| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
3. තතියසික්‌ඛාපදං
3. Tatiyasikkhāpadaṃ
941. තතියෙ උළාරකුලාති ජාතිසෙට්‌ඨකුලා, ඉස්‌සරියභොගාදීහි වා විපුලකුලා. ගුණෙහීති සීලාදිගුණෙහි. ‘‘උළාරාති සම්‌භාවිතා’’ති ඉමිනා ඉතිලොපතුල්‍යාධිකරණසමාසං දස්‌සෙති.
941. Tatiye uḷārakulāti jātiseṭṭhakulā, issariyabhogādīhi vā vipulakulā. Guṇehīti sīlādiguṇehi. ‘‘Uḷārāti sambhāvitā’’ti iminā itilopatulyādhikaraṇasamāsaṃ dasseti.
‘‘අභිභූතා’’ති ඉමිනා ‘‘අපකතා’’ති එත්‌ථ කරධාතු සබ්‌බධාත්‌වත්‌ථවාචීපි ඉධ අපපුබ්‌බත්‌තා විසෙසතො අභිභවනත්‌ථෙ වත්‌තතීති දස්‌සෙති. එතාසන්‌ති භික්‌ඛුනීනං. ‘‘සඤ්‌ඤාපයමානා’’ති ඉමිනා සඤ්‌ඤාපනං සඤ්‌ඤත්‌තීති වචනත්‌ථං දස්‌සෙති. හෙතූදාහරණාදීහීති එත්‌ථ ආදිසද්‌දෙන උපමාදයො සඞ්‌ගණ්‌හාති. ‘‘විවිධෙහි නයෙහි ඤාපනා’’ති ඉමිනා විවිධෙහි ඤාපනං විඤ්‌ඤත්‌තීති වචනත්‌ථං දස්‌සෙති.
‘‘Abhibhūtā’’ti iminā ‘‘apakatā’’ti ettha karadhātu sabbadhātvatthavācīpi idha apapubbattā visesato abhibhavanatthe vattatīti dasseti. Etāsanti bhikkhunīnaṃ. ‘‘Saññāpayamānā’’ti iminā saññāpanaṃ saññattīti vacanatthaṃ dasseti. Hetūdāharaṇādīhīti ettha ādisaddena upamādayo saṅgaṇhāti. ‘‘Vividhehi nayehi ñāpanā’’ti iminā vividhehi ñāpanaṃ viññattīti vacanatthaṃ dasseti.
943. චඞ්‌කමනෙ පදවාරගණනාය ආපත්‌තියා න කාරෙතබ්‌බොති ආහ ‘‘නිවත්‌තනගණනායා’’ති. පදාදිගණනායාති පදඅනුපදාදිගණනායාති. තතියං.
943. Caṅkamane padavāragaṇanāya āpattiyā na kāretabboti āha ‘‘nivattanagaṇanāyā’’ti. Padādigaṇanāyāti padaanupadādigaṇanāyāti. Tatiyaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 3. තතියසික්‌ඛාපදං • 3. Tatiyasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 3. තතියසික්‌ඛාපදවණ්‌ණනා • 3. Tatiyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 3. තතියසික්‌ඛාපදවණ්‌ණනා • 3. Tatiyasikkhāpadavaṇṇanā
