| Library / Tipiṭaka / తిపిటక • Tipiṭaka / పాచిత్యాదియోజనాపాళి • Pācityādiyojanāpāḷi |
౩. తతియసిక్ఖాపదం
3. Tatiyasikkhāpadaṃ
౯౪౧. తతియే ఉళారకులాతి జాతిసేట్ఠకులా, ఇస్సరియభోగాదీహి వా విపులకులా. గుణేహీతి సీలాదిగుణేహి. ‘‘ఉళారాతి సమ్భావితా’’తి ఇమినా ఇతిలోపతుల్యాధికరణసమాసం దస్సేతి.
941. Tatiye uḷārakulāti jātiseṭṭhakulā, issariyabhogādīhi vā vipulakulā. Guṇehīti sīlādiguṇehi. ‘‘Uḷārāti sambhāvitā’’ti iminā itilopatulyādhikaraṇasamāsaṃ dasseti.
‘‘అభిభూతా’’తి ఇమినా ‘‘అపకతా’’తి ఏత్థ కరధాతు సబ్బధాత్వత్థవాచీపి ఇధ అపపుబ్బత్తా విసేసతో అభిభవనత్థే వత్తతీతి దస్సేతి. ఏతాసన్తి భిక్ఖునీనం. ‘‘సఞ్ఞాపయమానా’’తి ఇమినా సఞ్ఞాపనం సఞ్ఞత్తీతి వచనత్థం దస్సేతి. హేతూదాహరణాదీహీతి ఏత్థ ఆదిసద్దేన ఉపమాదయో సఙ్గణ్హాతి. ‘‘వివిధేహి నయేహి ఞాపనా’’తి ఇమినా వివిధేహి ఞాపనం విఞ్ఞత్తీతి వచనత్థం దస్సేతి.
‘‘Abhibhūtā’’ti iminā ‘‘apakatā’’ti ettha karadhātu sabbadhātvatthavācīpi idha apapubbattā visesato abhibhavanatthe vattatīti dasseti. Etāsanti bhikkhunīnaṃ. ‘‘Saññāpayamānā’’ti iminā saññāpanaṃ saññattīti vacanatthaṃ dasseti. Hetūdāharaṇādīhīti ettha ādisaddena upamādayo saṅgaṇhāti. ‘‘Vividhehi nayehi ñāpanā’’ti iminā vividhehi ñāpanaṃ viññattīti vacanatthaṃ dasseti.
౯౪౩. చఙ్కమనే పదవారగణనాయ ఆపత్తియా న కారేతబ్బోతి ఆహ ‘‘నివత్తనగణనాయా’’తి. పదాదిగణనాయాతి పదఅనుపదాదిగణనాయాతి. తతియం.
943. Caṅkamane padavāragaṇanāya āpattiyā na kāretabboti āha ‘‘nivattanagaṇanāyā’’ti. Padādigaṇanāyāti padaanupadādigaṇanāyāti. Tatiyaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / భిక్ఖునీవిభఙ్గ • Bhikkhunīvibhaṅga / ౩. తతియసిక్ఖాపదం • 3. Tatiyasikkhāpadaṃ
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / భిక్ఖునీవిభఙ్గ-అట్ఠకథా • Bhikkhunīvibhaṅga-aṭṭhakathā / ౩. తతియసిక్ఖాపదవణ్ణనా • 3. Tatiyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౩. తతియసిక్ఖాపదవణ్ణనా • 3. Tatiyasikkhāpadavaṇṇanā
