| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੩. ਤਤਿਯਸੁਤ੍ਤਨ੍ਤਨਿਦ੍ਦੇਸੋ
3. Tatiyasuttantaniddeso
੧੯੪. ਸਾવਤ੍ਥਿਨਿਦਾਨਂ 1। ‘‘ਪਞ੍ਚਿਮਾਨਿ, ਭਿਕ੍ਖવੇ, ਇਨ੍ਦ੍ਰਿਯਾਨਿ। ਕਤਮਾਨਿ ਪਞ੍ਚ? ਸਦ੍ਧਿਨ੍ਦ੍ਰਿਯਂ, વੀਰਿਯਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ, ਪਞ੍ਞਿਨ੍ਦ੍ਰਿਯਂ। ਕਤ੍ਥ ਚ, ਭਿਕ੍ਖવੇ, ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ? ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ – ਏਤ੍ਥ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ। ਕਤ੍ਥ ਚ, ਭਿਕ੍ਖવੇ, વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ? ਚਤੂਸੁ ਸਮ੍ਮਪ੍ਪਧਾਨੇਸੁ – ਏਤ੍ਥ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ। ਕਤ੍ਥ ਚ , ਭਿਕ੍ਖવੇ, ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ? ਚਤੂਸੁ ਸਤਿਪਟ੍ਠਾਨੇਸੁ – ਏਤ੍ਥ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ। ਕਤ੍ਥ ਚ, ਭਿਕ੍ਖવੇ, ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ? ਚਤੂਸੁ ਝਾਨੇਸੁ – ਏਤ੍ਥ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ। ਕਤ੍ਥ ਚ, ਭਿਕ੍ਖવੇ, ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ? ਚਤੂਸੁ ਅਰਿਯਸਚ੍ਚੇਸੁ – ਏਤ੍ਥ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ’’।
194. Sāvatthinidānaṃ 2. ‘‘Pañcimāni, bhikkhave, indriyāni. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. Kattha ca, bhikkhave, saddhindriyaṃ daṭṭhabbaṃ? Catūsu sotāpattiyaṅgesu – ettha saddhindriyaṃ daṭṭhabbaṃ. Kattha ca, bhikkhave, vīriyindriyaṃ daṭṭhabbaṃ? Catūsu sammappadhānesu – ettha vīriyindriyaṃ daṭṭhabbaṃ. Kattha ca , bhikkhave, satindriyaṃ daṭṭhabbaṃ? Catūsu satipaṭṭhānesu – ettha satindriyaṃ daṭṭhabbaṃ. Kattha ca, bhikkhave, samādhindriyaṃ daṭṭhabbaṃ? Catūsu jhānesu – ettha samādhindriyaṃ daṭṭhabbaṃ. Kattha ca, bhikkhave, paññindriyaṃ daṭṭhabbaṃ? Catūsu ariyasaccesu – ettha paññindriyaṃ daṭṭhabbaṃ’’.
ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਕਤਿਹਾਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਚਤੂਸੁ ਸਮ੍ਮਪ੍ਪਧਾਨੇਸੁ વੀਰਿਯਿਨ੍ਦ੍ਰਿਯਸ੍ਸ વਸੇਨ ਕਤਿਹਾਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਚਤੂਸੁ ਸਤਿਪਟ੍ਠਾਨੇਸੁ ਸਤਿਨ੍ਦ੍ਰਿਯਸ੍ਸ વਸੇਨ ਕਤਿਹਾਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਚਤੂਸੁ ਝਾਨੇਸੁ ਸਮਾਧਿਨ੍ਦ੍ਰਿਯਸ੍ਸ વਸੇਨ ਕਤਿਹਾਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਚਤੂਸੁ ਅਰਿਯਸਚ੍ਚੇਸੁ ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਕਤਿਹਾਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ?
Catūsu sotāpattiyaṅgesu saddhindriyassa vasena katihākārehi pañcindriyāni daṭṭhabbāni? Catūsu sammappadhānesu vīriyindriyassa vasena katihākārehi pañcindriyāni daṭṭhabbāni? Catūsu satipaṭṭhānesu satindriyassa vasena katihākārehi pañcindriyāni daṭṭhabbāni? Catūsu jhānesu samādhindriyassa vasena katihākārehi pañcindriyāni daṭṭhabbāni? Catūsu ariyasaccesu paññindriyassa vasena katihākārehi pañcindriyāni daṭṭhabbāni?
ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ ਸਦ੍ਧਿਨ੍ਦ੍ਰਿਯਸ੍ਸ વਸੇਨ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ। ਚਤੂਸੁ ਸਮ੍ਮਪ੍ਪਧਾਨੇਸੁ વੀਰਿਯਿਨ੍ਦ੍ਰਿਯਸ੍ਸ વਸੇਨ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ। ਚਤੂਸੁ ਸਤਿਪਟ੍ਠਾਨੇਸੁ ਸਤਿਨ੍ਦ੍ਰਿਯਸ੍ਸ વਸੇਨ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ। ਚਤੂਸੁ ਝਾਨੇਸੁ ਸਮਾਧਿਨ੍ਦ੍ਰਿਯਸ੍ਸ વਸੇਨ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ। ਚਤੂਸੁ ਅਰਿਯਸਚ੍ਚੇਸੁ ਪਞ੍ਞਿਨ੍ਦ੍ਰਿਯਸ੍ਸ વਸੇਨ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ।
Catūsu sotāpattiyaṅgesu saddhindriyassa vasena vīsatiyā ākārehi pañcindriyāni daṭṭhabbāni. Catūsu sammappadhānesu vīriyindriyassa vasena vīsatiyā ākārehi pañcindriyāni daṭṭhabbāni. Catūsu satipaṭṭhānesu satindriyassa vasena vīsatiyā ākārehi pañcindriyāni daṭṭhabbāni. Catūsu jhānesu samādhindriyassa vasena vīsatiyā ākārehi pañcindriyāni daṭṭhabbāni. Catūsu ariyasaccesu paññindriyassa vasena vīsatiyā ākārehi pañcindriyāni daṭṭhabbāni.
ਕ. ਪਭੇਦਗਣਨਨਿਦ੍ਦੇਸੋ
Ka. pabhedagaṇananiddeso
੧੯੫. ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਸਪ੍ਪੁਰਿਸਸਂਸੇવੇ ਸੋਤਾਪਤ੍ਤਿਯਙ੍ਗੇ ਅਧਿਮੋਕ੍ਖਾਧਿਪਤੇਯ੍ਯਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ , ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ; ਸਦ੍ਧਮ੍ਮਸવਨੇ ਸੋਤਾਪਤ੍ਤਿਯਙ੍ਗੇ… ਯੋਨਿਸੋਮਨਸਿਕਾਰੇ ਸੋਤਾਪਤ੍ਤਿਯਙ੍ਗੇ… ਧਮ੍ਮਾਨੁਧਮ੍ਮਪਟਿਪਤ੍ਤਿਯਾ ਸੋਤਾਪਤ੍ਤਿਯਙ੍ਗੇ ਅਧਿਮੋਕ੍ਖਾਧਿਪਤੇਯ੍ਯਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ। ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ।
195. Catūsu sotāpattiyaṅgesu saddhindriyassa vasena katamehi vīsatiyā ākārehi pañcindriyāni daṭṭhabbāni? Sappurisasaṃseve sotāpattiyaṅge adhimokkhādhipateyyaṭṭhena saddhindriyaṃ daṭṭhabbaṃ, saddhindriyassa vasena paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ , dassanaṭṭhena paññindriyaṃ daṭṭhabbaṃ; saddhammasavane sotāpattiyaṅge… yonisomanasikāre sotāpattiyaṅge… dhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyaṃ daṭṭhabbaṃ, saddhindriyassa vasena paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ. Catūsu sotāpattiyaṅgesu saddhindriyassa vasena imehi vīsatiyā ākārehi pañcindriyāni daṭṭhabbāni.
ਚਤੂਸੁ ਸਮ੍ਮਪ੍ਪਧਾਨੇਸੁ વੀਰਿਯਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਅਨੁਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਅਨੁਪ੍ਪਾਦਾਯ ਸਮ੍ਮਪ੍ਪਧਾਨੇ ਪਗ੍ਗਹਾਧਿਪਤੇਯ੍ਯਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ, વੀਰਿਯਿਨ੍ਦ੍ਰਿਯਸ੍ਸ વਸੇਨ ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ। ਉਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਪਹਾਨਾਯ ਸਮ੍ਮਪ੍ਪਧਾਨੇ…ਪੇ॰… ਅਨੁਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਉਪ੍ਪਾਦਾਯ ਸਮ੍ਮਪ੍ਪਧਾਨੇ…ਪੇ॰… ਉਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਠਿਤਿਯਾ ਅਸਮ੍ਮੋਸਾਯ ਭਿਯ੍ਯੋਭਾવਾਯ વੇਪੁਲ੍ਲਾਯ ਭਾવਨਾਯ ਪਾਰਿਪੂਰਿਯਾ ਸਮ੍ਮਪ੍ਪਧਾਨੇ ਪਗ੍ਗਹਾਧਿਪਤੇਯ੍ਯਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ, વੀਰਿਯਿਨ੍ਦ੍ਰਿਯਸ੍ਸ વਸੇਨ ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ। ਚਤੂਸੁ ਸਮ੍ਮਪ੍ਪਧਾਨੇਸੁ વੀਰਿਯਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ।
Catūsu sammappadhānesu vīriyindriyassa vasena katamehi vīsatiyā ākārehi pañcindriyāni daṭṭhabbāni? Anuppannānaṃ pāpakānaṃ akusalānaṃ dhammānaṃ anuppādāya sammappadhāne paggahādhipateyyaṭṭhena vīriyindriyaṃ daṭṭhabbaṃ, vīriyindriyassa vasena upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ. Uppannānaṃ pāpakānaṃ akusalānaṃ dhammānaṃ pahānāya sammappadhāne…pe… anuppannānaṃ kusalānaṃ dhammānaṃ uppādāya sammappadhāne…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyaṃ daṭṭhabbaṃ, vīriyindriyassa vasena upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ. Catūsu sammappadhānesu vīriyindriyassa vasena imehi vīsatiyā ākārehi pañcindriyāni daṭṭhabbāni.
ਚਤੂਸੁ ਸਤਿਪਟ੍ਠਾਨੇਸੁ ਸਤਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਕਾਯੇ ਕਾਯਾਨੁਪਸ੍ਸਨਾਸਤਿਪਟ੍ਠਾਨੇ ਉਪਟ੍ਠਾਨਾਧਿਪਤੇਯ੍ਯਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ, ਸਤਿਨ੍ਦ੍ਰਿਯਸ੍ਸ વਸੇਨ ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ। વੇਦਨਾਸੁ વੇਦਨਾਨੁਪਸ੍ਸਨਾਸਤਿਪਟ੍ਠਾਨੇ…ਪੇ॰… ਚਿਤ੍ਤੇ ਚਿਤ੍ਤਾਨੁਪਸ੍ਸਨਾਸਤਿਪਟ੍ਠਾਨੇ… ਧਮ੍ਮੇਸੁ ਧਮ੍ਮਾਨੁਪਸ੍ਸਨਾਸਤਿਪਟ੍ਠਾਨੇ ਉਪਟ੍ਠਾਨਾਧਿਪਤੇਯ੍ਯਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ, ਸਤਿਨ੍ਦ੍ਰਿਯਸ੍ਸ વਸੇਨ ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ। ਚਤੂਸੁ ਸਤਿਪਟ੍ਠਾਨੇਸੁ ਸਤਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ।
Catūsu satipaṭṭhānesu satindriyassa vasena katamehi vīsatiyā ākārehi pañcindriyāni daṭṭhabbāni? Kāye kāyānupassanāsatipaṭṭhāne upaṭṭhānādhipateyyaṭṭhena satindriyaṃ daṭṭhabbaṃ, satindriyassa vasena avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ. Vedanāsu vedanānupassanāsatipaṭṭhāne…pe… citte cittānupassanāsatipaṭṭhāne… dhammesu dhammānupassanāsatipaṭṭhāne upaṭṭhānādhipateyyaṭṭhena satindriyaṃ daṭṭhabbaṃ, satindriyassa vasena avikkhepaṭṭhena samādhindriyaṃ daṭṭhabbaṃ, dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ. Catūsu satipaṭṭhānesu satindriyassa vasena imehi vīsatiyā ākārehi pañcindriyāni daṭṭhabbāni.
ਚਤੂਸੁ ਝਾਨੇਸੁ ਸਮਾਧਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਪਠਮੇ ਝਾਨੇ ਅવਿਕ੍ਖੇਪਾਧਿਪਤੇਯ੍ਯਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਸਮਾਧਿਨ੍ਦ੍ਰਿਯਸ੍ਸ વਸੇਨ ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ। ਦੁਤਿਯੇ ਝਾਨੇ…ਪੇ॰… ਤਤਿਯੇ ਝਾਨੇ… ਚਤੁਤ੍ਥੇ ਝਾਨੇ ਅવਿਕ੍ਖੇਪਾਧਿਪਤੇਯ੍ਯਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਸਮਾਧਿਨ੍ਦ੍ਰਿਯਸ੍ਸ વਸੇਨ ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ। ਚਤੂਸੁ ਝਾਨੇਸੁ ਸਮਾਧਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ।
Catūsu jhānesu samādhindriyassa vasena katamehi vīsatiyā ākārehi pañcindriyāni daṭṭhabbāni? Paṭhame jhāne avikkhepādhipateyyaṭṭhena samādhindriyaṃ daṭṭhabbaṃ, samādhindriyassa vasena dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ. Dutiye jhāne…pe… tatiye jhāne… catutthe jhāne avikkhepādhipateyyaṭṭhena samādhindriyaṃ daṭṭhabbaṃ, samādhindriyassa vasena dassanaṭṭhena paññindriyaṃ daṭṭhabbaṃ, adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ. Catūsu jhānesu samādhindriyassa vasena imehi vīsatiyā ākārehi pañcindriyāni daṭṭhabbāni.
ਚਤੂਸੁ ਅਰਿਯਸਚ੍ਚੇਸੁ ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ? ਦੁਕ੍ਖੇ ਅਰਿਯਸਚ੍ਚੇ ਦਸ੍ਸਨਾਧਿਪਤੇਯ੍ਯਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ, ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ। ਦੁਕ੍ਖਸਮੁਦਯੇ ਅਰਿਯਸਚ੍ਚੇ…ਪੇ॰… ਦੁਕ੍ਖਨਿਰੋਧੇ ਅਰਿਯਸਚ੍ਚੇ… ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਰਿਯਸਚ੍ਚੇ ਦਸ੍ਸਨਾਧਿਪਤੇਯ੍ਯਟ੍ਠੇਨ ਪਞ੍ਞਿਨ੍ਦ੍ਰਿਯਂ ਦਟ੍ਠਬ੍ਬਂ, ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਦਟ੍ਠਬ੍ਬਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਦਟ੍ਠਬ੍ਬਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਦਟ੍ਠਬ੍ਬਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਦਟ੍ਠਬ੍ਬਂ। ਚਤੂਸੁ ਅਰਿਯਸਚ੍ਚੇਸੁ ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ ਦਟ੍ਠਬ੍ਬਾਨਿ।
Catūsu ariyasaccesu paññindriyassa vasena katamehi vīsatiyā ākārehi pañcindriyāni daṭṭhabbāni? Dukkhe ariyasacce dassanādhipateyyaṭṭhena paññindriyaṃ daṭṭhabbaṃ, paññindriyassa vasena adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ. Dukkhasamudaye ariyasacce…pe… dukkhanirodhe ariyasacce… dukkhanirodhagāminiyā paṭipadāya ariyasacce dassanādhipateyyaṭṭhena paññindriyaṃ daṭṭhabbaṃ, paññindriyassa vasena adhimokkhaṭṭhena saddhindriyaṃ daṭṭhabbaṃ, paggahaṭṭhena vīriyindriyaṃ daṭṭhabbaṃ, upaṭṭhānaṭṭhena satindriyaṃ daṭṭhabbaṃ, avikkhepaṭṭhena samādhindriyaṃ daṭṭhabbaṃ. Catūsu ariyasaccesu paññindriyassa vasena imehi vīsatiyā ākārehi pañcindriyāni daṭṭhabbāni.
ਖ. ਚਰਿਯવਾਰੋ
Kha. cariyavāro
੧੯੬. ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ?
196. Catūsu sotāpattiyaṅgesu saddhindriyassa vasena katihākārehi pañcannaṃ indriyānaṃ cariyā daṭṭhabbā?
ਚਤੂਸੁ ਸਮ੍ਮਪ੍ਪਧਾਨੇਸੁ…ਪੇ॰… ਚਤੂਸੁ ਸਤਿਪਟ੍ਠਾਨੇਸੁ… ਚਤੂਸੁ ਝਾਨੇਸੁ… ਚਤੂਸੁ ਅਰਿਯਸਚ੍ਚੇਸੁ ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ? ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ ਸਦ੍ਧਿਨ੍ਦ੍ਰਿਯਸ੍ਸ વਸੇਨ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ। ਚਤੂਸੁ ਸਮ੍ਮਪ੍ਪਧਾਨੇਸੁ…ਪੇ॰… ਚਤੂਸੁ ਸਤਿਪਟ੍ਠਾਨੇਸੁ… ਚਤੂਸੁ ਝਾਨੇਸੁ… ਚਤੂਸੁ ਅਰਿਯਸਚ੍ਚੇਸੁ ਪਞ੍ਞਿਨ੍ਦ੍ਰਿਯਸ੍ਸ વਸੇਨ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ।
Catūsu sammappadhānesu…pe… catūsu satipaṭṭhānesu… catūsu jhānesu… catūsu ariyasaccesu paññindriyassa vasena katihākārehi pañcannaṃ indriyānaṃ cariyā daṭṭhabbā? Catūsu sotāpattiyaṅgesu saddhindriyassa vasena vīsatiyā ākārehi pañcannaṃ indriyānaṃ cariyā daṭṭhabbā. Catūsu sammappadhānesu…pe… catūsu satipaṭṭhānesu… catūsu jhānesu… catūsu ariyasaccesu paññindriyassa vasena vīsatiyā ākārehi pañcannaṃ indriyānaṃ cariyā daṭṭhabbā.
ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ? ਸਪ੍ਪੁਰਿਸਸਂਸੇવੇ ਸੋਤਾਪਤ੍ਤਿਯਙ੍ਗੇ ਅਧਿਮੋਕ੍ਖਾਧਿਪਤੇਯ੍ਯਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ। ਸਦ੍ਧਮ੍ਮਸવਨੇ ਸੋਤਾਪਤ੍ਤਿਯਙ੍ਗੇ…ਪੇ॰… ਯੋਨਿਸੋ ਮਨਸਿਕਾਰੇ ਸੋਤਾਪਤ੍ਤਿਯਙ੍ਗੇ… ਧਮ੍ਮਾਨੁਧਮ੍ਮਪਟਿਪਤ੍ਤਿਯਾ ਸੋਤਾਪਤ੍ਤਿਯਙ੍ਗੇ ਅਧਿਮੋਕ੍ਖਾਧਿਪਤੇਯ੍ਯਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ। ਚਤੂਸੁ ਸੋਤਾਪਤ੍ਤਿਯਙ੍ਗੇਸੁ ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ।
Catūsu sotāpattiyaṅgesu saddhindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Sappurisasaṃseve sotāpattiyaṅge adhimokkhādhipateyyaṭṭhena saddhindriyassa cariyā daṭṭhabbā, saddhindriyassa vasena paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā. Saddhammasavane sotāpattiyaṅge…pe… yoniso manasikāre sotāpattiyaṅge… dhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyassa cariyā daṭṭhabbā, saddhindriyassa vasena paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā. Catūsu sotāpattiyaṅgesu saddhindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
ਚਤੂਸੁ ਸਮ੍ਮਪ੍ਪਧਾਨੇਸੁ વੀਰਿਯਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ? ਅਨੁਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਅਨੁਪ੍ਪਾਦਾਯ ਸਮ੍ਮਪ੍ਪਧਾਨੇ ਪਗ੍ਗਹਾਧਿਪਤੇਯ੍ਯਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, વੀਰਿਯਿਨ੍ਦ੍ਰਿਯਸ੍ਸ વਸੇਨ ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ। ਉਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਪਹਾਨਾਯ ਸਮ੍ਮਪ੍ਪਧਾਨੇ…ਪੇ॰… ਅਨੁਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਉਪ੍ਪਾਦਾਯ ਸਮ੍ਮਪ੍ਪਧਾਨੇ…ਪੇ॰… ਉਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਠਿਤਿਯਾ ਅਸਮ੍ਮੋਸਾਯ ਭਿਯ੍ਯੋਭਾવਾਯ વੇਪੁਲ੍ਲਾਯ ਭਾવਨਾਯ ਪਾਰਿਪੂਰਿਯਾ ਸਮ੍ਮਪ੍ਪਧਾਨੇ ਪਗ੍ਗਹਾਧਿਪਤੇਯ੍ਯਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ…ਪੇ॰… ਚਤੂਸੁ ਸਮ੍ਮਪ੍ਪਧਾਨੇਸੁ વੀਰਿਯਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ।
Catūsu sammappadhānesu vīriyindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Anuppannānaṃ pāpakānaṃ akusalānaṃ dhammānaṃ anuppādāya sammappadhāne paggahādhipateyyaṭṭhena vīriyindriyassa cariyā daṭṭhabbā, vīriyindriyassa vasena upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā. Uppannānaṃ pāpakānaṃ akusalānaṃ dhammānaṃ pahānāya sammappadhāne…pe… anuppannānaṃ kusalānaṃ dhammānaṃ uppādāya sammappadhāne…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyassa cariyā daṭṭhabbā…pe… catūsu sammappadhānesu vīriyindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
ਚਤੂਸੁ ਸਤਿਪਟ੍ਠਾਨੇਸੁ ਸਤਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ? ਕਾਯੇ ਕਾਯਾਨੁਪਸ੍ਸਨਾਸਤਿਪਟ੍ਠਾਨੇ ਉਪਟ੍ਠਾਨਾਧਿਪਤੇਯ੍ਯਟ੍ਠੇਨ ਸਤਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਸਤਿਨ੍ਦ੍ਰਿਯਸ੍ਸ વਸੇਨ ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ। વੇਦਨਾਸੁ વੇਦਨਾਨੁਪਸ੍ਸਨਾਸਤਿਪਟ੍ਠਾਨੇ…ਪੇ॰… ਚਿਤ੍ਤੇ ਚਿਤ੍ਤਾਨੁਪਸ੍ਸਨਾਸਤਿਪਟ੍ਠਾਨੇ…ਪੇ॰… ਧਮ੍ਮੇਸੁ ਧਮ੍ਮਾਨੁਪਸ੍ਸਨਾਸਤਿਪਟ੍ਠਾਨੇ ਉਪਟ੍ਠਾਨਾਧਿਪਤੇਯ੍ਯਟ੍ਠੇਨ ਸਤਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ…ਪੇ॰… ਚਤੂਸੁ ਸਤਿਪਟ੍ਠਾਨੇਸੁ ਸਤਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ।
Catūsu satipaṭṭhānesu satindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Kāye kāyānupassanāsatipaṭṭhāne upaṭṭhānādhipateyyaṭṭhena satindriyassa cariyā daṭṭhabbā, satindriyassa vasena avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā. Vedanāsu vedanānupassanāsatipaṭṭhāne…pe… citte cittānupassanāsatipaṭṭhāne…pe… dhammesu dhammānupassanāsatipaṭṭhāne upaṭṭhānādhipateyyaṭṭhena satindriyassa cariyā daṭṭhabbā…pe… catūsu satipaṭṭhānesu satindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
ਚਤੂਸੁ ਝਾਨੇਸੁ ਸਮਾਧਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ? ਪਠਮੇ ਝਾਨੇ ਅવਿਕ੍ਖੇਪਾਧਿਪਤੇਯ੍ਯਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਸਮਾਧਿਨ੍ਦ੍ਰਿਯਸ੍ਸ વਸੇਨ ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ। ਦੁਤਿਯੇ ਝਾਨੇ…ਪੇ॰… ਤਤਿਯੇ ਝਾਨੇ…ਪੇ॰… ਚਤੁਤ੍ਥੇ ਝਾਨੇ ਅવਿਕ੍ਖੇਪਾਧਿਪਤੇਯ੍ਯਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ…ਪੇ॰… ਚਤੂਸੁ ਝਾਨੇਸੁ ਸਮਾਧਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ।
Catūsu jhānesu samādhindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Paṭhame jhāne avikkhepādhipateyyaṭṭhena samādhindriyassa cariyā daṭṭhabbā, samādhindriyassa vasena dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā. Dutiye jhāne…pe… tatiye jhāne…pe… catutthe jhāne avikkhepādhipateyyaṭṭhena samādhindriyassa cariyā daṭṭhabbā…pe… catūsu jhānesu samādhindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
ਚਤੂਸੁ ਅਰਿਯਸਚ੍ਚੇਸੁ ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਕਤਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ? ਦੁਕ੍ਖੇ ਅਰਿਯਸਚ੍ਚੇ ਦਸ੍ਸਨਾਧਿਪਤੇਯ੍ਯਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ। ਦੁਕ੍ਖਸਮੁਦਯੇ ਅਰਿਯਸਚ੍ਚੇ…ਪੇ॰… ਦੁਕ੍ਖਨਿਰੋਧੇ ਅਰਿਯਸਚ੍ਚੇ… ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਰਿਯਸਚ੍ਚੇ ਦਸ੍ਸਨਾਧਿਪਤੇਯ੍ਯਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਚਰਿਯਾ ਦਟ੍ਠਬ੍ਬਾ। ਚਤੂਸੁ ਅਰਿਯਸਚ੍ਚੇਸੁ ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਇਮੇਹਿ વੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਚਰਿਯਾ ਦਟ੍ਠਬ੍ਬਾ।
Catūsu ariyasaccesu paññindriyassa vasena katamehi vīsatiyā ākārehi pañcannaṃ indriyānaṃ cariyā daṭṭhabbā? Dukkhe ariyasacce dassanādhipateyyaṭṭhena paññindriyassa cariyā daṭṭhabbā, paññindriyassa vasena adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā. Dukkhasamudaye ariyasacce…pe… dukkhanirodhe ariyasacce… dukkhanirodhagāminiyā paṭipadāya ariyasacce dassanādhipateyyaṭṭhena paññindriyassa cariyā daṭṭhabbā, paññindriyassa vasena adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā. Catūsu ariyasaccesu paññindriyassa vasena imehi vīsatiyā ākārehi pañcannaṃ indriyānaṃ cariyā daṭṭhabbā.
ਗ. ਚਾਰવਿਹਾਰਨਿਦ੍ਦੇਸੋ
Ga. cāravihāraniddeso
੧੯੭. ਚਾਰੋ ਚ વਿਹਾਰੋ ਚ ਅਨੁਬੁਦ੍ਧੋ ਹੋਤਿ ਪਟਿવਿਦ੍ਧੋ, ਯਥਾਚਰਨ੍ਤਂ ਯਥਾવਿਹਰਨ੍ਤਂ વਿਞ੍ਞੂ ਸਬ੍ਰਹ੍ਮਚਾਰੀ ਗਮ੍ਭੀਰੇਸੁ ਠਾਨੇਸੁ ਓਕਪ੍ਪੇਯ੍ਯੁਂ – ‘‘ਅਦ੍ਧਾ, ਅਯਮਾਯਸ੍ਮਾ ਪਤ੍ਤੋ વਾ ਪਾਪੁਣਿਸ੍ਸਤਿ વਾ’’।
197. Cāro ca vihāro ca anubuddho hoti paṭividdho, yathācarantaṃ yathāviharantaṃ viññū sabrahmacārī gambhīresu ṭhānesu okappeyyuṃ – ‘‘addhā, ayamāyasmā patto vā pāpuṇissati vā’’.
ਚਰਿਯਾਤਿ ਅਟ੍ਠ ਚਰਿਯਾਯੋ – ਇਰਿਯਾਪਥਚਰਿਯਾ, ਆਯਤਨਚਰਿਯਾ, ਸਤਿਚਰਿਯਾ, ਸਮਾਧਿਚਰਿਯਾ, ਞਾਣਚਰਿਯਾ, ਮਗ੍ਗਚਰਿਯਾ, ਪਤ੍ਤਿਚਰਿਯਾ, ਲੋਕਤ੍ਥਚਰਿਯਾਤਿ। ਇਰਿਯਾਪਥਚਰਿਯਾਤਿ ਚਤੂਸੁ ਇਰਿਯਾਪਥੇਸੁ। ਆਯਤਨਚਰਿਯਾਤਿ ਛਸੁ ਅਜ੍ਝਤ੍ਤਿਕਬਾਹਿਰੇਸੁ ਆਯਤਨੇਸੁ। ਸਤਿਚਰਿਯਾਤਿ ਚਤੂਸੁ ਸਤਿਪਟ੍ਠਾਨੇਸੁ। ਸਮਾਧਿਚਰਿਯਾਤਿ ਚਤੂਸੁ ਝਾਨੇਸੁ। ਞਾਣਚਰਿਯਾਤਿ ਚਤੂਸੁ ਅਰਿਯਸਚ੍ਚੇਸੁ। ਮਗ੍ਗਚਰਿਯਾਤਿ ਚਤੂਸੁ ਅਰਿਯਮਗ੍ਗੇਸੁ। ਪਤ੍ਤਿਚਰਿਯਾਤਿ ਚਤੂਸੁ ਸਾਮਞ੍ਞਫਲੇਸੁ। ਲੋਕਤ੍ਥਚਰਿਯਾਤਿ ਤਥਾਗਤੇਸੁ ਅਰਹਨ੍ਤੇਸੁ ਸਮ੍ਮਾਸਮ੍ਬੁਦ੍ਧੇਸੁ, ਪਦੇਸੇ ਪਚ੍ਚੇਕਬੁਦ੍ਧੇਸੁ, ਪਦੇਸੇ ਸਾવਕੇਸੁ। ਇਰਿਯਾਪਥਚਰਿਯਾ ਚ ਪਣਿਧਿਸਮ੍ਪਨ੍ਨਾਨਂ, ਆਯਤਨਚਰਿਯਾ ਚ ਇਨ੍ਦ੍ਰਿਯੇਸੁ ਗੁਤ੍ਤਦ੍વਾਰਾਨਂ, ਸਤਿਚਰਿਯਾ ਚ ਅਪ੍ਪਮਾਦવਿਹਾਰੀਨਂ, ਸਮਾਧਿਚਰਿਯਾ ਚ ਅਧਿਚਿਤ੍ਤਮਨੁਯੁਤ੍ਤਾਨਂ, ਞਾਣਚਰਿਯਾ ਚ ਬੁਦ੍ਧਿਸਮ੍ਪਨ੍ਨਾਨਂ, ਮਗ੍ਗਚਰਿਯਾ ਚ ਸਮ੍ਮਾਪਟਿਪਨ੍ਨਾਨਂ, ਪਤ੍ਤਿਚਰਿਯਾ ਚ ਅਧਿਗਤਫਲਾਨਂ, ਲੋਕਤ੍ਥਚਰਿਯਾ ਚ ਤਥਾਗਤਾਨਂ ਅਰਹਨ੍ਤਾਨਂ ਸਮ੍ਮਾਸਮ੍ਬੁਦ੍ਧਾਨਂ, ਪਦੇਸੇ ਪਚ੍ਚੇਕਬੁਦ੍ਧਾਨਂ, ਪਦੇਸੇ ਸਾવਕਾਨਂ। ਇਮਾ ਅਟ੍ਠ ਚਰਿਯਾਯੋ।
Cariyāti aṭṭha cariyāyo – iriyāpathacariyā, āyatanacariyā, saticariyā, samādhicariyā, ñāṇacariyā, maggacariyā, patticariyā, lokatthacariyāti. Iriyāpathacariyāti catūsu iriyāpathesu. Āyatanacariyāti chasu ajjhattikabāhiresu āyatanesu. Saticariyāti catūsu satipaṭṭhānesu. Samādhicariyāti catūsu jhānesu. Ñāṇacariyāti catūsu ariyasaccesu. Maggacariyāti catūsu ariyamaggesu. Patticariyāti catūsu sāmaññaphalesu. Lokatthacariyāti tathāgatesu arahantesu sammāsambuddhesu, padese paccekabuddhesu, padese sāvakesu. Iriyāpathacariyā ca paṇidhisampannānaṃ, āyatanacariyā ca indriyesu guttadvārānaṃ, saticariyā ca appamādavihārīnaṃ, samādhicariyā ca adhicittamanuyuttānaṃ, ñāṇacariyā ca buddhisampannānaṃ, maggacariyā ca sammāpaṭipannānaṃ, patticariyā ca adhigataphalānaṃ, lokatthacariyā ca tathāgatānaṃ arahantānaṃ sammāsambuddhānaṃ, padese paccekabuddhānaṃ, padese sāvakānaṃ. Imā aṭṭha cariyāyo.
ਅਪਰਾਪਿ ਅਟ੍ਠ ਚਰਿਯਾਯੋ। ਅਧਿਮੁਚ੍ਚਨ੍ਤੋ ਸਦ੍ਧਾਯ ਚਰਤਿ, ਪਗ੍ਗਣ੍ਹਨ੍ਤੋ વੀਰਿਯੇਨ ਚਰਤਿ, ਉਪਟ੍ਠਾਪੇਨ੍ਤੋ ਸਤਿਯਾ ਚਰਤਿ, ਅવਿਕ੍ਖੇਪਂ ਕਰੋਨ੍ਤੋ ਸਮਾਧਿਨਾ ਚਰਤਿ, ਪਜਾਨਨ੍ਤੋ ਪਞ੍ਞਾਯ ਚਰਤਿ, વਿਜਾਨਨ੍ਤੋ વਿਞ੍ਞਾਣਚਰਿਯਾਯ ਚਰਤਿ, ਏવਂ ਪਟਿਪਨ੍ਨਸ੍ਸ ਕੁਸਲਾ ਧਮ੍ਮਾ ਆਯਾਪੇਨ੍ਤੀਤਿ ਆਯਤਨਚਰਿਯਾਯ ਚਰਤਿ, ਏવਂ ਪਟਿਪਨ੍ਨੋ વਿਸੇਸਮਧਿਗਚ੍ਛਤੀਤਿ વਿਸੇਸਚਰਿਯਾਯ ਚਰਤਿ – ਇਮਾ ਅਟ੍ਠ ਚਰਿਯਾਯੋ।
Aparāpi aṭṭha cariyāyo. Adhimuccanto saddhāya carati, paggaṇhanto vīriyena carati, upaṭṭhāpento satiyā carati, avikkhepaṃ karonto samādhinā carati, pajānanto paññāya carati, vijānanto viññāṇacariyāya carati, evaṃ paṭipannassa kusalā dhammā āyāpentīti āyatanacariyāya carati, evaṃ paṭipanno visesamadhigacchatīti visesacariyāya carati – imā aṭṭha cariyāyo.
ਅਪਰਾਪਿ ਅਟ੍ਠ ਚਰਿਯਾਯੋ। ਦਸ੍ਸਨਚਰਿਯਾ ਚ ਸਮ੍ਮਾਦਿਟ੍ਠਿਯਾ, ਅਭਿਨਿਰੋਪਨਚਰਿਯਾ ਚ ਸਮ੍ਮਾਸਙ੍ਕਪ੍ਪਸ੍ਸ, ਪਰਿਗ੍ਗਹਚਰਿਯਾ ਚ ਸਮ੍ਮਾવਾਚਾਯ, ਸਮੁਟ੍ਠਾਨਚਰਿਯਾ ਚ ਸਮ੍ਮਾਕਮ੍ਮਨ੍ਤਸ੍ਸ, વੋਦਾਨਚਰਿਯਾ ਚ ਸਮ੍ਮਾਆਜੀવਸ੍ਸ, ਪਗ੍ਗਹਚਰਿਯਾ ਚ ਸਮ੍ਮਾવਾਯਾਮਸ੍ਸ, ਉਪਟ੍ਠਾਨਚਰਿਯਾ ਚ ਸਮ੍ਮਾਸਤਿਯਾ, ਅવਿਕ੍ਖੇਪਚਰਿਯਾ ਚ ਸਮ੍ਮਾਸਮਾਧਿਸ੍ਸ – ਇਮਾ ਅਟ੍ਠ ਚਰਿਯਾਯੋ।
Aparāpi aṭṭha cariyāyo. Dassanacariyā ca sammādiṭṭhiyā, abhiniropanacariyā ca sammāsaṅkappassa, pariggahacariyā ca sammāvācāya, samuṭṭhānacariyā ca sammākammantassa, vodānacariyā ca sammāājīvassa, paggahacariyā ca sammāvāyāmassa, upaṭṭhānacariyā ca sammāsatiyā, avikkhepacariyā ca sammāsamādhissa – imā aṭṭha cariyāyo.
વਿਹਾਰੋਤਿ ਅਧਿਮੁਚ੍ਚਨ੍ਤੋ ਸਦ੍ਧਾਯ વਿਹਰਤਿ, ਪਗ੍ਗਣ੍ਹਨ੍ਤੋ વੀਰਿਯੇਨ વਿਹਰਤਿ, ਉਪਟ੍ਠਾਪੇਨ੍ਤੋ ਸਤਿਯਾ વਿਹਰਤਿ, ਅવਿਕ੍ਖੇਪਂ ਕਰੋਨ੍ਤੋ ਸਮਾਧਿਨਾ વਿਹਰਤਿ, ਪਜਾਨਨ੍ਤੋ ਪਞ੍ਞਾਯ વਿਹਰਤਿ।
Vihāroti adhimuccanto saddhāya viharati, paggaṇhanto vīriyena viharati, upaṭṭhāpento satiyā viharati, avikkhepaṃ karonto samādhinā viharati, pajānanto paññāya viharati.
ਅਨੁਬੁਦ੍ਧੋਤਿ ਸਦ੍ਧਿਨ੍ਦ੍ਰਿਯਸ੍ਸ ਅਧਿਮੋਕ੍ਖਟ੍ਠੋ ਅਨੁਬੁਦ੍ਧੋ ਹੋਤਿ, વੀਰਿਯਿਨ੍ਦ੍ਰਿਯਸ੍ਸ ਪਗ੍ਗਹਟ੍ਠੋ ਅਨੁਬੁਦ੍ਧੋ ਹੋਤਿ, ਸਤਿਨ੍ਦ੍ਰਿਯਸ੍ਸ ਉਪਟ੍ਠਾਨਟ੍ਠੋ ਅਨੁਬੁਦ੍ਧੋ ਹੋਤਿ, ਸਮਾਧਿਨ੍ਦ੍ਰਿਯਸ੍ਸ ਅવਿਕ੍ਖੇਪਟ੍ਠੋ ਅਨੁਬੁਦ੍ਧੋ ਹੋਤਿ, ਪਞ੍ਞਿਨ੍ਦ੍ਰਿਯਸ੍ਸ ਦਸ੍ਸਨਟ੍ਠੋ ਅਨੁਬੁਦ੍ਧੋ ਹੋਤਿ।
Anubuddhoti saddhindriyassa adhimokkhaṭṭho anubuddho hoti, vīriyindriyassa paggahaṭṭho anubuddho hoti, satindriyassa upaṭṭhānaṭṭho anubuddho hoti, samādhindriyassa avikkhepaṭṭho anubuddho hoti, paññindriyassa dassanaṭṭho anubuddho hoti.
ਪਟਿવਿਦ੍ਧੋਤਿ ਸਦ੍ਧਿਨ੍ਦ੍ਰਿਯਸ੍ਸ ਅਧਿਮੋਕ੍ਖਟ੍ਠੋ ਪਟਿવਿਦ੍ਧੋ ਹੋਤਿ, વੀਰਿਯਿਨ੍ਦ੍ਰਿਯਸ੍ਸ ਪਗ੍ਗਹਟ੍ਠੋ ਪਟਿવਿਦ੍ਧੋ ਹੋਤਿ, ਸਤਿਨ੍ਦ੍ਰਿਯਸ੍ਸ ਉਪਟ੍ਠਾਨਟ੍ਠੋ ਪਟਿવਿਦ੍ਧੋ ਹੋਤਿ, ਸਮਾਧਿਨ੍ਦ੍ਰਿਯਸ੍ਸ ਅવਿਕ੍ਖੇਪਟ੍ਠੋ ਪਟਿવਿਦ੍ਧੋ ਹੋਤਿ, ਪਞ੍ਞਿਨ੍ਦ੍ਰਿਯਸ੍ਸ ਦਸ੍ਸਨਟ੍ਠੋ ਪਟਿવਿਦ੍ਧੋ ਹੋਤਿ। ਯਥਾਚਰਨ੍ਤਨ੍ਤਿ ਏવਂ ਸਦ੍ਧਾਯ ਚਰਨ੍ਤਂ, ਏવਂ વੀਰਿਯੇਨ ਚਰਨ੍ਤਂ, ਏવਂ ਸਤਿਯਾ ਚਰਨ੍ਤਂ, ਏવਂ ਸਮਾਧਿਨਾ ਚਰਨ੍ਤਂ, ਏવਂ ਪਞ੍ਞਾਯ ਚਰਨ੍ਤਂ। ਯਥਾવਿਹਰਨ੍ਤਨ੍ਤਿ ਏવਂ ਸਦ੍ਧਾਯ વਿਹਰਨ੍ਤਂ, ਏવਂ વੀਰਿਯੇਨ વਿਹਰਨ੍ਤਂ, ਏવਂ ਸਤਿਯਾ વਿਹਰਨ੍ਤਂ, ਏવਂ ਸਮਾਧਿਨਾ વਿਹਰਨ੍ਤਂ, ਏવਂ ਪਞ੍ਞਾਯ વਿਹਰਨ੍ਤਂ। વਿਞ੍ਞੂਤਿ વਿਞ੍ਞੂ વਿਭਾવੀ ਮੇਧਾવੀ ਪਣ੍ਡਿਤਾ ਬੁਦ੍ਧਿਸਮ੍ਪਨ੍ਨਾ। ਸਬ੍ਰਹ੍ਮਚਾਰੀਤਿ ਏਕਕਮ੍ਮਂ ਏਕੁਦ੍ਦੇਸੋ ਸਮਸਿਕ੍ਖਤਾ। ਗਮ੍ਭੀਰੇਸੁ ਠਾਨੇਸੂਤਿ ਗਮ੍ਭੀਰਾਨਿ ਠਾਨਾਨਿ વੁਚ੍ਚਨ੍ਤਿ ਝਾਨਾ ਚ વਿਮੋਕ੍ਖਾ ਚ ਸਮਾਧੀ ਚ ਸਮਾਪਤ੍ਤਿਯੋ ਚ ਮਗ੍ਗਾ ਚ ਫਲਾਨਿ ਚ ਅਭਿਞ੍ਞਾਯੋ ਚ ਪਟਿਸਮ੍ਭਿਦਾ ਚ। ਓਕਪ੍ਪੇਯ੍ਯੁਨ੍ਤਿ ਸਦ੍ਦਹੇਯ੍ਯੁਂ ਅਧਿਮੁਚ੍ਚੇਯ੍ਯੁਂ। ਅਦ੍ਧਾਤਿ ਏਕਂਸવਚਨਮੇਤਂ ਨਿਸ੍ਸਂਸਯવਚਨਮੇਤਂ ਨਿਕ੍ਕਙ੍ਖવਚਨਮੇਤਂ ਅਦ੍વੇਜ੍ਝવਚਨਮੇਤਂ ਅਦ੍વੇਲ਼੍ਹਕવਚਨਮੇਤਂ ਨਿਯੋਗવਚਨਮੇਤਂ ਅਪਣ੍ਣਕવਚਨਮੇਤਂ ਅવਤ੍ਥਾਪਨવਚਨਮੇਤਂ – ਅਦ੍ਧਾਤਿ। ਆਯਸ੍ਮਾਤਿ ਪਿਯવਚਨਮੇਤਂ ਗਰੁવਚਨਮੇਤਂ ਸਗਾਰવਸਪ੍ਪਤਿਸ੍ਸਾਧਿવਚਨਮੇਤਂ – ਆਯਸ੍ਮਾਤਿ। ਪਤ੍ਤੋ વਾਤਿ ਅਧਿਗਤੋ વਾ। ਪਾਪੁਣਿਸ੍ਸਤਿ વਾਤਿ ਅਧਿਗਮਿਸ੍ਸਤਿ વਾ।
Paṭividdhoti saddhindriyassa adhimokkhaṭṭho paṭividdho hoti, vīriyindriyassa paggahaṭṭho paṭividdho hoti, satindriyassa upaṭṭhānaṭṭho paṭividdho hoti, samādhindriyassa avikkhepaṭṭho paṭividdho hoti, paññindriyassa dassanaṭṭho paṭividdho hoti. Yathācarantanti evaṃ saddhāya carantaṃ, evaṃ vīriyena carantaṃ, evaṃ satiyā carantaṃ, evaṃ samādhinā carantaṃ, evaṃ paññāya carantaṃ. Yathāviharantanti evaṃ saddhāya viharantaṃ, evaṃ vīriyena viharantaṃ, evaṃ satiyā viharantaṃ, evaṃ samādhinā viharantaṃ, evaṃ paññāya viharantaṃ. Viññūti viññū vibhāvī medhāvī paṇḍitā buddhisampannā. Sabrahmacārīti ekakammaṃ ekuddeso samasikkhatā. Gambhīresu ṭhānesūti gambhīrāni ṭhānāni vuccanti jhānā ca vimokkhā ca samādhī ca samāpattiyo ca maggā ca phalāni ca abhiññāyo ca paṭisambhidā ca. Okappeyyunti saddaheyyuṃ adhimucceyyuṃ. Addhāti ekaṃsavacanametaṃ nissaṃsayavacanametaṃ nikkaṅkhavacanametaṃ advejjhavacanametaṃ adveḷhakavacanametaṃ niyogavacanametaṃ apaṇṇakavacanametaṃ avatthāpanavacanametaṃ – addhāti. Āyasmāti piyavacanametaṃ garuvacanametaṃ sagāravasappatissādhivacanametaṃ – āyasmāti. Pattovāti adhigato vā. Pāpuṇissati vāti adhigamissati vā.
ਸੁਤ੍ਤਨ੍ਤਨਿਦ੍ਦੇਸੋ ਤਤਿਯੋ।
Suttantaniddeso tatiyo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੩. ਤਤਿਯਸੁਤ੍ਤਨ੍ਤਨਿਦ੍ਦੇਸવਣ੍ਣਨਾ • 3. Tatiyasuttantaniddesavaṇṇanā
