| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. д̇ад̇уд̇д̇арисигкаабад̣̇аван̣н̣анаа
7. Tatuttarisikkhāpadavaṇṇanā
522-4. д̇зна самаязнаад̇и д̇ад̇уд̇д̇арисигкаабад̣̇ам̣. д̇ад̇т̇а абхихадтунд̇и абхийд̇и убасаг̇г̇о, харид̇унд̇и ад̇т̇о, г̇ан̣хид̇унд̇и вуд̇д̇ам̣ ход̇и. баваарзяяаад̇и ижчаабзяяа, ижчам̣ ружим̣ уббаад̣̇зяяа, вад̣̇зяяа ниманд̇зяяаад̇и ад̇т̇о. абхихадтум̣ баваарзнд̇зна бана яат̇аа вад̇д̇аб̣б̣ам̣, д̇ам̣ аагаарам̣ д̣̇ассзд̇ум̣ ‘‘яаавад̇агам̣ ижчаси д̇аавад̇агам̣ г̇ан̣хаахий’’д̇и звамасса бад̣̇абхааж̇анам̣ вуд̇д̇ам̣. ат̇а ваа яат̇аа ‘‘нзгкаммам̣ д̣̇адту кзмад̇о’’д̇и (су. ни. 426, 1104; жуул̣ани. ж̇ад̇уган̣н̣имаан̣авабужчаанид̣̇д̣̇зса 67) зд̇т̇а д̣̇исваад̇и ад̇т̇о, звамид̇хааби ‘‘абхиадтум̣ баваарзяяаа’’д̇и абхихарид̇ваа баваарзяяаад̇и ад̇т̇о. д̇ад̇т̇а гааяаабхихааро ваажаабхихаарод̇и д̣̇увид̇хо абхихааро, гааязна ваа хи вад̇т̇аани абхихарид̇ваа баад̣̇амуулз табзд̇ваа ‘‘яад̇д̇агам̣ ижчаси д̇ад̇д̇агам̣ г̇ан̣хаахий’’д̇и вад̣̇анд̇о баваарзяяа, ваажааяа ваа ‘‘амхаагам̣ д̣̇уссагодтааг̇аарам̣ барибун̣н̣ам̣, яад̇д̇агам̣ ижчаси д̇ад̇д̇агам̣ г̇ан̣хаахий’’д̇и вад̣̇анд̇о баваарзяяа, д̇ад̣̇убхаяамби згаж̇жхам̣ гад̇ваа ‘‘абхихадтум̣ баваарзяяаа’’д̇и вуд̇д̇ам̣.
522-4.Tenasamayenāti tatuttarisikkhāpadaṃ. Tattha abhihaṭṭhunti abhīti upasaggo, haritunti attho, gaṇhitunti vuttaṃ hoti. Pavāreyyāti icchāpeyya, icchaṃ ruciṃ uppādeyya, vadeyya nimanteyyāti attho. Abhihaṭṭhuṃ pavārentena pana yathā vattabbaṃ, taṃ ākāraṃ dassetuṃ ‘‘yāvatakaṃ icchasi tāvatakaṃ gaṇhāhī’’ti evamassa padabhājanaṃ vuttaṃ. Atha vā yathā ‘‘nekkhammaṃ daṭṭhu khemato’’ti (su. ni. 426, 1104; cūḷani. jatukaṇṇimāṇavapucchāniddesa 67) ettha disvāti attho, evamidhāpi ‘‘abhiaṭṭhuṃ pavāreyyā’’ti abhiharitvā pavāreyyāti attho. Tattha kāyābhihāro vācābhihāroti duvidho abhihāro, kāyena vā hi vatthāni abhiharitvā pādamūle ṭhapetvā ‘‘yattakaṃ icchasi tattakaṃ gaṇhāhī’’ti vadanto pavāreyya, vācāya vā ‘‘amhākaṃ dussakoṭṭhāgāraṃ paripuṇṇaṃ, yattakaṃ icchasi tattakaṃ gaṇhāhī’’ti vadanto pavāreyya, tadubhayampi ekajjhaṃ katvā ‘‘abhihaṭṭhuṃ pavāreyyā’’ti vuttaṃ.
санд̇аруд̇д̇арабараманд̇и саанд̇арам̣ уд̇д̇арам̣ барамам̣ асса жийварассаад̇и санд̇аруд̇д̇арабарамам̣, ниваасанзна сад̣̇д̇хим̣ баарубанам̣ уггадтабарижчзд̣̇о ассаад̇и вуд̇д̇ам̣ ход̇и. д̇ад̇о жийварам̣ саад̣̇ид̇аб̣б̣анд̇и д̇ад̇о абхихадажийварад̇о зд̇д̇агам̣ жийварам̣ г̇ахзд̇аб̣б̣ам̣, на ид̇о баранд̇и ад̇т̇о. яасмаа бана ажчиннасаб̣б̣ажийварзна д̇ижийваригзнзва бхигкунаа звам̣ бадибаж̇ж̇ид̇аб̣б̣ам̣, ан̃н̃зна ан̃н̃ат̇ааби, д̇асмаа д̇ам̣ вибхааг̇ам̣ д̣̇ассзд̇ум̣ ‘‘сажз д̇ийн̣и надтаани хонд̇ий’’д̇иаад̣̇инаа наязнасса бад̣̇абхааж̇анам̣ вуд̇д̇ам̣.
Santaruttaraparamanti saantaraṃ uttaraṃ paramaṃ assa cīvarassāti santaruttaraparamaṃ, nivāsanena saddhiṃ pārupanaṃ ukkaṭṭhaparicchedo assāti vuttaṃ hoti. Tato cīvaraṃ sāditabbanti tato abhihaṭacīvarato ettakaṃ cīvaraṃ gahetabbaṃ, na ito paranti attho. Yasmā pana acchinnasabbacīvarena ticīvarikeneva bhikkhunā evaṃ paṭipajjitabbaṃ, aññena aññathāpi, tasmā taṃ vibhāgaṃ dassetuṃ ‘‘sace tīṇi naṭṭhāni hontī’’tiādinā nayenassa padabhājanaṃ vuttaṃ.
д̇ад̇рааяам̣ винижчаяо – яасса д̇ийн̣и надтаани, д̇зна д̣̇вз саад̣̇ид̇аб̣б̣аани, згам̣ ниваасзд̇ваа згам̣ баарубид̇ваа ан̃н̃ам̣ сабхааг̇адтаанад̇о бариязсиссад̇и. яасса д̣̇вз надтаани, д̇зна згам̣ саад̣̇ид̇аб̣б̣ам̣. сажз багад̇ияаава санд̇аруд̇д̇арзна жарад̇и, д̣̇вз саад̣̇ид̇аб̣б̣аани. звам̣ згам̣ саад̣̇ияанд̇знзва само бхависсад̇и. яасса д̇ийсу згам̣ надтам̣, на саад̣̇ид̇аб̣б̣ам̣. яасса бана д̣̇вийсу згам̣ надтам̣, згам̣ саад̣̇ид̇аб̣б̣ам̣. яасса згам̣язва ход̇и, д̇ан̃жа надтам̣, д̣̇вз саад̣̇ид̇аб̣б̣аани. бхигкунияаа бана бан̃жасуби надтзсу д̣̇вз саад̣̇ид̇аб̣б̣аани. жад̇уусу надтзсу згам̣ саад̣̇ид̇аб̣б̣ам̣, д̇ийсу надтзсу гин̃жи на саад̣̇ид̇аб̣б̣ам̣, го бана ваад̣̇о д̣̇вийсу ваа згасмим̣ ваа. язна гзнажи хи санд̇аруд̇д̇арабарамад̇ааяа таад̇аб̣б̣ам̣, д̇ад̇о уд̇д̇ари на лаб̣бхад̇ийд̇и ид̣̇амзд̇т̇а лагкан̣ам̣.
Tatrāyaṃ vinicchayo – yassa tīṇi naṭṭhāni, tena dve sāditabbāni, ekaṃ nivāsetvā ekaṃ pārupitvā aññaṃ sabhāgaṭṭhānato pariyesissati. Yassa dve naṭṭhāni, tena ekaṃ sāditabbaṃ. Sace pakatiyāva santaruttarena carati, dve sāditabbāni. Evaṃ ekaṃ sādiyanteneva samo bhavissati. Yassa tīsu ekaṃ naṭṭhaṃ, na sāditabbaṃ. Yassa pana dvīsu ekaṃ naṭṭhaṃ, ekaṃ sāditabbaṃ. Yassa ekaṃyeva hoti, tañca naṭṭhaṃ, dve sāditabbāni. Bhikkhuniyā pana pañcasupi naṭṭhesu dve sāditabbāni. Catūsu naṭṭhesu ekaṃ sāditabbaṃ, tīsu naṭṭhesu kiñci na sāditabbaṃ, ko pana vādo dvīsu vā ekasmiṃ vā. Yena kenaci hi santaruttaraparamatāya ṭhātabbaṃ, tato uttari na labbhatīti idamettha lakkhaṇaṃ.
526. сзсагам̣ аахариссаамийд̇и д̣̇вз жийвараани гад̇ваа сзсам̣ буна аахариссаамийд̇и ад̇т̇о. на ажчиннагааран̣аад̇и б̣аахусажжаад̣̇иг̇ун̣авасзна д̣̇знд̇и. н̃аад̇агаананд̇иаад̣̇ийсу н̃аад̇агаанам̣ д̣̇знд̇аанам̣ саад̣̇ияанд̇асса баваарид̇аанам̣ д̣̇знд̇аанам̣ саад̣̇ияанд̇асса ад̇д̇ано д̇ханзна саад̣̇ияанд̇асса анаабад̇д̇ийд̇и ад̇т̇о. адтагат̇аасу бана ‘‘н̃аад̇агабаваарид̇адтаанз багад̇ияаа б̣ахумби ваддад̇и, ажчиннагааран̣аа бамаан̣амзва ваддад̇ий’’д̇и вуд̇д̇ам̣. д̇ам̣ баал̣ияаа на самзд̇и. яасмаа банид̣̇ам̣ сигкаабад̣̇ам̣ ан̃н̃ассад̇т̇ааяа вин̃н̃аабанавад̇т̇усмим̣язва бан̃н̃ад̇д̇ам̣, д̇асмаа ид̇ха ‘‘ан̃н̃ассад̇т̇ааяаа’’д̇и на вуд̇д̇ам̣. сзсам̣ уд̇д̇аанад̇т̇амзва.
526.Sesakaṃ āharissāmīti dve cīvarāni katvā sesaṃ puna āharissāmīti attho. Na acchinnakāraṇāti bāhusaccādiguṇavasena denti. Ñātakānantiādīsu ñātakānaṃ dentānaṃ sādiyantassa pavāritānaṃ dentānaṃ sādiyantassa attano dhanena sādiyantassa anāpattīti attho. Aṭṭhakathāsu pana ‘‘ñātakapavāritaṭṭhāne pakatiyā bahumpi vaṭṭati, acchinnakāraṇā pamāṇameva vaṭṭatī’’ti vuttaṃ. Taṃ pāḷiyā na sameti. Yasmā panidaṃ sikkhāpadaṃ aññassatthāya viññāpanavatthusmiṃyeva paññattaṃ, tasmā idha ‘‘aññassatthāyā’’ti na vuttaṃ. Sesaṃ uttānatthameva.
самудтаанаад̣̇ийсу ид̣̇амби часамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣, д̇ижид̇д̇ам̣, д̇ивзд̣̇ананд̇и.
Samuṭṭhānādīsu idampi chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
д̇ад̇уд̇д̇арисигкаабад̣̇аван̣н̣анаа нидтид̇аа.
Tatuttarisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. д̇ад̇уд̇д̇арисигкаабад̣̇ам̣ • 7. Tatuttarisikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
