| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. д̇ад̇ияасигкаабад̣̇ам̣
3. Tatiyasikkhāpadaṃ
743. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний ан̃н̃ад̇арааяа бхигкунияаа сад̣̇д̇хим̣ жийварам̣ баривад̇д̇зд̇ваа барибхун̃ж̇и. ат̇а ко саа бхигкуний д̇ам̣ жийварам̣ сан̇гхарид̇ваа 1 нигкиби. т̇уллананд̣̇аа бхигкуний д̇ам̣ бхигкуним̣ зд̇ад̣̇авожа – ‘‘яам̣ д̇з, аяяз, маяаа сад̣̇д̇хим̣ жийварам̣ баривад̇д̇ид̇ам̣, гахам̣ д̇ам̣ жийвара’’нд̇и? ат̇а ко саа бхигкуний д̇ам̣ жийварам̣ нийхарид̇ваа т̇уллананд̣̇ааяа бхигкунияаа д̣̇ассзси. т̇уллананд̣̇аа бхигкуний д̇ам̣ бхигкуним̣ зд̇ад̣̇авожа – ‘‘ханд̣̇ааяяз, д̇уяхам̣ жийварам̣, аахара мз’д̇ам̣ жийварам̣, яам̣ д̇уяхам̣ д̇уяхамзвзд̇ам̣, яам̣ маяхам̣ маяхамзвзд̇ам̣, аахара мз’д̇ам̣, сагам̣ бажжаахараа’’д̇и ажчинд̣̇и. ат̇а ко саа бхигкуний бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа бхигкунияаа сад̣̇д̇хим̣ жийварам̣ баривад̇д̇зд̇ваа ажчинд̣̇иссад̇ий’’д̇и! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аараажзсум̣…бз… сажжам̣ гира, бхигкавз, т̇уллананд̣̇аа бхигкуний бхигкунияаа сад̣̇д̇хим̣ жийварам̣ баривад̇д̇зд̇ваа ажчинд̣̇ад̇ийд̇и 2? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний бхигкунияаа сад̣̇д̇хим̣ жийварам̣ баривад̇д̇зд̇ваа ажчинд̣̇иссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
743. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī aññatarāya bhikkhuniyā saddhiṃ cīvaraṃ parivattetvā paribhuñji. Atha kho sā bhikkhunī taṃ cīvaraṃ saṅgharitvā 3 nikkhipi. Thullanandā bhikkhunī taṃ bhikkhuniṃ etadavoca – ‘‘yaṃ te, ayye, mayā saddhiṃ cīvaraṃ parivattitaṃ, kahaṃ taṃ cīvara’’nti? Atha kho sā bhikkhunī taṃ cīvaraṃ nīharitvā thullanandāya bhikkhuniyā dassesi. Thullanandā bhikkhunī taṃ bhikkhuniṃ etadavoca – ‘‘handāyye, tuyhaṃ cīvaraṃ, āhara me’taṃ cīvaraṃ, yaṃ tuyhaṃ tuyhamevetaṃ, yaṃ mayhaṃ mayhamevetaṃ, āhara me’taṃ, sakaṃ paccāharā’’ti acchindi. Atha kho sā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā bhikkhuniyā saddhiṃ cīvaraṃ parivattetvā acchindissatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārācesuṃ…pe… saccaṃ kira, bhikkhave, thullanandā bhikkhunī bhikkhuniyā saddhiṃ cīvaraṃ parivattetvā acchindatīti 4? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī bhikkhuniyā saddhiṃ cīvaraṃ parivattetvā acchindissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
744. ‘‘яаа бана бхигкуний бхигкунияаа сад̣̇д̇хим̣ жийварам̣ баривад̇д̇зд̇ваа саа бажчаа звам̣ вад̣̇зяяа – ‘ханд̣̇ааяяз, д̇уяхам̣ жийварам̣ аахара, мзд̇ам̣ жийварам̣, яам̣ д̇уяхам̣ д̇уяхамзвзд̇ам̣, яам̣ маяхам̣ маяхамзвзд̇ам̣, аахара мзд̇ам̣, сагам̣ бажжаахараа’д̇и ажчинд̣̇зяяа ваа ажчинд̣̇аабзяяа ваа, ниссаг̇г̇ияам̣ баажид̇д̇ияа’’нд̇и.
744.‘‘Yāpana bhikkhunī bhikkhuniyā saddhiṃ cīvaraṃ parivattetvā sā pacchā evaṃ vadeyya – ‘handāyye, tuyhaṃ cīvaraṃ āhara, metaṃ cīvaraṃ, yaṃ tuyhaṃ tuyhamevetaṃ, yaṃ mayhaṃ mayhamevetaṃ, āhara metaṃ, sakaṃ paccāharā’ti acchindeyya vā acchindāpeyya vā, nissaggiyaṃ pācittiya’’nti.
745. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
745.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бхигкунияаа сад̣̇д̇хинд̇и ан̃н̃ааяа бхигкунияаа сад̣̇д̇хим̣.
Bhikkhuniyā saddhinti aññāya bhikkhuniyā saddhiṃ.
жийварам̣ наама чаннам̣ жийвараанам̣ ан̃н̃ад̇арам̣ жийварам̣ вигаббанубаг̇ам̣ бажчимам̣.
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
баривад̇д̇зд̇ваад̇и барид̇д̇зна ваа вибулам̣, вибулзна ваа барид̇д̇ам̣.
Parivattetvāti parittena vā vipulaṃ, vipulena vā parittaṃ.
ажчинд̣̇зяяаад̇и саяам̣ ажчинд̣̇ад̇и ниссаг̇г̇ияам̣ баажид̇д̇ияам̣.
Acchindeyyāti sayaṃ acchindati nissaggiyaṃ pācittiyaṃ.
ажчинд̣̇аабзяяаад̇и ан̃н̃ам̣ аан̣аабзд̇и, аабад̇д̇и д̣̇уггадасса. сагим̣ аан̣ад̇д̇аа б̣ахугамби ажчинд̣̇ад̇и, ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа згабхигкунияаа ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ‘‘ид̣̇ам̣ мз аяяз жийварам̣ бхигкунияаа сад̣̇д̇хим̣ баривад̇д̇зд̇ваа ажчиннам̣ ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… аяяааяа д̣̇аммийд̇и.
Acchindāpeyyāti aññaṃ āṇāpeti, āpatti dukkaṭassa. Sakiṃ āṇattā bahukampi acchindati, nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… ‘‘idaṃ me ayye cīvaraṃ bhikkhuniyā saddhiṃ parivattetvā acchinnaṃ nissaggiyaṃ, imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… ayyāya dammīti.
746. убасамбаннааяа убасамбаннасан̃н̃аа жийварам̣ баривад̇д̇зд̇ваа ажчинд̣̇ад̇и ваа ажчинд̣̇аабзд̇и ваа, ниссаг̇г̇ияам̣ баажид̇д̇ияам̣. убасамбаннааяа взмад̇игаа жийварам̣ баривад̇д̇зд̇ваа ажчинд̣̇ад̇и ваа ажчинд̣̇аабзд̇и ваа, ниссаг̇г̇ияам̣ баажид̇д̇ияам̣. убасамбаннааяа анубасамбаннасан̃н̃аа жийварам̣ баривад̇д̇зд̇ваа ажчинд̣̇ад̇и ваа ажчинд̣̇аабзд̇и ваа, ниссаг̇г̇ияам̣ баажид̇д̇ияам̣.
746. Upasampannāya upasampannasaññā cīvaraṃ parivattetvā acchindati vā acchindāpeti vā, nissaggiyaṃ pācittiyaṃ. Upasampannāya vematikā cīvaraṃ parivattetvā acchindati vā acchindāpeti vā, nissaggiyaṃ pācittiyaṃ. Upasampannāya anupasampannasaññā cīvaraṃ parivattetvā acchindati vā acchindāpeti vā, nissaggiyaṃ pācittiyaṃ.
ан̃н̃ам̣ баригкаарам̣ баривад̇д̇зд̇ваа ажчинд̣̇ад̇и ваа ажчинд̣̇аабзд̇и ваа, аабад̇д̇и д̣̇уггадасса. анубасамбаннааяа сад̣̇д̇хим̣ жийварам̣ ваа ан̃н̃ам̣ ваа баригкаарам̣ баривад̇д̇зд̇ваа ажчинд̣̇ад̇и ваа ажчинд̣̇аабзд̇и ваа, аабад̇д̇и д̣̇уггадасса. анубасамбаннааяа убасамбаннасан̃н̃аа, аабад̇д̇и д̣̇уггадасса. анубасамбаннааяа взмад̇игаа, аабад̇д̇и д̣̇уггадасса. анубасамбаннааяа анубасамбаннасан̃н̃аа, аабад̇д̇и д̣̇уггадасса.
Aññaṃ parikkhāraṃ parivattetvā acchindati vā acchindāpeti vā, āpatti dukkaṭassa. Anupasampannāya saddhiṃ cīvaraṃ vā aññaṃ vā parikkhāraṃ parivattetvā acchindati vā acchindāpeti vā, āpatti dukkaṭassa. Anupasampannāya upasampannasaññā, āpatti dukkaṭassa. Anupasampannāya vematikā, āpatti dukkaṭassa. Anupasampannāya anupasampannasaññā, āpatti dukkaṭassa.
747. анаабад̇д̇и саа ваа д̣̇зд̇и, д̇ассаа ваа виссасанд̇ий г̇ан̣хаад̇и, уммад̇д̇игааяа, аад̣̇игаммигааяаад̇и.
747. Anāpatti sā vā deti, tassā vā vissasantī gaṇhāti, ummattikāya, ādikammikāyāti.
д̇ад̇ияасигкаабад̣̇ам̣ нидтид̇ам̣.
Tatiyasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / д̇ад̇ияаниссаг̇г̇ияабаажид̇д̇ияасигкаабад̣̇аван̣н̣анаа • Tatiyanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияаниссаг̇г̇ияабаажид̇д̇ияасигкаабад̣̇аван̣н̣анаа • 3. Tatiyanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияаниссаг̇г̇ияабаажид̇д̇ияасигкаабад̣̇ам̣ • 3. Tatiyanissaggiyapācittiyasikkhāpadaṃ
