| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. තතියසත්‌තකසුත්‌තං
5. Tatiyasattakasuttaṃ
25. ‘‘සත්‌ත වො, භික්‌ඛවෙ, අපරිහානියෙ ධම්‌මෙ දෙසෙස්‌සාමි. තං සුණාථ, සාධුකං මනසි කරොථ…පෙ.… කතමෙ ච, භික්‌ඛවෙ, සත්‌ත අපරිහානියා ධම්‌මා? යාවකීවඤ්‌ච, භික්‌ඛවෙ, භික්‌ඛූ සද්‌ධා භවිස්‌සන්‌ති; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානි.
25. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā? Yāvakīvañca, bhikkhave, bhikkhū saddhā bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘යාවකීවඤ්‌ච , භික්‌ඛවෙ, භික්‌ඛූ හිරිමන්‌තො 1 භවිස්‌සන්‌ති…පෙ.… ඔත්‌තප්‌පිනො 2 භවිස්‌සන්‌ති… බහුස්‌සුතා භවිස්‌සන්‌ති… ආරද්‌ධවීරියා භවිස්‌සන්‌ති… සතිමන්‌තො භවිස්‌සන්‌ති… පඤ්‌ඤවන්‌තො භවිස්‌සන්‌ති; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානි. ‘‘යාවකීවඤ්‌ච, භික්‌ඛවෙ, ඉමෙ සත්‌ත අපරිහානියා ධම්‌මා භික්‌ඛූසු ඨස්‌සන්‌ති, ඉමෙසු ච සත්‌තසු අපරිහානියෙසු ධම්‌මෙසු භික්‌ඛූ සන්‌දිස්‌සිස්‌සන්‌ති; වුද්‌ධියෙව, භික්‌ඛවෙ, භික්‌ඛූනං පාටිකඞ්‌ඛා, නො පරිහානී’’ති. පඤ්‌චමං.
‘‘Yāvakīvañca , bhikkhave, bhikkhū hirimanto 3 bhavissanti…pe… ottappino 4 bhavissanti… bahussutā bhavissanti… āraddhavīriyā bhavissanti… satimanto bhavissanti… paññavanto bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Pañcamaṃ.
Footnotes:
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 4-6. දුතියසත්‌තකසුත්‌තාදිවණ්‌ණනා • 4-6. Dutiyasattakasuttādivaṇṇanā
