| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
7. д̇ад̇уд̇д̇арисигкаабад̣̇аван̣н̣анаа
7. Tatuttarisikkhāpadavaṇṇanā
522. сад̇д̇амз баал̣ияам̣ баг̇г̇аахигасааланд̇и д̣̇уссаваан̣иж̇агаанам̣ аабан̣ам̣. ‘‘баг̇г̇аахид̇асаала’’нд̇иби батанд̇и.
522. Sattame pāḷiyaṃ paggāhikasālanti dussavāṇijakānaṃ āpaṇaṃ. ‘‘Paggāhitasāla’’ntipi paṭhanti.
523-524. абхийд̇и убасаг̇г̇од̇и д̇асса висзсад̇т̇аабхаавам̣ д̣̇ассзд̇и. д̇знааха ‘‘харид̇унд̇и ад̇т̇о’’д̇и. вара-сад̣̇д̣̇асса ижчааяам̣ вад̇д̇амаанад̇д̇аа ааха ‘‘ижчаабзяяаа’’д̇и. д̣̇адту кзмад̇од̇и зд̇т̇а г̇аат̇ааб̣анд̇хавасзна анунаасигалобо д̣̇адтаб̣б̣о. саанд̇аранд̇и анд̇араваасагасахид̇ам̣. уд̇д̇аранд̇и уд̇д̇араасан̇г̇ам̣. асса жийварассаад̇и саад̣̇ид̇аб̣б̣ажийварасса. ажчиннасаб̣б̣ажийварзнаад̇и ажчиннаани саб̣б̣аани д̇ийн̣и жийвараани ассаад̇и ажчиннасаб̣б̣ажийваро, д̇знаад̇и ад̇т̇о. яасса хи ажчинд̣̇анасамаяз д̇ийн̣и жийвараани саннихид̇аани хонд̇и, д̇аани саб̣б̣аани ажчиннаанийд̇и со ‘‘ажчиннасаб̣б̣ажийваро’’д̇и вужжад̇и. д̇знзва ‘‘ажчиннасаб̣б̣ажийварзна д̇ижийварагзнаа’’д̇и вуд̇д̇ам̣. д̇ижийварагзнаад̇и хи ажчинд̣̇анасамаяз д̇ижийварасса саннихид̇абхаавам̣ санд̇хааяа вуд̇д̇ам̣, на бана винаяад̇зжийваригабхаавам̣ д̇худ̇ан̇г̇ад̇зжийваригабхаавам̣ ваа санд̇хааяа. звам̣ бадибаж̇ж̇ид̇аб̣б̣анд̇и ‘‘санд̇аруд̇д̇арабарамам̣ д̇зна бхигкунаа д̇ад̇о жийварам̣ саад̣̇ид̇аб̣б̣а’’нд̇и вуд̇д̇авид̇хинаа бадибаж̇ж̇ид̇аб̣б̣ам̣. ан̃н̃знаад̇и ажчиннаасаб̣б̣ажийварзна. яасса д̇ийсу жийварзсу згам̣ ваа д̣̇вз ваа жийвараани ажчиннаани хонд̇и, д̇знаад̇и ад̇т̇о. ан̃н̃ат̇аабийд̇и ‘‘санд̇аруд̇д̇арабарама’’нд̇и вуд̇д̇авид̇хаанад̇о ан̃н̃ат̇ааби. яасса хи д̇ийсу д̣̇вз жийвараани ажчиннаани хонд̇и, згам̣ саад̣̇ид̇аб̣б̣ам̣. згасмим̣ ажчиннз на саад̣̇ид̇аб̣б̣анд̇и на д̇асса санд̇аруд̇д̇арабарамасаад̣̇ияанам̣ самбхавад̇и, аяамзва жа ад̇т̇о бад̣̇абхааж̇анзна вибхаавид̇о. д̇знааха ‘‘д̇ам̣ вибхааг̇ам̣ д̣̇ассзд̇у’’нд̇и.
523-524.Abhītiupasaggoti tassa visesatthābhāvaṃ dasseti. Tenāha ‘‘haritunti attho’’ti. Vara-saddassa icchāyaṃ vattamānattā āha ‘‘icchāpeyyā’’ti. Daṭṭhu khematoti ettha gāthābandhavasena anunāsikalopo daṭṭhabbo. Saantaranti antaravāsakasahitaṃ. Uttaranti uttarāsaṅgaṃ. Assa cīvarassāti sāditabbacīvarassa. Acchinnasabbacīvarenāti acchinnāni sabbāni tīṇi cīvarāni assāti acchinnasabbacīvaro, tenāti attho. Yassa hi acchindanasamaye tīṇi cīvarāni sannihitāni honti, tāni sabbāni acchinnānīti so ‘‘acchinnasabbacīvaro’’ti vuccati. Teneva ‘‘acchinnasabbacīvarena ticīvarakenā’’ti vuttaṃ. Ticīvarakenāti hi acchindanasamaye ticīvarassa sannihitabhāvaṃ sandhāya vuttaṃ, na pana vinayatecīvarikabhāvaṃ dhutaṅgatecīvarikabhāvaṃ vā sandhāya. Evaṃ paṭipajjitabbanti ‘‘santaruttaraparamaṃ tena bhikkhunā tato cīvaraṃ sāditabba’’nti vuttavidhinā paṭipajjitabbaṃ. Aññenāti acchinnaasabbacīvarena. Yassa tīsu cīvaresu ekaṃ vā dve vā cīvarāni acchinnāni honti, tenāti attho. Aññathāpīti ‘‘santaruttaraparama’’nti vuttavidhānato aññathāpi. Yassa hi tīsu dve cīvarāni acchinnāni honti, ekaṃ sāditabbaṃ. Ekasmiṃ acchinne na sāditabbanti na tassa santaruttaraparamasādiyanaṃ sambhavati, ayameva ca attho padabhājanena vibhāvito. Tenāha ‘‘taṃ vibhāgaṃ dassetu’’nti.
гзжи бана ‘‘д̇ижийварагзнаад̇и вуд̇д̇ад̇д̇аа д̇ижийварам̣ баригкааражол̣авасзна ад̇хидтахид̇ваа барибхун̃ж̇ад̇о д̇асмим̣ надтз б̣ахууниби г̇ахзд̇ум̣ лабхад̇ий’’д̇и вад̣̇анд̇и, д̇ам̣ на г̇ахзд̇аб̣б̣ам̣. бад̣̇абхааж̇анасса хи ад̇хиббааяам̣ д̣̇ассзнд̇зна яасмаа бана ‘‘ажчиннасаб̣б̣ажийварзна…бз… д̇ам̣ вибхааг̇ам̣ д̣̇ассзд̇у’’нд̇и вуд̇д̇ам̣, бад̣̇абхааж̇анз жа на д̇аад̣̇исо ад̇т̇о убалаб̣бхад̇и, д̇асмаа д̇ам̣ на г̇ахзд̇аб̣б̣амзва. яамби маад̇игаадтагат̇ааяам̣ (ган̇каа. адта. д̇ад̇уд̇д̇арисигкаабад̣̇аван̣н̣анаа) вуд̇д̇ам̣ ‘‘яасса ад̇хидтид̇ажийварасса д̇ийн̣и надтааний’’д̇и, д̇ад̇т̇ааби ад̇хидтид̇аг̇г̇ахан̣ам̣ саруубагат̇анамад̇д̇анд̇и г̇ахзд̇аб̣б̣ам̣, на бана д̇ижийвараад̇хидтаанзна ад̇хидтид̇ажийварассзваад̇и звамад̇т̇о г̇ахзд̇аб̣б̣о баал̣ияам̣ адтагат̇ааяан̃жа д̇ат̇аа ад̇т̇асса асамбхавад̇о. на хи д̇ижийвараад̇хидтаанзна ад̇хидтид̇ажийварассзва ид̣̇ам̣ сигкаабад̣̇ам̣ бан̃н̃ад̇д̇анд̇и саггаа вин̃н̃аад̇ум̣. буримасигкаабад̣̇зна хи ажчиннажийварасса ан̃н̃аад̇агавин̃н̃ад̇д̇ияаа анун̃н̃аад̇ад̇д̇аа бамаан̣ам̣ аж̇аанид̇ваа вин̃н̃аабанавад̇т̇усмим̣ бамаан̣ад̇о саад̣̇ияанам̣ ануж̇аананд̇зна бхаг̇авад̇аа ид̣̇ам̣ сигкаабад̣̇ам̣ бан̃н̃ад̇д̇ам̣, д̇асмаа ‘‘баригкааражол̣игасса б̣ахумби саад̣̇ид̇ум̣ ваддад̇ий’’д̇и аяамад̇т̇о нзва баал̣ияаа самзд̇и, на жа бхаг̇авад̇о ад̇хиббааяам̣ ануломзд̇и.
Keci pana ‘‘ticīvarakenāti vuttattā ticīvaraṃ parikkhāracoḷavasena adhiṭṭhahitvā paribhuñjato tasmiṃ naṭṭhe bahūnipi gahetuṃ labhatī’’ti vadanti, taṃ na gahetabbaṃ. Padabhājanassa hi adhippāyaṃ dassentena yasmā pana ‘‘acchinnasabbacīvarena…pe… taṃ vibhāgaṃ dassetu’’nti vuttaṃ, padabhājane ca na tādiso attho upalabbhati, tasmā taṃ na gahetabbameva. Yampi mātikāṭṭhakathāyaṃ (kaṅkhā. aṭṭha. tatuttarisikkhāpadavaṇṇanā) vuttaṃ ‘‘yassa adhiṭṭhitacīvarassa tīṇi naṭṭhānī’’ti, tatthāpi adhiṭṭhitaggahaṇaṃ sarūpakathanamattanti gahetabbaṃ, na pana ticīvarādhiṭṭhānena adhiṭṭhitacīvarassevāti evamattho gahetabbo pāḷiyaṃ aṭṭhakathāyañca tathā atthassa asambhavato. Na hi ticīvarādhiṭṭhānena adhiṭṭhitacīvarasseva idaṃ sikkhāpadaṃ paññattanti sakkā viññātuṃ. Purimasikkhāpadena hi acchinnacīvarassa aññātakaviññattiyā anuññātattā pamāṇaṃ ajānitvā viññāpanavatthusmiṃ pamāṇato sādiyanaṃ anujānantena bhagavatā idaṃ sikkhāpadaṃ paññattaṃ, tasmā ‘‘parikkhāracoḷikassa bahumpi sādituṃ vaṭṭatī’’ti ayamattho neva pāḷiyā sameti, na ca bhagavato adhippāyaṃ anulometi.
яасса д̇ийн̣и надтаани, д̇зна д̣̇вз саад̣̇ид̇аб̣б̣аанийд̇и зд̇т̇а яасса д̇ижийварад̇о ад̇хигамби жийварам̣ ан̃н̃ад̇т̇а тид̇ам̣ ад̇т̇и, д̇ад̣̇аад̇асса жийварасса алаб̣бханийяабхаавад̇о д̇знаби саад̣̇ид̇ум̣ ваддад̇ийд̇и взд̣̇ид̇аб̣б̣ам̣. багад̇ияаава санд̇аруд̇д̇арзна жарад̇ийд̇и саасан̇гасигкаабад̣̇авасзна ваа авиббаваасасаммуд̇ивасзна ваа д̇ад̇ияасса алаабхзна ваа жарад̇и. ‘‘д̣̇вз надтааний’’д̇и ад̇хигаарад̇д̇аа вуд̇д̇ам̣ ‘‘д̣̇вз саад̣̇ид̇аб̣б̣ааний’’д̇и. згам̣ саад̣̇ияанд̇знзва само бхависсад̇ийд̇и д̇ин̣н̣ам̣ жийвараанам̣ д̣̇вийсу надтзсу згам̣ саад̣̇ияанд̇зна само бхависсад̇и убхиннамби санд̇аруд̇д̇арабарамад̇ааяа авадтаанад̇о. яасса згам̣язва ход̇ийд̇и ан̃н̃зна гзнажи гааран̣зна винадтасзсажийварам̣ санд̇хааяа вуд̇д̇ам̣.
Yassa tīṇi naṭṭhāni, tena dve sāditabbānīti ettha yassa ticīvarato adhikampi cīvaraṃ aññattha ṭhitaṃ atthi, tadātassa cīvarassa alabbhanīyabhāvato tenapi sādituṃ vaṭṭatīti veditabbaṃ. Pakatiyāva santaruttarena caratīti sāsaṅkasikkhāpadavasena vā avippavāsasammutivasena vā tatiyassa alābhena vā carati. ‘‘Dve naṭṭhānī’’ti adhikārattā vuttaṃ ‘‘dve sāditabbānī’’ti. Ekaṃ sādiyanteneva samo bhavissatīti tiṇṇaṃ cīvarānaṃ dvīsu naṭṭhesu ekaṃ sādiyantena samo bhavissati ubhinnampi santaruttaraparamatāya avaṭṭhānato. Yassa ekaṃyeva hotīti aññena kenaci kāraṇena vinaṭṭhasesacīvaraṃ sandhāya vuttaṃ.
526. ‘‘сзсагам̣ д̇уяхзва ход̇ууд̇и д̣̇знд̇ий’’д̇и вуд̇д̇ад̇д̇аа ‘‘бамаан̣аяуд̇д̇ам̣ г̇ан̣хиссаама, сзсагам̣ аахариссаамаа’’д̇и вад̇ваа г̇ахзд̇ваа г̇аманасамаязби ‘‘сзсагамби д̇умхааган̃н̃зва ход̇уу’’д̇и вад̣̇анд̇и, лад̣̇д̇хагаббияамзва. баваарид̇аананд̇и ажчиннагаалад̇о буб̣б̣зязва баваарид̇аанам̣. баал̣ияаа на самзд̇ийд̇и санд̇аруд̇д̇арабарамад̇о уд̇д̇ари саад̣̇ияанз анаабад̇д̇ид̣̇ассанад̇т̇ам̣ ‘‘анаабад̇д̇и н̃аад̇агаанам̣ баваарид̇аана’’нд̇и вуд̇д̇ад̇д̇аа на самзд̇и. санд̇аруд̇д̇арабарамам̣ саад̣̇ияанд̇асса хи аабад̇д̇иббасан̇г̇оязва над̇т̇и, сад̇и жа сигкаабад̣̇зна аабад̇д̇иббасан̇г̇з анаабад̇д̇и яуд̇д̇аа д̣̇ассзд̇унд̇и ад̇хиббааяо. гзжи бана ‘‘бамаан̣амзва ваддад̇ийд̇и ид̣̇ам̣ саллзкад̣̇ассанад̇т̇ам̣ вуд̇д̇а’’нд̇и вад̣̇анд̇и.
526. ‘‘Sesakaṃ tuyheva hotūti dentī’’ti vuttattā ‘‘pamāṇayuttaṃ gaṇhissāma, sesakaṃ āharissāmā’’ti vatvā gahetvā gamanasamayepi ‘‘sesakampi tumhākaññeva hotū’’ti vadanti, laddhakappiyameva. Pavāritānanti acchinnakālato pubbeyeva pavāritānaṃ. Pāḷiyā na sametīti santaruttaraparamato uttari sādiyane anāpattidassanatthaṃ ‘‘anāpatti ñātakānaṃ pavāritāna’’nti vuttattā na sameti. Santaruttaraparamaṃ sādiyantassa hi āpattippasaṅgoyeva natthi, sati ca sikkhāpadena āpattippasaṅge anāpatti yuttā dassetunti adhippāyo. Keci pana ‘‘pamāṇameva vaṭṭatīti idaṃ sallekhadassanatthaṃ vutta’’nti vadanti.
яасмаа банид̣̇ам̣…бз… на вуд̇д̇анд̇и зд̇т̇ааяамад̇хиббааяо – ‘‘ан̃н̃ассад̇т̇ааяаа’’д̇и вужжамаанз ан̃н̃зсам̣ ад̇т̇ааяа бамаан̣ам̣ ад̇иггамид̇вааби г̇ан̣хид̇ум̣ ваддад̇ийд̇и аабаж̇ж̇ад̇и, д̇ан̃жа ан̃н̃ассад̇т̇ааяа вин̃н̃аабанавад̇т̇усмим̣ бан̃н̃ад̇д̇ад̇д̇аа вад̇т̇унаа сам̣санд̣̇ияамаанам̣ на самзд̇и. на хи яам̣ вад̇т̇ум̣ ниссааяа сигкаабад̣̇ам̣ бан̃н̃ад̇д̇ам̣, д̇асмим̣язва анаабад̇д̇иважанам̣ яуд̇д̇анд̇и. г̇ан̣тибад̣̇зсу бана д̇ийсуби ‘‘имасса сигкаабад̣̇асса ад̇д̇ано саад̣̇ияанабадиб̣ад̣̇д̇хад̇аавасзна бавад̇д̇ад̇д̇аа ‘ан̃н̃ассад̇т̇ааяаа’д̇и вад̇д̇ум̣ огаасоязва над̇т̇и, д̇асмаа на вуд̇д̇а’’нд̇и гат̇ид̇ам̣. ид̇ха ‘‘ан̃н̃ассад̇т̇ааяаа’’д̇и авуд̇д̇ад̇д̇аа ан̃н̃зсам̣ ад̇т̇ааяа н̃аад̇агабаваарид̇зсу ад̇хигам̣ вин̃н̃аабзнд̇асса аабад̇д̇ийд̇и жз? на, д̇ад̇т̇а буримасигкаабад̣̇знзва анаабад̇д̇исид̣̇д̇хид̇о. д̇ад̇уд̇д̇арид̇аа, ажчиннаад̣̇игааран̣ад̇аа, ан̃н̃аад̇агавин̃н̃ад̇д̇и, д̇ааяа жа бадилаабход̇и имаанзд̇т̇а жад̇д̇аари ан̇г̇аани.
Yasmā panidaṃ…pe… na vuttanti etthāyamadhippāyo – ‘‘aññassatthāyā’’ti vuccamāne aññesaṃ atthāya pamāṇaṃ atikkamitvāpi gaṇhituṃ vaṭṭatīti āpajjati, tañca aññassatthāya viññāpanavatthusmiṃ paññattattā vatthunā saṃsandiyamānaṃ na sameti. Na hi yaṃ vatthuṃ nissāya sikkhāpadaṃ paññattaṃ, tasmiṃyeva anāpattivacanaṃ yuttanti. Gaṇṭhipadesu pana tīsupi ‘‘imassa sikkhāpadassa attano sādiyanapaṭibaddhatāvasena pavattattā ‘aññassatthāyā’ti vattuṃ okāsoyeva natthi, tasmā na vutta’’nti kathitaṃ. Idha ‘‘aññassatthāyā’’ti avuttattā aññesaṃ atthāya ñātakapavāritesu adhikaṃ viññāpentassa āpattīti ce? Na, tattha purimasikkhāpadeneva anāpattisiddhito. Tatuttaritā, acchinnādikāraṇatā, aññātakaviññatti, tāya ca paṭilābhoti imānettha cattāri aṅgāni.
д̇ад̇уд̇д̇арисигкаабад̣̇аван̣н̣анаа нидтид̇аа.
Tatuttarisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. д̇ад̇уд̇д̇арисигкаабад̣̇ам̣ • 7. Tatuttarisikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
