| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
3. д̇ад̇ияасигкаабад̣̇ам̣
3. Tatiyasikkhāpadaṃ
1190. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇араа бхигкуний ан̃н̃ад̇ариссаа ид̇т̇ияаа гулуубигаа ход̇и. ат̇а ко саа ид̇т̇ий д̇ам̣ бхигкуним̣ зд̇ад̣̇авожа – ‘‘ханд̣̇ааяяз, имам̣ сан̇гхаан̣им̣ амугааяа наама ид̇т̇ияаа д̣̇зхий’’д̇и. ат̇а ко саа бхигкуний – ‘‘сажаахам̣ бад̇д̇зна аад̣̇ааяа г̇ажчаами виссаро мз бхависсад̇ий’’д̇и бадимун̃жид̇ваа аг̇амааси. д̇ассаа рат̇игааяа суд̇д̇агз чиннз виббагирияим̣су. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо сан̇гхаан̣им̣ д̇хаарзссанд̇и, сзяяат̇ааби г̇ихинияо гаамабхог̇инияо’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз. … д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний сан̇гхаан̣им̣ д̇хаарзссад̇ий’’д̇и…бз… сажжам̣ гира, бхигкавз, бхигкуний сан̇гхаан̣им̣ д̇хаарзд̇ий’’д̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний сан̇гхаан̣им̣ д̇хаарзссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1190. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarā bhikkhunī aññatarissā itthiyā kulūpikā hoti. Atha kho sā itthī taṃ bhikkhuniṃ etadavoca – ‘‘handāyye, imaṃ saṅghāṇiṃ amukāya nāma itthiyā dehī’’ti. Atha kho sā bhikkhunī – ‘‘sacāhaṃ pattena ādāya gacchāmi vissaro me bhavissatī’’ti paṭimuñcitvā agamāsi. Tassā rathikāya suttake chinne vippakiriyiṃsu. Manussā ujjhāyanti khiyyanti vipācenti – ‘‘kathañhi nāma bhikkhuniyo saṅghāṇiṃ dhāressanti, seyyathāpi gihiniyo kāmabhoginiyo’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe. … tā ujjhāyanti khiyyanti vipācenti – ‘‘kathañhi nāma bhikkhunī saṅghāṇiṃ dhāressatī’’ti…pe… saccaṃ kira, bhikkhave, bhikkhunī saṅghāṇiṃ dhāretī’’ti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī saṅghāṇiṃ dhāressati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1191. ‘‘яаа бана бхигкуний сан̇гхаан̣им̣ д̇хаарзяяа, баажид̇д̇ияа’’нд̇и.
1191.‘‘Yā pana bhikkhunī saṅghāṇiṃ dhāreyya, pācittiya’’nti.
1192. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1192.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
сан̇гхаан̣и наама яаа гаажи гадуубаг̇аа.
Saṅghāṇi nāma yā kāci kaṭūpagā.
д̇хаарзяяаад̇и сагимби д̇хаарзд̇и, аабад̇д̇и баажид̇д̇ияасса.
Dhāreyyāti sakimpi dhāreti, āpatti pācittiyassa.
1193. анаабад̇д̇и ааб̣аад̇хаббажжаяаа, гадисуд̇д̇агам̣ д̇хаарзд̇и, уммад̇д̇игааяа, аад̣̇игаммигааяаад̇и.
1193. Anāpatti ābādhappaccayā, kaṭisuttakaṃ dhāreti, ummattikāya, ādikammikāyāti.
д̇ад̇ияасигкаабад̣̇ам̣ нидтид̇ам̣.
Tatiyasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 3. д̇ад̇ияасигкаабад̣̇аван̣н̣анаа • 3. Tatiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. д̇ад̇ияасигкаабад̣̇ам̣ • 3. Tatiyasikkhāpadaṃ
