| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. д̇ад̇ияасигкаабад̣̇ам̣
3. Tatiyasikkhāpadaṃ
892. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇ариссаа бхигкунияаа махаг̇гхз жийварад̣̇уссз жийварам̣ д̣̇уггадам̣ ход̇и д̣̇уссиб̣б̣ид̇ам̣. т̇уллананд̣̇аа бхигкуний д̇ам̣ бхигкуним̣ зд̇ад̣̇авожа – ‘‘сунд̣̇арам̣ ко ид̣̇ам̣ д̇з, аяяз, жийварад̣̇уссам̣; жийваран̃жа ко д̣̇уггадам̣ д̣̇уссиб̣б̣ид̇а’’нд̇и. ‘‘висиб̣б̣зми, аяяз, сиб̣б̣иссасий’’д̇и? ‘‘аамааяяз, сиб̣б̣иссаамий’’д̇и. ат̇а ко саа бхигкуний д̇ам̣ жийварам̣ висиб̣б̣зд̇ваа т̇уллананд̣̇ааяа бхигкунияаа ад̣̇ааси. т̇уллананд̣̇аа бхигкуний – ‘‘сиб̣б̣иссаами сиб̣б̣иссаамий’’д̇и нзва сиб̣б̣ад̇и на сиб̣б̣аабанааяа уссуггам̣ гарод̇и. ат̇а ко саа бхигкуний бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа бхигкунияаа жийварам̣ висиб̣б̣аабзд̇ваа нзва сиб̣б̣иссад̇и на сиб̣б̣аабанааяа уссуггам̣ гариссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний бхигкунияаа жийварам̣ висиб̣б̣аабзд̇ваа нзва сиб̣б̣ад̇и на сиб̣б̣аабанааяа уссуггам̣ гарод̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний бхигкунияаа жийварам̣ висиб̣б̣аабзд̇ваа нзва сиб̣б̣иссад̇и на сиб̣б̣аабанааяа уссуггам̣ гариссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
892. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarissā bhikkhuniyā mahagghe cīvaradusse cīvaraṃ dukkaṭaṃ hoti dussibbitaṃ. Thullanandā bhikkhunī taṃ bhikkhuniṃ etadavoca – ‘‘sundaraṃ kho idaṃ te, ayye, cīvaradussaṃ; cīvarañca kho dukkaṭaṃ dussibbita’’nti. ‘‘Visibbemi, ayye, sibbissasī’’ti? ‘‘Āmāyye, sibbissāmī’’ti. Atha kho sā bhikkhunī taṃ cīvaraṃ visibbetvā thullanandāya bhikkhuniyā adāsi. Thullanandā bhikkhunī – ‘‘sibbissāmi sibbissāmī’’ti neva sibbati na sibbāpanāya ussukkaṃ karoti. Atha kho sā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā bhikkhuniyā cīvaraṃ visibbāpetvā neva sibbissati na sibbāpanāya ussukkaṃ karissatī’’ti…pe… saccaṃ kira, bhikkhave, thullanandā bhikkhunī bhikkhuniyā cīvaraṃ visibbāpetvā neva sibbati na sibbāpanāya ussukkaṃ karotīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī bhikkhuniyā cīvaraṃ visibbāpetvā neva sibbissati na sibbāpanāya ussukkaṃ karissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
893. ‘‘яаа бана бхигкуний бхигкунияаа жийварам̣ висиб̣б̣зд̇ваа ваа висиб̣б̣аабзд̇ваа ваа саа бажчаа ананд̇арааяигиний нзва сиб̣б̣зяяа на сиб̣б̣аабанааяа уссуггам̣ гарзяяа, ан̃н̃ад̇ра жад̇уухабан̃жаахаа, баажид̇д̇ияа’’нд̇и.
893.‘‘Yā pana bhikkhunī bhikkhuniyā cīvaraṃ visibbetvā vā visibbāpetvā vā sā pacchā anantarāyikinī neva sibbeyya na sibbāpanāya ussukkaṃ kareyya, aññatra catūhapañcāhā, pācittiya’’nti.
894. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
894.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бхигкунияаад̇и ан̃н̃ааяа бхигкунияаа.
Bhikkhuniyāti aññāya bhikkhuniyā.
жийварам̣ наама чаннам̣ жийвараанам̣ ан̃н̃ад̇арам̣ жийварам̣.
Cīvaraṃ nāma channaṃ cīvarānaṃ aññataraṃ cīvaraṃ.
висиб̣б̣зд̇ваад̇и саяам̣ висиб̣б̣зд̇ваа. висиб̣б̣аабзд̇ваад̇и ан̃н̃ам̣ висиб̣б̣аабзд̇ваа.
Visibbetvāti sayaṃ visibbetvā. Visibbāpetvāti aññaṃ visibbāpetvā.
саа бажчаа ананд̇арааяигинийд̇и асад̇и анд̇арааяз.
Sā pacchā anantarāyikinīti asati antarāye.
нзва сиб̣б̣зяяаад̇и на саяам̣ сиб̣б̣зяяа. на сиб̣б̣аабанааяа уссуггам̣ гарзяяаад̇и на ан̃н̃ам̣ аан̣аабзяяа.
Neva sibbeyyāti na sayaṃ sibbeyya. Na sibbāpanāya ussukkaṃ kareyyāti na aññaṃ āṇāpeyya.
ан̃н̃ад̇ра жад̇уухабан̃жаахаад̇и табзд̇ваа жад̇уухабан̃жаахам̣. ‘‘нзва сиб̣б̣иссаами на сиб̣б̣аабанааяа уссуггам̣ гариссаамий’’д̇и д̇хурам̣ нигкид̇д̇амад̇д̇з аабад̇д̇и баажид̇д̇ияасса.
Aññatracatūhapañcāhāti ṭhapetvā catūhapañcāhaṃ. ‘‘Neva sibbissāmi na sibbāpanāya ussukkaṃ karissāmī’’ti dhuraṃ nikkhittamatte āpatti pācittiyassa.
895. убасамбаннааяа убасамбаннасан̃н̃аа жийварам̣ висиб̣б̣зд̇ваа ваа висиб̣б̣аабзд̇ваа ваа саа бажчаа ананд̇арааяигиний нзва сиб̣б̣ад̇и на сиб̣б̣аабанааяа уссуггам̣ гарод̇и, ан̃н̃ад̇ра жад̇уухабан̃жаахаа, аабад̇д̇и баажид̇д̇ияасса. убасамбаннааяа взмад̇игаа жийварам̣ висиб̣б̣зд̇ваа ваа висиб̣б̣аабзд̇ваа ваа саа бажчаа ананд̇арааяигиний нзва сиб̣б̣ад̇и на сиб̣б̣аабанааяа уссуггам̣ гарод̇и, ан̃н̃ад̇ра жад̇уухабан̃жаахаа, аабад̇д̇и баажид̇д̇ияасса. убасамбаннааяа анубасамбаннасан̃н̃аа жийварам̣ висиб̣б̣зд̇ваа ваа висиб̣б̣аабзд̇ваа ваа саа бажчаа ананд̇арааяигиний нзва сиб̣б̣ад̇и на сиб̣б̣аабанааяа уссуггам̣ гарод̇и, ан̃н̃ад̇ра жад̇уухабан̃жаахаа, аабад̇д̇и баажид̇д̇ияасса.
895. Upasampannāya upasampannasaññā cīvaraṃ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṃ karoti, aññatra catūhapañcāhā, āpatti pācittiyassa. Upasampannāya vematikā cīvaraṃ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṃ karoti, aññatra catūhapañcāhā, āpatti pācittiyassa. Upasampannāya anupasampannasaññā cīvaraṃ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṃ karoti, aññatra catūhapañcāhā, āpatti pācittiyassa.
ан̃н̃ам̣ баригкаарам̣ висиб̣б̣зд̇ваа ваа висиб̣б̣аабзд̇ваа ваа саа бажчаа ананд̇арааяигиний нзва сиб̣б̣ад̇и на сиб̣б̣аабанааяа уссуггам̣ гарод̇и, ан̃н̃ад̇ра жад̇уухабан̃жаахаа, аабад̇д̇и д̣̇уггадасса . анубасамбаннааяа жийварам̣ ваа ан̃н̃ам̣ ваа баригкаарам̣ висиб̣б̣зд̇ваа ваа висиб̣б̣аабзд̇ваа ваа саа бажчаа ананд̇арааяигиний нзва сиб̣б̣ад̇и на сиб̣б̣аабанааяа уссуггам̣ гарод̇и, ан̃н̃ад̇ра жад̇уухабан̃жаахаа, аабад̇д̇и д̣̇уггадасса. анубасамбаннааяа убасамбаннасан̃н̃аа, аабад̇д̇и д̣̇уггадасса. анубасамбаннааяа взмад̇игаа, аабад̇д̇и д̣̇уггадасса. анубасамбаннааяа анубасамбаннасан̃н̃аа, аабад̇д̇и д̣̇уггадасса.
Aññaṃ parikkhāraṃ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṃ karoti, aññatra catūhapañcāhā, āpatti dukkaṭassa . Anupasampannāya cīvaraṃ vā aññaṃ vā parikkhāraṃ visibbetvā vā visibbāpetvā vā sā pacchā anantarāyikinī neva sibbati na sibbāpanāya ussukkaṃ karoti, aññatra catūhapañcāhā, āpatti dukkaṭassa. Anupasampannāya upasampannasaññā, āpatti dukkaṭassa. Anupasampannāya vematikā, āpatti dukkaṭassa. Anupasampannāya anupasampannasaññā, āpatti dukkaṭassa.
896. анаабад̇д̇и сад̇и анд̇арааяз, бариязсид̇ваа на лабхад̇и, гаронд̇ий жад̇уухабан̃жаахам̣ ад̇иггаамзд̇и, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
896. Anāpatti sati antarāye, pariyesitvā na labhati, karontī catūhapañcāhaṃ atikkāmeti, gilānāya, āpadāsu, ummattikāya, ādikammikāyāti.
д̇ад̇ияасигкаабад̣̇ам̣ нидтид̇ам̣.
Tatiyasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 3. д̇ад̇ияасигкаабад̣̇аван̣н̣анаа • 3. Tatiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. наг̇г̇аваг̇г̇аван̣н̣анаа • 3. Naggavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияасигкаабад̣̇аван̣н̣анаа • 3. Tatiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияасигкаабад̣̇ам̣ • 3. Tatiyasikkhāpadaṃ
