| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. д̇ад̇ияавибхан̇г̇асуд̇д̇ам̣
8. Tatiyavibhaṅgasuttaṃ
508. ‘‘бан̃жимаани, бхигкавз, инд̣̇рияаани. гад̇амаани бан̃жа? сукинд̣̇рияам̣, д̣̇угкинд̣̇рияам̣, соманассинд̣̇рияам̣, д̣̇оманассинд̣̇рияам̣, убзгкинд̣̇рияам̣.
508. ‘‘Pañcimāni, bhikkhave, indriyāni. Katamāni pañca? Sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ.
‘‘гад̇аман̃жа , бхигкавз, сукинд̣̇рияам̣? яам̣ ко, бхигкавз, гааяигам̣ сукам̣ , гааяигам̣ саад̇ам̣, гааяасампассаж̇ам̣ сукам̣ саад̇ам̣ взд̣̇аяид̇ам̣ – ид̣̇ам̣ вужжад̇и, бхигкавз, сукинд̣̇рияам̣.
‘‘Katamañca , bhikkhave, sukhindriyaṃ? Yaṃ kho, bhikkhave, kāyikaṃ sukhaṃ , kāyikaṃ sātaṃ, kāyasamphassajaṃ sukhaṃ sātaṃ vedayitaṃ – idaṃ vuccati, bhikkhave, sukhindriyaṃ.
‘‘гад̇аман̃жа, бхигкавз, д̣̇угкинд̣̇рияам̣? яам̣ ко, бхигкавз, гааяигам̣ д̣̇угкам̣, гааяигам̣ асаад̇ам̣, гааяасампассаж̇ам̣ д̣̇угкам̣ асаад̇ам̣ взд̣̇аяид̇ам̣ – ид̣̇ам̣ вужжад̇и, бхигкавз, д̣̇угкинд̣̇рияам̣.
‘‘Katamañca, bhikkhave, dukkhindriyaṃ? Yaṃ kho, bhikkhave, kāyikaṃ dukkhaṃ, kāyikaṃ asātaṃ, kāyasamphassajaṃ dukkhaṃ asātaṃ vedayitaṃ – idaṃ vuccati, bhikkhave, dukkhindriyaṃ.
‘‘гад̇аман̃жа, бхигкавз, соманассинд̣̇рияам̣? яам̣ ко, бхигкавз, жзд̇асигам̣ сукам̣, жзд̇асигам̣ саад̇ам̣, маносампассаж̇ам̣ сукам̣ саад̇ам̣ взд̣̇аяид̇ам̣ – ид̣̇ам̣ вужжад̇и, бхигкавз, соманассинд̣̇рияам̣.
‘‘Katamañca, bhikkhave, somanassindriyaṃ? Yaṃ kho, bhikkhave, cetasikaṃ sukhaṃ, cetasikaṃ sātaṃ, manosamphassajaṃ sukhaṃ sātaṃ vedayitaṃ – idaṃ vuccati, bhikkhave, somanassindriyaṃ.
‘‘гад̇аман̃жа , бхигкавз, д̣̇оманассинд̣̇рияам̣? яам̣ ко, бхигкавз, жзд̇асигам̣ д̣̇угкам̣, жзд̇асигам̣ асаад̇ам̣, маносампассаж̇ам̣ д̣̇угкам̣ асаад̇ам̣ взд̣̇аяид̇ам̣ – ид̣̇ам̣ вужжад̇и, бхигкавз, д̣̇оманассинд̣̇рияам̣.
‘‘Katamañca , bhikkhave, domanassindriyaṃ? Yaṃ kho, bhikkhave, cetasikaṃ dukkhaṃ, cetasikaṃ asātaṃ, manosamphassajaṃ dukkhaṃ asātaṃ vedayitaṃ – idaṃ vuccati, bhikkhave, domanassindriyaṃ.
‘‘гад̇аман̃жа, бхигкавз, убзгкинд̣̇рияам̣? яам̣ ко, бхигкавз, гааяигам̣ ваа жзд̇асигам̣ ваа нзва саад̇ам̣ наасаад̇ам̣ взд̣̇аяид̇ам̣ – ид̣̇ам̣ вужжад̇и, бхигкавз, убзгкинд̣̇рияам̣.
‘‘Katamañca, bhikkhave, upekkhindriyaṃ? Yaṃ kho, bhikkhave, kāyikaṃ vā cetasikaṃ vā neva sātaṃ nāsātaṃ vedayitaṃ – idaṃ vuccati, bhikkhave, upekkhindriyaṃ.
‘‘д̇ад̇ра, бхигкавз, яан̃жа сукинд̣̇рияам̣ яан̃жа соманассинд̣̇рияам̣, сукаа саа взд̣̇анаа д̣̇адтаб̣б̣аа. д̇ад̇ра, бхигкавз, яан̃жа д̣̇угкинд̣̇рияам̣ яан̃жа д̣̇оманассинд̣̇рияам̣, д̣̇угкаа саа взд̣̇анаа д̣̇адтаб̣б̣аа. д̇ад̇ра, бхигкавз, яад̣̇ид̣̇ам̣ убзгкинд̣̇рияам̣, ад̣̇угкамасукаа саа взд̣̇анаа д̣̇адтаб̣б̣аа . ид̇и ко, бхигкавз, имаани бан̃жинд̣̇рияаани бан̃жа худ̇ваа д̇ийн̣и хонд̇и, д̇ийн̣и худ̇ваа бан̃жа хонд̇и барияааязнаа’’д̇и. адтамам̣.
‘‘Tatra, bhikkhave, yañca sukhindriyaṃ yañca somanassindriyaṃ, sukhā sā vedanā daṭṭhabbā. Tatra, bhikkhave, yañca dukkhindriyaṃ yañca domanassindriyaṃ, dukkhā sā vedanā daṭṭhabbā. Tatra, bhikkhave, yadidaṃ upekkhindriyaṃ, adukkhamasukhā sā vedanā daṭṭhabbā . Iti kho, bhikkhave, imāni pañcindriyāni pañca hutvā tīṇi honti, tīṇi hutvā pañca honti pariyāyenā’’ti. Aṭṭhamaṃ.
