| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
д̇ад̇ияасан̇г̇ийд̇игат̇ааван̣н̣анаа
Tatiyasaṅgītikathāvaṇṇanā
сад̇д̇а вассаанийд̇и ажжанд̇асам̣яог̇з убаяог̇аважанам̣. ад̇ижчат̇аад̇и ад̇иггамид̇ваа ижчат̇а, ид̇о ан̃н̃ад̇т̇а г̇анд̇ваа бхигкам̣ бариязсат̇аад̇и ад̇т̇о. бхад̇д̇ависсаг̇г̇агаран̣ад̇т̇ааяаад̇и бхад̇д̇асса аж̇жхохаран̣агижжад̇т̇ааяа, бхун̃ж̇анад̇т̇ааяаад̇и ад̇т̇о. ‘‘сол̣асавассо’’д̇и уд̣̇д̣̇зсо гат̇анам̣ асса ад̇т̇ийд̇и сол̣асавассуд̣̇д̣̇зсиго, ‘‘сол̣асавассиго’’д̇и ад̇т̇о.
Sattavassānīti accantasaṃyoge upayogavacanaṃ. Aticchathāti atikkamitvā icchatha, ito aññattha gantvā bhikkhaṃ pariyesathāti attho. Bhattavissaggakaraṇatthāyāti bhattassa ajjhoharaṇakiccatthāya, bhuñjanatthāyāti attho. ‘‘Soḷasavasso’’ti uddeso kathanaṃ assa atthīti soḷasavassuddesiko, ‘‘soḷasavassiko’’ti attho.
д̇ийсу взд̣̇зсууд̇иаад̣̇ийсу ирувзд̣̇аяаж̇увзд̣̇асаамавзд̣̇асан̇каад̇зсу д̇ийсу взд̣̇зсу. д̇аяо зва гира взд̣̇аа адтагаад̣̇ийхи д̇хаммигзхи исийхи логасса саг̇г̇амаг̇г̇авибхааванад̇т̇ааяа гад̇аа. д̇знзва хи д̇з д̇зхи вужжанд̇и. аат̇аб̣б̣ан̣авзд̣̇о бана бажчаа ад̇хаммигзхи б̣раахман̣зхи баан̣авад̇хаад̣̇иад̇т̇ааяа гад̇о. буримзсу жа д̇ийсу взд̣̇зсу д̇зхзва д̇хаммигасаакааяо абанзд̇ваа яааг̇авад̇хаад̣̇ид̣̇ийбигаа ад̇хаммигасаакаа багкид̇д̇аад̇и взд̣̇ид̇аб̣б̣аа. нигхан̣д̣ууд̇и ругкаад̣̇ийнам̣ взважанаббагаасагам̣ барияааяанаамаануруубам̣ сад̇т̇ам̣. д̇ан̃хи логз ‘‘нигхан̣д̣уу’’д̇и вужжад̇и. гздубханд̇и гидад̇и г̇амзд̇и гирияаад̣̇ивибхааг̇анд̇и гздубхам̣, гирияаагаббавигаббо гавийнам̣ убагаарасад̇т̇ам̣. зд̇т̇а жа гирияаагаббавигаббод̇и важийбхзд̣̇аад̣̇илагкан̣аа гирияаа габбийяад̇и вигаббийяад̇и зд̇знаад̇и гирияаагаббо, со бана ван̣н̣абад̣̇аб̣анд̇хабад̣̇ад̇т̇аад̣̇ивибхааг̇ад̇о б̣ахувигаббод̇и ‘‘гирияаагаббавигаббо’’д̇и вужжад̇и. ид̣̇ан̃жа муулагирияаагаббаг̇ант̇ам̣ санд̇хааяа вуд̇д̇ам̣. саха нигхан̣д̣унаа гздубхзна жа санигхан̣д̣угздубхаа, д̇аяо взд̣̇аа, д̇зсу санигхан̣д̣угздубхзсу. таанагаран̣аад̣̇ивибхааг̇ад̇о жа ниб̣б̣ажанавибхааг̇ад̇о жа агкараа бабхзд̣̇ийяанд̇и зд̇знаад̇и агкараббабхзд̣̇о, сигкаа жа нируд̇д̇и жа. саха агкараббабхзд̣̇знаад̇и саагкараббабхзд̣̇аа, д̇зсу саагкараббабхзд̣̇зсу. аат̇аб̣б̣ан̣авзд̣̇ам̣ жад̇уд̇т̇ам̣ гад̇ваа ‘‘ид̇иха ааса ид̇иха аасаа’’д̇и ийд̣̇исаважанабадисам̣яуд̇д̇о бораан̣агат̇аасан̇каад̇о ид̇ихаасо бан̃жамо зд̇зсанд̇и ид̇ихаасабан̃жамаа, д̇аяо взд̣̇аа, д̇зсу ид̇ихаасабан̃жамзсу.
Tīsu vedesūtiādīsu iruvedayajuvedasāmavedasaṅkhātesu tīsu vedesu. Tayo eva kira vedā aṭṭhakādīhi dhammikehi isīhi lokassa saggamaggavibhāvanatthāya katā. Teneva hi te tehi vuccanti. Āthabbaṇavedo pana pacchā adhammikehi brāhmaṇehi pāṇavadhādiatthāya kato. Purimesu ca tīsu vedesu teheva dhammikasākhāyo apanetvā yāgavadhādidīpikā adhammikasākhā pakkhittāti veditabbā. Nighaṇḍūti rukkhādīnaṃ vevacanappakāsakaṃ pariyāyanāmānurūpaṃ satthaṃ. Tañhi loke ‘‘nighaṇḍū’’ti vuccati. Keṭubhanti kiṭati gameti kiriyādivibhāganti keṭubhaṃ, kiriyākappavikappo kavīnaṃ upakārasatthaṃ. Ettha ca kiriyākappavikappoti vacībhedādilakkhaṇā kiriyā kappīyati vikappīyati etenāti kiriyākappo, so pana vaṇṇapadabandhapadatthādivibhāgato bahuvikappoti ‘‘kiriyākappavikappo’’ti vuccati. Idañca mūlakiriyākappaganthaṃ sandhāya vuttaṃ. Saha nighaṇḍunā keṭubhena ca sanighaṇḍukeṭubhā, tayo vedā, tesu sanighaṇḍukeṭubhesu. Ṭhānakaraṇādivibhāgato ca nibbacanavibhāgato ca akkharā pabhedīyanti etenāti akkharappabhedo, sikkhā ca nirutti ca. Saha akkharappabhedenāti sākkharappabhedā, tesu sākkharappabhedesu. Āthabbaṇavedaṃ catutthaṃ katvā ‘‘itiha āsa itiha āsā’’ti īdisavacanapaṭisaṃyutto porāṇakathāsaṅkhāto itihāso pañcamo etesanti itihāsapañcamā, tayo vedā, tesu itihāsapañcamesu.
яасса жид̇д̇анд̇иаад̣̇и бан̃хад̣̇ваяам̣ кийн̣аасаваанам̣ жуд̇ижид̇д̇асса уббаад̣̇агкан̣ам̣ санд̇хааяа вуд̇д̇ам̣. д̇ад̇т̇а батамабан̃хз уббаж̇ж̇ад̇ийд̇и уббаад̣̇агкан̣асаман̇г̇ид̇ааяа уббаж̇ж̇ад̇и. на нируж̇жхад̇ийд̇и нирод̇хагкан̣ам̣ аббад̇д̇ад̇ааяа на нируж̇жхад̇и. д̇асса жид̇д̇анд̇и д̇асса буг̇г̇аласса д̇ам̣ жид̇д̇ам̣ гим̣ нируж̇жхиссад̇и ааяад̇ин̃жа нуббаж̇ж̇иссад̇ийд̇и бужчаа, д̇ассаа жа вибхаж̇ж̇аб̣яаагаран̣ийяад̇ааяа звамзд̇т̇а виссаж̇ж̇анам̣ взд̣̇ид̇аб̣б̣ам̣. арахад̇о бажчимажид̇д̇асса уббаад̣̇агкан̣з д̇асса жид̇д̇ам̣ уббаж̇ж̇ад̇и, на нируж̇жхад̇и, ааяад̇ин̃жа нуббаж̇ж̇иссад̇и, авассамзва нирод̇хагкан̣ам̣ бад̇ваа нируж̇жхиссад̇и, д̇ад̇о аббадисанд̇хигад̇д̇аа ан̃н̃ам̣ нуббаж̇ж̇иссад̇и. табзд̇ваа бана бажчимажид̇д̇асаман̇г̇им̣ кийн̣аасавам̣ ид̇арзсам̣ уббаад̣̇агкан̣асаман̇г̇ижид̇д̇ам̣ уббаад̣̇агкан̣асаман̇г̇ид̇ааяа уббаж̇ж̇ад̇и бхан̇г̇ам̣ аббад̇д̇ад̇ааяа на нируж̇жхад̇и, бхан̇г̇ам̣ бана бад̇ваа нируж̇жхиссад̇зва, ан̃н̃ам̣ бана д̇асмим̣ ваа ан̃н̃асмим̣ ваа ад̇д̇абхаавз уббаж̇ж̇иссад̇и жзва нируж̇жхиссад̇и жаад̇и. яасса ваа банаад̇иаад̣̇и д̣̇уд̇ияабан̃хз бана нируж̇жхиссад̇и нуббаж̇ж̇иссад̇ийд̇и яасса жид̇д̇ам̣ уббаад̣̇агкан̣асаман̇г̇ид̇ааяа бхан̇г̇агкан̣ам̣ бад̇ваа нируж̇жхиссад̇и аббадисанд̇хигад̇ааяа нуббаж̇ж̇иссад̇и, д̇асса кийн̣аасавасса д̇ам̣ жид̇д̇ам̣ гим̣ уббаж̇ж̇ад̇и на нируж̇жхад̇ийд̇и бужчаа, д̇ассаа згам̣саб̣яаагаран̣ийяад̇ааяа ‘‘ааманд̇аа’’д̇и виссаж̇ж̇анам̣ взд̣̇ид̇аб̣б̣ам̣. уд̣̇д̇хам̣ ваа ад̇хо ваа харид̇ум̣ асаггонд̇од̇и убаримабад̣̇з ваа хздтимабад̣̇ам̣ хздтимабад̣̇з ваа убаримабад̣̇ам̣ ад̇т̇ад̇о саманнаахарид̇ум̣ гхадзд̇ум̣ буб̣б̣знаабарам̣ яож̇зд̇ваа ад̇т̇ам̣ барижчинд̣̇ид̇ум̣ асаггонд̇од̇и ад̇т̇о.
Yassa cittantiādi pañhadvayaṃ khīṇāsavānaṃ cuticittassa uppādakkhaṇaṃ sandhāya vuttaṃ. Tattha paṭhamapañhe uppajjatīti uppādakkhaṇasamaṅgitāya uppajjati. Na nirujjhatīti nirodhakkhaṇaṃ appattatāya na nirujjhati. Tassa cittanti tassa puggalassa taṃ cittaṃ kiṃ nirujjhissati āyatiñca nuppajjissatīti pucchā, tassā ca vibhajjabyākaraṇīyatāya evamettha vissajjanaṃ veditabbaṃ. Arahato pacchimacittassa uppādakkhaṇe tassa cittaṃ uppajjati, na nirujjhati, āyatiñca nuppajjissati, avassameva nirodhakkhaṇaṃ patvā nirujjhissati, tato appaṭisandhikattā aññaṃ nuppajjissati. Ṭhapetvā pana pacchimacittasamaṅgiṃ khīṇāsavaṃ itaresaṃ uppādakkhaṇasamaṅgicittaṃ uppādakkhaṇasamaṅgitāya uppajjati bhaṅgaṃ appattatāya na nirujjhati, bhaṅgaṃ pana patvā nirujjhissateva, aññaṃ pana tasmiṃ vā aññasmiṃ vā attabhāve uppajjissati ceva nirujjhissati cāti. Yassa vā panātiādi dutiyapañhe pana nirujjhissati nuppajjissatīti yassa cittaṃ uppādakkhaṇasamaṅgitāya bhaṅgakkhaṇaṃ patvā nirujjhissati appaṭisandhikatāya nuppajjissati, tassa khīṇāsavassa taṃ cittaṃ kiṃ uppajjati na nirujjhatīti pucchā, tassā ekaṃsabyākaraṇīyatāya ‘‘āmantā’’ti vissajjanaṃ veditabbaṃ. Uddhaṃ vā adho vā harituṃ asakkontoti uparimapade vā heṭṭhimapadaṃ heṭṭhimapade vā uparimapadaṃ atthato samannāharituṃ ghaṭetuṃ pubbenāparaṃ yojetvā atthaṃ paricchindituṃ asakkontoti attho.
сод̇аабаннаанам̣ сийлзсу барибуурагаарид̇ааяа самаад̣̇иннасийлад̇о над̇т̇и барихаанийд̇и ааха ‘‘абхаб̣б̣о д̣̇аани саасанад̇о нивад̇д̇ид̇у’’нд̇и. вад̣дхзд̇ваад̇и убаримаг̇г̇ад̇т̇ааяа гаммадтаанам̣ вад̣дхзд̇ваа. д̣̇анд̇з бунанд̇и висод̇хзнд̇и зд̇знаад̇и д̣̇анд̇абонам̣ вужжад̇и д̣̇анд̇агадтам̣. абхинаваанам̣ ааг̇анд̇угаанам̣ лаж̇ж̇ийсабхаавам̣ канд̇имзд̇д̇аад̣̇иг̇ун̣асаман̇г̇ид̇ан̃жа гад̇ибаахам̣ судту виймам̣сид̇ваава хад̇т̇агаммаад̣̇исамбадижчанам̣ сан̇г̇ахагаран̣ан̃жа яуд̇д̇анд̇и сааман̣зрасса жзва ан̃н̃зсан̃жа бхигкуунам̣ д̣̇идтаануг̇ад̇им̣ аабаж̇ж̇анд̇аанам̣ н̃аабанад̇т̇ам̣ т̇зро д̇асса бхаб̣б̣аруубад̇ам̣ абхин̃н̃ааяа н̃ад̇вааби буна саммаж̇ж̇анаад̣̇им̣ агааси. ‘‘д̇асса жид̇д̇ад̣̇аманад̇т̇а’’нд̇иби вад̣̇анд̇и. б̣уд̣̇д̇хаважанам̣ бадтабзсийд̇и б̣уд̣̇д̇хаважанам̣ уг̇г̇ан̣хаабзд̇ум̣ аарабхи. сагалавинаяаажаарабадибад̇д̇и убасамбаннаанамзва вихид̇аад̇и д̇аббарияаабун̣анамаби д̇зсан̃н̃зва ануруубанд̇и ааха ‘‘табзд̇ваа винаяабидага’’нд̇и. д̇асса жид̇д̇з табид̇амби б̣уд̣̇д̇хаважанам̣ сан̇г̇обанад̇т̇ааяа нияяаад̇ид̇абхаавам̣ д̣̇ассзд̇ум̣ ‘‘хад̇т̇з бад̇идтаабзд̇ваа’’д̇и вуд̇д̇ам̣.
Sotāpannānaṃ sīlesu paripūrakāritāya samādinnasīlato natthi parihānīti āha ‘‘abhabbo dāni sāsanato nivattitu’’nti. Vaḍḍhetvāti uparimaggatthāya kammaṭṭhānaṃ vaḍḍhetvā. Dante punanti visodhenti etenāti dantaponaṃ vuccati dantakaṭṭhaṃ. Abhinavānaṃ āgantukānaṃ lajjīsabhāvaṃ khantimettādiguṇasamaṅgitañca katipāhaṃ suṭṭhu vīmaṃsitvāva hatthakammādisampaṭicchanaṃ saṅgahakaraṇañca yuttanti sāmaṇerassa ceva aññesañca bhikkhūnaṃ diṭṭhānugatiṃ āpajjantānaṃ ñāpanatthaṃ thero tassa bhabbarūpataṃ abhiññāya ñatvāpi puna sammajjanādiṃ akāsi. ‘‘Tassa cittadamanattha’’ntipi vadanti. Buddhavacanaṃ paṭṭhapesīti buddhavacanaṃ uggaṇhāpetuṃ ārabhi. Sakalavinayācārapaṭipatti upasampannānameva vihitāti tappariyāpuṇanamapi tesaññeva anurūpanti āha ‘‘ṭhapetvā vinayapiṭaka’’nti. Tassa citte ṭhapitampi buddhavacanaṃ saṅgopanatthāya niyyātitabhāvaṃ dassetuṃ ‘‘hatthe patiṭṭhāpetvā’’ti vuttaṃ.
згараж̇ж̇аабхисзганд̇и сагалаж̇амб̣уд̣̇ийбз згаад̇хибажжавасзна гарияамаанам̣ абхисзгам̣. рааж̇ид̣̇д̇хияод̇и рааж̇аанубхааваануг̇ад̇аббабхааваа. яад̇од̇и яад̇о сол̣асагхадад̇о. д̣̇звад̇аа зва д̣̇ивасз д̣̇ивасз аахаранд̇ийд̇и самб̣анд̇хо. д̣̇звасиганд̇и д̣̇ивасз д̣̇ивасз. аг̇ад̣̇аамалаганд̇и аббагзнзва сарийрасод̇ханаад̣̇исамад̇т̇ам̣ саб̣б̣ад̣̇осахарам̣ осад̇хаамалагам̣. чад̣̇д̣̇анд̇ад̣̇ахад̇од̇и чад̣̇д̣̇анд̇ад̣̇ахасамийбз тид̇ад̣̇звавимаанад̇о, габбаругкад̇о ваа, д̇ад̇т̇а д̇аад̣̇исаа габбаругкависзсаа санд̇и, д̇ад̇о ваа аахаранд̇ийд̇и ад̇т̇о. асуд̇д̇амаяиганд̇и суд̇д̇зхи аб̣ад̣̇д̇хам̣ д̣̇иб̣б̣асуманабубпзхзва гад̇ам̣ суманабубпабадам̣. удтид̇асса саалинод̇и саяам̣ж̇аад̇асаалино, самуд̣̇ааяаабзгкан̃жзд̇т̇а згаважанам̣, саалийнанд̇и ад̇т̇о. нава ваахасахассаанийд̇и зд̇т̇а жад̇ассо мудтияо зго гуд̣уво, жад̇д̇ааро гуд̣уваа зго бад̇т̇о, жад̇д̇ааро бад̇т̇аа зго аал̣хаго, жад̇д̇ааро аал̣хагаа згам̣ д̣̇он̣ам̣, жад̇д̇аари д̣̇он̣аани згаа маанигаа , жад̇ассо маанигаа згаа каарий, вийсад̇и кааригаа зго ваахо, д̇ад̣̇зва ‘‘згам̣ сагада’’нд̇и суд̇д̇анибаад̇адтагат̇аад̣̇ийсу (су. ни. адта. 2.гогаалигасуд̇д̇аван̣н̣анаа) вуд̇д̇ам̣. нид̇т̇усаган̣з гаронд̇ийд̇и т̇усагун̣д̣агарахид̇з гаронд̇и. д̇зна ниммид̇ам̣ б̣уд̣̇д̇харуубам̣ бассанд̇од̇и самб̣анд̇хо. бун̃н̃аббабхааваниб̣б̣ад̇д̇аг̇г̇ахан̣ам̣ нааг̇арааж̇аниммид̇аанам̣ бун̃н̃аббабхааваниб̣б̣ад̇д̇зхи сад̣̇исад̇ааяа гад̇ам̣. вималагзд̇умаалаад̇и зд̇т̇а гзд̇умаалаа наама сийсад̇о нигкамид̇ваа убаримуд̣̇д̇хани бун̃ж̇о худ̇ваа д̣̇иссамаанарасмираасийд̇и вад̣̇анд̇и.
Ekarajjābhisekanti sakalajambudīpe ekādhipaccavasena kariyamānaṃ abhisekaṃ. Rājiddhiyoti rājānubhāvānugatappabhāvā. Yatoti yato soḷasaghaṭato. Devatā eva divase divase āharantīti sambandho. Devasikanti divase divase. Agadāmalakanti appakeneva sarīrasodhanādisamatthaṃ sabbadosaharaṃ osadhāmalakaṃ. Chaddantadahatoti chaddantadahasamīpe ṭhitadevavimānato, kapparukkhato vā, tattha tādisā kapparukkhavisesā santi, tato vā āharantīti attho. Asuttamayikanti suttehi abaddhaṃ dibbasumanapuppheheva kataṃ sumanapupphapaṭaṃ. Uṭṭhitassa sālinoti sayaṃjātasālino, samudāyāpekkhañcettha ekavacanaṃ, sālīnanti attho. Nava vāhasahassānīti ettha catasso muṭṭhiyo eko kuḍuvo, cattāro kuḍuvā eko pattho, cattāro patthā eko āḷhako, cattāro āḷhakā ekaṃ doṇaṃ, cattāri doṇāni ekā mānikā , catasso mānikā ekā khārī, vīsati khārikā eko vāho, tadeva ‘‘ekaṃ sakaṭa’’nti suttanipātaṭṭhakathādīsu (su. ni. aṭṭha. 2.kokālikasuttavaṇṇanā) vuttaṃ. Nitthusakaṇe karontīti thusakuṇḍakarahite karonti. Tena nimmitaṃ buddharūpaṃ passantoti sambandho. Puññappabhāvanibbattaggahaṇaṃ nāgarājanimmitānaṃ puññappabhāvanibbattehi sadisatāya kataṃ. Vimalaketumālāti ettha ketumālā nāma sīsato nikkhamitvā uparimuddhani puñjo hutvā dissamānarasmirāsīti vadanti.
б̣аахирагабаасан̣д̣анд̇и б̣аахирагаббавзд̣̇ид̇ам̣ самаяаваад̣̇ам̣. бариг̇г̇ан̣хийд̇и виймам̣самаано бариг̇г̇ахзси. бхад̣̇д̣̇абийтагзсууд̇и взд̇д̇амаяабийтзсу. саарод̇и г̇ун̣асааро. сийхабан̃ж̇арзд̇и махааваад̇абаанасамийбз. гилзсавибпанд̣̇арахид̇ажид̇д̇ад̇ааяа д̣̇анд̇ам̣. нижжам̣ бажжубадтид̇асад̇аарагкад̇ааяа г̇уд̇д̇ам̣. кураг̇г̇зязваад̇и гзсоробанаавасаанз. ад̇ивияа собхад̇ийд̇и самб̣анд̇хо. ваан̣иж̇аго ахосийд̇и мад̇хуваан̣иж̇аго ахоси.
Bāhirakapāsaṇḍanti bāhirakappaveditaṃ samayavādaṃ. Pariggaṇhīti vīmaṃsamāno pariggahesi. Bhaddapīṭhakesūti vettamayapīṭhesu. Sāroti guṇasāro. Sīhapañjareti mahāvātapānasamīpe. Kilesavipphandarahitacittatāya dantaṃ. Niccaṃ paccupaṭṭhitasatārakkhatāya guttaṃ. Khuraggeyevāti kesoropanāvasāne. Ativiya sobhatīti sambandho. Vāṇijako ahosīti madhuvāṇijako ahosi.
буб̣б̣з ва санниваасзнаад̇и буб̣б̣з ваа буб̣б̣аж̇аад̇ияам̣ ваа сахаваасзнаад̇и ад̇т̇о. бажжуббаннахид̇зна ваад̇и вад̇д̇амаанабхавз хид̇ажаран̣зна ваа. звам̣ имзхи д̣̇вийхи гааран̣зхи д̇ам̣ синзхасан̇каад̇ам̣ бзмам̣ ж̇ааяад̇з. гим̣ вияаад̇и? ааха ‘‘уббалам̣ ва яат̇од̣̇агз’’д̇и. уббалам̣ ваад̇и рассагад̇о ваа-сад̣̇д̣̇о авуд̇д̇асамбин̣д̣анад̇т̇о. яат̇аа-сад̣̇д̣̇о убамааяам̣. ид̣̇ам̣ вуд̇д̇ам̣ ход̇и – яат̇аа уббалан̃жа сзсан̃жа бад̣̇умаад̣̇и уд̣̇агз ж̇ааяамаанам̣ д̣̇вз гааран̣аани ниссааяа ж̇ааяад̇и уд̣̇аган̃жзва галалан̃жа, звам̣ бзмамбийд̇и (ж̇аа. адта. 2.2.174).
Pubbe va sannivāsenāti pubbe vā pubbajātiyaṃ vā sahavāsenāti attho. Paccuppannahitena vāti vattamānabhave hitacaraṇena vā. Evaṃ imehi dvīhi kāraṇehi taṃ sinehasaṅkhātaṃ pemaṃ jāyate. Kiṃ viyāti? Āha ‘‘uppalaṃ va yathodake’’ti. Uppalaṃ vāti rassakato vā-saddo avuttasampiṇḍanattho. Yathā-saddo upamāyaṃ. Idaṃ vuttaṃ hoti – yathā uppalañca sesañca padumādi udake jāyamānaṃ dve kāraṇāni nissāya jāyati udakañceva kalalañca, evaṃ pemampīti (jā. aṭṭha. 2.2.174).
д̇хувабхад̇д̇аанийд̇и нижжабхад̇д̇аани. важ̇ж̇ааваж̇ж̇анд̇и куд̣̇д̣̇агам̣ маханд̇ан̃жа важ̇ж̇ам̣. мог̇г̇алибуд̇д̇ад̇иссад̇т̇зрасса бхаарамагаасийд̇и т̇зрасса махаанубхаавад̇ам̣, д̇ад̣̇аа саасанагижжасса нааяагабхаавзна сан̇гхабарин̣ааяагад̇ан̃жа ран̃н̃о н̃аабзд̇ум̣ сан̇гхо д̇асса бхаарамагаасийд̇и взд̣̇ид̇аб̣б̣ам̣, на ан̃н̃зсам̣ аж̇аананад̇ааяа. саасанасса д̣̇ааяаад̣̇од̇и саасанасса аб̣бханд̇аро н̃аад̇аго хоми на хомийд̇и ад̇т̇о. яз саасанз баб̣б̣аж̇ид̇ум̣ буд̇д̇ад̇хийд̇аро барижжаж̇анд̇и, д̇з б̣уд̣̇д̇хасаасанз саалохид̇ан̃аад̇агаа наама хонд̇и, сагаласаасанад̇хааран̣з самад̇т̇аанам̣ ад̇д̇ано орасабуд̇д̇аанам̣ барижжад̇д̇ад̇д̇аа на бажжаяамад̇д̇ад̣̇ааяагаад̇и имамад̇т̇ам̣ санд̇хааяа т̇зро ‘‘на ко, махаарааж̇а, зд̇д̇аавад̇аа саасанасса д̣̇ааяаад̣̇о ход̇ий’’д̇и ааха. гат̇ан̃жарахийд̇и зд̇т̇а жарахийд̇и нибаад̇о агканд̇им̣ д̣̇ийбзд̇и. д̇иссагумаарассаад̇и ран̃н̃о згамаад̇угасса ганидтасса. сагкасийд̇и сагкиссаси. сигкааяа бад̇идтаабзсунд̇и баан̣аад̇ибаад̇аа взраман̣иаад̣̇ийсу вигаалабхож̇анаа взраман̣ибарияосаанаасу часу сигкаасу баан̣аад̇ибаад̇аа взраман̣им̣ д̣̇вз вассаани авийд̇иггамма самаад̣̇аанам̣ самаад̣̇ияаамийд̇иаад̣̇инаа (баажи. 1079) самаад̣̇аанавасзна сигкаасаммуд̇ид̣̇аанаананд̇арам̣ сигкааяа бад̇идтаабзсум̣. ча вассаани абхисзгасса ассаад̇и чавассаабхисзго.
Dhuvabhattānīti niccabhattāni. Vajjāvajjanti khuddakaṃ mahantañca vajjaṃ. Moggaliputtatissattherassa bhāramakāsīti therassa mahānubhāvataṃ, tadā sāsanakiccassa nāyakabhāvena saṅghapariṇāyakatañca rañño ñāpetuṃ saṅgho tassa bhāramakāsīti veditabbaṃ, na aññesaṃ ajānanatāya. Sāsanassa dāyādoti sāsanassa abbhantaro ñātako homi na homīti attho. Ye sāsane pabbajituṃ puttadhītaro pariccajanti, te buddhasāsane sālohitañātakā nāma honti, sakalasāsanadhāraṇe samatthānaṃ attano orasaputtānaṃ pariccattattā na paccayamattadāyakāti imamatthaṃ sandhāya thero ‘‘na kho, mahārāja, ettāvatā sāsanassa dāyādo hotī’’ti āha. Kathañcarahīti ettha carahīti nipāto akkhantiṃ dīpeti. Tissakumārassāti rañño ekamātukassa kaniṭṭhassa. Sakkhasīti sakkhissasi. Sikkhāya patiṭṭhāpesunti pāṇātipātā veramaṇiādīsu vikālabhojanā veramaṇipariyosānāsu chasu sikkhāsu pāṇātipātā veramaṇiṃ dve vassāni avītikkamma samādānaṃ samādiyāmītiādinā (pāci. 1079) samādānavasena sikkhāsammutidānānantaraṃ sikkhāya patiṭṭhāpesuṃ. Cha vassāni abhisekassa assāti chavassābhiseko.
саб̣б̣ам̣ т̇зраваад̣̇анд̇и д̣̇вз сан̇г̇ийд̇ияо аарул̣хаа баал̣и. саа хи махаасан̇гхигаад̣̇ибхинналад̣̇д̇хигаахи вивзжзд̇ум̣ ‘‘т̇зраваад̣̇о’’д̇и вуд̇д̇аа. аяан̃хи вибхаж̇ж̇аваад̣̇о махаагассабад̇т̇зраад̣̇ийхи асан̇гарад̇о рагкид̇о аанийд̇о жаад̇и ‘‘т̇зраваад̣̇о’’д̇и вужжад̇и, ‘‘сат̇зраваад̣̇а’’нд̇иби ликанд̇и. д̇ад̇т̇а ‘‘адтагат̇аасу ааг̇ад̇ат̇зраваад̣̇асахид̇ам̣ саадтагат̇ам̣ д̇ибидагасан̇г̇ахид̇ам̣ б̣уд̣̇д̇хаважана’’нд̇и аанзд̇ваа яож̇зд̇аб̣б̣ам̣. д̇зж̇од̇хаад̇ум̣ самаабаж̇ж̇ид̇ваад̇и д̇зж̇огасин̣аарамман̣ам̣ жхаанам̣ самаабаж̇ж̇ид̇ваа.
Sabbaṃtheravādanti dve saṅgītiyo āruḷhā pāḷi. Sā hi mahāsaṅghikādibhinnaladdhikāhi vivecetuṃ ‘‘theravādo’’ti vuttā. Ayañhi vibhajjavādo mahākassapattherādīhi asaṅkarato rakkhito ānīto cāti ‘‘theravādo’’ti vuccati, ‘‘satheravāda’’ntipi likhanti. Tattha ‘‘aṭṭhakathāsu āgatatheravādasahitaṃ sāṭṭhakathaṃ tipiṭakasaṅgahitaṃ buddhavacana’’nti ānetvā yojetabbaṃ. Tejodhātuṃ samāpajjitvāti tejokasiṇārammaṇaṃ jhānaṃ samāpajjitvā.
сабхааяанд̇и наг̇арамаж̇жхз винижчаяасаалааяам̣. д̣̇идтиг̇ад̇аанийд̇и д̣̇идтияова. на ко банзд̇ам̣ саггаа имзсам̣ маж̇жхз васанд̇зна вуубасамзд̇унд̇и д̇зсан̃хи маж̇жхз васанд̇о д̇зсуязва анд̇ог̇ад̇хад̇д̇аа аад̣̇зяяаважано на ход̇и, д̇асмаа звам̣ жинд̇зси. ахог̇ан̇г̇абаб̣б̣ад̇анд̇и звам̣наамагам̣ баб̣б̣ад̇ам̣. ‘‘ад̇хог̇ан̇г̇аабаб̣б̣ад̇а’’нд̇иби ликанд̇и, д̇ам̣ на сунд̣̇арам̣. бан̃жаад̇абзна д̇аббзнд̇ийд̇и жад̇уусу таанзсу аг̇г̇им̣ ж̇аалзд̇ваа маж̇жхз тад̇ваа суурияаман̣д̣алам̣ уллогзнд̇аа суурияаад̇абзна д̇аббзнд̇и. аад̣̇ижжам̣ анубаривад̇д̇анд̇ийд̇и уд̣̇аяагаалад̇о бабхуд̇и суурияам̣ ологаяамаанаа яаава ад̇т̇ан̇г̇аманаа суурияаабхимукаава баривад̇д̇анд̇и. вобхинд̣̇иссаамаад̇и баг̇г̇ан̣хим̣сууд̇и винаасзссаамаад̇и уссаахамагам̣су.
Sabhāyanti nagaramajjhe vinicchayasālāyaṃ. Diṭṭhigatānīti diṭṭhiyova. Na kho panetaṃ sakkā imesaṃ majjhe vasantena vūpasametunti tesañhi majjhe vasanto tesuyeva antogadhattā ādeyyavacano na hoti, tasmā evaṃ cintesi. Ahogaṅgapabbatanti evaṃnāmakaṃ pabbataṃ. ‘‘Adhogaṅgāpabbata’’ntipi likhanti, taṃ na sundaraṃ. Pañcātapena tappentīti catūsu ṭhānesu aggiṃ jāletvā majjhe ṭhatvā sūriyamaṇḍalaṃ ullokentā sūriyātapena tappenti. Ādiccaṃ anuparivattantīti udayakālato pabhuti sūriyaṃ olokayamānā yāva atthaṅgamanā sūriyābhimukhāva parivattanti. Vobhindissāmāti paggaṇhiṃsūti vināsessāmāti ussāhamakaṃsu.
виссадтод̇и маран̣асан̇гаарахид̇о, ниб̣бхаяод̇и ад̇т̇о. миг̇авам̣ нигкамид̇ваад̇и аран̃н̃з вижарид̇ваа миг̇амааран̣агийл̣аа миг̇авам̣, д̇ам̣ уд̣̇д̣̇исса нигкамид̇ваа миг̇авад̇хад̇т̇ам̣ нигкамид̇ваад̇и ад̇т̇о. ахинааг̇аад̣̇ид̇о висзсанад̇т̇ам̣ ‘‘хад̇т̇инааг̇знаа’’д̇и вуд̇д̇ам̣. д̇асса бассанд̇ассзваад̇и анаад̣̇арз саамиважанам̣, д̇асмим̣ бассанд̇зязваад̇и ад̇т̇о. аагаасз уббад̇ид̇ваад̇и зд̇т̇а аяам̣ вигуб̣б̣анид̣̇д̇хи на ход̇ийд̇и г̇ихиссааби имам̣ ид̣̇д̇хим̣ д̣̇ассзси ад̇хидтаанид̣̇д̇хияаа аббадигкид̇д̇ад̇д̇аа. багад̇иван̣н̣ан̃хи виж̇ахид̇ваа нааг̇аван̣н̣аад̣̇ид̣̇ассанам̣ вигуб̣б̣анид̣̇д̇хи. чан̣авзсанд̇и уссававзсам̣. бад̇хаанагхаранд̇и бхааванаануяог̇авасзна вийрияаарамбхасса ануруубам̣ вивид̇д̇асзнаасанам̣. собийд̇и ран̃н̃о бхааг̇инзяяам̣ санд̇хааяа вуд̇д̇ам̣.
Vissaṭṭhoti maraṇasaṅkārahito, nibbhayoti attho. Migavaṃ nikkhamitvāti araññe vicaritvā migamāraṇakīḷā migavaṃ, taṃ uddissa nikkhamitvā migavadhatthaṃ nikkhamitvāti attho. Ahināgādito visesanatthaṃ ‘‘hatthināgenā’’ti vuttaṃ. Tassa passantassevāti anādare sāmivacanaṃ, tasmiṃ passanteyevāti attho. Ākāse uppatitvāti ettha ayaṃ vikubbaniddhi na hotīti gihissāpi imaṃ iddhiṃ dassesi adhiṭṭhāniddhiyā appaṭikkhittattā. Pakativaṇṇañhi vijahitvā nāgavaṇṇādidassanaṃ vikubbaniddhi. Chaṇavesanti ussavavesaṃ. Padhānagharanti bhāvanānuyogavasena vīriyārambhassa anurūpaṃ vivittasenāsanaṃ. Sopīti rañño bhāgineyyaṃ sandhāya vuttaṃ.
гусалаад̇хиббааяод̇и манаабаж̇жхаасаяо. д̣̇взл̣хагаж̇аад̇од̇и сам̣саяамаабанно. згзгам̣ бхигкусахассабаривааранд̇и зд̇т̇а ‘‘г̇ан̣хид̇ваа ааг̇ажчат̇аа’’д̇и аан̣аагаарзна вуд̇д̇зби т̇зраа бхигкуу саасанахид̇ад̇д̇аа г̇ад̇аа. габбияасаасанан̃хзд̇ам̣, на г̇ихийнам̣ г̇ихигаммабадисам̣яуд̇д̇ам̣. т̇зро нааг̇ажчийд̇и гин̃жааби ‘‘рааж̇аа баггосад̇ий’’д̇и вуд̇д̇зби д̇хаммагаммад̇т̇ааяа ааг̇анд̇ум̣ ваддад̇и, д̣̇вигкад̇д̇ум̣ бана бзсид̇зби ‘‘анануруубаа яаажанаа’’д̇и нааг̇ад̇о, ‘‘махаанубхааво т̇зро яат̇аанусидтам̣ бадибад̇д̇иго бамаан̣абхууд̇о’’д̇и ран̃н̃о жзва убхаяабагкигаанан̃жа ад̇д̇ани б̣ахумаануббаад̣̇анавасзна уд̣̇д̇хам̣ гад̇д̇аб̣б̣агаммасид̣̇д̇хим̣ ааган̇канд̇о асааруббаважаналзсзна нааг̇ажчи. згад̇о сан̇гхадид̇аа нааваа нааваасан̇гхаадам̣. саасанабажжад̇т̇игаанам̣ б̣ахубхаавад̇о ааха ‘‘аарагкам̣ сам̣вид̇хааяаа’’д̇и. яанд̇и яасмаа. аб̣б̣аахим̣сууд̇и аагад̣дхим̣су. б̣аахирад̇од̇и уяяаанасса б̣аахирад̇о. бассанд̇аанам̣ ад̇ид̣̇уггарабхаавзна убадтаанам̣ санд̇хааяа ‘‘бад̣̇зсабат̇авийгамбанам̣ д̣̇уггара’’нд̇и ааха. ад̇хидтаанз банзд̇т̇а висум̣ д̣̇уггарад̇аа наама над̇т̇и.
Kusalādhippāyoti manāpajjhāsayo. Dveḷhakajātoti saṃsayamāpanno. Ekekaṃ bhikkhusahassaparivāranti ettha ‘‘gaṇhitvā āgacchathā’’ti āṇākārena vuttepi therā bhikkhū sāsanahitattā gatā. Kappiyasāsanañhetaṃ, na gihīnaṃ gihikammapaṭisaṃyuttaṃ. Thero nāgacchīti kiñcāpi ‘‘rājā pakkosatī’’ti vuttepi dhammakammatthāya āgantuṃ vaṭṭati, dvikkhattuṃ pana pesitepi ‘‘ananurūpā yācanā’’ti nāgato, ‘‘mahānubhāvo thero yathānusiṭṭhaṃ paṭipattiko pamāṇabhūto’’ti rañño ceva ubhayapakkhikānañca attani bahumānuppādanavasena uddhaṃ kattabbakammasiddhiṃ ākaṅkhanto asāruppavacanalesena nāgacchi. Ekato saṅghaṭitā nāvā nāvāsaṅghāṭaṃ. Sāsanapaccatthikānaṃ bahubhāvato āha ‘‘ārakkhaṃ saṃvidhāyā’’ti. Yanti yasmā. Abbāhiṃsūti ākaḍḍhiṃsu. Bāhiratoti uyyānassa bāhirato. Passantānaṃ atidukkarabhāvena upaṭṭhānaṃ sandhāya ‘‘padesapathavīkampanaṃ dukkara’’nti āha. Adhiṭṭhāne panettha visuṃ dukkaratā nāma natthi.
д̣̇ийбагад̇ид̇д̇ирод̇и саагун̣игзхи самаж̇аад̇игаанам̣ г̇ахан̣ад̇т̇ааяа босзд̇ваа сигкзд̇ваа баасадтаанз табанагад̇ид̇д̇иро. на бадижжа гаммам̣ пусад̇ийд̇и г̇аат̇ааяа яад̣̇и д̇ава баабагирияааяа мано наббад̣̇уссад̇и, луд̣̇д̣̇зна д̇ам̣ ниссааяа гад̇амби баабагаммам̣ д̇ам̣ на пусад̇и. баабагирияааяа хи аббоссуггасса нираалаяасса бхад̣̇расса сад̇о д̇ава д̇ам̣ баабам̣ на убалимбад̇и, д̇ава жид̇д̇ам̣ на аллийяад̇ийд̇и ад̇т̇о.
Dīpakatittiroti sākuṇikehi samajātikānaṃ gahaṇatthāya posetvā sikkhetvā pāsaṭṭhāne ṭhapanakatittiro. Na paṭicca kammaṃ phusatīti gāthāya yadi tava pāpakiriyāya mano nappadussati, luddena taṃ nissāya katampi pāpakammaṃ taṃ na phusati. Pāpakiriyāya hi appossukkassa nirālayassa bhadrassa sato tava taṃ pāpaṃ na upalimpati, tava cittaṃ na allīyatīti attho.
гим̣ вад̣̇ад̇и сийлзнаад̇и гим̣ваад̣̇ий. ат̇а ваа го гад̇амо ваад̣̇о гим̣ваад̣̇о, со зд̇асса ад̇т̇ийд̇и гим̣ваад̣̇ий. ад̇д̇аанан̃жа логан̃жа сассад̇од̇и ваад̣̇о зд̇зсанд̇и сассад̇аваад̣̇ино. сад̇д̇зсу сан̇каарзсу ваа згажжам̣ сассад̇анд̇и бавад̇д̇о ваад̣̇о згажжасассад̇о, д̇асмим̣ нияуд̇д̇аа згажжасассад̇игаа. ‘‘анд̇о, ананд̇о, анд̇аананд̇о, нзванд̇о наананд̇о’’д̇и звам̣ анд̇аананд̇ам̣ аараб̣бха бавад̇д̇аа жад̇д̇ааро ваад̣̇аа анд̇аананд̇аа, д̇зсу нияуд̇д̇аа анд̇аананд̇игаа. на марад̇и на убажчиж̇ж̇ад̇ийд̇и амараа, званд̇иби мз но, д̇ат̇аад̇иби мз нод̇иаад̣̇инаа (д̣̇ий. ни. 1.62) бавад̇д̇аа д̣̇идти жзва ваажаа жа, д̇ассаа вигкзбо зд̇зсанд̇и амараавигкзбигаа. ат̇а ваа амараа наама мажчаж̇аад̇и д̣̇уг̇г̇ахаа ход̇и, д̇ассаа амарааяа вияа вигкзбо зд̇зсанд̇и амараавигкзбигаа. ад̇хижжа яад̣̇ижчагам̣ яам̣ гин̃жи гааран̣ам̣ анабзгкид̇ваа самуббанно ад̇д̇аа жа лого жаад̇и ваад̣̇з нияуд̇д̇аа ад̇хижжасамуббаннигаа. сан̃н̃ий ад̇д̇аад̇и ваад̣̇о язсанд̇з сан̃н̃ийваад̣̇аа. звам̣ асан̃н̃ийваад̣̇аа нзвасан̃н̃ийнаасан̃н̃ийваад̣̇аад̇и зд̇т̇ааби. ‘‘гааяасса бхзд̣̇аа сад̇д̇о ужчиж̇ж̇ад̇ий’’д̇и (д̣̇ий. ни. 1.85-86) звам̣ ужчзд̣̇ам̣ вад̣̇анд̇ийд̇и ужчзд̣̇аваад̣̇аа. д̣̇идтад̇хаммод̇и бажжагко яат̇аасагам̣ ад̇д̇абхааво, д̇асмим̣язва яат̇аагаамам̣ бан̃жагаамаг̇ун̣абарибхог̇зна ниб̣б̣аанам̣ д̣̇угкуубасамам̣ вад̣̇анд̇ийд̇и д̣̇идтад̇хамманиб̣б̣аанаваад̣̇аа. вибхаж̇ид̇ваа ваад̣̇о зд̇ассаад̇и вибхаж̇ж̇аваад̣̇ий, бхаг̇аваа. саб̣б̣ам̣ згаруубзна авад̇ваа яат̇аад̇хаммам̣ вибхаж̇ид̇ваа ниж̇ж̇адам̣ ниг̇умб̣ам̣ гад̇ваа яат̇аа д̣̇идтисанд̣̇зхаад̣̇аяо виг̇ажчанд̇и, саммуд̇ибарамад̇т̇аа жа д̇хаммаа асан̇гараа бадибханд̇и, звам̣ зганд̇авибхаж̇анасийлод̇и вуд̇д̇ам̣ ход̇и. бараббаваад̣̇ам̣ мад̣̇д̣̇амаанод̇и д̇асмим̣ гаалз уббаннам̣, ааяад̇им̣ уббаж̇ж̇анаган̃жа саб̣б̣ам̣ бараваад̣̇ам̣ гат̇аавад̇т̇умаад̇игаавиваран̣амукзна ниммад̣̇д̣̇анам̣ гаронд̇од̇и ад̇т̇о.
Kiṃ vadati sīlenāti kiṃvādī. Atha vā ko katamo vādo kiṃvādo, so etassa atthīti kiṃvādī. Attānañca lokañca sassatoti vādo etesanti sassatavādino. Sattesu saṅkhāresu vā ekaccaṃ sassatanti pavatto vādo ekaccasassato, tasmiṃ niyuttā ekaccasassatikā. ‘‘Anto, ananto, antānanto, nevanto nānanto’’ti evaṃ antānantaṃ ārabbha pavattā cattāro vādā antānantā, tesu niyuttā antānantikā. Na marati na upacchijjatīti amarā, evantipi me no, tathātipi me notiādinā (dī. ni. 1.62) pavattā diṭṭhi ceva vācā ca, tassā vikkhepo etesanti amarāvikkhepikā. Atha vā amarā nāma macchajāti duggahā hoti, tassā amarāya viya vikkhepo etesanti amarāvikkhepikā. Adhicca yadicchakaṃ yaṃ kiñci kāraṇaṃ anapekkhitvā samuppanno attā ca loko cāti vāde niyuttā adhiccasamuppannikā. Saññī attāti vādo yesante saññīvādā. Evaṃ asaññīvādā nevasaññīnāsaññīvādāti etthāpi. ‘‘Kāyassa bhedā satto ucchijjatī’’ti (dī. ni. 1.85-86) evaṃ ucchedaṃ vadantīti ucchedavādā. Diṭṭhadhammoti paccakkho yathāsakaṃ attabhāvo, tasmiṃyeva yathākāmaṃ pañcakāmaguṇaparibhogena nibbānaṃ dukkhūpasamaṃ vadantīti diṭṭhadhammanibbānavādā. Vibhajitvā vādo etassāti vibhajjavādī, bhagavā. Sabbaṃ ekarūpena avatvā yathādhammaṃ vibhajitvā nijjaṭaṃ nigumbaṃ katvā yathā diṭṭhisandehādayo vigacchanti, sammutiparamatthā ca dhammā asaṅkarā paṭibhanti, evaṃ ekantavibhajanasīloti vuttaṃ hoti. Parappavādaṃ maddamānoti tasmiṃ kāle uppannaṃ, āyatiṃ uppajjanakañca sabbaṃ paravādaṃ kathāvatthumātikāvivaraṇamukhena nimmaddanaṃ karontoti attho.
д̇ад̇ияасан̇г̇ийд̇игат̇ааван̣н̣анаанаяо нидтид̇о.
Tatiyasaṅgītikathāvaṇṇanānayo niṭṭhito.
