| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
7. ததுத்தரிஸிக்கா²பத³வண்ணனா
7. Tatuttarisikkhāpadavaṇṇanā
522-524. ஸத்தமே பாளியங் பக்³கா³ஹிகஸாலந்தி து³ஸ்ஸாபணங். தஞ்ஹி வாணிஜகேஹி து³ஸ்ஸானி பக்³க³ஹெத்வா த³ஸ்ஸனட்டா²னதாய ‘‘பக்³கா³ஹிகஸாலா’’தி வுச்சதி. அஸ்ஸ சீவரஸ்ஸாதி ஸாதி³தப்³ப³சீவரஸ்ஸ. ‘‘திசீவரிகேனா’’தி இமினா அச்சி²ன்னதிசீவரதோ அஞ்ஞஸ்ஸ விஹாராதீ³ஸு நிஹிதஸ்ஸ சீவரஸ்ஸ அபா⁴வங் த³ஸ்ஸேதி. யதி³ ப⁴வெய்ய, விஞ்ஞாபேதுங் ந வட்டெய்ய. தாவகாலிகங் நிவாஸெத்வா அத்தனோ சீவரங் கா³ஹேதப்³ப³ங், தாவகாலிகம்பி அலப⁴ந்தஸ்ஸ பூ⁴தகா³மவிகோபனங் கத்வா திணபண்ணேஹி ச²த³னங் விய விஞ்ஞாபனம்பி வட்டதி ஏவ. அஞ்ஞேனாதி அச்சி²ன்னஅஸப்³ப³சீவரேன. த்³வே நட்டா²னீதி அதி⁴காரதோ வுத்தங் ‘‘த்³வே ஸாதி³தப்³பா³னீ’’தி.
522-524. Sattame pāḷiyaṃ paggāhikasālanti dussāpaṇaṃ. Tañhi vāṇijakehi dussāni paggahetvā dassanaṭṭhānatāya ‘‘paggāhikasālā’’ti vuccati. Assa cīvarassāti sāditabbacīvarassa. ‘‘Ticīvarikenā’’ti iminā acchinnaticīvarato aññassa vihārādīsu nihitassa cīvarassa abhāvaṃ dasseti. Yadi bhaveyya, viññāpetuṃ na vaṭṭeyya. Tāvakālikaṃ nivāsetvā attano cīvaraṃ gāhetabbaṃ, tāvakālikampi alabhantassa bhūtagāmavikopanaṃ katvā tiṇapaṇṇehi chadanaṃ viya viññāpanampi vaṭṭati eva. Aññenāti acchinnaasabbacīvarena. Dve naṭṭhānīti adhikārato vuttaṃ ‘‘dve sāditabbānī’’ti.
526. பாளியா ந ஸமேதீதி ‘‘அனாபத்தி ஞாதகானங் பவாரிதான’’ந்தி இமாய பாளியா ந ஸமேதி ததுத்தரிவிஞ்ஞாபனஆபத்திப்பஸங்கே³ ஏவ வுத்தத்தா. ‘‘அஞ்ஞஸ்ஸத்தா²யாதி ந வுத்த’’ந்தி இத³ங் அஞ்ஞஸ்ஸத்தா²ய ததுத்தரி விஞ்ஞாபனே நிஸ்ஸக்³கி³யங் பாசித்தியங் ஹோதீதி இமமத்த²ங் தீ³பேதி, தஞ்ச பாசித்தியங் யேஸங் அத்தா²ய விஞ்ஞாபேதி, தேஸங் வா ஸியா, விஞ்ஞாபகஸ்ஸேவ வா, ந தாவ தேஸங் தேஹி அவிஞ்ஞாபிதத்தா, நாபி விஞ்ஞாபகஸ்ஸ அத்தானங் உத்³தி³ஸ்ஸ அவிஞ்ஞாபிதத்தா. தஸ்மா அஞ்ஞஸ்ஸத்தா²ய விஞ்ஞாபெந்தஸ்ஸாபி நிஸ்ஸக்³கி³யங் பாசித்தியங் ந தி³ஸ்ஸதி. பாளியங் பன இமஸ்ஸ ஸிக்கா²பத³ஸ்ஸ அத்தனோ ஸாதி³யனபடிப³த்³த⁴தாவஸேன பவத்தத்தா ‘‘அஞ்ஞஸ்ஸத்தா²யா’’தி அனாபத்திவாரே ந வுத்தந்தி வத³ந்தி, தஞ்ச யுத்தங் விய தி³ஸ்ஸதி, வீமங்ஸித்வா க³ஹேதப்³ப³ங். ததுத்தரிசீவரதா, அச்சி²ன்னாதி³காரணதா, அஞ்ஞாதகவிஞ்ஞத்தி, தாய ச படிலாபோ⁴தி இமானெத்த² சத்தாரி அங்கா³னி.
526.Pāḷiyā na sametīti ‘‘anāpatti ñātakānaṃ pavāritāna’’nti imāya pāḷiyā na sameti tatuttariviññāpanaāpattippasaṅge eva vuttattā. ‘‘Aññassatthāyāti na vutta’’nti idaṃ aññassatthāya tatuttari viññāpane nissaggiyaṃ pācittiyaṃ hotīti imamatthaṃ dīpeti, tañca pācittiyaṃ yesaṃ atthāya viññāpeti, tesaṃ vā siyā, viññāpakasseva vā, na tāva tesaṃ tehi aviññāpitattā, nāpi viññāpakassa attānaṃ uddissa aviññāpitattā. Tasmā aññassatthāya viññāpentassāpi nissaggiyaṃ pācittiyaṃ na dissati. Pāḷiyaṃ pana imassa sikkhāpadassa attano sādiyanapaṭibaddhatāvasena pavattattā ‘‘aññassatthāyā’’ti anāpattivāre na vuttanti vadanti, tañca yuttaṃ viya dissati, vīmaṃsitvā gahetabbaṃ. Tatuttaricīvaratā, acchinnādikāraṇatā, aññātakaviññatti, tāya ca paṭilābhoti imānettha cattāri aṅgāni.
ததுத்தரிஸிக்கா²பத³வண்ணனா நிட்டி²தா.
Tatuttarisikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ததுத்தரிஸிக்கா²பத³ங் • 7. Tatuttarisikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 7. ததுத்தரிஸிக்கா²பத³வண்ணனா • 7. Tatuttarisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 7. ததுத்தரிஸிக்கா²பத³வண்ணனா • 7. Tatuttarisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 7. ததுத்தரிஸிக்கா²பத³வண்ணனா • 7. Tatuttarisikkhāpadavaṇṇanā
