| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
д̇ад̇ияасан̇г̇ийд̇игат̇ааван̣н̣анаа
Tatiyasaṅgītikathāvaṇṇanā
б̣рахмалогаа жавид̇ваад̇и зд̇т̇а жад̇д̇ааро маг̇г̇аа бан̃жаананд̇арияаани нияад̇амижчаад̣̇идтийд̇и имзязва нияад̇аа, на махаг̇г̇ад̇аа, д̇асмаа бан̣ид̇хивасзна хздтубабад̇д̇иби ход̇и. ад̇ижчат̇аад̇и ад̇ижжа ижчат̇а, г̇анд̇ваа бхигкам̣ бариязсат̇аад̇и ад̇хиббааяо. гздубхам̣ наама габ̣яагаран̣авид̇хияуд̇д̇ам̣ сад̇т̇ам̣. гирияаагаббам̣ ид̇язгз, гад̇д̇аакяаад̣̇илагкан̣аяуд̇д̇асад̇т̇ам̣. асанд̇химид̇д̇аад̇и д̇ассаа наамам̣. д̇ассаа гира сарийрз санд̇хаяо на бан̃н̃ааяанд̇и, мад̇хусид̇т̇агзна гад̇ам̣ вияа сарийрам̣ ход̇и. д̇асмаа ‘‘звам̣наамигаа ж̇аад̇аа’’д̇иби вад̣̇анд̇и. мааг̇ад̇хагзна бад̇т̇зна жад̇д̇ааро бад̇т̇аа аал̣хагам̣, жад̇д̇аари аал̣хагаани д̣̇он̣ам̣, жад̇уд̣̇он̣аа маанигаа, жад̇умаанигаа кааригаа, вийсад̇икаариго вааход̇и. гзт̇умаалаад̇и ‘‘сийсад̇о удтахид̇ваа тид̇о обхаасабун̃ж̇о’’д̇и вад̣̇анд̇и. рааж̇ид̣̇д̇хиад̇хигаараббасан̇г̇знзд̇ам̣ вад̇т̇у вуд̇д̇ам̣, наануггамзна. ануггамзна бана б̣уд̣̇д̇хасаасанаавахаарам̣ вад̇т̇ум̣ д̣̇ийбзнд̇о ‘‘рааж̇аа гираа’’д̇иаад̣̇имааха. гилзсад̣̇аманзна д̣̇анд̇ам̣. гааяаваажаахи г̇уд̇д̇ам̣. ‘‘баажийнамуко’’д̇иби баато ад̇т̇и. буб̣б̣з ж̇здтабхаад̇игад̇д̇аа д̇знзва барижаязна бад̇д̇аг̇г̇ахан̣ад̇т̇ааяа аагаарам̣ д̣̇ассзд̇и. абхаасийд̇и ‘‘бхаасиссаамий’’д̇и вид̇аггзси. абарз ‘‘ан̃н̃аад̇анд̇и вуд̇д̇зби саб̣б̣ам̣ абхан̣ий’’д̇и вад̣̇анд̇и. амад̇анд̇и ниб̣б̣аанасан̇каад̇ааяа нивад̇д̇ияаа саг̇ун̣аад̇хиважанам̣, д̇ассаа аббамаад̣̇о бад̣̇ам̣ маг̇г̇о. мажжууд̇и бавад̇д̇ияаа сад̣̇осаад̇хиважанам̣, д̇ассаа бамаад̣̇о бад̣̇ам̣ маг̇г̇од̇и звам̣ жад̇д̇аари сажжаани санд̣̇ассид̇аани хонд̇и. сан̇гхасаран̣аг̇ад̇ад̇д̇аа сан̇гханиссид̇аа баб̣б̣аж̇ж̇аа, бхан̣д̣угаммасса ваа д̇ад̣̇ааяад̇д̇ад̇д̇аа. ниг̇род̇хад̇т̇зрассаанубхаавагид̇д̇анаад̇хигаарад̇д̇аа буб̣б̣з вуд̇д̇амби бажчаа вад̇д̇аб̣б̣амби самбин̣д̣зд̇ваа ааха ‘‘буна рааж̇аа асогаараамам̣ наама махаавихаарам̣ гаарзд̇ваа садтисахассаани…бз… жад̇ураасийд̇ивихаарасахассаани гаараабзсий’’д̇и. ‘‘бут̇уж̇ж̇анагаляаан̣агасса ваа бажжавзгкид̇абарибхог̇о’’д̇и важанад̇о сзгкаава барамад̇т̇ад̇о д̣̇ааяаад̣̇аа, д̇ат̇ааби т̇зро махинд̣̇агумаарасса баб̣б̣аж̇ж̇ад̇т̇ам̣ згзна барияааязна логад̇хаммасид̣̇д̇хзна звамааха ‘‘яо гожи махаарааж̇а…бз… орасам̣ буд̇д̇а’’нд̇и. вуд̇д̇ан̃хи взд̣̇з –
Brahmalokācavitvāti ettha cattāro maggā pañcānantariyāni niyatamicchādiṭṭhīti imeyeva niyatā, na mahaggatā, tasmā paṇidhivasena heṭṭhupapattipi hoti. Aticchathāti aticca icchatha, gantvā bhikkhaṃ pariyesathāti adhippāyo. Keṭubhaṃ nāma kabyakaraṇavidhiyuttaṃ satthaṃ. Kiriyākappaṃ ityeke, kattākhyādilakkhaṇayuttasatthaṃ. Asandhimittāti tassā nāmaṃ. Tassā kira sarīre sandhayo na paññāyanti, madhusitthakena kataṃ viya sarīraṃ hoti. Tasmā ‘‘evaṃnāmikā jātā’’tipi vadanti. Māgadhakena patthena cattāro patthā āḷhakaṃ, cattāri āḷhakāni doṇaṃ, catudoṇā mānikā, catumānikā khārikā, vīsatikhāriko vāhoti. Kethumālāti ‘‘sīsato uṭṭhahitvā ṭhito obhāsapuñjo’’ti vadanti. Rājiddhiadhikārappasaṅgenetaṃ vatthu vuttaṃ, nānukkamena. Anukkamena pana buddhasāsanāvahāraṃ vatthuṃ dīpento ‘‘rājā kirā’’tiādimāha. Kilesadamanena dantaṃ. Kāyavācāhi guttaṃ. ‘‘Pācīnamukho’’tipi pāṭho atthi. Pubbe jeṭṭhabhātikattā teneva paricayena pattaggahaṇatthāya ākāraṃ dasseti. Abhāsīti ‘‘bhāsissāmī’’ti vitakkesi. Apare ‘‘aññātanti vuttepi sabbaṃ abhaṇī’’ti vadanti. Amatanti nibbānasaṅkhātāya nivattiyā saguṇādhivacanaṃ, tassā appamādo padaṃ maggo. Maccūti pavattiyā sadosādhivacanaṃ, tassā pamādo padaṃ maggoti evaṃ cattāri saccāni sandassitāni honti. Saṅghasaraṇagatattā saṅghanissitā pabbajjā, bhaṇḍukammassa vā tadāyattattā. Nigrodhattherassānubhāvakittanādhikārattā pubbe vuttampi pacchā vattabbampi sampiṇḍetvā āha ‘‘puna rājā asokārāmaṃ nāma mahāvihāraṃ kāretvā saṭṭhisahassāni…pe… caturāsītivihārasahassāni kārāpesī’’ti. ‘‘Puthujjanakalyāṇakassa vā paccavekkhitaparibhogo’’ti vacanato sekkhāva paramatthato dāyādā, tathāpi thero mahindakumārassa pabbajjatthaṃ ekena pariyāyena lokadhammasiddhena evamāha ‘‘yo koci mahārāja…pe… orasaṃ putta’’nti. Vuttañhi vede –
‘‘ан̇г̇аа ан̇г̇аа самбхаваси, хад̣̇аяаа ад̇хиж̇ааяасз;
‘‘Aṅgā aṅgā sambhavasi, hadayā adhijāyase;
ад̇д̇аа вз буд̇д̇о наамааси, са ж̇ийва сарад̣̇осад̇а’’нд̇и.
Attā ve putto nāmāsi, sa jīva saradosata’’nti.
д̇асмаа иминаа барияааязна орасо буд̇д̇о маад̇аабид̇уухи баб̣б̣аж̇ид̇о жз, ад̇т̇ад̇о д̇з саяам̣ баб̣б̣аж̇ид̇аа вияа хонд̇и. д̇хаммагат̇игаа гасмаа наарожзнд̇и? рааж̇аа ‘‘т̇зрам̣ г̇ан̣хид̇ваа ааг̇ажчат̇аа’’д̇и амажжз бзсзси, д̇хаммагат̇игаа т̇зрасса ааг̇аманагаалз бариваарад̇т̇ааяа бзсид̇аа, д̇асмаа. абижа д̇зна вуд̇д̇авид̇хинаава вад̣̇анд̇и жан̣д̣ад̇д̇аа, жан̣д̣абхааво жасса ‘‘амб̣ам̣ чинд̣̇ид̇ваа взл̣уяаа вад̇им̣ гарохий’’д̇и вуд̇д̇аамажжавад̇т̇унаа вибхаавзд̇аб̣б̣о. гасмаа бана д̇хаммагат̇игаа рааж̇аан̣аабанам̣ гаронд̇ийд̇и? ‘‘саасанам̣ баг̇г̇ахзд̇ум̣ самад̇т̇о’’д̇и вуд̇д̇ад̇д̇аа. д̣̇ийбагад̇ид̇д̇ирод̇и гуудад̇ид̇д̇иро. аяам̣ бана гуудад̇ид̇д̇ирагаммз нияуд̇д̇оби суд̣̇д̇хажид̇д̇о, д̇асмаа д̇аабасам̣ бужчи. саан̣ибаагааранд̇и саан̣ибаагаарзна. вибхаж̇ид̇ваа вад̣̇ад̇ийд̇и вибхаж̇ж̇аваад̣̇ий ‘‘ад̇т̇и квзса б̣раахман̣а барияааяо’’д̇иаад̣̇инаа (баараа. 5). абижа сассад̇аваад̣̇ий жа бхаг̇аваа ‘‘ад̇т̇и, бхигкавз, аж̇аад̇ам̣ абхууд̇ам̣ асан̇кад̇а’’нд̇иаад̣̇и (ид̇иву. 43)-важанад̇о. згажжасассад̇иго жа ‘‘саббажжаяаа д̇хаммаа, аббажжаяаа д̇хаммаа’’д̇и (д̇ха. са. д̣̇угамаад̇игаа 7) важанад̇о. анд̇аананд̇иго жа –
Tasmā iminā pariyāyena oraso putto mātāpitūhi pabbajito ce, atthato te sayaṃ pabbajitā viya honti. Dhammakathikā kasmā nārocenti? Rājā ‘‘theraṃ gaṇhitvā āgacchathā’’ti amacce pesesi, dhammakathikā therassa āgamanakāle parivāratthāya pesitā, tasmā. Apica tena vuttavidhināva vadanti caṇḍattā, caṇḍabhāvo cassa ‘‘ambaṃ chinditvā veḷuyā vatiṃ karohī’’ti vuttaamaccavatthunā vibhāvetabbo. Kasmā pana dhammakathikā rājāṇāpanaṃ karontīti? ‘‘Sāsanaṃ paggahetuṃ samattho’’ti vuttattā. Dīpakatittiroti kūṭatittiro. Ayaṃ pana kūṭatittirakamme niyuttopi suddhacitto, tasmā tāpasaṃ pucchi. Sāṇipākāranti sāṇipākārena. Vibhajitvā vadatīti vibhajjavādī ‘‘atthi khvesa brāhmaṇa pariyāyo’’tiādinā (pārā. 5). Apica sassatavādī ca bhagavā ‘‘atthi, bhikkhave, ajātaṃ abhūtaṃ asaṅkhata’’ntiādi (itivu. 43)-vacanato. Ekaccasassatiko ca ‘‘sappaccayā dhammā, appaccayā dhammā’’ti (dha. sa. dukamātikā 7) vacanato. Antānantiko ca –
‘‘г̇аманзна на бад̇д̇аб̣б̣о, логассанд̇о гуд̣̇аажанам̣;
‘‘Gamanena na pattabbo, lokassanto kudācanaṃ;
на жа аббад̇ваа логанд̇ам̣, д̣̇угкаа ад̇т̇и баможанам̣’’. (сам̣. ни. 1.107; а. ни. 4.45);
Na ca appatvā lokantaṃ, dukkhā atthi pamocanaṃ’’. (saṃ. ni. 1.107; a. ni. 4.45);
‘‘анамад̇аг̇г̇ояам̣, бхигкавз, сам̣сааро буб̣б̣агоди на бан̃н̃ааяад̇ий’’д̇и (сам̣. ни. 2.124; жуул̣ани. габбамаан̣авабужчаанид̣̇д̣̇зса 61) важанад̇о. амараавигкзбигабагкамби ийсагам̣ бхаж̇ад̇и бхаг̇аваа ‘‘сассад̇о логод̇и аб̣яаагад̇амзд̇ам̣ асассад̇о логод̇и аб̣яаагад̇амзд̇а’’нд̇иаад̣̇иаб̣яаагад̇авад̇т̇уд̣̇ийбанад̇о саммуд̇исажжад̣̇ийбанад̇о жа. д̇ан̃хи аж̇жхад̇д̇аб̣ахид̣̇д̇хаад̣̇ивасзна на вад̇д̇аб̣б̣ам̣. яат̇ааха ‘‘аагин̃жан̃н̃ааяад̇анам̣ на вад̇д̇аб̣б̣ам̣ аж̇жхад̇д̇аарамман̣анд̇ибий’’д̇иаад̣̇и (д̇ха. са. 1437). д̇ат̇аа ад̇хижжасамуббаннигабагкамби бхаж̇ад̇и ‘‘лад̣̇д̇хаа муд̇хаа ниб̣б̣уд̇им̣ бхун̃ж̇амаанаа’’д̇и (ку. баа. 6.7; су. ни. 230) важанад̇о. д̇ад̇т̇а хи муд̇хаад̇и ад̇хижжасамуббаннавзважанам̣. сан̃н̃ийваад̣̇аад̣̇иго жа бхаг̇аваа сан̃н̃ийбхаваасан̃н̃ийбхаванзвасан̃н̃ийнаасан̃н̃ийбхававасзна. ужчзд̣̇аваад̣̇ий жа ‘‘ахан̃хи, б̣раахман̣а, ужчзд̣̇ам̣ вад̣̇аами рааг̇ассаа’’д̇и (баараа. 6) важанад̇о. д̣̇идтад̇хамманиб̣б̣аанаваад̣̇ий жа ‘‘кийн̣аа ж̇аад̇и, вусид̇ам̣ б̣рахмажарияа’’нд̇и (махаава. 23; д̣̇ий. ни. 2.215; сам̣. ни. 3.35) важанад̇о, ‘‘над̇т̇и д̣̇аани бунаб̣бхаво’’д̇и (махаава. 16) важанад̇о, д̣̇идтзва д̇хаммз нирод̇хасамаабад̇д̇ид̣̇ийбанад̇о жа. звам̣ д̇зна д̇зна барияааязна д̇ат̇аа д̇ат̇аа взнзяяаж̇жхаасаяаануруубам̣ вибхаж̇ид̇ваа вад̣̇ад̇ийд̇и вибхаж̇ж̇аваад̣̇ий бхаг̇аваад̇и.
‘‘Anamataggoyaṃ, bhikkhave, saṃsāro pubbakoṭi na paññāyatī’’ti (saṃ. ni. 2.124; cūḷani. kappamāṇavapucchāniddesa 61) vacanato. Amarāvikkhepikapakkhampi īsakaṃ bhajati bhagavā ‘‘sassato lokoti abyākatametaṃ asassato lokoti abyākatameta’’ntiādiabyākatavatthudīpanato sammutisaccadīpanato ca. Tañhi ajjhattabahiddhādivasena na vattabbaṃ. Yathāha ‘‘ākiñcaññāyatanaṃ na vattabbaṃ ajjhattārammaṇantipī’’tiādi (dha. sa. 1437). Tathā adhiccasamuppannikapakkhampi bhajati ‘‘laddhā mudhā nibbutiṃ bhuñjamānā’’ti (khu. pā. 6.7; su. ni. 230) vacanato. Tattha hi mudhāti adhiccasamuppannavevacanaṃ. Saññīvādādiko ca bhagavā saññībhavaasaññībhavanevasaññīnāsaññībhavavasena. Ucchedavādī ca ‘‘ahañhi, brāhmaṇa, ucchedaṃ vadāmi rāgassā’’ti (pārā. 6) vacanato. Diṭṭhadhammanibbānavādī ca ‘‘khīṇā jāti, vusitaṃ brahmacariya’’nti (mahāva. 23; dī. ni. 2.215; saṃ. ni. 3.35) vacanato, ‘‘natthi dāni punabbhavo’’ti (mahāva. 16) vacanato, diṭṭheva dhamme nirodhasamāpattidīpanato ca. Evaṃ tena tena pariyāyena tathā tathā veneyyajjhāsayānurūpaṃ vibhajitvā vadatīti vibhajjavādī bhagavāti.
д̇ад̇ияасан̇г̇ийд̇игат̇ааван̣н̣анаанаяо.
Tatiyasaṅgītikathāvaṇṇanānayo.
бубпанаамо суманад̇т̇зро. махаабад̣̇умад̇т̇зрод̇и згз. махим̣сагаман̣д̣алам̣ анд̇харадтанд̇и вад̣̇анд̇и. д̇хаммажагку наама д̇аяо маг̇г̇аа. сод̇аабад̇д̇имаг̇г̇анд̇и жа згз. бан̃жаби радтаани бан̃жа жийнарадтаани наама. рааж̇аг̇ахзд̇и д̣̇звияаа гад̇авихаарз. силагуудамхийд̇и баб̣б̣ад̇агуудз. вад̣дхамаананд̇и алан̇гаран̣ажун̣н̣ам̣. арияад̣̇зсз ад̇ийва саммад̇ам̣ гира. згарасзна наат̇агаран̣аа ид̇и д̣̇амил̣аа. саарабааман̇г̇анд̇и уд̇д̇амам̣ бааман̇г̇ам̣. бзд̇авад̇т̇уаад̣̇инаа сам̣взж̇зд̇ваа абхисамаяад̇т̇ам̣ сажжасам̣яуд̇д̇ан̃жа. мзгхавануяяаанам̣ наама махаавихаарадтаанам̣. ‘‘д̣̇ваасадтияаа лзн̣зсуу’’д̇и баато. д̣̇асабхаад̇иганд̇и абхаяагумаараад̣̇аяо д̣̇аса, д̇з ид̇ха на вуд̇д̇аа. вуд̇т̇авассо баваарзд̇ваад̇и жаад̇умаасинияаа бавааран̣ааяаад̇и ад̇т̇о. батамабавааран̣ааяа ваа баваарзд̇ваа згамаасам̣ д̇ад̇т̇зва васид̇ваа гад̇д̇игабун̣н̣амаасияам̣ авожа, ан̃н̃ат̇аа ‘‘бун̣н̣амааяам̣ махаавийро’’д̇и вуд̇д̇ад̇д̇аа на саггаа г̇ахзд̇ум̣. махаавийрод̇и б̣уд̣̇д̇хобажаарзна д̇хаад̇уяо вад̣̇ад̇и. ж̇ан̇гхаббамаан̣анд̇и ‘‘т̇уубасса ж̇ан̇гхаббамаан̣а’’нд̇и вад̣̇анд̇и. маад̇улабхааг̇инзяяаа жуул̣од̣̇арамаход̣̇араа. д̇харамаанасса вияа б̣уд̣̇д̇хасса расми сарасарасми, ран̃н̃о лзкаасаасанам̣ аббзси, зван̃жа мукасаасанамавожа. д̣̇он̣амад̇д̇аа маг̇ад̇ханаал̣ияаа д̣̇ваад̣̇асанаал̣имад̇д̇аа гира. ‘‘барижчиннадтаанз чиж̇ж̇ид̇ваа’’д̇и баато. саб̣б̣ад̣̇исаахи бан̃жа расмияо ааваддзд̇ваад̇и бан̃жахи палзхи нигканд̇ад̇д̇аа бан̃жа, д̇аа бана чаб̣б̣ан̣н̣аава. гад̇д̇игаж̇ун̣хабагкасса баадибад̣̇ад̣̇ивасзд̇и ж̇ун̣хабагкасса батамад̣̇ивасзд̇и ад̇т̇о. махааб̣од̇хидтаанз бариваарзд̇ваа тид̇анааг̇аяагкаад̣̇ид̣̇звад̇аагулаани. г̇обагаа наама рааж̇абаригаммино д̇ат̇аабхаавагижжаа. д̇зсам̣ гулаанам̣ нааманд̇иби гзжи. уд̣̇агаад̣̇иваахаа гаалин̇г̇аа. гаалин̇г̇зсу ж̇анабад̣̇зсу ж̇аад̇исамбаннам̣ гулам̣ гаалин̇г̇агуланд̇и гзжи.
Pupphanāmo sumanatthero. Mahāpadumattheroti eke. Mahiṃsakamaṇḍalaṃ andharaṭṭhanti vadanti. Dhammacakkhu nāma tayo maggā. Sotāpattimagganti ca eke. Pañcapi raṭṭhāni pañca cīnaraṭṭhāni nāma. Rājagaheti deviyā katavihāre. Silakūṭamhīti pabbatakūṭe. Vaḍḍhamānanti alaṅkaraṇacuṇṇaṃ. Ariyadese atīva sammataṃ kira. Ekarasena nāthakaraṇā iti damiḷā. Sārapāmaṅganti uttamaṃ pāmaṅgaṃ. Petavatthuādinā saṃvejetvā abhisamayatthaṃ saccasaṃyuttañca. Meghavanuyyānaṃ nāma mahāvihāraṭṭhānaṃ. ‘‘Dvāsaṭṭhiyā leṇesū’’ti pāṭho. Dasabhātikanti abhayakumārādayo dasa, te idha na vuttā. Vutthavasso pavāretvāti cātumāsiniyā pavāraṇāyāti attho. Paṭhamapavāraṇāya vā pavāretvā ekamāsaṃ tattheva vasitvā kattikapuṇṇamāsiyaṃ avoca, aññathā ‘‘puṇṇamāyaṃ mahāvīro’’ti vuttattā na sakkā gahetuṃ. Mahāvīroti buddhopacārena dhātuyo vadati. Jaṅghappamāṇanti ‘‘thūpassa jaṅghappamāṇa’’nti vadanti. Mātulabhāgineyyā cūḷodaramahodarā. Dharamānassa viya buddhassa rasmi sarasarasmi, rañño lekhāsāsanaṃ appesi, evañca mukhasāsanamavoca. Doṇamattā magadhanāḷiyā dvādasanāḷimattā kira. ‘‘Paricchinnaṭṭhāne chijjitvā’’ti pāṭho. Sabbadisāhi pañca rasmiyo āvaṭṭetvāti pañcahi phalehi nikkhantattā pañca, tā pana chabbaṇṇāva. Kattikajuṇhapakkhassa pāṭipadadivaseti juṇhapakkhassa paṭhamadivaseti attho. Mahābodhiṭṭhāne parivāretvā ṭhitanāgayakkhādidevatākulāni. Gopakā nāma rājaparikammino tathābhāvakiccā. Tesaṃ kulānaṃ nāmantipi keci. Udakādivāhā kāliṅgā. Kāliṅgesu janapadesu jātisampannaṃ kulaṃ kāliṅgakulanti keci.
батамабаадибад̣̇ад̣̇ивасзд̇и д̣̇уд̇ияаубосат̇асса баадибад̣̇ад̣̇ивасзд̇и ад̇т̇о. д̇ад̇т̇а тид̇зхи самуд̣̇д̣̇асса д̣̇идтад̇д̇аа д̇ам̣ таанам̣ самуд̣̇д̣̇асаалавад̇т̇у. сол̣аса ж̇аад̇исамбаннагулаани адта б̣раахман̣аамажжагулаани. махаааридтад̇т̇зро жзд̇ияаг̇иримхи баб̣б̣аж̇ид̇о. амажжасса баривзн̣адтаанзд̇и самбад̇игаалавасзнааха. махинд̣̇ад̇т̇зро д̣̇ваад̣̇асавассиго худ̇ваа д̇амб̣абан̣н̣ид̣̇ийбам̣ самбад̇д̇о, д̇ад̇т̇а д̣̇вз вассаани васид̇ваа винаяам̣ бад̇идтаабзси, д̣̇ваасадтивассиго худ̇ваа бариниб̣б̣уд̇о. винаяо сам̣варад̇т̇ааяаад̇и винаяабидагам̣, д̇асса барияаабун̣анам̣ ваа. яат̇аабхууд̇ан̃аан̣ад̣̇ассанам̣ саббажжаяанаамаруубабариг̇г̇ахо. маг̇г̇аад̣̇ибажжавзгкан̣з асад̇и анд̇араа бариниб̣б̣аанам̣ наама над̇т̇и сзгкасса маран̣ам̣ ваа, сад̇иязва ход̇и. д̇асмаа ааха ‘‘вимуд̇д̇ин̃аан̣ад̣̇ассана’’нд̇и. анубаад̣̇аабариниб̣б̣аанад̇т̇ааяаад̇и ган̃жи д̇хаммам̣ анубаад̣̇ааяа аг̇г̇ахзд̇ваа ийсагамби анавасзсзд̇ваа бариниб̣б̣аанад̇т̇ааяаад̇и ад̇т̇о. убанисаад̇и ‘‘винаяо сам̣варад̇т̇ааяаа’’д̇иаад̣̇игаа гааран̣абарамбараа. зд̇д̇аавад̇аа ад̇д̇ахид̇анибпад̇д̇им̣ д̣̇ассзд̇ваа ид̣̇аани барахид̇анибпад̇д̇им̣ д̣̇ассзд̇ум̣ ‘‘зд̇ад̣̇ад̇т̇ам̣ сод̇аавад̇хаана’’нд̇и ааха. д̇ассад̇т̇о – ад̇д̇ано винаяагат̇анам̣ винаяаманд̇анан̃жа уг̇г̇ахзд̇ум̣ барзсам̣ сод̇асса од̣̇аханам̣ сод̇аавад̇хаанам̣. д̇ад̇о уг̇г̇ахид̇авинаяагат̇ааманд̇анаанам̣ д̇зсам̣ убанисаа яат̇аавуд̇д̇агааран̣абарамбараа сид̣̇д̇хааязваад̇и на буна д̣̇ассид̇аад̇и взд̣̇ид̇аб̣б̣аа. ан̃н̃ат̇аа зд̇ад̣̇ад̇т̇аа убанисаад̇и иминаа важанзнзва анубаад̣̇аабариниб̣б̣аанасса сан̇г̇ахид̇ад̇д̇аа анубаад̣̇аабариниб̣б̣аанад̇о уд̣̇д̇хам̣ сод̇аавад̇хаанаасамбхавад̇о зд̇ад̣̇ад̇т̇ам̣ сод̇аавад̇хаананд̇и анд̇з на самбхавад̇ийд̇и нирад̇т̇агам̣ бхавзяяа, на жа нирад̇т̇агам̣ барахид̇анибпад̇д̇ияаа муулагааран̣ад̣̇ассанад̇т̇ад̇д̇аад̇и взд̣̇ид̇аб̣б̣ам̣.
Paṭhamapāṭipadadivaseti dutiyauposathassa pāṭipadadivaseti attho. Tattha ṭhitehi samuddassa diṭṭhattā taṃ ṭhānaṃ samuddasālavatthu. Soḷasa jātisampannakulāni aṭṭha brāhmaṇāmaccakulāni. Mahāariṭṭhatthero cetiyagirimhi pabbajito. Amaccassa pariveṇaṭṭhāneti sampatikālavasenāha. Mahindatthero dvādasavassiko hutvā tambapaṇṇidīpaṃ sampatto, tattha dve vassāni vasitvā vinayaṃ patiṭṭhāpesi, dvāsaṭṭhivassiko hutvā parinibbuto. Vinayo saṃvaratthāyāti vinayapiṭakaṃ, tassa pariyāpuṇanaṃ vā. Yathābhūtañāṇadassanaṃ sappaccayanāmarūpapariggaho. Maggādipaccavekkhaṇe asati antarā parinibbānaṃ nāma natthi sekkhassa maraṇaṃ vā, satiyeva hoti. Tasmā āha ‘‘vimuttiñāṇadassana’’nti. Anupādāparinibbānatthāyāti kañci dhammaṃ anupādāya aggahetvā īsakampi anavasesetvā parinibbānatthāyāti attho. Upanisāti ‘‘vinayo saṃvaratthāyā’’tiādikā kāraṇaparamparā. Ettāvatā attahitanipphattiṃ dassetvā idāni parahitanipphattiṃ dassetuṃ ‘‘etadatthaṃ sotāvadhāna’’nti āha. Tassattho – attano vinayakathanaṃ vinayamantanañca uggahetuṃ paresaṃ sotassa odahanaṃ sotāvadhānaṃ. Tato uggahitavinayakathāmantanānaṃ tesaṃ upanisā yathāvuttakāraṇaparamparā siddhāyevāti na puna dassitāti veditabbā. Aññathā etadatthā upanisāti iminā vacaneneva anupādāparinibbānassa saṅgahitattā anupādāparinibbānato uddhaṃ sotāvadhānāsambhavato etadatthaṃ sotāvadhānanti ante na sambhavatīti niratthakaṃ bhaveyya, na ca niratthakaṃ parahitanipphattiyā mūlakāraṇadassanatthattāti veditabbaṃ.
звам̣ яат̇аа яат̇аа яам̣ яам̣, самбхавзяяа бад̣̇ам̣ ид̇ха;
Evaṃ yathā yathā yaṃ yaṃ, sambhaveyya padaṃ idha;
д̇ам̣ д̇ам̣ д̇ат̇аа д̇ат̇аа саб̣б̣ам̣, баяож̇зяяа вижагкан̣од̇и.
Taṃ taṃ tathā tathā sabbaṃ, payojeyya vicakkhaṇoti.
б̣аахиранид̣̇аанагат̇ааван̣н̣анаа нидтид̇аа.
Bāhiranidānakathāvaṇṇanā niṭṭhitā.
