| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༣. ཏཏིཡསིཀྑཱཔདཝཎྞནཱ
3. Tatiyasikkhāpadavaṇṇanā
༡༠༧༧. ཏཏིཡེ – སིཀྑཱསམྨུཏིཾ དཱཏུནྟི ཀསྨཱ དཱཔེསི? ‘‘མཱཏུགཱམོ ནཱམ ལོལོ ཧོཏི དྭེ ཝསྶཱནི ཚསུ དྷམྨེསུ ཨསིཀྑིཏྭཱ སཱིལཱནི པཱུརཡམཱནོ ཀིལམཏི, སིཀྑིཏྭཱ པན པཙྪཱ ན ཀིལམིསྶཏི, ནིཏྠརིསྶཏཱི’’ཏི དཱཔེསི།
1077. Tatiye – sikkhāsammutiṃ dātunti kasmā dāpesi? ‘‘Mātugāmo nāma lolo hoti dve vassāni chasu dhammesu asikkhitvā sīlāni pūrayamāno kilamati, sikkhitvā pana pacchā na kilamissati, nittharissatī’’ti dāpesi.
༡༠༧༩. པཱཎཱཏིཔཱཏཱ ཝེརམཎིཾ དྭེ ཝསྶཱནི ཨཝཱིཏིཀྐམྨ སམཱདཱནཾ སམཱདིཡཱམཱིཏི ཡཾ ཏཾ པཱཎཱཏིཔཱཏཱ ཝེརམཎཱིཏི པཉྙཏྟཾ སིཀྑཱཔདཾ, ཏཾ པཱཎཱཏིཔཱཏཱ ཝེརམཎིསིཀྑཱཔདཾ དྭེ ཝསྶཱནི ཨཝཱིཏིཀྐམིཏབྦསམཱདཱནཾ ཀཏྭཱ སམཱདིཡཱམཱིཏི ཨཏྠོ། ཨེས ནཡོ སབྦཏྠ། ཨིམཱ ཚ སིཀྑཱཡོ སཊྛིཝསྶཱཡཔི པབྦཛིཏཱཡ དཱཏབྦཱཡེཝ, ན ཨེཏཱསུ ཨསིཀྑིཏཱ ཨུཔསམྤཱདེཏབྦཱ།
1079.Pāṇātipātāveramaṇiṃ dve vassāni avītikkamma samādānaṃ samādiyāmīti yaṃ taṃ pāṇātipātā veramaṇīti paññattaṃ sikkhāpadaṃ, taṃ pāṇātipātā veramaṇisikkhāpadaṃ dve vassāni avītikkamitabbasamādānaṃ katvā samādiyāmīti attho. Esa nayo sabbattha. Imā cha sikkhāyo saṭṭhivassāyapi pabbajitāya dātabbāyeva, na etāsu asikkhitā upasampādetabbā.
ཏཏིཡསིཀྑཱཔདཾ།
Tatiyasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༣. ཏཏིཡསིཀྑཱཔདཾ • 3. Tatiyasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. པཋམཱདིསིཀྑཱཔདཝཎྞནཱ • 1. Paṭhamādisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༣. ཏཏིཡསིཀྑཱཔདཾ • 3. Tatiyasikkhāpadaṃ
