| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
7. д̇ад̇уд̇д̇арисигкаабад̣̇аван̣н̣анаа
7. Tatuttarisikkhāpadavaṇṇanā
522-4. баг̇г̇аахигасаалам̣ ваад̇и д̣̇уссабасаарам̣ ваа. хад̇т̇зна баг̇г̇ахзд̇ваа тад̇ваа саалааяам̣ басаарзд̇аб̣б̣ад̣̇уссам̣ басаарзнд̇ийд̇и жод̣̇анаа. д̇ижийваригзнзваад̇и винаяад̇ижийваригзна. со хи ад̇хидтахид̇ваа табид̇абаригкааражол̣аад̣̇ийсу санд̇зсуби д̇ижийварз ажчиннз санд̇аруд̇д̇арабарамам̣ вин̃н̃аабзд̇ваа г̇ахзд̇ум̣ лабхад̇и. ан̃н̃ат̇аабийд̇и ‘‘бамаан̣игам̣ д̇ижийварам̣ баригкааражол̣авасзна ад̇хидтахид̇ваа барибхун̃ж̇ад̇о д̇асмим̣ надтз б̣ахууниби г̇ахзд̇ум̣ лабхад̇и, на санд̇аруд̇д̇арабарама’’нд̇и жа, д̇асмаа д̇ам̣ вибхааг̇анд̇и ‘‘д̇ижийваригасса д̇ам̣ вибхааг̇анд̇и ад̇т̇о, на баригкааражол̣игассаа’’д̇и жа гзжи вад̣̇анд̇и. аажарияо бана ‘‘ан̃н̃знаад̇и ад̇ижийваригзна, ан̃н̃ат̇аад̇и ид̇о вуд̇д̇аг̇г̇ахан̣абарижчзд̣̇ад̇о ан̃н̃знаа’’д̇и зд̇д̇агамзва вад̣̇ад̇и. ан̃н̃ат̇аад̇и бана сажз д̇ийн̣иби надтаани, санд̇аруд̇д̇арабарамам̣ г̇ан̣хид̇аб̣б̣ам̣, сажз д̣̇вз ваа згам̣ ваа надтам̣, д̇зна ‘‘ан̃н̃ат̇аабий’’д̇и д̣̇ассанад̇т̇ам̣ вуд̇д̇анд̇и згз. г̇ан̣тибад̣̇зсу вижааран̣аа зва над̇т̇и, д̇асмаа убабаригкид̇ваа г̇ахзд̇аб̣б̣ам̣. багад̇ияаа санд̇аруд̇д̇арзна жарад̇и, саасан̇гасигкаабад̣̇авасзна ваа д̇ам̣саммуд̇ивасзна ваа д̇ад̇ияасса алаабхзна ваа.
522-4.Paggāhikasālaṃvāti dussapasāraṃ vā. Hatthena paggahetvā ṭhatvā sālāyaṃ pasāretabbadussaṃ pasārentīti codanā. Ticīvarikenevāti vinayaticīvarikena. So hi adhiṭṭhahitvā ṭhapitaparikkhāracoḷādīsu santesupi ticīvare acchinne santaruttaraparamaṃ viññāpetvā gahetuṃ labhati. Aññathāpīti ‘‘pamāṇikaṃ ticīvaraṃ parikkhāracoḷavasena adhiṭṭhahitvā paribhuñjato tasmiṃ naṭṭhe bahūnipi gahetuṃ labhati, na santaruttaraparama’’nti ca, tasmā taṃ vibhāganti ‘‘ticīvarikassa taṃ vibhāganti attho, na parikkhāracoḷikassā’’ti ca keci vadanti. Ācariyo pana ‘‘aññenāti aticīvarikena, aññathāti ito vuttaggahaṇaparicchedato aññenā’’ti ettakameva vadati. Aññathāti pana sace tīṇipi naṭṭhāni, santaruttaraparamaṃ gaṇhitabbaṃ, sace dve vā ekaṃ vā naṭṭhaṃ, tena ‘‘aññathāpī’’ti dassanatthaṃ vuttanti eke. Gaṇṭhipadesu vicāraṇā eva natthi, tasmā upaparikkhitvā gahetabbaṃ. Pakatiyā santaruttarena carati, sāsaṅkasikkhāpadavasena vā taṃsammutivasena vā tatiyassa alābhena vā.
526. ‘‘бамаан̣амзва ваддад̇ий’’д̇и саллзкад̣̇ассанад̇т̇ам̣ вуд̇д̇ам̣. д̇ам̣ мижчаа г̇ахзд̇ваа н̃аад̇агаад̣̇идтаанз д̇ад̣̇уд̇д̇ари г̇ан̣ханд̇асса аабад̇д̇ийд̇и жз? д̇ам̣ баал̣ияаа на самзд̇и, ‘‘анаабад̇д̇и н̃аад̇агаанам̣ баваарид̇аана’’нд̇и хи баал̣и. зд̇т̇а жа баваарид̇аа наама ажчиннагаалад̇о буб̣б̣з зва баваарид̇аа, на ажчиннагаалз. ‘‘абхихадтум̣ баваарзяяаа’’д̇и хи вуд̇д̇ам̣, д̇асмаа яо ажчиннагаалассад̇т̇ааяа баваарзд̇и, убхоби аббаваарид̇аа зваад̇и взд̣̇ид̇аб̣б̣аа. д̇з хи ажчиннагааран̣аа надтагааран̣аава д̣̇знд̇и наама. абижа яат̇аа бидтисамаяз сад̇уббаад̣̇ам̣ гад̇ваа н̃аад̇агабаваарид̇адтаанад̇о вассигасаадигам̣ нибпаад̣̇знд̇асса д̇зна сигкаабад̣̇зна ниссаг̇г̇ияам̣, д̇ат̇аа ид̇хааби н̃аад̇агабаваарид̇адтаанзби ажчиннанадтагааран̣аа на ваддад̇и, д̇асмаа ‘‘адтагат̇аасу бамаан̣амзва ваддад̇ий’д̇и вуд̇д̇аважанамзва бамаан̣а’’нд̇и д̇хаммасирид̇т̇зро ааха, д̇ам̣ аяуд̇д̇ам̣, гасмаа? яасмаа ид̣̇ам̣ сигкаабад̣̇ам̣ д̇ад̣̇уд̇д̇ари вин̃н̃аабзнд̇асса бан̃н̃ад̇д̇ам̣, д̇асмин̃жа ‘‘ан̃н̃аад̇аго г̇ахабад̇и ваа г̇ахабад̇ааний ваа’’д̇и маад̇игааяа баал̣и, вибхан̇г̇з жа ‘‘ан̃н̃аад̇аго наама маад̇ид̇о ваа…бз… асамб̣ад̣̇д̇хо’’д̇и баал̣и, анаабад̇д̇иваарз жа ‘‘н̃аад̇агаанам̣ баваарид̇аана’’нд̇и баал̣и, д̇асмаа д̇ивид̇хааяаби баал̣ияаа на самзд̇ийд̇и аяуд̇д̇амзва, д̇асмаа гзвалам̣ саллзкамзва санд̇хааяа вуд̇д̇анд̇и абарз. убари гаан̣амаад̇аасигкаабад̣̇з адтагат̇аасу бана ‘‘д̇зсамби баат̇зяяабахзн̣агад̇т̇ааяа бадияад̇д̇ад̇о бамаан̣амзва ваддад̇ий’’д̇и вуд̇д̇ам̣, на бана ‘‘баал̣ияаа на самзд̇ий’’д̇и вуд̇д̇ам̣, на д̇ад̇т̇а жа ид̇ха жа наанаагаран̣ам̣ бан̃н̃ааяад̇и , д̇асмаа т̇зрасса лад̣̇д̇хи сунд̣̇араа вияа мама кааяад̇и, виймам̣сид̇аб̣б̣ам̣. яасмаа банид̣̇ам̣ сигкаабад̣̇ам̣ ан̃н̃ассад̇т̇ааяа вин̃н̃аабанавад̇т̇усмим̣язва бан̃н̃ад̇д̇ам̣, д̇асмаа ид̇ха ‘‘ан̃н̃ассад̇т̇ааяаа’’д̇и на вуд̇д̇ам̣. ‘‘сзсам̣ уд̇д̇аанад̇т̇амзваа’’д̇и баато. ‘‘ан̃н̃ассад̇т̇ааяаа’’д̇и нид̣̇аанавирод̇хад̇о на вуд̇д̇ам̣. д̇ат̇ааби ананд̇арз вуд̇д̇анаязна лаб̣бхад̇ийд̇и аажарияо. зваруубзсу г̇ахабад̇ибадисам̣яуд̇д̇асигкаабад̣̇зсу гин̃жааби ‘‘г̇ахабад̇и наама яо гожи аг̇аарам̣ аж̇жхаавасад̇ий’’д̇и вуд̇д̇ам̣, д̇ат̇ааби бан̃жа сахад̇хаммигз табзд̇ваа авасзсаа жа сигкаабажжагкаад̇аго жа д̇ид̇т̇ияо жа взд̣̇ид̇аб̣б̣о.
526.‘‘Pamāṇamevavaṭṭatī’’ti sallekhadassanatthaṃ vuttaṃ. Taṃ micchā gahetvā ñātakādiṭṭhāne taduttari gaṇhantassa āpattīti ce? Taṃ pāḷiyā na sameti, ‘‘anāpatti ñātakānaṃ pavāritāna’’nti hi pāḷi. Ettha ca pavāritā nāma acchinnakālato pubbe eva pavāritā, na acchinnakāle. ‘‘Abhihaṭṭhuṃ pavāreyyā’’ti hi vuttaṃ, tasmā yo acchinnakālassatthāya pavāreti, ubhopi appavāritā evāti veditabbā. Te hi acchinnakāraṇā naṭṭhakāraṇāva denti nāma. Apica yathā piṭṭhisamaye satuppādaṃ katvā ñātakapavāritaṭṭhānato vassikasāṭikaṃ nipphādentassa tena sikkhāpadena nissaggiyaṃ, tathā idhāpi ñātakapavāritaṭṭhānepi acchinnanaṭṭhakāraṇā na vaṭṭati, tasmā ‘‘aṭṭhakathāsu pamāṇameva vaṭṭatī’ti vuttavacanameva pamāṇa’’nti dhammasiritthero āha, taṃ ayuttaṃ, kasmā? Yasmā idaṃ sikkhāpadaṃ taduttari viññāpentassa paññattaṃ, tasmiñca ‘‘aññātako gahapati vā gahapatānī vā’’ti mātikāya pāḷi, vibhaṅge ca ‘‘aññātako nāma mātito vā…pe… asambaddho’’ti pāḷi, anāpattivāre ca ‘‘ñātakānaṃ pavāritāna’’nti pāḷi, tasmā tividhāyapi pāḷiyā na sametīti ayuttameva, tasmā kevalaṃ sallekhameva sandhāya vuttanti apare. Upari kāṇamātāsikkhāpade aṭṭhakathāsu pana ‘‘tesampi pātheyyapaheṇakatthāya paṭiyattato pamāṇameva vaṭṭatī’’ti vuttaṃ, na pana ‘‘pāḷiyā na sametī’’ti vuttaṃ, na tattha ca idha ca nānākaraṇaṃ paññāyati , tasmā therassa laddhi sundarā viya mama khāyati, vīmaṃsitabbaṃ. Yasmā panidaṃ sikkhāpadaṃ aññassatthāya viññāpanavatthusmiṃyeva paññattaṃ, tasmā idha ‘‘aññassatthāyā’’ti na vuttaṃ. ‘‘Sesaṃ uttānatthamevā’’ti pāṭho. ‘‘Aññassatthāyā’’ti nidānavirodhato na vuttaṃ. Tathāpi anantare vuttanayena labbhatīti ācariyo. Evarūpesu gahapatipaṭisaṃyuttasikkhāpadesu kiñcāpi ‘‘gahapati nāma yo koci agāraṃ ajjhāvasatī’’ti vuttaṃ, tathāpi pañca sahadhammike ṭhapetvā avasesā ca sikkhāpaccakkhātako ca titthiyo ca veditabbo.
д̇ад̇уд̇д̇арисигкаабад̣̇аван̣н̣анаа нидтид̇аа.
Tatuttarisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. д̇ад̇уд̇д̇арисигкаабад̣̇ам̣ • 7. Tatuttarisikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. д̇ад̇уд̇д̇арисигкаабад̣̇аван̣н̣анаа • 7. Tatuttarisikkhāpadavaṇṇanā
