| Library / Tipiṭaka / తిపిటక • Tipiṭaka / భిక్ఖునీవిభఙ్గ-అట్ఠకథా • Bhikkhunīvibhaṅga-aṭṭhakathā |
౩. తతియసిక్ఖాపదవణ్ణనా
3. Tatiyasikkhāpadavaṇṇanā
౯౪౧. తతియే – ఉళారసమ్భావితాతి ఉళారకులా పబ్బజితత్తా గుణేహి చ ఉళారత్తా ఉళారాతి సమ్భావితా. ఇస్సాపకతాతి ఇస్సాయ అపకతా; అభిభూతాతి అత్థో. సఞ్ఞత్తి బహులా ఏతాసన్తి సఞ్ఞత్తిబహులా; దివసం మహాజనం సఞ్ఞాపయమానాతి అత్థో. విఞ్ఞత్తి బహులా ఏతాసన్తి విఞ్ఞత్తిబహులా. విఞ్ఞత్తీతి హేతూదాహరణాదీహి వివిధేహి నయేహి ఞాపనా వేదితబ్బా, న యాచనా.
941. Tatiye – uḷārasambhāvitāti uḷārakulā pabbajitattā guṇehi ca uḷārattā uḷārāti sambhāvitā. Issāpakatāti issāya apakatā; abhibhūtāti attho. Saññatti bahulā etāsanti saññattibahulā; divasaṃ mahājanaṃ saññāpayamānāti attho. Viññatti bahulā etāsanti viññattibahulā. Viññattīti hetūdāharaṇādīhi vividhehi nayehi ñāpanā veditabbā, na yācanā.
౯౪౩. చఙ్కమనే నివత్తనగణనాయ ఆపత్తియో వేదితబ్బా. తిట్ఠతి వాతిఆదీసు పయోగగణనాయ. ఉద్దిసతి వాతిఆదీసు పదాదిగణనాయ. సేసం ఉత్తానమేవ.
943. Caṅkamane nivattanagaṇanāya āpattiyo veditabbā. Tiṭṭhati vātiādīsu payogagaṇanāya. Uddisati vātiādīsu padādigaṇanāya. Sesaṃ uttānameva.
తిసముట్ఠానం – కిరియాకిరియం , సఞ్ఞావిమోక్ఖం, సచిత్తకం, లోకవజ్జం, కాయకమ్మం, వచీకమ్మం, అకుసలచిత్తం, దుక్ఖవేదనన్తి.
Tisamuṭṭhānaṃ – kiriyākiriyaṃ , saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
తతియసిక్ఖాపదం.
Tatiyasikkhāpadaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / భిక్ఖునీవిభఙ్గ • Bhikkhunīvibhaṅga / ౩. తతియసిక్ఖాపదం • 3. Tatiyasikkhāpadaṃ
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౩. తతియసిక్ఖాపదవణ్ణనా • 3. Tatiyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౩. తతియసిక్ఖాపదం • 3. Tatiyasikkhāpadaṃ
