| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
15. баннарасамаваг̇г̇о
15. Pannarasamavaggo
(153) 9. д̇ад̇ияасан̃н̃аавзд̣̇аяид̇агат̇аа
(153) 9. Tatiyasaññāvedayitakathā
732. сан̃н̃аавзд̣̇аяид̇анирод̇хам̣ самаабанно гаалам̣ гарзяяаад̇и? ааманд̇аа. ад̇т̇и сан̃н̃аавзд̣̇аяид̇анирод̇хам̣ самаабаннасса мааран̣анд̇ияо пассо, мааран̣анд̇ияаа взд̣̇анаа, мааран̣анд̇ияаа сан̃н̃аа, мааран̣анд̇ияаа жзд̇анаа , мааран̣анд̇ияам̣ жид̇д̇анд̇и? на хзвам̣ вад̇д̇аб̣б̣з…бз… над̇т̇и сан̃н̃аавзд̣̇аяид̇анирод̇хам̣ самаабаннасса мааран̣анд̇ияо пассо, мааран̣анд̇ияаа взд̣̇анаа, мааран̣анд̇ияаа сан̃н̃аа, мааран̣анд̇ияаа жзд̇анаа, мааран̣анд̇ияам̣ жид̇д̇анд̇и? ааманд̇аа. хан̃жи над̇т̇и сан̃н̃аавзд̣̇аяид̇анирод̇хам̣ самаабаннасса мааран̣анд̇ияо пассо, мааран̣анд̇ияаа взд̣̇анаа, мааран̣анд̇ияаа сан̃н̃аа, мааран̣анд̇ияаа жзд̇анаа, мааран̣анд̇ияам̣ жид̇д̇ам̣, но жа вад̇а рз вад̇д̇аб̣б̣з – ‘‘сан̃н̃аавзд̣̇аяид̇анирод̇хам̣ самаабанно гаалам̣ гарзяяаа’’д̇и.
732. Saññāvedayitanirodhaṃ samāpanno kālaṃ kareyyāti? Āmantā. Atthi saññāvedayitanirodhaṃ samāpannassa māraṇantiyo phasso, māraṇantiyā vedanā, māraṇantiyā saññā, māraṇantiyā cetanā , māraṇantiyaṃ cittanti? Na hevaṃ vattabbe…pe… natthi saññāvedayitanirodhaṃ samāpannassa māraṇantiyo phasso, māraṇantiyā vedanā, māraṇantiyā saññā, māraṇantiyā cetanā, māraṇantiyaṃ cittanti? Āmantā. Hañci natthi saññāvedayitanirodhaṃ samāpannassa māraṇantiyo phasso, māraṇantiyā vedanā, māraṇantiyā saññā, māraṇantiyā cetanā, māraṇantiyaṃ cittaṃ, no ca vata re vattabbe – ‘‘saññāvedayitanirodhaṃ samāpanno kālaṃ kareyyā’’ti.
сан̃н̃аавзд̣̇аяид̇анирод̇хам̣ самаабанно гаалам̣ гарзяяаад̇и? ааманд̇аа. ад̇т̇и сан̃н̃аавзд̣̇аяид̇анирод̇хам̣ самаабаннасса пассо взд̣̇анаа сан̃н̃аа жзд̇анаа жид̇д̇анд̇и? на хзвам̣ вад̇д̇аб̣б̣з…бз… над̇т̇и сан̃н̃аавзд̣̇аяид̇анирод̇хам̣ самаабаннасса пассо взд̣̇анаа сан̃н̃аа жзд̇анаа жид̇д̇анд̇и? ааманд̇аа. апассагасса гаалам̣ гирияаа, авзд̣̇анагасса гаалам̣ гирияаа…бз… ажид̇д̇агасса гаалам̣ гирияаад̇и? на хзвам̣ вад̇д̇аб̣б̣з…бз… нану сапассагасса гаалам̣ гирияаа…бз… сажид̇д̇агасса гаалам̣ гирияаад̇и? ааманд̇аа. хан̃жи сапассагасса гаалам̣ гирияаа…бз… сажид̇д̇агасса гаалам̣ гирияаа, но жа вад̇а рз вад̇д̇аб̣б̣з – ‘‘сан̃н̃аавзд̣̇аяид̇анирод̇хам̣ самаабанно гаалам̣ гарзяяаа’’д̇и.
Saññāvedayitanirodhaṃ samāpanno kālaṃ kareyyāti? Āmantā. Atthi saññāvedayitanirodhaṃ samāpannassa phasso vedanā saññā cetanā cittanti? Na hevaṃ vattabbe…pe… natthi saññāvedayitanirodhaṃ samāpannassa phasso vedanā saññā cetanā cittanti? Āmantā. Aphassakassa kālaṃ kiriyā, avedanakassa kālaṃ kiriyā…pe… acittakassa kālaṃ kiriyāti? Na hevaṃ vattabbe…pe… nanu saphassakassa kālaṃ kiriyā…pe… sacittakassa kālaṃ kiriyāti? Āmantā. Hañci saphassakassa kālaṃ kiriyā…pe… sacittakassa kālaṃ kiriyā, no ca vata re vattabbe – ‘‘saññāvedayitanirodhaṃ samāpanno kālaṃ kareyyā’’ti.
сан̃н̃аавзд̣̇аяид̇анирод̇хам̣ самаабанно гаалам̣ гарзяяаад̇и? ааманд̇аа. сан̃н̃аавзд̣̇аяид̇анирод̇хам̣ самаабаннасса гааяз висам̣ гамзяяа, сад̇т̇ам̣ гамзяяа, аг̇г̇и гамзяяаад̇и? на хзвам̣ вад̇д̇аб̣б̣з…бз… сан̃н̃аавзд̣̇аяид̇анирод̇хам̣ самаабаннасса гааяз висам̣ на гамзяяа, сад̇т̇ам̣ на гамзяяа, аг̇г̇и на гамзяяаад̇и? ааманд̇аа. хан̃жи сан̃н̃аавзд̣̇аяид̇анирод̇хам̣ самаабаннасса гааяз висам̣ на гамзяяа, сад̇т̇ам̣ на гамзяяа, аг̇г̇и на гамзяяа, но жа вад̇а рз вад̇д̇аб̣б̣з – ‘‘сан̃н̃аавзд̣̇аяид̇анирод̇хам̣ самаабанно гаалам̣ гарзяяаа’’д̇и.
Saññāvedayitanirodhaṃ samāpanno kālaṃ kareyyāti? Āmantā. Saññāvedayitanirodhaṃ samāpannassa kāye visaṃ kameyya, satthaṃ kameyya, aggi kameyyāti? Na hevaṃ vattabbe…pe… saññāvedayitanirodhaṃ samāpannassa kāye visaṃ na kameyya, satthaṃ na kameyya, aggi na kameyyāti? Āmantā. Hañci saññāvedayitanirodhaṃ samāpannassa kāye visaṃ na kameyya, satthaṃ na kameyya, aggi na kameyya, no ca vata re vattabbe – ‘‘saññāvedayitanirodhaṃ samāpanno kālaṃ kareyyā’’ti.
сан̃н̃аавзд̣̇аяид̇анирод̇хам̣ самаабанно гаалам̣ гарзяяаад̇и? ааманд̇аа. сан̃н̃аавзд̣̇аяид̇анирод̇хам̣ самаабаннасса гааяз висам̣ гамзяяа, сад̇т̇ам̣ гамзяяа, аг̇г̇и гамзяяаад̇и? ааманд̇аа. на нирод̇хам̣ самаабаннод̇и? на хзвам̣ вад̇д̇аб̣б̣з…бз….
Saññāvedayitanirodhaṃ samāpanno kālaṃ kareyyāti? Āmantā. Saññāvedayitanirodhaṃ samāpannassa kāye visaṃ kameyya, satthaṃ kameyya, aggi kameyyāti? Āmantā. Na nirodhaṃ samāpannoti? Na hevaṃ vattabbe…pe….
733. сан̃н̃аавзд̣̇аяид̇анирод̇хам̣ самаабанно на гаалам̣ гарзяяаад̇и? ааманд̇аа. ад̇т̇и со нияаамо язна нияаамзна нияад̇о сан̃н̃аавзд̣̇аяид̇анирод̇хам̣ самаабанно на гаалам̣ гарзяяаад̇и? над̇т̇и. хан̃жи над̇т̇и со нияаамо язна нияаамзна нияад̇о сан̃н̃аавзд̣̇аяид̇анирод̇хам̣ самаабанно на гаалам̣ гарзяяа, но жа вад̇а рз вад̇д̇аб̣б̣з – ‘‘сан̃н̃аавзд̣̇аяид̇анирод̇хам̣ самаабанно на гаалам̣ гарзяяаад̇и.
733. Saññāvedayitanirodhaṃ samāpanno na kālaṃ kareyyāti? Āmantā. Atthi so niyāmo yena niyāmena niyato saññāvedayitanirodhaṃ samāpanno na kālaṃ kareyyāti? Natthi. Hañci natthi so niyāmo yena niyāmena niyato saññāvedayitanirodhaṃ samāpanno na kālaṃ kareyya, no ca vata re vattabbe – ‘‘saññāvedayitanirodhaṃ samāpanno na kālaṃ kareyyāti.
734. жагкувин̃н̃аан̣асаман̇г̇ий на гаалам̣ гарзяяаад̇и? ааманд̇аа. ад̇т̇и со нияаамо язна нияаамзна нияад̇о жагкувин̃н̃аан̣асаман̇г̇ий на гаалам̣ гарзяяаад̇и? над̇т̇и. хан̃жи над̇т̇и со нияаамо язна нияаамзна нияад̇о жагкувин̃н̃аан̣асаман̇г̇ий на гаалам̣ гарзяяа, но жа вад̇а рз вад̇д̇аб̣б̣з – ‘‘жагкувин̃н̃аан̣асаман̇г̇ий на гаалам̣ гарзяяаа’’д̇и.
734. Cakkhuviññāṇasamaṅgī na kālaṃ kareyyāti? Āmantā. Atthi so niyāmo yena niyāmena niyato cakkhuviññāṇasamaṅgī na kālaṃ kareyyāti? Natthi. Hañci natthi so niyāmo yena niyāmena niyato cakkhuviññāṇasamaṅgī na kālaṃ kareyya, no ca vata re vattabbe – ‘‘cakkhuviññāṇasamaṅgī na kālaṃ kareyyā’’ti.
д̇ад̇ияасан̃н̃аавзд̣̇аяид̇агат̇аа нидтид̇аа.
Tatiyasaññāvedayitakathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 9. д̇ад̇ияасан̃н̃аавзд̣̇аяид̇агат̇ааван̣н̣анаа • 9. Tatiyasaññāvedayitakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. д̇ад̇ияасан̃н̃аавзд̣̇аяид̇агат̇ааван̣н̣анаа • 9. Tatiyasaññāvedayitakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. д̇ад̇ияасан̃н̃аавзд̣̇аяид̇агат̇ааван̣н̣анаа • 9. Tatiyasaññāvedayitakathāvaṇṇanā
