| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
3. д̇ад̇ияасуд̇д̇анд̇анид̣̇д̣̇зсаван̣н̣анаа
3. Tatiyasuttantaniddesavaṇṇanā
194. буна ан̃н̃ам̣ суд̇д̇анд̇ам̣ нигкибид̇ваа инд̣̇рияавид̇хаанам̣ нид̣̇д̣̇исид̇угаамо бан̃жимаани, бхигкавзд̇иаад̣̇имааха. д̇ад̇т̇а сод̇аабад̇д̇ияан̇г̇зсууд̇и зд̇т̇а сод̇о арияо адтан̇г̇иго маг̇г̇о, сод̇асса аабад̇д̇и бхусам̣ баабун̣анам̣ сод̇аабад̇д̇и, сод̇аабад̇д̇ияаа ан̇г̇аани самбхаараани сод̇аабад̇д̇иан̇г̇аани. сод̇аабаннад̇ааяа буб̣б̣абхааг̇абадилаабхаан̇г̇аани. саббурисасам̣сзво сод̇аабад̇д̇иан̇г̇ам̣, сад̣̇д̇хаммассаванам̣ сод̇аабад̇д̇иан̇г̇ам̣, яонисоманасигааро сод̇аабад̇д̇иан̇г̇ам̣, д̇хаммаануд̇хаммабадибад̇д̇и сод̇аабад̇д̇иан̇г̇ам̣, имаани жад̇д̇аари сод̇аабад̇д̇иан̇г̇аани. сзсаа хздтаа вуд̇д̇аа зва. ид̣̇ан̃жа имзсам̣ инд̣̇рияаанам̣ сагависаяз ж̇здтагабхаавад̣̇ассанад̇т̇ам̣ вуд̇д̇ам̣. яат̇аа хи жад̇д̇ааро сздтибуд̇д̇аа рааж̇аад̇ирааж̇абан̃жамзсу сахааязсу ‘‘нагкад̇д̇ам̣ гийл̣иссаамаа’’д̇и вийт̇им̣ од̇ин̣н̣зсу згасса сздтибуд̇д̇асса г̇зхам̣ г̇ад̇агаалз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова ‘‘имзсам̣ каад̣̇анийяам̣ бхож̇анийяам̣ д̣̇зт̇а, имзсам̣ г̇анд̇хамаалаалан̇гаараад̣̇ийни д̣̇зт̇аа’’д̇и г̇зхз вижаарзд̇и, д̣̇уд̇ияасса д̇ад̇ияасса жад̇уд̇т̇асса г̇зхам̣ г̇ад̇агаалз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова ‘‘имзсам̣ каад̣̇анийяам̣ бхож̇анийяам̣ д̣̇зт̇а, имзсам̣ г̇анд̇хамаалаалан̇гаараад̣̇ийни д̣̇зт̇аа’’д̇и г̇зхз вижаарзд̇и, ат̇а саб̣б̣абажчаа ран̃н̃о г̇зхам̣ г̇ад̇агаалз гин̃жааби рааж̇аа саб̣б̣ад̇т̇а иссарова, имасмим̣ бана гаалз ад̇д̇ано г̇зхзязва ‘‘имзсам̣ каад̣̇анийяам̣ бхож̇анийяам̣ д̣̇зт̇а, имзсам̣ г̇анд̇хамаалаалан̇гаараад̣̇ийни д̣̇зт̇аа’’д̇и вижаарзд̇и, звамзва сад̣̇д̇хаабан̃жамагзсу инд̣̇риязсу д̇зсу сахааязсу згад̇о вийт̇им̣ од̇аранд̇зсу вияа згаарамман̣з уббаж̇ж̇амаанзсуби яат̇аа батамасса г̇зхз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова вижаарзд̇и , звам̣ сод̇аабад̇д̇иан̇г̇аани бад̇ваа ад̇химогкалагкан̣ам̣ сад̣̇д̇хинд̣̇рияамзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇и. яат̇аа д̣̇уд̇ияасса г̇зхз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова вижаарзд̇и, звам̣ саммаббад̇хаанаани бад̇ваа баг̇г̇ахан̣алагкан̣ам̣ вийрияинд̣̇рияамзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇и. яат̇аа д̇ад̇ияасса г̇зхз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова вижаарзд̇и, звам̣ сад̇ибадтаанаани бад̇ваа убадтааналагкан̣ам̣ сад̇инд̣̇рияамзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇и. яат̇аа жад̇уд̇т̇асса г̇зхз ид̇арз жад̇д̇ааро д̇ун̣хий нисийд̣̇анд̇и, г̇зхасаамигова вижаарзд̇и, звам̣ жхаанаани бад̇ваа авигкзбалагкан̣ам̣ самаад̇хинд̣̇рияамзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇и. саб̣б̣абажчаа ран̃н̃о г̇зхам̣ г̇ад̇агаалз бана яат̇аа ид̇арз жад̇д̇ааро д̇ун̣хий нисийд̣̇анд̇и, рааж̇аава вижаарзд̇и, звам̣ арияасажжаани бад̇ваа баж̇аананалагкан̣ам̣ бан̃н̃инд̣̇рияамзва ж̇здтагам̣ ход̇и буб̣б̣ан̇г̇амам̣, сзсаани д̇ад̣̇анваяаани хонд̇ийд̇и.
194. Puna aññaṃ suttantaṃ nikkhipitvā indriyavidhānaṃ niddisitukāmo pañcimāni, bhikkhavetiādimāha. Tattha sotāpattiyaṅgesūti ettha soto ariyo aṭṭhaṅgiko maggo, sotassa āpatti bhusaṃ pāpuṇanaṃ sotāpatti, sotāpattiyā aṅgāni sambhārāni sotāpattiaṅgāni. Sotāpannatāya pubbabhāgapaṭilābhaaṅgāni. Sappurisasaṃsevo sotāpattiaṅgaṃ, saddhammassavanaṃ sotāpattiaṅgaṃ, yonisomanasikāro sotāpattiaṅgaṃ, dhammānudhammapaṭipatti sotāpattiaṅgaṃ, imāni cattāri sotāpattiaṅgāni. Sesā heṭṭhā vuttā eva. Idañca imesaṃ indriyānaṃ sakavisaye jeṭṭhakabhāvadassanatthaṃ vuttaṃ. Yathā hi cattāro seṭṭhiputtā rājātirājapañcamesu sahāyesu ‘‘nakkhattaṃ kīḷissāmā’’ti vīthiṃ otiṇṇesu ekassa seṭṭhiputtassa gehaṃ gatakāle itare cattāro tuṇhī nisīdanti, gehasāmikova ‘‘imesaṃ khādanīyaṃ bhojanīyaṃ detha, imesaṃ gandhamālālaṅkārādīni dethā’’ti gehe vicāreti, dutiyassa tatiyassa catutthassa gehaṃ gatakāle itare cattāro tuṇhī nisīdanti, gehasāmikova ‘‘imesaṃ khādanīyaṃ bhojanīyaṃ detha, imesaṃ gandhamālālaṅkārādīni dethā’’ti gehe vicāreti, atha sabbapacchā rañño gehaṃ gatakāle kiñcāpi rājā sabbattha issarova, imasmiṃ pana kāle attano geheyeva ‘‘imesaṃ khādanīyaṃ bhojanīyaṃ detha, imesaṃ gandhamālālaṅkārādīni dethā’’ti vicāreti, evameva saddhāpañcamakesu indriyesu tesu sahāyesu ekato vīthiṃ otarantesu viya ekārammaṇe uppajjamānesupi yathā paṭhamassa gehe itare cattāro tuṇhī nisīdanti, gehasāmikova vicāreti , evaṃ sotāpattiaṅgāni patvā adhimokkhalakkhaṇaṃ saddhindriyameva jeṭṭhakaṃ hoti pubbaṅgamaṃ, sesāni tadanvayāni honti. Yathā dutiyassa gehe itare cattāro tuṇhī nisīdanti, gehasāmikova vicāreti, evaṃ sammappadhānāni patvā paggahaṇalakkhaṇaṃ vīriyindriyameva jeṭṭhakaṃ hoti pubbaṅgamaṃ, sesāni tadanvayāni honti. Yathā tatiyassa gehe itare cattāro tuṇhī nisīdanti, gehasāmikova vicāreti, evaṃ satipaṭṭhānāni patvā upaṭṭhānalakkhaṇaṃ satindriyameva jeṭṭhakaṃ hoti pubbaṅgamaṃ, sesāni tadanvayāni honti. Yathā catutthassa gehe itare cattāro tuṇhī nisīdanti, gehasāmikova vicāreti, evaṃ jhānāni patvā avikkhepalakkhaṇaṃ samādhindriyameva jeṭṭhakaṃ hoti pubbaṅgamaṃ, sesāni tadanvayāni honti. Sabbapacchā rañño gehaṃ gatakāle pana yathā itare cattāro tuṇhī nisīdanti, rājāva vicāreti, evaṃ ariyasaccāni patvā pajānanalakkhaṇaṃ paññindriyameva jeṭṭhakaṃ hoti pubbaṅgamaṃ, sesāni tadanvayāni hontīti.
га. бабхзд̣̇аг̇ан̣ананид̣̇д̣̇зсаван̣н̣анаа
Ka. pabhedagaṇananiddesavaṇṇanā
195. суд̇д̇анд̇асса бабхзд̣̇аг̇ан̣анаабужчаабуб̣б̣ан̇г̇амзва бабхзд̣̇аг̇ан̣ананид̣̇д̣̇зсз саббурисасам̣сзвзд̇и собханаанам̣ бурисаанам̣ саммаа сзванз. ад̇химогкаад̇хибад̇зяяадтзнаад̇и ад̇химогкасан̇каад̇зна сзсинд̣̇риязсу ад̇хибад̇ибхаавадтзна, сзсинд̣̇рияаанам̣ буб̣б̣ан̇г̇амадтзнаад̇и ад̇т̇о. сад̣̇д̇хаммасаванзд̇и сад̇ам̣ д̇хаммо, собхано ваа д̇хаммод̇и сад̣̇д̇хаммо. д̇асса сад̣̇д̇хаммасса саванз. яонисоманасигаарзд̇и убааязна манасигаарз. д̇хаммаануд̇хаммабадибад̇д̇ияаад̇и зд̇т̇а нава логуд̇д̇арад̇хаммз ануг̇ад̇о д̇хаммо д̇хаммаануд̇хаммо, сийласамаад̇хибан̃н̃аасан̇каад̇асса д̇хаммаануд̇хаммасса бадибад̇д̇и бадибаж̇ж̇анам̣ д̇хаммаануд̇хаммабадибад̇д̇и. саммаббад̇хаанаад̣̇ийсуби зсзва наяо.
195. Suttantassa pabhedagaṇanāpucchāpubbaṅgameva pabhedagaṇananiddese sappurisasaṃseveti sobhanānaṃ purisānaṃ sammā sevane. Adhimokkhādhipateyyaṭṭhenāti adhimokkhasaṅkhātena sesindriyesu adhipatibhāvaṭṭhena, sesindriyānaṃ pubbaṅgamaṭṭhenāti attho. Saddhammasavaneti sataṃ dhammo, sobhano vā dhammoti saddhammo. Tassa saddhammassa savane. Yonisomanasikāreti upāyena manasikāre. Dhammānudhammapaṭipattiyāti ettha nava lokuttaradhamme anugato dhammo dhammānudhammo, sīlasamādhipaññāsaṅkhātassa dhammānudhammassa paṭipatti paṭipajjanaṃ dhammānudhammapaṭipatti. Sammappadhānādīsupi eseva nayo.
ка. жарияааваараван̣н̣анаа
Kha. cariyāvāravaṇṇanā
196. жарияааваарзби иминаава наязна ад̇т̇о взд̣̇ид̇аб̣б̣о. гзвалам̣ батамавааро инд̣̇рияаанам̣ уббаад̣̇анагаалавасзна вуд̇д̇о, жарияаавааро уббаннаанам̣ аасзванагаалавасзна жа баарибууригаалавасзна жа вуд̇д̇о. жарияаа багад̇и уссаннад̇аад̇и хи ад̇т̇ад̇о згам̣.
196. Cariyāvārepi imināva nayena attho veditabbo. Kevalaṃ paṭhamavāro indriyānaṃ uppādanakālavasena vutto, cariyāvāro uppannānaṃ āsevanakālavasena ca pāripūrikālavasena ca vutto. Cariyā pakati ussannatāti hi atthato ekaṃ.
жааравихааранид̣̇д̣̇зсаван̣н̣анаа
Cāravihāraniddesavaṇṇanā
197. ид̣̇аани жарияаасамб̣анд̇хзнзва жааравихааранид̣̇д̣̇зсавасзна абарзна барияааязна инд̣̇рияавид̇хаанам̣ нид̣̇д̣̇исид̇угаамо жааро жа вихааро жаад̇иаад̣̇игам̣ уд̣̇д̣̇зсам̣ уд̣̇д̣̇исид̇ваа д̇асса нид̣̇д̣̇зсамааха. д̇ад̇т̇а уд̣̇д̣̇зсз д̇аава яат̇аа жаранд̇ам̣ вихаранд̇ам̣ вин̃н̃уу саб̣рахмажаарий г̇амбхийрзсу таанзсу огаббзяяум̣ – ад̣̇д̇хаа аяамааяасмаа бад̇д̇о ваа баабун̣иссад̇и ваад̇и, д̇ат̇аа инд̣̇рияасамбаннасса жааро жа вихааро жа вин̃н̃уухи саб̣рахмажаарийхи ануб̣уд̣̇д̇хо ход̇и бадивид̣̇д̇ход̇и уд̣̇д̣̇зсасса самб̣анд̇хо взд̣̇ид̇аб̣б̣о. уд̣̇д̣̇зсанид̣̇д̣̇зсз жарияаа жаароязва. жааро жарияаад̇и хи ад̇т̇ад̇о згам̣. д̇асмаа ‘‘жааро’’д̇ибад̣̇асса нид̣̇д̣̇зсз ‘‘жарияаа’’д̇и вуд̇д̇ам̣. ирияаабат̇ажарияаад̇и ирияаабат̇аанам̣ жарияаа, бавад̇д̇ананд̇и ад̇т̇о. сзсзсуби зсзва наяо. ааяад̇анажарияаа бана ааяад̇анзсу сад̇исамбаж̇ан̃н̃аанам̣ жарияаа. бад̇д̇ийд̇и палаани. д̇аани хи баабун̣ияанд̇ийд̇и ‘‘бад̇д̇ий’’д̇и вуд̇д̇аа. сад̇д̇алогасса д̣̇идтад̇хаммигасамбарааяигаа ад̇т̇аа логад̇т̇аад̇и аяам̣ висзсо.
197. Idāni cariyāsambandheneva cāravihāraniddesavasena aparena pariyāyena indriyavidhānaṃ niddisitukāmo cāro ca vihāro cātiādikaṃ uddesaṃ uddisitvā tassa niddesamāha. Tattha uddese tāva yathā carantaṃ viharantaṃ viññū sabrahmacārī gambhīresu ṭhānesu okappeyyuṃ – addhā ayamāyasmā patto vā pāpuṇissati vāti, tathā indriyasampannassa cāro ca vihāro ca viññūhi sabrahmacārīhi anubuddho hoti paṭividdhoti uddesassa sambandho veditabbo. Uddesaniddese cariyā cāroyeva. Cāro cariyāti hi atthato ekaṃ. Tasmā ‘‘cāro’’tipadassa niddese ‘‘cariyā’’ti vuttaṃ. Iriyāpathacariyāti iriyāpathānaṃ cariyā, pavattananti attho. Sesesupi eseva nayo. Āyatanacariyā pana āyatanesu satisampajaññānaṃ cariyā. Pattīti phalāni. Tāni hi pāpuṇiyantīti ‘‘pattī’’ti vuttā. Sattalokassa diṭṭhadhammikasamparāyikā atthā lokatthāti ayaṃ viseso.
ид̣̇аани д̇аасам̣ жарияаанам̣ бхуумим̣ д̣̇ассзнд̇о жад̇уусу ирияаабат̇зсууд̇иаад̣̇имааха. сад̇ибадтаанзсууд̇и аарамман̣асад̇ибадтаанзсу. сад̇ибадтаанзсуби вужжамаанзсу сад̇ид̇о анан̃н̃аани вохааравасзна ан̃н̃аани вияа гад̇ваа вуд̇д̇ам̣. арияасажжзсууд̇и буб̣б̣абхааг̇алогияасажжан̃аан̣зна висум̣ висум̣ сажжабариг̇г̇ахавасзна вуд̇д̇ам̣. арияамаг̇г̇зсу сааман̃н̃апалзсууд̇и жа вохааравасзнзва вуд̇д̇ам̣. бад̣̇зсзд̇и логад̇т̇ажарияааяа згад̣̇зсз. ниббад̣̇зсад̇о хи логад̇т̇ажарияам̣ б̣уд̣̇д̇хаа зва гаронд̇и. буна д̇аа зва жарияааяо гаарагабуг̇г̇алавасзна д̣̇ассзнд̇о бан̣ид̇хисамбаннаананд̇иаад̣̇имааха. д̇ад̇т̇а бан̣ид̇хисамбаннаа наама ирияаабат̇аанам̣ санд̇ад̇д̇аа ирияаабат̇аг̇уд̇д̇ияаа самбаннаа агамбид̇аирияаабат̇аа бхигкубхааваануруубзна санд̇зна ирияаабат̇зна самбаннаа. инд̣̇риязсу г̇уд̇д̇ад̣̇ваараананд̇и жагкаад̣̇ийсу часу инд̣̇риязсу ад̇д̇ано ад̇д̇ано висаяз бавад̇д̇азгзгад̣̇вааравасзна г̇уд̇д̇ам̣ д̣̇ваарам̣ зд̇зсанд̇и г̇уд̇д̇ад̣̇ваараа. д̇зсам̣ г̇уд̇д̇ад̣̇ваараанам̣. д̣̇вааранд̇и жзд̇т̇а уббад̇д̇ид̣̇вааравасзна жагкаад̣̇аяо зва. аббамаад̣̇авихаарийнанд̇и сийлаад̣̇ийсу аббамаад̣̇авихааравад̇ам̣. ад̇хижид̇д̇амануяуд̇д̇аананд̇и вибассанааяа баад̣̇агабхаавзна ад̇хижид̇д̇асан̇каад̇ам̣ самаад̇химануяуд̇д̇аанам̣. б̣уд̣̇д̇хисамбаннаананд̇и наамаруубававад̇т̇аанам̣ аад̣̇им̣ гад̇ваа яаава г̇од̇рабху, д̇аава бавад̇д̇зна н̃аан̣зна самбаннаанам̣. саммаабадибаннаананд̇и жад̇умаг̇г̇агкан̣з. ад̇хиг̇ад̇апалаананд̇и жад̇упалагкан̣з.
Idāni tāsaṃ cariyānaṃ bhūmiṃ dassento catūsu iriyāpathesūtiādimāha. Satipaṭṭhānesūti ārammaṇasatipaṭṭhānesu. Satipaṭṭhānesupi vuccamānesu satito anaññāni vohāravasena aññāni viya katvā vuttaṃ. Ariyasaccesūti pubbabhāgalokiyasaccañāṇena visuṃ visuṃ saccapariggahavasena vuttaṃ. Ariyamaggesu sāmaññaphalesūti ca vohāravaseneva vuttaṃ. Padeseti lokatthacariyāya ekadese. Nippadesato hi lokatthacariyaṃ buddhā eva karonti. Puna tā eva cariyāyo kārakapuggalavasena dassento paṇidhisampannānantiādimāha. Tattha paṇidhisampannā nāma iriyāpathānaṃ santattā iriyāpathaguttiyā sampannā akampitairiyāpathā bhikkhubhāvānurūpena santena iriyāpathena sampannā. Indriyesu guttadvārānanti cakkhādīsu chasu indriyesu attano attano visaye pavattaekekadvāravasena guttaṃ dvāraṃ etesanti guttadvārā. Tesaṃ guttadvārānaṃ. Dvāranti cettha uppattidvāravasena cakkhādayo eva. Appamādavihārīnanti sīlādīsu appamādavihāravataṃ. Adhicittamanuyuttānanti vipassanāya pādakabhāvena adhicittasaṅkhātaṃ samādhimanuyuttānaṃ. Buddhisampannānanti nāmarūpavavatthānaṃ ādiṃ katvā yāva gotrabhu, tāva pavattena ñāṇena sampannānaṃ. Sammāpaṭipannānanti catumaggakkhaṇe. Adhigataphalānanti catuphalakkhaṇe.
ад̇химужжанд̇од̇и ад̇химогкам̣ гаронд̇о. сад̣̇д̇хааяа жарад̇ийд̇и сад̣̇д̇хаавасзна бавад̇д̇ад̇и. баг̇г̇ан̣ханд̇од̇и жад̇усаммаббад̇хаанавийриязна бад̣̇аханд̇о. убадтаабзнд̇од̇и сад̇ияаа аарамман̣ам̣ убадтаабзнд̇о. авигкзбам̣ гаронд̇од̇и самаад̇хивасзна вигкзбам̣ агаронд̇о. баж̇аананд̇од̇и жад̇усажжабаж̇аананабан̃н̃ааяа багаарзна ж̇аананд̇о. виж̇аананд̇од̇и инд̣̇рияасамбаяуд̇д̇аж̇аванабуб̣б̣ан̇г̇амзна ааваж̇ж̇анавин̃н̃аан̣зна аарамман̣ам̣ виж̇аананд̇о. вин̃н̃аан̣ажарияааяаад̇и ааваж̇ж̇анавин̃н̃аан̣ажарияавасзна. звам̣ бадибаннассаад̇и сахаж̇аванааяа инд̣̇рияажарияааяа бадибаннасса. гусалаа д̇хаммаа ааяаабзнд̇ийд̇и самат̇авибассанаавасзна бавад̇д̇аа гусалаа д̇хаммаа бхусам̣ яаабзнд̇и, бавад̇д̇анд̇ийд̇и ад̇т̇о. ааяад̇анажарияааяаад̇и гусалаанам̣ д̇хаммаанам̣ бхусам̣ яад̇анажарияааяа, гхаданажарияааяа бавад̇д̇анажарияааяаад̇и вуд̇д̇ам̣ ход̇и. висзсамад̇хиг̇ажчад̇ийд̇и вигкамбханад̇ад̣̇ан̇г̇асамужчзд̣̇абадиббассад̣̇д̇хивасзна висзсам̣ ад̇хиг̇ажчад̇и. д̣̇ассанажарияаад̣̇аяо вуд̇д̇ад̇т̇ааязва.
Adhimuccantoti adhimokkhaṃ karonto. Saddhāya caratīti saddhāvasena pavattati. Paggaṇhantoti catusammappadhānavīriyena padahanto. Upaṭṭhāpentoti satiyā ārammaṇaṃ upaṭṭhāpento. Avikkhepaṃ karontoti samādhivasena vikkhepaṃ akaronto. Pajānantoti catusaccapajānanapaññāya pakārena jānanto. Vijānantoti indriyasampayuttajavanapubbaṅgamena āvajjanaviññāṇena ārammaṇaṃ vijānanto. Viññāṇacariyāyāti āvajjanaviññāṇacariyavasena. Evaṃ paṭipannassāti sahajavanāya indriyacariyāya paṭipannassa. Kusalā dhammā āyāpentīti samathavipassanāvasena pavattā kusalā dhammā bhusaṃ yāpenti, pavattantīti attho. Āyatanacariyāyāti kusalānaṃ dhammānaṃ bhusaṃ yatanacariyāya, ghaṭanacariyāya pavattanacariyāyāti vuttaṃ hoti. Visesamadhigacchatīti vikkhambhanatadaṅgasamucchedapaṭippassaddhivasena visesaṃ adhigacchati. Dassanacariyādayo vuttatthāyeva.
сад̣̇д̇хааяа вихарад̇ийд̇иаад̣̇ийсу сад̣̇д̇хаад̣̇исаман̇г̇исса ирияаабат̇авихааро д̣̇адтаб̣б̣о. ануб̣уд̣̇д̇ход̇и анумаанаб̣уд̣̇д̇хияаа. бадивид̣̇д̇ход̇и бажжагкаб̣уд̣̇д̇хияаа. яасмаа ад̇химогкадтаад̣̇ийсу ануб̣уд̣̇д̇хзсу бадивид̣̇д̇хзсу жа жааро жа вихааро жа ануб̣уд̣̇д̇хо ход̇и бадивид̣̇д̇хо, д̇асмаа ануб̣од̇хабадивзд̇хзсу ад̇химогкадтаад̣̇аяо жа нид̣̇д̣̇идтаа.
Saddhāya viharatītiādīsu saddhādisamaṅgissa iriyāpathavihāro daṭṭhabbo. Anubuddhoti anumānabuddhiyā. Paṭividdhoti paccakkhabuddhiyā. Yasmā adhimokkhaṭṭhādīsu anubuddhesu paṭividdhesu ca cāro ca vihāro ca anubuddho hoti paṭividdho, tasmā anubodhapaṭivedhesu adhimokkhaṭṭhādayo ca niddiṭṭhā.
звам̣ сад̣̇д̇хааяа жаранд̇анд̇иаад̣̇ийсу званд̇и вуд̇д̇аббагаарам̣ нид̣̇д̣̇исанд̇о яат̇аасад̣̇д̣̇асса ад̇т̇ам̣ нид̣̇д̣̇исад̇и. вин̃н̃ууд̇иаад̣̇ийсуби яат̇аасабхаавам̣ ж̇аананд̇ийд̇и вин̃н̃уу. вин̃н̃аад̇ам̣ сабхаавам̣ вибхаавзнд̇и баагадам̣ гаронд̇ийд̇и вибхаавий. асани вияа силужжаяз гилзсз мзд̇хад̇и хим̣сад̇ийд̇и мзд̇хаа, киббам̣ г̇ахан̣ад̇хааран̣адтзна ваа мзд̇хаа, мзд̇хаа зд̇зсам̣ ад̇т̇ийд̇и мзд̇хаавий. н̃аан̣аг̇ад̇ияаа бан̣д̣анд̇и г̇ажчанд̇и бавад̇д̇анд̇ийд̇и бан̣д̣ид̇аа. б̣уд̣̇д̇хисамбад̣̇ааяа саманнааг̇ад̇ад̇д̇аа б̣уд̣̇д̇хисамбаннаа. саха б̣рахмам̣ жарияам̣ уд̇д̇амам̣ бадибад̣̇ам̣ жаранд̇ийд̇и саб̣рахмажаарино. абалоганагаммаад̣̇ижад̇уб̣б̣ид̇хам̣ гаммам̣ згад̇о гаран̣авасзна згам̣ гаммам̣. д̇ат̇аа бан̃жавид̇хо баад̇имогкуд̣̇д̣̇зсо згуд̣̇д̣̇зсо. самаа сигкаа зд̇зсанд̇и самасигкаа, самасигкаанам̣ бхааво самасигкад̇аа. самасигкаад̇аад̇иби батанд̇и. язсам̣ згам̣ гаммам̣ зго уд̣̇д̣̇зсо самасигкад̇аа, д̇з саб̣рахмажаарийд̇и вуд̇д̇ам̣ ход̇и. ‘‘жхаанааний’’д̇и вад̇д̇аб̣б̣з жхаанаад̇и лин̇г̇авибаллаасо гад̇о. вимогкаад̇и д̇аяо ваа адта ваа вимогкаа. самаад̇хийд̇и савид̇аггасавижаараавид̇аггавижаарамад̇д̇аавид̇аггаавижаараа д̇аяо самаад̇хий. самаабад̇д̇ияод̇и сун̃н̃ад̇аанимид̇д̇ааббан̣ихид̇аа. абхин̃н̃ааяод̇и ча абхин̃н̃аа.
Evaṃ saddhāya carantantiādīsu evanti vuttappakāraṃ niddisanto yathāsaddassa atthaṃ niddisati. Viññūtiādīsupi yathāsabhāvaṃ jānantīti viññū. Viññātaṃ sabhāvaṃ vibhāventi pākaṭaṃ karontīti vibhāvī. Asani viya siluccaye kilese medhati hiṃsatīti medhā, khippaṃ gahaṇadhāraṇaṭṭhena vā medhā, medhā etesaṃ atthīti medhāvī. Ñāṇagatiyā paṇḍanti gacchanti pavattantīti paṇḍitā. Buddhisampadāya samannāgatattā buddhisampannā. Saha brahmaṃ cariyaṃ uttamaṃ paṭipadaṃ carantīti sabrahmacārino. Apalokanakammādicatubbidhaṃ kammaṃ ekato karaṇavasena ekaṃ kammaṃ. Tathā pañcavidho pātimokkhuddeso ekuddeso. Samā sikkhā etesanti samasikkhā, samasikkhānaṃ bhāvo samasikkhatā. Samasikkhātātipi paṭhanti. Yesaṃ ekaṃ kammaṃ eko uddeso samasikkhatā, te sabrahmacārīti vuttaṃ hoti. ‘‘Jhānānī’’ti vattabbe jhānāti liṅgavipallāso kato. Vimokkhāti tayo vā aṭṭha vā vimokkhā. Samādhīti savitakkasavicāraavitakkavicāramattaavitakkāvicārā tayo samādhī. Samāpattiyoti suññatānimittāppaṇihitā. Abhiññāyoti cha abhiññā.
зго ам̣со бхааг̇о, на д̣̇уд̇ияод̇и згам̣со, згам̣сасса ад̇т̇асса важанам̣ згам̣саважанам̣. звам̣ сзсзсуби яож̇анаа гаад̇аб̣б̣аа. висзсад̇о бана самам̣, саманд̇аа ваа сзд̇и бавад̇д̇ад̇ийд̇и сам̣саяо, над̇т̇зд̇т̇а сам̣саяод̇и ниссам̣саяо. згасмим̣язва анижчаяад̇аа худ̇ваа ид̇арамби ган̇кад̇ийд̇и ган̇каа, над̇т̇зд̇т̇а ган̇каад̇и нигган̇ко. д̣̇вид̇хаа бхааво д̣̇взж̇жхам̣, над̇т̇зд̇т̇а д̣̇взж̇жханд̇и ад̣̇взж̇жхо. д̣̇вид̇хаа злаяад̇и гамбзд̇ийд̇и д̣̇взл̣хагам̣, над̇т̇зд̇т̇а д̣̇взл̣хаганд̇и ад̣̇взл̣хаго. нияог̇зна нияамзна важанам̣ нияог̇аважанам̣. нияяог̇аважананд̇иби батанд̇и. абан̣н̣агасса авирад̣̇д̇хасса нияяаанигасса ад̇т̇асса важанам̣ абан̣н̣агаважанам̣. авад̇т̇аабанаважананд̇и нижчаяаважанам̣. саб̣б̣амби хзд̇ам̣ вижигижчаабхаавасса взважанам̣. бияасса ад̇т̇асса саб̣бхаавад̇о важанам̣, бияамзваад̇и бияаважанам̣. д̇ат̇аа г̇аруважанам̣. саха г̇ааравзна г̇арубхаавзна саг̇ааравам̣. бад̇иссаяанам̣ бад̇иссаяо барам̣ г̇арум̣ гад̇ваа ниссаяанам̣ абассаяананд̇и ад̇т̇о. бад̇иссаванам̣ ваа бад̇иссаво, ниваад̇авуд̇д̇ид̇ааяа бараважанасавананд̇и ад̇т̇о. убхаяат̇ааби бараж̇здтагабхаавассзд̇ам̣ наамам̣. саха г̇ааравзна вад̇д̇ад̇ийд̇и саг̇ааравам̣. саха бад̇иссаязна, бад̇иссавзна ваа вад̇д̇ад̇ийд̇и саббад̇иссаяам̣. ‘‘саббад̇иссава’’нд̇и ваа вад̇д̇аб̣б̣з яа-гаарам̣, ва-гаарам̣ ваа лобам̣ гад̇ваа ‘‘саббад̇исса’’нд̇и вуд̇д̇ам̣. ад̇хигам̣ висидтам̣ важанам̣ ад̇хиважанам̣, саг̇аараван̃жа д̇ам̣ саббад̇иссан̃жаад̇и саг̇ааравасаббад̇иссам̣, саг̇ааравасаббад̇иссам̣ ад̇хиважанам̣ саг̇ааравасаббад̇иссаад̇хиважанам̣. убхаяад̇т̇ааби взважанавигаббанаанад̇д̇авасзна бунаббунам̣ зд̇анд̇и вуд̇д̇ам̣. бад̇д̇о ваа баабун̣иссад̇и ваад̇и жхаанаад̣̇ийниязваад̇и.
Eko aṃso bhāgo, na dutiyoti ekaṃso, ekaṃsassa atthassa vacanaṃ ekaṃsavacanaṃ. Evaṃ sesesupi yojanā kātabbā. Visesato pana samaṃ, samantā vā seti pavattatīti saṃsayo, natthettha saṃsayoti nissaṃsayo. Ekasmiṃyeva anicchayatā hutvā itarampi kaṅkhatīti kaṅkhā, natthettha kaṅkhāti nikkaṅkho. Dvidhā bhāvo dvejjhaṃ, natthettha dvejjhanti advejjho. Dvidhā elayati kampetīti dveḷhakaṃ, natthettha dveḷhakanti adveḷhako. Niyogena niyamena vacanaṃ niyogavacanaṃ. Niyyogavacanantipi paṭhanti. Apaṇṇakassa aviraddhassa niyyānikassa atthassa vacanaṃ apaṇṇakavacanaṃ. Avatthāpanavacananti nicchayavacanaṃ. Sabbampi hetaṃ vicikicchābhāvassa vevacanaṃ. Piyassa atthassa sabbhāvato vacanaṃ, piyamevāti piyavacanaṃ. Tathā garuvacanaṃ. Saha gāravena garubhāvena sagāravaṃ. Patissayanaṃ patissayo paraṃ garuṃ katvā nissayanaṃ apassayananti attho. Patissavanaṃ vā patissavo, nivātavuttitāya paravacanasavananti attho. Ubhayathāpi parajeṭṭhakabhāvassetaṃ nāmaṃ. Saha gāravena vattatīti sagāravaṃ. Saha patissayena, patissavena vā vattatīti sappatissayaṃ. ‘‘Sappatissava’’nti vā vattabbe ya-kāraṃ, va-kāraṃ vā lopaṃ katvā ‘‘sappatissa’’nti vuttaṃ. Adhikaṃ visiṭṭhaṃ vacanaṃ adhivacanaṃ, sagāravañca taṃ sappatissañcāti sagāravasappatissaṃ, sagāravasappatissaṃ adhivacanaṃ sagāravasappatissādhivacanaṃ. Ubhayatthāpi vevacanavikappanānattavasena punappunaṃ etanti vuttaṃ. Patto vā pāpuṇissati vāti jhānādīniyevāti.
д̇ад̇ияасуд̇д̇анд̇анид̣̇д̣̇зсаван̣н̣анаа нидтид̇аа.
Tatiyasuttantaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 3. д̇ад̇ияасуд̇д̇анд̇анид̣̇д̣̇зсо • 3. Tatiyasuttantaniddeso
