| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
д̇ад̇рид̣̇ам̣ багин̣н̣агам̣
Tatridaṃ pakiṇṇakaṃ
адтамасигкаабад̣̇ам̣ барзна ад̇д̇ано ад̇т̇ааяа д̣̇ияяамаанасса ваа бааривад̇д̇агабхаавзна д̣̇ияяамаанасса ваа бам̣сугууласса ваа руубияасса уг̇г̇ан̣ханауг̇г̇ан̣хаабанасаад̣̇ияанаани бадигкибад̇и.
Aṭṭhamasikkhāpadaṃ parena attano atthāya diyyamānassa vā pārivattakabhāvena diyyamānassa vā paṃsukūlassa vā rūpiyassa uggaṇhanauggaṇhāpanasādiyanāni paṭikkhipati.
навамам̣ барасса ваа ад̇д̇ано ваа руубияабаривад̇д̇анам̣ бадигкибад̇и.
Navamaṃ parassa vā attano vā rūpiyaparivattanaṃ paṭikkhipati.
д̣̇асамам̣ аруубияабаривад̇д̇анам̣. ‘‘аруубияз аруубияасан̃н̃ий бан̃жаннам̣ саха анаабад̇д̇ий’’д̇и (баараа. 591; ви. ви. дий. 1.591; важ̇ира. дий. баарааж̇ига 587) жа важанам̣ ид̇арзхи саха аабад̇д̇ийд̇и д̣̇ийбзд̇и. аруубияан̃жа д̣̇уггадавад̇т̇у. д̇асмаа д̇асса баривад̇д̇анз сад̇и ниссаг̇г̇ияанд̇и зганд̇зна вуд̇д̇ам̣. бан̃жаннам̣ саха д̣̇уггадавад̇т̇уунам̣ баривад̇д̇анз анаабад̇д̇иббасан̇г̇ад̇о анаабад̇д̇и зваад̇и бораан̣аад̇и жз? на, габбияавад̇т̇уунам̣язва д̇ад̇т̇а ааг̇ад̇ад̇д̇аа. яад̣̇и габбияавад̇т̇у ниссаг̇г̇ияам̣, баг̇зва д̣̇уггадавад̇т̇ууд̇и жз? на, аабад̇д̇иг̇аругалахугабхаавзна вад̇т̇уг̇аругалахуганияамаабхаавад̇о.
Dasamaṃ arūpiyaparivattanaṃ. ‘‘Arūpiye arūpiyasaññī pañcannaṃ saha anāpattī’’ti (pārā. 591; vi. vi. ṭī. 1.591; vajira. ṭī. pārājika 587) ca vacanaṃ itarehi saha āpattīti dīpeti. Arūpiyañca dukkaṭavatthu. Tasmā tassa parivattane sati nissaggiyanti ekantena vuttaṃ. Pañcannaṃ saha dukkaṭavatthūnaṃ parivattane anāpattippasaṅgato anāpatti evāti porāṇāti ce? Na, kappiyavatthūnaṃyeva tattha āgatattā. Yadi kappiyavatthu nissaggiyaṃ, pageva dukkaṭavatthūti ce? Na, āpattigarukalahukabhāvena vatthugarukalahukaniyamābhāvato.
ниссаг̇г̇ияавад̇т̇уд̇о хи муд̇д̇ааман̣ивзл̣урияаад̣̇и махаг̇гхаббахонагамби д̣̇уггадавад̇т̇ууд̇и гад̇ваа ниссаг̇г̇ияавад̇т̇уд̇о муд̇д̇аад̣̇и лахугам̣ ход̇и. лахугзби вад̇т̇усмим̣ яат̇зва д̣̇уггадавад̇т̇уно бадиг̇г̇ахан̣з д̣̇уггадам̣, д̇ат̇зва д̇асса ваа д̇зна ваа жзд̇аабанзби д̣̇уггадам̣ яуд̇д̇анд̇и (баараа. адта. 2.589) адтагат̇аажарияаа.
Nissaggiyavatthuto hi muttāmaṇiveḷuriyādi mahagghappahonakampi dukkaṭavatthūti katvā nissaggiyavatthuto muttādi lahukaṃ hoti. Lahukepi vatthusmiṃ yatheva dukkaṭavatthuno paṭiggahaṇe dukkaṭaṃ, tatheva tassa vā tena vā cetāpanepi dukkaṭaṃ yuttanti (pārā. aṭṭha. 2.589) aṭṭhakathācariyā.
ат̇а ваа яам̣ вуд̇д̇ам̣ ‘‘габбияавад̇т̇уунам̣язва д̇ад̇т̇а ааг̇ад̇ад̇д̇аа’’д̇и, д̇ад̇т̇а гин̃жааби д̣̇уггадавад̇т̇ууниби ад̇хиббзд̇аани, на бана баал̣ияам̣ вуд̇д̇аани анаабад̇д̇иваараббасан̇г̇абхаяаад̇и вуд̇д̇ам̣ ход̇и. муд̇д̇аад̣̇ийсуби вуд̇д̇зсу анаабад̇д̇ияам̣ габбияагаарагасса аажигкад̇и, ‘‘ид̣̇ам̣ муд̇д̇аад̣̇и амхаагам̣ ад̇т̇и, амхааган̃жа иминаа жа иминаа жа взл̣урияаад̣̇инаа ад̇т̇о’’д̇и бхан̣ад̇и, д̣̇асамзна аабаж̇ж̇ад̇ийд̇и ад̇хиббааяо сияаа. яасмаа жа ид̣̇ам̣ габбияагаарагасса аажигканаад̣̇исам̣вохааро жа, д̇асмаа д̇ам̣ навамзна вуд̇д̇анд̇и взд̣̇ид̇аб̣б̣ам̣. гин̃жааби гаяавиггаязва ход̇и габбияавад̇т̇уухи анун̃н̃аад̇ам̣, иминаава наязна гин̃жааби д̣̇уггадавад̇т̇уби д̣̇асамз ад̇хиббзд̇ам̣ аабаж̇ж̇ад̇и, адтагат̇аавирод̇хад̇о бана наад̇хиббзд̇амижжзва г̇ахзд̇аб̣б̣о.
Atha vā yaṃ vuttaṃ ‘‘kappiyavatthūnaṃyeva tattha āgatattā’’ti, tattha kiñcāpi dukkaṭavatthūnipi adhippetāni, na pana pāḷiyaṃ vuttāni anāpattivārappasaṅgabhayāti vuttaṃ hoti. Muttādīsupi vuttesu anāpattiyaṃ kappiyakārakassa ācikkhati, ‘‘idaṃ muttādi amhākaṃ atthi, amhākañca iminā ca iminā ca veḷuriyādinā attho’’ti bhaṇati, dasamena āpajjatīti adhippāyo siyā. Yasmā ca idaṃ kappiyakārakassa ācikkhanādisaṃvohāro ca, tasmā taṃ navamena vuttanti veditabbaṃ. Kiñcāpi kayavikkayeva hoti kappiyavatthūhi anuññātaṃ, imināva nayena kiñcāpi dukkaṭavatthupi dasame adhippetaṃ āpajjati, aṭṭhakathāvirodhato pana nādhippetamicceva gahetabbo.
гаа банзд̇т̇а гааран̣ажчааяаад̇и, бан̃жаннам̣ саха д̇ад̇т̇а анаабад̇д̇иббасан̇г̇ад̇о анаабад̇д̇и зваад̇и жз? на, д̇ад̇т̇а анааг̇ад̇ад̇д̇аа. анааг̇ад̇агааран̣аа вуд̇д̇анд̇и жз? на, бан̃жаннам̣ саха аабад̇д̇ивад̇т̇угасса анаабад̇д̇ивааралаабхз висзсагааран̣аабхааваа, агаббияад̇д̇аа бан̃жаннам̣ сахааби аабад̇д̇ияаа бхавид̇аб̣б̣анд̇и сид̣̇д̇хо адтагат̇ааваад̣̇о.
Kā panettha kāraṇacchāyāti, pañcannaṃ saha tattha anāpattippasaṅgato anāpatti evāti ce? Na, tattha anāgatattā. Anāgatakāraṇā vuttanti ce? Na, pañcannaṃ saha āpattivatthukassa anāpattivāralābhe visesakāraṇābhāvā, akappiyattā pañcannaṃ sahāpi āpattiyā bhavitabbanti siddho aṭṭhakathāvādo.
абаро наяо – яад̣̇и д̣̇уггадавад̇т̇унаа гаяавиггаяз ниссаг̇г̇ияам̣, габбияавад̇т̇умхи вуд̇д̇абарияааяо д̇ад̇т̇а лаб̣бхзяяа, на бана лаб̣бхад̇ийд̇и навамз зва д̇аани вад̇д̇аб̣б̣аани. д̇асмаа сам̣вохааро наама гаяавиггаяоби ан̃н̃ат̇аа баривад̇д̇анам̣ барияаад̣̇ияид̇ваа бавад̇д̇о, гаяавиггаяан̃жа можзд̇ваа ‘‘иминаа имам̣ д̣̇зхий’д̇и жзд̇аабзд̇и, ваддад̇ий’’д̇и авад̇ваа д̣̇асамасса анаабад̇д̇иваарз вуд̇д̇анаязнзва д̇зсам̣ баривад̇д̇анз ниссаг̇г̇ияаанумад̇ивирод̇хад̇о адтагат̇ааяам̣ вуд̇д̇анаязнзва д̣̇уггадавад̇т̇унаа жзд̇аабанз д̣̇уггадамзва. нзсам̣ гаяавиггаязна ниссаг̇г̇ияанд̇и жз? на, саб̣б̣ассаби гаяавиггаяад̇д̇аа. д̇знзва вуд̇д̇ам̣ ‘‘анд̇хагадтагат̇ааяам̣ бана ‘сажз гаяавиггаяам̣ самаабаж̇ж̇зяяа, ниссаг̇г̇ияам̣ баажид̇д̇ияа’нд̇и бхаасид̇ам̣, д̇ам̣ д̣̇уб̣бхаасид̇ам̣. гасмаа? на хи д̣̇аанаг̇г̇ахан̣ад̇о ан̃н̃о гаяавиггаяо наама ад̇т̇ий’’д̇и (баараа. адта. 2.589), ад̇д̇ано мад̇ияаа гаяавиггаяалагкан̣асаммад̇з д̣̇асамасса анаабад̇д̇иваарз вуд̇д̇анаязнзва д̇зсам̣ баривад̇д̇анз ниссаг̇г̇ияаанумад̇ивирод̇хад̇о жа. бхавад̇у ваа ад̇д̇ано бадисид̣̇д̇хамид̣̇ам̣ гааран̣ам̣, д̣̇асамз авассамзва ж̇аанид̇аб̣б̣аанийд̇и д̇аани гаяавиггаяаанзваад̇и д̇зсам̣ ниссаг̇г̇ияабхааван̃жа г̇ад̇аанийд̇и звамби сид̣̇д̇хо адтагат̇ааваад̣̇о.
Aparo nayo – yadi dukkaṭavatthunā kayavikkaye nissaggiyaṃ, kappiyavatthumhi vuttapariyāyo tattha labbheyya, na pana labbhatīti navame eva tāni vattabbāni. Tasmā saṃvohāro nāma kayavikkayopi aññathā parivattanaṃ pariyādiyitvā pavatto, kayavikkayañca mocetvā ‘‘iminā imaṃ dehī’ti cetāpeti, vaṭṭatī’’ti avatvā dasamassa anāpattivāre vuttanayeneva tesaṃ parivattane nissaggiyānumativirodhato aṭṭhakathāyaṃ vuttanayeneva dukkaṭavatthunā cetāpane dukkaṭameva. Nesaṃ kayavikkayena nissaggiyanti ce? Na, sabbassapi kayavikkayattā. Teneva vuttaṃ ‘‘andhakaṭṭhakathāyaṃ pana ‘sace kayavikkayaṃ samāpajjeyya, nissaggiyaṃ pācittiya’nti bhāsitaṃ, taṃ dubbhāsitaṃ. Kasmā? Na hi dānaggahaṇato añño kayavikkayo nāma atthī’’ti (pārā. aṭṭha. 2.589), attano matiyā kayavikkayalakkhaṇasammate dasamassa anāpattivāre vuttanayeneva tesaṃ parivattane nissaggiyānumativirodhato ca. Bhavatu vā attano paṭisiddhamidaṃ kāraṇaṃ, dasame avassameva jānitabbānīti tāni kayavikkayānevāti tesaṃ nissaggiyabhāvañca gatānīti evampi siddho aṭṭhakathāvādo.
зд̇т̇ааху бораан̣аа – ‘‘ад̇д̇ано санд̇агам̣ руубияам̣ барахад̇т̇аг̇ад̇ам̣ гарод̇и аж̇жхаажарад̇и, д̣̇уггадам̣. барасса руубияам̣ ад̇д̇ано хад̇т̇аг̇ад̇ам̣ гарод̇и, адтамзна ниссаг̇г̇ияам̣. уг̇г̇ахид̇авад̇т̇убаривад̇д̇анз гат̇ам̣ ж̇аад̇ам̣? аб̣б̣охааригам̣ ж̇аад̇ам̣. ат̇а барасса руубияам̣ ад̇д̇ано хад̇т̇аг̇ад̇ам̣ батамам̣ гарод̇и, руубияаббадиг̇г̇ахан̣асса гад̇ад̇д̇аа адтамзна ниссаг̇г̇ияам̣. ад̇д̇ано санд̇агам̣ руубияам̣ барасса хад̇т̇аг̇ад̇ам̣ бажчаа гарод̇и, сам̣вохаарзна ниссаг̇г̇ияа’’нд̇и. ‘‘руубияасса г̇ахан̣амад̇д̇зна адтамзна аабад̇д̇и, бажчаа баривад̇д̇анз навамзнаа’’д̇и хи д̇ад̇т̇а вуд̇д̇ам̣, д̇ам̣ бана яуд̇д̇ам̣. ‘‘аж̇жхаажарад̇и, д̣̇уггада’’нд̇и д̣̇увуд̇д̇ам̣. д̣̇уггадасса анияамаббасан̇г̇ад̇о ниссаж̇ж̇анавид̇хаанзсу д̣̇ассид̇ова. гим̣ вуд̇д̇ам̣ ход̇и – яад̣̇и д̣̇вийхи ниссаг̇г̇иязхи бхавид̇аб̣б̣ам̣, ниссаж̇ж̇анавид̇хаанз ‘‘ахам̣, бханд̇з, руубияам̣ бадиг̇г̇ахзсим̣, наанааббагаараган̃жа руубияасам̣вохаарам̣ самаабаж̇ж̇и’’нд̇и вад̇д̇аб̣б̣ам̣ бхавзяяа ‘‘руубияам̣ жзд̇аабзд̇ий’’д̇и саб̣б̣ад̇т̇а баал̣ияам̣ руубияаббадиг̇г̇ахан̣асса вуд̇д̇ад̇д̇аа.
Etthāhu porāṇā – ‘‘attano santakaṃ rūpiyaṃ parahatthagataṃ karoti ajjhācarati, dukkaṭaṃ. Parassa rūpiyaṃ attano hatthagataṃ karoti, aṭṭhamena nissaggiyaṃ. Uggahitavatthuparivattane kathaṃ jātaṃ? Abbohārikaṃ jātaṃ. Atha parassa rūpiyaṃ attano hatthagataṃ paṭhamaṃ karoti, rūpiyappaṭiggahaṇassa katattā aṭṭhamena nissaggiyaṃ. Attano santakaṃ rūpiyaṃ parassa hatthagataṃ pacchā karoti, saṃvohārena nissaggiya’’nti. ‘‘Rūpiyassa gahaṇamattena aṭṭhamena āpatti, pacchā parivattane navamenā’’ti hi tattha vuttaṃ, taṃ pana yuttaṃ. ‘‘Ajjhācarati, dukkaṭa’’nti duvuttaṃ. Dukkaṭassa aniyamappasaṅgato nissajjanavidhānesu dassitova. Kiṃ vuttaṃ hoti – yadi dvīhi nissaggiyehi bhavitabbaṃ, nissajjanavidhāne ‘‘ahaṃ, bhante, rūpiyaṃ paṭiggahesiṃ, nānāppakārakañca rūpiyasaṃvohāraṃ samāpajji’’nti vattabbaṃ bhaveyya ‘‘rūpiyaṃ cetāpetī’’ti sabbattha pāḷiyaṃ rūpiyappaṭiggahaṇassa vuttattā.
зд̇д̇аавад̇аа яам̣ бораан̣аг̇ан̣тибад̣̇з вуд̇д̇ам̣ ‘‘д̣̇уггадавад̇т̇унаа гаяавиггаяам̣ барихаранд̇зна жад̇уусу ниссаг̇г̇ияавад̇т̇уусу згзгасмим̣ г̇ахид̇з адтамзна ниссаг̇г̇ияам̣ ход̇и. д̣̇уггадавад̇т̇унаа д̣̇уггадавад̇т̇унд̇и ‘‘иминаа ид̣̇ам̣ д̣̇зхий’’д̇и г̇ахид̇з д̇знзва ниссаг̇г̇ияам̣ ход̇и. ‘‘гаяавиггаяамби нийхарид̇ваа г̇ахид̇з д̣̇уггадам̣, жзд̇аабид̇аруубияаг̇г̇ахан̣з адтамзна, баривад̇д̇анз навамзнаад̇иаад̣̇инаа ад̇д̇анаа ануг̇г̇ахзд̇ваа габбияавасзна нийхарид̇ваа бан̃жахи сахад̇хаммигзхи сад̣̇д̇хим̣ баривад̇д̇зд̇ум̣ ваддад̇ий’’д̇и, д̇ам̣ висод̇хид̇ам̣ ход̇и. абарамби д̇ад̇т̇а вуд̇д̇ам̣ ‘‘ниссаж̇ж̇ид̇аб̣б̣з асад̇и гат̇ам̣ баажид̇д̇ияам̣, д̣̇унниссадтаруубияамби ‘на чад̣д̣зд̇ий’д̇и вад̣̇анд̇асса виссадто убаасаго д̇ам̣ г̇ахзд̇ваа ан̃н̃ам̣ жз бхигкуно д̣̇зд̇и, габбад̇ий’’д̇и, д̇ан̃жа д̣̇увуд̇д̇ам̣. на хи г̇ахид̇ад̇д̇аа д̇ад̇о ан̃н̃ам̣ вад̇т̇у ход̇и. буна абаран̃жа д̇ад̇т̇а вуд̇д̇ам̣ ‘‘имам̣ ‘г̇ан̣хаахий’д̇и вад̣̇анд̇асса сад̣̇д̇хаад̣̇зяяавинибаад̇ад̣̇уггадам̣, ‘зд̇ам̣ д̣̇зхий’д̇и вад̣̇анд̇асса вин̃н̃ад̇д̇ид̣̇уггада’’нд̇и, д̇ан̃жа д̣̇увуд̇д̇ам̣. д̇ад̇т̇а хи баяог̇ад̣̇уггадам̣ яуд̇д̇ам̣ вияа бан̃н̃ааяад̇и.
Ettāvatā yaṃ porāṇagaṇṭhipade vuttaṃ ‘‘dukkaṭavatthunā kayavikkayaṃ pariharantena catūsu nissaggiyavatthūsu ekekasmiṃ gahite aṭṭhamena nissaggiyaṃ hoti. Dukkaṭavatthunā dukkaṭavatthunti ‘‘iminā idaṃ dehī’’ti gahite teneva nissaggiyaṃ hoti. ‘‘Kayavikkayampi nīharitvā gahite dukkaṭaṃ, cetāpitarūpiyaggahaṇe aṭṭhamena, parivattane navamenātiādinā attanā anuggahetvā kappiyavasena nīharitvā pañcahi sahadhammikehi saddhiṃ parivattetuṃ vaṭṭatī’’ti, taṃ visodhitaṃ hoti. Aparampi tattha vuttaṃ ‘‘nissajjitabbe asati kathaṃ pācittiyaṃ, dunnissaṭṭharūpiyampi ‘na chaḍḍetī’ti vadantassa vissaṭṭho upāsako taṃ gahetvā aññaṃ ce bhikkhuno deti, kappatī’’ti, tañca duvuttaṃ. Na hi gahitattā tato aññaṃ vatthu hoti. Puna aparañca tattha vuttaṃ ‘‘imaṃ ‘gaṇhāhī’ti vadantassa saddhādeyyavinipātadukkaṭaṃ, ‘etaṃ dehī’ti vadantassa viññattidukkaṭa’’nti, tañca duvuttaṃ. Tattha hi payogadukkaṭaṃ yuttaṃ viya paññāyati.
багин̣н̣агам̣ нидтид̇ам̣.
Pakiṇṇakaṃ niṭṭhitaṃ.
зл̣агаломаваг̇г̇о д̣̇уд̇ияо.
Eḷakalomavaggo dutiyo.
