| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
3. д̇ад̇ияасуд̇д̇анд̇анид̣̇д̣̇зсо
3. Tatiyasuttantaniddeso
194. саавад̇т̇инид̣̇аанам̣ 1. ‘‘бан̃жимаани, бхигкавз, инд̣̇рияаани. гад̇амаани бан̃жа? сад̣̇д̇хинд̣̇рияам̣, вийрияинд̣̇рияам̣, сад̇инд̣̇рияам̣, самаад̇хинд̣̇рияам̣, бан̃н̃инд̣̇рияам̣. гад̇т̇а жа, бхигкавз, сад̣̇д̇хинд̣̇рияам̣ д̣̇адтаб̣б̣ам̣? жад̇уусу сод̇аабад̇д̇ияан̇г̇зсу – зд̇т̇а сад̣̇д̇хинд̣̇рияам̣ д̣̇адтаб̣б̣ам̣. гад̇т̇а жа, бхигкавз, вийрияинд̣̇рияам̣ д̣̇адтаб̣б̣ам̣? жад̇уусу саммаббад̇хаанзсу – зд̇т̇а вийрияинд̣̇рияам̣ д̣̇адтаб̣б̣ам̣. гад̇т̇а жа , бхигкавз, сад̇инд̣̇рияам̣ д̣̇адтаб̣б̣ам̣? жад̇уусу сад̇ибадтаанзсу – зд̇т̇а сад̇инд̣̇рияам̣ д̣̇адтаб̣б̣ам̣. гад̇т̇а жа, бхигкавз, самаад̇хинд̣̇рияам̣ д̣̇адтаб̣б̣ам̣? жад̇уусу жхаанзсу – зд̇т̇а самаад̇хинд̣̇рияам̣ д̣̇адтаб̣б̣ам̣. гад̇т̇а жа, бхигкавз, бан̃н̃инд̣̇рияам̣ д̣̇адтаб̣б̣ам̣? жад̇уусу арияасажжзсу – зд̇т̇а бан̃н̃инд̣̇рияам̣ д̣̇адтаб̣б̣ам̣’’.
194. Sāvatthinidānaṃ 2. ‘‘Pañcimāni, bhikkhave, indriyāni. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. Kattha ca, bhikkhave, saddhindriyaṃ daṭṭhabbaṃ? Catūsu sotāpattiyaṅgesu – ettha saddhindriyaṃ daṭṭhabbaṃ. Kattha ca, bhikkhave, vīriyindriyaṃ daṭṭhabbaṃ? Catūsu sammappadhānesu – ettha vīriyindriyaṃ daṭṭhabbaṃ. Kattha ca , bhikkhave, satindriyaṃ daṭṭhabbaṃ? Catūsu satipaṭṭhānesu – ettha satindriyaṃ daṭṭhabbaṃ. Kattha ca, bhikkhave, samādhindriyaṃ daṭṭhabbaṃ? Catūsu jhānesu – ettha samādhindriyaṃ daṭṭhabbaṃ. Kattha ca, bhikkhave, paññindriyaṃ daṭṭhabbaṃ? Catūsu ariyasaccesu – ettha paññindriyaṃ daṭṭhabbaṃ’’.
жад̇уусу сод̇аабад̇д̇ияан̇г̇зсу сад̣̇д̇хинд̣̇рияасса васзна гад̇ихаагаарзхи бан̃жинд̣̇рияаани д̣̇адтаб̣б̣аани? жад̇уусу саммаббад̇хаанзсу вийрияинд̣̇рияасса васзна гад̇ихаагаарзхи бан̃жинд̣̇рияаани д̣̇адтаб̣б̣аани? жад̇уусу сад̇ибадтаанзсу сад̇инд̣̇рияасса васзна гад̇ихаагаарзхи бан̃жинд̣̇рияаани д̣̇адтаб̣б̣аани? жад̇уусу жхаанзсу самаад̇хинд̣̇рияасса васзна гад̇ихаагаарзхи бан̃жинд̣̇рияаани д̣̇адтаб̣б̣аани? жад̇уусу арияасажжзсу бан̃н̃инд̣̇рияасса васзна гад̇ихаагаарзхи бан̃жинд̣̇рияаани д̣̇адтаб̣б̣аани?
Catūsu sotāpattiyaṅgesu saddhindriyassa vasena katihākārehi pañcindriyāni daṭṭhabbāni? Catūsu sammappadhānesu vīriyindriyassa vasena katihākārehi pañcindriyāni daṭṭhabbāni? Catūsu satipaṭṭhānesu satindriyassa vasena katihākārehi pañcindriyāni daṭṭhabbāni? Catūsu jhānesu samādhindriyassa vasena katihākārehi pañcindriyāni daṭṭhabbāni? Catūsu ariyasaccesu paññindriyassa vasena katihākārehi pañcindriyāni daṭṭhabbāni?
жад̇уусу сод̇аабад̇д̇ияан̇г̇зсу сад̣̇д̇хинд̣̇рияасса васзна вийсад̇ияаа аагаарзхи бан̃жинд̣̇рияаани д̣̇адтаб̣б̣аани. жад̇уусу саммаббад̇хаанзсу вийрияинд̣̇рияасса васзна вийсад̇ияаа аагаарзхи бан̃жинд̣̇рияаани д̣̇адтаб̣б̣аани. жад̇уусу сад̇ибадтаанзсу сад̇инд̣̇рияасса васзна вийсад̇ияаа аагаарзхи бан̃жинд̣̇рияаани д̣̇адтаб̣б̣аани. жад̇уусу жхаанзсу самаад̇хинд̣̇рияасса васзна вийсад̇ияаа аагаарзхи бан̃жинд̣̇рияаани д̣̇адтаб̣б̣аани. жад̇уусу арияасажжзсу бан̃н̃инд̣̇рияасса васзна вийсад̇ияаа аагаарзхи бан̃жинд̣̇рияаани д̣̇адтаб̣б̣аани.
Catūsu sotāpattiyaṅgesu saddhindriyassa vasena vīsatiyā ākārehi pañcindriyāni daṭṭhabbāni. Catūsu sammappadhānesu vīriyindriyassa vasena vīsatiyā ākārehi pañcindriyāni daṭṭhabbāni. Catūsu satipaṭṭhānesu satindriyassa vasena vīsatiyā ākārehi pañcindriyāni daṭṭhabbāni. Catūsu jhānesu samādhindriyassa vasena vīsatiyā ākārehi pañcindriyāni daṭṭhabbāni. Catūsu ariyasaccesu paññindriyassa vasena vīsatiyā ākārehi pañcindriyāni daṭṭhabbāni.
га. бабхзд̣̇аг̇ан̣ананид̣̇д̣̇зсо
Ka. pabhedagaṇananiddeso
195. жад̇уусу сод̇аабад̇д̇ияан̇г̇зсу сад̣̇д̇хинд̣̇рияасса васзна гад̇амзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани? саббурисасам̣сзвз сод̇аабад̇д̇ияан̇г̇з ад̇химогкаад̇хибад̇зяяадтзна сад̣̇д̇хинд̣̇рияам̣ д̣̇адтаб̣б̣ам̣, сад̣̇д̇хинд̣̇рияасса васзна баг̇г̇ахадтзна вийрияинд̣̇рияам̣ д̣̇адтаб̣б̣ам̣, убадтаанадтзна сад̇инд̣̇рияам̣ д̣̇адтаб̣б̣ам̣, авигкзбадтзна самаад̇хинд̣̇рияам̣ д̣̇адтаб̣б̣ам̣ , д̣̇ассанадтзна бан̃н̃инд̣̇рияам̣ д̣̇адтаб̣б̣ам̣; сад̣̇д̇хаммасаванз сод̇аабад̇д̇ияан̇г̇з… яонисоманасигаарз сод̇аабад̇д̇ияан̇г̇з… д̇хаммаануд̇хаммабадибад̇д̇ияаа сод̇аабад̇д̇ияан̇г̇з ад̇химогкаад̇хибад̇зяяадтзна сад̣̇д̇хинд̣̇рияам̣ д̣̇адтаб̣б̣ам̣, сад̣̇д̇хинд̣̇рияасса васзна баг̇г̇ахадтзна вийрияинд̣̇рияам̣ д̣̇адтаб̣б̣ам̣, убадтаанадтзна сад̇инд̣̇рияам̣ д̣̇адтаб̣б̣ам̣, авигкзбадтзна самаад̇хинд̣̇рияам̣ д̣̇адтаб̣б̣ам̣, д̣̇ассанадтзна бан̃н̃инд̣̇рияам̣ д̣̇адтаб̣б̣ам̣. жад̇уусу сод̇аабад̇д̇ияан̇г̇зсу сад̣̇д̇хинд̣̇рияасса васзна имзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани.
195. Catūsu sotāpattiyaṅgesu saddhindriyassa vasena katamehi vīsatiyā ākārehi pañcindriyāni daṭṭhabbāni? Sappurisasaṃseve sotāpattiyaṅge adhimokkhādhipateyyaṭṭhena saddhindriyaṃ daṭṭhabbaṃ, saddhindriyassa vasena paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ; saddhammasavane sotāpattiyaṅge… yonisomanasikāre sotāpattiyaṅge… dhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyaṃ daṭṭhabbaṃ, saddhindriyassa vasena paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ. Catūsu sotāpattiyaṅgesu saddhindriyassa vasena imehi vīsatiyā ākārehi pañcindriyāni daṭṭhabbāni.
жад̇уусу саммаббад̇хаанзсу вийрияинд̣̇рияасса васзна гад̇амзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани? ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа саммаббад̇хаанз баг̇г̇ахаад̇хибад̇зяяадтзна вийрияинд̣̇рияам̣ д̣̇адтаб̣б̣ам̣, вийрияинд̣̇рияасса васзна убадтаанадтзна сад̇инд̣̇рияам̣ д̣̇адтаб̣б̣ам̣, авигкзбадтзна самаад̇хинд̣̇рияам̣ д̣̇адтаб̣б̣ам̣, д̣̇ассанадтзна бан̃н̃инд̣̇рияам̣ д̣̇адтаб̣б̣ам̣, ад̇химогкадтзна сад̣̇д̇хинд̣̇рияам̣ д̣̇адтаб̣б̣ам̣. уббаннаанам̣ баабагаанам̣ агусалаанам̣ д̇хаммаанам̣ бахаанааяа саммаббад̇хаанз…бз… ануббаннаанам̣ гусалаанам̣ д̇хаммаанам̣ уббаад̣̇ааяа саммаббад̇хаанз…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа саммаббад̇хаанз баг̇г̇ахаад̇хибад̇зяяадтзна вийрияинд̣̇рияам̣ д̣̇адтаб̣б̣ам̣, вийрияинд̣̇рияасса васзна убадтаанадтзна сад̇инд̣̇рияам̣ д̣̇адтаб̣б̣ам̣, авигкзбадтзна самаад̇хинд̣̇рияам̣ д̣̇адтаб̣б̣ам̣, д̣̇ассанадтзна бан̃н̃инд̣̇рияам̣ д̣̇адтаб̣б̣ам̣, ад̇химогкадтзна сад̣̇д̇хинд̣̇рияам̣ д̣̇адтаб̣б̣ам̣. жад̇уусу саммаббад̇хаанзсу вийрияинд̣̇рияасса васзна имзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани.
Catūsu sammappadhānesu vīriyindriyassa vasena katamehi vīsatiyā ākārehi pañcindriyāni daṭṭhabbāni? Anuppannānaṃ pāpakānaṃ akusalānaṃ dhammānaṃ anuppādāya sammappadhāne paggahādhipateyyaṭṭhena vīriyindriyaṃ daṭṭhabbaṃ, vīriyindriyassa vasena upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ. Uppannānaṃ pāpakānaṃ akusalānaṃ dhammānaṃ pahānāya sammappadhāne…pe… anuppannānaṃ kusalānaṃ dhammānaṃ uppādāya sammappadhāne…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyaṃ daṭṭhabbaṃ, vīriyindriyassa vasena upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ. Catūsu sammappadhānesu vīriyindriyassa vasena imehi vīsatiyā ākārehi pañcindriyāni daṭṭhabbāni.
жад̇уусу сад̇ибадтаанзсу сад̇инд̣̇рияасса васзна гад̇амзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани? гааяз гааяаанубассанаасад̇ибадтаанз убадтаанаад̇хибад̇зяяадтзна сад̇инд̣̇рияам̣ д̣̇адтаб̣б̣ам̣, сад̇инд̣̇рияасса васзна авигкзбадтзна самаад̇хинд̣̇рияам̣ д̣̇адтаб̣б̣ам̣, д̣̇ассанадтзна бан̃н̃инд̣̇рияам̣ д̣̇адтаб̣б̣ам̣, ад̇химогкадтзна сад̣̇д̇хинд̣̇рияам̣ д̣̇адтаб̣б̣ам̣, баг̇г̇ахадтзна вийрияинд̣̇рияам̣ д̣̇адтаб̣б̣ам̣. взд̣̇анаасу взд̣̇анаанубассанаасад̇ибадтаанз…бз… жид̇д̇з жид̇д̇аанубассанаасад̇ибадтаанз… д̇хаммзсу д̇хаммаанубассанаасад̇ибадтаанз убадтаанаад̇хибад̇зяяадтзна сад̇инд̣̇рияам̣ д̣̇адтаб̣б̣ам̣, сад̇инд̣̇рияасса васзна авигкзбадтзна самаад̇хинд̣̇рияам̣ д̣̇адтаб̣б̣ам̣, д̣̇ассанадтзна бан̃н̃инд̣̇рияам̣ д̣̇адтаб̣б̣ам̣, ад̇химогкадтзна сад̣̇д̇хинд̣̇рияам̣ д̣̇адтаб̣б̣ам̣, баг̇г̇ахадтзна вийрияинд̣̇рияам̣ д̣̇адтаб̣б̣ам̣. жад̇уусу сад̇ибадтаанзсу сад̇инд̣̇рияасса васзна имзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани.
Catūsu satipaṭṭhānesu satindriyassa vasena katamehi vīsatiyā ākārehi pañcindriyāni daṭṭhabbāni? Kāye kāyānupassanāsatipaṭṭhāne upaṭṭhānādhipateyyaṭṭhena satindriyaṃ daṭṭhabbaṃ, satindriyassa vasena avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ. Vedanāsu vedanānupassanāsatipaṭṭhāne…pe… citte cittānupassanāsatipaṭṭhāne… dhammesu dhammānupassanāsatipaṭṭhāne upaṭṭhānādhipateyyaṭṭhena satindriyaṃ daṭṭhabbaṃ, satindriyassa vasena avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ. Catūsu satipaṭṭhānesu satindriyassa vasena imehi vīsatiyā ākārehi pañcindriyāni daṭṭhabbāni.
жад̇уусу жхаанзсу самаад̇хинд̣̇рияасса васзна гад̇амзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани? батамз жхаанз авигкзбаад̇хибад̇зяяадтзна самаад̇хинд̣̇рияам̣ д̣̇адтаб̣б̣ам̣, самаад̇хинд̣̇рияасса васзна д̣̇ассанадтзна бан̃н̃инд̣̇рияам̣ д̣̇адтаб̣б̣ам̣, ад̇химогкадтзна сад̣̇д̇хинд̣̇рияам̣ д̣̇адтаб̣б̣ам̣, баг̇г̇ахадтзна вийрияинд̣̇рияам̣ д̣̇адтаб̣б̣ам̣, убадтаанадтзна сад̇инд̣̇рияам̣ д̣̇адтаб̣б̣ам̣. д̣̇уд̇ияз жхаанз…бз… д̇ад̇ияз жхаанз… жад̇уд̇т̇з жхаанз авигкзбаад̇хибад̇зяяадтзна самаад̇хинд̣̇рияам̣ д̣̇адтаб̣б̣ам̣, самаад̇хинд̣̇рияасса васзна д̣̇ассанадтзна бан̃н̃инд̣̇рияам̣ д̣̇адтаб̣б̣ам̣, ад̇химогкадтзна сад̣̇д̇хинд̣̇рияам̣ д̣̇адтаб̣б̣ам̣, баг̇г̇ахадтзна вийрияинд̣̇рияам̣ д̣̇адтаб̣б̣ам̣, убадтаанадтзна сад̇инд̣̇рияам̣ д̣̇адтаб̣б̣ам̣. жад̇уусу жхаанзсу самаад̇хинд̣̇рияасса васзна имзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани.
Catūsu jhānesu samādhindriyassa vasena katamehi vīsatiyā ākārehi pañcindriyāni daṭṭhabbāni? Paṭhame jhāne avikkhepādhipateyyaṭṭhena samādhindriyaṃ daṭṭhabbaṃ, samādhindriyassa vasena dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ. Dutiye jhāne…pe… tatiye jhāne… catutthe jhāne avikkhepādhipateyyaṭṭhena samādhindriyaṃ daṭṭhabbaṃ, samādhindriyassa vasena dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ. Catūsu jhānesu samādhindriyassa vasena imehi vīsatiyā ākārehi pañcindriyāni daṭṭhabbāni.
жад̇уусу арияасажжзсу бан̃н̃инд̣̇рияасса васзна гад̇амзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани? д̣̇угкз арияасажжз д̣̇ассанаад̇хибад̇зяяадтзна бан̃н̃инд̣̇рияам̣ д̣̇адтаб̣б̣ам̣, бан̃н̃инд̣̇рияасса васзна ад̇химогкадтзна сад̣̇д̇хинд̣̇рияам̣ д̣̇адтаб̣б̣ам̣, баг̇г̇ахадтзна вийрияинд̣̇рияам̣ д̣̇адтаб̣б̣ам̣, убадтаанадтзна сад̇инд̣̇рияам̣ д̣̇адтаб̣б̣ам̣, авигкзбадтзна самаад̇хинд̣̇рияам̣ д̣̇адтаб̣б̣ам̣. д̣̇угкасамуд̣̇аяз арияасажжз…бз… д̣̇угканирод̇хз арияасажжз… д̣̇угканирод̇хаг̇ааминияаа бадибад̣̇ааяа арияасажжз д̣̇ассанаад̇хибад̇зяяадтзна бан̃н̃инд̣̇рияам̣ д̣̇адтаб̣б̣ам̣, бан̃н̃инд̣̇рияасса васзна ад̇химогкадтзна сад̣̇д̇хинд̣̇рияам̣ д̣̇адтаб̣б̣ам̣, баг̇г̇ахадтзна вийрияинд̣̇рияам̣ д̣̇адтаб̣б̣ам̣, убадтаанадтзна сад̇инд̣̇рияам̣ д̣̇адтаб̣б̣ам̣, авигкзбадтзна самаад̇хинд̣̇рияам̣ д̣̇адтаб̣б̣ам̣. жад̇уусу арияасажжзсу бан̃н̃инд̣̇рияасса васзна имзхи вийсад̇ияаа аагаарзхи бан̃жинд̣̇рияаани д̣̇адтаб̣б̣аани.
Catūsu ariyasaccesu paññindriyassa vasena katamehi vīsatiyā ākārehi pañcindriyāni daṭṭhabbāni? Dukkhe ariyasacce dassanādhipateyyaṭṭhena paññindriyaṃ daṭṭhabbaṃ, paññindriyassa vasena adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ. Dukkhasamudaye ariyasacce…pe… dukkhanirodhe ariyasacce… dukkhanirodhagāminiyā paṭipadāya ariyasacce dassanādhipateyyaṭṭhena paññindriyaṃ daṭṭhabbaṃ, paññindriyassa vasena adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ. Catūsu ariyasaccesu paññindriyassa vasena imehi vīsatiyā ākārehi pañcindriyāni daṭṭhabbāni.
ка. жарияавааро
Kha. cariyavāro
196. жад̇уусу сод̇аабад̇д̇ияан̇г̇зсу сад̣̇д̇хинд̣̇рияасса васзна гад̇ихаагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа?
196. Catūsu sotāpattiyaṅgesu saddhindriyassa vasena katihākārehi pañcannaṃ indriyānaṃ cariyā daṭṭhabbā?
жад̇уусу саммаббад̇хаанзсу…бз… жад̇уусу сад̇ибадтаанзсу… жад̇уусу жхаанзсу… жад̇уусу арияасажжзсу бан̃н̃инд̣̇рияасса васзна гад̇ихаагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа? жад̇уусу сод̇аабад̇д̇ияан̇г̇зсу сад̣̇д̇хинд̣̇рияасса васзна вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа. жад̇уусу саммаббад̇хаанзсу…бз… жад̇уусу сад̇ибадтаанзсу… жад̇уусу жхаанзсу… жад̇уусу арияасажжзсу бан̃н̃инд̣̇рияасса васзна вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа.
Catūsu sammappadhānesu…pe… catūsu satipaṭṭhānesu… catūsu jhānesu… catūsu ariyasaccesu paññindriyassa vasena katihākārehi pañcannaṃ indriyānaṃ cariyā daṭṭhabbā? Catūsu sotāpattiyaṅgesu saddhindriyassa vasena vīsatiyā ākārehi pañcannaṃ indriyānaṃ cariyā daṭṭhabbā. Catūsu sammappadhānesu…pe… catūsu satipaṭṭhānesu… catūsu jhānesu… catūsu ariyasaccesu paññindriyassa vasena vīsatiyā ākārehi pañcannaṃ indriyānaṃ cariyā daṭṭhabbā.
жад̇уусу сод̇аабад̇д̇ияан̇г̇зсу сад̣̇д̇хинд̣̇рияасса васзна гад̇амзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа? саббурисасам̣сзвз сод̇аабад̇д̇ияан̇г̇з ад̇химогкаад̇хибад̇зяяадтзна сад̣̇д̇хинд̣̇рияасса жарияаа д̣̇адтаб̣б̣аа, сад̣̇д̇хинд̣̇рияасса васзна баг̇г̇ахадтзна вийрияинд̣̇рияасса жарияаа д̣̇адтаб̣б̣аа, убадтаанадтзна сад̇инд̣̇рияасса жарияаа д̣̇адтаб̣б̣аа, авигкзбадтзна самаад̇хинд̣̇рияасса жарияаа д̣̇адтаб̣б̣аа, д̣̇ассанадтзна бан̃н̃инд̣̇рияасса жарияаа д̣̇адтаб̣б̣аа. сад̣̇д̇хаммасаванз сод̇аабад̇д̇ияан̇г̇з…бз… яонисо манасигаарз сод̇аабад̇д̇ияан̇г̇з… д̇хаммаануд̇хаммабадибад̇д̇ияаа сод̇аабад̇д̇ияан̇г̇з ад̇химогкаад̇хибад̇зяяадтзна сад̣̇д̇хинд̣̇рияасса жарияаа д̣̇адтаб̣б̣аа, сад̣̇д̇хинд̣̇рияасса васзна баг̇г̇ахадтзна вийрияинд̣̇рияасса жарияаа д̣̇адтаб̣б̣аа, убадтаанадтзна сад̇инд̣̇рияасса жарияаа д̣̇адтаб̣б̣аа, авигкзбадтзна самаад̇хинд̣̇рияасса жарияаа д̣̇адтаб̣б̣аа, д̣̇ассанадтзна бан̃н̃инд̣̇рияасса жарияаа д̣̇адтаб̣б̣аа. жад̇уусу сод̇аабад̇д̇ияан̇г̇зсу сад̣̇д̇хинд̣̇рияасса васзна имзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа.
Catūsu sotāpattiyaṅgesu saddhindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Sappurisasaṃseve sotāpattiyaṅge adhimokkhādhipateyyaṭṭhena saddhindriyassa cariyā daṭṭhabbā, saddhindriyassa vasena paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā. Saddhammasavane sotāpattiyaṅge…pe… yoniso manasikāre sotāpattiyaṅge… dhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyassa cariyā daṭṭhabbā, saddhindriyassa vasena paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā. Catūsu sotāpattiyaṅgesu saddhindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
жад̇уусу саммаббад̇хаанзсу вийрияинд̣̇рияасса васзна гад̇амзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа? ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа саммаббад̇хаанз баг̇г̇ахаад̇хибад̇зяяадтзна вийрияинд̣̇рияасса жарияаа д̣̇адтаб̣б̣аа, вийрияинд̣̇рияасса васзна убадтаанадтзна сад̇инд̣̇рияасса жарияаа д̣̇адтаб̣б̣аа, авигкзбадтзна самаад̇хинд̣̇рияасса жарияаа д̣̇адтаб̣б̣аа, д̣̇ассанадтзна бан̃н̃инд̣̇рияасса жарияаа д̣̇адтаб̣б̣аа, ад̇химогкадтзна сад̣̇д̇хинд̣̇рияасса жарияаа д̣̇адтаб̣б̣аа. уббаннаанам̣ баабагаанам̣ агусалаанам̣ д̇хаммаанам̣ бахаанааяа саммаббад̇хаанз…бз… ануббаннаанам̣ гусалаанам̣ д̇хаммаанам̣ уббаад̣̇ааяа саммаббад̇хаанз…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа саммаббад̇хаанз баг̇г̇ахаад̇хибад̇зяяадтзна вийрияинд̣̇рияасса жарияаа д̣̇адтаб̣б̣аа…бз… жад̇уусу саммаббад̇хаанзсу вийрияинд̣̇рияасса васзна имзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа.
Catūsu sammappadhānesu vīriyindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Anuppannānaṃ pāpakānaṃ akusalānaṃ dhammānaṃ anuppādāya sammappadhāne paggahādhipateyyaṭṭhena vīriyindriyassa cariyā daṭṭhabbā, vīriyindriyassa vasena upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā. Uppannānaṃ pāpakānaṃ akusalānaṃ dhammānaṃ pahānāya sammappadhāne…pe… anuppannānaṃ kusalānaṃ dhammānaṃ uppādāya sammappadhāne…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyassa cariyā daṭṭhabbā…pe… catūsu sammappadhānesu vīriyindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
жад̇уусу сад̇ибадтаанзсу сад̇инд̣̇рияасса васзна гад̇амзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа? гааяз гааяаанубассанаасад̇ибадтаанз убадтаанаад̇хибад̇зяяадтзна сад̇инд̣̇рияасса жарияаа д̣̇адтаб̣б̣аа, сад̇инд̣̇рияасса васзна авигкзбадтзна самаад̇хинд̣̇рияасса жарияаа д̣̇адтаб̣б̣аа, д̣̇ассанадтзна бан̃н̃инд̣̇рияасса жарияаа д̣̇адтаб̣б̣аа, ад̇химогкадтзна сад̣̇д̇хинд̣̇рияасса жарияаа д̣̇адтаб̣б̣аа, баг̇г̇ахадтзна вийрияинд̣̇рияасса жарияаа д̣̇адтаб̣б̣аа. взд̣̇анаасу взд̣̇анаанубассанаасад̇ибадтаанз…бз… жид̇д̇з жид̇д̇аанубассанаасад̇ибадтаанз…бз… д̇хаммзсу д̇хаммаанубассанаасад̇ибадтаанз убадтаанаад̇хибад̇зяяадтзна сад̇инд̣̇рияасса жарияаа д̣̇адтаб̣б̣аа…бз… жад̇уусу сад̇ибадтаанзсу сад̇инд̣̇рияасса васзна имзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа.
Catūsu satipaṭṭhānesu satindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Kāye kāyānupassanāsatipaṭṭhāne upaṭṭhānādhipateyyaṭṭhena satindriyassa cariyā daṭṭhabbā, satindriyassa vasena avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā. Vedanāsu vedanānupassanāsatipaṭṭhāne…pe… citte cittānupassanāsatipaṭṭhāne…pe… dhammesu dhammānupassanāsatipaṭṭhāne upaṭṭhānādhipateyyaṭṭhena satindriyassa cariyā daṭṭhabbā…pe… catūsu satipaṭṭhānesu satindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
жад̇уусу жхаанзсу самаад̇хинд̣̇рияасса васзна гад̇амзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа? батамз жхаанз авигкзбаад̇хибад̇зяяадтзна самаад̇хинд̣̇рияасса жарияаа д̣̇адтаб̣б̣аа, самаад̇хинд̣̇рияасса васзна д̣̇ассанадтзна бан̃н̃инд̣̇рияасса жарияаа д̣̇адтаб̣б̣аа, ад̇химогкадтзна сад̣̇д̇хинд̣̇рияасса жарияаа д̣̇адтаб̣б̣аа, баг̇г̇ахадтзна вийрияинд̣̇рияасса жарияаа д̣̇адтаб̣б̣аа, убадтаанадтзна сад̇инд̣̇рияасса жарияаа д̣̇адтаб̣б̣аа. д̣̇уд̇ияз жхаанз…бз… д̇ад̇ияз жхаанз…бз… жад̇уд̇т̇з жхаанз авигкзбаад̇хибад̇зяяадтзна самаад̇хинд̣̇рияасса жарияаа д̣̇адтаб̣б̣аа…бз… жад̇уусу жхаанзсу самаад̇хинд̣̇рияасса васзна имзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа.
Catūsu jhānesu samādhindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Paṭhame jhāne avikkhepādhipateyyaṭṭhena samādhindriyassa cariyā daṭṭhabbā, samādhindriyassa vasena dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā. Dutiye jhāne…pe… tatiye jhāne…pe… catutthe jhāne avikkhepādhipateyyaṭṭhena samādhindriyassa cariyā daṭṭhabbā…pe… catūsu jhānesu samādhindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
жад̇уусу арияасажжзсу бан̃н̃инд̣̇рияасса васзна гад̇амзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа? д̣̇угкз арияасажжз д̣̇ассанаад̇хибад̇зяяадтзна бан̃н̃инд̣̇рияасса жарияаа д̣̇адтаб̣б̣аа, бан̃н̃инд̣̇рияасса васзна ад̇химогкадтзна сад̣̇д̇хинд̣̇рияасса жарияаа д̣̇адтаб̣б̣аа, баг̇г̇ахадтзна вийрияинд̣̇рияасса жарияаа д̣̇адтаб̣б̣аа, убадтаанадтзна сад̇инд̣̇рияасса жарияаа д̣̇адтаб̣б̣аа, авигкзбадтзна самаад̇хинд̣̇рияасса жарияаа д̣̇адтаб̣б̣аа. д̣̇угкасамуд̣̇аяз арияасажжз…бз… д̣̇угканирод̇хз арияасажжз… д̣̇угканирод̇хаг̇ааминияаа бадибад̣̇ааяа арияасажжз д̣̇ассанаад̇хибад̇зяяадтзна бан̃н̃инд̣̇рияасса жарияаа д̣̇адтаб̣б̣аа, бан̃н̃инд̣̇рияасса васзна ад̇химогкадтзна сад̣̇д̇хинд̣̇рияасса жарияаа д̣̇адтаб̣б̣аа, баг̇г̇ахадтзна вийрияинд̣̇рияасса жарияаа д̣̇адтаб̣б̣аа, убадтаанадтзна сад̇инд̣̇рияасса жарияаа д̣̇адтаб̣б̣аа, авигкзбадтзна самаад̇хинд̣̇рияасса жарияаа д̣̇адтаб̣б̣аа. жад̇уусу арияасажжзсу бан̃н̃инд̣̇рияасса васзна имзхи вийсад̇ияаа аагаарзхи бан̃жаннам̣ инд̣̇рияаанам̣ жарияаа д̣̇адтаб̣б̣аа.
Catūsu ariyasaccesu paññindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Dukkhe ariyasacce dassanādhipateyyaṭṭhena paññindriyassa cariyā daṭṭhabbā, paññindriyassa vasena adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā. Dukkhasamudaye ariyasacce…pe… dukkhanirodhe ariyasacce… dukkhanirodhagāminiyā paṭipadāya ariyasacce dassanādhipateyyaṭṭhena paññindriyassa cariyā daṭṭhabbā, paññindriyassa vasena adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā. Catūsu ariyasaccesu paññindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
г̇а. жааравихааранид̣̇д̣̇зсо
Ga. cāravihāraniddeso
197. жааро жа вихааро жа ануб̣уд̣̇д̇хо ход̇и бадивид̣̇д̇хо, яат̇аажаранд̇ам̣ яат̇аавихаранд̇ам̣ вин̃н̃уу саб̣рахмажаарий г̇амбхийрзсу таанзсу огаббзяяум̣ – ‘‘ад̣̇д̇хаа, аяамааяасмаа бад̇д̇о ваа баабун̣иссад̇и ваа’’.
197. Cāro ca vihāro ca anubuddho hoti paṭividdho, yathācarantaṃ yathāviharantaṃ viññū sabrahmacārī gambhīresu ṭhānesu okappeyyuṃ – ‘‘addhā, ayamāyasmā patto vā pāpuṇissati vā’’.
жарияаад̇и адта жарияааяо – ирияаабат̇ажарияаа, ааяад̇анажарияаа, сад̇ижарияаа, самаад̇хижарияаа, н̃аан̣ажарияаа, маг̇г̇ажарияаа, бад̇д̇ижарияаа, логад̇т̇ажарияаад̇и. ирияаабат̇ажарияаад̇и жад̇уусу ирияаабат̇зсу. ааяад̇анажарияаад̇и часу аж̇жхад̇д̇игаб̣аахирзсу ааяад̇анзсу. сад̇ижарияаад̇и жад̇уусу сад̇ибадтаанзсу. самаад̇хижарияаад̇и жад̇уусу жхаанзсу. н̃аан̣ажарияаад̇и жад̇уусу арияасажжзсу. маг̇г̇ажарияаад̇и жад̇уусу арияамаг̇г̇зсу. бад̇д̇ижарияаад̇и жад̇уусу сааман̃н̃апалзсу. логад̇т̇ажарияаад̇и д̇ат̇ааг̇ад̇зсу араханд̇зсу саммаасамб̣уд̣̇д̇хзсу, бад̣̇зсз бажжзгаб̣уд̣̇д̇хзсу, бад̣̇зсз саавагзсу. ирияаабат̇ажарияаа жа бан̣ид̇хисамбаннаанам̣, ааяад̇анажарияаа жа инд̣̇риязсу г̇уд̇д̇ад̣̇ваараанам̣, сад̇ижарияаа жа аббамаад̣̇авихаарийнам̣, самаад̇хижарияаа жа ад̇хижид̇д̇амануяуд̇д̇аанам̣, н̃аан̣ажарияаа жа б̣уд̣̇д̇хисамбаннаанам̣, маг̇г̇ажарияаа жа саммаабадибаннаанам̣, бад̇д̇ижарияаа жа ад̇хиг̇ад̇апалаанам̣, логад̇т̇ажарияаа жа д̇ат̇ааг̇ад̇аанам̣ араханд̇аанам̣ саммаасамб̣уд̣̇д̇хаанам̣, бад̣̇зсз бажжзгаб̣уд̣̇д̇хаанам̣, бад̣̇зсз саавагаанам̣. имаа адта жарияааяо.
Cariyāti aṭṭha cariyāyo – iriyāpathacariyā, āyatanacariyā, saticariyā, samādhicariyā, ñāṇacariyā, maggacariyā, patticariyā, lokatthacariyāti. Iriyāpathacariyāti catūsu iriyāpathesu. Āyatanacariyāti chasu ajjhattikabāhiresu āyatanesu. Saticariyāti catūsu satipaṭṭhānesu. Samādhicariyāti catūsu jhānesu. Ñāṇacariyāti catūsu ariyasaccesu. Maggacariyāti catūsu ariyamaggesu. Patticariyāti catūsu sāmaññaphalesu. Lokatthacariyāti tathāgatesu arahantesu sammāsambuddhesu, padese paccekabuddhesu, padese sāvakesu. Iriyāpathacariyā ca paṇidhisampannānaṃ, āyatanacariyā ca indriyesu guttadvārānaṃ, saticariyā ca appamādavihārīnaṃ, samādhicariyā ca adhicittamanuyuttānaṃ, ñāṇacariyā ca buddhisampannānaṃ, maggacariyā ca sammāpaṭipannānaṃ, patticariyā ca adhigataphalānaṃ, lokatthacariyā ca tathāgatānaṃ arahantānaṃ sammāsambuddhānaṃ, padese paccekabuddhānaṃ, padese sāvakānaṃ. Imā aṭṭha cariyāyo.
абарааби адта жарияааяо. ад̇химужжанд̇о сад̣̇д̇хааяа жарад̇и, баг̇г̇ан̣ханд̇о вийриязна жарад̇и, убадтаабзнд̇о сад̇ияаа жарад̇и, авигкзбам̣ гаронд̇о самаад̇хинаа жарад̇и, баж̇аананд̇о бан̃н̃ааяа жарад̇и, виж̇аананд̇о вин̃н̃аан̣ажарияааяа жарад̇и, звам̣ бадибаннасса гусалаа д̇хаммаа ааяаабзнд̇ийд̇и ааяад̇анажарияааяа жарад̇и, звам̣ бадибанно висзсамад̇хиг̇ажчад̇ийд̇и висзсажарияааяа жарад̇и – имаа адта жарияааяо.
Aparāpi aṭṭha cariyāyo. Adhimuccanto saddhāya carati, paggaṇhanto vīriyena carati, upaṭṭhāpento satiyā carati, avikkhepaṃ karonto samādhinā carati, pajānanto paññāya carati, vijānanto viññāṇacariyāya carati, evaṃ paṭipannassa kusalā dhammā āyāpentīti āyatanacariyāya carati, evaṃ paṭipanno visesamadhigacchatīti visesacariyāya carati – imā aṭṭha cariyāyo.
абарааби адта жарияааяо. д̣̇ассанажарияаа жа саммаад̣̇идтияаа, абхиниробанажарияаа жа саммаасан̇габбасса, бариг̇г̇ахажарияаа жа саммааваажааяа, самудтаанажарияаа жа саммаагамманд̇асса, вод̣̇аанажарияаа жа саммааааж̇ийвасса, баг̇г̇ахажарияаа жа саммаавааяаамасса, убадтаанажарияаа жа саммаасад̇ияаа, авигкзбажарияаа жа саммаасамаад̇хисса – имаа адта жарияааяо.
Aparāpi aṭṭha cariyāyo. Dassanacariyā ca sammādiṭṭhiyā, abhiniropanacariyā ca sammāsaṅkappassa, pariggahacariyā ca sammāvācāya, samuṭṭhānacariyā ca sammākammantassa, vodānacariyā ca sammāājīvassa, paggahacariyā ca sammāvāyāmassa, upaṭṭhānacariyā ca sammāsatiyā, avikkhepacariyā ca sammāsamādhissa – imā aṭṭha cariyāyo.
вихаарод̇и ад̇химужжанд̇о сад̣̇д̇хааяа вихарад̇и, баг̇г̇ан̣ханд̇о вийриязна вихарад̇и, убадтаабзнд̇о сад̇ияаа вихарад̇и, авигкзбам̣ гаронд̇о самаад̇хинаа вихарад̇и, баж̇аананд̇о бан̃н̃ааяа вихарад̇и.
Vihāroti adhimuccanto saddhāya viharati, paggaṇhanto vīriyena viharati, upaṭṭhāpento satiyā viharati, avikkhepaṃ karonto samādhinā viharati, pajānanto paññāya viharati.
ануб̣уд̣̇д̇ход̇и сад̣̇д̇хинд̣̇рияасса ад̇химогкадто ануб̣уд̣̇д̇хо ход̇и, вийрияинд̣̇рияасса баг̇г̇ахадто ануб̣уд̣̇д̇хо ход̇и, сад̇инд̣̇рияасса убадтаанадто ануб̣уд̣̇д̇хо ход̇и, самаад̇хинд̣̇рияасса авигкзбадто ануб̣уд̣̇д̇хо ход̇и, бан̃н̃инд̣̇рияасса д̣̇ассанадто ануб̣уд̣̇д̇хо ход̇и.
Anubuddhoti saddhindriyassa adhimokkhaṭṭho anubuddho hoti, vīriyindriyassa paggahaṭṭho anubuddho hoti, satindriyassa upaṭṭhānaṭṭho anubuddho hoti, samādhindriyassa avikkhepaṭṭho anubuddho hoti, paññindriyassa dassanaṭṭho anubuddho hoti.
бадивид̣̇д̇ход̇и сад̣̇д̇хинд̣̇рияасса ад̇химогкадто бадивид̣̇д̇хо ход̇и, вийрияинд̣̇рияасса баг̇г̇ахадто бадивид̣̇д̇хо ход̇и, сад̇инд̣̇рияасса убадтаанадто бадивид̣̇д̇хо ход̇и, самаад̇хинд̣̇рияасса авигкзбадто бадивид̣̇д̇хо ход̇и, бан̃н̃инд̣̇рияасса д̣̇ассанадто бадивид̣̇д̇хо ход̇и. яат̇аажаранд̇анд̇и звам̣ сад̣̇д̇хааяа жаранд̇ам̣, звам̣ вийриязна жаранд̇ам̣, звам̣ сад̇ияаа жаранд̇ам̣, звам̣ самаад̇хинаа жаранд̇ам̣, звам̣ бан̃н̃ааяа жаранд̇ам̣. яат̇аавихаранд̇анд̇и звам̣ сад̣̇д̇хааяа вихаранд̇ам̣, звам̣ вийриязна вихаранд̇ам̣, звам̣ сад̇ияаа вихаранд̇ам̣, звам̣ самаад̇хинаа вихаранд̇ам̣, звам̣ бан̃н̃ааяа вихаранд̇ам̣. вин̃н̃ууд̇и вин̃н̃уу вибхаавий мзд̇хаавий бан̣д̣ид̇аа б̣уд̣̇д̇хисамбаннаа. саб̣рахмажаарийд̇и згагаммам̣ згуд̣̇д̣̇зсо самасигкад̇аа. г̇амбхийрзсу таанзсууд̇и г̇амбхийраани таанаани вужжанд̇и жхаанаа жа вимогкаа жа самаад̇хий жа самаабад̇д̇ияо жа маг̇г̇аа жа палаани жа абхин̃н̃ааяо жа бадисамбхид̣̇аа жа. огаббзяяунд̇и сад̣̇д̣̇ахзяяум̣ ад̇химужжзяяум̣. ад̣̇д̇хаад̇и згам̣саважанамзд̇ам̣ ниссам̣саяаважанамзд̇ам̣ нигган̇каважанамзд̇ам̣ ад̣̇взж̇жхаважанамзд̇ам̣ ад̣̇взл̣хагаважанамзд̇ам̣ нияог̇аважанамзд̇ам̣ абан̣н̣агаважанамзд̇ам̣ авад̇т̇аабанаважанамзд̇ам̣ – ад̣̇д̇хаад̇и. ааяасмаад̇и бияаважанамзд̇ам̣ г̇аруважанамзд̇ам̣ саг̇ааравасаббад̇иссаад̇хиважанамзд̇ам̣ – ааяасмаад̇и. бад̇д̇о ваад̇и ад̇хиг̇ад̇о ваа. баабун̣иссад̇и ваад̇и ад̇хиг̇амиссад̇и ваа.
Paṭividdhoti saddhindriyassa adhimokkhaṭṭho paṭividdho hoti, vīriyindriyassa paggahaṭṭho paṭividdho hoti, satindriyassa upaṭṭhānaṭṭho paṭividdho hoti, samādhindriyassa avikkhepaṭṭho paṭividdho hoti, paññindriyassa dassanaṭṭho paṭividdho hoti. Yathācarantanti evaṃ saddhāya carantaṃ, evaṃ vīriyena carantaṃ, evaṃ satiyā carantaṃ, evaṃ samādhinā carantaṃ, evaṃ paññāya carantaṃ. Yathāviharantanti evaṃ saddhāya viharantaṃ, evaṃ vīriyena viharantaṃ, evaṃ satiyā viharantaṃ, evaṃ samādhinā viharantaṃ, evaṃ paññāya viharantaṃ. Viññūti viññū vibhāvī medhāvī paṇḍitā buddhisampannā. Sabrahmacārīti ekakammaṃ ekuddeso samasikkhatā. Gambhīresu ṭhānesūti gambhīrāni ṭhānāni vuccanti jhānā ca vimokkhā ca samādhī ca samāpattiyo ca maggā ca phalāni ca abhiññāyo ca paṭisambhidā ca. Okappeyyunti saddaheyyuṃ adhimucceyyuṃ. Addhāti ekaṃsavacanametaṃ nissaṃsayavacanametaṃ nikkaṅkhavacanametaṃ advejjhavacanametaṃ adveḷhakavacanametaṃ niyogavacanametaṃ apaṇṇakavacanametaṃ avatthāpanavacanametaṃ – addhāti. Āyasmāti piyavacanametaṃ garuvacanametaṃ sagāravasappatissādhivacanametaṃ – āyasmāti. Pattovāti adhigato vā. Pāpuṇissati vāti adhigamissati vā.
суд̇д̇анд̇анид̣̇д̣̇зсо д̇ад̇ияо.
Suttantaniddeso tatiyo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 3. д̇ад̇ияасуд̇д̇анд̇анид̣̇д̣̇зсаван̣н̣анаа • 3. Tatiyasuttantaniddesavaṇṇanā
