| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. ততিযসারিপুত্তকোট্ঠিকসুত্তং
5. Tatiyasāriputtakoṭṭhikasuttaṃ
৪১৪. একং সমযং আযস্মা চ সারিপুত্তো, আযস্মা চ মহাকোট্ঠিকো বারাণসিযং ৰিহরন্তি ইসিপতনে মিগদাযে…পে॰… (সাযেৰ পুচ্ছা) ‘‘কো নু খো, আৰুসো, হেতু কো পচ্চযো, যেনেতং অব্যাকতং ভগৰতা’’তি? ‘‘রূপে খো, আৰুসো, অৰিগতরাগস্স অৰিগতচ্ছন্দস্স অৰিগতপেমস্স অৰিগতপিপাসস্স অৰিগতপরিল়াহস্স অৰিগততণ্হস্স ‘হোতি তথাগতো পরং মরণা’তিপিস্স হোতি…পে॰… ‘নেৰ হোতি ন ন হোতি তথাগতো পরং মরণা’তিপিস্স হোতি। ৰেদনায…পে॰… সঞ্ঞায…পে॰… সঙ্খারেসু…পে॰… ৰিঞ্ঞাণে অৰিগতরাগস্স অৰিগতচ্ছন্দস্স অৰিগতপেমস্স অৰিগতপিপাসস্স অৰিগতপরিল়াহস্স অৰিগততণ্হস্স ‘হোতি তথাগতো পরং মরণা’তিপিস্স হোতি…পে॰… ‘নেৰ হোতি ন ন হোতি তথাগতো পরং মরণা’তিপিস্স হোতি। রূপে চ খো, আৰুসো, ৰিগতরাগস্স…পে॰… ৰেদনায…পে॰… সঞ্ঞায…পে॰… সঙ্খারেসু…পে॰… ৰিঞ্ঞাণে ৰিগতরাগস্স ৰিগতচ্ছন্দস্স ৰিগতপেমস্স ৰিগতপিপাসস্স ৰিগতপরিল়াহস্স ৰিগততণ্হস্স ‘হোতি তথাগতো পরং মরণা’তিপিস্স ন হোতি…পে॰… ‘নেৰ হোতি ন ন হোতি তথাগতো পরং মরণা’তিপিস্স ন হোতি। অযং খো, আৰুসো, হেতু, অযং পচ্চযো, যেনেতং অব্যাকতং ভগৰতা’’তি। পঞ্চমং।
414. Ekaṃ samayaṃ āyasmā ca sāriputto, āyasmā ca mahākoṭṭhiko bārāṇasiyaṃ viharanti isipatane migadāye…pe… (sāyeva pucchā) ‘‘ko nu kho, āvuso, hetu ko paccayo, yenetaṃ abyākataṃ bhagavatā’’ti? ‘‘Rūpe kho, āvuso, avigatarāgassa avigatacchandassa avigatapemassa avigatapipāsassa avigatapariḷāhassa avigatataṇhassa ‘hoti tathāgato paraṃ maraṇā’tipissa hoti…pe… ‘neva hoti na na hoti tathāgato paraṃ maraṇā’tipissa hoti. Vedanāya…pe… saññāya…pe… saṅkhāresu…pe… viññāṇe avigatarāgassa avigatacchandassa avigatapemassa avigatapipāsassa avigatapariḷāhassa avigatataṇhassa ‘hoti tathāgato paraṃ maraṇā’tipissa hoti…pe… ‘neva hoti na na hoti tathāgato paraṃ maraṇā’tipissa hoti. Rūpe ca kho, āvuso, vigatarāgassa…pe… vedanāya…pe… saññāya…pe… saṅkhāresu…pe… viññāṇe vigatarāgassa vigatacchandassa vigatapemassa vigatapipāsassa vigatapariḷāhassa vigatataṇhassa ‘hoti tathāgato paraṃ maraṇā’tipissa na hoti…pe… ‘neva hoti na na hoti tathāgato paraṃ maraṇā’tipissa na hoti. Ayaṃ kho, āvuso, hetu, ayaṃ paccayo, yenetaṃ abyākataṃ bhagavatā’’ti. Pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩-৮. পঠমসারিপুত্তকোট্ঠিকসুত্তাদিৰণ্ণনা • 3-8. Paṭhamasāriputtakoṭṭhikasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩-৮. পঠমসারিপুত্তকোট্ঠিকসুত্তাদিৰণ্ণনা • 3-8. Paṭhamasāriputtakoṭṭhikasuttādivaṇṇanā
