| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
3. д̇ад̇ияаваг̇г̇аван̣н̣анаа
3. Tatiyavaggavaṇṇanā
141. д̇ад̇ияаваг̇г̇асса батамз д̣̇идтийвисуугаанийд̇и д̣̇ваасадтид̣̇идтиг̇ад̇аани. д̇аани хи маг̇г̇асаммаад̣̇идтияаа висуугадтзна виж̇жханадтзна виломадтзна жа висуугаани. звам̣ д̣̇идтияаа висуугаанийд̇и д̣̇идтивисуугаани, д̣̇идтияо зва ваа висуугаани д̣̇идтивисуугаани. убаад̇ивад̇д̇од̇и д̣̇ассанамаг̇г̇зна ад̇игганд̇о. бад̇д̇о нияааманд̇и авинибаад̇ад̇хаммад̇ааяа самб̣од̇хибарааяанад̇ааяа жа нияад̇абхаавам̣ ад̇хиг̇ад̇о, саммад̇д̇анияаамасан̇каад̇ам̣ ваа батамамаг̇г̇анд̇и. зд̇д̇аавад̇аа батамамаг̇г̇агижжанибпад̇д̇и жа д̇асса бадилаабхо жа вуд̇д̇о. ид̣̇аани бадилад̣̇д̇хамаг̇г̇од̇и иминаа сзсамаг̇г̇абадилаабхам̣ д̣̇ассзд̇и. уббаннан̃аан̣омхийд̇и уббаннабажжзгаб̣од̇хин̃аан̣о амхи. зд̇зна палам̣ д̣̇ассзд̇и. анан̃н̃анзяяод̇и ан̃н̃зхи ‘‘ид̣̇ам̣ сажжам̣ ид̣̇ам̣ сажжа’’нд̇и нанзд̇аб̣б̣о. зд̇зна саяамбхуд̇ам̣ д̣̇ийбзд̇и. бад̇д̇з ваа бажжзгаб̣од̇хин̃аан̣з ан̃н̃анзяяад̇ааяа абхааваа саяам̣васид̇ам̣. самат̇авибассанааяа ваа д̣̇идтивисуугаани убаад̇ивад̇д̇о, аад̣̇имаг̇г̇зна бад̇д̇о нияаамам̣, сзсзхи бадилад̣̇д̇хамаг̇г̇о, палан̃аан̣зна уббаннан̃аан̣о, д̇ам̣ саб̣б̣ам̣ ад̇д̇анаава ад̇хиг̇ад̇од̇и анан̃н̃анзяяо. сзсам̣ вуд̇д̇анаязнзва взд̣̇ид̇аб̣б̣ам̣ (су. ни. адта. 1.54; аба. адта. 1.1.111).
141. Tatiyavaggassa paṭhame diṭṭhīvisūkānīti dvāsaṭṭhidiṭṭhigatāni. Tāni hi maggasammādiṭṭhiyā visūkaṭṭhena vijjhanaṭṭhena vilomaṭṭhena ca visūkāni. Evaṃ diṭṭhiyā visūkānīti diṭṭhivisūkāni, diṭṭhiyo eva vā visūkāni diṭṭhivisūkāni. Upātivattoti dassanamaggena atikkanto. Patto niyāmanti avinipātadhammatāya sambodhiparāyanatāya ca niyatabhāvaṃ adhigato, sammattaniyāmasaṅkhātaṃ vā paṭhamamagganti. Ettāvatā paṭhamamaggakiccanipphatti ca tassa paṭilābho ca vutto. Idāni paṭiladdhamaggoti iminā sesamaggapaṭilābhaṃ dasseti. Uppannañāṇomhīti uppannapaccekabodhiñāṇo amhi. Etena phalaṃ dasseti. Anaññaneyyoti aññehi ‘‘idaṃ saccaṃ idaṃ sacca’’nti nanetabbo. Etena sayambhutaṃ dīpeti. Patte vā paccekabodhiñāṇe aññaneyyatāya abhāvā sayaṃvasitaṃ. Samathavipassanāya vā diṭṭhivisūkāni upātivatto, ādimaggena patto niyāmaṃ, sesehi paṭiladdhamaggo, phalañāṇena uppannañāṇo, taṃ sabbaṃ attanāva adhigatoti anaññaneyyo. Sesaṃ vuttanayeneva veditabbaṃ (su. ni. aṭṭha. 1.54; apa. aṭṭha. 1.1.111).
на баранзяяод̇и на ан̃н̃зхи нзд̇аб̣б̣о. на бараббад̇д̇ияод̇и бажжагкад̇хаммад̇д̇аа на ан̃н̃зхи сад̣̇д̣̇ахаабзд̇аб̣б̣о. на бараббажжаяод̇и на асса баро бажжаяо, на барасса сад̣̇д̇хааяа вад̇д̇ад̇ийд̇и на бараббажжаяо. на барабадиб̣ад̣̇д̇хаг̇ууд̇и на ан̃н̃зсам̣ бадиб̣ад̣̇д̇хан̃аан̣аг̇амано.
Na paraneyyoti na aññehi netabbo. Na parappattiyoti paccakkhadhammattā na aññehi saddahāpetabbo. Na parappaccayoti na assa paro paccayo, na parassa saddhāya vattatīti na parappaccayo. Na parapaṭibaddhagūti na aññesaṃ paṭibaddhañāṇagamano.
батамам̣.
Paṭhamaṃ.
142. д̣̇уд̇ияз ниллолубод̇и алолубо. яо хи расад̇ан̣хаабхибхууд̇о ход̇и, со бхусам̣ луббад̇и бунаббунан̃жа луббад̇и, д̇зна ‘‘лолубо’’д̇и вужжад̇и. д̇асмаа зса д̇ам̣ бадигкибанд̇о ааха ‘‘ниллолубо’’д̇и. ниггуход̇и зд̇т̇а гин̃жааби яасса д̇ивид̇хагуханавад̇т̇у над̇т̇и, со ‘‘ниггухо’’д̇и вужжад̇и, имиссаа бана г̇аат̇ааяа манун̃н̃абхож̇анаад̣̇ийсу вимхаяаманаабаж̇ж̇анад̇о ниггуход̇и аяамад̇хиббааяо. ниббибаасод̇и зд̇т̇а баад̇умижчаа бибаасаа, д̇ассаа абхаавзна ниббибаасо, саад̣̇урасалобхзна бход̇д̇угамяад̇аавирахид̇од̇и ад̇т̇о. ниммагкод̇и зд̇т̇а бараг̇ун̣авинаасаналагкан̣о магко, д̇асса абхаавзна ниммагко. ад̇д̇ано г̇ахадтагаалз сууд̣̇асса г̇ун̣амагканаабхаавам̣ санд̇хааяа ааха. нид̣̇д̇ханд̇агасаавамоход̇и зд̇т̇а рааг̇аад̣̇аяо д̇аяо гааяад̣̇ужжарид̇аад̣̇ийни жа д̇ийн̣ийд̇и ча д̇хаммаа яат̇аасамбхавам̣ аббасаннадтзна сагабхаавам̣ виж̇ахаабзд̇ваа барабхаавам̣ г̇ан̣хаабанадтзна гасададтзна жа ‘‘гасааваа’’д̇и взд̣̇ид̇аб̣б̣аа. яат̇ааха –
142. Dutiye nillolupoti alolupo. Yo hi rasataṇhābhibhūto hoti, so bhusaṃ luppati punappunañca luppati, tena ‘‘lolupo’’ti vuccati. Tasmā esa taṃ paṭikkhipanto āha ‘‘nillolupo’’ti. Nikkuhoti ettha kiñcāpi yassa tividhakuhanavatthu natthi, so ‘‘nikkuho’’ti vuccati, imissā pana gāthāya manuññabhojanādīsu vimhayamanāpajjanato nikkuhoti ayamadhippāyo. Nippipāsoti ettha pātumicchā pipāsā, tassā abhāvena nippipāso, sādurasalobhena bhottukamyatāvirahitoti attho. Nimmakkhoti ettha paraguṇavināsanalakkhaṇo makkho, tassa abhāvena nimmakkho. Attano gahaṭṭhakāle sūdassa guṇamakkhanābhāvaṃ sandhāya āha. Niddhantakasāvamohoti ettha rāgādayo tayo kāyaduccaritādīni ca tīṇīti cha dhammā yathāsambhavaṃ appasannaṭṭhena sakabhāvaṃ vijahāpetvā parabhāvaṃ gaṇhāpanaṭṭhena kasaṭaṭṭhena ca ‘‘kasāvā’’ti veditabbā. Yathāha –
‘‘д̇ад̇т̇а гад̇амз д̇аяо гасааваа? рааг̇агасааво д̣̇осагасааво мохагасааво, имз д̇аяо гасааваа. д̇ад̇т̇а гад̇амз абарзби д̇аяо гасааваа? гааяагасааво важийгасааво маногасааво’’д̇и (вибха. 924).
‘‘Tattha katame tayo kasāvā? Rāgakasāvo dosakasāvo mohakasāvo, ime tayo kasāvā. Tattha katame aparepi tayo kasāvā? Kāyakasāvo vacīkasāvo manokasāvo’’ti (vibha. 924).
д̇зсу мохам̣ табзд̇ваа бан̃жаннам̣ гасааваанам̣ д̇зсан̃жа саб̣б̣зсам̣ муулабхууд̇асса мохасса нид̣̇д̇ханд̇ад̇д̇аа нид̣̇д̇ханд̇агасаавамохо, д̇ин̣н̣ам̣ зва ваа гааяаважийманогасааваанам̣ мохасса жа нид̣̇д̇ханд̇ад̇д̇аа нид̣̇д̇ханд̇агасаавамохо. ид̇арзсу ниллолубад̇аад̣̇ийхи рааг̇агасаавасса, ниммагкад̇ааяа д̣̇осагасаавасса нид̣̇д̇ханд̇абхааво сид̣̇д̇хо зва. нираасасод̇и нид̇д̇ан̣хо. саб̣б̣алогзд̇и сагалалогз, д̇ийсу бхавзсу д̣̇ваад̣̇асасу ваа ааяад̇анзсу бхававибхавад̇ан̣хаавирахид̇о худ̇ваад̇и ад̇т̇о. сзсам̣ вуд̇д̇анаязнзва взд̣̇ид̇аб̣б̣ам̣ . ат̇а ваа д̇аяоби баад̣̇з вад̇ваа зго жарзд̇и зго жарид̇ум̣ саггун̣зяяаад̇и звамби зд̇т̇а самб̣анд̇хо гаад̇аб̣б̣о (су. ни. адта. 1.96).
Tesu mohaṃ ṭhapetvā pañcannaṃ kasāvānaṃ tesañca sabbesaṃ mūlabhūtassa mohassa niddhantattā niddhantakasāvamoho, tiṇṇaṃ eva vā kāyavacīmanokasāvānaṃ mohassa ca niddhantattā niddhantakasāvamoho. Itaresu nillolupatādīhi rāgakasāvassa, nimmakkhatāya dosakasāvassa niddhantabhāvo siddho eva. Nirāsasoti nittaṇho. Sabbaloketi sakalaloke, tīsu bhavesu dvādasasu vā āyatanesu bhavavibhavataṇhāvirahito hutvāti attho. Sesaṃ vuttanayeneva veditabbaṃ . Atha vā tayopi pāde vatvā eko careti eko carituṃ sakkuṇeyyāti evampi ettha sambandho kātabbo (su. ni. aṭṭha. 1.96).
д̣̇уд̇ияам̣.
Dutiyaṃ.
143. д̇ад̇ияз аяам̣ сан̇кзбад̇т̇о – явааяам̣ д̣̇асавад̇т̇угааяа баабад̣̇идтияаа саманнааг̇ад̇ад̇д̇аа баабо. барзсамби анад̇т̇ам̣ д̣̇ассзд̇ийд̇и анад̇т̇ад̣̇ассий. гааяад̣̇ужжарид̇аад̣̇имхи жа висамз нивидто. д̇ам̣ ад̇т̇агаамо гулабуд̇д̇о баабам̣ сахааяам̣ бариваж̇ж̇аязт̇а, анад̇т̇ад̣̇ассим̣ висамз нивидтам̣. саяам̣ на сзвзд̇и ад̇д̇ано васзна д̇ам̣ на сзвзяяа. яад̣̇и бана баравасо ход̇и, гим̣ саггаа гаад̇унд̇и вуд̇д̇ам̣ ход̇и. басуд̇анд̇и басадам̣, д̣̇идтивасзна д̇ад̇т̇а д̇ад̇т̇а лаг̇г̇анд̇и ад̇т̇о. бамад̇д̇анд̇и гаамаг̇ун̣зсу воссадтажид̇д̇ам̣, гусалабхааванаарахид̇ам̣ ваа. д̇ам̣ зваруубам̣ на сзвз на бхаж̇з на баяирубаасз, ан̃н̃ад̣̇ад̇т̇у зго жарз каг̇г̇ависаан̣агаббод̇и.
143. Tatiye ayaṃ saṅkhepattho – yvāyaṃ dasavatthukāya pāpadiṭṭhiyā samannāgatattā pāpo. Paresampi anatthaṃ dassetīti anatthadassī. Kāyaduccaritādimhi ca visame niviṭṭho. Taṃ atthakāmo kulaputto pāpaṃ sahāyaṃ parivajjayetha, anatthadassiṃ visame niviṭṭhaṃ. Sayaṃ na seveti attano vasena taṃ na seveyya. Yadi pana paravaso hoti, kiṃ sakkā kātunti vuttaṃ hoti. Pasutanti pasaṭaṃ, diṭṭhivasena tattha tattha lagganti attho. Pamattanti kāmaguṇesu vossaṭṭhacittaṃ, kusalabhāvanārahitaṃ vā. Taṃ evarūpaṃ na seve na bhaje na payirupāse, aññadatthu eko care khaggavisāṇakappoti.
нид̣̇д̣̇зсз саяам̣ на сзвзяяаад̇и саамам̣ на убасан̇гамзяяа. саамам̣ на сзвзяяаад̇и жид̇д̇знаби на убасан̇гамзяяа. на сзвзяяаад̇и на бхаж̇зяяа. на нисзвзяяаад̇и самийбамби на г̇ажчзяяа. на сам̣сзвзяяаад̇и д̣̇уурз бхавзяяа. на барисам̣сзвзяяаад̇и бадиггамзяяа.
Niddese sayaṃ na seveyyāti sāmaṃ na upasaṅkameyya. Sāmaṃ na seveyyāti cittenapi na upasaṅkameyya. Na seveyyāti na bhajeyya. Naniseveyyāti samīpampi na gaccheyya. Na saṃseveyyāti dūre bhaveyya. Na parisaṃseveyyāti paṭikkameyya.
д̇ад̇ияам̣.
Tatiyaṃ.
144. жад̇уд̇т̇з аяам̣ сан̇кзбад̇т̇о – б̣ахуссуд̇анд̇и д̣̇увид̇хо б̣ахуссуд̇о д̇ийсу бидагзсу ад̇т̇ад̇о никило барияад̇д̇иб̣ахуссуд̇о жа маг̇г̇апалавиж̇ж̇аабхин̃н̃аанам̣ бадивид̣̇д̇хад̇д̇аа бадивзд̇хаб̣ахуссуд̇о жа. ааг̇ад̇ааг̇амо д̇хаммад̇харо. ул̣аарзхи бана гааяаважийманогаммзхи саманнааг̇ад̇о ул̣ааро. яуд̇д̇абадибхаано жа муд̇д̇абадибхаано жа яуд̇д̇амуд̇д̇абадибхаано жа бадибхаанаваа. барияад̇д̇ибарибужчаад̇хиг̇амавасзна ваа д̇ид̇хаа бадибхаанаваа взд̣̇ид̇аб̣б̣о. яасса хи барияад̇д̇и бадибхаад̇и, со барияад̇д̇ибадибхаанаваа. яасса ад̇т̇ан̃жа н̃ааяан̃жа лагкан̣ан̃жа таанаадтаанан̃жа барибужчанд̇асса барибужчаа бадибхаад̇и, со барибужчаабадибхаанаваа. язна маг̇г̇аад̣̇аяо бадивид̣̇д̇хаа хонд̇и, со ад̇хиг̇амабадибхаанаваа. д̇ам̣ зваруубам̣ б̣ахуссуд̇ам̣ д̇хаммад̇харам̣ бхаж̇зт̇а, мид̇д̇ам̣ ул̣аарам̣ бадибхаанаванд̇ам̣. д̇ад̇о д̇ассаанубхаавзна ад̇д̇ад̇т̇абарад̇т̇аубхаяад̇т̇абхзд̣̇ад̇о ваа д̣̇идтад̇хаммигасамбарааяигабарамад̇т̇абхзд̣̇ад̇о ваа анзгаббагаараани ан̃н̃ааяа ад̇т̇аани, д̇ад̇о ‘‘ахосим̣ ну ко ахам̣ ад̇ийд̇амад̣̇д̇хаана’’нд̇иаад̣̇ийсу (ма. ни. 1.18; сам̣. ни. 2.20; махаани. 174) ган̇каадтаанзсу винзяяа ган̇кам̣ вижигижчам̣ винзд̇ваа винаасзд̇ваа звам̣ гад̇асаб̣б̣агижжо зго жарз каг̇г̇ависаан̣агаббод̇и (су. ни. адта. 1.58).
144. Catutthe ayaṃ saṅkhepattho – bahussutanti duvidho bahussuto tīsu piṭakesu atthato nikhilo pariyattibahussuto ca maggaphalavijjābhiññānaṃ paṭividdhattā paṭivedhabahussuto ca. Āgatāgamo dhammadharo. Uḷārehi pana kāyavacīmanokammehi samannāgato uḷāro. Yuttapaṭibhāno ca muttapaṭibhāno ca yuttamuttapaṭibhāno ca paṭibhānavā. Pariyattiparipucchādhigamavasena vā tidhā paṭibhānavā veditabbo. Yassa hi pariyatti paṭibhāti, so pariyattipaṭibhānavā. Yassa atthañca ñāyañca lakkhaṇañca ṭhānāṭṭhānañca paripucchantassa paripucchā paṭibhāti, so paripucchāpaṭibhānavā. Yena maggādayo paṭividdhā honti, so adhigamapaṭibhānavā. Taṃ evarūpaṃ bahussutaṃ dhammadharaṃ bhajetha, mittaṃ uḷāraṃ paṭibhānavantaṃ. Tato tassānubhāvena attatthaparatthaubhayatthabhedato vā diṭṭhadhammikasamparāyikaparamatthabhedato vā anekappakārāni aññāya atthāni, tato ‘‘ahosiṃ nu kho ahaṃ atītamaddhāna’’ntiādīsu (ma. ni. 1.18; saṃ. ni. 2.20; mahāni. 174) kaṅkhāṭṭhānesu vineyya kaṅkhaṃ vicikicchaṃ vinetvā vināsetvā evaṃ katasabbakicco eko care khaggavisāṇakappoti (su. ni. aṭṭha. 1.58).
жад̇уд̇т̇ам̣.
Catutthaṃ.
145. бан̃жамз кид̣д̣аа жа рад̇и жа буб̣б̣з вуд̇д̇аава. гаамасуканд̇и вад̇т̇угаамасукам̣. вад̇т̇угаамааби хи сукасса висаяаад̣̇ибхаавзна суканд̇и вужжанд̇и. яат̇ааха – ‘‘ад̇т̇и руубам̣ сукам̣ сукаанубад̇ид̇а’’нд̇и (сам̣. ни. 3.60). звамзд̇ам̣ кид̣д̣ам̣ рад̇им̣ гаамасукан̃жа имасмим̣ огаасалогз аналан̇гарид̇ваа аланд̇и агад̇ваа ‘‘зд̇ам̣ д̇аббага’’нд̇и ваа ‘‘саарабхууд̇а’’нд̇и ваа звам̣ аг̇г̇ахзд̇ваа. анабзгкамаанод̇и д̇зна аналан̇гаран̣зна анабзгканасийло абихаалуго нид̇д̇ан̣хо. вибхуусадтаанаавирад̇о сажжаваад̣̇ий зго жарзд̇и. д̇ад̇т̇а вибхуусаа д̣̇увид̇хаа аг̇ааригавибхуусаа жа анаг̇ааригавибхуусаа жа. д̇ад̇т̇а аг̇ааригавибхуусаа саагадавзтанамаалааг̇анд̇хаад̣̇и, анаг̇ааригавибхуусаа жа бад̇д̇аман̣д̣анаад̣̇и. вибхуусаа зва вибхуусадтаанам̣, д̇асмаа вибхуусадтаанаа д̇ивид̇хааяаби вирад̇ияаа вирад̇о. авид̇ат̇аважанад̇о сажжаваад̣̇ийд̇и звамад̇т̇о д̣̇адтаб̣б̣о (су. ни. адта. 1.59).
145. Pañcame khiḍḍā ca rati ca pubbe vuttāva. Kāmasukhanti vatthukāmasukhaṃ. Vatthukāmāpi hi sukhassa visayādibhāvena sukhanti vuccanti. Yathāha – ‘‘atthi rūpaṃ sukhaṃ sukhānupatita’’nti (saṃ. ni. 3.60). Evametaṃ khiḍḍaṃ ratiṃ kāmasukhañca imasmiṃ okāsaloke analaṅkaritvā alanti akatvā ‘‘etaṃ tappaka’’nti vā ‘‘sārabhūta’’nti vā evaṃ aggahetvā. Anapekkhamānoti tena analaṅkaraṇena anapekkhanasīlo apihāluko nittaṇho. Vibhūsaṭṭhānāvirato saccavādī eko careti. Tattha vibhūsā duvidhā agārikavibhūsā ca anagārikavibhūsā ca. Tattha agārikavibhūsā sākaṭaveṭhanamālāgandhādi, anagārikavibhūsā ca pattamaṇḍanādi. Vibhūsā eva vibhūsaṭṭhānaṃ, tasmā vibhūsaṭṭhānā tividhāyapi viratiyā virato. Avitathavacanato saccavādīti evamattho daṭṭhabbo (su. ni. aṭṭha. 1.59).
бан̃жамам̣.
Pañcamaṃ.
146. чадтз д̇ханаанийд̇и муд̇д̇ааман̣ивзл̣урияасан̇касилаабаваал̣араж̇ад̇аж̇аад̇аруубаад̣̇ийни рад̇анаани. д̇хан̃н̃аанийд̇и сааливийхияаваг̇од̇хумаган̇гуварагагуд̣̇руусагаббабхзд̣̇аани сад̇д̇а сзсаабаран̣н̣аани жа. б̣анд̇хаваанийд̇и н̃аад̇иб̣анд̇ху, г̇од̇д̇аб̣анд̇ху, мид̇д̇аб̣анд̇ху, сиббаб̣анд̇хувасзна жад̇уб̣б̣ид̇хаб̣анд̇хавз. яат̇од̇хигаанийд̇и сагасагаод̇хивасзна тид̇ааниязва. сзсам̣ вуд̇д̇анаяамзваад̇и (су. ни. адта. 1.60).
146. Chaṭṭhe dhanānīti muttāmaṇiveḷuriyasaṅkhasilāpavāḷarajatajātarūpādīni ratanāni. Dhaññānīti sālivīhiyavagodhumakaṅkuvarakakudrūsakappabhedāni satta sesāparaṇṇāni ca. Bandhavānīti ñātibandhu, gottabandhu, mittabandhu, sippabandhuvasena catubbidhabandhave. Yathodhikānīti sakasakaodhivasena ṭhitāniyeva. Sesaṃ vuttanayamevāti (su. ni. aṭṭha. 1.60).
чадтам̣.
Chaṭṭhaṃ.
147. сад̇д̇амз сан̇г̇о зсод̇и ад̇д̇ано убабхог̇ам̣ нид̣̇д̣̇исад̇и. со хи саж̇ж̇анд̇и д̇ад̇т̇а баан̣ино гад̣̇д̣̇амз бавидто хад̇т̇ий вияаад̇и сан̇г̇о. барид̇д̇амзд̇т̇а сокяанд̇и зд̇т̇а бан̃жагаамаг̇ун̣уубабхог̇агаалз вибарийд̇асан̃н̃ааяа уббаад̣̇зд̇аб̣б̣ад̇о гаамааважарад̇хаммабарияаабаннад̇о ваа лаамагадтзна сокяам̣ барид̇д̇ам̣, виж̇ж̇уббабхааяа обхаасид̇анажжад̣̇ассанасукам̣ вияа ид̇д̇арам̣, д̇аавагаалиганд̇и вуд̇д̇ам̣ ход̇и. аббассаад̣̇о д̣̇угкамзд̇т̇а бхияяод̇и зд̇т̇а жа явааяам̣ ‘‘яам̣ ко, бхигкавз, имз бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣, аяам̣ гаамаанам̣ ассаад̣̇о’’д̇и вуд̇д̇о, со яамид̣̇ам̣ ‘‘го жа, бхигкавз, гаамаанам̣ аад̣̇ийнаво, ид̇ха, бхигкавз, гулабуд̇д̇о язна сиббадтаанзна ж̇ийвигам̣ габбзд̇и яад̣̇и муд̣̇д̣̇ааяа яад̣̇и г̇ан̣анааяаа’’д̇и (ма. ни. 1.162) звамаад̣̇инаа наязнзд̇т̇а д̣̇угкам̣ вуд̇д̇ам̣, д̇ам̣ убанид̇хааяа аббод̣̇агаб̣инд̣̇умад̇д̇о ход̇и, ат̇а ко д̣̇угкамзва бхияяо б̣аху, жад̇уусу самуд̣̇д̣̇зсу уд̣̇агасад̣̇исо ход̇и. д̇зна вуд̇д̇ам̣ – ‘‘аббассаад̣̇о д̣̇угкамзд̇т̇а бхияяо’’д̇и. г̇ал̣о зсод̇и ассаад̣̇ам̣ д̣̇ассзд̇ваа аагад̣дханавасзна б̣ал̣исо вияа зсо, яад̣̇ид̣̇ам̣ бан̃жа гаамаг̇ун̣аа. ид̇и н̃ад̇ваа мад̇имаад̇и звам̣ н̃ад̇ваа б̣уд̣̇д̇химаа бан̣д̣ид̇о бурисо саб̣б̣амбзд̇ам̣ бахааяа зго жарз каг̇г̇ависаан̣агаббод̇и (су. ни. адта. 1.61).
147. Sattame saṅgo esoti attano upabhogaṃ niddisati. So hi sajjanti tattha pāṇino kaddame paviṭṭho hatthī viyāti saṅgo. Parittamettha sokhyanti ettha pañcakāmaguṇūpabhogakāle viparītasaññāya uppādetabbato kāmāvacaradhammapariyāpannato vā lāmakaṭṭhena sokhyaṃ parittaṃ, vijjuppabhāya obhāsitanaccadassanasukhaṃ viya ittaraṃ, tāvakālikanti vuttaṃ hoti. Appassādo dukkhamettha bhiyyoti ettha ca yvāyaṃ ‘‘yaṃ kho, bhikkhave, ime pañca kāmaguṇe paṭicca uppajjati sukhaṃ somanassaṃ, ayaṃ kāmānaṃ assādo’’ti vutto, so yamidaṃ ‘‘ko ca, bhikkhave, kāmānaṃ ādīnavo, idha, bhikkhave, kulaputto yena sippaṭṭhānena jīvikaṃ kappeti yadi muddāya yadi gaṇanāyā’’ti (ma. ni. 1.162) evamādinā nayenettha dukkhaṃ vuttaṃ, taṃ upanidhāya appodakabindumatto hoti, atha kho dukkhameva bhiyyo bahu, catūsu samuddesu udakasadiso hoti. Tena vuttaṃ – ‘‘appassādo dukkhamettha bhiyyo’’ti. Gaḷo esoti assādaṃ dassetvā ākaḍḍhanavasena baḷiso viya eso, yadidaṃ pañca kāmaguṇā. Iti ñatvā matimāti evaṃ ñatvā buddhimā paṇḍito puriso sabbampetaṃ pahāya eko care khaggavisāṇakappoti (su. ni. aṭṭha. 1.61).
сад̇д̇амам̣.
Sattamaṃ.
148. адтамаг̇аат̇ааяа д̣̇уд̇ияабаад̣̇з ж̇ааланд̇и суд̇д̇амаяам̣ вужжад̇и. амб̣ууд̇и уд̣̇агам̣, д̇ад̇т̇а жарад̇ийд̇и амб̣ужаарий, мажчассзд̇ам̣ ад̇хиважанам̣. салилз амб̣ужаарий салиламб̣ужаарий. д̇асмим̣ над̣̇ийсалилз ж̇аалам̣ бхзд̇ваа г̇ад̇аамб̣ужаарийваад̇и вуд̇д̇ам̣ ход̇и. д̇ад̇ияабаад̣̇з д̣̇ад̣дханд̇и д̣̇ад̣дхадтаанам̣ вужжад̇и. яат̇аа аг̇г̇и д̣̇ад̣дхадтаанам̣ буна на нивад̇д̇ад̇и, на д̇ад̇т̇а бхияяо ааг̇ажчад̇и, звам̣ маг̇г̇ан̃аан̣аг̇г̇инаа д̣̇ад̣дхам̣ гаамаг̇ун̣адтаанам̣ анивад̇д̇амаано, д̇ад̇т̇а бхияяо анааг̇ажчанд̇од̇и вуд̇д̇ам̣ ход̇и. сзсам̣ вуд̇д̇анаяамзваад̇и.
148. Aṭṭhamagāthāya dutiyapāde jālanti suttamayaṃ vuccati. Ambūti udakaṃ, tattha caratīti ambucārī, macchassetaṃ adhivacanaṃ. Salile ambucārī salilambucārī. Tasmiṃ nadīsalile jālaṃ bhetvā gataambucārīvāti vuttaṃ hoti. Tatiyapāde daḍḍhanti daḍḍhaṭṭhānaṃ vuccati. Yathā aggi daḍḍhaṭṭhānaṃ puna na nivattati, na tattha bhiyyo āgacchati, evaṃ maggañāṇagginā daḍḍhaṃ kāmaguṇaṭṭhānaṃ anivattamāno, tattha bhiyyo anāgacchantoti vuttaṃ hoti. Sesaṃ vuttanayamevāti.
сам̣яож̇анаанийд̇и яасса сам̣виж̇ж̇анд̇и, д̇ам̣ буг̇г̇алам̣ ваддасмим̣ сам̣яож̇знд̇и б̣анд̇ханд̇ийд̇и сам̣яож̇анаани. имаани бана сам̣яож̇анаани гилзсабадибаадияааби аахарид̇ум̣ ваддад̇и маг̇г̇абадибаадияааби. гаамарааг̇абадигхасам̣яож̇анаани анааг̇аамимаг̇г̇зна бахийяанд̇и, маанасам̣яож̇анам̣ арахад̇д̇амаг̇г̇зна, д̣̇идтивижигижчаасийлаб̣б̣ад̇абараамаасаа сод̇аабад̇д̇имаг̇г̇зна, бхаварааг̇асам̣яож̇анам̣ арахад̇д̇амаг̇г̇зна, иссаамажчарияаани сод̇аабад̇д̇имаг̇г̇зна, авиж̇ж̇аа арахад̇д̇амаг̇г̇зна. маг̇г̇абадибаадияаа д̣̇идтивижигижчаасийлаб̣б̣ад̇абараамаасаиссаамажчарияаа сод̇аабад̇д̇имаг̇г̇зна бахийяанд̇и, гаамарааг̇абадигхаа анааг̇аамимаг̇г̇зна, маанабхаварааг̇аавиж̇ж̇аа арахад̇д̇амаг̇г̇знаад̇и. бхинд̣̇ид̇ваад̇и бхзд̣̇ам̣ баабзд̇ваа. бабхинд̣̇ид̇ваад̇и чинд̣̇ам̣ гад̇ваа. д̣̇аалаяид̇ваад̇и паалзд̇ваа. бад̣̇аалаяид̇ваад̇и хийрзд̇ваа. самбад̣̇аалаяид̇ваад̇и убасаг̇г̇зна бад̣̇ам̣ вад̣дхид̇ам̣.
Saṃyojanānīti yassa saṃvijjanti, taṃ puggalaṃ vaṭṭasmiṃ saṃyojenti bandhantīti saṃyojanāni. Imāni pana saṃyojanāni kilesapaṭipāṭiyāpi āharituṃ vaṭṭati maggapaṭipāṭiyāpi. Kāmarāgapaṭighasaṃyojanāni anāgāmimaggena pahīyanti, mānasaṃyojanaṃ arahattamaggena, diṭṭhivicikicchāsīlabbataparāmāsā sotāpattimaggena, bhavarāgasaṃyojanaṃ arahattamaggena, issāmacchariyāni sotāpattimaggena, avijjā arahattamaggena. Maggapaṭipāṭiyā diṭṭhivicikicchāsīlabbataparāmāsaissāmacchariyā sotāpattimaggena pahīyanti, kāmarāgapaṭighā anāgāmimaggena, mānabhavarāgaavijjā arahattamaggenāti. Bhinditvāti bhedaṃ pāpetvā. Pabhinditvāti chindaṃ katvā. Dālayitvāti phāletvā. Padālayitvāti hīretvā. Sampadālayitvāti upasaggena padaṃ vaḍḍhitaṃ.
адтамам̣.
Aṭṭhamaṃ.
149. навамз огкид̇д̇ажагкууд̇и хздтаакид̇д̇ажагку, сад̇д̇а г̇ийвадтийни бадибаадияаа табзд̇ваа бариваж̇ж̇анабахаад̇аб̣б̣ад̣̇ассанад̇т̇ам̣ яуг̇амад̇д̇ам̣ бзгкамаанод̇и вуд̇д̇ам̣ ход̇и. на д̇у ханугадтинаа хад̣̇аяадтим̣ сан̇гхаддзнд̇о. зван̃хи огкид̇д̇ажагкуд̇аа на саман̣асаарууббаа ход̇и. на жа баад̣̇алолод̇и згасса д̣̇уд̇ияо д̣̇виннам̣ д̇ад̇ияод̇и звам̣ г̇ан̣амаж̇жхам̣, бависид̇угаамад̇ааяа ган̣д̣ууяамаанабаад̣̇о вияа абхаванд̇о, д̣̇ийгхажааригаанавадтид̇ажааригавирад̇о ваа. г̇уд̇д̇инд̣̇рияод̇и часу инд̣̇риязсу ид̇ха манинд̣̇рияасса висум̣ вуд̇д̇ад̇д̇аа вуд̇д̇аавасзсавасзна г̇обид̇инд̣̇рияо. рагкид̇амаанасаанод̇и маанасам̣язва маанасаанам̣, д̇ам̣ рагкид̇амассаад̇и рагкид̇амаанасаано. яат̇аа гилзсзд̇и на вилуббад̇и, звам̣ рагкид̇ажид̇д̇од̇и вуд̇д̇ам̣ ход̇и. анавассуд̇од̇и имааяа бадибад̇д̇ияаа д̇зсу д̇зсу аарамман̣зсу гилзсаанваассававирахид̇о. абарид̣аяхамаанод̇и звам̣ анваассававирахид̇аа зва гилзсаг̇г̇ийхи абарид̣аяхамаано, б̣ахид̣̇д̇хаа ваа анавассуд̇о, аж̇жхад̇д̇ам̣ абарид̣аяхамаано. сзсам̣ вуд̇д̇анаяамзваад̇и (су. ни. адта. 1.63).
149. Navame okkhittacakkhūti heṭṭhākhittacakkhu, satta gīvaṭṭhīni paṭipāṭiyā ṭhapetvā parivajjanapahātabbadassanatthaṃ yugamattaṃ pekkhamānoti vuttaṃ hoti. Na tu hanukaṭṭhinā hadayaṭṭhiṃ saṅghaṭṭento. Evañhi okkhittacakkhutā na samaṇasārūppā hoti. Na ca pādaloloti ekassa dutiyo dvinnaṃ tatiyoti evaṃ gaṇamajjhaṃ, pavisitukāmatāya kaṇḍūyamānapādo viya abhavanto, dīghacārikaanavaṭṭhitacārikavirato vā. Guttindriyoti chasu indriyesu idha manindriyassa visuṃ vuttattā vuttāvasesavasena gopitindriyo. Rakkhitamānasānoti mānasaṃyeva mānasānaṃ, taṃ rakkhitamassāti rakkhitamānasāno. Yathā kileseti na viluppati, evaṃ rakkhitacittoti vuttaṃ hoti. Anavassutoti imāya paṭipattiyā tesu tesu ārammaṇesu kilesaanvāssavavirahito. Apariḍayhamānoti evaṃ anvāssavavirahitā eva kilesaggīhi apariḍayhamāno, bahiddhā vā anavassuto, ajjhattaṃ apariḍayhamāno. Sesaṃ vuttanayamevāti (su. ni. aṭṭha. 1.63).
жагкунаа руубам̣ д̣̇исваад̇и гааран̣авасзна ‘‘жагкуу’’д̇и лад̣̇д̇хавохаарзна руубад̣̇ассанасамад̇т̇зна жагкувин̃н̃аан̣зна руубам̣ д̣̇исваа. бораан̣аа банааху –
Cakkhunā rūpaṃ disvāti kāraṇavasena ‘‘cakkhū’’ti laddhavohārena rūpadassanasamatthena cakkhuviññāṇena rūpaṃ disvā. Porāṇā panāhu –
‘‘жагку руубам̣ на бассад̇и ажид̇д̇агад̇д̇аа, жид̇д̇ам̣ на бассад̇и ажагкугад̇д̇аа, д̣̇ваараарамман̣асан̇гхадданз бана басаад̣̇авад̇т̇угзна жид̇д̇зна бассад̇и. ийд̣̇исий банзсаа ‘д̇ханунаа виж̇жхад̇ий’д̇иаад̣̇ийсу вияа сасамбхаарагат̇аа наама ход̇и, д̇асмаа жагкувин̃н̃аан̣зна руубам̣ д̣̇исваад̇и аяамзвзд̇т̇а ад̇т̇о’’д̇и (висуд̣̇д̇хи. 1.15; д̇ха. са. адта. 1352).
‘‘Cakkhu rūpaṃ na passati acittakattā, cittaṃ na passati acakkhukattā, dvārārammaṇasaṅghaṭṭane pana pasādavatthukena cittena passati. Īdisī panesā ‘dhanunā vijjhatī’tiādīsu viya sasambhārakathā nāma hoti, tasmā cakkhuviññāṇena rūpaṃ disvāti ayamevettha attho’’ti (visuddhi. 1.15; dha. sa. aṭṭha. 1352).
нимид̇д̇аг̇г̇аахийд̇и ид̇т̇ибурисанимид̇д̇ам̣ ваа субханимид̇д̇аад̣̇игам̣ ваа гилзсавад̇т̇убхууд̇ам̣ нимид̇д̇ам̣ чанд̣̇арааг̇авасзна г̇ан̣хаад̇и, д̣̇идтамад̇д̇авасзна на сан̣таад̇и. ануб̣яан̃ж̇анаг̇г̇аахийд̇и гилзсаанам̣ ануб̣яан̃ж̇анад̇о баагадабхаавагаран̣ад̇о ‘‘ануб̣яан̃ж̇ана’’нд̇и лад̣̇д̇хавохаарам̣ хад̇т̇абаад̣̇ахасид̇алабид̇авилогид̇аад̣̇ибхзд̣̇ам̣ аагаарам̣ г̇ан̣хаад̇и.
Nimittaggāhīti itthipurisanimittaṃ vā subhanimittādikaṃ vā kilesavatthubhūtaṃ nimittaṃ chandarāgavasena gaṇhāti, diṭṭhamattavasena na saṇṭhāti. Anubyañjanaggāhīti kilesānaṃ anubyañjanato pākaṭabhāvakaraṇato ‘‘anubyañjana’’nti laddhavohāraṃ hatthapādahasitalapitavilokitādibhedaṃ ākāraṃ gaṇhāti.
яад̇ваад̇хигаран̣амзнанд̇иаад̣̇имхи яам̣гааран̣аа яасса жагкунд̣̇рияаасам̣варасса хзд̇у. зд̇ам̣ буг̇г̇алам̣ сад̇игаваадзна жагкунд̣̇рияам̣ асам̣вуд̇ам̣ абихид̇ажагкуд̣̇ваарам̣ худ̇ваа вихаранд̇ам̣ зд̇з абхиж̇жхаад̣̇аяо д̇хаммаа анваассавзяяум̣. д̇асса сам̣варааяа на бадибаж̇ж̇ад̇ийд̇и д̇асса жагкунд̣̇рияасса сад̇игаваадзна бид̣̇аханад̇т̇ааяа на бадибаж̇ж̇ад̇и. звам̣бхууд̇оязва жа ‘‘на рагкад̇и жагкунд̣̇рияам̣. на жагкунд̣̇рияз сам̣варам̣ аабаж̇ж̇ад̇ий’’д̇иби вужжад̇и.
Yatvādhikaraṇamenantiādimhi yaṃkāraṇā yassa cakkhundriyāsaṃvarassa hetu. Etaṃ puggalaṃ satikavāṭena cakkhundriyaṃ asaṃvutaṃ apihitacakkhudvāraṃ hutvā viharantaṃ ete abhijjhādayo dhammā anvāssaveyyuṃ. Tassa saṃvarāya na paṭipajjatīti tassa cakkhundriyassa satikavāṭena pidahanatthāya na paṭipajjati. Evaṃbhūtoyeva ca ‘‘na rakkhati cakkhundriyaṃ. Na cakkhundriye saṃvaraṃ āpajjatī’’tipi vuccati.
д̇ад̇т̇а гин̃жааби жагкунд̣̇рияз сам̣варо ваа асам̣варо ваа над̇т̇и. на хи жагкубасаад̣̇ам̣ ниссааяа сад̇и ваа мудтассажжам̣ ваа уббаж̇ж̇ад̇и, аби жа яад̣̇аа руубаарамман̣ам̣ жагкусса аабаат̇ам̣ ааг̇ажчад̇и, д̇ад̣̇аа бхаван̇г̇з д̣̇вигкад̇д̇ум̣ уббаж̇ж̇ид̇ваа нируд̣̇д̇хз гирияаманод̇хаад̇у ааваж̇ж̇анагижжам̣ саад̇хаяамаанаа уббаж̇ж̇ид̇ваа нируж̇жхад̇и, д̇ад̇о жагкувин̃н̃аан̣ам̣ д̣̇ассанагижжам̣ д̇ад̇о вибаагаманод̇хаад̇у самбадижчанагижжам̣ д̇ад̇о вибаагаахзд̇угамановин̃н̃аан̣ад̇хаад̇у санд̇ийран̣агижжам̣ д̇ад̇о гирияаахзд̇угамановин̃н̃аан̣ад̇хаад̇у водтабанагижжам̣ саад̇хаяамаанаа уббаж̇ж̇ид̇ваа нируж̇жхад̇и, д̇ад̣̇ананд̇арам̣ ж̇аванам̣ ж̇авад̇и. д̇ад̇рааби нзва бхаван̇г̇асамаяз, на ааваж̇ж̇анаад̣̇ийнам̣ ан̃н̃ад̇арасамаяз сам̣варо ваа асам̣варо ваа ад̇т̇и, ж̇аванагкан̣з бана сажз д̣̇уссийляам̣ ваа мудтассажжам̣ ваа ан̃н̃аан̣ам̣ ваа агканд̇и ваа госаж̇ж̇ам̣ ваа уббаж̇ж̇ад̇и, асам̣варо ход̇и. звам̣ хонд̇о бана со жагкунд̣̇рияз асам̣варод̇и вужжад̇и. гасмаа? яасмаа д̇асмим̣ сад̇и д̣̇ваарамби аг̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇ааниби. яат̇аа гим̣? яат̇аа наг̇арз жад̇уусу д̣̇ваарзсу асам̣вуд̇зсу гин̃жааби анд̇огхарад̣̇ваарагодтагаг̇аб̣бхаад̣̇аяо сусам̣вуд̇аа, д̇ат̇ааби анд̇онаг̇арз саб̣б̣ам̣ бхан̣д̣ам̣ арагкид̇ам̣ аг̇обид̇амзва ход̇и. наг̇арад̣̇ваарзна хи бависид̇ваа жораа яад̣̇ижчанд̇и, д̇ам̣ харзяяум̣. звамзва ж̇аванз д̣̇уссийляаад̣̇ийсу уббаннзсу д̇асмим̣ асам̣варз сад̇и д̣̇ваарамби аг̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇аанибийд̇и.
Tattha kiñcāpi cakkhundriye saṃvaro vā asaṃvaro vā natthi. Na hi cakkhupasādaṃ nissāya sati vā muṭṭhassaccaṃ vā uppajjati, api ca yadā rūpārammaṇaṃ cakkhussa āpāthaṃ āgacchati, tadā bhavaṅge dvikkhattuṃ uppajjitvā niruddhe kiriyamanodhātu āvajjanakiccaṃ sādhayamānā uppajjitvā nirujjhati, tato cakkhuviññāṇaṃ dassanakiccaṃ tato vipākamanodhātu sampaṭicchanakiccaṃ tato vipākāhetukamanoviññāṇadhātu santīraṇakiccaṃ tato kiriyāhetukamanoviññāṇadhātu voṭṭhapanakiccaṃ sādhayamānā uppajjitvā nirujjhati, tadanantaraṃ javanaṃ javati. Tatrāpi neva bhavaṅgasamaye, na āvajjanādīnaṃ aññatarasamaye saṃvaro vā asaṃvaro vā atthi, javanakkhaṇe pana sace dussīlyaṃ vā muṭṭhassaccaṃ vā aññāṇaṃ vā akkhanti vā kosajjaṃ vā uppajjati, asaṃvaro hoti. Evaṃ honto pana so cakkhundriye asaṃvaroti vuccati. Kasmā? Yasmā tasmiṃ sati dvārampi aguttaṃ hoti bhavaṅgampi āvajjanādīni vīthicittānipi. Yathā kiṃ? Yathā nagare catūsu dvāresu asaṃvutesu kiñcāpi antogharadvārakoṭṭhakagabbhādayo susaṃvutā, tathāpi antonagare sabbaṃ bhaṇḍaṃ arakkhitaṃ agopitameva hoti. Nagaradvārena hi pavisitvā corā yadicchanti, taṃ hareyyuṃ. Evameva javane dussīlyādīsu uppannesu tasmiṃ asaṃvare sati dvārampi aguttaṃ hoti bhavaṅgampi āvajjanādīni vīthicittānipīti.
жагкунаа руубам̣ д̣̇исваа на нимид̇д̇аг̇г̇аахий ход̇ийд̇иаад̣̇ийсу на нимид̇д̇аг̇г̇аахий ход̇ийд̇и чанд̣̇арааг̇авасзна вуд̇д̇аббагаарам̣ нимид̇д̇ам̣ на г̇ан̣хаад̇и. звам̣ сзсабад̣̇ааниби вуд̇д̇абадигкзбзна взд̣̇ид̇аб̣б̣аани. яат̇аа жа хздтаа ‘‘ж̇аванз д̣̇уссийляаад̣̇ийсу уббаннзсу д̇асмим̣ асам̣варз сад̇и д̣̇ваарамби аг̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇аанибий’’д̇и вуд̇д̇ам̣, звамид̇ха д̇асмим̣ сийлаад̣̇ийсу уббаннзсу д̣̇ваарамби г̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇ааниби. яат̇аа гим̣? яат̇аа наг̇арад̣̇ваарзсу сам̣вуд̇зсу гин̃жааби анд̇огхараад̣̇аяо асам̣вуд̇аа хонд̇и. д̇ат̇ааби анд̇онаг̇арз саб̣б̣ам̣ бхан̣д̣ам̣ сурагкид̇ам̣ суг̇обид̇амзва ход̇и. наг̇арад̣̇ваарзсу бихид̇зсу жораанам̣ бавзсо над̇т̇и. звамзва ж̇аванз сийлаад̣̇ийсу уббаннзсу д̣̇ваарамби г̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇ааниби. д̇асмаа ж̇аванагкан̣з уббаж̇ж̇амааноби жагкунд̣̇рияз сам̣варод̇и вуд̇д̇о (д̇ха. са. адта. 1352; висуд̣̇д̇хи. 1.15).
Cakkhunā rūpaṃ disvā na nimittaggāhī hotītiādīsu na nimittaggāhī hotīti chandarāgavasena vuttappakāraṃ nimittaṃ na gaṇhāti. Evaṃ sesapadānipi vuttapaṭikkhepena veditabbāni. Yathā ca heṭṭhā ‘‘javane dussīlyādīsu uppannesu tasmiṃ asaṃvare sati dvārampi aguttaṃ hoti bhavaṅgampi āvajjanādīni vīthicittānipī’’ti vuttaṃ, evamidha tasmiṃ sīlādīsu uppannesu dvārampi guttaṃ hoti bhavaṅgampi āvajjanādīni vīthicittānipi. Yathā kiṃ? Yathā nagaradvāresu saṃvutesu kiñcāpi antogharādayo asaṃvutā honti. Tathāpi antonagare sabbaṃ bhaṇḍaṃ surakkhitaṃ sugopitameva hoti. Nagaradvāresu pihitesu corānaṃ paveso natthi. Evameva javane sīlādīsu uppannesu dvārampi guttaṃ hoti bhavaṅgampi āvajjanādīni vīthicittānipi. Tasmā javanakkhaṇe uppajjamānopi cakkhundriye saṃvaroti vutto (dha. sa. aṭṭha. 1352; visuddhi. 1.15).
авассуд̇абарияааяан̃жаад̇и гилзсзхи д̇инд̇агааран̣ан̃жа. анавассуд̇абарияааяан̃жаад̇и гилзсзхи ад̇инд̇агааран̣ан̃жа.
Avassutapariyāyañcāti kilesehi tintakāraṇañca. Anavassutapariyāyañcāti kilesehi atintakāraṇañca.
бияаруубз руубзд̇и идтаж̇аад̇игз руубаарамман̣з. аббияаруубз руубзд̇и анидтасабхаавз руубаарамман̣з. б̣яаабаж̇ж̇ад̇ийд̇и д̣̇осавасзна бууд̇ибхаавамаабаж̇ж̇ад̇и. од̇ааранд̇и чид̣̇д̣̇ам̣ анд̇арам̣. аарамман̣анд̇и бажжаяам̣.
Piyarūperūpeti iṭṭhajātike rūpārammaṇe. Appiyarūpe rūpeti aniṭṭhasabhāve rūpārammaṇe. Byāpajjatīti dosavasena pūtibhāvamāpajjati. Otāranti chiddaṃ antaraṃ. Ārammaṇanti paccayaṃ.
ад̇хибхам̣сууд̇и мад̣̇д̣̇ам̣су. на ад̇хибхосийд̇и на мад̣̇д̣̇и. б̣ахаламад̇д̇игаад̇и бунаббунам̣ д̣̇аанавасзна уд̣̇д̇хамааяигаа б̣ахаламад̇д̇игаа. ад̣̇д̣̇аавалзбанаад̇и асугкамад̇д̇игад̣̇аанаа. сзсамзд̇т̇а уд̇д̇аанам̣.
Adhibhaṃsūti maddaṃsu. Na adhibhosīti na maddi. Bahalamattikāti punappunaṃ dānavasena uddhamāyikā bahalamattikā. Addāvalepanāti asukkhamattikadānā. Sesamettha uttānaṃ.
навамам̣.
Navamaṃ.
150. д̣̇асамз гаасааяавад̇т̇о абхинигкамид̇ваад̇и имасса баад̣̇асса г̇зхаа абхинигкамид̇ваа гаасааяавад̇т̇о худ̇ваад̇и звамад̇т̇о взд̣̇ид̇аб̣б̣о. сзсам̣ вуд̇д̇анаязнзва саггаа ж̇аанид̇унд̇и на вид̇т̇аарид̇анд̇и.
150. Dasame kāsāyavattho abhinikkhamitvāti imassa pādassa gehā abhinikkhamitvā kāsāyavattho hutvāti evamattho veditabbo. Sesaṃ vuttanayeneva sakkā jānitunti na vitthāritanti.
д̣̇асамам̣.
Dasamaṃ.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi / д̇ад̇ияаваг̇г̇о • Tatiyavaggo
