| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
3. ததியஸிக்கா²பத³ங்
3. Tatiyasikkhāpadaṃ
941. ததியே உளாரகுலாதி ஜாதிஸெட்ட²குலா, இஸ்ஸரியபோ⁴கா³தீ³ஹி வா விபுலகுலா. கு³ணேஹீதி ஸீலாதி³கு³ணேஹி. ‘‘உளாராதி ஸம்பா⁴விதா’’தி இமினா இதிலோபதுல்யாதி⁴கரணஸமாஸங் த³ஸ்ஸேதி.
941. Tatiye uḷārakulāti jātiseṭṭhakulā, issariyabhogādīhi vā vipulakulā. Guṇehīti sīlādiguṇehi. ‘‘Uḷārāti sambhāvitā’’ti iminā itilopatulyādhikaraṇasamāsaṃ dasseti.
‘‘அபி⁴பூ⁴தா’’தி இமினா ‘‘அபகதா’’தி எத்த² கரதா⁴து ஸப்³ப³தா⁴த்வத்த²வாசீபி இத⁴ அபபுப்³ப³த்தா விஸேஸதோ அபி⁴ப⁴வனத்தே² வத்ததீதி த³ஸ்ஸேதி. ஏதாஸந்தி பி⁴க்கு²னீனங். ‘‘ஸஞ்ஞாபயமானா’’தி இமினா ஸஞ்ஞாபனங் ஸஞ்ஞத்தீதி வசனத்த²ங் த³ஸ்ஸேதி. ஹேதூதா³ஹரணாதீ³ஹீதி எத்த² ஆதி³ஸத்³தே³ன உபமாத³யோ ஸங்க³ண்ஹாதி. ‘‘விவிதே⁴ஹி நயேஹி ஞாபனா’’தி இமினா விவிதே⁴ஹி ஞாபனங் விஞ்ஞத்தீதி வசனத்த²ங் த³ஸ்ஸேதி.
‘‘Abhibhūtā’’ti iminā ‘‘apakatā’’ti ettha karadhātu sabbadhātvatthavācīpi idha apapubbattā visesato abhibhavanatthe vattatīti dasseti. Etāsanti bhikkhunīnaṃ. ‘‘Saññāpayamānā’’ti iminā saññāpanaṃ saññattīti vacanatthaṃ dasseti. Hetūdāharaṇādīhīti ettha ādisaddena upamādayo saṅgaṇhāti. ‘‘Vividhehi nayehi ñāpanā’’ti iminā vividhehi ñāpanaṃ viññattīti vacanatthaṃ dasseti.
943. சங்கமனே பத³வாரக³ணனாய ஆபத்தியா ந காரேதப்³போ³தி ஆஹ ‘‘நிவத்தனக³ணனாயா’’தி. பதா³தி³க³ணனாயாதி பத³அனுபதா³தி³க³ணனாயாதி. ததியங்.
943. Caṅkamane padavāragaṇanāya āpattiyā na kāretabboti āha ‘‘nivattanagaṇanāyā’’ti. Padādigaṇanāyāti padaanupadādigaṇanāyāti. Tatiyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 3. ததியஸிக்கா²பத³ங் • 3. Tatiyasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 3. ததியஸிக்கா²பத³வண்ணனா • 3. Tatiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. ததியஸிக்கா²பத³வண்ணனா • 3. Tatiyasikkhāpadavaṇṇanā
