| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
৩. ততিযসিক্খাপদৰণ্ণনা
3. Tatiyasikkhāpadavaṇṇanā
১০৭৭. ততিযে – সিক্খাসম্মুতিং দাতুন্তি কস্মা দাপেসি? ‘‘মাতুগামো নাম লোলো হোতি দ্ৰে ৰস্সানি ছসু ধম্মেসু অসিক্খিত্ৰা সীলানি পূরযমানো কিলমতি, সিক্খিত্ৰা পন পচ্ছা ন কিলমিস্সতি, নিত্থরিস্সতী’’তি দাপেসি।
1077. Tatiye – sikkhāsammutiṃ dātunti kasmā dāpesi? ‘‘Mātugāmo nāma lolo hoti dve vassāni chasu dhammesu asikkhitvā sīlāni pūrayamāno kilamati, sikkhitvā pana pacchā na kilamissati, nittharissatī’’ti dāpesi.
১০৭৯. পাণাতিপাতা ৰেরমণিং দ্ৰে ৰস্সানি অৰীতিক্কম্ম সমাদানং সমাদিযামীতি যং তং পাণাতিপাতা ৰেরমণীতি পঞ্ঞত্তং সিক্খাপদং, তং পাণাতিপাতা ৰেরমণিসিক্খাপদং দ্ৰে ৰস্সানি অৰীতিক্কমিতব্বসমাদানং কত্ৰা সমাদিযামীতি অত্থো। এস নযো সব্বত্থ। ইমা ছ সিক্খাযো সট্ঠিৰস্সাযপি পব্বজিতায দাতব্বাযেৰ, ন এতাসু অসিক্খিতা উপসম্পাদেতব্বা।
1079.Pāṇātipātāveramaṇiṃ dve vassāni avītikkamma samādānaṃ samādiyāmīti yaṃ taṃ pāṇātipātā veramaṇīti paññattaṃ sikkhāpadaṃ, taṃ pāṇātipātā veramaṇisikkhāpadaṃ dve vassāni avītikkamitabbasamādānaṃ katvā samādiyāmīti attho. Esa nayo sabbattha. Imā cha sikkhāyo saṭṭhivassāyapi pabbajitāya dātabbāyeva, na etāsu asikkhitā upasampādetabbā.
ততিযসিক্খাপদং।
Tatiyasikkhāpadaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৩. ততিযসিক্খাপদং • 3. Tatiyasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমাদিসিক্খাপদৰণ্ণনা • 1. Paṭhamādisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৩. ততিযসিক্খাপদং • 3. Tatiyasikkhāpadaṃ
