| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. д̇ад̇ияасигкаабад̣̇ам̣
3. Tatiyasikkhāpadaṃ
846. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхад̣̇д̣̇ааяа гаабилаанияаа анд̇зваасинияаа бхигкунияаа н̃аад̇аго бурисо г̇аамагаа саавад̇т̇им̣ аг̇амааси гзнажид̣̇зва гаран̣ийязна. ат̇а ко саа бхигкуний – ‘‘бхаг̇авад̇аа бадигкид̇д̇ам̣ бадижчаннз огаасз бурисзна сад̣̇д̇хим̣ згзнзгаа санд̇идтид̇ум̣ саллабид̇у’’нд̇и д̇знзва бурисзна сад̣̇д̇хим̣ аж̇жхогаасз згзнзгаа санд̇идтад̇иби саллабад̇иби. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний аж̇жхогаасз бурисзна сад̣̇д̇хим̣ згзнзгаа санд̇идтиссад̇иби саллабиссад̇ибий’’д̇и…бз… сажжам̣ гира, бхигкавз, бхигкуний аж̇жхогаасз бурисзна сад̣̇д̇хим̣ згзнзгаа санд̇идтад̇иби саллабад̇ибийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний аж̇жхогаасз бурисзна сад̣̇д̇хим̣ згзнзгаа санд̇идтиссад̇иби саллабиссад̇иби! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
846. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhaddāya kāpilāniyā antevāsiniyā bhikkhuniyā ñātako puriso gāmakā sāvatthiṃ agamāsi kenacideva karaṇīyena. Atha kho sā bhikkhunī – ‘‘bhagavatā paṭikkhittaṃ paṭicchanne okāse purisena saddhiṃ ekenekā santiṭṭhituṃ sallapitu’’nti teneva purisena saddhiṃ ajjhokāse ekenekā santiṭṭhatipi sallapatipi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhunī ajjhokāse purisena saddhiṃ ekenekā santiṭṭhissatipi sallapissatipī’’ti…pe… saccaṃ kira, bhikkhave, bhikkhunī ajjhokāse purisena saddhiṃ ekenekā santiṭṭhatipi sallapatipīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī ajjhokāse purisena saddhiṃ ekenekā santiṭṭhissatipi sallapissatipi! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
847. ‘‘яаа бана бхигкуний аж̇жхогаасз бурисзна сад̣̇д̇хим̣ згзнзгаа санд̇идтзяяа ваа саллабзяяа ваа, баажид̇д̇ияа’’нд̇и.
847.‘‘Yā pana bhikkhunī ajjhokāse purisena saddhiṃ ekenekā santiṭṭheyya vā sallapeyya vā, pācittiya’’nti.
848. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
848.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
аж̇жхогаасо наама аббадижчанно ход̇и гуддзна ваа гаваадзна ваа гилан̃ж̇зна ваа саан̣ибаагаарзна ваа ругкзна ваа т̇амбхзна ваа год̇т̇ал̣ияаа ваа, язна гзнажи аббадижчанно ход̇и.
Ajjhokāso nāma appaṭicchanno hoti kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā, yena kenaci appaṭicchanno hoti.
бурисо наама мануссабурисо, на яагко на бзд̇о на д̇иражчаанаг̇ад̇о, вин̃н̃уу бадиб̣ало санд̇идтид̇ум̣ саллабид̇ум̣.
Puriso nāma manussapuriso, na yakkho na peto na tiracchānagato, viññū paṭibalo santiṭṭhituṃ sallapituṃ.
сад̣̇д̇хинд̇и згад̇о. згзнзгаад̇и бурисо жзва ход̇и бхигкуний жа.
Saddhinti ekato. Ekenekāti puriso ceva hoti bhikkhunī ca.
санд̇идтзяяа ваад̇и бурисасса хад̇т̇абаасз д̇идтад̇и, аабад̇д̇и баажид̇д̇ияасса.
Santiṭṭheyya vāti purisassa hatthapāse tiṭṭhati, āpatti pācittiyassa.
саллабзяяа ваад̇и бурисасса хад̇т̇абаасз тид̇аа саллабад̇и, аабад̇д̇и баажид̇д̇ияасса.
Sallapeyya vāti purisassa hatthapāse ṭhitā sallapati, āpatti pācittiyassa.
хад̇т̇абаасам̣ виж̇ахид̇ваа санд̇идтад̇и ваа саллабад̇и ваа, аабад̇д̇и д̣̇уггадасса. яагкзна ваа бзд̇зна ваа бан̣д̣агзна ваа д̇иражчааг̇ад̇амануссавиг̇г̇ахзна ваа сад̣̇д̇хим̣ санд̇идтад̇и ваа саллабад̇и ваа, аабад̇д̇и д̣̇уггадасса.
Hatthapāsaṃ vijahitvā santiṭṭhati vā sallapati vā, āpatti dukkaṭassa. Yakkhena vā petena vā paṇḍakena vā tiracchāgatamanussaviggahena vā saddhiṃ santiṭṭhati vā sallapati vā, āpatti dukkaṭassa.
849. анаабад̇д̇и яо гожи вин̃н̃уу д̣̇уд̇ияо ход̇и, арахобзгкаа, ан̃н̃авихид̇аа санд̇идтад̇и ваа саллабад̇и ваа, уммад̇д̇игааяа, аад̣̇игаммигааяаад̇и.
849. Anāpatti yo koci viññū dutiyo hoti, arahopekkhā, aññavihitā santiṭṭhati vā sallapati vā, ummattikāya, ādikammikāyāti.
д̇ад̇ияасигкаабад̣̇ам̣ нидтид̇ам̣.
Tatiyasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 3. д̇ад̇ияасигкаабад̣̇аван̣н̣анаа • 3. Tatiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. анд̇хагаараваг̇г̇аван̣н̣анаа • 2. Andhakāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2-3-4. д̣̇уд̇ияад̇ад̇ияажад̇уд̇т̇асигкаабад̣̇аван̣н̣анаа • 2-3-4. Dutiyatatiyacatutthasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияасигкаабад̣̇ам̣ • 3. Tatiyasikkhāpadaṃ
