| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
7. д̇ад̇уд̇д̇арисигкаабад̣̇аван̣н̣анаа
7. Tatuttarisikkhāpadavaṇṇanā
д̇ам̣-сад̣̇д̣̇о жзд̇т̇а багад̇ад̇т̇аважано. жзд̇и нибаад̇амад̇д̇ам̣. жзд̇и ваа яад̣̇ийд̇и ад̇т̇о, д̇асса ‘‘баваарзяяаа’’д̇и иминаа самб̣анд̇хо взд̣̇ид̇аб̣б̣о. баваарзяяа жзд̇и яад̣̇и баваарзяяаад̇и ад̇т̇о. ‘‘абхийд̇и убасаг̇г̇о’’д̇и (саарад̇т̇а. дий. 2.523-524) иминаа д̇асса ад̇т̇ависзсаабхаавам̣ д̣̇ассзд̇и. д̇знааха ‘‘харид̇унд̇и ад̇т̇о’’д̇и. баваарасад̣̇д̣̇асса ижчааяам̣ вад̇д̇амаанад̇д̇аа ‘‘ижчаабзяяаа’’д̇и вуд̇д̇ам̣. ижчам̣ уббаад̣̇зяяаад̇и бажжаяз ижчам̣ уббаад̣̇зяяа. убаниманд̇анааязд̇ам̣ ад̇хиважанам̣. д̇знааха ‘‘яаавад̇д̇ага’’нд̇иаад̣̇и. нзгкамманд̇и баб̣б̣аж̇ж̇ам̣. д̣̇адтууд̇и д̣̇адтум̣. чанд̣̇аанурагкан̣ад̇т̇ан̃хзд̇т̇а анунаасигалобо. кзмад̇од̇и ниб̣бхаяад̇о. гааязна ваа ваажааяа ваа абхихарид̇ваа ниманд̇зяяаад̇и самб̣анд̇хо. яат̇аа жа гааязна абхихарзяяа, ваажааяа жа, д̇ам̣ вид̇хим̣ д̣̇ассзд̇ум̣ ‘‘убанзд̇ваа’’д̇иаад̣̇и вуд̇д̇ам̣ саанд̇аранд̇и анд̇араваасагасахид̇ам̣. уд̇д̇аранд̇и уд̇д̇араасан̇г̇ам̣. бараманд̇и авасаанам̣. асса жийварассаад̇и асса самуд̣̇ааяабхууд̇асса харид̇аб̣б̣асса жийварасса. д̇аг̇г̇ун̣асам̣вин̃н̃аан̣о хи аяам̣ б̣аахирад̇т̇асамаасо яат̇аа ‘‘ламб̣аган̣н̣о’’д̇и д̣̇адтаб̣б̣ам̣. д̇знааха ‘‘ниваасанзнаа’’д̇иаад̣̇и. уггадтабарижчзд̣̇зна хи саб̣б̣з д̇ам̣барамам̣язва г̇ахзд̇ум̣ лабханд̇и.
Taṃ-saddo cettha pakatatthavacano. Ceti nipātamattaṃ. Ceti vā yadīti attho, tassa ‘‘pavāreyyā’’ti iminā sambandho veditabbo. Pavāreyya ceti yadi pavāreyyāti attho. ‘‘Abhīti upasaggo’’ti (sārattha. ṭī. 2.523-524) iminā tassa atthavisesābhāvaṃ dasseti. Tenāha ‘‘haritunti attho’’ti. Pavārasaddassa icchāyaṃ vattamānattā ‘‘icchāpeyyā’’ti vuttaṃ. Icchaṃ uppādeyyāti paccaye icchaṃ uppādeyya. Upanimantanāyetaṃ adhivacanaṃ. Tenāha ‘‘yāvattaka’’ntiādi. Nekkhammanti pabbajjaṃ. Daṭṭhūti daṭṭhuṃ. Chandānurakkhaṇatthañhettha anunāsikalopo. Khematoti nibbhayato. Kāyena vā vācāya vā abhiharitvā nimanteyyāti sambandho. Yathā ca kāyena abhihareyya, vācāya ca, taṃ vidhiṃ dassetuṃ ‘‘upanetvā’’tiādi vuttaṃ saantaranti antaravāsakasahitaṃ. Uttaranti uttarāsaṅgaṃ. Paramanti avasānaṃ. Assa cīvarassāti assa samudāyabhūtassa haritabbassa cīvarassa. Tagguṇasaṃviññāṇo hi ayaṃ bāhiratthasamāso yathā ‘‘lambakaṇṇo’’ti daṭṭhabbaṃ. Tenāha ‘‘nivāsanenā’’tiādi. Ukkaṭṭhaparicchedena hi sabbe taṃparamaṃyeva gahetuṃ labhanti.
яасмаа ажчиннасаб̣б̣ажийварзна д̇ижийварамад̇д̇агзнзва бхигкунаа звам̣ бадибаж̇ж̇ид̇аб̣б̣ам̣, ан̃н̃зна бана ан̃н̃ат̇ааби, д̇асмаа д̇ам̣ вибхааг̇ам̣ д̣̇ассзд̇ум̣ ‘‘д̇ад̇рааяам̣ винижчаяо’’д̇иаад̣̇и вуд̇д̇ам̣. ад̇хидтид̇ажийварассаад̇и д̇ижийвараад̇хидтаананаязна ваа баригкааражол̣авасзна ваа язна гзнажи ад̇хидтид̇ажийварасса, ид̣̇ан̃жа язбхуяязна ад̇хидтахид̇ваа жийварам̣ барибхун̃ж̇ад̇о вуд̇д̇ам̣, на бана анад̇хидтид̇ажийварасса жийварз ажчиннз аяам̣ вид̇хи на самбхавад̇ийд̇и. яасса ваа д̇ижийварад̇о ад̇хигамби жийварам̣ ан̃н̃ад̇т̇а ад̇т̇и, д̇ад̇т̇а над̇т̇и, д̇знааби д̇ад̣̇аа д̇ад̇т̇а абхаавад̇о д̣̇вз саад̣̇ид̇ум̣ ваддад̇и. багад̇ияаава санд̇аруд̇д̇арзна жарад̇ийд̇и (саарад̇т̇а. дий. 2.523-524) ад̇т̇ад̇агат̇инад̇д̇аа ваа саасан̇гасигкаабад̣̇авасзна ваа авиббаваасасаммуд̇ивасзна ваа д̇ад̇ияасса алаабхзна ваа жарад̇и. ‘‘д̣̇вз надтааний’’д̇и ад̇хигаарад̇д̇аа вуд̇д̇ам̣ ‘‘д̣̇вз саад̣̇ид̇аб̣б̣ааний’’д̇и. згам̣ саад̣̇ияанд̇знзва само бхависсад̇ийд̇и д̇ин̣н̣ам̣ жийвараанам̣ д̣̇вийсу надтзна згам̣ саад̣̇ияанд̇зна само бхависсад̇и убхиннамби санд̇аруд̇д̇арабарамад̇ааяа авадтаанад̇о. яасса згам̣язва ход̇и ан̃н̃зна гзнажи гааран̣зна винадтасзсажийварад̇д̇аа.
Yasmā acchinnasabbacīvarena ticīvaramattakeneva bhikkhunā evaṃ paṭipajjitabbaṃ, aññena pana aññathāpi, tasmā taṃ vibhāgaṃ dassetuṃ ‘‘tatrāyaṃ vinicchayo’’tiādi vuttaṃ. Adhiṭṭhitacīvarassāti ticīvarādhiṭṭhānanayena vā parikkhāracoḷavasena vā yena kenaci adhiṭṭhitacīvarassa, idañca yebhuyyena adhiṭṭhahitvā cīvaraṃ paribhuñjato vuttaṃ, na pana anadhiṭṭhitacīvarassa cīvare acchinne ayaṃ vidhi na sambhavatīti. Yassa vā ticīvarato adhikampi cīvaraṃ aññattha atthi, tattha natthi, tenāpi tadā tattha abhāvato dve sādituṃ vaṭṭati. Pakatiyāva santaruttarena caratīti (sārattha. ṭī. 2.523-524) atthatakathinattā vā sāsaṅkasikkhāpadavasena vā avippavāsasammutivasena vā tatiyassa alābhena vā carati. ‘‘Dve naṭṭhānī’’ti adhikārattā vuttaṃ ‘‘dve sāditabbānī’’ti. Ekaṃ sādiyanteneva samo bhavissatīti tiṇṇaṃ cīvarānaṃ dvīsu naṭṭhena ekaṃ sādiyantena samo bhavissati ubhinnampi santaruttaraparamatāya avaṭṭhānato. Yassa ekaṃyeva hoti aññena kenaci kāraṇena vinaṭṭhasesacīvarattā.
бан̃жасу надтзсууд̇и д̇ижийварам̣ уд̣̇агасаадигаа сам̣гажжигаад̇и имзсу бан̃жасу жийварзсу надтзсу. ‘‘згасмим̣ ваа надтз’’д̇и важанавибарин̣аамам̣ гад̇ваа яож̇зд̇аб̣б̣ам̣. д̇ад̇о уд̇д̇арийд̇и санд̇аруд̇д̇арабарамад̇о уд̇д̇ари.
Pañcasu naṭṭhesūti ticīvaraṃ udakasāṭikā saṃkaccikāti imesu pañcasu cīvaresu naṭṭhesu. ‘‘Ekasmiṃ vā naṭṭhe’’ti vacanavipariṇāmaṃ katvā yojetabbaṃ. Tato uttarīti santaruttaraparamato uttari.
сзсагам̣ аахариссаамийд̇и д̣̇вз жийвараани гад̇ваа ‘‘сзсагам̣ буна аахариссаамий’’д̇и ад̇т̇о. сзсагам̣ д̇уяхам̣язва ход̇ууд̇и вуд̇д̇ассаад̇и д̣̇аанасамаяз звам̣ вуд̇д̇асса. сажз бана ‘‘сзсагам̣ аахариссаамий’’д̇и вад̇ваа г̇ахзд̇ваа г̇аманасамаязби ‘‘сзсагам̣ д̇уяхам̣язва ход̇уу’’д̇и вад̣̇анд̇и, лад̣̇д̇хагаббияамзва. на ажчиннанадтагааран̣аа д̣̇иннанд̇и б̣аахусажжаад̣̇иг̇ун̣авасзна д̣̇иннам̣. вуд̇д̇анаязнаад̇и ‘‘н̃аад̇агаббаваарид̇з ваа вин̃н̃аабзнд̇асса, самаяз жа ан̃н̃асса ваа н̃аад̇агаббаваарид̇з д̇ассзвад̇т̇ааяа вин̃н̃аабзнд̇асса’’д̇и вуд̇д̇анаязна.
Sesakaṃ āharissāmīti dve cīvarāni katvā ‘‘sesakaṃ puna āharissāmī’’ti attho. Sesakaṃ tuyhaṃyeva hotūti vuttassāti dānasamaye evaṃ vuttassa. Sace pana ‘‘sesakaṃ āharissāmī’’ti vatvā gahetvā gamanasamayepi ‘‘sesakaṃ tuyhaṃyeva hotū’’ti vadanti, laddhakappiyameva. Na acchinnanaṭṭhakāraṇā dinnanti bāhusaccādiguṇavasena dinnaṃ. Vuttanayenāti ‘‘ñātakappavārite vā viññāpentassa, samaye ca aññassa vā ñātakappavārite tassevatthāya viññāpentassa’’ti vuttanayena.
д̇ад̇уд̇д̇арисигкаабад̣̇аван̣н̣анаа нидтид̇аа.
Tatuttarisikkhāpadavaṇṇanā niṭṭhitā.
