згзнаад̇хигам̣ сад̇анд̇и ад̇т̇о. згаава маад̇аа ассаад̇и згамаад̇игам̣, ад̇д̇анаа саход̣̇аранд̇и вуд̇д̇ам̣ ход̇и. на д̇аава згараж̇ж̇ам̣ гад̇анд̇и ааха ‘‘анабхисид̇д̇ова раж̇ж̇ам̣ гаарзд̇ваа’’д̇и. згараж̇ж̇аабхисзганд̇и сагалаж̇амб̣уд̣̇ийбз згаад̇хибажжавасзна гарияамаанам̣ абхисзгам̣. бун̃н̃аббабхаавзна баабун̣ид̇аб̣б̣ааби рааж̇ид̣̇д̇хияо арахад̇д̇амаг̇г̇зна ааг̇ад̇аа бадисамбхид̣̇аад̣̇аяо авасзсависзсаа вияа баяог̇асамбад̇д̇ибхууд̇аа абхисзгаанубхаавзнзва ааг̇ад̇аад̇и ааха ‘‘абхисзгаанубхаавзна жасса имаа рааж̇ид̣̇д̇хияо ааг̇ад̇аа’’д̇и.

    Bindusārassa rañño ekasataputtāti ettha bindusāro nāma sakyakulappasuto candaguttassa nāma rañño putto. Tathā hi viṭaṭūbhasaṅgāme kapilavatthuto nikkhantasakyaputtehi māpite moriyanagare khattiyakulasambhavo candaguttakumāro pāṭaliputte rājā ahosi. Tassa putto bindusāro nāma rājakumāro pitu accayena rājā hutvā ekasataputtakānaṃ janako ahosi. Ekasatanti ekañca satañca ekasataṃ, ekenādhikaṃ satanti attho. Ekāva mātā assāti ekamātikaṃ, attanā sahodaranti vuttaṃ hoti. Na tāva ekarajjaṃ katanti āha ‘‘anabhisittova rajjaṃ kāretvā’’ti. Ekarajjābhisekanti sakalajambudīpe ekādhipaccavasena kariyamānaṃ abhisekaṃ. Puññappabhāvena pāpuṇitabbāpi rājiddhiyo arahattamaggena āgatā paṭisambhidādayo avasesavisesā viya payogasampattibhūtā abhisekānubhāveneva āgatāti āha ‘‘abhisekānubhāvena cassa imā rājiddhiyo āgatā’’ti.

    д̇ад̇т̇а рааж̇ид̣̇д̇хияод̇и рааж̇абхааваануг̇ад̇аббабхааваа. яад̇од̇и яад̇о сол̣асагхадад̇о. саасанз уббаннасад̣̇д̇ход̇и б̣уд̣̇д̇хасаасанз бадилад̣̇д̇хасад̣̇д̇хо. асанд̇химид̇д̇аад̇и д̇ассаава наамам̣. д̇ассаа гира сарийрз санд̇хаяо на бан̃н̃ааяанд̇и, д̇асмаа звам̣наамигаа ж̇аад̇аад̇иби вад̣̇анд̇и. д̣̇звад̇аа зва д̣̇ивасз д̣̇ивасз аахаранд̇ийд̇и самб̣анд̇хо. д̣̇звасиганд̇и д̣̇ивасз д̣̇ивасз. аг̇ад̣̇аамалаганд̇и аббагзнзва сарийрасод̇ханаад̣̇исамад̇т̇ам̣ саб̣б̣ад̣̇осахаран̣ам̣ осад̇хаамалагам̣. аг̇ад̣̇ахарийд̇агамби д̇аад̣̇исамзва харийд̇агам̣. д̇зсу гира д̣̇вийсу яат̇аагаамамзгам̣ барибхун̃ж̇ад̇и. чад̣̇д̣̇анд̇ад̣̇ахад̇од̇и чад̣̇д̣̇анд̇ад̣̇ахасамийбз тид̇ад̣̇звавимаанад̇о габбаругкад̇о ваа. ‘‘чад̣̇д̣̇анд̇ад̣̇ахз д̇аад̣̇исаа ругкависзсаа санд̇и, д̇ад̇о аахаранд̇ий’’д̇иби вад̣̇анд̇и. д̣̇иб̣б̣ан̃жа баанаганд̇и д̣̇иб̣б̣апаларасабаанаган̃жа. асуд̇д̇амаяиганд̇и габбаругкад̇о ниб̣б̣ад̇д̇ад̣̇иб̣б̣ад̣̇уссад̇д̇аа суд̇д̇зхи на гад̇анд̇и асуд̇д̇амаяигам̣. суманабубпабаданд̇и саб̣б̣ад̇т̇а сукумам̣ худ̇ваа уг̇г̇ад̇абубпаанам̣ ад̇т̇ид̇ааяа суманабубпабадам̣ наама ж̇аад̇ам̣. удтид̇асса саалинод̇и саяам̣ж̇аад̇асаалино. самуд̣̇ааяаабзгкан̃жзд̇т̇а згаважанам̣, саалийнанд̇и ад̇т̇о. нава ваахасахассаанийд̇и зд̇т̇а ‘‘жад̇ассо мудтияо зго гуд̣уво, жад̇д̇ааро гуд̣уваа зго бад̇т̇о, жад̇д̇ааро бад̇т̇аа зго аал̣хаго, жад̇д̇ааро аал̣хагаа згам̣ д̣̇он̣ам̣, жад̇д̇ааро д̣̇он̣аа згамаанигаа, жад̇ассо маанигаа згакаарий, вийсад̇и каарияо зго ваахо, д̇ад̣̇зва згам̣ сагада’’нд̇и суд̇д̇анибаад̇адтагат̇аад̣̇ийсу (су. ни. адта. 2.гогаалигасуд̇д̇аван̣н̣анаа; сам̣. ни. адта. 1.1.181; а. ни. 3.10; 89) вуд̇д̇ам̣. ид̇ха бана ‘‘д̣̇вз сагадаани зго ваахо’’д̇и вад̣̇анд̇и. нид̇т̇усаган̣з гаронд̇ийд̇и т̇усагун̣д̣агарахид̇з гаронд̇и. мад̇хум̣ гаронд̇ийд̇и ааг̇анд̇ваа самийбадтаанз мад̇хум̣ гаронд̇и. б̣алигаммам̣ гаронд̇ийд̇и саб̣б̣ад̇т̇а б̣алигаммагаарагаа радтаваасино вияа мад̇хурасарам̣ вигууж̇анд̇аа б̣алим̣ гаронд̇и. ‘‘ааг̇анд̇ваа аагаасзязва сад̣̇д̣̇ам̣ гад̇ваа ад̇д̇аанам̣ аж̇аанаабзд̇ваа г̇ажчанд̇ий’’д̇и вад̣̇анд̇и.

    Tattha rājiddhiyoti rājabhāvānugatappabhāvā. Yatoti yato soḷasaghaṭato. Sāsane uppannasaddhoti buddhasāsane paṭiladdhasaddho. Asandhimittāti tassāva nāmaṃ. Tassā kira sarīre sandhayo na paññāyanti, tasmā evaṃnāmikā jātātipi vadanti. Devatā eva divase divase āharantīti sambandho. Devasikanti divase divase. Agadāmalakanti appakeneva sarīrasodhanādisamatthaṃ sabbadosaharaṇaṃ osadhāmalakaṃ. Agadaharītakampi tādisameva harītakaṃ. Tesu kira dvīsu yathākāmamekaṃ paribhuñjati. Chaddantadahatoti chaddantadahasamīpe ṭhitadevavimānato kapparukkhato vā. ‘‘Chaddantadahe tādisā rukkhavisesā santi, tato āharantī’’tipi vadanti. Dibbañca pānakanti dibbaphalarasapānakañca. Asuttamayikanti kapparukkhato nibbattadibbadussattā suttehi na katanti asuttamayikaṃ. Sumanapupphapaṭanti sabbattha sukhumaṃ hutvā uggatapupphānaṃ atthitāya sumanapupphapaṭaṃ nāma jātaṃ. Uṭṭhitassa sālinoti sayaṃjātasālino. Samudāyāpekkhañcettha ekavacanaṃ, sālīnanti attho. Nava vāhasahassānīti ettha ‘‘catasso muṭṭhiyo eko kuḍuvo, cattāro kuḍuvā eko pattho, cattāro patthā eko āḷhako, cattāro āḷhakā ekaṃ doṇaṃ, cattāro doṇā ekamānikā, catasso mānikā ekakhārī, vīsati khāriyo eko vāho, tadeva ekaṃ sakaṭa’’nti suttanipātaṭṭhakathādīsu (su. ni. aṭṭha. 2.kokālikasuttavaṇṇanā; saṃ. ni. aṭṭha. 1.1.181; a. ni. 3.10; 89) vuttaṃ. Idha pana ‘‘dve sakaṭāni eko vāho’’ti vadanti. Nitthusakaṇe karontīti thusakuṇḍakarahite karonti. Madhuṃ karontīti āgantvā samīpaṭṭhāne madhuṃ karonti. Balikammaṃ karontīti sabbattha balikammakārakā raṭṭhavāsino viya madhurasaraṃ vikūjantā baliṃ karonti. ‘‘Āgantvā ākāseyeva saddaṃ katvā attānaṃ ajānāpetvā gacchantī’’ti vadanti.

    суван̣н̣асан̇калигааязва б̣анд̇ханам̣ суван̣н̣асан̇калигаб̣анд̇ханам̣. жад̇уннам̣ б̣уд̣̇д̇хаананд̇и гагусанд̇хаад̣̇ийнам̣ жад̇уннам̣ б̣уд̣̇д̇хаанам̣. ад̇хиг̇ад̇аруубад̣̇ассананд̇и бадилад̣̇д̇харуубад̣̇ассанам̣. аяам̣ гира габбааяугад̇д̇аа жад̇уннамби б̣уд̣̇д̇хаанам̣ руубасамбад̇д̇им̣ бажжагкад̇о ад̣̇д̣̇агки. гаал̣ам̣ наама нааг̇арааж̇аанам̣ аанаяид̇ваад̇и зд̇т̇а со бана нааг̇арааж̇аа г̇ан̇г̇ааяам̣ нигкид̇д̇асуван̣н̣асан̇калигааяа г̇анд̇ваа ад̇д̇ано баад̣̇зсу бад̇ид̇асан̃н̃ааяа ааг̇ад̇од̇и взд̣̇ид̇аб̣б̣о. нану жа асогасса ран̃н̃о аан̣аа хздтаа яож̇анад̇о убари бавад̇д̇ад̇и, имасса жа вимаанам̣ яож̇анабарижчзд̣̇ад̇о хздтаа бад̇идтид̇ам̣, д̇асмаа гат̇ам̣ аяам̣ нааг̇арааж̇аа ран̃н̃о аан̣ааяа ааг̇ад̇од̇и? гин̃жааби ад̇д̇ано вимаанам̣ яож̇анабарижчзд̣̇ад̇о хздтаа бад̇идтид̇ам̣, д̇ат̇ааби ран̃н̃о аан̣аабавад̇д̇идтаанзна саха згааб̣ад̣̇д̇хад̇ааяа д̇асса аан̣ам̣ агааси. яат̇аа хи раж̇ж̇асийманд̇араваасино мануссаа д̇зхи д̇зхи рааж̇уухи ниббийл̣ияамаанаа д̇зсам̣ д̇зсам̣ аан̣ааяа бавад̇д̇анд̇и, звам̣самбад̣̇амид̣̇анд̇и вад̣̇анд̇и.

    Suvaṇṇasaṅkhalikāyeva bandhanaṃ suvaṇṇasaṅkhalikabandhanaṃ. Catunnaṃ buddhānanti kakusandhādīnaṃ catunnaṃ buddhānaṃ. Adhigatarūpadassananti paṭiladdharūpadassanaṃ. Ayaṃ kira kappāyukattā catunnampi buddhānaṃ rūpasampattiṃ paccakkhato addakkhi. Kāḷaṃ nāmanāgarājānaṃ ānayitvāti ettha so pana nāgarājā gaṅgāyaṃ nikkhittasuvaṇṇasaṅkhalikāya gantvā attano pādesu patitasaññāya āgatoti veditabbo. Nanu ca asokassa rañño āṇā heṭṭhā yojanato upari pavattati, imassa ca vimānaṃ yojanaparicchedato heṭṭhā patiṭṭhitaṃ, tasmā kathaṃ ayaṃ nāgarājā rañño āṇāya āgatoti? Kiñcāpi attano vimānaṃ yojanaparicchedato heṭṭhā patiṭṭhitaṃ, tathāpi rañño āṇāpavattiṭṭhānena saha ekābaddhatāya tassa āṇaṃ akāsi. Yathā hi rajjasīmantaravāsino manussā tehi tehi rājūhi nippīḷiyamānā tesaṃ tesaṃ āṇāya pavattanti, evaṃsampadamidanti vadanti.

    аабаат̇ам̣ гарохийд̇и саммукам̣ гарохи, г̇ожарам̣ гарохийд̇и ад̇т̇о. д̇зна ниммид̇ам̣ б̣уд̣̇д̇харуубам̣ бассанд̇од̇и самб̣анд̇хо. гийд̣̇исам̣ д̇ам̣ б̣уд̣̇д̇харуубанд̇и ааха ‘‘сагаласарийравиббагин̣н̣аа’’д̇иаад̣̇и. д̇ад̇т̇а бун̃н̃аббабхааваниб̣б̣ад̇д̇аг̇г̇ахан̣ам̣ д̇зна ниммид̇аанамби асийд̇иануб̣яан̃ж̇анабадиман̣д̣ид̇аанам̣ д̣̇вад̇д̇им̣самахаабурисалагкан̣аанам̣ бхаг̇авад̇о бун̃н̃аббабхааваниб̣б̣ад̇д̇аасийд̇иануб̣яан̃ж̇анаад̣̇ийхи сад̣̇исад̇д̇аа гад̇анд̇и д̣̇адтаб̣б̣ам̣. на хи д̇зна д̇ад̣̇аа ниммид̇ам̣ анзгаагаарабарибун̣н̣ам̣ б̣уд̣̇д̇харуубам̣ бхаг̇авад̇о бун̃н̃аббабхаавзна ниб̣б̣ад̇д̇анд̇и саггаа вад̇д̇ум̣. асийд̇иануб̣яан̃ж̇анам̣ д̇амб̣анакад̇ун̇г̇анаасаад̣̇и. д̣̇вад̇д̇им̣самахаабурисалагкан̣ам̣ суббад̇идтид̇абаад̣̇ад̇аад̣̇и. вигасид̇а…бз… салилад̇аланд̇и суурияарасмисампассзна вигасид̇зхи вигаасамубаг̇ад̇зхи гам̣ алан̇гарод̇ийд̇и ‘‘гамала’’нд̇и лад̣̇д̇ханаамзхи рад̇д̇абад̣̇умзхи нийлуббалаад̣̇ибхзд̣̇зхи уббалзхи жзва сзд̇абад̣̇умасан̇каад̇зхи бун̣д̣арийгзхи жа бадиман̣д̣ид̇ам̣ саманд̇ад̇о саж̇ж̇ид̇ам̣ ж̇алад̇аламива. д̇аарааг̇ан̣а…бз… г̇аг̇анад̇аланд̇и саб̣б̣ад̇т̇а виббагин̣н̣ад̇аарагаг̇ан̣асса расмиж̇аалависад̣̇зхи вибпурид̇ааяа бхаасамаанааяа собхааяа ганд̇ияаа самуж̇ж̇алам̣ саммаа бхаасамаанам̣ г̇аг̇анад̇аламива аагаасад̇аламива. сан̃жхааббабхаа…бз… ганагаг̇ирисикаранд̇и сан̃жхаагааласан̃ж̇аад̇аббабхаанурааг̇зхи инд̣̇ажаабзхи виж̇ж̇улад̇аахи жа баригкид̇д̇ам̣ саманд̇ад̇о бариваарид̇ам̣ ганагаг̇ирисикарамива суван̣н̣абаб̣б̣ад̇агуудамива. вималагзд̇умаалаад̇и зд̇т̇а ‘‘гзд̇умаалаа наама сийсад̇о нигкамид̇ваа убари муд̣̇д̇хани бун̃ж̇о худ̇ваа д̣̇иссамаанарасмираасий’’д̇и вад̣̇анд̇и. ‘‘муд̣̇д̇хани маж̇жхз бан̃н̃ааяамаано уннад̇аббад̣̇зсод̇иби вад̣̇анд̇ий’’д̇и д̇ийсуби г̇ан̣тибад̣̇зсу вуд̇д̇ам̣. яасмаа бана асого д̇хаммарааж̇аа сан̃ж̇аад̇абийд̇исоманассо сад̇д̇аахам̣ нираахааро худ̇ваа яат̇аатид̇ова авигкид̇д̇ажид̇д̇о басаад̣̇асоммзхи жагкуухи ниранд̇арам̣ б̣уд̣̇д̇харуубамзва ологзси, д̇асмаа агкийхи бууж̇аа гад̇аа наама ход̇ийд̇и ааха ‘‘агкибууж̇ам̣ наама агаасий’’д̇и. ат̇а ваа жагкуунам̣ д̇аад̣̇исасса идтаарамман̣асса убадтаабанзна агкийнам̣ бууж̇аа гад̇аа наама ход̇ийд̇и вуд̇д̇ам̣ ‘‘агкибууж̇ам̣ наама агаасий’’д̇и.

    Āpāthaṃ karohīti sammukhaṃ karohi, gocaraṃ karohīti attho. Tena nimmitaṃ buddharūpaṃ passantoti sambandho. Kīdisaṃ taṃ buddharūpanti āha ‘‘sakalasarīravippakiṇṇā’’tiādi. Tattha puññappabhāvanibbattaggahaṇaṃ tena nimmitānampi asītianubyañjanapaṭimaṇḍitānaṃ dvattiṃsamahāpurisalakkhaṇānaṃ bhagavato puññappabhāvanibbattaasītianubyañjanādīhi sadisattā katanti daṭṭhabbaṃ. Na hi tena tadā nimmitaṃ anekākāraparipuṇṇaṃ buddharūpaṃ bhagavato puññappabhāvena nibbattanti sakkā vattuṃ. Asītianubyañjanaṃ tambanakhatuṅganāsādi. Dvattiṃsamahāpurisalakkhaṇaṃ suppatiṭṭhitapādatādi. Vikasita…pe… salilatalanti sūriyarasmisamphassena vikasitehi vikāsamupagatehi kaṃ alaṅkarotīti ‘‘kamala’’nti laddhanāmehi rattapadumehi nīluppalādibhedehi uppalehi ceva setapadumasaṅkhātehi puṇḍarīkehi ca paṭimaṇḍitaṃ samantato sajjitaṃ jalatalamiva. Tārāgaṇa…pe… gaganatalanti sabbattha vippakiṇṇatārakagaṇassa rasmijālavisadehi vipphuritāya bhāsamānāya sobhāya kantiyā samujjalaṃ sammā bhāsamānaṃ gaganatalamiva ākāsatalamiva. Sañjhāppabhā…pe… kanakagirisikharanti sañjhākālasañjātappabhānurāgehi indacāpehi vijjulatāhi ca parikkhittaṃ samantato parivāritaṃ kanakagirisikharamiva suvaṇṇapabbatakūṭamiva. Vimalaketumālāti ettha ‘‘ketumālā nāma sīsato nikkhamitvā upari muddhani puñjo hutvā dissamānarasmirāsī’’ti vadanti. ‘‘Muddhani majjhe paññāyamāno unnatappadesotipi vadantī’’ti tīsupi gaṇṭhipadesu vuttaṃ. Yasmā pana asoko dhammarājā sañjātapītisomanasso sattāhaṃ nirāhāro hutvā yathāṭhitova avikkhittacitto pasādasommehi cakkhūhi nirantaraṃ buddharūpameva olokesi, tasmā akkhīhi pūjā katā nāma hotīti āha ‘‘akkhipūjaṃ nāma akāsī’’ti. Atha vā cakkhūnaṃ tādisassa iṭṭhārammaṇassa upaṭṭhāpanena akkhīnaṃ pūjā katā nāma hotīti vuttaṃ ‘‘akkhipūjaṃ nāma akāsī’’ti.

    ид̣̇д̇хивибхааванаад̇хигаараббасан̇г̇зна жзд̇ам̣ вад̇т̇у вуд̇д̇ам̣, наануггамзна. аяан̃хзд̇т̇а ануггамо – асого гира махаарааж̇аа убари вагкамаанаануггамзна сийхабан̃ж̇арзна ологзнд̇о ниг̇род̇хасааман̣зрам̣ ирияаабат̇асамбаннам̣ нааг̇араж̇ананаяанаани аагад̣дханд̇ам̣ яуг̇амад̇д̇ам̣ бзгкамаанам̣ д̣̇исваа басийд̣̇ид̇ваа сан̃ж̇аад̇абзмо саб̣ахумаано ааманд̇аабзд̇ваа сзд̇ажчад̇д̇асса хздтаа сийхаасанз нисийд̣̇аабзд̇ваа бхож̇зд̇ваа сааман̣зрасса важанаад̣̇аасз д̣̇иссамаанам̣ д̣̇асаб̣аласса д̇хаммагааяам̣ д̣̇исваа рад̇анад̇д̇аяз басийд̣̇ид̇ваа сабарисо саран̣асийлзсу бад̇идтааяа д̇ад̇о бадтааяа абхивад̣дхамаанасад̣̇д̇хо буб̣б̣з бхож̇ияамаанаани д̇ид̇т̇ияасадтисахассаани нийхарид̇ваа бхигкуунам̣ садтисахассаанам̣ сувагаахад̇асаалисамбаад̣̇ид̇абхад̇д̇ам̣ бадтабзд̇ваа д̣̇звад̇обанийд̇ам̣ анод̇ад̇д̇асалилам̣ нааг̇алад̇аад̣̇анд̇агадтан̃жа убанаамзд̇ваа нижжасан̇гхубадтаанам̣ гаронд̇о згад̣̇ивасам̣ суван̣н̣асан̇калигаб̣анд̇ханам̣ виссаж̇ж̇зд̇ваа гаал̣ам̣ нааг̇арааж̇аанам̣ аанаяид̇ваа д̇зна ниммид̇ам̣ вуд̇д̇аббагаарам̣ сирийсобхаг̇г̇асамбаннам̣ б̣уд̣̇д̇харуубам̣ бассанд̇о д̣̇ийгхабут̇уланижжаланаяанаббабхаахи сад̇д̇аахам̣ агкибууж̇амагааси.

    Iddhivibhāvanādhikārappasaṅgena cetaṃ vatthu vuttaṃ, nānukkamena. Ayañhettha anukkamo – asoko kira mahārājā upari vakkhamānānukkamena sīhapañjarena olokento nigrodhasāmaṇeraṃ iriyāpathasampannaṃ nāgarajananayanāni ākaḍḍhantaṃ yugamattaṃ pekkhamānaṃ disvā pasīditvā sañjātapemo sabahumāno āmantāpetvā setacchattassa heṭṭhā sīhāsane nisīdāpetvā bhojetvā sāmaṇerassa vacanādāse dissamānaṃ dasabalassa dhammakāyaṃ disvā ratanattaye pasīditvā sapariso saraṇasīlesu patiṭṭhāya tato paṭṭhāya abhivaḍḍhamānasaddho pubbe bhojiyamānāni titthiyasaṭṭhisahassāni nīharitvā bhikkhūnaṃ saṭṭhisahassānaṃ suvakāhatasālisampāditabhattaṃ paṭṭhapetvā devatopanītaṃ anotattasalilaṃ nāgalatādantakaṭṭhañca upanāmetvā niccasaṅghupaṭṭhānaṃ karonto ekadivasaṃ suvaṇṇasaṅkhalikabandhanaṃ vissajjetvā kāḷaṃ nāgarājānaṃ ānayitvā tena nimmitaṃ vuttappakāraṃ sirīsobhaggasampannaṃ buddharūpaṃ passanto dīghaputhulaniccalanayanappabhāhi sattāhaṃ akkhipūjamakāsi.

    ид̣̇аани бана яат̇аанусанд̇хим̣ гхадзд̇ваа ануггамзна д̇асса саасанаавад̇аарам̣ д̣̇ассзнд̇о ааха ‘‘рааж̇аа гира абхисзгам̣ баабун̣ид̇ваа’’д̇иаад̣̇и. б̣аахирагабаасан̣д̣анд̇и б̣аахирагаббавзд̣̇ид̇ам̣ самаяаваад̣̇ам̣. б̣аахирагаббавзд̣̇ид̇аа хи самаяаваад̣̇аа сад̇д̇аанам̣ д̇ан̣хаабаасам̣ д̣̇идтибаасан̃жа д̣знд̇и од̣д̣знд̇ийд̇и ‘‘баасан̣д̣аа’’д̇и вужжанд̇и. бариг̇г̇ан̣хийд̇и виймам̣самаано бариг̇г̇ахзси. б̣инд̣̇усааро б̣раахман̣абхад̇д̇о ахосийд̇и ад̇д̇ано бид̇у жанд̣̇аг̇уд̇д̇асса гаалад̇о бадтааяа б̣раахман̣зсу самбхад̇д̇о ахоси. жанд̣̇агзна наама гира б̣раахман̣зна самуссаахид̇о жанд̣̇аг̇уд̇д̇агумааро д̇зна д̣̇иннанаяз тад̇ваа сагалаж̇амб̣уд̣̇ийбз згараж̇ж̇амагааси, д̇асмаа д̇асмим̣ б̣раахман̣з сан̃ж̇аад̇аб̣ахумаанавасзна жанд̣̇аг̇уд̇д̇агаалад̇о бадтааяа садтисахассамад̇д̇аа б̣раахман̣аж̇аад̇игаа д̇асмим̣ рааж̇агулз нижжабхад̇д̇игаа ахзсум̣. б̣раахман̣аананд̇и бан̣д̣аран̇г̇абариб̣б̣ааж̇агаад̣̇ибхааваманубаг̇ад̇з д̣̇ассзд̇и. бан̣д̣аран̇г̇абариб̣б̣ааж̇агаад̣̇аяо жа б̣раахман̣аж̇аад̇иванд̇од̇и ааха ‘‘б̣раахман̣аж̇аад̇ияабаасан̣д̣аана’’нд̇и. зд̇т̇а бана д̣̇идтибаасаад̣̇ийнам̣ од̣д̣анад̇о бан̣д̣аран̇г̇аад̣̇аяова ‘‘баасан̣д̣аа’’д̇и вуд̇д̇аа. сийхабан̃ж̇арзд̇и махааваад̇абаанз. убасамабариб̣аахирзнаад̇и убасамад̇о бариб̣аахирзна, убасамарахид̇знаад̇и ад̇т̇о. анд̇збурам̣ ад̇ихарат̇аад̇и анд̇збурам̣ бавзсзт̇а, аанзт̇аад̇и вуд̇д̇ам̣ ход̇и.

    Idāni pana yathānusandhiṃ ghaṭetvā anukkamena tassa sāsanāvatāraṃ dassento āha ‘‘rājā kira abhisekaṃ pāpuṇitvā’’tiādi. Bāhirakapāsaṇḍanti bāhirakappaveditaṃ samayavādaṃ. Bāhirakappaveditā hi samayavādā sattānaṃ taṇhāpāsaṃ diṭṭhipāsañca ḍenti oḍḍentīti ‘‘pāsaṇḍā’’ti vuccanti. Pariggaṇhīti vīmaṃsamāno pariggahesi. Bindusāro brāhmaṇabhatto ahosīti attano pitu candaguttassa kālato paṭṭhāya brāhmaṇesu sambhatto ahosi. Candakena nāma kira brāhmaṇena samussāhito candaguttakumāro tena dinnanaye ṭhatvā sakalajambudīpe ekarajjamakāsi, tasmā tasmiṃ brāhmaṇe sañjātabahumānavasena candaguttakālato paṭṭhāya saṭṭhisahassamattā brāhmaṇajātikā tasmiṃ rājakule niccabhattikā ahesuṃ. Brāhmaṇānanti paṇḍaraṅgaparibbājakādibhāvamanupagate dasseti. Paṇḍaraṅgaparibbājakādayo ca brāhmaṇajātivantoti āha ‘‘brāhmaṇajātiyapāsaṇḍāna’’nti. Ettha pana diṭṭhipāsādīnaṃ oḍḍanato paṇḍaraṅgādayova ‘‘pāsaṇḍā’’ti vuttā. Sīhapañjareti mahāvātapāne. Upasamaparibāhirenāti upasamato paribāhirena, upasamarahitenāti attho. Antepuraṃ atiharathāti antepuraṃ pavesetha, ānethāti vuttaṃ hoti.

    амаа саха бхаванд̇и гижжзсууд̇и амажжаа, раж̇ж̇агижжавосаабанагаа. д̣̇зваад̇и рааж̇аанам̣ аалабанд̇и. рааж̇аано хи д̣̇иб̣б̣анд̇и гаамаг̇ун̣зхи гийл̣анд̇и, д̇зсу ваа вихаранд̇и виж̇аяасамад̇т̇ад̇ааяог̇зна бажжад̇т̇игз виж̇зд̇ум̣ ижчанд̇и, иссарияатаанаад̣̇исаггаарад̣̇аанаг̇ахан̣ам̣ д̇ам̣ д̇ам̣ ад̇т̇аанусаасанам̣ ваа гаронд̇и вохаранд̇и, бун̃н̃аанубхааваббад̇д̇ааяа ж̇уд̇ияаа ж̇од̇анд̇ийд̇и ваа ‘‘д̣̇зваа’’д̇и вужжанд̇и . д̇ат̇аа хи д̇з жад̇уухи сан̇г̇ахавад̇т̇уухи ж̇анам̣ ран̃ж̇знд̇аа саяам̣ яат̇аавуд̇д̇зхи висзсзхи рааж̇анд̇и д̣̇иббанд̇и собханд̇ийд̇и ‘‘рааж̇аано’’д̇и жа вужжанд̇и. ниг̇ан̣таад̣̇аяод̇и зд̇т̇а ниг̇ан̣то наама ‘‘амхаагам̣ г̇ан̣танагилзсо сам̣саарз балиб̣уд̣̇д̇ханагижжо рааг̇аад̣̇игилзсо кзд̇д̇авад̇т̇убуд̇д̇ад̣̇аараад̣̇ивисаяо над̇т̇и, гилзсаг̇ан̣тирахид̇аа маяа’’нд̇и звам̣ ваад̣̇ид̇ааяа ‘‘ниг̇ан̣таа’’д̇и лад̣̇д̇ханаамаа д̇ид̇т̇ияаа.

    Amā saha bhavanti kiccesūti amaccā, rajjakiccavosāpanakā. Devāti rājānaṃ ālapanti. Rājāno hi dibbanti kāmaguṇehi kīḷanti, tesu vā viharanti vijayasamatthatāyogena paccatthike vijetuṃ icchanti, issariyaṭhānādisakkāradānagahaṇaṃ taṃ taṃ atthānusāsanaṃ vā karonti voharanti, puññānubhāvappattāya jutiyā jotantīti vā ‘‘devā’’ti vuccanti . Tathā hi te catūhi saṅgahavatthūhi janaṃ rañjentā sayaṃ yathāvuttehi visesehi rājanti dippanti sobhantīti ‘‘rājāno’’ti ca vuccanti. Nigaṇṭhādayoti ettha nigaṇṭho nāma ‘‘amhākaṃ gaṇṭhanakileso saṃsāre palibuddhanakicco rāgādikileso khettavatthuputtadārādivisayo natthi, kilesagaṇṭhirahitā maya’’nti evaṃ vāditāya ‘‘nigaṇṭhā’’ti laddhanāmā titthiyā.

    ужжааважаанийд̇и ужжаани жа аважаани жа, маханд̇аани жзва куд̣̇д̣̇агаани жа, ат̇а ваа висидтаани жзва лаамагаани жаад̇и ад̇т̇о. бхад̣̇д̣̇абийтагзсууд̇и взд̇д̇амаяабийтзсу. саарод̇и сийлаад̣̇иг̇ун̣асааро. рааж̇ан̇г̇ан̣знаад̇и рааж̇анивзсанад̣̇ваарз вивадзна бхуумиббад̣̇зсзна. ан̇г̇ан̣анд̇и хи гад̇т̇ажи гилзсаа вужжанд̇и ‘‘рааг̇о ан̇г̇ан̣а’’нд̇иаад̣̇ийсу (вибха. 924). рааг̇аад̣̇аяо хи ан̇г̇анд̇и зд̇зхи д̇ам̣саман̇г̇ийбуг̇г̇алаа нихийнабхаавам̣ г̇ажчанд̇ийд̇и ан̇г̇ан̣аанийд̇и вужжанд̇и. гад̇т̇ажи малам̣ ваа бан̇го ваа ‘‘д̇ассзва раж̇асса ваа ан̇г̇ан̣асса ваа бахаанааяа вааяамад̇ий’’д̇иаад̣̇ийсу (ма. ни. 1.184). ан̃ж̇ад̇и саммагкзд̇ийд̇и хи ан̇г̇ан̣ам̣, малаад̣̇и. гад̇т̇ажи д̇ат̇ааруубо вивадаббад̣̇зсо ‘‘жзд̇ияан̇г̇ан̣ам̣ б̣од̇хияан̇г̇ан̣а’’нд̇иаад̣̇ийсу. ан̃ж̇ад̇и д̇ад̇т̇а тид̇ам̣ ад̇исунд̣̇арад̇ааяа абхиб̣яан̃ж̇зд̇ийд̇и хи ан̇г̇ан̣ам̣, вивадо бхуумиббад̣̇зсо. ид̇хааби соязва ад̇хиббзд̇о. д̣̇анд̇анд̇иаад̣̇ийсу гилзсавибпанд̣̇арахид̇ажид̇д̇ад̇ааяа д̣̇анд̇ам̣, нижжам̣ бажжубадтид̇асад̇аарагкад̇ааяа г̇уд̇д̇ам̣, жагкаад̣̇иинд̣̇рияаанам̣ санд̇ад̇ааяа санд̇инд̣̇рияам̣, баасаад̣̇игзна ирияаабат̇зна саманнааг̇ад̇ад̇д̇аа самбаннаирияаабат̇ам̣. ид̣̇аани ниг̇род̇хасааман̣зрам̣ саруубад̇о вибхаавзд̇угаамо ааха ‘‘го банааяам̣ ниг̇род̇хо наамаа’’д̇иаад̣̇и.

    Uccāvacānīti uccāni ca avacāni ca, mahantāni ceva khuddakāni ca, atha vā visiṭṭhāni ceva lāmakāni cāti attho. Bhaddapīṭhakesūti vettamayapīṭhesu. Sāroti sīlādiguṇasāro. Rājaṅgaṇenāti rājanivesanadvāre vivaṭena bhūmippadesena. Aṅgaṇanti hi katthaci kilesā vuccanti ‘‘rāgo aṅgaṇa’’ntiādīsu (vibha. 924). Rāgādayo hi aṅganti etehi taṃsamaṅgīpuggalā nihīnabhāvaṃ gacchantīti aṅgaṇānīti vuccanti. Katthaci malaṃ vā paṅko vā ‘‘tasseva rajassa vā aṅgaṇassa vā pahānāya vāyamatī’’tiādīsu (ma. ni. 1.184). Añjati sammakkhetīti hi aṅgaṇaṃ, malādi. Katthaci tathārūpo vivaṭappadeso ‘‘cetiyaṅgaṇaṃ bodhiyaṅgaṇa’’ntiādīsu. Añjati tattha ṭhitaṃ atisundaratāya abhibyañjetīti hi aṅgaṇaṃ, vivaṭo bhūmippadeso. Idhāpi soyeva adhippeto. Dantantiādīsu kilesavipphandarahitacittatāya dantaṃ, niccaṃ paccupaṭṭhitasatārakkhatāya guttaṃ, cakkhādiindriyānaṃ santatāya santindriyaṃ, pāsādikena iriyāpathena samannāgatattā sampannairiyāpathaṃ. Idāni nigrodhasāmaṇeraṃ sarūpato vibhāvetukāmo āha ‘‘ko panāyaṃ nigrodho nāmā’’tiādi.

    д̇ад̇рааяам̣ анубуб̣б̣игат̇аад̇и зд̇т̇а б̣инд̣̇усаарасса гира згасад̇абуд̇д̇зсу морияавам̣саж̇ааяа д̇хаммад̣̇звияаа асогад̇иссанаамаанам̣ д̣̇виннам̣ буд̇д̇аанам̣ маж̇жхз ж̇здто асогагумааро аванд̇ирадтам̣ бхун̃ж̇ад̇и. бид̇араа бзсид̇о баадалибуд̇д̇ад̇о бан̃н̃аасаяож̇анамад̇т̇агз видадуубхабхаяааг̇ад̇аанам̣ саагияаанамааваасам̣ вздисам̣ наама наг̇арам̣ бад̇ваа д̇ад̇т̇а вздисам̣ наама сздтид̇хийд̇арам̣ аад̣̇ааяа уж̇ж̇знийрааж̇ад̇хаанияам̣ раж̇ж̇ам̣ гаронд̇о махинд̣̇ам̣ наама гумаарам̣ сан̇гхамид̇д̇ан̃жа гумааригам̣ лабхид̇ваа д̇зхи сад̣̇д̇хим̣ раж̇ж̇асукаманубхаванд̇о бид̇уно г̇илаанабхаавам̣ суд̇ваа уж̇ж̇зним̣ бахааяа сийгхам̣ баадалибуд̇д̇ам̣ убаг̇анд̇ваа бид̇у убадтаанам̣ гад̇ваа д̇асса ажжаязна раж̇ж̇ам̣ аг̇г̇ахзси. д̇ам̣ суд̇ваа яуварааж̇аа суманаабхид̇хаано гуж̇жхид̇ваа ‘‘аж̇ж̇а мз маран̣ам̣ ваа ход̇у раж̇ж̇ам̣ ваа’’д̇и адтанавуд̇ибхаад̇игабаривуд̇о сам̣ваддасааг̇арз ж̇алад̇аран̇г̇асан̇гхаад̇о вияа аж̇жход̇т̇аранд̇о убаг̇ажчад̇и. д̇ад̇о асого уж̇ж̇знийрааж̇аа сан̇г̇аамам̣ багканд̣̇ид̇ваа сад̇д̇умад̣̇д̣̇анам̣ гаронд̇о суманам̣ наама рааж̇агумаарам̣ г̇ахзд̇ваа гхаад̇зси. д̇зна вуд̇д̇ам̣ ‘‘б̣инд̣̇усаараран̃н̃о гира д̣̇уб̣б̣алагаалзязва асогагумааро ад̇д̇анаа лад̣̇д̇хам̣ уж̇ж̇знийраж̇ж̇ам̣ бахааяа ааг̇анд̇ваа саб̣б̣анаг̇арам̣ ад̇д̇ано хад̇т̇аг̇ад̇ам̣ гад̇ваа суманам̣ наама рааж̇агумаарам̣ аг̇г̇ахзсий’’д̇и.

    Tatrāyaṃ anupubbikathāti ettha bindusārassa kira ekasataputtesu moriyavaṃsajāya dhammadeviyā asokatissanāmānaṃ dvinnaṃ puttānaṃ majjhe jeṭṭho asokakumāro avantiraṭṭhaṃ bhuñjati. Pitarā pesito pāṭaliputtato paññāsayojanamatthake viṭaṭūbhabhayāgatānaṃ sākiyānamāvāsaṃ veṭisaṃ nāma nagaraṃ patvā tattha veṭisaṃ nāma seṭṭhidhītaraṃ ādāya ujjenīrājadhāniyaṃ rajjaṃ karonto mahindaṃ nāma kumāraṃ saṅghamittañca kumārikaṃ labhitvā tehi saddhiṃ rajjasukhamanubhavanto pituno gilānabhāvaṃ sutvā ujjeniṃ pahāya sīghaṃ pāṭaliputtaṃ upagantvā pitu upaṭṭhānaṃ katvā tassa accayena rajjaṃ aggahesi. Taṃ sutvā yuvarājā sumanābhidhāno kujjhitvā ‘‘ajja me maraṇaṃ vā hotu rajjaṃ vā’’ti aṭṭhanavutibhātikaparivuto saṃvaṭṭasāgare jalataraṅgasaṅghāto viya ajjhottharanto upagacchati. Tato asoko ujjenīrājā saṅgāmaṃ pakkhanditvā sattumaddanaṃ karonto sumanaṃ nāma rājakumāraṃ gahetvā ghātesi. Tena vuttaṃ ‘‘bindusārarañño kira dubbalakāleyeva asokakumāro attanā laddhaṃ ujjenīrajjaṃ pahāya āgantvā sabbanagaraṃ attano hatthagataṃ katvā sumanaṃ nāma rājakumāraṃ aggahesī’’ti.

    барибун̣н̣аг̇аб̣бхаад̇и барибаггаг̇аб̣бхаа. згам̣ сааланд̇и саб̣б̣абарижчаннам̣ згам̣ баасаад̣̇ам̣. ‘‘д̣̇звад̇ааяа бана аанубхаавзна д̇асмим̣ баасаад̣̇з махааж̇анзна ад̣̇иссамаанаа худ̇ваа ваасам̣ габбзсий’’д̇и вад̣̇анд̇и. ниб̣ад̣̇д̇хавад̇д̇анд̇и ‘‘згасса д̣̇ивасасса зд̇д̇ага’’нд̇и нияаамзд̇ваа табид̇авад̇д̇ам̣. хзд̇усамбад̣̇анд̇и арахад̇д̇уубаниссаяабун̃н̃асамбад̣̇ам̣. кураг̇г̇зязваад̇и курагаммабарияосаанзязва, д̇ажабан̃жагагаммадтаанам̣ г̇ахзд̇ваа д̇ам̣ бариг̇г̇ан̣ханд̇о анд̇имааяа гзсаваддияаа воробанааяа самагааламзва жа арахад̇д̇ам̣ баабун̣ийд̇и вуд̇д̇ам̣ ход̇и. сарийрам̣ ж̇аг̇г̇ид̇ваад̇и д̣̇анд̇агадтакаад̣̇анамукад̇хованаад̣̇ийхи сарийрабаригаммам̣ гад̇ваа.

    Paripuṇṇagabbhāti paripakkagabbhā. Ekaṃ sālanti sabbaparicchannaṃ ekaṃ pāsādaṃ. ‘‘Devatāya pana ānubhāvena tasmiṃ pāsāde mahājanena adissamānā hutvā vāsaṃ kappesī’’ti vadanti. Nibaddhavattanti ‘‘ekassa divasassa ettaka’’nti niyāmetvā ṭhapitavattaṃ. Hetusampadanti arahattūpanissayapuññasampadaṃ. Khuraggeyevāti khurakammapariyosāneyeva, tacapañcakakammaṭṭhānaṃ gahetvā taṃ pariggaṇhanto antimāya kesavaṭṭiyā voropanāya samakālameva ca arahattaṃ pāpuṇīti vuttaṃ hoti. Sarīraṃ jaggitvāti dantakaṭṭhakhādanamukhadhovanādīhi sarīraparikammaṃ katvā.

    сийхабан̃ж̇арз жан̇гамад̇ийд̇и сийхабан̃ж̇арасамийбз абараабарам̣ жан̇гамад̇и. д̇ан̇кан̣ан̃н̃зваад̇и д̇асмим̣ кан̣зязва. аяам̣ ж̇анод̇и рааж̇ан̇г̇ан̣з жарамаанам̣ ж̇анам̣ д̣̇исваа вад̣̇ад̇и. бханд̇амиг̇аббадибхааг̇од̇и анавадтид̇ад̇д̇аа гааяажаабаллзна саманнааг̇ад̇ад̇д̇аа бханд̇амиг̇асад̣̇исо. ад̇ивияа собхад̇ийд̇и самб̣анд̇хо. аалогид̇авилогид̇анд̇и зд̇т̇а аалогид̇ам̣ наама бурад̇обзгканам̣. абхимукологанан̃хи ‘‘аалогид̇а’’нд̇и вужжад̇и. вилогид̇анд̇и ануд̣̇исаабзгканам̣, яам̣ д̣̇исаабхимукам̣ ологзд̇и, д̇ад̣̇ануг̇ад̇ад̣̇исаабзгкананд̇и ад̇т̇о. самин̃ж̇анам̣ баб̣б̣асан̇гожанам̣. басааран̣ан̃жа д̇зсам̣язва басааран̣ам̣. логуд̇д̇арад̇хаммод̇и сзсаж̇анзсу авиж̇ж̇амаано висидтад̇хаммо. бзмам̣ сан̣тахийд̇и бзмам̣ бад̇идтааси, уббаж̇ж̇ийд̇и ад̇т̇о. ваан̣иж̇аго ахосийд̇и мад̇хуваан̣иж̇аго ахоси.

    Sīhapañjare caṅkamatīti sīhapañjarasamīpe aparāparaṃ caṅkamati. Taṅkhaṇaññevāti tasmiṃ khaṇeyeva. Ayaṃ janoti rājaṅgaṇe caramānaṃ janaṃ disvā vadati. Bhantamigappaṭibhāgoti anavaṭṭhitattā kāyacāpallena samannāgatattā bhantamigasadiso. Ativiya sobhatīti sambandho. Ālokitavilokitanti ettha ālokitaṃ nāma puratopekkhanaṃ. Abhimukholokanañhi ‘‘ālokita’’nti vuccati. Vilokitanti anudisāpekkhanaṃ, yaṃ disābhimukhaṃ oloketi, tadanugatadisāpekkhananti attho. Samiñjanaṃ pabbasaṅkocanaṃ. Pasāraṇañca tesaṃyeva pasāraṇaṃ. Lokuttaradhammoti sesajanesu avijjamāno visiṭṭhadhammo. Pemaṃ saṇṭhahīti pemaṃ patiṭṭhāsi, uppajjīti attho. Vāṇijako ahosīti madhuvāṇijako ahosi.

    ад̇ийд̇з гира д̇аяо бхаад̇аро мад̇хуваан̣иж̇агаа ахзсум̣. д̇зсу ганидто мад̇хум̣ виггин̣аад̇и, ид̇арз аран̃н̃ад̇о аахаранд̇и. д̇ад̣̇аа зго бажжзгаб̣уд̣̇д̇хо бан̣д̣угарог̇аад̇уро ахоси. абаро бана бажжзгаб̣уд̣̇д̇хо д̇ад̣̇ад̇т̇ам̣ мад̇хубхигкааяа жарамаано наг̇арам̣ баависи. бавидтан̃жа д̇ам̣ згаа гумбхад̣̇аасий уд̣̇агахаран̣ад̇т̇ам̣ д̇ид̇т̇ам̣ г̇ажчамаанаа ад̣̇д̣̇аса. д̣̇исваа жа бужчид̇ваа ааг̇ад̇агааран̣ан̃жа н̃ад̇ваа ‘‘зд̇т̇а, бханд̇з, мад̇хуваан̣иж̇агаа васанд̇и, д̇ад̇т̇а г̇ажчат̇аа’’д̇и хад̇т̇ам̣ басаарзд̇ваа мад̇хуаабан̣ам̣ д̣̇ассзси. со жа д̇ад̇т̇а аг̇амааси. д̇ам̣ д̣̇исваа ганидто мад̇хуваан̣иж̇о сан̃ж̇аад̇абийд̇исоманассо ‘‘гзнааг̇ад̇аад̇т̇а, бханд̇з’’д̇и бужчид̇ваа д̇амад̇т̇ам̣ вид̣̇ид̇ваа бад̇д̇ам̣ г̇ахзд̇ваа мад̇хуно буурзд̇ваа д̣̇ад̣̇амаано бад̇д̇абун̣н̣ам̣ мад̇хум̣ уг̇г̇анд̇ваа мукад̇о виссанд̣̇ид̇ваа бхуумияам̣ бад̇амаанам̣ д̣̇исваа басаннамаанасо ‘‘иминаахам̣, бханд̇з, бун̃н̃агаммзна ж̇амб̣уд̣̇ийбз згараж̇ж̇ам̣ гарзяяам̣, аан̣аа жа мз аагаасз бат̇авияан̃жа яож̇анаббамаан̣з таанз парад̇уу’’д̇и бад̇т̇анамагааси. бажжзгаб̣уд̣̇д̇хо жа ‘‘звам̣ ход̇у убаасагаа’’д̇и вад̇ваа г̇анд̇хамаад̣̇анам̣ г̇анд̇ваа бажжзгаб̣уд̣̇д̇хасса бхзсаж̇ж̇амагааси.

    Atīte kira tayo bhātaro madhuvāṇijakā ahesuṃ. Tesu kaniṭṭho madhuṃ vikkiṇāti, itare araññato āharanti. Tadā eko paccekabuddho paṇḍukarogāturo ahosi. Aparo pana paccekabuddho tadatthaṃ madhubhikkhāya caramāno nagaraṃ pāvisi. Paviṭṭhañca taṃ ekā kumbhadāsī udakaharaṇatthaṃ titthaṃ gacchamānā addasa. Disvā ca pucchitvā āgatakāraṇañca ñatvā ‘‘ettha, bhante, madhuvāṇijakā vasanti, tattha gacchathā’’ti hatthaṃ pasāretvā madhuāpaṇaṃ dassesi. So ca tattha agamāsi. Taṃ disvā kaniṭṭho madhuvāṇijo sañjātapītisomanasso ‘‘kenāgatāttha, bhante’’ti pucchitvā tamatthaṃ viditvā pattaṃ gahetvā madhuno pūretvā dadamāno pattapuṇṇaṃ madhuṃ uggantvā mukhato vissanditvā bhūmiyaṃ patamānaṃ disvā pasannamānaso ‘‘imināhaṃ, bhante, puññakammena jambudīpe ekarajjaṃ kareyyaṃ, āṇā ca me ākāse pathaviyañca yojanappamāṇe ṭhāne pharatū’’ti patthanamakāsi. Paccekabuddho ca ‘‘evaṃ hotu upāsakā’’ti vatvā gandhamādanaṃ gantvā paccekabuddhassa bhesajjamakāsi.

    ганидто бана мад̇хуваан̣иж̇о мад̇хум̣ д̣̇ад̇ваа г̇зхз нисинно ид̇арз аран̃н̃ад̇о ааг̇ад̇з д̣̇исваа звамааха ‘‘д̇умхаагам̣ бхаад̇аро жид̇д̇ам̣ басаад̣̇зт̇а, маман̃жа д̇умхааган̃жа мад̇хум̣ г̇ахзд̇ваа ийд̣̇исасса наама бажжзгаб̣уд̣̇д̇хасса бад̇д̇ам̣ буурзд̇ваа ад̣̇ааси’’нд̇и. д̇зсу ж̇здто гуж̇жхид̇ваа звамааха ‘‘жан̣д̣аалааби гаасааваниваасино хонд̇и, нану д̇ава хад̇т̇ад̇о мад̇хум̣ бадиг̇г̇ахзд̇ваа г̇ад̇о жан̣д̣аало бхависсад̇ий’’д̇и. маж̇жхимо бана гуж̇жхид̇ваа ‘‘д̇ава бажжзгаб̣уд̣̇д̇хам̣ г̇ахзд̇ваа барасамуд̣̇д̣̇з нигкибаахий’’д̇и ааха. бажчаа бана д̇зби д̣̇вз бхаад̇аро ганидтзна вужжамаанам̣ д̣̇аанаанисам̣сабадисам̣яуд̇д̇агат̇ам̣ суд̇ваа анумод̣̇им̣суязва. сааби жа гумбхад̣̇аасий ‘‘д̇асса мад̇худ̣̇ааяагасса аг̇г̇амахзсий бхавзяяа’’нд̇и бад̇т̇анамагааси. д̇зсу ганидто асого д̇хаммарааж̇аа ахоси, саа жа гумбхад̣̇аасий ад̇ивияа руубасобхаг̇г̇аббад̇д̇аа асанд̇химид̇д̇аа наама д̇асса аг̇г̇амахзсий ахоси. барасамуд̣̇д̣̇аваад̣̇ий бана маж̇жхимо имасмим̣язва д̇амб̣абан̣н̣ид̣̇ийбз д̣̇зваанам̣бияад̇иссо наама махаанубхааво рааж̇аа ахоси. ж̇здто бана жан̣д̣аалаваад̣̇ид̇ааяа жан̣д̣аалаг̇аамз ж̇аад̇о ниг̇род̇хо наама сааман̣зро ахоси. д̇зна вуд̇д̇ам̣ ‘‘буб̣б̣з хи гира бун̃н̃агаран̣агаалз зса ран̃н̃о ж̇здтабхаад̇аа ваан̣иж̇аго ахосий’’д̇и.

    Kaniṭṭho pana madhuvāṇijo madhuṃ datvā gehe nisinno itare araññato āgate disvā evamāha ‘‘tumhākaṃ bhātaro cittaṃ pasādetha, mamañca tumhākañca madhuṃ gahetvā īdisassa nāma paccekabuddhassa pattaṃ pūretvā adāsi’’nti. Tesu jeṭṭho kujjhitvā evamāha ‘‘caṇḍālāpi kāsāvanivāsino honti, nanu tava hatthato madhuṃ paṭiggahetvā gato caṇḍālo bhavissatī’’ti. Majjhimo pana kujjhitvā ‘‘tava paccekabuddhaṃ gahetvā parasamudde nikkhipāhī’’ti āha. Pacchā pana tepi dve bhātaro kaniṭṭhena vuccamānaṃ dānānisaṃsapaṭisaṃyuttakathaṃ sutvā anumodiṃsuyeva. Sāpi ca kumbhadāsī ‘‘tassa madhudāyakassa aggamahesī bhaveyya’’nti patthanamakāsi. Tesu kaniṭṭho asoko dhammarājā ahosi, sā ca kumbhadāsī ativiya rūpasobhaggappattā asandhimittā nāma tassa aggamahesī ahosi. Parasamuddavādī pana majjhimo imasmiṃyeva tambapaṇṇidīpe devānaṃpiyatisso nāma mahānubhāvo rājā ahosi. Jeṭṭho pana caṇḍālavāditāya caṇḍālagāme jāto nigrodho nāma sāmaṇero ahosi. Tena vuttaṃ ‘‘pubbe hi kira puññakaraṇakāle esa rañño jeṭṭhabhātā vāṇijako ahosī’’ti.

    буб̣б̣з ва санниваасзнаад̇и зд̇т̇а (ж̇аа. адта. 2.2.174) г̇аат̇ааб̣анд̇хавасзна ваа-сад̣̇д̣̇асса рассад̇д̇ам̣ гад̇анд̇и взд̣̇ид̇аб̣б̣ам̣, буб̣б̣з санниваасзна ваад̇и вуд̇д̇ам̣ ход̇и. д̇ад̇т̇а буб̣б̣зд̇и ад̇ийд̇аж̇аад̇ияам̣. санниваасзнаад̇и сахаваасзна. сахасад̣̇д̣̇ад̇т̇о хи аяам̣ сам̣сад̣̇д̣̇о. бажжуббаннахид̇зна ваад̇и бажжуббаннз вад̇д̇амаанабхавз хид̇ажаран̣зна ваа. звам̣ имзхи д̣̇вийхи гааран̣зхи синзхасан̇каад̇ам̣ бзмам̣ ж̇ааяад̇з уббаж̇ж̇ад̇и. ид̣̇ам̣ вуд̇д̇ам̣ ход̇и – бзмам̣ наамзд̇ам̣ д̣̇вийхиби гааран̣зхи ж̇ааяад̇и, буримабхавз маад̇аа ваа бид̇аа ваа д̇хийд̇аа ваа буд̇д̇о ваа бхаад̇аа ваа бхаг̇иний ваа бад̇и ваа бхарияаа ваа сахааяо ваа мид̇д̇о ваа худ̇ваа яо язна сад̣̇д̇хим̣ згадтаанз нивуд̇т̇абуб̣б̣о, д̇асса иминаа буб̣б̣з ваа санниваасзна бхаванд̇арзби ануб̣анд̇ханд̇о со синзхо на виж̇ахад̇и, имасмим̣ ад̇д̇абхаавз гад̇зна бажжуббаннзна хид̇зна ваад̇и звам̣ имзхи д̣̇вийхи гааран̣зхи д̇ам̣ бзмам̣ наама ж̇ааяад̇ийд̇и. гим̣ вияаад̇и ааха ‘‘уббалам̣ ва яат̇од̣̇агз’’д̇и. зд̇т̇ааби ваа-сад̣̇д̣̇асса вуд̇д̇анаязнзва рассад̇д̇ам̣ гад̇анд̇и д̣̇адтаб̣б̣ам̣. авуд̇д̇асамбин̣д̣анад̇т̇о жзд̇т̇а ваасад̣̇д̣̇о. д̇зна бад̣̇умаад̣̇аяо сан̇г̇ан̣хаад̇и. яат̇аа-сад̣̇д̣̇о убамааяам̣. ид̣̇ам̣ вуд̇д̇ам̣ ход̇и – яат̇аа уббалан̃жа сзсан̃жа бад̣̇умаад̣̇и уд̣̇агз ж̇ааяамаанам̣ д̣̇вз гааран̣аани ниссааяа ж̇ааяад̇и уд̣̇аган̃жзва галалан̃жа, д̇ат̇аа зд̇зхи д̣̇вийхи гааран̣зхи бзмам̣ ж̇ааяад̇ийд̇и.

    Pubbe va sannivāsenāti ettha (jā. aṭṭha. 2.2.174) gāthābandhavasena vā-saddassa rassattaṃ katanti veditabbaṃ, pubbe sannivāsena vāti vuttaṃ hoti. Tattha pubbeti atītajātiyaṃ. Sannivāsenāti sahavāsena. Sahasaddattho hi ayaṃ saṃsaddo. Paccuppannahitena vāti paccuppanne vattamānabhave hitacaraṇena vā. Evaṃ imehi dvīhi kāraṇehi sinehasaṅkhātaṃ pemaṃ jāyate uppajjati. Idaṃ vuttaṃ hoti – pemaṃ nāmetaṃ dvīhipi kāraṇehi jāyati, purimabhave mātā vā pitā vā dhītā vā putto vā bhātā vā bhaginī vā pati vā bhariyā vā sahāyo vā mitto vā hutvā yo yena saddhiṃ ekaṭṭhāne nivutthapubbo, tassa iminā pubbe vā sannivāsena bhavantarepi anubandhanto so sineho na vijahati, imasmiṃ attabhāve katena paccuppannena hitena vāti evaṃ imehi dvīhi kāraṇehi taṃ pemaṃ nāma jāyatīti. Kiṃ viyāti āha ‘‘uppalaṃ va yathodake’’ti. Etthāpi vā-saddassa vuttanayeneva rassattaṃ katanti daṭṭhabbaṃ. Avuttasampiṇḍanattho cettha vāsaddo. Tena padumādayo saṅgaṇhāti. Yathā-saddo upamāyaṃ. Idaṃ vuttaṃ hoti – yathā uppalañca sesañca padumādi udake jāyamānaṃ dve kāraṇāni nissāya jāyati udakañceva kalalañca, tathā etehi dvīhi kāraṇehi pemaṃ jāyatīti.

    ран̃н̃о хад̇т̇зд̇и санд̇игам̣ убаг̇ад̇асса ран̃н̃о хад̇т̇з. ран̃н̃о ануруубанд̇и згуунасад̇абхаад̇угаанам̣ гхаад̇ид̇ад̇д̇аа жан̣д̣абагад̇ид̇ааяа раж̇ж̇з тид̇ад̇д̇аа жа ‘‘бамаад̣̇авихаарий аяа’’нд̇и ман̃н̃амаано д̇ад̣̇ануруубам̣ д̇хаммабад̣̇з аббамаад̣̇аваг̇г̇ам̣ д̣̇зсзд̇ум̣ аарабхи. д̇ад̇т̇а (д̇ха. ба. адта. 1.23) аббамаад̣̇од̇и сад̇ияаа авиббаваасо, нижжам̣ убадтид̇ааяа сад̇ияаа зд̇ам̣ ад̇хиважанам̣. амад̇абад̣̇анд̇и амад̇ам̣ вужжад̇и ниб̣б̣аанам̣. д̇ан̃хи аж̇аад̇ад̇д̇аа на ж̇ийяад̇и на мийяад̇и, д̇асмаа ‘‘амад̇а’’нд̇и вужжад̇и. амад̇асса бад̣̇ам̣ амад̇абад̣̇ам̣, амад̇асса ад̇хиг̇амубааяод̇и вуд̇д̇ам̣ ход̇и. бамаад̣̇од̇и бамаж̇ж̇анабхааво, мудтассажжасан̇каад̇асса сад̇ияаа воссаг̇г̇ассзд̇ам̣ наамам̣. мажжунод̇и маран̣асса. бад̣̇анд̇и убааяо маг̇г̇о. бамад̇д̇о хи ж̇аад̇им̣ наад̇ивад̇д̇ад̇и, ж̇аад̇о бана ж̇ийяад̇и жзва мийяад̇и жаад̇и бамаад̣̇о мажжуно бад̣̇ам̣ наама ход̇и, маран̣ам̣ убанзд̇ийд̇и вуд̇д̇ам̣ ход̇и.

    Rañño hattheti santikaṃ upagatassa rañño hatthe. Rañño anurūpanti ekūnasatabhātukānaṃ ghātitattā caṇḍapakatitāya rajje ṭhitattā ca ‘‘pamādavihārī aya’’nti maññamāno tadanurūpaṃ dhammapade appamādavaggaṃ desetuṃ ārabhi. Tattha (dha. pa. aṭṭha. 1.23) appamādoti satiyā avippavāso, niccaṃ upaṭṭhitāya satiyā etaṃ adhivacanaṃ. Amatapadanti amataṃ vuccati nibbānaṃ. Tañhi ajātattā na jīyati na mīyati, tasmā ‘‘amata’’nti vuccati. Amatassa padaṃ amatapadaṃ, amatassa adhigamupāyoti vuttaṃ hoti. Pamādoti pamajjanabhāvo, muṭṭhassaccasaṅkhātassa satiyā vossaggassetaṃ nāmaṃ. Maccunoti maraṇassa. Padanti upāyo maggo. Pamatto hi jātiṃ nātivattati, jāto pana jīyati ceva mīyati cāti pamādo maccuno padaṃ nāma hoti, maraṇaṃ upanetīti vuttaṃ hoti.

    ан̃н̃аад̇ам̣ д̇аад̇а, барияосаабзхийд̇и иминаа ‘‘сад̣̇аа аббамаад̣̇зна худ̇ваа вад̇д̇ид̇аб̣б̣анд̇и зд̇д̇агзнзва маяаа н̃аад̇ам̣, д̇умхз д̇хаммад̣̇зсанам̣ нидтабзт̇аа’’д̇и д̇асмим̣ д̇хаммз ад̇д̇ано бадибаж̇ж̇ид̇угаамад̇ам̣ д̣̇ийбзнд̇о д̇хаммад̣̇зсанааяа барияосаанам̣ баабзд̇ваа гат̇анз уссаахам̣ ж̇анзд̇и. гзжи бана ‘‘абхаасийд̇и зд̇т̇а ‘бхаасиссаами вид̇аггзмий’д̇и ад̇т̇ам̣ г̇ахзд̇ваа ‘саб̣б̣ам̣ аббамаад̣̇аваг̇г̇ам̣ бхаасиссаамий’д̇и саллагкид̇ад̇д̇аа абхаасийд̇и вуд̇д̇ам̣, ран̃н̃аа бана ад̣дхаг̇аат̇ам̣ суд̇ваава ‘ан̃н̃аад̇ам̣ д̇аад̇а, барияосаабзхий’д̇и вуд̇д̇ад̇д̇аа ‘убари на гат̇зсий’’’д̇и вад̣̇анд̇и. ‘‘д̇ам̣ бана яуд̇д̇ам̣ на ход̇ий’’д̇и д̇ийсуби г̇ан̣тибад̣̇зсу вуд̇д̇ам̣. д̇хувабхад̇д̇аанийд̇и нижжабхад̇д̇аани. важ̇ж̇ааваж̇ж̇ам̣ убаниж̇жхааяад̇ийд̇и убаж̇жхааяод̇и ааха ‘‘важ̇ж̇ааваж̇ж̇ам̣ д̣̇исваа жод̣̇зд̇аа саарзд̇аа жаа’’д̇и. д̇ад̇т̇а важ̇ж̇ааваж̇ж̇анд̇и куд̣̇д̣̇агам̣ маханд̇ан̃жа важ̇ж̇ам̣. жод̣̇зд̇аад̇и ‘‘ид̣̇ам̣ д̇аяаа д̣̇уггадам̣, ид̣̇ам̣ д̣̇уб̣бхаасид̇а’’нд̇иаад̣̇ийни вад̇ваа жод̣̇зд̇аа. саарзд̇аад̇и ад̇д̇ано важ̇ж̇ам̣ ассаранд̇асса сад̇им̣ уббаад̣̇зд̇аа, саммаабадибад̇д̇ияам̣ ваа саарзд̇аа, бавад̇д̇зд̇аад̇и ад̇т̇о.

    Aññātaṃ tāta, pariyosāpehīti iminā ‘‘sadā appamādena hutvā vattitabbanti ettakeneva mayā ñātaṃ, tumhe dhammadesanaṃ niṭṭhapethā’’ti tasmiṃ dhamme attano paṭipajjitukāmataṃ dīpento dhammadesanāya pariyosānaṃ pāpetvā kathane ussāhaṃ janeti. Keci pana ‘‘abhāsīti ettha ‘bhāsissāmi vitakkemī’ti atthaṃ gahetvā ‘sabbaṃ appamādavaggaṃ bhāsissāmī’ti sallakkhitattā abhāsīti vuttaṃ, raññā pana aḍḍhagāthaṃ sutvāva ‘aññātaṃ tāta, pariyosāpehī’ti vuttattā ‘upari na kathesī’’’ti vadanti. ‘‘Taṃ pana yuttaṃ na hotī’’ti tīsupi gaṇṭhipadesu vuttaṃ. Dhuvabhattānīti niccabhattāni. Vajjāvajjaṃ upanijjhāyatīti upajjhāyoti āha ‘‘vajjāvajjaṃ disvā codetā sāretā cā’’ti. Tattha vajjāvajjanti khuddakaṃ mahantañca vajjaṃ. Codetāti ‘‘idaṃ tayā dukkaṭaṃ, idaṃ dubbhāsita’’ntiādīni vatvā codetā. Sāretāti attano vajjaṃ assarantassa satiṃ uppādetā, sammāpaṭipattiyaṃ vā sāretā, pavattetāti attho.

    ‘‘звам̣ д̇аяаа б̣уд̣̇д̇хаважанам̣ саж̇жхааяид̇аб̣б̣ам̣, звам̣ абхиггамид̇аб̣б̣ам̣, звам̣ бадиггамид̇аб̣б̣а’’нд̇иаад̣̇инаа аажаарасса сигкаабанад̇о аажарияо наамаад̇и ааха ‘‘имасмим̣ саасанз сигкид̇аб̣б̣агад̇хаммзсу бад̇идтаабзд̇аа’’д̇и. д̇ад̇т̇а сигкид̇аб̣б̣агад̇хаммо наама сагалам̣ б̣уд̣̇д̇хаважанам̣ сийлаад̣̇аяо жа д̇хаммаа. ‘‘баб̣б̣аж̇ж̇аа жа убасамбад̣̇аа жаа’’д̇и ид̣̇ам̣ лаб̣бхамаанавасзна вуд̇д̇ам̣ . аажарияубаж̇жхааяаананд̇и иминаа баб̣б̣аж̇ж̇аа убасамбад̣̇аа жа яож̇зд̇аб̣б̣аа, мама жаад̇и иминаа бана баб̣б̣аж̇ж̇аава. д̇ад̣̇аа сааман̣зрабхуумияам̣ тид̇ад̇д̇аа ниг̇род̇хасса бхаавиним̣ ваа убасамбад̣̇ам̣ санд̇хааяа убхаяамби яож̇зд̇аб̣б̣ам̣. саран̣аг̇аманавасзна баб̣б̣аж̇ж̇аасид̣̇д̇хид̇о бхигкусан̇гхассаби баб̣б̣аж̇ж̇ааяа ниссаяабхааво взд̣̇ид̇аб̣б̣о. бхан̣д̣угаммавасзнаби ниссаяабхааво лаб̣бхад̇зваад̇и г̇ахзд̇аб̣б̣ам̣. д̣̇ивасз д̣̇ивасз вад̣дхаабзнд̇од̇и вуд̇д̇анаязнзва д̣̇ивасз д̣̇ивасз д̇ад̇о д̇ад̇о д̣̇иг̇ун̣ам̣ гад̇ваа вад̣дхаабзнд̇о. бот̇уж̇ж̇анигзнаад̇и бут̇уж̇ж̇анабхааваануруубзна. ниг̇род̇хад̇т̇зрасса аанубхаавагид̇д̇анаад̇хигаарад̇д̇аа буб̣б̣з вуд̇д̇амби бажчаа вад̇д̇аб̣б̣амби самбин̣д̣зд̇ваа ааха ‘‘буна рааж̇аа асогаараамам̣ наама махаавихаарам̣ гаарзд̇ваа’’д̇иаад̣̇и . жзд̇ияабадиман̣д̣ид̇аанийд̇и зд̇т̇а жаяид̇аб̣б̣ам̣ бууж̇зд̇аб̣б̣анд̇и жзд̇ияам̣, идтагаад̣̇ийхи жид̇ад̇д̇аа ваа жзд̇ияам̣, жзд̇иязхи бадиман̣д̣ид̇аани вибхуусид̇аанийд̇и жзд̇ияабадиман̣д̣ид̇аани. д̇хаммзнаад̇и д̇хаммад̇о анабзд̇зна.

    ‘‘Evaṃ tayā buddhavacanaṃ sajjhāyitabbaṃ, evaṃ abhikkamitabbaṃ, evaṃ paṭikkamitabba’’ntiādinā ācārassa sikkhāpanato ācariyo nāmāti āha ‘‘imasmiṃ sāsane sikkhitabbakadhammesu patiṭṭhāpetā’’ti. Tattha sikkhitabbakadhammo nāma sakalaṃ buddhavacanaṃ sīlādayo ca dhammā. ‘‘Pabbajjā ca upasampadā cā’’ti idaṃ labbhamānavasena vuttaṃ . Ācariyupajjhāyānanti iminā pabbajjā upasampadā ca yojetabbā, mama cāti iminā pana pabbajjāva. Tadā sāmaṇerabhūmiyaṃ ṭhitattā nigrodhassa bhāviniṃ vā upasampadaṃ sandhāya ubhayampi yojetabbaṃ. Saraṇagamanavasena pabbajjāsiddhito bhikkhusaṅghassapi pabbajjāya nissayabhāvo veditabbo. Bhaṇḍukammavasenapi nissayabhāvo labbhatevāti gahetabbaṃ. Divase divase vaḍḍhāpentoti vuttanayeneva divase divase tato tato diguṇaṃ katvā vaḍḍhāpento. Pothujjanikenāti puthujjanabhāvānurūpena. Nigrodhattherassa ānubhāvakittanādhikārattā pubbe vuttampi pacchā vattabbampi sampiṇḍetvā āha ‘‘puna rājā asokārāmaṃ nāma mahāvihāraṃ kāretvā’’tiādi . Cetiyapaṭimaṇḍitānīti ettha cayitabbaṃ pūjetabbanti cetiyaṃ, iṭṭhakādīhi citattā vā cetiyaṃ, cetiyehi paṭimaṇḍitāni vibhūsitānīti cetiyapaṭimaṇḍitāni. Dhammenāti dhammato anapetena.

    вуд̇д̇амзвад̇т̇ам̣ вид̇т̇аарад̇о вибхаавзнд̇о ааха ‘‘згад̣̇ивасам̣ гираа’’д̇иаад̣̇и. асогаараамз махаад̣̇аанам̣ д̣̇ад̇ваад̇и зд̇т̇а гад̇з аараамз бажчаа гаараабагасса ран̃н̃о наамавасзна нирул̣хам̣ наамабан̣н̣ад̇д̇им̣ санд̇хааяа вуд̇д̇ам̣ ‘‘асогаараамз’’д̇и. гзжи бана ‘‘д̇асмим̣ д̣̇ивасз рааж̇аа ад̇д̇ано гхарзязва саб̣б̣ам̣ бхигкусан̇гхам̣ нисийд̣̇аабзд̇ваа бхож̇зд̇ваа имам̣ бан̃хам̣ бужчий’’д̇и вад̣̇анд̇и. махаад̣̇аанам̣ д̣̇ад̇ваад̇и бхож̇зд̇ваа саб̣б̣абаригкаарад̣̇аанавасзна махаад̣̇аанам̣ д̣̇ад̇ваа. вуд̇д̇ан̃хзд̇ам̣ д̣̇ийбавам̣сз –

    Vuttamevatthaṃ vitthārato vibhāvento āha ‘‘ekadivasaṃ kirā’’tiādi. Asokārāme mahādānaṃ datvāti ettha kate ārāme pacchā kārāpakassa rañño nāmavasena niruḷhaṃ nāmapaṇṇattiṃ sandhāya vuttaṃ ‘‘asokārāme’’ti. Keci pana ‘‘tasmiṃ divase rājā attano ghareyeva sabbaṃ bhikkhusaṅghaṃ nisīdāpetvā bhojetvā imaṃ pañhaṃ pucchī’’ti vadanti. Mahādānaṃ datvāti bhojetvā sabbaparikkhāradānavasena mahādānaṃ datvā. Vuttañhetaṃ dīpavaṃse –

    ‘‘нивзсанам̣ бавзсзд̇ваа, нисийд̣̇аабзд̇ваана аасанз;

    ‘‘Nivesanaṃ pavesetvā, nisīdāpetvāna āsane;

    яааг̇ум̣ наанаавид̇хам̣ каж̇ж̇ам̣, бхож̇анан̃жа махаарахам̣;

    Yāguṃ nānāvidhaṃ khajjaṃ, bhojanañca mahārahaṃ;

    ад̣̇ааси баяад̇абаан̣и, яаавад̣̇ад̇т̇ам̣ яад̣̇ижчагам̣.

    Adāsi payatapāṇi, yāvadatthaṃ yadicchakaṃ.

    ‘‘бхуд̇д̇аавибхигкусан̇гхасса, онийд̇абад̇д̇абаан̣ино;

    ‘‘Bhuttāvibhikkhusaṅghassa, onītapattapāṇino;

    згамзгасса бхигкуно, ад̣̇ааси яуг̇асаадагам̣.

    Ekamekassa bhikkhuno, adāsi yugasāṭakaṃ.

    ‘‘баад̣̇ааб̣бхан̃ж̇анам̣ д̇злам̣, чад̇д̇ан̃жааби убааханам̣;

    ‘‘Pādaabbhañjanaṃ telaṃ, chattañcāpi upāhanaṃ;

    саб̣б̣ам̣ саман̣абаригкаарам̣, ад̣̇ааси паан̣ид̇ам̣ мад̇хум̣.

    Sabbaṃ samaṇaparikkhāraṃ, adāsi phāṇitaṃ madhuṃ.

    ‘‘абхиваад̣̇зд̇ваа нисийд̣̇и, асогад̇хаммо махийбад̇и;

    ‘‘Abhivādetvā nisīdi, asokadhammo mahīpati;

    нисаж̇ж̇а рааж̇аа баваарзси, бхигкусан̇гхасса бажжаяам̣.

    Nisajja rājā pavāresi, bhikkhusaṅghassa paccayaṃ.

    ‘‘яаавад̇аа бхигкуу ижчанд̇и, д̇аава д̣̇зми яад̣̇ижчагам̣;

    ‘‘Yāvatā bhikkhū icchanti, tāva demi yadicchakaṃ;

    санд̇аббзд̇ваа баригкаарзна, баваарзд̇ваана бажжаяз;

    Santappetvā parikkhārena, pavāretvāna paccaye;

    д̇ад̇о абужчи г̇амбхийрам̣, д̇хаммагканд̇хам̣ суд̣̇зсид̇а’’нд̇и.

    Tato apucchi gambhīraṃ, dhammakkhandhaṃ sudesita’’nti.

    ан̇г̇ад̇о, махаарааж̇а, нава ан̇г̇аанийд̇иаад̣̇и мог̇г̇алибуд̇д̇ад̇иссад̇т̇зрзна вуд̇д̇анд̇и вад̣̇анд̇и. навагаммаад̇хидтааяагам̣ ад̣̇аасийд̇и жад̇ураасийд̇ивихаарасахассзсу гад̇д̇аб̣б̣асса навагаммасса ад̇хидтааяагам̣ вид̇хааяагам̣ гад̇ваа ад̣̇ааси. згад̣̇ивасамзва саб̣б̣анаг̇арзхи бан̣н̣аани ааг̇амим̣сууд̇и саб̣б̣авихаарзсу гира раахунаа жанд̣̇асса г̇ахан̣ад̣̇ивасз навагаммам̣ аарабхид̇ваа буна раахунаа жанд̣̇асса г̇ахан̣ад̣̇ивасзязва нидтаабзсум̣, д̇асмаа згад̣̇ивасамзва бан̣н̣аани ааг̇амим̣сууд̇и вад̣̇анд̇и. адта сийлан̇г̇аанийд̇и адта убосат̇ан̇г̇асийлаани. ‘‘саб̣б̣аалан̇гааравибхуусид̇ааяаа’’д̇и ид̣̇ам̣ асамаад̣̇иннубосат̇ан̇г̇аанам̣ васзна вуд̇д̇ам̣. амаравад̇ияаа рааж̇ад̇хаанияаад̇и д̇аавад̇им̣сад̣̇званаг̇арз. алан̇гад̇абадияад̇д̇анд̇и алан̇гад̇агаран̣авасзна саб̣б̣асаж̇ж̇ид̇ам̣.

    Aṅgato, mahārāja, nava aṅgānītiādi moggaliputtatissattherena vuttanti vadanti. Navakammādhiṭṭhāyakaṃ adāsīti caturāsītivihārasahassesu kattabbassa navakammassa adhiṭṭhāyakaṃ vidhāyakaṃ katvā adāsi. Ekadivasameva sabbanagarehi paṇṇāni āgamiṃsūti sabbavihāresu kira rāhunā candassa gahaṇadivase navakammaṃ ārabhitvā puna rāhunā candassa gahaṇadivaseyeva niṭṭhāpesuṃ, tasmā ekadivasameva paṇṇāni āgamiṃsūti vadanti. Aṭṭha sīlaṅgānīti aṭṭha uposathaṅgasīlāni. ‘‘Sabbālaṅkāravibhūsitāyā’’ti idaṃ asamādinnuposathaṅgānaṃ vasena vuttaṃ. Amaravatiyā rājadhāniyāti tāvatiṃsadevanagare. Alaṅkatapaṭiyattanti alaṅkatakaraṇavasena sabbasajjitaṃ.

    ад̇хигам̣ гаарам̣ ад̇хигаарам̣, ад̇хигам̣ гирияанд̇и вуд̇д̇ам̣ ход̇и. логавиваран̣ам̣ наама баадихаарияам̣ агам̣сууд̇и зд̇т̇а анзгасахассасан̇кяасса огаасалогасса д̇анниваасийсад̇д̇алогасса жа вивадабхаавагаран̣абаадихаарияам̣ логавиваран̣ам̣ наама. д̇ам̣ бана гаронд̇о ид̣̇д̇химаа анд̇хагаарам̣ ваа аалогам̣ гарод̇и, бадижчаннам̣ ваа вивадам̣, анаабаат̇ам̣ ваа аабаат̇ам̣ гарод̇и. гат̇ам̣? аяан̃хи яат̇аа бадижчанноби д̣̇уурз тид̇оби ад̇д̇аа ваа баро ваа д̣̇иссад̇и, звам̣ ад̇д̇аанам̣ ваа барам̣ ваа баагадам̣ гаад̇угаамо баад̣̇агаж̇жхаанад̇о вудтааяа ‘‘ид̣̇ам̣ анд̇хагаарадтаанам̣ аалогаж̇аад̇ам̣ ход̇уу’’д̇и ваа ‘‘ид̣̇ам̣ бадижчаннам̣ вивадам̣ ход̇уу’’д̇и ваа ‘‘ид̣̇ам̣ анаабаат̇ам̣ аабаат̇ам̣ ход̇уу’’д̇и ваа ааваж̇ж̇зд̇ваа буна баад̣̇агаж̇жхаанам̣ самаабаж̇ж̇ид̇ваа вудтааяа ад̇хидтаад̇и. саха ад̇хидтаанзна яат̇аад̇хидтид̇амзва ход̇и. абарз д̣̇уурз тид̇ааби бассанд̇и, саяамби бассид̇угаамо бассад̇и бхаг̇аваа вияа д̣̇зворохан̣з. бхаг̇аваа хи д̣̇звалогз абхид̇хаммад̣̇зсанам̣ нидтабзд̇ваа сан̇гассанаг̇арам̣ од̇аранд̇о синзрумуд̣̇д̇хани тад̇ваа бурад̇т̇имам̣ логад̇хаад̇ум̣ ологзси, анзгаани жаггаваал̣асахассаани вивадаани вияа худ̇ваа зган̇г̇ан̣ам̣ вияа худ̇ваа багаасим̣су. яат̇аа жа бурад̇т̇имзна, звам̣ бажчимзнаби уд̇д̇арзнаби д̣̇агкин̣знаби саб̣б̣ам̣ вивадамад̣̇д̣̇аса. хздтааби яаава авийжи убари жа яаава аганидтабхаванам̣, д̇аава ад̣̇д̣̇аса. мануссааби д̣̇звз бассанд̇и, д̣̇звааби мануссз. д̇ад̇т̇а нзва мануссаа уд̣̇д̇хам̣ уллогзнд̇и, на д̣̇зваа ад̇хо ологзнд̇и, саб̣б̣з саммукасаммукаава ан̃н̃аман̃н̃ам̣ бассанд̇и, д̇ам̣ д̣̇ивасам̣ логавиваран̣ам̣ наама ахоси.

    Adhikaṃ kāraṃ adhikāraṃ, adhikaṃ kiriyanti vuttaṃ hoti. Lokavivaraṇaṃ nāma pāṭihāriyaṃ akaṃsūti ettha anekasahassasaṅkhyassa okāsalokassa tannivāsīsattalokassa ca vivaṭabhāvakaraṇapāṭihāriyaṃ lokavivaraṇaṃ nāma. Taṃ pana karonto iddhimā andhakāraṃ vā ālokaṃ karoti, paṭicchannaṃ vā vivaṭaṃ, anāpāthaṃ vā āpāthaṃ karoti. Kathaṃ? Ayañhi yathā paṭicchannopi dūre ṭhitopi attā vā paro vā dissati, evaṃ attānaṃ vā paraṃ vā pākaṭaṃ kātukāmo pādakajjhānato vuṭṭhāya ‘‘idaṃ andhakāraṭṭhānaṃ ālokajātaṃ hotū’’ti vā ‘‘idaṃ paṭicchannaṃ vivaṭaṃ hotū’’ti vā ‘‘idaṃ anāpāthaṃ āpāthaṃ hotū’’ti vā āvajjetvā puna pādakajjhānaṃ samāpajjitvā vuṭṭhāya adhiṭṭhāti. Saha adhiṭṭhānena yathādhiṭṭhitameva hoti. Apare dūre ṭhitāpi passanti, sayampi passitukāmo passati bhagavā viya devorohaṇe. Bhagavā hi devaloke abhidhammadesanaṃ niṭṭhapetvā saṅkassanagaraṃ otaranto sinerumuddhani ṭhatvā puratthimaṃ lokadhātuṃ olokesi, anekāni cakkavāḷasahassāni vivaṭāni viya hutvā ekaṅgaṇaṃ viya hutvā pakāsiṃsu. Yathā ca puratthimena, evaṃ pacchimenapi uttarenapi dakkhiṇenapi sabbaṃ vivaṭamaddasa. Heṭṭhāpi yāva avīci upari ca yāva akaniṭṭhabhavanaṃ, tāva addasa. Manussāpi deve passanti, devāpi manusse. Tattha neva manussā uddhaṃ ullokenti, na devā adho olokenti, sabbe sammukhasammukhāva aññamaññaṃ passanti, taṃ divasaṃ lokavivaraṇaṃ nāma ahosi.

    абижа д̇амб̣абан̣н̣ид̣̇ийбз д̇ал̣ан̇г̇араваасий д̇хаммад̣̇иннад̇т̇зроби имам̣ баадихаарияам̣ агааси. со гира згад̣̇ивасам̣ д̇иссамахаавихаарз жзд̇ияан̇г̇ан̣амхи нисийд̣̇ид̇ваа ‘‘д̇ийхи, бхигкавз, д̇хаммзхи саманнааг̇ад̇о бхигку абан̣н̣агабадибад̣̇ам̣ бадибанно ход̇ий’’д̇и абан̣н̣агасуд̇д̇ам̣ (а. ни. 3.16) гат̇знд̇о хздтаамукам̣ б̣ийж̇аним̣ агааси, яаава авийжид̇о зган̇г̇ан̣ам̣ ахоси, д̇ад̇о убаримукам̣ агааси, яаава б̣рахмалогаа зган̇г̇ан̣ам̣ ахоси. т̇зро нираяабхаязна д̇аж̇ж̇зд̇ваа саг̇г̇асукзна жа балобхзд̇ваа д̇хаммам̣ д̣̇зсзси. гзжи сод̇аабаннаа ахзсум̣, гзжи сагад̣̇ааг̇аамий анааг̇аамий араханд̇од̇и звам̣ д̇асмим̣ д̣̇ивасзби логавиваран̣ам̣ наама ахоси. имз бана бхигкуу яат̇аа асого д̇хаммарааж̇аа асогаараамз тид̇о жад̇уд̣̇д̣̇исаа анувилогзнд̇о саманд̇ад̇о самуд̣̇д̣̇абарияанд̇ам̣ ж̇амб̣уд̣̇ийбам̣ бассад̇и, жад̇ураасийд̇и жа вихаарасахассаани ул̣аарааяа вихаарамахабууж̇ааяа вирожамаанаани, звам̣ ад̇хидтахид̇ваа логавиваран̣ам̣ наама баадихаарияам̣ агам̣су.

    Apica tambapaṇṇidīpe taḷaṅgaravāsī dhammadinnattheropi imaṃ pāṭihāriyaṃ akāsi. So kira ekadivasaṃ tissamahāvihāre cetiyaṅgaṇamhi nisīditvā ‘‘tīhi, bhikkhave, dhammehi samannāgato bhikkhu apaṇṇakapaṭipadaṃ paṭipanno hotī’’ti apaṇṇakasuttaṃ (a. ni. 3.16) kathento heṭṭhāmukhaṃ bījaniṃ akāsi, yāva avīcito ekaṅgaṇaṃ ahosi, tato uparimukhaṃ akāsi, yāva brahmalokā ekaṅgaṇaṃ ahosi. Thero nirayabhayena tajjetvā saggasukhena ca palobhetvā dhammaṃ desesi. Keci sotāpannā ahesuṃ, keci sakadāgāmī anāgāmī arahantoti evaṃ tasmiṃ divasepi lokavivaraṇaṃ nāma ahosi. Ime pana bhikkhū yathā asoko dhammarājā asokārāme ṭhito catuddisā anuvilokento samantato samuddapariyantaṃ jambudīpaṃ passati, caturāsīti ca vihārasahassāni uḷārāya vihāramahapūjāya virocamānāni, evaṃ adhiṭṭhahitvā lokavivaraṇaṃ nāma pāṭihāriyaṃ akaṃsu.

    вихаарамахабууж̇ааяаад̇и вихаарамахасан̇каад̇ааяа бууж̇ааяа. вибхууд̇инд̇и самбад̇д̇им̣. зваруубам̣ бийд̇ибаамож̇ж̇анд̇и ийд̣̇исам̣ барижжааг̇амуулагам̣ бийд̇ибаамож̇ж̇ам̣. мог̇г̇алибуд̇д̇ад̇иссад̇т̇зрасса бхаарамагаасийд̇и т̇зрасса махаанубхаавад̇д̇аа ‘‘уд̇д̇ариби жз гат̇зд̇аб̣б̣ам̣ ад̇т̇и, д̇амби соязва гат̇зссад̇ий’’д̇и ман̃н̃амаано бхигкусан̇гхо ран̃н̃аа бужчид̇абан̃хасса висаж̇ж̇анам̣ т̇зрасса бхаарамагааси. саасанасса д̣̇ааяаад̣̇о хоми, на хомийд̇и саасанасса н̃аад̇аго аб̣бханд̇аро хоми, на хомийд̇и ад̇т̇о. язсам̣ саасанз баб̣б̣аж̇ид̇аа буд̇д̇ад̇хийд̇аро на санд̇и, на д̇з саасанз гад̇д̇аб̣б̣агижжам̣ ад̇д̇ано бхаарам̣ гад̇ваа ваханд̇ийд̇и имамад̇т̇ам̣ санд̇хааяа т̇зро звамааха ‘‘на ко, махаарааж̇а, зд̇д̇аавад̇аа саасанасса д̣̇ааяаад̣̇о ход̇ий’’д̇и. гат̇ан̃жарахи, бханд̇з, саасанасса д̣̇ааяаад̣̇о ход̇ийд̇и зд̇т̇а жарахийд̇и нибаад̇о агканд̇им̣ д̣̇ийбзд̇и. ид̣̇ам̣ вуд̇д̇ам̣ ход̇и – яад̣̇и зваруубам̣ барижжааг̇ам̣ гад̇вааби саасанасса д̣̇ааяаад̣̇о на ход̇и, ан̃н̃ам̣ гим̣ наама гад̇ваа ход̇ийд̇и.

    Vihāramahapūjāyāti vihāramahasaṅkhātāya pūjāya. Vibhūtinti sampattiṃ. Evarūpaṃ pītipāmojjanti īdisaṃ pariccāgamūlakaṃ pītipāmojjaṃ. Moggaliputtatissattherassa bhāramakāsīti therassa mahānubhāvattā ‘‘uttaripi ce kathetabbaṃ atthi, tampi soyeva kathessatī’’ti maññamāno bhikkhusaṅgho raññā pucchitapañhassa visajjanaṃ therassa bhāramakāsi. Sāsanassa dāyādo homi, na homīti sāsanassa ñātako abbhantaro homi, na homīti attho. Yesaṃ sāsane pabbajitā puttadhītaro na santi, na te sāsane kattabbakiccaṃ attano bhāraṃ katvā vahantīti imamatthaṃ sandhāya thero evamāha ‘‘na kho, mahārāja, ettāvatā sāsanassa dāyādo hotī’’ti. Kathañcarahi, bhante, sāsanassa dāyādo hotīti ettha carahīti nipāto akkhantiṃ dīpeti. Idaṃ vuttaṃ hoti – yadi evarūpaṃ pariccāgaṃ katvāpi sāsanassa dāyādo na hoti, aññaṃ kiṃ nāma katvā hotīti.

    д̇иссагумаарасса баб̣б̣аж̇ид̇агаалад̇о бабхуд̇ийд̇и яад̣̇аа жа д̇иссагумааро баб̣б̣аж̇ид̇о, язна жа гааран̣зна баб̣б̣аж̇ид̇о, д̇ам̣ саб̣б̣ам̣ вид̇т̇аарад̇о уд̇д̇ари аави бхависсад̇и. сагкасийд̇и сагкиссаси. баамож̇ж̇аж̇аад̇од̇и сан̃ж̇аад̇абаамож̇ж̇о. буд̇д̇аанам̣ манам̣ лабхид̇ваад̇и зд̇т̇а буд̇д̇ийби сааман̃н̃ад̇о буд̇д̇асад̣̇д̣̇зна вуд̇д̇аад̇и взд̣̇ид̇аб̣б̣аа, буд̇д̇о жа д̇хийд̇аа жа буд̇д̇аад̇и звам̣ згасзсанаязна ваа звам̣ вуд̇д̇анд̇и д̣̇адтаб̣б̣ам̣. д̇хийд̇усад̣̇д̣̇зна саха баяуж̇ж̇амаано хи буд̇д̇асад̣̇д̣̇о згова авасиссад̇и, д̇хийд̇усад̣̇д̣̇о нивад̇д̇ад̇ийд̇и сад̣̇д̣̇асад̇т̇авид̣̇уу вад̣̇анд̇и. сигкааяа бад̇идтаабзсунд̇и д̇асмим̣язва сиймаман̣д̣алз сигкаасаммуд̇им̣ д̣̇ад̇ваа баан̣аад̇ибаад̇аавзраман̣иаад̣̇ийсу вигаалабхож̇анаавзраман̣ибарияосаанаасу часу сигкаасу самаад̣̇абанавасзна сигкааяа бад̇идтаабзсум̣. садтивассааяаби хи сааман̣зрияаа ‘‘баан̣аад̇ибаад̇аавзраман̣им̣ д̣̇вз вассаани авийд̇иггамма самаад̣̇аанам̣ самаад̣̇ияаамий’’д̇иаад̣̇инаа (баажи. 1078-1079) ча сигкааяо самаад̣̇ияид̇ваа сигкид̇аб̣б̣ааязва. на хи зд̇аасу часу сигкаабад̣̇зсу д̣̇вз вассаани асигкид̇асигкам̣ сааман̣зрим̣ убасамбаад̣̇зд̇ум̣ ваддад̇и. ча вассаани абхисзгасса ассаад̇и чаб̣б̣ассаабхисзго, абхисзгад̇о бадтааяа ад̇игганд̇ачавассод̇и вуд̇д̇ам̣ ход̇и.

    Tissakumārassa pabbajitakālato pabhutīti yadā ca tissakumāro pabbajito, yena ca kāraṇena pabbajito, taṃ sabbaṃ vitthārato uttari āvi bhavissati. Sakkhasīti sakkhissasi. Pāmojjajātoti sañjātapāmojjo. Puttānaṃ manaṃ labhitvāti ettha puttīpi sāmaññato puttasaddena vuttāti veditabbā, putto ca dhītā ca puttāti evaṃ ekasesanayena vā evaṃ vuttanti daṭṭhabbaṃ. Dhītusaddena saha payujjamāno hi puttasaddo ekova avasissati, dhītusaddo nivattatīti saddasatthavidū vadanti. Sikkhāya patiṭṭhāpesunti tasmiṃyeva sīmamaṇḍale sikkhāsammutiṃ datvā pāṇātipātāveramaṇiādīsu vikālabhojanāveramaṇipariyosānāsu chasu sikkhāsu samādapanavasena sikkhāya patiṭṭhāpesuṃ. Saṭṭhivassāyapi hi sāmaṇeriyā ‘‘pāṇātipātāveramaṇiṃ dve vassāni avītikkamma samādānaṃ samādiyāmī’’tiādinā (pāci. 1078-1079) cha sikkhāyo samādiyitvā sikkhitabbāyeva. Na hi etāsu chasu sikkhāpadesu dve vassāni asikkhitasikkhaṃ sāmaṇeriṃ upasampādetuṃ vaṭṭati. Cha vassāni abhisekassa assāti chabbassābhiseko, abhisekato paṭṭhāya atikkantachavassoti vuttaṃ hoti.

    саб̣б̣ам̣ т̇зраваад̣̇анд̇и д̣̇вз сан̇г̇ийд̇ияо аарул̣хаа баал̣иязвзд̇т̇а ‘‘т̇зраваад̣̇о’’д̇и взд̣̇ид̇аб̣б̣аа. саа хи махаагассабабабхуд̇ийнам̣ махаат̇зраанам̣ ваад̣̇ад̇д̇аа ‘‘т̇зраваад̣̇о’’д̇и вужжад̇и. гонд̇абуд̇д̇ад̇иссад̇т̇зрод̇и зд̇т̇а гонд̇асагун̣ияо наама гиннараж̇аад̇ияо. ‘‘д̇аасу згиссаа гужчияам̣ саяид̇о мануссаж̇аад̇иго ран̃н̃аа босид̇о гонд̇абуд̇д̇ад̇иссад̇т̇зро наамаа’’д̇и д̇ийсуби г̇ан̣тибад̣̇зсу вуд̇д̇ам̣. махаавам̣сзби жзд̇ам̣ вуд̇д̇ам̣ –

    Sabbaṃ theravādanti dve saṅgītiyo āruḷhā pāḷiyevettha ‘‘theravādo’’ti veditabbā. Sā hi mahākassapapabhutīnaṃ mahātherānaṃ vādattā ‘‘theravādo’’ti vuccati. Kontaputtatissattheroti ettha kontasakuṇiyo nāma kinnarajātiyo. ‘‘Tāsu ekissā kucchiyaṃ sayito manussajātiko raññā posito kontaputtatissatthero nāmā’’ti tīsupi gaṇṭhipadesu vuttaṃ. Mahāvaṃsepi cetaṃ vuttaṃ –

    ‘‘бурз баадалибуд̇д̇амхаа, ванз ванажаро жарам̣;

    ‘‘Pure pāṭaliputtamhā, vane vanacaro caraṃ;

    гонд̇агиннарияаа сад̣̇д̇хим̣, сам̣ваасам̣ гира габбаяи.

    Kontakinnariyā saddhiṃ, saṃvāsaṃ kira kappayi.

    ‘‘д̇зна сам̣ваасаманвааяа, саа буд̇д̇з ж̇анаяий д̣̇увз;

    ‘‘Tena saṃvāsamanvāya, sā putte janayī duve;

    д̇иссо ж̇здто ганидто д̇у, сумид̇д̇о наама наамад̇о.

    Tisso jeṭṭho kaniṭṭho tu, sumitto nāma nāmato.

    ‘‘махааварун̣ад̇т̇зрасса , гаалз баб̣б̣аж̇и санд̇игз;

    ‘‘Mahāvaruṇattherassa , kāle pabbaji santike;

    арахад̇д̇ам̣ баабун̣им̣су, чал̣абхин̃н̃ааг̇ун̣ам̣ убхо’’д̇и.

    Arahattaṃ pāpuṇiṃsu, chaḷabhiññāguṇaṃ ubho’’ti.

    гзжи бана звам̣ вад̣̇анд̇и ‘‘гонд̇аа наама гадтавааханаран̃н̃о вам̣сз ж̇аад̇аа згаа рааж̇ад̇хийд̇аа. д̇ам̣ г̇арул̣аяанд̇зна аран̃н̃аг̇ад̇ам̣ зго ванажараго аанзд̇ваа д̇ааяа сад̣̇д̇хим̣ сам̣ваасам̣ габбзси. саа д̇асса убхо буд̇д̇з виж̇ааяи. д̇ад̇рааяам̣ ж̇здтаго маад̇унаамзна гонд̇абуд̇д̇о наама ж̇аад̇о’’д̇и. гадтавааханаран̃н̃о гира наг̇арз саб̣б̣зби вибхавасамбаннаа над̣̇ийбаб̣б̣ад̇агийл̣аад̣̇ийсу г̇арул̣асагун̣асад̣̇исам̣ яанд̇ам̣ гаарзд̇ваа гадтавааханарааж̇аа вияа г̇арул̣авааханзна вижаранд̇и.

    Keci pana evaṃ vadanti ‘‘kontā nāma kaṭṭhavāhanarañño vaṃse jātā ekā rājadhītā. Taṃ garuḷayantena araññagataṃ eko vanacarako ānetvā tāya saddhiṃ saṃvāsaṃ kappesi. Sā tassa ubho putte vijāyi. Tatrāyaṃ jeṭṭhako mātunāmena kontaputto nāma jāto’’ti. Kaṭṭhavāhanarañño kira nagare sabbepi vibhavasampannā nadīpabbatakīḷādīsu garuḷasakuṇasadisaṃ yantaṃ kāretvā kaṭṭhavāhanarājā viya garuḷavāhanena vicaranti.

    б̣яаад̇хибадигаммад̇т̇ам̣ бхигкаажааравад̇д̇зна аахин̣д̣анд̇о басад̇амад̇д̇ам̣ саббим̣ алабхид̇ваад̇и д̇ад̣̇аа гира ж̇здтасса гонд̇абуд̇д̇ад̇иссад̇т̇зрасса гужчиваад̇о самудтааси. д̇ам̣ б̣аал̣хааяа д̣̇угкавзд̣̇анааяа бийл̣ид̇ам̣ ганидто сумид̇д̇о наама т̇зро д̣̇исваа ‘‘гимзд̇т̇а, бханд̇з, лад̣̇д̇хум̣ ваддад̇ий’’д̇и бужчи. д̇иссад̇т̇зро, ‘‘аавусо, басад̇амад̇д̇ам̣ саббим̣ лад̣̇д̇хум̣ ваддад̇ий’’д̇и вад̇ваа ран̃н̃о нивзд̣̇анам̣ д̇асса г̇илаанабажжаяам̣ бажчаабхад̇д̇ам̣ саббиад̇т̇ааяа жаран̣ан̃жа бадигкибид̇ваа ‘‘бхигкаажааравзлааяамзва бин̣д̣ааяа жаранд̇зна д̇аяаа яад̣̇и саггаа лад̣̇д̇хум̣, звам̣ вижарид̇ваа яам̣ лад̣̇д̇хам̣, д̇ам̣ аахараа’’д̇и ааха. ганидтоби вуд̇д̇анаязнзва бхигкаажааравад̇д̇зна жаранд̇о басад̇амад̇д̇амби саббим̣ наалад̇т̇а. со бана гужчиваад̇о б̣алавад̇аро саббигхадасад̇знаби вуубасамзд̇ум̣ асаггун̣зяяо ахоси. т̇зро д̇знзва б̣яаад̇хиб̣алзна гааламагааси. гзжи бана ‘‘вижчиганаамагзна гийдависзна д̣адто т̇зро д̇асса висавзг̇зна ад̇химад̇д̇ааяа д̣̇угкавзд̣̇анааяа саманнааг̇ад̇о д̇ам̣ вуубасамзд̇ум̣ вуд̇д̇анаязнзва басад̇амад̇д̇ам̣ саббим̣ алабхид̇ваа бариниб̣б̣уд̇о’’д̇и вад̣̇анд̇и. вуд̇д̇ан̃хзд̇ам̣ махаавам̣сз –

    Byādhipaṭikammatthaṃ bhikkhācāravattena āhiṇḍanto pasatamattaṃ sappiṃ alabhitvāti tadā kira jeṭṭhassa kontaputtatissattherassa kucchivāto samuṭṭhāsi. Taṃ bāḷhāya dukkhavedanāya pīḷitaṃ kaniṭṭho sumitto nāma thero disvā ‘‘kimettha, bhante, laddhuṃ vaṭṭatī’’ti pucchi. Tissatthero, ‘‘āvuso, pasatamattaṃ sappiṃ laddhuṃ vaṭṭatī’’ti vatvā rañño nivedanaṃ tassa gilānapaccayaṃ pacchābhattaṃ sappiatthāya caraṇañca paṭikkhipitvā ‘‘bhikkhācāravelāyameva piṇḍāya carantena tayā yadi sakkā laddhuṃ, evaṃ vicaritvā yaṃ laddhaṃ, taṃ āharā’’ti āha. Kaniṭṭhopi vuttanayeneva bhikkhācāravattena caranto pasatamattampi sappiṃ nālattha. So pana kucchivāto balavataro sappighaṭasatenapi vūpasametuṃ asakkuṇeyyo ahosi. Thero teneva byādhibalena kālamakāsi. Keci pana ‘‘vicchikanāmakena kīṭavisena ḍaṭṭho thero tassa visavegena adhimattāya dukkhavedanāya samannāgato taṃ vūpasametuṃ vuttanayeneva pasatamattaṃ sappiṃ alabhitvā parinibbuto’’ti vadanti. Vuttañhetaṃ mahāvaṃse –

    ‘‘баад̣̇з гийдависзнааси, д̣адто ж̇здто савзд̣̇ано;

    ‘‘Pāde kīṭavisenāsi, ḍaṭṭho jeṭṭho savedano;

    ааха будто ганидтзна, бхзсаж̇ж̇ам̣ басад̇ам̣ гхад̇ам̣.

    Āha puṭṭho kaniṭṭhena, bhesajjaṃ pasataṃ ghataṃ.

    ‘‘ран̃н̃о нивзд̣̇анам̣ т̇зро, г̇илаанабажжаязби жа;

    ‘‘Rañño nivedanaṃ thero, gilānapaccayepi ca;

    саббиад̇т̇ан̃жа жаран̣ам̣, бажчаабхад̇д̇ам̣ бадигкиби.

    Sappiatthañca caraṇaṃ, pacchābhattaṃ paṭikkhipi.

    ‘‘бин̣д̣ааяа жз жарам̣ саббим̣, лабхасз д̇вам̣ д̇амаахара;

    ‘‘Piṇḍāya ce caraṃ sappiṃ, labhase tvaṃ tamāhara;

    ижжааха д̇иссад̇т̇зро со, сумид̇д̇ам̣ т̇зрамуд̇д̇амам̣.

    Iccāha tissatthero so, sumittaṃ theramuttamaṃ.

    ‘‘бин̣д̣ааяа жарад̇аа д̇зна, на лад̣̇д̇хам̣ басад̇ам̣ гхад̇ам̣;

    ‘‘Piṇḍāya caratā tena, na laddhaṃ pasataṃ ghataṃ;

    саббигумбхасад̇знааби, б̣яаад̇хи ж̇аад̇о асаад̇хияо.

    Sappikumbhasatenāpi, byādhi jāto asādhiyo.

    ‘‘д̇знзва б̣яаад̇хинаа т̇зро, бад̇д̇о ааяугкаяанд̇игам̣;

    ‘‘Teneva byādhinā thero, patto āyukkhayantikaṃ;

    овад̣̇ид̇ваббамаад̣̇зна, ниб̣б̣аад̇ум̣ маанасам̣ агаа.

    Ovaditvappamādena, nibbātuṃ mānasaṃ akā.

    ‘‘аагаасамхи нисийд̣̇ид̇ваа, д̇зж̇од̇хаад̇увасзна со;

    ‘‘Ākāsamhi nisīditvā, tejodhātuvasena so;

    яат̇ааружи ад̇хидтааяа, сарийрам̣ бариниб̣б̣уд̇о.

    Yathāruci adhiṭṭhāya, sarīraṃ parinibbuto.

    ‘‘ж̇аалаа сарийраа нигкамма, нимам̣сачааригам̣ д̣ахи;

    ‘‘Jālā sarīrā nikkhamma, nimaṃsachārikaṃ ḍahi;

    т̇зрасса сагалам̣ гааяам̣, адтигаани д̇у но д̣ахий’’д̇и.

    Therassa sakalaṃ kāyaṃ, aṭṭhikāni tu no ḍahī’’ti.

    аббамаад̣̇зна овад̣̇ид̇ваад̇и ‘‘амхаад̣̇исаанамби звам̣ бажжаяаа д̣̇уллабхаа, д̇умхз лабхамаанзсу бажжаязсу аббамаж̇ж̇ид̇ваа саман̣ад̇хаммам̣ гарот̇аа’’д̇и звам̣ аббамаад̣̇зна овад̣̇ид̇ваа. баллан̇гзнаад̇и саманд̇ад̇о ууруб̣ад̣̇д̇хаасанзна. ид̇т̇амбхууд̇алагкан̣з жзд̇ам̣ гаран̣аважанам̣. д̇зж̇од̇хаад̇ум̣ самаабаж̇ж̇ид̇ваад̇и д̇зж̇од̇хаад̇угасин̣аарамман̣ам̣ жхаанам̣ самаабаж̇ж̇ид̇ваа. т̇зрасса саггаарам̣ гад̇ваад̇и т̇зрасса д̇хаад̇усаггаарам̣ гад̇ваа. жад̇уусу д̣̇ваарзсу богкаран̣ияо гаараабзд̇ваа бхзсаж̇ж̇асса буураабзд̇ваад̇и згасмим̣ д̣̇ваарз жад̇ассо богкаран̣ияо гаараабзд̇ваа д̇ад̇т̇а згам̣ богкаран̣им̣ саббисса буураабзд̇ваа згам̣ мад̇хуно, згам̣ паан̣ид̇асса, згам̣ саггарааяа буураабзси. сзсад̣̇ваарзсуби звамзва гаараабзсийд̇и вад̣̇анд̇и.

    Appamādena ovaditvāti ‘‘amhādisānampi evaṃ paccayā dullabhā, tumhe labhamānesu paccayesu appamajjitvā samaṇadhammaṃ karothā’’ti evaṃ appamādena ovaditvā. Pallaṅkenāti samantato ūrubaddhāsanena. Itthambhūtalakkhaṇe cetaṃ karaṇavacanaṃ. Tejodhātuṃ samāpajjitvāti tejodhātukasiṇārammaṇaṃ jhānaṃ samāpajjitvā. Therassa sakkāraṃ katvāti therassa dhātusakkāraṃ katvā. Catūsu dvāresu pokkharaṇiyo kārāpetvā bhesajjassa pūrāpetvāti ekasmiṃ dvāre catasso pokkharaṇiyo kārāpetvā tattha ekaṃ pokkharaṇiṃ sappissa pūrāpetvā ekaṃ madhuno, ekaṃ phāṇitassa, ekaṃ sakkarāya pūrāpesi. Sesadvāresupi evameva kārāpesīti vadanti.

    сабхааяам̣ сад̇асахассанд̇и наг̇арамаж̇жхз винижчаяасаалааяам̣ сад̇асахассам̣. иминаа сагаланаг̇арад̇о самудтид̇ам̣ ааяам̣ нид̣̇ассзд̇и. бан̃жасад̇асахассаани ран̃н̃о уббаж̇ж̇анд̇ийд̇и жа радтад̇о уббаж̇ж̇анагам̣ ааяам̣ табзд̇ваа вуд̇д̇ам̣. д̇ад̇од̇и яат̇аавуд̇д̇абан̃жасад̇асахассад̇о. ниг̇род̇хад̇т̇зрасса д̣̇звасигам̣ сад̇асахассам̣ висаж̇ж̇зсийд̇и гат̇ам̣ бана т̇зрасса сад̇асахассам̣ висаж̇ж̇зси? рааж̇аа гира д̣̇ивасасса д̇игкад̇д̇ум̣ саадагз баривад̇д̇знд̇о ‘‘т̇зрасса жийварам̣ нийд̇а’’нд̇и бужчид̇ваа ‘‘аама нийд̇а’’нд̇и суд̇ваава баривад̇д̇зд̇и. т̇зроби д̣̇ивасасса д̇игкад̇д̇ум̣ д̇ижийварам̣ баривад̇д̇зд̇и. д̇асса хи д̇ижийварам̣ хад̇т̇игканд̇хз табзд̇ваа бан̃жахи жа г̇анд̇хасамуг̇г̇асад̇зхи бан̃жахи жа маалаасамуг̇г̇асад̇зхи сад̣̇д̇хим̣ баад̇ова аахарийяид̇т̇а, д̇ат̇аа д̣̇иваа жзва сааяан̃жа. т̇зроби на бхан̣д̣игам̣ б̣анд̇хид̇ваа табзси, самбад̇д̇асаб̣рахмажаарийнам̣ ад̣̇ааси. д̇ад̣̇аа гира ж̇амб̣уд̣̇ийбз бхигкусан̇гхасса язбхуяязна ниг̇род̇хад̇т̇зрассзва санд̇агам̣ жийварам̣ ахоси. звам̣ т̇зрасса д̣̇ивасз д̣̇ивасз сад̇асахассам̣ висаж̇ж̇зси. ул̣ааро лаабхасаггаарод̇и зд̇т̇а лаб̣бхад̇и баабун̣ийяад̇ийд̇и лаабхо, жад̇уннам̣ бажжаяаанамзд̇ам̣ ад̇хиважанам̣. саггажжам̣ гаад̇аб̣б̣о д̣̇аад̇аб̣б̣од̇и саггааро, жад̇д̇ааро бажжаяааязва. бажжаяаа зва хи бан̣ийд̇абан̣ийд̇аа сунд̣̇арасунд̣̇араа абхисан̇карид̇ваа гад̇аа ‘‘саггааро’’д̇и вужжанд̇и. ат̇а ваа барзхи гаад̇аб̣б̣аг̇ааравагирияаа бубпаад̣̇ийхи бууж̇аа ваа саггааро.

    Sabhāyaṃ satasahassanti nagaramajjhe vinicchayasālāyaṃ satasahassaṃ. Iminā sakalanagarato samuṭṭhitaṃ āyaṃ nidasseti. Pañcasatasahassāni rañño uppajjantīti ca raṭṭhato uppajjanakaṃ āyaṃ ṭhapetvā vuttaṃ. Tatoti yathāvuttapañcasatasahassato. Nigrodhattherassa devasikaṃ satasahassaṃ visajjesīti kathaṃ pana therassa satasahassaṃ visajjesi? Rājā kira divasassa tikkhattuṃ sāṭake parivattento ‘‘therassa cīvaraṃ nīta’’nti pucchitvā ‘‘āma nīta’’nti sutvāva parivatteti. Theropi divasassa tikkhattuṃ ticīvaraṃ parivatteti. Tassa hi ticīvaraṃ hatthikkhandhe ṭhapetvā pañcahi ca gandhasamuggasatehi pañcahi ca mālāsamuggasatehi saddhiṃ pātova āharīyittha, tathā divā ceva sāyañca. Theropi na bhaṇḍikaṃ bandhitvā ṭhapesi, sampattasabrahmacārīnaṃ adāsi. Tadā kira jambudīpe bhikkhusaṅghassa yebhuyyena nigrodhattherasseva santakaṃ cīvaraṃ ahosi. Evaṃ therassa divase divase satasahassaṃ visajjesi. Uḷāro lābhasakkāroti ettha labbhati pāpuṇīyatīti lābho, catunnaṃ paccayānametaṃ adhivacanaṃ. Sakkaccaṃ kātabbo dātabboti sakkāro, cattāro paccayāyeva. Paccayā eva hi paṇītapaṇītā sundarasundarā abhisaṅkharitvā katā ‘‘sakkāro’’ti vuccanti. Atha vā parehi kātabbagāravakiriyā pupphādīhi pūjā vā sakkāro.

    д̣̇идтиг̇ад̇аанийд̇и зд̇т̇а д̣̇идтиязва д̣̇идтиг̇ад̇ам̣ ‘‘г̇уут̇аг̇ад̇ам̣ муд̇д̇аг̇ад̇ам̣ (ма. ни. 2.119), сан̇каараг̇ад̇а’’нд̇иаад̣̇ийсу (махаани. 41) вияа. г̇анд̇аб̣б̣аабхаавад̇о ваа д̣̇идтияаа г̇ад̇амад̇д̇ам̣ д̣̇идтиг̇ад̇ам̣, д̣̇идтияаа г̇ахан̣амад̇д̇анд̇и ад̇т̇о. д̣̇идтиббагааро ваа д̣̇идтиг̇ад̇ам̣, д̣̇идтибхзд̣̇од̇и вуд̇д̇ам̣ ход̇и. логияаа хи вид̇хаяуд̇д̇аг̇ад̇аббагаарасад̣̇д̣̇з самаанад̇т̇з ижчанд̇и. на ко банзд̇ам̣ саггаа имзсам̣ маж̇жхз васанд̇зна вуубасамзд̇унд̇и д̇зсан̃хи маж̇жхз васанд̇о д̇зсуязва анд̇ог̇ад̇хад̇д̇аа аад̣̇зяяаважано на ход̇и, д̇асмаа звам̣ жинд̇зси. д̇ад̣̇аа д̇асмим̣ таанз васанд̇асса сукавихаараабхаавад̇о д̇ам̣ бахааяа ижчид̇аб̣б̣асукавихаарамад̇д̇ам̣ г̇ахзд̇ваа вуд̇д̇ам̣ ‘‘ад̇д̇анаа паасугавихаарзна вихарид̇угаамо’’д̇и. ахог̇ан̇г̇абаб̣б̣ад̇анд̇и звам̣наамагам̣ баб̣б̣ад̇ам̣. д̇хаммзна винаязна сад̇т̇усаасанзнаад̇и зд̇т̇а д̇хаммод̇и бхууд̇ам̣ вад̇т̇у. винаяод̇и жод̣̇анаа сааран̣аа жа. сад̇т̇усаасананд̇и н̃ад̇д̇исамбад̣̇аа анусааванасамбад̣̇аа жа, д̇асмаа бхууд̇зна вад̇т̇унаа жод̣̇зд̇ваа саарзд̇ваа н̃ад̇д̇исамбад̣̇ааяа анусааванасамбад̣̇ааяа жа угкзбанийяаад̣̇игаммавасзна ниг̇г̇аяхамаанаабийд̇и вуд̇д̇ам̣ ход̇и. аб̣б̣уд̣̇ам̣ т̇знанадтзна, малам̣ гилидтабхаавагаран̣адтзна, ган̣дагам̣ виж̇жханадтзна. аг̇г̇им̣ барижаранд̇ийд̇и аг̇г̇ихуд̇д̇агаа вияа аг̇г̇им̣ бууж̇знд̇и . бан̃жаад̇абз д̇аббанд̇ийд̇и жад̇уусу таанзсу аг̇г̇им̣ гад̇ваа маж̇жхз тад̇ваа суурияаад̇абзна д̇аббанд̇и. аад̣̇ижжам̣ анубаривад̇д̇анд̇ийд̇и уд̣̇аяагаалад̇о бабхуд̇и суурияам̣ ологаяамаанаа яаавад̇т̇ан̇г̇аманаа суурияаабхимукаава баривад̇д̇анд̇и. вобхинд̣̇иссаамаад̇и баг̇г̇ан̣хим̣сууд̇и винаасзссаамаад̇и уссаахамагам̣су. ависаханд̇од̇и асаггонд̇о.

    Diṭṭhigatānīti ettha diṭṭhiyeva diṭṭhigataṃ ‘‘gūthagataṃ muttagataṃ (ma. ni. 2.119), saṅkhāragata’’ntiādīsu (mahāni. 41) viya. Gantabbābhāvato vā diṭṭhiyā gatamattaṃ diṭṭhigataṃ, diṭṭhiyā gahaṇamattanti attho. Diṭṭhippakāro vā diṭṭhigataṃ, diṭṭhibhedoti vuttaṃ hoti. Lokiyā hi vidhayuttagatappakārasadde samānatthe icchanti. Na kho panetaṃ sakkā imesaṃ majjhe vasantena vūpasametunti tesañhi majjhe vasanto tesuyeva antogadhattā ādeyyavacano na hoti, tasmā evaṃ cintesi. Tadā tasmiṃ ṭhāne vasantassa sukhavihārābhāvato taṃ pahāya icchitabbasukhavihāramattaṃ gahetvā vuttaṃ ‘‘attanā phāsukavihārena viharitukāmo’’ti. Ahogaṅgapabbatanti evaṃnāmakaṃ pabbataṃ. Dhammena vinayena satthusāsanenāti ettha dhammoti bhūtaṃ vatthu. Vinayoti codanā sāraṇā ca. Satthusāsananti ñattisampadā anusāvanasampadā ca, tasmā bhūtena vatthunā codetvā sāretvā ñattisampadāya anusāvanasampadāya ca ukkhepanīyādikammavasena niggayhamānāpīti vuttaṃ hoti. Abbudaṃ thenanaṭṭhena, malaṃ kiliṭṭhabhāvakaraṇaṭṭhena, kaṇṭakaṃ vijjhanaṭṭhena. Aggiṃ paricarantīti aggihuttakā viya aggiṃ pūjenti . Pañcātape tappantīti catūsu ṭhānesu aggiṃ katvā majjhe ṭhatvā sūriyātapena tappanti. Ādiccaṃ anuparivattantīti udayakālato pabhuti sūriyaṃ olokayamānā yāvatthaṅgamanā sūriyābhimukhāva parivattanti. Vobhindissāmāti paggaṇhiṃsūti vināsessāmāti ussāhamakaṃsu. Avisahantoti asakkonto.

    сад̇д̇ад̣̇ивасзна раж̇ж̇ам̣ самбадижчаад̇и сад̇д̇ад̣̇ивасз раж̇ж̇асукам̣ д̇аава анубхава. д̇амад̇т̇ам̣ сан̃н̃аабзсийд̇и гуггужжааяид̇амад̇т̇ам̣ б̣од̇хзси. гат̇ам̣ сан̃н̃аабзсийд̇и ааха ‘‘со гираа’’д̇иаад̣̇и. жид̇д̇аруубанд̇и жид̇д̇аануруубам̣, яат̇аагааманд̇и вуд̇д̇ам̣ ход̇и. гиссаад̇и гзна гааран̣зна. арз д̇вам̣ наама барижчиннамаран̣анд̇и сад̇д̇ахи д̣̇ивасзхи барижчиннамаран̣ам̣. виссад̇т̇од̇и нираасан̇гажид̇д̇о, маран̣асан̇гаарахид̇о ниб̣бхаяод̇и вуд̇д̇ам̣ ход̇и. ассаасабассаасаниб̣ад̣̇д̇хам̣ маран̣ам̣ бзгкамаанаад̇и ‘‘ахо вад̇аахам̣ д̇ад̣̇анд̇арам̣ ж̇ийвзяяам̣, яад̣̇анд̇арам̣ ассасид̇ваа бассасаами бассасид̇ваа ваа ассасаами, бхаг̇авад̇о саасанам̣ манаси гарзяяам̣, б̣аху вад̇а мз гад̇ам̣ ассаа’’д̇и звам̣ маран̣ассад̇ияаа ануяун̃ж̇анад̇о ассаасабассаасаббавад̇д̇игаалабадиб̣ад̣̇д̇хам̣ маран̣ам̣ бзгкамаанаа. д̇ад̇т̇а ассаасод̇и б̣ахинигкамананаасаваад̇о. бассаасод̇и анд̇обависанаваад̇о. вуд̇д̇авибарияааязнаби вад̣̇анд̇и.

    Sattadivasenarajjaṃ sampaṭicchāti sattadivase rajjasukhaṃ tāva anubhava. Tamatthaṃ saññāpesīti kukkuccāyitamatthaṃ bodhesi. Kathaṃ saññāpesīti āha ‘‘so kirā’’tiādi. Cittarūpanti cittānurūpaṃ, yathākāmanti vuttaṃ hoti. Kissāti kena kāraṇena. Are tvaṃ nāma paricchinnamaraṇanti sattahi divasehi paricchinnamaraṇaṃ. Vissatthoti nirāsaṅkacitto, maraṇasaṅkārahito nibbhayoti vuttaṃ hoti. Assāsapassāsanibaddhaṃ maraṇaṃ pekkhamānāti ‘‘aho vatāhaṃ tadantaraṃ jīveyyaṃ, yadantaraṃ assasitvā passasāmi passasitvā vā assasāmi, bhagavato sāsanaṃ manasi kareyyaṃ, bahu vata me kataṃ assā’’ti evaṃ maraṇassatiyā anuyuñjanato assāsapassāsappavattikālapaṭibaddhaṃ maraṇaṃ pekkhamānā. Tattha assāsoti bahinikkhamananāsavāto. Passāsoti antopavisanavāto. Vuttavipariyāyenapi vadanti.

    миг̇авам̣ нигкамид̇ваад̇и миг̇амааран̣ад̇т̇ааяа ‘‘аран̃н̃з миг̇абариязсанам̣ жариссаамий’’д̇и нигкамид̇ваа. д̇ад̇т̇а миг̇аванд̇и миг̇аанам̣ ваананад̇о хзсанад̇о б̣аад̇ханад̇о ‘‘миг̇ава’’нд̇и лад̣̇д̇хасаман̃н̃ам̣ миг̇авам̣. яонагамахаад̇хаммарагкид̇ад̇т̇зранд̇и яонагависаяз ж̇аад̇ам̣ ид̇хааг̇анд̇ваа баб̣б̣аж̇ид̇ам̣ д̇хаммарагкид̇анаамад̇хзяяам̣ махаат̇зрам̣. хад̇т̇инааг̇знаад̇и махаахад̇т̇инаа. маханд̇абарияааяоби хи нааг̇асад̣̇д̣̇од̇и вад̣̇анд̇и. ахинааг̇аад̣̇ид̇о ваа висзсанад̇т̇ам̣ ‘‘хад̇т̇инааг̇знаа’’д̇и вуд̇д̇ам̣. д̇ассаасаяам̣ д̇асса аж̇жхаасаяам̣. д̇асса бассанд̇ассзваад̇и анаад̣̇арз саамиважанам̣, д̇асмим̣ бассанд̇зязваад̇и ад̇т̇о. аагаасз уббад̇ид̇ваад̇и зд̇т̇а аяам̣ вигуб̣б̣анид̣̇д̇хи на ход̇ийд̇и г̇ихиссаби имам̣ ид̣̇д̇хибаадихаарияам̣ д̣̇ассзси. саа хи ‘‘багад̇иван̣н̣ам̣ виж̇ахид̇ваа гумаарагаван̣н̣ам̣ ваа д̣̇ассзд̇и нааг̇аван̣н̣ам̣ ваа, вивид̇хамби сзнааб̣яуухам̣ д̣̇ассзд̇ий’’д̇и звам̣ ааг̇ад̇аа ид̣̇д̇хи багад̇иван̣н̣авиж̇аханавигааравасзна бавад̇д̇ад̇д̇аа вигуб̣б̣анид̣̇д̇хи наама. ад̇хидтаанид̣̇д̇хияаа бана бадигкзбо над̇т̇и. д̇ат̇аа жа вагкад̇и куд̣̇д̣̇агавад̇т̇угканд̇хагаван̣н̣анааяам̣ (жуул̣ава. адта. 252) ‘‘ид̣̇д̇хибаадихаарияанд̇и зд̇т̇а вигуб̣б̣анид̣̇д̇хибаадихаарияам̣ бадигкид̇д̇ам̣, ад̇хидтаанид̣̇д̇хи бана аббадигкид̇д̇аад̇и взд̣̇ид̇аб̣б̣аа’’д̇и. лаг̇г̇зд̇ваад̇и аагаасз гааяаб̣анд̇ханам̣ басаарзд̇ваа д̇ад̇т̇а жийварам̣ лаг̇г̇зд̇ваа.

    Migavaṃ nikkhamitvāti migamāraṇatthāya ‘‘araññe migapariyesanaṃ carissāmī’’ti nikkhamitvā. Tattha migavanti migānaṃ vānanato hesanato bādhanato ‘‘migava’’nti laddhasamaññaṃ migavaṃ. Yonakamahādhammarakkhitattheranti yonakavisaye jātaṃ idhāgantvā pabbajitaṃ dhammarakkhitanāmadheyyaṃ mahātheraṃ. Hatthināgenāti mahāhatthinā. Mahantapariyāyopi hi nāgasaddoti vadanti. Ahināgādito vā visesanatthaṃ ‘‘hatthināgenā’’ti vuttaṃ. Tassāsayaṃ tassa ajjhāsayaṃ. Tassa passantassevāti anādare sāmivacanaṃ, tasmiṃ passanteyevāti attho. Ākāse uppatitvāti ettha ayaṃ vikubbaniddhi na hotīti gihissapi imaṃ iddhipāṭihāriyaṃ dassesi. Sā hi ‘‘pakativaṇṇaṃ vijahitvā kumārakavaṇṇaṃ vā dasseti nāgavaṇṇaṃ vā, vividhampi senābyūhaṃ dassetī’’ti evaṃ āgatā iddhi pakativaṇṇavijahanavikāravasena pavattattā vikubbaniddhi nāma. Adhiṭṭhāniddhiyā pana paṭikkhepo natthi. Tathā ca vakkhati khuddakavatthukkhandhakavaṇṇanāyaṃ (cūḷava. aṭṭha. 252) ‘‘iddhipāṭihāriyanti ettha vikubbaniddhipāṭihāriyaṃ paṭikkhittaṃ, adhiṭṭhāniddhi pana appaṭikkhittāti veditabbā’’ti. Laggetvāti ākāse kāyabandhanaṃ pasāretvā tattha cīvaraṃ laggetvā.

    чан̣авзсанд̇и д̇удтиж̇ананавзсам̣, уссававзсанд̇и ад̇т̇о. бадияаад̣̇зсунд̇и ‘‘ааг̇ад̇агаалз жийвараад̣̇ийнам̣ бариязсанам̣ бхаарияа’’нд̇и батамамзва бад̇д̇ажийвараани самбаад̣̇зсум̣. бад̇хаанагхаранд̇и бхааванаануяог̇авасзна вийрияаарамбхасса ануруубам̣ вивид̇д̇асзнаасанам̣. собийд̇и ран̃н̃о бхааг̇инзяяам̣ санд̇хааяа вуд̇д̇ам̣. анубаб̣б̣аж̇ид̇од̇и ул̣ааравибхавзна кад̇д̇ияаж̇анзна ануг̇анд̇ваа баб̣б̣аж̇ид̇о. г̇анд̇ваад̇и ид̣̇д̇хияаа г̇анд̇ваа. гусалаад̇хиббааяод̇и манаабаж̇жхаасаяо. д̣̇взл̣хагаж̇аад̇од̇и ‘‘имз бхигкуу на згамаг̇г̇зна гат̇знд̇ий’’д̇и сам̣саяамаабанно. згзгам̣ бхигкусахассабаривааранд̇и згзгасса згзгасахассабарижчиннам̣ бхигкубаривааран̃жа. г̇ан̣хид̇ваа ааг̇ажчат̇аад̇и вуд̇д̇зби ‘‘саасанам̣ баг̇г̇ан̣хид̇ум̣ самад̇т̇о’’д̇и вуд̇д̇ад̇д̇аа т̇зраа бхигкуу ‘‘д̇хаммагамма’’нд̇и ман̃н̃амаанаа г̇ад̇аа. ийд̣̇исзсу хи таанзсу гуггужжам̣ на гаад̇аб̣б̣ам̣. габбияасаасанан̃хзд̇ам̣ на г̇ихигаммабадисам̣яуд̇д̇ам̣. т̇зро нааг̇ажчийд̇и гин̃жааби ‘‘рааж̇аа баггосад̇ий’’д̇и вуд̇д̇зби д̇хаммагаммад̇т̇ааяа ааг̇анд̇ум̣ ваддад̇и, д̣̇вигкад̇д̇ум̣ бана бзсид̇зби на ааг̇ад̇о гира. т̇зро хи саб̣б̣ад̇т̇а викяаад̇авасзна самбхаавануббад̇д̇ид̇о самбхаавид̇асса жа уд̣̇д̇хам̣ гад̇д̇аб̣б̣агижжасид̣̇д̇хид̇о асааруббаважаналзсзна на ааг̇ажчийд̇и. махаллаго ну ко бханд̇з т̇зрод̇и гин̃жааби рааж̇аа т̇зрам̣ д̣̇идтабуб̣б̣о, наамам̣ бана саллагкзд̇ум̣ асаггонд̇о звам̣ бужчийд̇и вад̣̇анд̇и. ваяханд̇и убари ман̣д̣абасад̣̇исам̣ бад̣̇аражчаннам̣, саб̣б̣абалиг̇ун̣тимам̣ ваа чаад̣̇зд̇ваа гад̇ам̣ сагадависзсам̣ ваяханд̇и вад̣̇анд̇и. нааваасан̇гхаадам̣ б̣анд̇хид̇ваад̇и зд̇т̇а нааваад̇и бод̇о. со хи орад̇о баарам̣ бад̇ад̇и г̇ажчад̇ийд̇и бод̇о, сад̇д̇з нзд̇ийд̇и нааваад̇и жа вужжад̇и. згад̇о сан̇гхадид̇аа нааваа нааваасан̇гхаадам̣, д̇ат̇аа д̇ам̣ б̣анд̇хид̇ваад̇и ад̇т̇о.

    Chaṇavesanti tuṭṭhijananavesaṃ, ussavavesanti attho. Paṭiyādesunti ‘‘āgatakāle cīvarādīnaṃ pariyesanaṃ bhāriya’’nti paṭhamameva pattacīvarāni sampādesuṃ. Padhānagharanti bhāvanānuyogavasena vīriyārambhassa anurūpaṃ vivittasenāsanaṃ. Sopīti rañño bhāgineyyaṃ sandhāya vuttaṃ. Anupabbajitoti uḷāravibhavena khattiyajanena anugantvā pabbajito. Gantvāti iddhiyā gantvā. Kusalādhippāyoti manāpajjhāsayo. Dveḷhakajātoti ‘‘ime bhikkhū na ekamaggena kathentī’’ti saṃsayamāpanno. Ekekaṃ bhikkhusahassaparivāranti ekekassa ekekasahassaparicchinnaṃ bhikkhuparivārañca. Gaṇhitvā āgacchathāti vuttepi ‘‘sāsanaṃ paggaṇhituṃ samattho’’ti vuttattā therā bhikkhū ‘‘dhammakamma’’nti maññamānā gatā. Īdisesu hi ṭhānesu kukkuccaṃ na kātabbaṃ. Kappiyasāsanañhetaṃ na gihikammapaṭisaṃyuttaṃ. Thero nāgacchīti kiñcāpi ‘‘rājā pakkosatī’’ti vuttepi dhammakammatthāya āgantuṃ vaṭṭati, dvikkhattuṃ pana pesitepi na āgato kira. Thero hi sabbattha vikhyātavasena sambhāvanuppattito sambhāvitassa ca uddhaṃ kattabbakiccasiddhito asāruppavacanalesena na āgacchīti. Mahallako nu kho bhante theroti kiñcāpi rājā theraṃ diṭṭhapubbo, nāmaṃ pana sallakkhetuṃ asakkonto evaṃ pucchīti vadanti. Vayhanti upari maṇḍapasadisaṃ padaracchannaṃ, sabbapaliguṇṭhimaṃ vā chādetvā kataṃ sakaṭavisesaṃ vayhanti vadanti. Nāvāsaṅghāṭaṃ bandhitvāti ettha nāvāti poto. So hi orato pāraṃ patati gacchatīti poto, satte netīti nāvāti ca vuccati. Ekato saṅghaṭitā nāvā nāvāsaṅghāṭaṃ, tathā taṃ bandhitvāti attho.

    саасанабажжад̇т̇игаанам̣ б̣ахубхаавад̇о ааха ‘‘аарагкам̣ сам̣вид̇хааяаа’’д̇и. яанд̇и яасмаа, язна гааран̣знаад̇и ад̇т̇о. ‘‘ааг̇ум̣ на гарод̇ийд̇и нааг̇о’’д̇и (жуул̣ава. мзд̇д̇аг̇уумаан̣авабуужчаанид̣̇д̣̇зса 27) важанад̇о баабагаран̣аабхаавад̇о саман̣о ид̇ха нааг̇о наамаад̇и ман̃н̃амаанаа ‘‘зго д̇ам̣ махаарааж̇а саман̣анааг̇о д̣̇агкин̣ахад̇т̇з г̇ан̣хиссад̇ий’’д̇и б̣яаагарим̣су. аб̣б̣аахим̣сууд̇и аагад̣дхим̣су. ‘‘ран̃н̃о хад̇т̇аг̇г̇ахан̣ам̣ лийл̣аавасзна гад̇ам̣ вияа ход̇ийд̇и гасмаад̇иаад̣̇ижод̣̇анам̣ гад̇а’’нд̇и вад̣̇анд̇и. б̣аахирад̇од̇и уяяаанасса б̣аахирад̇о. бассанд̇аанам̣ ад̇ид̣̇уггарам̣ худ̇ваа бан̃н̃ааяад̇ийд̇и ааха ‘‘бад̣̇зсабат̇авийгамбанам̣ д̣̇уггара’’нд̇и. ад̇хидтаанз банзд̇т̇а висум̣ д̣̇уггарад̇аа наама над̇т̇и. сиймам̣ аггамид̇ваад̇и анд̇осиймам̣ сиймааяа аб̣бханд̇арам̣ аггамид̇ваа. абхин̃н̃аабаад̣̇аганд̇и абхин̃н̃ааяа бад̇идтаабхууд̇ам̣. вигуб̣б̣анид̣̇д̇хияаа зва бадигкид̇д̇ад̇д̇аа бат̇авийжаланам̣ ад̇хидтахи. рат̇асса анд̇осиймааяа тид̇о баад̣̇ова жалийд̇и зд̇т̇а баад̣̇од̇и рат̇ажаггам̣ санд̇хааяа вуд̇д̇ам̣. д̇ан̃хи рат̇асса г̇аманагижжасаад̇ханад̇о баад̣̇асад̣̇исад̇д̇аа ид̇ха ‘‘баад̣̇о’’д̇и вуд̇д̇ам̣. сагкад̇ийд̇и сагкиссад̇и. зд̇амад̇т̇анд̇и винаа жзд̇анааяа баабасса асамбхавасан̇каад̇ам̣ ад̇т̇ам̣. жзд̇анааханд̇и зд̇т̇а ‘‘жзд̇анам̣ аха’’нд̇и бад̣̇ажчзд̣̇о гаад̇аб̣б̣о. жзд̇аяид̇ваад̇и жзд̇анам̣ бавад̇д̇аяид̇ваа. д̣̇ийбагад̇ид̇д̇ирод̇и ад̇д̇ано нисиннабхаавасса д̣̇ийбанад̇о звам̣лад̣̇д̇ханаамо д̇ид̇д̇иро. яам̣ аран̃н̃ам̣ нзд̇ваа саагун̣иго д̇асса сад̣̇д̣̇зна ааг̇ад̇ааг̇ад̇з д̇ид̇д̇ирз г̇ан̣хаад̇и.

    Sāsanapaccatthikānaṃ bahubhāvato āha ‘‘ārakkhaṃ saṃvidhāyā’’ti. Yanti yasmā, yena kāraṇenāti attho. ‘‘Āguṃ na karotīti nāgo’’ti (cūḷava. mettagūmāṇavapūcchāniddesa 27) vacanato pāpakaraṇābhāvato samaṇo idha nāgo nāmāti maññamānā ‘‘eko taṃ mahārāja samaṇanāgo dakkhiṇahatthe gaṇhissatī’’ti byākariṃsu. Abbāhiṃsūti ākaḍḍhiṃsu. ‘‘Rañño hatthaggahaṇaṃ līḷāvasena kataṃ viya hotīti kasmātiādicodanaṃ kata’’nti vadanti. Bāhiratoti uyyānassa bāhirato. Passantānaṃ atidukkaraṃ hutvā paññāyatīti āha ‘‘padesapathavīkampanaṃ dukkara’’nti. Adhiṭṭhāne panettha visuṃ dukkaratā nāma natthi. Sīmaṃ akkamitvāti antosīmaṃ sīmāya abbhantaraṃ akkamitvā. Abhiññāpādakanti abhiññāya patiṭṭhābhūtaṃ. Vikubbaniddhiyā eva paṭikkhittattā pathavīcalanaṃ adhiṭṭhahi. Rathassa antosīmāya ṭhito pādova calīti ettha pādoti rathacakkaṃ sandhāya vuttaṃ. Tañhi rathassa gamanakiccasādhanato pādasadisattā idha ‘‘pādo’’ti vuttaṃ. Sakkhatīti sakkhissati. Etamatthanti vinā cetanāya pāpassa asambhavasaṅkhātaṃ atthaṃ. Cetanāhanti ettha ‘‘cetanaṃ aha’’nti padacchedo kātabbo. Cetayitvāti cetanaṃ pavattayitvā. Dīpakatittiroti attano nisinnabhāvassa dīpanato evaṃladdhanāmo tittiro. Yaṃ araññaṃ netvā sākuṇiko tassa saddena āgatāgate tittire gaṇhāti.

    д̇аабасам̣ бужчийд̇и ад̇ийд̇з гира згасмим̣ бажжанд̇аг̇аамз зго саагун̣иго згам̣ д̣̇ийбагад̇ид̇д̇ирам̣ г̇ахзд̇ваа судту сигкаабзд̇ваа бан̃ж̇арз багкибид̇ваа бадиж̇аг̇г̇ад̇и. со д̇ам̣ аран̃н̃ам̣ нзд̇ваа д̇асса сад̣̇д̣̇зна ааг̇ад̇ааг̇ад̇з д̇ид̇д̇ирз г̇ан̣хаад̇и. д̇ид̇д̇иро ‘‘мам̣ ниссааяа б̣ахуу мама н̃аад̇агаа нассанд̇и, маяхзд̇ам̣ бааба’’нд̇и ниссад̣̇д̣̇о ахоси. со д̇асса ниссад̣̇д̣̇абхаавам̣ н̃ад̇ваа взл̣убзсигааяа д̇ам̣ сийсз бахарад̇и. д̇ид̇д̇иро д̣̇угкаад̇урад̇ааяа сад̣̇д̣̇ам̣ гарод̇и. звам̣ со саагун̣иго д̇ам̣ ниссааяа д̇ид̇д̇ирз г̇ахзд̇ваа ж̇ийвигам̣ габбзси. ат̇а со д̇ид̇д̇иро жинд̇зси ‘‘имз маранд̇ууд̇и маяхам̣ жзд̇анаа над̇т̇и, бадижжа гаммам̣ бана мам̣ пусад̇и. маяи сад̣̇д̣̇ам̣ агаронд̇з хи зд̇з нааг̇ажчанд̇и, гаронд̇зязвааг̇ажчанд̇и, ааг̇ад̇ааг̇ад̇з аяам̣ г̇ахзд̇ваа ж̇ийвид̇агкаяам̣ баабзд̇и, ад̇т̇и ну ко зд̇т̇а маяхам̣ баабам̣, над̇т̇ий’’д̇и. со д̇ад̇о бадтааяа ‘‘го ну ко мз имам̣ ган̇кам̣ чинд̣̇зяяаа’’д̇и д̇ат̇ааруубам̣ бан̣д̣ид̇ам̣ убад̇хаарзнд̇о жарад̇и. ат̇згад̣̇ивасам̣ со саагун̣иго б̣ахугз д̇ид̇д̇ирз г̇ахзд̇ваа бажчим̣ буурзд̇ваа ‘‘баанийяам̣ бивиссаамий’’д̇и б̣од̇хисад̇д̇асса д̇аабасабаб̣б̣аж̇ж̇ааяа баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зд̇ваа аран̃н̃з васанд̇асса ассамам̣ г̇анд̇ваа д̇ам̣ бан̃ж̇арам̣ б̣од̇хисад̇д̇асса санд̇игз табзд̇ваа баанийяам̣ бивид̇ваа ваалигаад̇алз нибанно нид̣̇д̣̇ам̣ оггами. д̇ид̇д̇иро д̇асса нид̣̇д̣̇амогганд̇абхаавам̣ н̃ад̇ваа ‘‘мама ган̇кам̣ имам̣ д̇аабасам̣ бужчиссаами, ж̇аананд̇о мз гат̇зссад̇ий’’д̇и бан̃ж̇арз нисинноязва –

    Tāpasaṃ pucchīti atīte kira ekasmiṃ paccantagāme eko sākuṇiko ekaṃ dīpakatittiraṃ gahetvā suṭṭhu sikkhāpetvā pañjare pakkhipitvā paṭijaggati. So taṃ araññaṃ netvā tassa saddena āgatāgate tittire gaṇhāti. Tittiro ‘‘maṃ nissāya bahū mama ñātakā nassanti, mayhetaṃ pāpa’’nti nissaddo ahosi. So tassa nissaddabhāvaṃ ñatvā veḷupesikāya taṃ sīse paharati. Tittiro dukkhāturatāya saddaṃ karoti. Evaṃ so sākuṇiko taṃ nissāya tittire gahetvā jīvikaṃ kappesi. Atha so tittiro cintesi ‘‘ime marantūti mayhaṃ cetanā natthi, paṭicca kammaṃ pana maṃ phusati. Mayi saddaṃ akaronte hi ete nāgacchanti, karonteyevāgacchanti, āgatāgate ayaṃ gahetvā jīvitakkhayaṃ pāpeti, atthi nu kho ettha mayhaṃ pāpaṃ, natthī’’ti. So tato paṭṭhāya ‘‘ko nu kho me imaṃ kaṅkhaṃ chindeyyā’’ti tathārūpaṃ paṇḍitaṃ upadhārento carati. Athekadivasaṃ so sākuṇiko bahuke tittire gahetvā pacchiṃ pūretvā ‘‘pānīyaṃ pivissāmī’’ti bodhisattassa tāpasapabbajjāya pabbajitvā jhānābhiññāyo nibbattetvā araññe vasantassa assamaṃ gantvā taṃ pañjaraṃ bodhisattassa santike ṭhapetvā pānīyaṃ pivitvā vālikātale nipanno niddaṃ okkami. Tittiro tassa niddamokkantabhāvaṃ ñatvā ‘‘mama kaṅkhaṃ imaṃ tāpasaṃ pucchissāmi, jānanto me kathessatī’’ti pañjare nisinnoyeva –

    ‘‘н̃аад̇аго но нисиннод̇и, б̣аху ааг̇ажчад̇з ж̇ано;

    ‘‘Ñātako no nisinnoti, bahu āgacchate jano;

    бадижжа гаммам̣ пусад̇и, д̇асмим̣ мз сан̇гад̇з мано’’д̇и. (ж̇аа. 1.4.75) –

    Paṭicca kammaṃ phusati, tasmiṃ me saṅkate mano’’ti. (jā. 1.4.75) –

    д̇аабасам̣ бужчи. д̇ассад̇т̇о (ж̇аа. адта. 3.75) – бханд̇з, сажаахам̣ сад̣̇д̣̇ам̣ на гарзяяам̣, аяам̣ д̇ид̇д̇ираж̇ано на ааг̇ажчзяяа, маяи бана сад̣̇д̣̇ам̣ гаронд̇з ‘‘н̃аад̇аго но нисинно’’д̇и аяам̣ б̣ахуж̇ано ааг̇ажчад̇и, д̇ам̣ ааг̇ад̇ааг̇ад̇ам̣ луд̣̇д̣̇о г̇ахзд̇ваа ж̇ийвид̇агкаяам̣ баабзнд̇о мам̣ бадижжа мам̣ ниссааяа зд̇ам̣ баан̣аад̇ибаад̇агаммам̣ пусад̇и бадилабхад̇и винд̣̇ад̇и, д̇асмим̣ мам̣ бадижжа гад̇з баабз ‘‘мама ну ко зд̇ам̣ бааба’’нд̇и звам̣ мз мано сан̇гад̇и барисан̇гад̇и гуггужжам̣ аабаж̇ж̇ад̇ийд̇и.

    Tāpasaṃ pucchi. Tassattho (jā. aṭṭha. 3.75) – bhante, sacāhaṃ saddaṃ na kareyyaṃ, ayaṃ tittirajano na āgaccheyya, mayi pana saddaṃ karonte ‘‘ñātako no nisinno’’ti ayaṃ bahujano āgacchati, taṃ āgatāgataṃ luddo gahetvā jīvitakkhayaṃ pāpento maṃ paṭicca maṃ nissāya etaṃ pāṇātipātakammaṃ phusati paṭilabhati vindati, tasmiṃ maṃ paṭicca kate pāpe ‘‘mama nu kho etaṃ pāpa’’nti evaṃ me mano saṅkati parisaṅkati kukkuccaṃ āpajjatīti.

    на бадижжа гаммам̣ пусад̇ийд̇иаад̣̇игааяа бана д̇аабасзна вуд̇д̇аг̇аат̇ааяа аяамад̇т̇о – яад̣̇и д̇ава баабагирияааяа мано на бад̣̇уссад̇и, д̇аннинно д̇аббон̣о на ход̇и, звам̣ санд̇з луд̣̇д̣̇зна д̇ам̣ бадижжа гад̇амби баабагаммам̣ д̇ам̣ на пусад̇и на аллийяад̇и. баабагирияааяа хи аббоссуггасса нираалаяасса бхад̣̇расса барисуд̣̇д̇хасса сад̇о д̇ава баан̣аад̇ибаад̇ажзд̇анааяа абхааваа д̇ам̣ баабам̣ на убалимбад̇и, д̇ава жид̇д̇ам̣ на аллийяад̇ийд̇и.

    Na paṭicca kammaṃ phusatītiādikāya pana tāpasena vuttagāthāya ayamattho – yadi tava pāpakiriyāya mano na padussati, tanninno tappoṇo na hoti, evaṃ sante luddena taṃ paṭicca katampi pāpakammaṃ taṃ na phusati na allīyati. Pāpakiriyāya hi appossukkassa nirālayassa bhadrassa parisuddhassa sato tava pāṇātipātacetanāya abhāvā taṃ pāpaṃ na upalimpati, tava cittaṃ na allīyatīti.

    самаяам̣ уг̇г̇ан̣хаабзсийд̇и ад̇д̇ано саммаасамб̣уд̣̇д̇хасса лад̣̇д̇хим̣ уг̇г̇ан̣хаабзси. саан̣ибаагаарам̣ баригкибаабзд̇ваад̇и зд̇т̇а саан̣ибаагааранд̇и гаран̣ад̇т̇з убаяог̇аважанам̣, ад̇д̇аанан̃жа т̇зран̃жа яат̇аа д̇з бхигкуу на бассанд̇и, звам̣ саан̣ибаагаарзна саманд̇ад̇о баригкибаабзд̇ваад̇и ад̇т̇о, саан̣ибаагаарам̣ ваа саманд̇ад̇о баригкибаабзд̇ваад̇и звамзд̇т̇а ад̇т̇о г̇ахзд̇аб̣б̣о. саан̣ибаагааранд̇арзд̇и саан̣ибаагаарасса аб̣бханд̇арз. згалад̣̇д̇хигзд̇и самааналад̣̇д̇хигз. гим̣ вад̣̇ад̇и сийлзнаад̇и гим̣ваад̣̇ий. ат̇а ваа го гад̇амо ваад̣̇о гим̣ваад̣̇о, со зд̇асса ад̇т̇ийд̇и гим̣ваад̣̇ий. сассад̇ам̣ ад̇д̇аанан̃жа логан̃жа вад̣̇анд̇и бан̃н̃абзнд̇и сийлзнаад̇и сассад̇аваад̣̇ино. ат̇а ваа вад̣̇анд̇и зд̇знаад̇и ваад̣̇о, д̣̇идтияаа зд̇ам̣ ад̇хиважанам̣. сассад̇о ваад̣̇о сассад̇аваад̣̇о, со зд̇зсам̣ ад̇т̇ийд̇и сассад̇аваад̣̇ино, сассад̇ад̣̇идтинод̇и ад̇т̇о. ат̇а сассад̇о ваад̣̇о зд̇зсамад̇т̇ийд̇и гасмаа вуд̇д̇ам̣, д̇зсан̃хи ад̇д̇аа лого жа сассад̇од̇и ад̇хиббзд̇о, на ваад̣̇од̇и? сажжамзд̇ам̣. сассад̇асахажарид̇ад̇ааяа бана ваад̣̇оби сассад̇од̇и вуд̇д̇о яат̇аа ‘‘гунд̇аа бажаранд̇ий’’д̇и. сассад̇од̇и ваад̣̇о зд̇зсанд̇и ваа ид̇исад̣̇д̣̇алобо д̣̇адтаб̣б̣о. яз руубаад̣̇ийсу ан̃н̃ад̇арам̣ ад̇д̇аад̇и жа логод̇и жа г̇ахзд̇ваа д̇ам̣ сассад̇ам̣ амад̇ам̣ нижжам̣ д̇хувам̣ бан̃н̃абзнд̇и, д̇з сассад̇аваад̣̇инод̇и взд̣̇ид̇аб̣б̣аа. вуд̇д̇ан̃хзд̇ам̣ нид̣̇д̣̇зсз бадисамбхид̣̇ааяан̃жа –

    Samayaṃ uggaṇhāpesīti attano sammāsambuddhassa laddhiṃ uggaṇhāpesi. Sāṇipākāraṃ parikkhipāpetvāti ettha sāṇipākāranti karaṇatthe upayogavacanaṃ, attānañca therañca yathā te bhikkhū na passanti, evaṃ sāṇipākārena samantato parikkhipāpetvāti attho, sāṇipākāraṃ vā samantato parikkhipāpetvāti evamettha attho gahetabbo. Sāṇipākārantareti sāṇipākārassa abbhantare. Ekaladdhiketi samānaladdhike. Kiṃ vadati sīlenāti kiṃvādī. Atha vā ko katamo vādo kiṃvādo, so etassa atthīti kiṃvādī. Sassataṃ attānañca lokañca vadanti paññapenti sīlenāti sassatavādino. Atha vā vadanti etenāti vādo, diṭṭhiyā etaṃ adhivacanaṃ. Sassato vādo sassatavādo, so etesaṃ atthīti sassatavādino, sassatadiṭṭhinoti attho. Atha sassato vādo etesamatthīti kasmā vuttaṃ, tesañhi attā loko ca sassatoti adhippeto, na vādoti? Saccametaṃ. Sassatasahacaritatāya pana vādopi sassatoti vutto yathā ‘‘kuntā pacarantī’’ti. Sassatoti vādo etesanti vā itisaddalopo daṭṭhabbo. Ye rūpādīsu aññataraṃ attāti ca lokoti ca gahetvā taṃ sassataṃ amataṃ niccaṃ dhuvaṃ paññapenti, te sassatavādinoti veditabbā. Vuttañhetaṃ niddese paṭisambhidāyañca –

    ‘‘руубам̣ ад̇д̇аа жзва лого жа сассад̇о жаад̇и ад̇д̇аанан̃жа логан̃жа бан̃н̃абзнд̇и. взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇аа жзва лого жа сассад̇о жаад̇и ад̇д̇аанан̃жа логан̃жа бан̃н̃абзнд̇ий’’д̇и.

    ‘‘Rūpaṃ attā ceva loko ca sassato cāti attānañca lokañca paññapenti. Vedanaṃ… saññaṃ… saṅkhāre… viññāṇaṃ attā ceva loko ca sassato cāti attānañca lokañca paññapentī’’ti.

    аяан̃жа ад̇т̇о ‘‘руубам̣ ад̇д̇ад̇о саманубассад̇и, взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ий’’д̇и имиссаа бан̃жавид̇хааяа саггааяад̣̇идтияаа васзна вуд̇д̇о. ‘‘руубаванд̇ам̣ ад̇д̇аана’’нд̇иаад̣̇игааяа бана бан̃жад̣̇асавид̇хааяа саггааяад̣̇идтияаа васзна жад̇д̇ааро жад̇д̇ааро канд̇хз ‘‘ад̇д̇аа’’д̇и г̇ахзд̇ваа д̇ад̣̇ан̃н̃о логод̇и бан̃н̃абзнд̇ийд̇и аяан̃жа ад̇т̇о лаб̣бхад̇и. д̇ат̇аа згам̣ канд̇хам̣ ‘‘ад̇д̇аа’’д̇и г̇ахзд̇ваа ан̃н̃о ад̇д̇ано убабхог̇абхууд̇о логод̇и, сасанд̇ад̇ибад̇ид̇з ваа канд̇хз ‘‘ад̇д̇аа’’д̇и г̇ахзд̇ваа д̇ад̣̇ан̃н̃о логод̇и бан̃н̃абзнд̇ийд̇и звамзд̇т̇а ад̇т̇о взд̣̇ид̇аб̣б̣о. сад̇д̇зсу сан̇каарзсу ваа згажжам̣ сассад̇ам̣ зд̇ассаад̇и згажжасассад̇о, згажжасассад̇аваад̣̇о. со зд̇зсамад̇т̇ийд̇и згажжасассад̇игаа, згажжасассад̇аваад̣̇ино. д̇з д̣̇увид̇хаа хонд̇и сад̇д̇згажжасассад̇игаа сан̇каарзгажжасассад̇игаад̇и . д̇ад̇т̇а ‘‘иссаро нижжо, ан̃н̃з сад̇д̇аа анижжаа’’д̇и звам̣ бавад̇д̇аваад̣̇аа сад̇д̇згажжасассад̇игаа сзяяат̇ааби иссараваад̣̇аа. ‘‘нижжо б̣рахмаа, ан̃н̃з сад̇д̇аа анижжаа’’д̇и звам̣ бавад̇д̇аваад̣̇ааби сад̇д̇згажжасассад̇игаад̇и взд̣̇ид̇аб̣б̣аа. ‘‘барамаан̣аво нижжаа, д̣̇виан̣угаад̣̇аяо анижжаа’’д̇и звам̣ бавад̇д̇аваад̣̇аа сан̇каарзгажжасассад̇игаа сзяяат̇ааби ган̣аад̣̇аваад̣̇аад̣̇аяо. ‘‘жагкаад̣̇аяо анижжаа, вин̃н̃аан̣ам̣ нижжа’’нд̇и звам̣ваад̣̇иноби сан̇каарзгажжасассад̇игаад̇и взд̣̇ид̇аб̣б̣аа.

    Ayañca attho ‘‘rūpaṃ attato samanupassati, vedanaṃ… saññaṃ… saṅkhāre… viññāṇaṃ attato samanupassatī’’ti imissā pañcavidhāya sakkāyadiṭṭhiyā vasena vutto. ‘‘Rūpavantaṃ attāna’’ntiādikāya pana pañcadasavidhāya sakkāyadiṭṭhiyā vasena cattāro cattāro khandhe ‘‘attā’’ti gahetvā tadañño lokoti paññapentīti ayañca attho labbhati. Tathā ekaṃ khandhaṃ ‘‘attā’’ti gahetvā añño attano upabhogabhūto lokoti, sasantatipatite vā khandhe ‘‘attā’’ti gahetvā tadañño lokoti paññapentīti evamettha attho veditabbo. Sattesu saṅkhāresu vā ekaccaṃ sassataṃ etassāti ekaccasassato, ekaccasassatavādo. So etesamatthīti ekaccasassatikā, ekaccasassatavādino. Te duvidhā honti sattekaccasassatikā saṅkhārekaccasassatikāti . Tattha ‘‘issaro nicco, aññe sattā aniccā’’ti evaṃ pavattavādā sattekaccasassatikā seyyathāpi issaravādā. ‘‘Nicco brahmā, aññe sattā aniccā’’ti evaṃ pavattavādāpi sattekaccasassatikāti veditabbā. ‘‘Paramāṇavo niccā, dviaṇukādayo aniccā’’ti evaṃ pavattavādā saṅkhārekaccasassatikā seyyathāpi kaṇādavādādayo. ‘‘Cakkhādayo aniccā, viññāṇaṃ nicca’’nti evaṃvādinopi saṅkhārekaccasassatikāti veditabbā.

    нану ‘‘згажжз д̇хаммаа сассад̇аа, згажжз асассад̇аа’’д̇и зд̇асмим̣ ваад̣̇з жагкаад̣̇ийнам̣ асассад̇абхаавасаннидтаанам̣ яат̇аасабхаавааваб̣од̇хо зва, д̇аяид̣̇ам̣ гат̇ам̣ мижчаад̣̇ассананд̇и? го ваа звамааха – ‘‘жагкаад̣̇ийнам̣ асассад̇абхаавасаннидтаанам̣ мижчаад̣̇ассана’’нд̇и, асассад̇зсуязва бана гзсан̃жи д̇хаммаанам̣ сассад̇абхааваабхинивзсо ид̇ха мижчаад̣̇ассанам̣. д̇зна бана згаваарз бавад̇д̇амаанзна жагкаад̣̇ийнам̣ асассад̇абхаавааваб̣од̇хо вид̣̇уусид̇о сам̣садтабхаавад̇о, висасам̣садто вияа саб̣б̣о саббиман̣д̣о сагижжагаран̣аасамад̇т̇ад̇ааяа саммаад̣̇ассанабагкз табзд̇аб̣б̣ад̇ам̣ наарахад̇ийд̇и. асассад̇абхаавзна нижчид̇ааби ваа жагкуаад̣̇аяо самааробид̇аж̇ийвасабхааваа зва д̣̇идтиг̇ад̇игзхи г̇аяханд̇ийд̇и д̇ад̣̇аваб̣од̇хасса мижчаад̣̇ассанабхааво на саггаа ниваарзд̇ум̣. зван̃жа гад̇ваа асан̇кад̇ааяа жа сан̇кад̇ааяа жа д̇хаад̇уяаа васзна яат̇ааггамам̣ згажжз д̇хаммаа сассад̇аа, згажжз асассад̇аад̇и звам̣ бавад̇д̇о вибхаж̇ж̇аваад̣̇оби згажжасассад̇аваад̣̇о аабаж̇ж̇ад̇ийд̇и звам̣багаараа жод̣̇анаа анавагаасаа ход̇и авибарийд̇ад̇хаммасабхаавасамбадибад̇д̇ибхаавад̇о. гааман̃жзд̇т̇а буримасассад̇аваад̣̇зби асассад̇аанам̣ д̇хаммаанам̣ сассад̇аад̇и г̇ахан̣ам̣ висзсад̇о мижчаад̣̇ассанам̣, сассад̇аанам̣ бана сассад̇аад̇и г̇аахо на мижчаад̣̇ассанам̣ яат̇аасабхааваг̇г̇ахан̣абхаавад̇о. асассад̇зсуязва бана гзжид̣̇зва д̇хаммаа сассад̇аад̇и г̇ахзд̇аб̣б̣ад̇хаммзсу вибхааг̇аббавад̇д̇ияаа имасса ваад̣̇асса ваад̣̇анд̇арад̇аа вуд̇д̇аа. на жзд̇т̇а самуд̣̇ааяанд̇ог̇ад̇хад̇д̇аа згад̣̇зсасса саббад̣̇зсасассад̇аг̇г̇аахо ниббад̣̇зсасассад̇аг̇г̇аахз самод̇хаанам̣ г̇ажчад̇ийд̇и саггаа вад̇д̇ум̣ ваад̣̇ид̇аб̣б̣исаяависзсавасзна ваад̣̇ад̣̇ваяасса бавад̇д̇ад̇д̇аа. ан̃н̃з зва хи д̣̇идтиг̇ад̇игаа ‘‘саб̣б̣з д̇хаммаа сассад̇аа’’д̇и абхинивидтаа, ан̃н̃з згажжасассад̇аад̇и сан̇каараанам̣ анавасзсабарияаад̣̇аанам̣ згад̣̇зсабариг̇г̇ахо жа ваад̣̇ад̣̇ваяасса бариб̣яад̇д̇оязваад̇и.

    Nanu ‘‘ekacce dhammā sassatā, ekacce asassatā’’ti etasmiṃ vāde cakkhādīnaṃ asassatabhāvasanniṭṭhānaṃ yathāsabhāvāvabodho eva, tayidaṃ kathaṃ micchādassananti? Ko vā evamāha – ‘‘cakkhādīnaṃ asassatabhāvasanniṭṭhānaṃ micchādassana’’nti, asassatesuyeva pana kesañci dhammānaṃ sassatabhāvābhiniveso idha micchādassanaṃ. Tena pana ekavāre pavattamānena cakkhādīnaṃ asassatabhāvāvabodho vidūsito saṃsaṭṭhabhāvato, visasaṃsaṭṭho viya sabbo sappimaṇḍo sakiccakaraṇāsamatthatāya sammādassanapakkhe ṭhapetabbataṃ nārahatīti. Asassatabhāvena nicchitāpi vā cakkhuādayo samāropitajīvasabhāvā eva diṭṭhigatikehi gayhantīti tadavabodhassa micchādassanabhāvo na sakkā nivāretuṃ. Evañca katvā asaṅkhatāya ca saṅkhatāya ca dhātuyā vasena yathākkamaṃ ekacce dhammā sassatā, ekacce asassatāti evaṃ pavatto vibhajjavādopi ekaccasassatavādo āpajjatīti evaṃpakārā codanā anavakāsā hoti aviparītadhammasabhāvasampaṭipattibhāvato. Kāmañcettha purimasassatavādepi asassatānaṃ dhammānaṃ sassatāti gahaṇaṃ visesato micchādassanaṃ, sassatānaṃ pana sassatāti gāho na micchādassanaṃ yathāsabhāvaggahaṇabhāvato. Asassatesuyeva pana kecideva dhammā sassatāti gahetabbadhammesu vibhāgappavattiyā imassa vādassa vādantaratā vuttā. Na cettha samudāyantogadhattā ekadesassa sappadesasassataggāho nippadesasassataggāhe samodhānaṃ gacchatīti sakkā vattuṃ vāditabbisayavisesavasena vādadvayassa pavattattā. Aññe eva hi diṭṭhigatikā ‘‘sabbe dhammā sassatā’’ti abhiniviṭṭhā, aññe ekaccasassatāti saṅkhārānaṃ anavasesapariyādānaṃ ekadesapariggaho ca vādadvayassa paribyattoyevāti.

    анд̇аананд̇игаад̇и зд̇т̇а амад̇и г̇ажчад̇и зд̇т̇а сабхааво осаананд̇и анд̇о, марияаад̣̇аа. д̇аббадисзд̇хзна ананд̇о. гасса банааяам̣ анд̇аананд̇од̇и? логийяад̇и сам̣саараниссаран̣ад̇т̇игзхи д̣̇идтиг̇ад̇игзхи, логийяад̇и ваа зд̇т̇а д̇зхи бун̃н̃аабун̃н̃ам̣ д̇аб̣б̣ибааго жаад̇и логод̇и сан̇кяам̣ г̇ад̇асса бадибхааг̇анимид̇д̇аад̣̇исабхаавасса ад̇д̇ано. анд̇о жа ананд̇о жа анд̇аананд̇о жа нзванд̇анаананд̇о жаад̇и анд̇аананд̇о сааман̃н̃анид̣̇д̣̇зсзна, згасзсзна ваа ‘‘наамаруубабажжаяаа сал̣ааяад̇ана’’нд̇иаад̣̇ийсу вияа. анд̇аананд̇асахажарид̇о ваад̣̇о анд̇аананд̇о яат̇аа ‘‘гунд̇аа бажаранд̇ий’’д̇и. анд̇аананд̇асанниссаяо ваа яат̇аа ‘‘ман̃жаа уггудтим̣ гаронд̇ий’’д̇и. со зд̇зсамад̇т̇ийд̇и анд̇аананд̇игаа, анд̇аананд̇аваад̣̇ино. ‘‘анд̇аваа аяам̣ лого, ананд̇о аяам̣ лого, анд̇аваа жа аяам̣ лого ананд̇о жа, нзвааяам̣ лого анд̇аваа на банаананд̇о’’д̇и звам̣ анд̇ам̣ ваа ананд̇ам̣ ваа анд̇аананд̇ам̣ ваа нзванд̇анаананд̇ам̣ ваа аараб̣бха бавад̇д̇аваад̣̇аад̇и ад̇т̇о. жад̇уб̣б̣ид̇хаа хи анд̇аананд̇аваад̣̇ино анд̇аваад̣̇ий ананд̇аваад̣̇ий анд̇аананд̇аваад̣̇ий нзванд̇анаананд̇аваад̣̇ийд̇и. д̇ат̇аа хи гожи бадибхааг̇анимид̇д̇ам̣ жаггаваал̣абарияанд̇ам̣ авад̣дхзд̇ваа д̇ам̣ ‘‘лого’’д̇и г̇ахзд̇ваа анд̇асан̃н̃ий логасмим̣ ход̇и. жаггаваал̣абарияанд̇ам̣ гад̇ваа вад̣дхид̇агасин̣з бана ананд̇асан̃н̃ий ход̇и. уд̣̇д̇хамад̇хо авад̣дхзд̇ваа бана д̇ирияам̣ вад̣дхзд̇ваа уд̣̇д̇хамад̇хо анд̇асан̃н̃ий д̇ирияам̣ ананд̇асан̃н̃ий ход̇и. гожи бана яасмаа логасан̃н̃ид̇о ад̇д̇аа ад̇хиг̇ад̇ависзсзхи махзсийхи гад̣̇аажи ананд̇о сагкид̣̇идто анусуяяад̇и, д̇асмаа нзванд̇аваа. яасмаа бана д̇зхиязва гад̣̇аажи анд̇аваа сагкид̣̇идто анусуяяад̇и, д̇асмаа на бана ананд̇од̇и звам̣ нзванд̇анаананд̇асан̃н̃ий логасмим̣ ход̇и. гзжи бана яад̣̇и банааяам̣ ад̇д̇аа анд̇аваасияаа, д̣̇уурад̣̇зсз убабаж̇ж̇амаанаануссаран̣аад̣̇игижжанибпад̇д̇и на сияаа. ат̇а ананд̇о ид̇ха тид̇асса д̣̇звалоганираяаад̣̇ийсу сукад̣̇угкаанубхаванамби сияаа. сажз бана анд̇аваа жа ананд̇о жа, д̇ад̣̇убхаяабадисзд̇хад̣̇осасамааяог̇о, д̇асмаа анд̇аваа ананд̇од̇и жа аб̣яаагаран̣ийяо ад̇д̇аад̇и звам̣ д̇агганавасзна нзванд̇анаананд̇асан̃н̃ий ход̇ийд̇и ван̣н̣аяанд̇и.

    Antānantikāti ettha amati gacchati ettha sabhāvo osānanti anto, mariyādā. Tappaṭisedhena ananto. Kassa panāyaṃ antānantoti? Lokīyati saṃsāranissaraṇatthikehi diṭṭhigatikehi, lokīyati vā ettha tehi puññāpuññaṃ tabbipāko cāti lokoti saṅkhyaṃ gatassa paṭibhāganimittādisabhāvassa attano. Anto ca ananto ca antānanto ca nevantanānanto cāti antānanto sāmaññaniddesena, ekasesena vā ‘‘nāmarūpapaccayā saḷāyatana’’ntiādīsu viya. Antānantasahacarito vādo antānanto yathā ‘‘kuntā pacarantī’’ti. Antānantasannissayo vā yathā ‘‘mañcā ukkuṭṭhiṃ karontī’’ti. So etesamatthīti antānantikā, antānantavādino. ‘‘Antavā ayaṃ loko, ananto ayaṃ loko, antavā ca ayaṃ loko ananto ca, nevāyaṃ loko antavā na panānanto’’ti evaṃ antaṃ vā anantaṃ vā antānantaṃ vā nevantanānantaṃ vā ārabbha pavattavādāti attho. Catubbidhā hi antānantavādino antavādī anantavādī antānantavādī nevantanānantavādīti. Tathā hi koci paṭibhāganimittaṃ cakkavāḷapariyantaṃ avaḍḍhetvā taṃ ‘‘loko’’ti gahetvā antasaññī lokasmiṃ hoti. Cakkavāḷapariyantaṃ katvā vaḍḍhitakasiṇe pana anantasaññī hoti. Uddhamadho avaḍḍhetvā pana tiriyaṃ vaḍḍhetvā uddhamadho antasaññī tiriyaṃ anantasaññī hoti. Koci pana yasmā lokasaññito attā adhigatavisesehi mahesīhi kadāci ananto sakkhidiṭṭho anusuyyati, tasmā nevantavā. Yasmā pana tehiyeva kadāci antavā sakkhidiṭṭho anusuyyati, tasmā na pana anantoti evaṃ nevantanānantasaññī lokasmiṃ hoti. Keci pana yadi panāyaṃ attā antavāsiyā, dūradese upapajjamānānussaraṇādikiccanipphatti na siyā. Atha ananto idha ṭhitassa devalokanirayādīsu sukhadukkhānubhavanampi siyā. Sace pana antavā ca ananto ca, tadubhayapaṭisedhadosasamāyogo, tasmā antavā anantoti ca abyākaraṇīyo attāti evaṃ takkanavasena nevantanānantasaññī hotīti vaṇṇayanti.

    зд̇т̇а жа яуд̇д̇ам̣ д̇аава буримаанам̣ д̇ин̣н̣ам̣ ваад̣̇ийнам̣ анд̇ан̃жа ананд̇ан̃жа анд̇аананд̇ан̃жа аараб̣бха бавад̇д̇аваад̣̇ад̇д̇аа анд̇аананд̇игад̇д̇ам̣, бажчимасса бана д̇ад̣̇убхаяабадисзд̇ханавасзна бавад̇д̇аваад̣̇ад̇д̇аа гат̇ам̣ анд̇аананд̇игад̇д̇анд̇и? д̇ад̣̇убхаяабадисзд̇ханавасзна бавад̇д̇аваад̣̇ад̇д̇аа зва. яасмаа анд̇аананд̇абаасзд̇хаваад̣̇оби анд̇аананд̇ависаяо зва д̇ам̣ аараб̣бха бавад̇д̇ад̇д̇аа. зд̇ад̣̇ад̇т̇амзва хи аараб̣бха ‘‘бавад̇д̇аваад̣̇аа’’д̇и хздтаа вуд̇д̇ам̣, звам̣ санд̇зби яуд̇д̇ам̣ д̇аава бажчимаваад̣̇ад̣̇ваяасса анд̇аананд̇игад̇д̇ам̣, анд̇аананд̇аанам̣ васзна убхаяависаяад̇д̇аа зд̇зсам̣ ваад̣̇асса, буримаваад̣̇ад̣̇ваяасса бана гат̇ам̣ висум̣ анд̇аананд̇игад̇д̇анд̇и? убажааравуд̇д̇ияаа. самуд̣̇ид̇зсу хи анд̇аананд̇аваад̣̇зсу бавад̇д̇амаано анд̇аананд̇игасад̣̇д̣̇о д̇ад̇т̇а нирул̣хад̇ааяа бажжзгамби анд̇аананд̇аваад̣̇ийсу бавад̇д̇ад̇и яат̇аа аруубаж̇жхаанзсу бажжзгам̣ адтавимогкабарияааяо, яат̇аа жа логз сад̇д̇исаяод̇и.

    Ettha ca yuttaṃ tāva purimānaṃ tiṇṇaṃ vādīnaṃ antañca anantañca antānantañca ārabbha pavattavādattā antānantikattaṃ, pacchimassa pana tadubhayapaṭisedhanavasena pavattavādattā kathaṃ antānantikattanti? Tadubhayapaṭisedhanavasena pavattavādattā eva. Yasmā antānantapaasedhavādopi antānantavisayo eva taṃ ārabbha pavattattā. Etadatthameva hi ārabbha ‘‘pavattavādā’’ti heṭṭhā vuttaṃ, evaṃ santepi yuttaṃ tāva pacchimavādadvayassa antānantikattaṃ, antānantānaṃ vasena ubhayavisayattā etesaṃ vādassa, purimavādadvayassa pana kathaṃ visuṃ antānantikattanti? Upacāravuttiyā. Samuditesu hi antānantavādesu pavattamāno antānantikasaddo tattha niruḷhatāya paccekampi antānantavādīsu pavattati yathā arūpajjhānesu paccekaṃ aṭṭhavimokkhapariyāyo, yathā ca loke sattisayoti.

    амараавигкзбигаад̇и зд̇т̇а на марад̇и на убажчиж̇ж̇ад̇ийд̇и амараа. гаа саа? ‘‘званд̇иби мз но, д̇ат̇аад̇иби мз но, ан̃н̃ат̇аад̇иби мз но, нод̇иби мз но, но нод̇иби мз но’’д̇и (д̣̇ий. ни. 1.62) звам̣ бавад̇д̇аваад̣̇авасзна барияанд̇арахид̇аа д̣̇идтиг̇ад̇игасса д̣̇идти жзва ваажаа жа. ‘‘званд̇иби мз но’’д̇иаад̣̇инаа вивид̇хо наанаббагааро кзбо бараваад̣̇ийнам̣ кибанам̣ вигкзбо, амарааяа д̣̇идтияаа ваажааяа ваа вигкзбо амараавигкзбо, со зд̇зсамад̇т̇ийд̇и амараавигкзбигаа. ат̇а ваа амарааяа д̣̇идтияаа ваажааяа вигкибанд̇ийд̇и амараавигкзбино, амараавигкзбино зва амараавигкзбигаа. ат̇а ваа амараа наама мажчаж̇аад̇и, саа уммуж̇ж̇ананимуж̇ж̇анаад̣̇ивасзна уд̣̇агз санд̇хаавамаанаа г̇ахзд̇ум̣ на саггаа, звамзва аяамби ваад̣̇о згасмим̣ сабхаавз анавадтаанад̇о ид̇о жид̇о жа санд̇хаавад̇и, г̇аахам̣ на убаг̇ажчад̇ийд̇и амарааяа вигкзбо вияаад̇и амараавигкзбод̇и вужжад̇и. аяан̃хи амараавигкзбиго ‘‘ид̣̇ам̣ гусала’’нд̇и ваа ‘‘агусала’’нд̇и ваа будто на гин̃жи б̣яаагарод̇и. ‘‘ид̣̇ам̣ гусала’’нд̇и ваа будто ‘‘званд̇иби мз но’’д̇и вад̣̇ад̇и. д̇ад̇о ‘‘гим̣ агусала’’нд̇и вуд̇д̇з ‘‘д̇ат̇аад̇иби мз но’’д̇и вад̣̇ад̇и. ‘‘гим̣ убхаяад̇о ан̃н̃ат̇аа’’д̇иби вуд̇д̇з ‘‘ан̃н̃ат̇аад̇иби мз но’’д̇и вад̣̇ад̇и. д̇ад̇о ‘‘д̇ивид̇хзнаби на ход̇и, гим̣ д̇з лад̣̇д̇хий’’д̇и вуд̇д̇з ‘‘нод̇иби мз но’’д̇и вад̣̇ад̇и. д̇ад̇о ‘‘гим̣ но но д̇з лад̣̇д̇хий’’д̇и вуд̇д̇з ‘‘но нод̇иби мз но’’д̇и вад̣̇ад̇и. звам̣ вигкзбамзва аабаж̇ж̇ад̇и, згамзгасмимби багкз на д̇идтад̇и. д̇ад̇о ‘‘ад̇т̇и баро лого’’д̇иаад̣̇инаа будтоби звамзва вигкибад̇и, на згасмим̣ багкз д̇идтад̇и. со вуд̇д̇аббагааро амараавигкзбо зд̇зсамад̇т̇ийд̇и амараавигкзбигаа.

    Amarāvikkhepikāti ettha na marati na upacchijjatīti amarā. Kā sā? ‘‘Evantipi me no, tathātipi me no, aññathātipi me no, notipi me no, no notipi me no’’ti (dī. ni. 1.62) evaṃ pavattavādavasena pariyantarahitā diṭṭhigatikassa diṭṭhi ceva vācā ca. ‘‘Evantipi me no’’tiādinā vividho nānappakāro khepo paravādīnaṃ khipanaṃ vikkhepo, amarāya diṭṭhiyā vācāya vā vikkhepo amarāvikkhepo, so etesamatthīti amarāvikkhepikā. Atha vā amarāya diṭṭhiyā vācāya vikkhipantīti amarāvikkhepino, amarāvikkhepino eva amarāvikkhepikā. Atha vā amarā nāma macchajāti, sā ummujjananimujjanādivasena udake sandhāvamānā gahetuṃ na sakkā, evameva ayampi vādo ekasmiṃ sabhāve anavaṭṭhānato ito cito ca sandhāvati, gāhaṃ na upagacchatīti amarāya vikkhepo viyāti amarāvikkhepoti vuccati. Ayañhi amarāvikkhepiko ‘‘idaṃ kusala’’nti vā ‘‘akusala’’nti vā puṭṭho na kiñci byākaroti. ‘‘Idaṃ kusala’’nti vā puṭṭho ‘‘evantipi me no’’ti vadati. Tato ‘‘kiṃ akusala’’nti vutte ‘‘tathātipi me no’’ti vadati. ‘‘Kiṃ ubhayato aññathā’’tipi vutte ‘‘aññathātipi me no’’ti vadati. Tato ‘‘tividhenapi na hoti, kiṃ te laddhī’’ti vutte ‘‘notipi me no’’ti vadati. Tato ‘‘kiṃ no no te laddhī’’ti vutte ‘‘no notipi me no’’ti vadati. Evaṃ vikkhepameva āpajjati, ekamekasmimpi pakkhe na tiṭṭhati. Tato ‘‘atthi paro loko’’tiādinā puṭṭhopi evameva vikkhipati, na ekasmiṃ pakkhe tiṭṭhati. So vuttappakāro amarāvikkhepo etesamatthīti amarāvikkhepikā.

    нану жааяам̣ саб̣б̣оби амараавигкзбиго гусалаад̣̇аяо д̇хаммз баралогад̇т̇игаад̣̇ийни жа яат̇аабхууд̇ам̣ анаваб̣уж̇жхамаано д̇ад̇т̇а д̇ад̇т̇а бан̃хам̣ будто бужчааяа вигкзбанамад̇д̇ам̣ аабаж̇ж̇ад̇и, д̇асса гат̇ам̣ д̣̇идтиг̇ад̇игабхааво. на хи авад̇д̇угаамасса вияа бужчид̇ам̣ аж̇аананд̇асса вигкзбагаран̣амад̇д̇зна д̣̇идтиг̇ад̇игад̇аа яуд̇д̇аад̇и? вужжад̇з – на хзва ко бужчааяа вигкзбагаран̣амад̇д̇зна д̇асса д̣̇идтиг̇ад̇игад̇аа, ат̇а ко мижчаабхинивзсавасзна сассад̇аабхинивзсад̇о. мижчаабхинивидтоязва хи буг̇г̇ало манд̣̇аб̣уд̣̇д̇хид̇ааяа гусалаад̣̇ид̇хаммз баралогад̇т̇игаад̣̇ийни жа яаат̇аавад̇о асамбадибаж̇ж̇амаано ад̇д̇анаа авин̃н̃аад̇асса ад̇т̇асса барам̣ вин̃н̃аабзд̇ум̣ асаггун̣зяяад̇ааяа мусааваад̣̇аад̣̇ибхаязна жа вигкзбам̣ аабаж̇ж̇ад̇ийд̇и. д̇ат̇аа жа вуд̇д̇ам̣ ‘‘сад̇д̇зва ужчзд̣̇ад̣̇идтияо, сзсаа сассад̇ад̣̇идтияо’’д̇и. ат̇а ваа бун̃н̃абаабаанам̣ д̇аб̣б̣ибаагаанан̃жа анаваб̣од̇хзна асад̣̇д̣̇аханзна жа д̇аб̣б̣исаяааяа бужчааяа вигкзбагаран̣ам̣язва сунд̣̇аранд̇и канд̇им̣ ружим̣ уббаад̣̇зд̇ваа абхинивисанд̇асса уббаннаа висум̣язва жзсаа згаа д̣̇идти сад̇д̇абхан̇г̇ад̣̇идти вияаад̇и д̣̇адтаб̣б̣ам̣. д̇ад̇оязва жа вуд̇д̇ам̣ ‘‘барияанд̇арахид̇аа д̣̇идтиг̇ад̇игасса д̣̇идти жзва ваажаа жаа’’д̇и.

    Nanu cāyaṃ sabbopi amarāvikkhepiko kusalādayo dhamme paralokatthikādīni ca yathābhūtaṃ anavabujjhamāno tattha tattha pañhaṃ puṭṭho pucchāya vikkhepanamattaṃ āpajjati, tassa kathaṃ diṭṭhigatikabhāvo. Na hi avattukāmassa viya pucchitaṃ ajānantassa vikkhepakaraṇamattena diṭṭhigatikatā yuttāti? Vuccate – na heva kho pucchāya vikkhepakaraṇamattena tassa diṭṭhigatikatā, atha kho micchābhinivesavasena sassatābhinivesato. Micchābhiniviṭṭhoyeva hi puggalo mandabuddhitāya kusalādidhamme paralokatthikādīni ca yāthāvato asampaṭipajjamāno attanā aviññātassa atthassa paraṃ viññāpetuṃ asakkuṇeyyatāya musāvādādibhayena ca vikkhepaṃ āpajjatīti. Tathā ca vuttaṃ ‘‘satteva ucchedadiṭṭhiyo, sesā sassatadiṭṭhiyo’’ti. Atha vā puññapāpānaṃ tabbipākānañca anavabodhena asaddahanena ca tabbisayāya pucchāya vikkhepakaraṇaṃyeva sundaranti khantiṃ ruciṃ uppādetvā abhinivisantassa uppannā visuṃyeva cesā ekā diṭṭhi sattabhaṅgadiṭṭhi viyāti daṭṭhabbaṃ. Tatoyeva ca vuttaṃ ‘‘pariyantarahitā diṭṭhigatikassa diṭṭhi ceva vācā cā’’ti.

    ад̇хижжасамуббаннигаад̇и зд̇т̇а ад̇хижжа яад̣̇ижчагам̣ яам̣ гин̃жи гааран̣ам̣ винаа самуббанно ад̇д̇аа жа лого жаад̇и д̣̇ассанам̣ ад̇хижжасамуббаннам̣. ад̇д̇алогасан̃н̃ид̇аанан̃хи канд̇хаанам̣ ад̇хижжуббад̇д̇иаагаараарамман̣ам̣ д̣̇ассанам̣ д̇ад̣̇аагаарасанниссаяавасзна бавад̇д̇ид̇о д̇ад̣̇аагаарасахажарид̇ад̇ааяа жа ад̇хижжасамуббаннанд̇и вужжад̇и яат̇аа ‘‘ман̃жаа гхосанд̇и, гунд̇аа бажаранд̇ий’’д̇и жа. д̇ам̣ зд̇зсамад̇т̇ийд̇и ад̇хижжасамуббаннигаа.

    Adhiccasamuppannikāti ettha adhicca yadicchakaṃ yaṃ kiñci kāraṇaṃ vinā samuppanno attā ca loko cāti dassanaṃ adhiccasamuppannaṃ. Attalokasaññitānañhi khandhānaṃ adhiccuppattiākārārammaṇaṃ dassanaṃ tadākārasannissayavasena pavattito tadākārasahacaritatāya ca adhiccasamuppannanti vuccati yathā ‘‘mañcā ghosanti, kuntā pacarantī’’ti ca. Taṃ etesamatthīti adhiccasamuppannikā.

    сан̃н̃ийваад̣̇аад̇и сан̃н̃ий ваад̣̇о зд̇зсамад̇т̇ийд̇и сан̃н̃ийваад̣̇аа ‘‘б̣уд̣̇д̇хам̣ асса ад̇т̇ийд̇и б̣уд̣̇д̇хо’’д̇и яат̇аа. ат̇а ваа сан̃н̃ийд̇и бавад̇д̇о ваад̣̇о сан̃н̃ийсахажаран̣анаязна. сан̃н̃ий ваад̣̇о язсам̣ д̇з сан̃н̃ийваад̣̇аа. ‘‘руубий ад̇д̇аа ход̇и арог̇о барам̣ маран̣аа, сан̃н̃ийд̇и нам̣ бан̃н̃абзнд̇и, аруубий ад̇д̇аа ход̇и, руубий жа аруубий жа ад̇д̇аа ход̇и, нзва руубий нааруубий жа ад̇д̇аа ход̇и. анд̇аваа ад̇д̇аа ход̇и, ананд̇аваа ад̇д̇аа ход̇и, анд̇аваа жа ананд̇аваа жа ад̇д̇аа ход̇и, нзванд̇аваа наананд̇аваа ад̇д̇аа ход̇и. згад̇д̇асан̃н̃ий ад̇д̇аа ход̇и, наанад̇д̇асан̃н̃ий ад̇д̇аа ход̇и. барид̇д̇асан̃н̃ий ад̇д̇аа ход̇и, аббамаан̣асан̃н̃ий ад̇д̇аа ход̇и. зганд̇асукий ад̇д̇аа ход̇и, зганд̇ад̣̇угкий ад̇д̇аа ход̇и. сукад̣̇угкий ад̇д̇аа ход̇и, ад̣̇угкамасукий ад̇д̇аа ход̇и арог̇о барам̣ маран̣аа, сан̃н̃ийд̇и нам̣ бан̃н̃абзнд̇ий’’д̇и (д̣̇ий. ни. 1.76) звам̣ сол̣асавид̇хзна вибхад̇д̇аваад̣̇аанамзд̇ам̣ ад̇хиважанам̣.

    Saññīvādāti saññī vādo etesamatthīti saññīvādā ‘‘buddhaṃ assa atthīti buddho’’ti yathā. Atha vā saññīti pavatto vādo saññīsahacaraṇanayena. Saññī vādo yesaṃ te saññīvādā. ‘‘Rūpī attā hoti arogo paraṃ maraṇā, saññīti naṃ paññapenti, arūpī attā hoti, rūpī ca arūpī ca attā hoti, neva rūpī nārūpī ca attā hoti. Antavā attā hoti, anantavā attā hoti, antavā ca anantavā ca attā hoti, nevantavā nānantavā attā hoti. Ekattasaññī attā hoti, nānattasaññī attā hoti. Parittasaññī attā hoti, appamāṇasaññī attā hoti. Ekantasukhī attā hoti, ekantadukkhī attā hoti. Sukhadukkhī attā hoti, adukkhamasukhī attā hoti arogo paraṃ maraṇā, saññīti naṃ paññapentī’’ti (dī. ni. 1.76) evaṃ soḷasavidhena vibhattavādānametaṃ adhivacanaṃ.

    асан̃н̃ийваад̣̇аа нзвасан̃н̃ийнаасан̃н̃ийваад̣̇аа жа сан̃н̃ийваад̣̇з вуд̇д̇анаязнзва взд̣̇ид̇аб̣б̣аа. гзвалан̃хи ‘‘сан̃н̃ий ад̇д̇аа’’д̇и г̇ан̣ханд̇аанам̣ васзна сан̃н̃ийваад̣̇аа вуд̇д̇аа, ‘‘асан̃н̃ий’’д̇и жа ‘‘нзвасан̃н̃ийнаасан̃н̃ий’’д̇и жа г̇ан̣ханд̇аанам̣ васзна асан̃н̃ийваад̣̇аа жа нзвасан̃н̃ийнаасан̃н̃ийваад̣̇аа жа вуд̇д̇аад̇и взд̣̇ид̇аб̣б̣аа. д̇ад̇т̇а асан̃н̃ийваад̣̇аа ‘‘руубий ад̇д̇аа ход̇и арог̇о барам̣ маран̣аа, асан̃н̃ийд̇и нам̣ бан̃н̃абзнд̇и, аруубий ад̇д̇аа ход̇и, руубий жа аруубий жа ад̇д̇аа ход̇и, нзва руубий нааруубий ад̇д̇аа ход̇и. анд̇аваа ад̇д̇аа ход̇и, ананд̇аваа ад̇д̇аа ход̇и, анд̇аваа жа ананд̇аваа жа ад̇д̇аа ход̇и, нзванд̇аваа наананд̇аваа ад̇д̇аа ход̇и арог̇о барам̣ маран̣аа, асан̃н̃ийд̇и нам̣ бан̃н̃абзнд̇ий’’д̇и звам̣ адтавид̇хзна вибхад̇д̇аа. нзвасан̃н̃ийнаасан̃н̃ийваад̣̇ааби звамзва ‘‘руубий ад̇д̇аа ход̇и арог̇о барам̣ маран̣аа, нзвасан̃н̃ийнаасан̃н̃ийд̇и нам̣ бан̃н̃абзнд̇ий’’д̇иаад̣̇инаа (д̣̇ий. ни. 1.82) адтавид̇хзна вибхад̇д̇аад̇и взд̣̇ид̇аб̣б̣аа.

    Asaññīvādā nevasaññīnāsaññīvādā ca saññīvāde vuttanayeneva veditabbā. Kevalañhi ‘‘saññī attā’’ti gaṇhantānaṃ vasena saññīvādā vuttā, ‘‘asaññī’’ti ca ‘‘nevasaññīnāsaññī’’ti ca gaṇhantānaṃ vasena asaññīvādā ca nevasaññīnāsaññīvādā ca vuttāti veditabbā. Tattha asaññīvādā ‘‘rūpī attā hoti arogo paraṃ maraṇā, asaññīti naṃ paññapenti, arūpī attā hoti, rūpī ca arūpī ca attā hoti, neva rūpī nārūpī attā hoti. Antavā attā hoti, anantavā attā hoti, antavā ca anantavā ca attā hoti, nevantavā nānantavā attā hoti arogo paraṃ maraṇā, asaññīti naṃ paññapentī’’ti evaṃ aṭṭhavidhena vibhattā. Nevasaññīnāsaññīvādāpi evameva ‘‘rūpī attā hoti arogo paraṃ maraṇā, nevasaññīnāsaññīti naṃ paññapentī’’tiādinā (dī. ni. 1.82) aṭṭhavidhena vibhattāti veditabbā.

    ужчзд̣̇аваад̣̇аад̇и ‘‘аяам̣ ад̇д̇аа руубий жаад̇умахаабхууд̇иго маад̇аабзд̇д̇игасамбхаво гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’д̇и (д̣̇ий. ни. 1.85) звамаад̣̇инаа наязна бавад̇д̇ам̣ ужчзд̣̇ад̣̇ассанам̣ ужчзд̣̇о сахажаран̣анаязна. ужчзд̣̇о ваад̣̇о язсам̣ д̇з ужчзд̣̇аваад̣̇аа, ужчзд̣̇аваад̣̇о ваа зд̇зсамад̇т̇ийд̇и ужчзд̣̇аваад̣̇аа, ужчзд̣̇ам̣ вад̣̇анд̇ийд̇и ваа ужчзд̣̇аваад̣̇аа.

    Ucchedavādāti ‘‘ayaṃ attā rūpī cātumahābhūtiko mātāpettikasambhavo kāyassa bhedā ucchijjati vinassati, na hoti paraṃ maraṇā’’ti (dī. ni. 1.85) evamādinā nayena pavattaṃ ucchedadassanaṃ ucchedo sahacaraṇanayena. Ucchedo vādo yesaṃ te ucchedavādā, ucchedavādo vā etesamatthīti ucchedavādā, ucchedaṃ vadantīti vā ucchedavādā.

    д̣̇идтад̇хамманиб̣б̣аанаваад̣̇аад̇и зд̇т̇а д̣̇идтад̇хаммо наама д̣̇ассанабхууд̇зна н̃аан̣зна убалад̣̇д̇хад̇хаммо, бажжагкад̇хаммод̇и ад̇т̇о. д̇ад̇т̇а д̇ад̇т̇а бадилад̣̇д̇хад̇д̇абхаавассзд̇ам̣ ад̇хиважанам̣. д̣̇идтад̇хаммз ниб̣б̣аанам̣ д̣̇идтад̇хамманиб̣б̣аанам̣, имасмим̣язва ад̇д̇абхаавз д̣̇угкавуубасаманд̇и ад̇т̇о. д̇ам̣ вад̣̇анд̇ийд̇и д̣̇идтад̇хамманиб̣б̣аанаваад̣̇аа. д̇з бана ‘‘яад̇о ко бхо аяам̣ ад̇д̇аа бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и, зд̇д̇аавад̇аа ко бхо аяам̣ ад̇д̇аа барамад̣̇идтад̇хамманиб̣б̣аанаббад̇д̇о ход̇ий’’д̇и (д̣̇ий. ни. 1.94) звамаад̣̇инаа наязна д̣̇идтзва д̇хаммз ниб̣б̣аанам̣ бан̃н̃абзнд̇и. д̇з хи манд̇хаад̇угаамаг̇ун̣асад̣̇исз маанусагз гаамаг̇ун̣з, бараниммид̇авасавад̇д̇ид̣̇зварааж̇асса гаамаг̇ун̣асад̣̇исз д̣̇иб̣б̣з жа гаамаг̇ун̣з убаг̇ад̇аанам̣ д̣̇идтзва д̇хаммз ниб̣б̣аанаббад̇д̇им̣ вад̣̇анд̇и.

    Diṭṭhadhammanibbānavādāti ettha diṭṭhadhammo nāma dassanabhūtena ñāṇena upaladdhadhammo, paccakkhadhammoti attho. Tattha tattha paṭiladdhattabhāvassetaṃ adhivacanaṃ. Diṭṭhadhamme nibbānaṃ diṭṭhadhammanibbānaṃ, imasmiṃyeva attabhāve dukkhavūpasamanti attho. Taṃ vadantīti diṭṭhadhammanibbānavādā. Te pana ‘‘yato kho bho ayaṃ attā pañcahi kāmaguṇehi samappito samaṅgībhūto paricāreti, ettāvatā kho bho ayaṃ attā paramadiṭṭhadhammanibbānappatto hotī’’ti (dī. ni. 1.94) evamādinā nayena diṭṭheva dhamme nibbānaṃ paññapenti. Te hi mandhātukāmaguṇasadise mānusake kāmaguṇe, paranimmitavasavattidevarājassa kāmaguṇasadise dibbe ca kāmaguṇe upagatānaṃ diṭṭheva dhamme nibbānappattiṃ vadanti.

    вибхаж̇ж̇аваад̣̇ийд̇и взран̃ж̇аган̣д̣з ааг̇ад̇анаязнзва взнаяигаад̣̇ибхаавам̣ вибхаж̇ж̇а вад̣̇ад̇ийд̇и вибхаж̇ж̇аваад̣̇ий.

    Vibhajjavādīti verañjakaṇḍe āgatanayeneva venayikādibhāvaṃ vibhajja vadatīti vibhajjavādī.

    д̇ад̇т̇а хи бхаг̇авад̇аа ‘‘ахан̃хи, б̣раахман̣а, винаяааяа д̇хаммам̣ д̣̇зсзми рааг̇ассаа’’д̇иаад̣̇им̣ вад̇ваа ‘‘но жа ко яам̣ д̇вам̣ санд̇хааяа вад̣̇зсий’’д̇иаад̣̇инаа взран̃ж̇аб̣раахман̣асса ад̇д̇ано взнаяигаад̣̇ибхааво вибхаж̇ж̇а вуд̇д̇од̇и. абижа соманассаад̣̇ийнам̣ жийвараад̣̇ийнан̃жа сзвид̇аб̣б̣аасзвид̇аб̣б̣абхаавам̣ вибхаж̇ж̇а вад̣̇ад̇ийд̇и вибхаж̇ж̇аваад̣̇ий, сассад̇ужчзд̣̇аваад̣̇з ваа вибхаж̇ж̇а вад̣̇ад̇ийд̇и вибхаж̇ж̇аваад̣̇ий, ‘‘сассад̇о ад̇д̇аа жа лого жаа’’д̇иаад̣̇ийнам̣ табанийяаанам̣ бан̃хаанам̣ табанад̇о рааг̇аад̣̇икаяасан̇каад̇асса сассад̇асса рааг̇аад̣̇игааяад̣̇ужжарид̇аад̣̇иужчзд̣̇асса важанад̇о вибхаж̇ж̇аваад̣̇ий, сассад̇ужчзд̣̇абхууд̇з убхо анд̇з анубаг̇г̇амма маж̇жхимабадибад̣̇аабхууд̇асса бадижжасамуббаад̣̇асса д̣̇зсанад̇о вибхаж̇ж̇аваад̣̇ий, бхаг̇аваа. бараббаваад̣̇ам̣ мад̣̇д̣̇анд̇од̇и д̇асмим̣ д̇ад̇ияасан̇г̇ийд̇игаалз уббаннам̣ ваад̣̇ам̣, д̇ад̇о бадтааяа яаава сад̣̇д̇хамманд̇арад̇хаанаа ааяад̇им̣ уббаж̇ж̇анагаваад̣̇ан̃жа санд̇хааяа вуд̇д̇ам̣. д̇асмин̃хи самааг̇амз аяам̣ т̇зро яаани жа д̇ад̣̇аа уббаннаани вад̇т̇ууни, яаани жа ааяад̇им̣ уббаж̇ж̇иссанд̇и, саб̣б̣зсамби д̇зсам̣ бадиб̣ааханад̇т̇ам̣ сад̇т̇аараа д̣̇иннанаяавасзнзва д̇ат̇ааг̇ад̇зна табид̇амаад̇игам̣ вибхаж̇анд̇о сагаваад̣̇з бан̃жа суд̇д̇асад̇аани, бараваад̣̇з бан̃жаад̇и суд̇д̇асахассам̣ аахарид̇ваа д̇ад̣̇аа уббаннаваад̣̇асса мад̣̇д̣̇анад̇о бараббаваад̣̇амад̣̇д̣̇анам̣ ааяад̇им̣ уббаж̇ж̇анагаваад̣̇аанам̣ бадисзд̇ханалагкан̣абхаавад̇о ааяад̇им̣ бадисзд̇халагкан̣ам̣ гат̇аавад̇т̇уббагаран̣ам̣ агааси.

    Tattha hi bhagavatā ‘‘ahañhi, brāhmaṇa, vinayāya dhammaṃ desemi rāgassā’’tiādiṃ vatvā ‘‘no ca kho yaṃ tvaṃ sandhāya vadesī’’tiādinā verañjabrāhmaṇassa attano venayikādibhāvo vibhajja vuttoti. Apica somanassādīnaṃ cīvarādīnañca sevitabbāsevitabbabhāvaṃ vibhajja vadatīti vibhajjavādī, sassatucchedavāde vā vibhajja vadatīti vibhajjavādī, ‘‘sassato attā ca loko cā’’tiādīnaṃ ṭhapanīyānaṃ pañhānaṃ ṭhapanato rāgādikhayasaṅkhātassa sassatassa rāgādikāyaduccaritādiucchedassa vacanato vibhajjavādī, sassatucchedabhūte ubho ante anupaggamma majjhimapaṭipadābhūtassa paṭiccasamuppādassa desanato vibhajjavādī, bhagavā. Parappavādaṃ maddantoti tasmiṃ tatiyasaṅgītikāle uppannaṃ vādaṃ, tato paṭṭhāya yāva saddhammantaradhānā āyatiṃ uppajjanakavādañca sandhāya vuttaṃ. Tasmiñhi samāgame ayaṃ thero yāni ca tadā uppannāni vatthūni, yāni ca āyatiṃ uppajjissanti, sabbesampi tesaṃ paṭibāhanatthaṃ satthārā dinnanayavaseneva tathāgatena ṭhapitamātikaṃ vibhajanto sakavāde pañca suttasatāni, paravāde pañcāti suttasahassaṃ āharitvā tadā uppannavādassa maddanato parappavādamaddanaṃ āyatiṃ uppajjanakavādānaṃ paṭisedhanalakkhaṇabhāvato āyatiṃ paṭisedhalakkhaṇaṃ kathāvatthuppakaraṇaṃ akāsi.

    ид̇и саманд̇абаасаад̣̇игааяа винаяадтагат̇ааяа саарад̇т̇ад̣̇ийбанияам̣

    Iti samantapāsādikāya vinayaṭṭhakathāya sāratthadīpaniyaṃ

    д̇ад̇ияасан̇г̇ийд̇игат̇ааван̣н̣анаа самад̇д̇аа.

    Tatiyasaṅgītikathāvaṇṇanā samattā.




    Next: аажарияабарамбарагат̇ааван̣н̣анаа • Ācariyaparamparakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact