| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. д̇ад̇ияасигкаабад̣̇ам̣
3. Tatiyasikkhāpadaṃ
1077. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо д̣̇вз вассаани часу д̇хаммзсу асигкид̇асигкам̣ сигкамаанам̣ вудтаабзнд̇и. д̇аа б̣аалаа хонд̇и аб̣яад̇д̇аа на ж̇аананд̇и габбияам̣ ваа агаббияам̣ ваа. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо д̣̇вз вассаани часу д̇хаммзсу асигкид̇асигкам̣ сигкамаанам̣ вудтаабзссанд̇ий’’д̇и…бз… сажжам̣ гира, бхигкавз, бхигкунияо д̣̇вз вассаани часу д̇хаммзсу асигкид̇асигкам̣ сигкамаанам̣ вудтаабзнд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо д̣̇вз вассаани часу д̇хаммзсу асигкид̇асигкам̣ сигкамаанам̣ вудтаабзссанд̇и! нзд̇ам̣ , бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, сигкамаанааяа д̣̇вз вассаани часу д̇хаммзсу сигкаасаммуд̇им̣ д̣̇аад̇ум̣. зван̃жа бана, бхигкавз, д̣̇аад̇аб̣б̣аа. д̇ааяа сигкамаанааяа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа бхигкунийнам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ахам̣, аяяз, ид̇т̇аннаамаа ид̇т̇аннаамааяа аяяааяа сигкамаанаа. сан̇гхам̣ д̣̇вз вассаани часу д̇хаммзсу сигкаасаммуд̇им̣ яаажаамий’’д̇и. д̣̇уд̇ияамби яаажид̇аб̣б̣аа. д̇ад̇ияамби яаажид̇аб̣б̣аа. б̣яад̇д̇ааяа бхигкунияаа бадиб̣алааяа сан̇гхо н̃аабзд̇аб̣б̣о –
1077. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo dve vassāni chasu dhammesu asikkhitasikkhaṃ sikkhamānaṃ vuṭṭhāpenti. Tā bālā honti abyattā na jānanti kappiyaṃ vā akappiyaṃ vā. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo dve vassāni chasu dhammesu asikkhitasikkhaṃ sikkhamānaṃ vuṭṭhāpessantī’’ti…pe… saccaṃ kira, bhikkhave, bhikkhuniyo dve vassāni chasu dhammesu asikkhitasikkhaṃ sikkhamānaṃ vuṭṭhāpentī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo dve vassāni chasu dhammesu asikkhitasikkhaṃ sikkhamānaṃ vuṭṭhāpessanti! Netaṃ , bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘anujānāmi, bhikkhave, sikkhamānāya dve vassāni chasu dhammesu sikkhāsammutiṃ dātuṃ. Evañca pana, bhikkhave, dātabbā. Tāya sikkhamānāya saṅghaṃ upasaṅkamitvā ekaṃsaṃ uttarāsaṅgaṃ karitvā bhikkhunīnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ahaṃ, ayye, itthannāmā itthannāmāya ayyāya sikkhamānā. Saṅghaṃ dve vassāni chasu dhammesu sikkhāsammutiṃ yācāmī’’ti. Dutiyampi yācitabbā. Tatiyampi yācitabbā. Byattāya bhikkhuniyā paṭibalāya saṅgho ñāpetabbo –
1078. ‘‘сун̣аад̇у мз, аяяз, сан̇гхо. аяам̣ ид̇т̇аннаамаа ид̇т̇аннаамааяа аяяааяа сигкамаанаа сан̇гхам̣ д̣̇вз вассаани часу д̇хаммзсу сигкаасаммуд̇им̣ яаажад̇и. яад̣̇и сан̇гхасса бад̇д̇агаллам̣ сан̇гхо ид̇т̇аннаамааяа сигкамаанааяа д̣̇вз вассаани часу д̇хаммзсу сигкаасаммуд̇им̣ д̣̇ад̣̇зяяа. зсаа н̃ад̇д̇и.
1078. ‘‘Suṇātu me, ayye, saṅgho. Ayaṃ itthannāmā itthannāmāya ayyāya sikkhamānā saṅghaṃ dve vassāni chasu dhammesu sikkhāsammutiṃ yācati. Yadi saṅghassa pattakallaṃ saṅgho itthannāmāya sikkhamānāya dve vassāni chasu dhammesu sikkhāsammutiṃ dadeyya. Esā ñatti.
‘‘сун̣аад̇у мз, аяяз, сан̇гхо. аяам̣ ид̇т̇аннаамаа ид̇т̇аннаамааяа аяяааяа сигкамаанаа сан̇гхам̣ д̣̇вз вассаани часу д̇хаммзсу сигкаасаммуд̇им̣ яаажад̇и. сан̇гхо ид̇т̇аннаамааяа сигкамаанааяа д̣̇вз вассаани часу д̇хаммзсу сигкаасаммуд̇им̣ д̣̇зд̇и. яассаа аяяааяа камад̇и ид̇т̇аннаамааяа сигкамаанааяа д̣̇вз вассаани часу д̇хаммзсу сигкаасаммуд̇ияаа д̣̇аанам̣, саа д̇ун̣хасса; яассаа нагкамад̇и, саа бхаасзяяа.
‘‘Suṇātu me, ayye, saṅgho. Ayaṃ itthannāmā itthannāmāya ayyāya sikkhamānā saṅghaṃ dve vassāni chasu dhammesu sikkhāsammutiṃ yācati. Saṅgho itthannāmāya sikkhamānāya dve vassāni chasu dhammesu sikkhāsammutiṃ deti. Yassā ayyāya khamati itthannāmāya sikkhamānāya dve vassāni chasu dhammesu sikkhāsammutiyā dānaṃ, sā tuṇhassa; yassā nakkhamati, sā bhāseyya.
‘‘д̣̇иннаа сан̇гхзна ид̇т̇аннаамааяа сигкамаанааяа д̣̇вз вассаани часу д̇хаммзсу сигкаасаммуд̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinnā saṅghena itthannāmāya sikkhamānāya dve vassāni chasu dhammesu sikkhāsammuti. Khamati saṅghassa, tasmā tuṇhī, evametaṃ dhārayāmī’’ti.
1079. саа сигкамаанаа ‘‘звам̣ вад̣̇зхий’’д̇и вад̇д̇аб̣б̣аа – ‘‘баан̣аад̇ибаад̇аа взраман̣им̣ д̣̇вз вассаани авийд̇иггамма самаад̣̇аанам̣ самаад̣̇ияаами. ад̣̇иннаад̣̇аанаа взраман̣им̣ д̣̇вз вассаани авийд̇иггамма самаад̣̇аанам̣ самаад̣̇ияаами. аб̣рахмажарияаа взраман̣им̣ д̣̇вз вассаани авийд̇иггамма самаад̣̇аанам̣ самаад̣̇ияаами. мусааваад̣̇аа взраман̣им̣ д̣̇вз вассаани авийд̇иггамма самаад̣̇аанам̣ самаад̣̇ияаами. сураамзраяамаж̇ж̇аббамаад̣̇адтаанаа взраман̣им̣ д̣̇вз вассаани авийд̇иггамма самаад̣̇аанам̣ самаад̣̇ияаами. вигаалабхож̇анаа взраман̣им̣ д̣̇вз вассаани авийд̇иггамма самаад̣̇аанам̣ самаад̣̇ияаамий’’д̇и.
1079. Sā sikkhamānā ‘‘evaṃ vadehī’’ti vattabbā – ‘‘pāṇātipātā veramaṇiṃ dve vassāni avītikkamma samādānaṃ samādiyāmi. Adinnādānā veramaṇiṃ dve vassāni avītikkamma samādānaṃ samādiyāmi. Abrahmacariyā veramaṇiṃ dve vassāni avītikkamma samādānaṃ samādiyāmi. Musāvādā veramaṇiṃ dve vassāni avītikkamma samādānaṃ samādiyāmi. Surāmerayamajjappamādaṭṭhānā veramaṇiṃ dve vassāni avītikkamma samādānaṃ samādiyāmi. Vikālabhojanā veramaṇiṃ dve vassāni avītikkamma samādānaṃ samādiyāmī’’ti.
ат̇а ко бхаг̇аваа д̇аа бхигкунияо анзгабарияааязна виг̇арахид̇ваа д̣̇уб̣бхарад̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
Atha kho bhagavā tā bhikkhuniyo anekapariyāyena vigarahitvā dubbharatāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1080. ‘‘яаа бана бхигкуний д̣̇вз вассаани часу д̇хаммзсу асигкид̇асигкам̣ сигкамаанам̣ вудтаабзяяа, баажид̇д̇ияа’’нд̇и.
1080.‘‘Yā pana bhikkhunī dve vassāni chasu dhammesu asikkhitasikkhaṃ sikkhamānaṃ vuṭṭhāpeyya, pācittiya’’nti.
1081. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1081.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
д̣̇вз вассаанийд̇и д̣̇вз сам̣важчараани. асигкид̇асигкаа наама сигкаа ваа на д̣̇иннаа ход̇и, д̣̇иннаа ваа сигкаа губид̇аа. вудтаабзяяаад̇и убасамбаад̣̇зяяа.
Dvevassānīti dve saṃvaccharāni. Asikkhitasikkhā nāma sikkhā vā na dinnā hoti, dinnā vā sikkhā kupitā. Vuṭṭhāpeyyāti upasampādeyya.
‘‘вудтаабзссаамий’’д̇и г̇ан̣ам̣ ваа аажариним̣ ваа бад̇д̇ам̣ ваа жийварам̣ ваа бариязсад̇и, сиймам̣ ваа самманнад̇и, аабад̇д̇и д̣̇уггадасса. н̃ад̇д̇ияаа д̣̇уггадам̣. д̣̇вийхи гаммаваажаахи д̣̇уггадаа. гаммаваажаабарияосаанз убаж̇жхааяааяа аабад̇д̇и баажид̇д̇ияасса. г̇ан̣асса жа аажаринияаа жа аабад̇д̇и д̣̇уггадасса.
‘‘Vuṭṭhāpessāmī’’ti gaṇaṃ vā ācariniṃ vā pattaṃ vā cīvaraṃ vā pariyesati, sīmaṃ vā sammannati, āpatti dukkaṭassa. Ñattiyā dukkaṭaṃ. Dvīhi kammavācāhi dukkaṭā. Kammavācāpariyosāne upajjhāyāya āpatti pācittiyassa. Gaṇassa ca ācariniyā ca āpatti dukkaṭassa.
1082. д̇хаммагаммз д̇хаммагаммасан̃н̃аа вудтаабзд̇и, аабад̇д̇и баажид̇д̇ияасса. д̇хаммагаммз взмад̇игаа вудтаабзд̇и, аабад̇д̇и баажид̇д̇ияасса. д̇хаммагаммз ад̇хаммагаммасан̃н̃аа вудтаабзд̇и, аабад̇д̇и баажид̇д̇ияасса.
1082. Dhammakamme dhammakammasaññā vuṭṭhāpeti, āpatti pācittiyassa. Dhammakamme vematikā vuṭṭhāpeti, āpatti pācittiyassa. Dhammakamme adhammakammasaññā vuṭṭhāpeti, āpatti pācittiyassa.
ад̇хаммагаммз д̇хаммагаммасан̃н̃аа, аабад̇д̇и д̣̇уггадасса. ад̇хаммагаммз взмад̇игаа, аабад̇д̇и д̣̇уггадасса. ад̇хаммагаммз ад̇хаммагаммасан̃н̃аа, аабад̇д̇и д̣̇уггадасса.
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
1083. анаабад̇д̇и д̣̇вз вассаани часу д̇хаммзсу сигкид̇асигкам̣ сигкамаанам̣ вудтаабзд̇и, уммад̇д̇игааяа, аад̣̇игаммигааяаад̇и.
1083. Anāpatti dve vassāni chasu dhammesu sikkhitasikkhaṃ sikkhamānaṃ vuṭṭhāpeti, ummattikāya, ādikammikāyāti.
д̇ад̇ияасигкаабад̣̇ам̣ нидтид̇ам̣.
Tatiyasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 3. д̇ад̇ияасигкаабад̣̇аван̣н̣анаа • 3. Tatiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияасигкаабад̣̇ам̣ • 3. Tatiyasikkhāpadaṃ
