| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. д̇ад̇ияасигкаабад̣̇ам̣
3. Tatiyasikkhāpadaṃ
941. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний б̣ахуссуд̇аа ход̇и бхаан̣игаа висаарад̣̇аа баддаа д̇хаммим̣ гат̇ам̣ гаад̇ум̣. бхад̣̇д̣̇ааби гаабилааний б̣ахуссуд̇аа ход̇и бхаан̣игаа висаарад̣̇аа баддаа д̇хаммим̣ гат̇ам̣ гаад̇ум̣ ул̣аарасамбхаавид̇аа. мануссаа – ‘‘аяяаа бхад̣̇д̣̇аа гаабилааний б̣ахуссуд̇аа бхаан̣игаа висаарад̣̇аа баддаа д̇хаммим̣ гат̇ам̣ гаад̇ум̣ ул̣аарасамбхаавид̇аа’’д̇и бхад̣̇д̣̇ам̣ гаабилааним̣ батамам̣ баяирубаасид̇ваа, бажчаа т̇уллананд̣̇ам̣ бхигкуним̣ баяирубаасанд̇и. т̇уллананд̣̇аа бхигкуний иссаабагад̇аа – ‘‘имаа гира аббижчаа санд̇удтаа бавивид̇д̇аа асам̣садтаа яаа имаа сан̃н̃ад̇д̇иб̣ахулаа вин̃н̃ад̇д̇иб̣ахулаа вихаранд̇ий’’д̇и бхад̣̇д̣̇ааяа гаабилаанияаа бурад̇о жан̇гамад̇иби д̇идтад̇иби нисийд̣̇ад̇иби сзяяамби габбзд̇и уд̣̇д̣̇исад̇иби уд̣̇д̣̇исаабзд̇иби саж̇жхааяамби гарод̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа аяяааяа бхад̣̇д̣̇ааяа гаабилаанияаа сан̃жижжа апаасум̣ гариссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний бхад̣̇д̣̇ааяа гаабилаанияаа сан̃жижжа апаасум̣ гарод̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний бхад̣̇д̣̇ааяа гаабилаанияаа сан̃жижжа апаасум̣ гариссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
941. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṃ kathaṃ kātuṃ. Bhaddāpi kāpilānī bahussutā hoti bhāṇikā visāradā paṭṭā dhammiṃ kathaṃ kātuṃ uḷārasambhāvitā. Manussā – ‘‘ayyā bhaddā kāpilānī bahussutā bhāṇikā visāradā paṭṭā dhammiṃ kathaṃ kātuṃ uḷārasambhāvitā’’ti bhaddaṃ kāpilāniṃ paṭhamaṃ payirupāsitvā, pacchā thullanandaṃ bhikkhuniṃ payirupāsanti. Thullanandā bhikkhunī issāpakatā – ‘‘imā kira appicchā santuṭṭhā pavivittā asaṃsaṭṭhā yā imā saññattibahulā viññattibahulā viharantī’’ti bhaddāya kāpilāniyā purato caṅkamatipi tiṭṭhatipi nisīdatipi seyyampi kappeti uddisatipi uddisāpetipi sajjhāyampi karoti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā ayyāya bhaddāya kāpilāniyā sañcicca aphāsuṃ karissatī’’ti…pe… saccaṃ kira, bhikkhave, thullanandā bhikkhunī bhaddāya kāpilāniyā sañcicca aphāsuṃ karotīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī bhaddāya kāpilāniyā sañcicca aphāsuṃ karissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
942. ‘‘яаа бана бхигкуний бхигкунияаа сан̃жижжа апаасум̣ гарзяяа, баажид̇д̇ияа’’нд̇и.
942.‘‘Yā pana bhikkhunī bhikkhuniyā sañcicca aphāsuṃ kareyya, pācittiya’’nti.
943. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
943.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бхигкунияаад̇и ан̃н̃ааяа бхигкунияаа.
Bhikkhuniyāti aññāya bhikkhuniyā.
сан̃жижжаад̇и ж̇аананд̇ий сан̃ж̇аананд̇ий жзжжа абхивид̇арид̇ваа вийд̇иггамо.
Sañciccāti jānantī sañjānantī cecca abhivitaritvā vītikkamo.
апаасум̣ гарзяяаад̇и – ‘‘иминаа имиссаа апаасу бхависсад̇ий’’д̇и анаабужчаа бурад̇о жан̇гамад̇и ваа д̇идтад̇и ваа нисийд̣̇ад̇и ваа сзяяам̣ ваа габбзд̇и уд̣̇д̣̇исад̇и ваа уд̣̇д̣̇исаабзд̇и ваа саж̇жхааяам̣ ваа гарод̇и, аабад̇д̇и баажид̇д̇ияасса.
Aphāsuṃ kareyyāti – ‘‘iminā imissā aphāsu bhavissatī’’ti anāpucchā purato caṅkamati vā tiṭṭhati vā nisīdati vā seyyaṃ vā kappeti uddisati vā uddisāpeti vā sajjhāyaṃ vā karoti, āpatti pācittiyassa.
944. убасамбаннааяа убасамбаннасан̃н̃аа сан̃жижжа апаасум̣ гарод̇и, аабад̇д̇и баажид̇д̇ияасса. убасамбаннааяа взмад̇игаа сан̃жижжа апаасум̣ гарод̇и, аабад̇д̇и баажид̇д̇ияасса. убасамбаннааяа анубасамбаннасан̃н̃аа сан̃жижжа апаасум̣ гарод̇и, аабад̇д̇и баажид̇д̇ияасса.
944. Upasampannāya upasampannasaññā sañcicca aphāsuṃ karoti, āpatti pācittiyassa. Upasampannāya vematikā sañcicca aphāsuṃ karoti, āpatti pācittiyassa. Upasampannāya anupasampannasaññā sañcicca aphāsuṃ karoti, āpatti pācittiyassa.
анубасамбаннааяа сан̃жижжа апаасум̣ гарод̇и, аабад̇д̇и д̣̇уггадасса. анубасамбаннааяа убасамбаннасан̃н̃аа, аабад̇д̇и д̣̇уггадасса. анубасамбаннааяа взмад̇игаа, аабад̇д̇и д̣̇уггадасса. анубасамбаннааяа анубасамбаннасан̃н̃аа, аабад̇д̇и д̣̇уггадасса.
Anupasampannāya sañcicca aphāsuṃ karoti, āpatti dukkaṭassa. Anupasampannāya upasampannasaññā, āpatti dukkaṭassa. Anupasampannāya vematikā, āpatti dukkaṭassa. Anupasampannāya anupasampannasaññā, āpatti dukkaṭassa.
945. анаабад̇д̇и на апаасум̣ гад̇д̇угаамаа аабужчаа бурад̇о жан̇гамад̇и ваа д̇идтад̇и ваа нисийд̣̇ад̇и ваа сзяяам̣ ваа габбзд̇и уд̣̇д̣̇исад̇и ваа уд̣̇д̣̇исаабзд̇и ваа саж̇жхааяам̣ ваа гарод̇и, уммад̇д̇игааяа, аад̣̇игаммигааяаад̇и.
945. Anāpatti na aphāsuṃ kattukāmā āpucchā purato caṅkamati vā tiṭṭhati vā nisīdati vā seyyaṃ vā kappeti uddisati vā uddisāpeti vā sajjhāyaṃ vā karoti, ummattikāya, ādikammikāyāti.
д̇ад̇ияасигкаабад̣̇ам̣ нидтид̇ам̣.
Tatiyasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 3. д̇ад̇ияасигкаабад̣̇аван̣н̣анаа • 3. Tatiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̇ад̇ияасигкаабад̣̇аван̣н̣анаа • 3. Tatiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияасигкаабад̣̇ам̣ • 3. Tatiyasikkhāpadaṃ
